သတင်းစုံ ( ပေးပို့ သူ ဗမာသွေး ) ၁၉-၀၄-၂၀၁၁

၁ အာဆီယံ ဥက္ကဋ္ဌတာဝန်ယူဖို့ မြန်မာအစိုးရသစ် ကြိုးစား
၂ ဂျပန်နျူကလီးယားစက်ရုံမှာ ရေဒီယို သတ္တိကြွနှုန်းမြင့်
၃ ကျောက်ဖြူတွင် လှိုင်းကြောင့် စက်လှေများ နစ်မြုပ်
၎ နိုင်ငံရေး အကျဉ်းသား လွှတ်ပေးရေး ဒဂုန်တာရာနှင့် အော်ပီကျယ် ပန်ကြား
၅ KIO နှင့် အစိုးရကြား ကချင် ဓမ္မဆရာများ ကြားဝင်စေ့စပ်နေ
၆ လူထုအသံဖော်ထုတ်ရေး လှုပ်ရှားမှု စတင်
၇ မကျေနပ် သည့် တပ်များ ၊ ရန်ကုန်တိုင်း စစ်ဌာနချုပ် ကို ၀ိုင်းမည်
၈ ဗိုလ်ချုပ် တစ်ဦး ဦးဆောင်မှုဖြင့် မျိုးချစ် မြန်မာ့ တပ်မတော် ကွန်ယက် ဖွဲ့ စည်း

By ကိုကျော်ကျော်သိန်း တနင်္လာ, 18 ဧပြီ 2011

၂၀၁၄ ခုနှစ်မှာ အရှေ့တောင်အာရှနိုင်ငံများအဖွဲ့ (ASEAN) ရဲ့ အလှည့်ကျ ဥက္ကဋ္ဌအဖြစ် ထမ်းဆောင်ဖို့ မြန်မာအစိုးရက ကြိုးစားနေတယ်ဆိုတဲ့ သတင်းတွေ ထွက်လာပါတယ်။ မြန်မာအစိုးရဟာ ဒီမိုကရေစီ ပြုပြင်ပြောင်းလဲရေးကိစ္စ၊ အမျိုးသား ပြန်လည်သင့်မြတ်ရေးကိစ္စနဲ့ လူ့အခွင့်အရေး အခြေအနေတွေမှာ သိသာထင်ရှားတဲ့ တိုးတက်မှုတွေ မပြသေးဘဲနဲ့တော့ အာဆီယံ ဥက္ကဋ္ဌ မလုပ်သင့်သေးဘူးလို့ ဝေဖန်တာကလည်း ရှိပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်း ပေးပို့ထားပါတယ်။

မြန်မာနိုင်ငံအနေနဲ့ ၂၀၁၄ ခုနှစ်မှာ အာဆီယံ အလှည့်ကျဥက္ကဋ္ဌအဖြစ် တာဝန်ထမ်းဆောင်ဖို့ အဆင်သင့် ဖြစ်နေပြီလို့ မြန်မာ အစိုးရက အာဆီယံအတွင်းရေးမှူးအဖွဲ့ဆီကို စာနဲ့ တရားဝင် အကြောင်းကြားခဲ့တဲ့ အကြောင်း ဧပြီလ ၁၈ ရက်နေ့ ထိုင်းနိုင်ငံထုတ် The Nation သတင်းစာမှာ အာဆီယံရေးရာ ကျွမ်းကျင်သူ ထိုင်းသတင်းစာဆရာ က၀ိ ချွန်ကစ်တာဝန် (Kavi Chongkittavorn) က ဆောင်းပါးရှည်ကြီး တစောင် ရေးသားဖော်ပြခဲ့တာပါ။

ပြီးခဲ့တဲ့သီတင်းပတ်တွေအတွင်းက ထိုင်းနိုင်ငံ၊ ဘန်ကောက်မြို့တော်မှာကျင်းပခဲ့တဲ့ အာဆီယံ နိုင်ငံခြားရေး ၀န်ကြီးတွေရဲ့ အစည်းအဝေးအတွင်းမှာ မြန်မာနိုင်ငံသမ္မတ ဗိုလ်ချုပ်ကြီးဟောင်း ဦးသိန်းစိန်က စာနဲ့ အကြောင်းကြားခဲ့တာလို့ ဆောင်းပါးရှင်က ရေးသားထားပါတယ်။

ဒီလို အကြောင်းကြားခဲ့တယ်ဆိုတာကို မြန်မာအစိုးရဘက်ကရော၊ အာဆီယံဘက်ကပါ သီးခြားအတည်ပြုချက် တော့ မရသေးပါဘူး။

အခုလက်ရှိအချိန်မှာ မြန်မာနိုင်ငံအနေနဲ့ အာဆီယံအလှည့်ကျ ဥက္ကဋ္ဌအဖြစ် တာဝန်ထမ်းဆောင်ဖို့ သင့်လျော်တဲ့အချိန် မဟုတ်သေးဘူးလို့ ယူဆတဲ့အကြောင်း ပြောသူကတော့ မြန်မာ့အရေး အာဆီယံ လွှတ်တော်အမတ်များအဖွဲ့ (AIPMC) ရဲ့ ဒုတိယဥက္ကဋ္ဌတဦး ဖြစ်တဲ့ မလေးရှားအတိုက်အခံ Democratic Action Party က လွှတ်တော်အမတ် လင်မ် ကစ်တ် ဆန်း (Lim Kit Siang) ဖြစ်ပါတယ်။

“အခုလက်ရှိအချိန်မှာ မြန်မာအစိုးရဟာ အာဆီယံအလှည့်ကျ ဥက္ကဋ္ဌလုပ်ဖို့ရာ ဒီမိုကရေစီပြုပြင်ပြောင်းလဲရေး၊ အမျိုးသား ပြန်လည်သင့်မြတ်ရေးနဲ့ လူ့အခွင့်အရေး မှတ်တမ်းတွေမှာ ကျေနပ်လောက်ဖွယ် တိုးတက်မှုတွေ မရှိသေးဘူးလို့ ကျနော်ထင်ပါတယ်။ ရွေးကောက်ပွဲတွေ ကျင်းပခဲ့တယ်ဆိုပေမဲ့ လွတ်လပ်ပြီး တရားမျှတမှု မရှိဘူးလို့ နိုင်ငံတကာက ကျယ်ကျယ်ပြန့်ပြန့်် ဝေဖန်ထားတာပါ။ ဒါကြောင့် အာဆီယံဥက္ကဋ္ဌလုပ်ဖို့အတွက် မြန်မာအစိုးရဟာ ဒီမိုကရေစီပြုပြင်ပြောင်းလဲရေးနဲ့ အမျိုးသား ပြန်လည် သင့်မြတ်ရေးတွေမှာ သိသာထင်ရှားတဲ့ တိုးတက်မှုတွေရအောင် အရင်လုပ်သင့်ပါတယ်။” - လို့ မလေးရှား လွှတ်တော်အမတ် မစ္စတာ လင်မ် ကစ်တ် ဆန်းက ပြောပါတယ်။

၂၀၀၄ ခုနှစ်၊ နိုဝင်ဘာလက လာအိုနိုင်ငံ၊ ဗီယန်ကျင်းမြို့မှာကျင်းပခဲ့တဲ့ အာဆီယံ ထိပ်သီးအစည်းအဝေး အတွင်း မြန်မာနိုင်ငံဟာ အာဆီယံအလှည့်ကျဥက္ကဋ္ဌတာဝန်ကို မယူတော့ဘူးဆိုပြီး အလှည့်ကျော် ပေးခဲ့ပါတယ်။ အဲဒီအချိန်တုန်းက AIPMC အပါအ၀င် မြန်မာနိုင်ငံ လူ့အခွင့်အရေးနဲ့ ဒီမိုကရေစီရေး လှုပ်ရှားတဲ့အဖွဲ့တွေက ၀ိုင်းပြီး ကန့်ကွက်ခဲ့ကြသလို အာဆီယံအဖွဲ့ဝင်နိုင်ငံတွေ ကိုယ်နှိုက်ကလည်း ဖိအားပေးခဲ့တာတွေရှိပါတယ်။

မြန်မာအစိုးရက အခြေအနေတွေ တိုးတက်မှုရှိနေပါပြီလို့ ပြောကောင်းပြောပေမဲ့ လက်တွေ့အခြေအနေက ဘာ တိုးတက်မှုမှ မရှိသေးတဲ့အပြင် ပိုဆိုးတာတွေတောင်မှ ဖြစ်နေတုန်းပဲမို့လို့ ၂၀၁၄ မှာ အာဆီယံ အလှည့်ကျဥက္ကဋ္ဌလုပ်ဖို့ အဆင်သင့်မဖြစ်သေးဘူး ဆိုတာကို ဒေသတွင်း မြန်မာ့အရေး ပူးပေါင်း ဆောင်ရွက်သူများ အဖွဲ့က လုပ်ငန်းညှိနှိုင်းရေးမှူး မခင်ဥမ္မာကလည်း သဘောတူပါတယ်။

“ရွေးကောက်ပွဲလွန်ကာလ အခြေအနေက ဘာမှပြောင်းလဲမှုမရှိဘူး။ လူ့အခွင့်အရေး ကိစ္စတွေမှာဆိုရင် ပိုတောင်မှ အခြေအနေ ဆိုးရွားမှုတွေ ကြုံနေရတယ်။ ဆိုတော့ အာဆီယံ တခြားနိုင်ငံတွေ အနေနဲ့ရော၊ နိုင်ငံတကာ အသိုင်းအ၀ိုင်းရော၊ ကုသလမဂ္ဂရော မြန်မာနိုင်ငံရဲ့ အခြေအနေကို ကြည့်လိုက်တဲ့အခါမှာ -

(၁) အာဏာပိုင်တွေကနေ လူ့အခွင့်အရေး ချိုးဖောက်မှုတွေ ရပ်တန့်မှုရှိလားလို့ ကြည့်တဲ့အခါမှာ လူ့အခွင့်အရေး ချိုးဖောက်မှုတွေ ဘာမှမရပ်တန့်သေးဘူး။ လူ့အခွင့်အရေး ကောင်းမွန်လာဖို့ တိုးတက်လာဖို့အတွက် အခု ၂၀၁၀ ရွေးကောက်ပွဲအလွန် ရှိလာတဲ့ ဗိုလ်ချုပ်သိန်းစိန် အစိုးရက ဘာတွေ လုပ်နေပြီလဲလို့ ကြည့်တဲ့အခါမှာလည်း ဘာမှမလုပ်နေသေးဘူး။ နိုင်ငံရေးအကျဉ်းသားတွေ မလွှတ်သေးဘူး။ အထူးသဖြင့်တော့ အမျိုးသား ပြန်လည် ရင်ကြားစေ့ရေး တွေ့ဆုံဆွေးနွေးပွဲတွေ လုပ်နေလားလို့ ကြည့်တဲ့အခါမှာလဲ ဒါတွေကို လုပ်ဖို့အတွက် ဆန္ဒရှိတယ် ဆိုတဲ့ အခြေအနေကိုတောင် ကျမတို့ အရိပ်အယောင် မတွေ့ရသေးဘူး။ ဆိုတော့ ဒါတွေကို ကြည့်လိုက်တဲ့အခါမှာ ၂၀၁၄ မှာ မြန်မာနိုင်ငံက အာဆီယံဥက္ကဋ္ဌ နေရာကိုယူဖို့ဆိုတာ ဘယ်လိုမှ အဆင်သင့် မဖြစ်နေသေးဘူးလို့ပဲ ကျမတို့မြင်တယ်။”

လူ့အခွင့်အရေးမှတ်တမ်းအပါအ၀င် တခြား သိသာထင်ရှားတဲ့ တိုးတက်မှုတွေမရှိဘဲ အာဆီယံဥက္ကဋ္ဌ လုပ်မယ်ဆိုရင် ဒါဟာ အာဆီယံအဖွဲ့အတွက် အစွန်းအထင်းတခုဖြစ်သွားလိမ့်မယ်လို့ မလေးရှား လွှတ်တော်အမတ် မစ္စတာ လင်မ် ကစ်တ် ဆန်းက သတိပေးပါတယ်။

ဒါ့အပြင် လက်ရှိ မြန်မာနိုင်ငံအခြေအနေအရဆိုရင် မြန်မာအစိုးရက အာဆီယံဥက္ကဋ္ဌအဖြစ် ကမကထပြုပြီး ကျင်းပမယ့် အစည်းအဝေးအမျိုးမျိုးကို အမေရိကန်၊ ဥရောပသမဂ္ဂ၊ ကနေဒါ၊ သြစတြေးလျ၊ နယူးဇီလန် စတဲ့နိုင်ငံတွေက ခေါင်းဆောင်တွေ သွားတက်ဖို့ဆိုတာ မှန်မှန်ကန်ကန် စဉ်းစားတတ်တဲ့ ဘယ်သူကမှ မျှော်လင့်မှာ မဟုတ်ဘူးလို့လည်း The Nation သတင်းစာမှာ ဆောင်းပါးရှင် က၀ိ ချွန်ကစ်တာဝန်က ရေးသားထားပါတယ်။

ဂျပန်နျူကလီးယားစက်ရုံမှာ ရေဒီယို သတ္တိကြွနှုန်းမြင့်

တနင်္လာ, 18 ဧပြီ 2011

ဂျပန်မှာ ထိခိုက်ပျက်စီးနေတဲ့ ဖူကူရှီးမား (Fukushima) နျူကလီးယား ဓါတ်အားပေးစက်ရုံထဲက ဓါတ်ပေါင်းဖိုတွေရှိရာ အဆောက်အဦးတွေထဲမှာ ဓါတ်ရောင်ခြည်ပမာဏဟာ အတော်လေး အန္တရာယ်ရှိနေတဲ့အတွက် လူတွေ ဓါတ်ပေါင်းဖိုထဲဝင်ပြီး အချိန်ယူပြင်ဆင်ဖို့ မဖြစ်နိုင်ဘူးလို့ ဂျပန် နျူကလီးယားဆိုင်ရာ တာဝန်ရှိသူတွေက ပြောပါတယ်။

ဓါတ်ပေါင်းဖိုအမှတ် (၁) နဲ့ (၃) ရှိရာ အဆောက်အဦးတွေထဲကို စက်ရုပ်လွှတ်ပြီး တနင်္ဂနွေနေ့က တိုင်းတာ ခဲ့တာမှာ အလုပ်သမားတယောက်အနေနဲ့ ၄ နာရီခွဲအတွင်းမှာကို လူတယောက်လက်ခံသင့်တဲ့ အမြင့်ဆုံး ဓါတ်ရောင်ခြည်ပမာဏ သင့်နိုင်တာကို တိုင်းတာတွေ့ခဲ့ကြပါတယ်။ ဒီတိုင်းတာမှု ထွက်ပေါ်လာပြီးနောက် တာဝန်ရှိသူတွေက ခုလို ပြောကြားခဲ့တာ ဖြစ်ပါတယ်။

တိုင်းတာရရှိတဲ့ ဓါတ်ရောင်ခြည် ကိန်းဂဏန်းတွေကို လေ့လာပြီး စက်ရုံထဲမှာ ဘယ်လို ပြင်ဆင်မှုတွေလုပ်မလဲ ဆိုတာကို ဆုံးဖြတ်မယ်လို့ စက်ရုံပိုင် တိုကျို အီလက်ထရောနစ် (Tokyo Electric) ဓါတ်အားပေး ကုမ္ပဏီက ပြောပါတယ်။ ၆ လ ကနေ ၉ လအတွင်း စက်ရုံထဲက ဓါတ်ပေါင်းဖို ၆ ခုလုံးကို အန္တရာယ်ကင်းကင်းနဲ့ ပိတ်နိုင်အောင်ကြိုးစားမယ့် သူတို့ရဲ့ ရည်မှန်းချက်ကိုတော့ ထိခိုက်မှာ မဟုတ်ပါဘူးလို့ ကုမ္ပဏီကပြောပါတယ်။

ဓါတ်ပေါင်းဖိုတွေ ပိတ်နိုင်ဖို့အရေးကို အစိုးရကလဲ အတတ်နိုင်ဆုံး ကူညီသွားမယ်လို့ ဝန်ကြီးချုပ် နာအိုတိုခန်က ဒီကနေ့ လွှတ်တော်မှာ ပြောကြားခဲ့ပါတယ်။ အမေရိကန်ကပေးတဲ့ စက်ရုပ် ၂ ရုပ်ကို အဝေးထိန်းခလုပ်နဲ့ တနင်္ဂနွေနေ့က စက်ရုံထဲကို လွှတ်ပြီး စက်ရုံထဲကအပူချိန်၊ ဓါတ်ရောင်ခြည်ပမာဏနဲ့ အောက်စီဂျင် ပမာဏတွေကို တိုင်းတာခဲ့တာဖြစ်ပါတယ်။


ကျောက်ဖြူတွင် လှိုင်းကြောင့် စက်လှေများ နစ်မြုပ်
သဲသဲ | တနင်္လာနေ့၊ ဧပြီလ ၁၈ ရက် ၂၀၁၁ ခုနှစ် ၂၀ နာရီ ၂၀ မိနစ်



နယူးဒေလီ (မဇ္ဈိမ)။ ။ ပင်လယ်လှိုင်းလုံးကြီးများ တနင်္ဂနွေနေ့ ညပိုင်းတွင် ရုတ်တရက် ရိုက်ခတ်လာသဖြင့် ရခိုင်ပြည်နယ် ကျောက်ဖြူမြို့ အနီး ဇင်ချောင်းကျေးရွာရှိ ပင်လယ် ငါးဖမ်းစက်လှေ ၂ဝ ခန့် နစ်မြုပ်ပျက်စီးကြာင်း ရခိုင်တိုင်းရင်းသားများ တိုးတက်ရေးပါတီ RNDP အဆိုအရ သိရသည်။

ရာသီဥတု သာယာလျက်ရှိရာမှ ကျောက်ဖြူတောင်ဘက် ၂၈ မိုင်ခန့်အကွာ ဇင်းချောင်းကျေးရွာ၌ ဧပြီလ ၁၇ ရက်နေ့ ည ၈ နာရီခန့်တွင် ရုတ်တရက် ပင်လယ်လှိုင်းများ မြင့်တက်လာသောကြောင့် ကမ်းခြေတွင် ကျောက်ချ ထားသည့် ငါးဖမ်းစက်လှေ အစီး ၂ဝ ခန့် နစ်မြုပ်ပျက်စီးခဲ့ရခြင်း ဖြစ်သည်။

“လေမတိုက်ဘူး၊ ဆိုင်းမဆင့် ဗုံမဆင့် လှိုင်းတွေကြီးလာပြီး စက်လှေတွေ မြုပ်ကုန်တာ။ သူတို့ပြောတော့ ဂီရီမုန်တိုင်းက လှိုင်းတွေထက် ကြီးတယ်တဲ့။ ထူးဆန်းတာက အဲဒီရွာနဲ့ ၇ မိုင်လောက်ဝေးတဲ့ ရွာတွေကို မေးတော့ သူတို့ဘက်မှာ ဘာမှမဖြစ်ဘူး။ ဇင်ချောင်းတရွာပဲ။ လှိုင်းက လူတရပ်ကျော်တယ်တဲ့” ဟု RNDP မှ ပြည်သူ့လွှတ်တော် အမတ်ဖြစ်သူ ကျောက်ဖြူမြို့ခံ ဦးဘရှိန်က မဇ္ဈိမကို ပြောသည်။

သူက ဆက်ပြီး “ရွာက ပင်လယ်ကို ခါးပန်းတင်ထားတာ။ ကမ်းစပ်နဲ့ ပေ ၃ဝ လောက် ဝေးတယ်။ အိမ်တွေအထိ လှိုင်းတွေ လာစင်တော့ သူတို့က လန့်နေကြတာပေါ့။ သင်္ကြန်တွင်း လှေမထွက်ဘဲ နားထားလို့ လူမသေတာ။ ထူးထူးဆန်းဆန်း ဒါမျိုး အခုမှ ကြားဘူးတယ်” ဟု ပြောသည်။ စက်လှေ ၆ စီးမှာ သုံးမရသည်အထိ ပျက်စီးသွားပြီး၊ တနင်္လာနေ့ မနက်အထိ ပင်လယ်လှိုင်း ထန်သေးသောကြောင့် ကျန်ရှိ စက်လှေများအား ဆယ်ယူနိုင်ခြင်း မရှိသေးဟု ဆိုသည်။

၂၅ ပေခန့် ရှည်လျားကာ မြင်းကောင်ရေ ၂ဝ အားရှိ စက်များ တပ်ဆင်ထားသည့် ငါးဖမ်းစက်လှေများ ဖြစ်ကြပြီး၊ ငါးဖမ်းပိုက် အပါအဝင် ကာလတန်ဖိုးမှာ တစီးလျှင် ကျပ် သိန်း ၂ဝ ခန့် ပေါက်ဈေးရှိသည်။

အိမ်ခြေ ၁ဝဝဝ ကျော်ရှိ ဇင်ချောင်းရွာသည် အနောက်ဘက်တွင် ဘင်္ဂလားပယ်လယ်နှင့် အရှေ့ဘက်တွင် ပင်လယ်ကွေ့ငယ်က ဝန်းရံထားပြီး၊ ရွာခံများမှာ ငါးဖမ်းလုပ်ငန်း လုပ်ကိုင်ကြသည်။

ရာသီဥတု သာယာနေဆဲမှာပင် ပင်လယ်လှိုင်းလုံးများ ရုတ်တရက် မြင့်တက်လာခြင်းမှာ ရခိုင်ဒေသအနီး ဘင်္ဂလားပင်လယ် ရေအောက် ကြမ်းပြင် မြေပြိုခြင်းကြောင့် ဖြစ်နိုင်ကြောင်း မိုး/ဇလ ပညာရှင် ဒေါက်တာထွန်းလွင်က ဒေါက်တာထွန်းလွင်က မဇ္ဈိမကို ပြောသည်။

“ကျနော်မသိသေးတော့ အတိအကျတော့ မပြောနိုင်ဘူး။ ခန့်မှန်းပြီးပြောရရင် TOTAL ရေနံကုမ္ပဏီက အဲဒီဒေသကို ဆာဗေးလုပ်ထားတာ ကျနော် ဖတ်ရတယ်။ ရခိုင်ဘက်က ဘင်္ဂလားပင်လယ်မှာ ရေအောက်ကြမ်းပြင်တွေ မြေပြိုတတ်တယ်လို့ ဆိုတယ်။ ဆူနာမီလည်း မရှိ၊ မုန်တိုင်းလည်း မဝင်ဘဲ ဖြစ်တယ်ဆိုတော့ ဒါက ဖြစ်နိုင်ခြေ များတယ်” ဟု သူက ဆိုသည်။

သူက ဆက်ပြီး “ကျနော်ကြည့်ထားတာက အဲဒီဘက်မှာ မိုးလေဝသသဘောအရ ဘာမှမရှိဘူး၊ နေရာကွက်ပြီး လှိုင်းကြီးတယ်ဆိုတော့ ထူးခြားတယ်၊ မိုးလေဝသဆိုတာ ခန့်မှန်းလို့ရတယ်။ ရေအောက်ကြမ်းပြင် မြေပြိုတာတွေက ကြိုပြီး သိဖို့ မလွယ်ဘူး” ဟု ဆိုသည်။

၂ဝ၁ဝ ခုနှစ် အောက်တိုဘာလ ၂၂ ရက်နေ့တွင် ရခိုင်ကမ်းရိုးတန်းဒေသ ၇ မြို့နယ်ကို ဂီရီဆိုင်ကလုန်း တိုက်ခတ်ခဲ့သဖြင့် မြေပုံ၊ ကျောက်ဖြူ၊ ပေါက်တောနှင့် မင်းပြားမြို့နယ်များမှာ အများဆုံး အထိအခိုက်နှင့် သေဆုံးမှုများ ဖြစ်ပေါ်ခဲ့သည်။

လူပေါင်း ၂ သိန်းခန့် ဂီရိမုန်တိုင်းသင့်ခံရပြီး၊ ၄၅ ဦး သေဆုံးကာ၊ ၄၉ ဦး ဒဏ်ရာရရှိပြီး၊ ၁ဝ ဦး ပျောက်ဆုံးခဲ့ရကြောင်းနှင့် ကျပ်ငွေ ၁၈ ဘီလီယံ (သန်း ၁၈ဝဝဝဝ) ဆုံးရှုံးခဲ့ကြောင်း ရန်ကုန်ရှိ ကုလသမဂ္ဂရုံးက ထုတ်ပြန်ခဲ့သည်။


နိူင်ငံရေး အကျဉ်းသား လွှတ်ပေးရေး ဒဂုန်တာရာနှင့် အော်ပီကျယ် ပန်ကြား
မျိုးသန့် | တနင်္လာနေ့၊ ဧပြီလ ၁၈ ရက် ၂၀၁၁ ခုနှစ် ၂၀ နာရီ ၁၇ မိနစ်


ချင်းမိုင် ။ ။ မြန်မာနိုင်ငံ၏ အသက်ကြီးဆုံး စာရေးဆရာ အသက် ၉၂ နှစ်ရွယ် ဒဂုန်တာရာက ဦးသိန်းစိန် ဦးဆောင်သည့် အစိုးရသစ်ကို နိုင်ငံရေး အကျဉ်းသားများ ပြန်လွှတ်ပေးရေး တနင်္လာနေ့က တိုက်တွန်းလိုက်သည်။

“ဒီလူတွေက အနာဂတ် မြန်မာနိုင်ငံတော်ကို ဖွဲ့စည်း တည်ထောင်ရမယ်လူတွေပဲဗျ အလကားလူတွေမဟုတ်ဘူး၊ အပြစ်မရှိတဲ့လူတွေ လွှတ်ဖို့ကောင်းပြီဗျာ၊ နှစ်တွေကလည်း ကြာလှပြီ၊ အဲဒါကိုတော့ လေးလေး နက်နက် ပြောချင်တယ်၊ အဲဒီလူတွေဟာ ထောင်ထဲမှာ ရှိဖို့ မကောင်းတဲ့ လူတွေပဲ။ အဲဒီလူတွေကိုတော့ လွတ်ငြိမ်းချမ်းသာခွင့် ပေးဖို့ကောင်းပြီ၊ ဒါ ကျနော် လေးလေးနက်နက် ပြောချင်တာပဲ။ အကယ်၍ ကျနော့်စကားကို နားထောင်မယ်ဆိုရင်ပေါ့ဗျာ။ အထူးသဖြင့် တောင်းပန်ချင်တာပါပဲ” ဟု ဆရာကြီးဒဂုန်တာရာက မဇ္ဈိမကို ပြောသည်။

နိုင်ငံရေး အကျဉ်းသားများ လွှတ်ပေးရေးအတွက် မတ်လတွင် ကျင်းပသည့် လွှတ်တော်တွင် လွှတ်တော်အမတ်များ အဆိုပြုတင်သွင်းမှုများ ရှိခဲ့သေးသည်။ သို့သော် ထိုအဆိုပြုမှုမှာ လွှတ်တော်တွင်း မဆွေးနွေးမီ ပြည်ပမီဒီယာများသို့ ပေါက်ကြားခဲ့သည်ဆိုသည့် အကြောင်းပြချက်ဖြင့် အမျိုးသားလွှတ်တော်ဥက္ကဋ္ဌ ဦးခင်အောင်မြင့်က ပယ်ဖျက်ခဲ့သည်။

လွှတ်တော်တွင်း ဆွေးနွေးမှုများသည် ပြည်သူလူထုဆန္ဒကို ကိုယ်စားပြုပြီး နိုင်ငံရေး အကျဉ်းသားများကို လွှတ်ပေးသင့်ကြောင်းလည်း အစိုးရသစ်ကို ဆရာဒဂုန်တာရာက တိုက်တွန်းသည်။

“လွှတ်တော်ကတော့ တရားတယ် မတရားတယ် ကျနော် မပြောလိုဘူး၊ အခု လွှတ်တော် ရှိလာပြီဆိုတော့ လွှတ်တော်က ပြည်သူတွေရဲ့ အသံကို ဖမ်းလို့ရမယ်၊ ကလေးတွေကို လွှတ်ပေးပါ၊ သူတို့ဟာ အနာဂတ်ကို ပိုင်တဲ့လူတွေဗျ။ ကျနော် တောင်းပန်ချင်ပါတယ်” ဟုသူကဆိုသည်။

ဆရာဒဂုန်တာရာသည် ၁၉၅၂ က ဆရာကြီး သခင်ကိုယ်တော်မှိုင်း ဦးဆောင်သည့် ကမ္ဘာ့ငြိမ်းချမ်းရေးကွန်ဂရက် (မြန်မာနိုင်ငံ)၏ ဒုတိယ ဥက္ကဋ္ဌ တာဝန်ထမ်းဆောင်ခဲ့သည်။ ထို့အပြင် မြန်မာနိုင်ငံစာရေးဆရာအသင်း ဥက္ကဋ္ဌ၊ မြန်မာနိုင်ငံ ကဗျာဆရာ သမဂ္ဂဥက္ကဋ္ဌ တာဝန်များကိုလည်း ထမ်းဆောင်ခဲ့သည်။ ဆရာဒဂုန်တာရာသည် “စာပေသည် ပြည်သူ့အတွက်”ဟူသည့် ကြွေးကြော်သံဖြင့် ထင်ရှားသည့် ဒုတိယကမ္ဘာစစ်ပြီးစ စာပေသစ်လှုပ်ရှားမှုခေါင်းဆောင်၊ တာရာမဂ္ဂဇင်းပိုင်ရှင် အယ်ဒီတာအဖြစ် အထူးထင်ရှားသည်။

အမျိုးသားဒီမိုကရေစီအဖွဲ့ချုပ်ကလည်း နိုင်ငံရေး အကျဉ်းသား ၆၅ဝ ကို လစဉ် ကျပ် ၅,ဝဝဝ နှုန်း ထောက်ပံ့ပေးနေသည်။

နိုင်ငံရေး အကျဉ်းသားများကို ကူညီမှုများပေးနေသည့် NLD လူမှုအထောက်အကူပြုအဖွဲ့မှ ဦးနိုင်းနိုင်းကလည်း နိုင်ငံရေး အကျဉ်းသားများသည် ဒီမိုကရေစီနှင့် လူ့အခွင့်အရေး ကြိုးပမ်းရင်း အကျဉ်းကျခံရသူများဖြစ်၍ နိုင်ငံရေး အကျဉ်းသားများ မရှိသင့်ကြောင်း ဆိုသည်။ ထို့ပြင် ယခု ပြောင်းလဲလိုက်သည့် အစိုးရသစ်သည် နိုင်ငံရေးအကျဉ်းသားများနှင့် ပတ်သက်၍ ဟန်ပြ လိုက်လျောမှုမျိုးပင် မရှိသေးကြောင်း ဝေဖန်လိုက်သည်။

“အခု သူတို့ အာဏာကို လွှဲပါတယ် ဆိုပြီးတော့ လူမြင်သူမြင်အောင်လုပ်တဲ့ အချိန်မှာဆိုရင်လဲ ဟန်ပြလောက် လုပ်ပြမယ် ထင်တာပေါ့လေ။ ဒါပေမဲ့ ဟန်ပြလေးတောင် မလုပ်ဘူး၊ စိတ်မကောင်းစရာပဲ” ဟုသူကဆိုသည်။

မြန်မာနိုင်ငံ၏ ထင်ရှားသည့် ကာတွန်းဆရာတဦးဖြစ်သူ ဆရာအော်ပီကျယ်ကလည်း နိုင်ငံရေး အကျဉ်းသားများ ယင်းတို့ အယူအဆ ခံယူချက်များကို ဖော်ထုတ်ပြသခြင်းကြောင့် အဖမ်းခံရနေပြီး ထိုအဖြစ်မျိုး မဖြစ်သင့်ဟု သုံးသပ်သည်။

“ဒီဟာတွေက ဖမ်းရမယ့်ကိစ္စ ထောင်ထဲနေရမယ့် ကိစ္စမှ မဟုတ်တာဗျာ သူတို့ တွေက ဖျက်လိုဖျက်ဆီး လုပ်တဲ့သူတွေလည်း မဟုတ်ပါဘူး၊ ကိုယ့်အယူအဆနဲ့ကိုယ် နေတဲ့သူတွေပဲဗျာ၊ လွှတ်ကိုလွှတ်ပေးသင့်တာပေါ့ဗျာ” ဟုဆိုသည်။

နိုင်ငံသမ္မတ ဦးသိန်းစိန်၏ မတ်လ ၃ဝ ရက်နေ့ ကျမ်းကျိန်အပြီး မိန့်ခွန်းတွင် ငြိမ်းရေးခြင်း၊ တရားမျှတခြင်းစသည့် လောကပါလတရားများ ဖော်ဆောင်သွားမည်ဟု ပါရှိသည်။ ထိုလောကပါလ တရားများကို သမ္မတက ဖော်ဆောင်သွားရန်လိုအပ်ပြီး တိုင်းပြည်ကို တိုးတက်ချင်ပါက နိုင်ငံရေး အကျဉ်းသားများ လွှတ်ပေးသင့်ကြောင်း အမျိုးသား ဒီမိုကရေစီ အင်အားစုပါတီမှ နိုင်ငံရေးဦးဆောင် အဖွဲ့ဝင် ဦးခင်မောင်ဆွေက ဆိုသည်။

“နိုင်ငံရေး အကျဉ်းသားတွေမှာ ကောင်းမွန်တဲ့ စိတ်ကူး စိတ်သန်းတွေရှိတယ်၊ တိုင်းပြည် ဖွံ့ဖြိုးတိုးတက်စေချင်လို့ ထောင်ထဲရောက်နေကြတာကိုး။ သူတို့သာ လွတ်လာပြီး ဒီမိုကရေစီ လူ့အဖွဲ့အစည်းထဲမှာ ပါလာမယ်ဆိုရင် တိုင်းပြည်ကို ဖွံ့ဖြိုးတိုးတက်အောင် ဆောင်ရွက်လာနိုင်မယ်ဆိုတာ ငြင်းလို့မရပါဘူး။ ဒါကြောင့် ဒီလူတွေကို ပစ်ပယ်ပြီး ထောင်ထဲမှာ သိမ်းမထားသင့်ပါဘူး” ဟုဆိုသည်။

နိုင်ငံရေး အကျဉ်းသားများ စောင့်ရှောက်ရေး မြန်မာနိုင်ငံ AAPP(B) ၏ ယခုလထုတ် စာရင်းများအရ မြန်မာနိုင်ငံ၏ အကျဉ်းထောင်များတွင် နိုင်ငံရေး အကျဉ်းသားပေါင်း ၂ဝ၇၃ ယောက် ရှိနေသည်။


KIO နှင့် အစိုးရကြား ကချင် ဓမ္မဆရာများ ကြားဝင်စေ့စပ်နေ
2011-04-18 RFA

ကချင်လွတ်မြောက်ရေးအဖွဲ့ KIO နဲ့ အစိုးရကြား တင်းမာနေတဲ့ အခြေအနေကို ကချင် ခရစ်ယာန် ဓမ္မဆရာတွေက ကြားဝင် စေ့စပ်နေတယ်လို့ စုံစမ်းသိရှိရပါတယ်။ စေ့စပ်ရေးမှာ ဦးစီး ဆောင်ရွက်နေသူကတော့ ကချင် နှစ်ချင်း ခရစ်ယာန်အဖွဲ့ အထွေထွေ အတွင်းရေးမှူးဟောင်း ဒေါက်တာဆဘွဲဂျွမ် ဖြစ်ပါတယ်။ ဒေါက်တာ ဆဘွဲဂျွမ်ဟာ ၁၉၉၄ ခုနှစ် KIO အဖွဲ့နဲ့ စစ်အစိုးရ ငြိမ်းချမ်းရေး ယူခဲ့တဲ့အချိန်ကလည်း စေ့စပ် ဆောင်ရွက်ပေးခဲ့သူ ဖြစ်ပါတယ်။

အဲဒီနောက် နယ်ခြားစောင့်တပ် ဖွဲ့စည်းရေးနဲ့ ပတ်သက်ပြီး စစ်အစိုးရရနဲ့ KIO အဖွဲ့ ဆက်ဆံရေး ပျက်ပြား တင်းမာလာတဲ့ အခြေအနေကို ပြန်လည် ကောင်းမွန်လာရေးအတွက် ၂၀၁၀ ခုနှစ် သြဂုတ်လ ၂၂ ရက်နေ့ က စလို့ ဒေါက်တာ ဆဘွဲဂျွမ်နဲ့ အဖွဲ့က ကြိုပမ်းခဲ့တယ်လို့ သိရပါတယ်။

သူတို့အဖွဲ့ဟာ KIO ဒုတိယဥက္ကဋ္ဌ ဒု-ဗိုလ်ချုပ်ကြီး အင်ဘန်လအောင် ၊ KIA စစ်ဦးစီးချုပ် ဗိုလ်ချုပ်ကြီး ဂေါ်ရီဇော်ဆိုင်းတို့နဲ့ ဖေဖော်ဝါရီလ ၅ ရက်နေ့က ထိုင်းနိုင်ငံ ချင်းမိုင်မြို့မှာ တွေ့ဆုံခဲ့ပါတယ်။ ဒီကိစ္စနဲ့ ပတ်သက်ပြီး KIO အဖွဲ့ကို မေးမြန်းတဲ့အခါမှာ တွေ့ဆုံကြောင်း အတည်ပြု ပြောဆိုပေမဲ့၊ ပုဂ္ဂိုလ်ရေးအရ တွေ့ဆုံတာ ဖြစ်တယ်လို့ ဆိုပါတယ်။

KIO ထိပ်တန်း အရာရှိတဦးက အခုလိုပြောပါတယ်၊

“တော်လှန်ရေးနေ့တုန်းက ချင်းမိုင်မှာ တွေ့ကြတယ်။ ဒါပေမဲ့ သူတို့ ဟိုဟာပါ၊ ဒီ ပုဂ္ဂိုလ်ရေး ရင်းနှီးမှုနဲ့ တွေ့တာပဲ ဖြစ်ပါလိမ့်မယ်။ နောက်ပြီး သူတို့က ဒီကနေ ဗဟိုကနေပြီးတော့ ဘာတွေ ပြောပါ၊ သူနဲ့ တွေ့ပါ ဆိုပြီးတော့ ဗိုလ်ချုပ် ဇော်ဆိုင်းကို တာဝန်ပေးတာမျိုး မရှိဘူး။”

တွေ့ဆုံပွဲမှာ ဆွေးနွေးခဲ့တဲ့ အကြောင်းအရာတွေကိုတော့ KIO အရာရှိက ပြောဆိုဖို့ ငြင်းဆိုပါတယ်။ KIO အဖွဲ့ အနေနဲ့ ငြိမ်းချမ်းရေးကို လိုလားပြီး ပြဿနာပြေလည်ဖို့ ဆွေးနွေး အဖြေရှာတဲ့ မူကို လက်ခံပေမဲ့ တိုင်းရင်းသားအရေးကို တဖွဲ့ချင်း ဆွေးနွေးတာထက်၊ တိုင်းရင်းသားအားလုံးပါဝင် ဆွေးနွေးတာမျိုးကို လက်ခံတယ်လို့ ပြောဆိုပါတယ်။

စစ်အစိုးရ အဆိုပြုထားတဲ့ နယ်ခြားစောင့်တပ် BGF ဖွဲ့စည်းရေးကို ငြင်းဆန်နေတဲ့ KIO အဖွဲ့ကို ပြီးခဲ့တဲ့ အောက်တိုဘာ ၁၅ ရက်နေ့ထုတ် စစ်အစိုးရ သတင်းမီဒီယာတွေမှာ သောင်းကျန်းသူအဖွဲ့ အဖြစ် အမည်တပ် ဖော်ပြခဲ့ပါတယ်။

KIO နဲ့ အစိုးရကြား စေ့စပ်နေတဲ့ကိစ္စနဲ့ ပတ်သက်ပြီး RFA မှ ဦးတင်အောင်ခိုင်က KIO အဖွဲ့ကို ဆက်သွယ် မေးမြန်းခဲ့ပါတယ်။


လူထုအသံဖော်ထုတ်ရေး လှုပ်ရှားမှု စတင်
2011-04-18 RFA

နိုင်ငံရေးအကျဉ်းသား အားလုံး လွတ်မြောက်ရေး၊ တွေ့ဆုံ ဆွေးနွေးရေးနဲ့ ပြည်တွင်းစစ် ရပ်စဲရေးတွေအတွက် လူထုအသံ ဖော်ထုတ်ဖို့ လူငယ်ကွန်ရက် အဖွဲ့တွေက လက်မှတ်ရေးထိုး တောင်းဆိုတဲ့ လှုပ်ရှားမှုတခု စတင်နေပြီလို့ သတင်းရရှိပါတယ်။

၂ဝဝ၉ ခုနှစ် စက်တင်ဘာလ ၂၇ ရက်နေ့က ရန်ကုန်ဌာနချုပ်ရုံးတွင် ပြုလုပ်သော အမျိုးသားဒီမိုကရေစီအဖွဲ့ချုပ် ဖွဲ့စည်းတည်ထောင်ခြင်း ၂၁ နှစ်မြောက် အခမ်းအနားတွင် လက်ချင်းချိတ်ဆက်ထားသော NLD အဖွဲ့ဝင်များ ဖြစ်ပါသည်။

ဒီကိစ္စနဲ့ ပတ်သက်လို့ ဦးဆောင် လှုပ်ရှားသူတဦးဖြစ်တဲ့ ၈၈ မျိုးဆက်ကျောင်းသား ကိုဖြိုးမင်းသိန်းက RFA ကို အခုလို ပြောပါတယ်။

“နိုင်ငံရေး အကျဉ်းသားတွေ လွတ်မြောက်ရေး၊ မြန်မာ့ နိုင်ငံရေး ပြဿနာတွေကို တွေ့ဆုံ ဆွေးနွေး အဖြေရှာကြဖို့နဲ့ ပြည်တွင်းစစ် အမြန်ဆုံး ရပ်စဲပြီး ပြည်တွင်း ငြိမ်းချမ်းရေးတခုအတွက် တွေ့ဆုံ ဆွေးနွေးကြဖို့ပေါ့။ ဒါတွေကို ကျွန်တော်တို့ကနေပြီးတော့ လက်မှတ်ရေးထိုးပြီး တောင်းဆိုတဲ့ ဥစ္စာတွေကို ကျွန်တော်တို့ ဆောင်ရွက်နေတာပါ။”

ဒီလှုပ်ရှားမှုမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကနေစပြီး၊ အမျိုးသား ဒီမိုကရေစီ အဖွဲ့ချုပ် ခေါင်းဆောင်တွေ၊ တိုင်းရင်းသား ခေါင်းဆောင်တွေ အပါအဝင် မြန်မာနိုင်ငံ အပြောင်းအလဲကို လိုလားသူတွေ ပါဝင် လက်မှတ် ရေးထိုးနေကြတယ်လို့ သိရပါတယ်။

မြန်မာနိုင်ငံမှာ ဆင်းရဲငတ်မွတ်မှုနဲ့တကွ ပိုမိုဆိုးရွားလာတဲ့ အခြေအနေတွေကို အချိန်မီ တားဆီးနိုင်အောင် နိုင်ငံရေးအရ ဖြေရှင်းဖို့ လိုအပ်နေတာကြောင့် အခုလို ဆောင်ရွက်ရတာ ဖြစ်ကြောင်း ကိုဖြိုးမင်းသိန်းက ပြောပါတယ်။

“အခု ကျွန်တော်တို့ တိုင်းပြည်တွင်း အခြေအနေက အတော်လေးကို ဆိုးတယ်။ ၃၂ ရာခိုင်နှုန်းလောက် ဆင်းရဲ မွဲတေမှု ဖြစ်နေတော့ သုံးယောက်မှာ တယောက်လောက်က ငတ်နေတဲ့ သဘောရှိတယ်ပေါ့ဗျာ။ အခု ကျွန်တော်ပြောတဲ့ ၃၂ ရာခိုင်နှုန်းဆိုတာ မနှစ်က အာဆီယံ ဒေတာတွေပေါ်က ပြောတာဗျာ။ ဒီနှစ်ဆိုရင် နည်းနည်း ပိုများလာနိုင်တယ်။ ပိုများလာနိုင်တော့ ကျွန်တော်တို့ တိုင်းပြည်မှာ အချိန်မရွေး အခြေအနေတခု ဖြစ်နိုင်တယ်။ အဲဒီ အခြေအနေကို စိုးရိမ်တယ်ဗျ။”

ရရှိလာတဲ့ လက်မှတ်တွေကို သမတ ဗိုလ်ချုပ်ကြီးဟောင်း ဦးသိန်းစိန်ဆီိ ပေးပို့မယ်လို့ ပြောပါတယ်။ ဒါ့အပြင် အခုလာမဲ့ ရက်ပေါင်း ၃၀ အတွင်း ပြည်သူလူထုဆီက လက်မှတ်တွေ ရနိုင်သမျှ ရအောင် စုဆောင်းသွားမယ်လို့လည်း ကိုဖြိုးမင်းသိန်းက ပြောပါတယ်။

လူထုအသံ ဖော်ထုတ်တဲ့ လက်မှတ်ရေးထိုး တောင်းဆိုလှုပ်ရှားမှုတခုကို လူငယ် ကွန်ရက်အဖွဲ့တွေက စတင်နေတဲ့ ကိစ္စနဲ့ ပတ်သက်လို့ ဦးဆောင် လှုပ်ရှားသူတဦးဖြစ်တဲ့ ၈၈ မျိုးဆက် ကျောင်းသား ကိုဖြိုးမင်းသိန်းကို RFA ဝိုင်းတော်သား ကိုနေရိန်ကျော်က ဆက်သွယ် မေးမြန်းထားပါတယ်။


မကျေနပ် သည့် တပ်များ ၊ ရန်ကုန်တိုင်း စစ်ဌာနချုပ် ကို ၀ိုင်းမည်
April 17, 2011 RFA


ရန်ကုန် မြောက်ပိုင်းက တိုက်ကြီး၊ မှော်ဘီ ၊ ရဲမွန် နဲ့  အင်းတကော် က တပ် တွေ ဟာ ရန်ကုန် တိုင်း စစ်ဌာနချုပ် ကို မကြာခင် ၀ိုင်းတော့ မယ်လို့  မှော်ဘီ လေတပ် စခန်း က အရာ ရှိ တစ်ဦး က FNG ကို ပြောပါတယ်။

ဒီတပ်တွေ ဟာ သူတို့ ရဲ့  မကျေနပ် ချက် တွေ နဲ့  အခွင့် အရေး တစ်ချို့ ဆုံး ရှုံး တာတွေ နဲ့ ပတ်သက် ပြီး အထက် ကို တင်ပြရာမှ ဘာမှ လုပ်ဆောင် ဖြေရှင်း ပေးမှု မရှိတာ ကြောင့် အခုလို လက်နက် ကိုင် ဖြေရှင်းရတော့ မှာ ဖြစ်တယ်လို့ ဆိုပါတယ်။

ရန်ကုန် တိုင်း စစ်ဌာနချုပ် တိုင်းမှုး အသစ် ဖြစ် တဲ့ ဗိုလ်မှုးချုပ် ထွန်းသိန်း ရော ၊ ကာကွယ်ရေး ဦးစီးချုပ် အသစ် ဗိုလ်ချုပ်ကြီး မင်းအောင်လှိုင် ရောက် ပါ ဒီပြဿနာ တွေ ကို ကျွမ်းကျင် လိမ္မာ စွာ ကိုင် တွယ် ဖြေရှင်း နိုင်မယ် မထင် ဘူးလို့  ရန်ကုန် မြို့ က အငြိမ်းစား တပ်မတော်အရာရှိ
ဟောင်း တစ်ဦးက FNG ကို ပြောပါတယ်။

ယမန်နေ့ က ပြန်လှန် ပစ်ခတ်မှု တွေ ကြောင့် အရာရှိ အဆင့် ရှိသူ တစ်ဦး ကျဆုံး ခဲ့ရတယ် လို့  ဘီဘီစီ မြန်မာ ပိုင်း အသံလွှင့် အစီအစဉ် က ကြေငြာ သွား ခဲ့ပါတယ်။

ယခင် ဒုတိယ ဗိုလ်ချုပ်ကြီး ဟောင်း ရန်ကုန် တိုင်း ၀န်ကြီးချုပ် ဦးမြင့်ဆွေ က ဒီပြဿနာ ကို ၀င်ရောက် ဖြေရှင်း ပေလို့ ပေမယ့် ၊ တိုင်းမှုး အသစ် ကတော့ အရပ်သား ဖြစ်သွား ပြီ ဖြစ်တဲ့ ဦးမြင့်ဆွေ ရဲ့ ကြားဝင်စေ့စပ် မှု ကို လက်မခံ ဘူးလို့ သိရပါတယ်။
ဗိုလ်ချုပ် တစ်ဦး ဦးဆောင်မှုဖြင့် မျိုးချစ် မြန်မာ့ တပ်မတော် ကွန်ယက် ဖွဲ့ စည်း
April 18, 2011 RFA


မြန်မာ့ တပ်မတော် မှ ဗိုလ်ချုပ် အဆင့် ရှိ အရာ ရှိ တစ်ဦး ဦးဆောင်မှု ဖြင့် မျိုးချစ် မြန်မာ့ တပ်မတော်ကွန်ယက် ကို မြန်မာ နှစ်ဆန်း တစ်ရက်နေ့ က ရန်ကုန် နှင့် ဧရာဝတီ တိုင်း ကြား ရှိ မြစ်ရေပြင် တစ်ခု က စက်လှေ တစ်စီး ပေါ်မှာ ဖွဲ့  စည်း ခဲ့သည် ဟု FNG မှ သတင်း ရရှိသည်။

လက်ရှိ တာဝန်ထမ်းဆောင် ဆဲ စစ်ဗိုလ်ချုပ် တစ်ဦး ဦးဆောင်မှု ဖြင့် ဗိုလ်မှုးကြီး တစ်ဦး ကိုယ်တိုင် ဦးဆောင်ပြီး ဖွဲ့ စည်းခဲ့သည့်
မျိုးချစ် မြန်မာ့ တပ်မတော် ကွန်ယက်တွင် မှော်ဘီလေတပ် စခန်း၊ မိတ္ထီလာလေတပ် စခန်း ၊လေကြောင်း ရန် ကာကွယ် ရေး တပ်မှ
အရာရှိများ၊ ဟိုင်းကြီး ကျွန်းရေတပ် ၊ မြောက် ပိုင်း တိုင်း စစ်ဌာနချုပ် လက်အောက်ခံ တပ်မှ အရာရှိများ၊ ပင်မ စစ်လက် နက် ခဲယမ်း တပ် ၊ အင်းတကော်၊ ရဲမွန် နှင့် အင်းတိုင် မှတပ်များ အား လုံး ပါဝင် သည် ဟု မှော်ဘီ လေတပ် စခန်း မှ အရာ ရှိတစ်ဦး က FNG သို့ ပြောသည်။


မျိုးချစ် မြန်မာ့ တပ်မတော် ကွန်ယက် ဟာ လက်ရှိ တပ်တွင်း မှာ ပေါ်ပေါက် နေ တဲ့ ပြဿနာ တွေ ကို အဓိက ဖြေရှင်း ဖို့  ဖြစ် ပြီး အနာဂတ် မှာ တော့ ပြည်သူ ကို အကာအကွယ်ပေး ရန် အတွက် ရည်ရွယ် ဖွဲ့ စည်းခြင်း ဖြစ်သည်။

ယခုသတင်း နဲ့  တစ်ဆက် စပ်တည်း ကြားရသည့် အခြား သတင်း တွင် ဧပြီလ ၁ ရက် နေ့ က စတင် တာဝန်ထမ်း ဆောင် ခဲ့ သည့် ကာကွယ် ရေး ဦးစီးချုပ် အသစ် ဗိုလ်ချုပ်ကြီး မင်းအောင်လှိုင် သည် လည်း ၎င်း အား အခြား ပြိုင် ဘက် များ က လုပ်ကြံမည် ဟု သတင်း ရရှိသောကြောင့် လုံခြုံရေး ထူ
ထပ် စွာဖြင့် သွား လာနေရ ကြောင်း နေပြည် တော်မှ အမည် မဖော်လို သည့် အရာ ရှိ တစ်ဦး က ပြောသည်။


Rest of your post