“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Thursday, October 10, 2013

မြန်မာ့ခရီးသွားတိုးတက်ရေး အကူအညီရဖို့ အလားအလာကောင်း

မြန်မာနိုင်ငံ ဟိုတယ်နဲ့ ခရီးသွားလာရေးဌာန ပြည်ထောင်စုဝန်ကြီး ဦးဌေးအောင် (ဓာတ်ပုံ - ဗွီအိုအေမြန်မာပိုင်း)
V OA| မြန်မာနိုင်ငံ ခရီးသွားလုပ်ငန်း တိုးတက်ရေးအတွက် ဖွံ့ဖြိုးရေး အကူအညီပေးနေတဲ့ အဖွဲ့အစည်းတွေနဲ့ ဆွေးနွေးမှုဟာ အပြုသဘောဆောင်တယ်လို့ မြန်မာနိုင်ငံ ဟိုတယ်နဲ့ ခရီးသွားလာရေးဌာန ပြည်ထောင်စုဝန်ကြီး ဦးဌေးအောင်က ပြောပါတယ်။ အမေရိကန် ပြည်ထောင်စုကို ရောက်နေစဉ်မှာ အမေရိကန်အစိုးရရဲ့ နိုင်ငံတကာ အကူအညီပေးရေး အေဂျင်စီ USAID အပါအဝင် ထောက်ပံ့ကူညီရေး အဖွဲ့တချို့နဲ့ တွေ့ဆုံအပြီးမှာ ပြည်ထောင်စုဝန်ကြီး ဦးဌေးအောင် က ဗွီအိုအေမြန်မာပိုင်းကို အခုလို ပြောခဲ့တာ ဖြစ်ပါတယ်။ George Washington တက္ကသိုလ် ကျောင်းသားဟောင်းလည်းဖြစ်တဲ့ ဝန်ကြီး ဦးဌေးအောင်ဟာ တက္ကသိုလ်ကပေးတဲ့ ထူးချွန်ကျောင်းသားဟောင်းဆုကို လာရောက်လက်ခံယူရင်း မြန်မာနိုင်ငံ ဟိုတယ်နဲ့ ခရီးသွားလုပ်ငန်း တိုးတက်ရေးကို တင်ပြဆွေးနွေးခဲ့တာဖြစ်ပါတယ်။ ဒါကြောင့် မစုမြတ်မွန်က ပြည်ထောင်စုဝန်ကြီး ဦးဌေးအောင်ကို ဆက်သွယ်ပြီး ဘယ်အဖွဲ့အစည်းတွေနဲ့ ဘယ်လိုအကြောင်းတွေ အဓိက တင်ပြ ဆွေးနွေးခဲ့သလဲဆိုတာကို မေးတဲ့အခါ ဝန်ကြီး ဦးဌေးအောင် က အခုလို စပြီး ဖြေခဲ့ပါတယ်။ “ဒီဆွေးနွေးတဲ့ အဖွဲ့အစည်းတွေမှာတော့ World Bank ပါတယ်၊ နောက်တခု ISC အဖွဲ့ပေါ့ အဲ့ဒါက Finance နဲ့ပတ်သက်တာ။ အဲဒီအဖွဲ့နဲ့လည်း ကျနော်တွေ့ရတယ်။ နောက်ဒီမှာရှိတဲ့ ADB နဲ့တွေ့ရတယ်။ USAID အဖွဲ့တွေနဲ့ တွေ့ရတယ်။ အဲ့ဒါတွေနဲ့ တွေ့ပြီးတော့ ကျနော်တို့ရဲ့ Master Plan ကို ဖွံ့ဖြိုးတိုးတက်အောင် လုပ်တဲ့အခါမှာ ဘယ်လို အခက်ခဲတွေရှိတယ်၊ ဘယ်လို လိုအပ်ချက်တွေရှိတယ်၊ အဲဒါလေးတွေကို ဆွေးနွေးတာဖြစ်ပါတယ်။ အဲတော့ ဒီဆွေးနွေးချက်အပေါ်မှာ မူတည်ပြီး သူတို့လည်း စိတ်ဝင်စားကြတာဖြစ်တဲ့အတွက် သြော် အဲ့ဒီထဲမှာ ဂျက်ကာပါ ပါတယ်။ အစည်းအဝေးပြီးသွားတယ်။ ဆိုတော့ အဲဒီလိုတွေ ပါတဲ့အခါကျတော့ ဒါဟာ နောက် ကျနော်တို့ လုပ်ရမယ့် ကိစ္စတွေမှာ ကျနော်တို့ရဲ့ Master Plan မှာပါတဲ့ 38 Project ကို အကောင်အထည်ဖော်တဲ့နေရာမှာ သူတို့တတ်နိုင်တဲ့ဘက်က ၀ိုင်းဝန်းပံ့ပိုး ကူညီပေးမယ့် အခြေအနေမှာဖြစ်ပါတယ်။ မေး။ ။ ၀န်ကြီးတို့ အခုလို တွေ့တဲ့ကိစ္စမှာ ခုနက ၀န်ကြီး ရှင်းပြသလိုဆိုရင်တော့ အကောင်အထည် ဖော်စရာလိုတဲ့ Project တွေမှာ သူတို့အနေနဲ့ ဘယ်လို အကူညီပေးမယ်ဆိုတဲ့ဟာကို ဆွေးနွေးတယ်ဆိုတော့ အခုလို တွေ့ဆုံပြီးတဲ့ အချိန်မှာကော သူတို့ဘက်ကပေါ့နော် မြန်မာနိုင်ငံမှာ ဒီဟိုတယ်နဲ့ ခရီးသွားလုပ်ငန်း မြှင့်တင်ရေးမှာ ဘယ်လို အကူညီတွေ သူတို့အနေနဲ့ ထပ်ပေးမယ်ဆိုတဲ့ ကတိပေးမှုတွေ အာမခံချက်တွေရော ရခဲ့တယ်လို့ ပြောနိုင်ပါလဲရှင့်။ ဖြေ။ ။ “ဒါက အခုချက်ချင်းကြီးတော့ ပြောဖို့ခက်တာပေါ့လေ သို့သော်လည်း ဥပမာဆိုရင် ADB ဆိုရင် ကျနော်တို့က ဆွဲတည်းကိုက ADB နဲ့ ဆွဲထားတယ်။ ADB က အခုဆိုရင် မွန်နဲ့ ကရင်ပြည်နယ်ဘက်မှာ SME Development အတွက် စပေးနေပြီ။ အဲဒါမျိုးရှိတယ်။ နောက်တခါ Luzenberg နဲ့ Luzenberg နဲ့ကလည်း Capacity Building အတွက်ကို ကျနော်တို့ကို Euro ၅ သန်းပေါ့ ဒါကို ၅ သန်းပေးဖို့အတွက်ကို မစ်ရှင်းအဖွဲ့က စပြီးတော့ Fact Finding နဲ့ Survey တွေ လုပ်နေတယ်။ ဒါတွေဟာ မကြာခင်မှာ ၁၄ အစမှာ စပြီးတော့ ကျနော်တို့ အကောင်အထည်ဖော်မယ်။ ဒါမျိုးတွေရှိနေတာပေါ့။ တဆက်တည်းမှာပဲ အခု ဒီ USAID တို့ World Bank တို့ ဒါတွေကလည်း ဆွေးနွေးတဲ့အထဲမှာ ဂျက်ကာပေါ့ ဂျက်ကာအပါအ၀င်ပေါ့ ဒါတွေကလည်း ကျနော်တို့ အခု ဆွေးနွေးတဲ့အထဲမှာ Very Positive ပေါ့လေ ကျနော်တို့အတွက် အများကြီး အားရစရာ ကောင်းတာပေါ့လေ။ ဘာလို့လဲဆိုတော့ ဒီမှာရှိတဲ့ George Washington University က ဆရာတွေကလည်း သူတို့ကိုယ်တိုင် ဦးစီးပြီးတော့ ကျနော့်ကို ၀ိုင်းလုပ်ပေးနေကြတာဆိုတော့ အခြေအနေတွေက အများကြီး ကောင်းလာနိုင်ပါတယ်။” မေး။ ။ ဒီ USAID ပေါ့လေ ၀န်ကြီးပြောသလိုဆိုရင်တော့ ဒါ အမေရိကန်အစိုးရရဲ့ နိုင်ငံတကာ ဖွံ့ဖြိုးတိုးတက်ရေးမှာ အထောက်အပံ့ပေးတဲ့ အဖွဲ့အစည်းပေါ့။ သူကကော အခု ၀န်ကြီးတို့ လုပ်နေတဲ့ လုပ်ငန်းတွေ စီမံကိန်းတွေမှာ ဘယ်လိုအနေထားတွေနဲ့ ကူညီမယ်ဆိုတာမျိုးကိုကော စိတ်ဝင်စားမှုကို သိရပါသလဲရှင့်။ ဖြေ။ ။ “သူတို့ဆီက အခု ကျနော်တို့ ဒီ ဒါရိုက်တာအဖွဲ့ အဆင့်နဲ့လည်း ဆွေးနွေးခွင့်ရတာပေါ့လေ။ သူတို့ ဒီမှာရှိတဲ့ သူတို့ Team ပေ့ါလေ သူတို့ Team အဖွဲ့ကလည်း အကုန် ဒီ Master Plan နဲ့ပတ်သက်ပြီး ကျနော် ရှင်းပြတယ်။ ပြီးတဲ့အခါမှာ ကျနော်တို့အနေနဲ့ သူတို့ဘက်က လုပ်ပေးနိုင်တဲ့ အနေထားရှိလာမယ်လို့ မြင်ပါတယ်။ ဒါကတော့ အခုချက်ချင်းတော့ ကျနော် ဘယ်ဟာကို ပေးမယ်ဆိုတာတော့ ပြောလို့မရဘူးပေါ့။ ဥပမာ - ကျနော်တို့မှာ အခု Strategist Program ၆ ခု ရှိပါတယ်။ အဲဒီအထဲမှာမှ Institutional Framework အဲ့ဒီဥစ္စာကို သူတို့ စိတ်ဝင်စားလား။ Product Development ကို စိတ်ဝင်စားလား။ Connectivity ကို စိတ်ဝင်စားလား။ Human Resource Development ကို စိတ်ဝင်စားလား။ Nation Branding Campaign ကို စိတ်ဝင်စားလား။ ဒါတွေကတော့ အကုန်ရှင်းပြထားပြီးပြီ ဆိုတဲ့အခါမှာ သူတို့သိချင်တာတွေကို ယူထားပြီးရင် ဒါ ဆက်ပြီး ကျနော်တို့နဲ့ Contact လုပ်ပြီးတော့ ဆောင်ရွက်သွားမှာ ဖြစ်ပါတယ်။” မေး။ ။ နောက်တခုက အခု ၀န်ကြီးရဲ့ အခုခရီးစဉ်မှာ မြန်မာနိုင်ငံ ခရီးသွားလုပ်ငန်း အဖွဲ့ချုပ်က ဥက္ကဌ တို့၊ ဒုဥက္ကဌ တို့ အပါအ၀င်ပေါ့ တခြားတာဝန်ရှိသူတွေလည်း ပါလာတယ်ဆိုတော့ ဒီမြန်မာနိုင်ငံခရီးသွားလုပ်ငန်းကို ဒီအမေရိကန်မှာ မြှင့်တင်နိုင်ဖို့ အကြောင်းရင်းတခုလည်း ပါတယ်လို့ စောစောက ၀န်ကြီး ပြောသွားတယ်ဆိုတော့ ဘယ်လောက်ထိ ဒီခရီးစဉ်မှာ အောင်မြင်အောင် မြှင့်တင်နိုင်တယ်လို့ရော ပြောလို့ရပါလဲရှင့်။ ဖြေ။ ။ “ဒါက ကျနော်တို့ အခု ဒီ Private Public Partnership က အရေးကြီးတယ်။ အဲဒီတော့ ကျနော်တို့ လာတဲ့အခါမှာကို ကျနော်တို့ရဲ့ ဌာနဆိုင်ရာကြီးပဲ မဟုတ်ဘူး။ Private Sector လည်း ပါတယ်။ Private Sector နဲ့ ပတ်သက်ရင်လည်း သူတို့ အကုန် ဆွေးနွေးနိုင်တယ်။ ဒီမှာ ကျနော်တို့က ဟိုတယ် Association ကလည်း ပါတယ်။ Travel Association ကလည်းပါတယ် စသည်အားဖြင့် အကုန် ဒီလို ပါလာတဲ့အခါကျတော့ လိုအပ်တဲ့ဥစ္စာကို သူတို့ Private နဲ့လည်း ကျနော်တို့ ဆွေးနွေးလို့ရတယ်။ Private ကို ပေးချင်တာတွေရှိရင် သူတို့ ချက်ချင်း ဆွေးနွေးပြီး ပေးလို့ရအောင် ဒါ First Connection ပဲ။ ဒါကို ကျနော်တို့ ဒါ ချိတ်ပေးလိုက်တာပဲ ဖြစ်ပါတယ်။ မေး။ ။ ဒီအမေရိကန်ကို အခုတခေါက် လာတဲ့အခါမှာ မြန်မာနိုင်ငံ ဟိုတယ်နဲ့ ခရီးသွားလုပ်ငန်း ပိုပြီးတော့ တိုးတက် ကောင်းမွန်အောင်လို့ အတုယူသင့်တယ် ဆိုတဲ့အမြင်တွေ အကြံတွေပေါ့လေ အဲဒါတွေ ဘာတွေရတယ်လို့ ပြောနိုင်ပါလဲရှင့်။ ဖြေ။ ။ “အဓိကကတော့ မြန်မာနိုင်ငံကို လာနေတဲ့ ဧည့်သည်တွေကို ကြည့်ရတာ Market Survey ပေါ့ ဟုတ်လား။ အခု မြန်မာနိုင်ငံ ဒီဘက် ပြုပြင်ပြောင်းလဲမှုတွေ ရှိလာတဲ့အခါမှာ မြန်မာနိုင်ငံကိုလာတဲ့ အမေရိကန်ဈေးကွက်က တော်တော့်ကို ထူးထူးခြားခြား တက်လာတာ ရှိတယ်။ အဲတော့ ဒီလူတွေ အခု လာတဲ့အခါမှာ ပြောပြနိုင်သလောက်ကို ပြောပြလို့ရှိရင် သူတို့ ပိုပြီးတော့ နားလည်နိုင်တာပေါ့နော်။ သူတို့ နားလည်နိုင်လို့ရှိရင် ဘာပဲဖြစ်ဖြစ် များများလာရင် များများ အကျိုးရှိမှာပေါ့လေ။ ဒီသဘောပါပဲ။ ဧည့်သည်တွေ များများလာတယ်၊ အခု အမေရိကန်နိုင်ငံကို ရောက်လာတော့ အမေရိကန်အဖွဲ့တွေနဲ့ တွေ့ပြီးတော့ ဒါ ကျနော့်ကိုကူညီတဲ့ ကျောင်းကလည်း ရှိနေတယ်။ နောက်ဒီမှာလည်း အသင်းအဖွဲ့တွေကလည်း နားထောင်ကြတယ်။ ဆိုတော့ အထူးသဖြင့်တော့ ခရီးသွားလုပ်ငန်း အဖွဲ့တွေက လာနားထောင်တာဆိုတော့ ကျနော်တို့ နောင် လုပ်ဖို့ ရသွားပြီ ဒီမှာ တကယ်လို့ ဈေးကွက်ကို မြှင့်တင်မယ် ဘာညာဆို အရမ်းကို Private Sector အတွက် လွယ်သွားပြီ။ သူတို့ Connection တွေ Attachment တွေ ရသွားပြီဆိုရင် ဒါ ကျနော်တို့အတွက် အများကြီး ကောင်းတာပေါ့လေ တိုင်းပြည်အတွက်။” အမေရိကန်ပြည်ထောင်စုမှာ ဖွံ့ဖြိုးရေးအကူအညီပေးနေတဲ့ အဖွဲ့အစည်းတွေနဲ့ တွေ့ဆုံခဲ့တဲ့ မြန်မာနိုင်ငံ ဟိုတယ်နဲ့ ခရီးသွားလာရေးဌာန ပြည်ထောင်စုဝန်ကြီး ဦးဌေးအောင် ကို မစုမြတ်မွန် က ဆက်သွယ်မေးမြန်းခဲ့တာ ဖြစ်ပါတယ်။

အပြည့်အစုံသတင်းဖတ်ရန်....

Wednesday, January 16, 2013

နိုင်ငံတော် သမ္မတကြီး၊ ကာကွယ်ရေး ၀န်ကြီးဋ္ဌာနနှင့် တပ်မတော် ကာကွယ်ရေး ဦးစီးချုပ်တို့ ထံသို့ အိတ်ဖွင့်ပေးစာ

သို့ နိုင်ငံတော်သမ္မတကြီး၊ ကာကွယ်ရေးဝန်ကြီးဋ္ဌာနနှင့် တပ်မတော်ကာကွယ်ရေးဦးစီးချုပ် ခင်ဗျား ကျွန်တော်တို့သည် တပ်မတော်သူနာပြုနှင့်ဆေးဘက်ပညာ တက္ကသိုလ်မှ ကျာင်း ဆင်း သူနာပြုနှင့် ဆေးဘက်ပညာသယ်များဖြစ်ကြပါသည်။ ကျွန်တော်တို့ သည် တပ်မတော် သူနာပြုနှင့်ဆေးဘက်ပညာတက္ကသိုလ်တွင် သက်ဆိုင်ရာပညာရပ်တို့ အလိုက် ( ၄ ) နှစ်တာ ပညာသင်ကြားခဲ့ရပါသည်။ ထို့အတူ တပ်မတော်သား တစ် ဦးအဖြစ် နိုင်ငံတော် ကာကွယ်ရေးတာဝန်ကို ထမ်းဆောင်နိုင်ရန်အတွက်လည်း တပ်မတော်သားတစ်ဦး တက်မြောက်အပ်သော စစ်ပညာရပ်များကို စာပေပညာ ရပ်များနှင့်အတူ ပူးတွဲ၍ လေ့ လာသင်ယူခဲ့ရပါသည်။ အခြေခံစစ်ပညာ ရပ်များမှ သည် ချီ၊ တိုက်၊ ခံ၊ ခွာ စစ်ပညာရပ် များကို တပ်ခွဲအဆင့်ထိလေ့ကျင့် သင်ကြားခဲ့ ရပါသည်။ စစ်ပညာနှင့် သက်ဆိုင်ရာပညာရပ်တို့အား အခြားသောတပ်မတော်မှဖွင့်လှစ်ထား သည့် တက္ကသိုလ်များနည်းတူသင်ယူတက်မြောက် အောင်မြင်ပြီးပါက သက်ဆိုင် ရာပညာရပ်အလိုက် ဘွဲ့အသီးသီးကို ချီးမြှင့်ခံခဲ့ ကြရပြီး ကျောင်း ဆင်းပွဲအခမ်း အနားတွင် လည်း တပ်မတော်အကြီးအကဲများမှ အခြားသောကျောင်းဆင်းပွဲအခမ်းအနားများ နည်း တူ ဂုဏ်ပြုတက်ရောက်ချီးမြှင့်ပေးခဲ့ကြပါသည်။ ထို့နောက်တာဝန်ပေးအပ်ခြင်းခံရသော သက်ဆိုင်ရာတာဝန်ကျရာနေရာ များတွင် နိုင်ငံတော်တာဝန်များကို ကျေပွန်စွာဖြင့် ထမ်းဆောင်ခဲ့ကြပါ သည်။ နိုင်ငံတော် မှလည်း ကျွန်တော်တို့ကျောင်းဆင်းပြီး သူနာပြုနှင့် ကျွမ်းကျင်သူများကို အဆင့်မြင့် စစ်ပညာရပ် နှင့် သက်ဆိုင်ရာဆေးပညာရပ်တို့ကို သင်ကြားနိုင်စေရန် စစ်ပညာ ရပ်ပိုင်းအတွက် အထူးခြေလျှင်တပ်စုမှုး၊ တပ်ခွဲမှုး၊ တပ်ရင်းမှုး သင်တန်းများ တက်ရောက်စေ၍ လည်း ကောင်း၊ သက်ဆိုင်ရာ ပညာရပ်တို့အတွက် မဟာသိပ္ပံဘွဲ့သင်တန်းများ၊ ပါရဂူဘွဲ့သင် တန်းများ ဖွင့်လှစ်ပေး၍လည်းကောင်း ချီးမြှောက် ခဲ့ကြပါသည်။ နိုင်ငံတော်သမ္မတကြီး၊ ကာကွယ်ရေးဝန်ကြီးဋ္ဌာနနှင့် တပ်မတော်ကာကွယ်ရေးဦးစီးချုပ် ခင်ဗျား ကျွန်တော်တို့သည် ထိုသို့နိုင်ငံတော်မှချီးမြှောက်ခဲ့သော်လည်း ယနေ့ချိန်ထိတိုင် တပ်မတော်မှသတ်မှတ်ပေးသော တပ်မတော်သားတစ်ဦး၏ အဆင့်သက်မှတ် ချက်ကို မရရှိသေးပဲ အသိအမှတ်ပြုမခံရသေးသော “သား” များ သဖွယ် ခံစားနေရ ပါသည်။ လူသားတိုင်း သည် မျှော်လင့်ချက် ရည်မှန်းချက်ထားရှိ၍ ထိုရည်မှန်း ချက်ပြည့်ဝရန်ကြိုးစားအားထုတ် နေကြရမြဲဖြစ်ပါသည်။ သို့သော် ကျွန်တော်တို့ တပ်မတော် သူနာပြုနှင့်ဆေးဘက်ပညာတက္ကသိုလ် မှ ကျောင်း ဆင်းသူနာပြုနှင့် ဆေးဘက်ပညာသည်တို့သည် တပ်မတော်၏ တပ်မတော်သားတစ်ဦး အလိုက်ရရှိကြသော အဆင့်သက်မှတ်ချက် တစ်ခုကို မရှိသေးပဲ နိုင်ငံတော်၏တာဝန်များ ကို ထမ်းဆောင်လာခဲ့ကြ သည်မှာ ကျောင်းဆင်းအမှတ်စဉ် ( ၁၀ ) ထိ တိုင်ရှိခဲ့ပြီဖြစ်ပါ သည်။ လူသားတိုင်း၊ တပ်မတော်သားတိုင်း ရည်မှန်းချက်ကိုယ်စီ၊ မျော်လင့်ချက်ကိုယ် စီဖြင့် တာဝန်ထမ်းဆောင်ကြိုးပမ်းနေချိန်တွင် ကျွန်တော်တို့ကျောင်းဆင်းများမှာ မည် သည်ကိုမျှော်မှန်းရမည်မသိပဲ ရည်ရွယ်ချက်၊ ဦးတည်ချက် လမ်းများ ပျောက်ဆုံး လျှက် ရှိနေကြရပါသည်။ တပ်မတော်၏တူညီဝတ်စုံဝတ် တပ်မတော်သားများဖြစ်သည့်အားလျှော်စွာ တပ်မတော် သားတိုင်းခံစားခွင့်ရှိနေသော အခွင့်အရေးအား အခြားသော တပ်မတော်သားများနည်းတူ ရရှိခံစားခွင့်ရချင်ပါသည်။ တပ်မတော်တွင် ရှိနေသောအဆင့်သက်မှတ်ချက်၊ ခံစား ခွင့်၊ လိုက်နာရမည့်စည်းကမ်းများကို တပ်မတော်တစ်ရပ်လုံးနှင့်အတူ တစ်စိတ် တစ်ဝမ်းတည်းဖြင့် ရရှိခံစားလိုပါသည်။ နိုင်ငံတော်သမ္မတကြီး၊ ကာကွယ်ရေးဝန်ကြီးဋ္ဌာနနှင့် တပ်မတော်ကာကွယ်ရေးဦးစီးချုပ် ခင်ဗျား ယခုအခါတွင် ကျွန်တော်တို့ကျောင်းဆင်းများမှာ တပ်မတော်၏ အဆင့်သက် မှတ်ချက်မရှိပဲ သူနာပြု ၊ အတက်တန်းသူနာပြု ၊ သူနာပြုဆရာကြီး ၊ ဆေးဝါးကျွမ်းကျင်( ပထမတန်း )၊ ဆေးဝါးကျွမ်းကျင် ( ဒုတိယတန်း )၊ ဆေးဝါးကျွမ်းကျင်( တတိယတန်း)၊ ဓါတ်ခွဲကျွမ်းကျင်( ပထမတန်း )၊ ဓါတ်ခွဲကျွမ်းကျင်( ဒုတိယတန်း )၊ ဓါတ်ခွဲကျွမ်းကျင် ( တတိယတန်း )၊ ဓါတ်မှန်ကျွမ်းကျင်( ပထမတန်း )၊ ဓါတ်မှန်ကျွမ်းကျင်( ဒုတိယတန်း ) ဓါတ်မှန်ကျွမ်းကျင် ( တတိယတန်း )၊ ကာယကုကျွမ်းကျင်( ပထမတန်း )၊ ကာယကု ကျွမ်းကျင် ( ဒုတိယတန်း )၊ ကာယကုကျွမ်းကျင် ( တတိယတန်း ) ဟူသော သက်ဆိုင်ရာပညာရပ်အလိုက် အရပ်ဘက်အခေါ်အဝေါ် အဆင့်သတ် မှတ်ချက်သာ ပေးအပ်ထား ခံရပါသည်။ ထိုသို့ တပ်မတော်၏အဆင့်သက်မှတ်ချက်မရှိသဖြင့် တပ်မတော်၏ အုပ်ချုပ်မှု ကိစ္စများ တွင် အဆင်မပြေမှုများကြုံတွေ့ရလျှက်ရှိနေပါသည်။ တပ်သားမှစ၍ အရာရှိကြီးများထိ ကျွန်တော်တို့ကျောင်းဆင်းများအား မည်သည့်အဆင့်ဆို သည် ကိုမသိပဲ “ မင်း တို့က ဘာတွေလဲ “ ဟုသာအမေးခံနေကြရပါသည်။ အချို့တပ်မှုးများမှာ စစ်ကျောင်းကြီးတစ်ကျောင်းမှ နိုင်ငံတော်အဆင့်ဖြင့် ကျောင်းဆင်းသောသူများဟု အခြားသောကျောင်းဆင်းများကဲ့သို့ အခွင့်အရေ့း ပေး၍ဆက်ဆံသကဲ့သို့ အချို့သောတပ်မှုးများမှာ အရာခံ ဗိုလ်ဆရာကြီး များနှင့် အခြားအဆင့်လောက်ပင် အဆင့်မရှိ၊ ဘာမှန်းမသိသော မယ်သီလလို ကောင်များ ဟု ပြောဆိုမှု၊ ဆက်ဆံခံရမှုများဖြင့် တစ်ကျောင်းတည်းမှဆင်းသော ကျောင်းဆင်း ချင်း အတူပင်လျှင် အခွင့်အရေး၊ ဆက်ဆံခံရပုံမတူပဲ တန်းတူအခွင့်အရေးမရ ဖြစ်နေကြရ ပါသည်။ နိုင်ငံတော်သမ္မတကြီး၊ ကာကွယ်ရေးဝန်ကြီးဋ္ဌာနနှင့် တပ်မတော်ကာကွယ်ရေးဦးစီးချုပ် ခင်ဗျား ထိုထက်မက များလှစွာသော အဆင်မပြေမှုများဖြင့် ကျွန်တော်တို့ကျောင်းဆင်း များမှာ နေ့စဉ်ကြုံတွေ့ရလျှက်ရှိနေရပါသည်။ တပ်မတော်၏ တူညီဝတ်စုံကို ၀တ်ဆင်ခွင့်ရရှိ ထားသော်လည်း အခြားသော တပ်မတော်သားများနည်းတူ နိုင်ငံတော်တာဝန်ကိုထမ်း ဆောင်နေကြရသော်လည်း တပ်မတော်တစ်ရပ်လုံးနှင့် တစ်ပေါင်းတစ်စည်းတည်း မရှိသကဲ့သို့ဖြစ်နေရပါသည်။ အခြားသောတပ်မတော် သားများ၊ ကျောင်းဆင်းများကဲ့သို့ရည်မှန်းမျှော်လင့်ကြိုးစားရာ အခွင့်အရေးများ ပျောက်ဆုံးနေရပါသည်။ လမ်းလျှောက်ရင်း လမ်းသာတွေ့၍ ဘယ်ကိုလျှောက် ကာ ဘယ်ကိုရောက်မည်မှန်းမသိသော ဘ၀သို့ရောက်ရှိနေရပါသည်။ တပ်မတော်တွင်တာဝန်ထမ်းဆောင်နေသော ပညာအရည်ချင်းတူ၊ သင်ကြားရသောကျောင်း အတူတူ( ယခင် ဆေးတက္ကသိုလ်လက်အောက်ခံဖြစ်သော်လည်း ယခုအခါတွင် သူနာပြုသိပ္ပံဘွဲ့ပေါင်းကူနှင့် သူနာပြုမဟာသိပ္ပံဘွဲ့များကို တပ်မတော်သူနာပြုနှင့် ဆေးဘက်ပညာတက္ကသိုလ်တွင်ပင် တစ်ပေါင်းတည်းသင်ကြားလျှက်ရှိသော ) အမျိုးသမီး သူနာပြုအရာရှိများကပင်လျှင် အသိအမှတ်မပြုပဲ " ငါတို့ကအရာရှိသူနာပြု ၊ နင်တို့က ဘာကောင်မှန်းမသိတဲ့သူနာပြု၊ အဆင့်မရှိတဲ့သူနာပြု " ဟု ပြောဆိုခံ ကာ အခြားအဆင်မပြေမှုများဖြင့်လည်းကြုံတွေ့နေရပါသည်။ ထို့ပြင် ကျွန်တော်တို့ ၏ မိခင်တပ်မတော်သူနာပြုနှင့် ဆေးဘက်ပညာတက္ကသိုလ်မှာပင် လျှင် ကျွန်တော်တို့အတွက် ခန့်အပ်တာဝန်ထမ်းဆောင်ရန် ရာထူးနေရာမရှိဟုသိရပါ သည်။ ဆေးရုံများတွင်သာ တာဝန်ချထားပေးကာ ကျောင်းတွင်တွဲဘက်တာဝန်သာ ထမ်းဆောင်နေကြရပါသည်။ နိုင်ငံတော်သမ္မတကြီး၊ ကာကွယ်ရေးဝန်ကြီးဋ္ဌာနနှင့် တပ်မတော်ကာကွယ်ရေးဦးစီးချုပ် ခင်ဗျား တပ်မတော်တွင် တပ်သားအဆင့်မှသည် ကာကွယ်ရေးဦးစီးချုပ်ထိ အဆင့်ဆင့်ရှိနေသော် လည်း ကျွန်တော်တို့ ကျောင်းဆင်းများမှာ မည်သည့်အဆင့် ဆိုသည်ကို ယနေ့ထိတိုင် တရားဝင် သတ်မှတ်ပြဋ္ဌာန်းပေးခြင်းမရှိသေးပါ။ အခြေခံအကျဆုံး တပ်သားအဆင့်သည်ပင် လျှင် ဆယ်တန်းအောင်မြင်ပြီးပါက တပ်ကြပ်ကြီး/စာရေး လျှောက်ထား၍ အောင်မြင်ပါက တက်ရောက်ကာ တပ်ကြပ်ကြီးအဖြစ်တက်လှမ်းခွင့်ရှိပါသည်။ ဘွဲ့ရ တပ်ကြပ်ကြီး၊ တပ်ကြပ်ကြီး/စာရေး၊ ဒုတပ်ကြပ်တို့သည် သက်မှတ် စစ်သက်နှင့် သက်မှတ်အရည်အချင်းများ ပြည့်မှီပါက ဗိုလ်သင်တန်းလျှောက်ထားခွင့်ရှိကာ အောင်မြင်ပါက ဗိုလ်သင်တန်းတက်ရောက် ၍ ဘ၀တက်လမ်းအတွက်ကြိုးစားခွင့် အခွင့်အရေးများရှိပါသည်။ ထို့ပြင် ထိုအခွင့်အရေးများ တွင် အကြောင်းကြောင်း ကြောင့် လွဲချော်ကာအောင်မြင်မှုမရရှိသူများ နှင့် အခြားသော ဆယ်တန်းအောင်သည်ဖြစ်စေ ၊ မအောင်သည် ဖြစ်စေ၊ ဘွဲ့ရသူဖြစ်စေ မရသူဖြစ်စေ အခြားအဆင့်များအားလုံးအတွက် အခွင့်အရေးအဖြစ် အဆင့်လိုက်တက်လှမ်းကာ (ပ)အရာခံဗိုလ်မှသည် သက်မှတ်ချက်နှင့်ပြည့်မှီသူအားလုံး အရာရှိအဖြစ်တက်လှမ်း ကြိုးစား ဖွယ် အခွင့်အရေးများရရှိ သက်မှတ်ထားပေးပြီးဖြစ်ပါသည်။ ထို့ပြင်လည်း သက်ဆိုင်ရာဘွဲ့ အလိုက် မဟာသိပ္ပံဘွဲ့အထိ အောင်မြင်ပြီးဆုံးပါက အရေးပေါ်ပြန်တမ်းဝင်ခန့်အပ်နိုင်သည် အထိ အခွင့်အရေးများလည်းသတ်မှတ်ပေးအပ်ထားပါသည်။ သို့သော် ကျွန်တော်တို့ကျောင်းဆင်းများမှာ သူနာပြုနှင့် ဆေးဘက်ပညာတက္ကသိုလ်မှ သက်ဆိုင်ရာဘွဲ့အသီးသီးကို ရရှိထားပြီးဖြစ်ကြသော်လည်း၊ အချို့သောကျောင်းဆင်းများမှာ မဟာသိပ္ပံဘွဲ့အထိတက်ရောက်ရရှိပြီးသော်လည်း မရေရာ၍ ဘာမှန်းမသိသောသူများပင် ဖြစ်နေရပါသည်။ နိုင်ငံတော်မှ သင်တန်းများတက်ရောက်စေရာတွင်လည်း အထူးခြေလျှင် တပ်စုမှူးသင်တန်း ၊ အထူးတိုက်စည်းသင်တန်း စသဖြင့်သင်ကြားတက်မြောက်စေခဲ့သော် လည်း ဘာမှန်းမသိသောဘ၀များဖြစ်နေသဖြင့် “ အထူးအထူးဖြင့် ရူးနေကြသူများ ” ဟု၎င်း၊ “ ဟုတ်လှပြီ ထင်မနေနဲ့ကွ မင်းတို့ကို နှစ်သိမ့်နေတာ ” ဟု တစ်ဖုံ အမျိုးမျိုးသော ပြောဆို ဖိနှိပ်မှုတို့ဖြင့်သာ တွေ့ကြုံနေရပါသည်။ နိုင်ငံတော်သမ္မတကြီး၊ ကာကွယ်ရေးဝန်ကြီးဋ္ဌာနနှင့် တပ်မတော်ကာကွယ်ရေးဦးစီးချုပ် ခင်ဗျား ကျွန်တော်တို့၏ တပ်မတော်သူနာပြုနှင့် ဆေးဘက်ပညာတက္ကသိုလ် ၀င်ခွင့်ကြော်ငြာများ ဖော်ပြရာတွင် ယခင်က အမှတ်စဉ် (၁) မှ အမှတ်စဉ် (၄) ထိ သတင်းစာကြော်ငြာများတွင် ဒုဗိုလ်လစာနှင့်အညီ လစာနှုန်းထားများ ပေးအပ်မည်ဟုခေါ်ဆိုခံခဲ့ရသော်လည်း လစာနှုန်း ထားများတိုးမြှင့်ပေးသောအခါတွင် ဖော်ပြပါသတင်းနှင့်အညီမရရှိတော့ပဲ (ပ)အရာခံဗိုလ် နှင့် ဒုဗိုလ် အကြား လစာနှုန်းထားသို့ ပြင်ဆင်ပေးအပ်ခဲ့ပါသည်။ အမှတ်စဉ် (၅) မှ စ၍ ယနေ့ထိတိုင် ခေါ်ယူမှုကြော်ငြာတွင်မှူ ထိုကဲ့သို့ မပါရှိတော့ပဲ ရေးဖြေအောင်မြင်သူများ တပ်မတော်ဗိုလ်ရွေးအဖွဲ့တွင် စစ်ဆေးခံရမည်ဟု ပြောင်းလဲပါရှိ လာပါသည်။ အခြားသော တပ်မတော်မှဖွင့်လှစ်သော်တက္ကသိုလ် များတွင် လူတွေ့စစ်ဆေး၍ ကျရှုံးသူများမှာ ထပ်မံစစ် ဆေးဖြေဆိုရန်မလိုလဲ ဆန္ဒရှိပါက တပ်မတော်သူနာပြုနှင့် ဆေးဘက်ပညာတက္ကသိုလ် တွင် တိုက်ရိုက်တက် ရောက်ခွင့်ရှိနေပါ သည်။ ထို့ကြောင့် “ ကျန်ကောက် ကျောင်းဆင်း ” ဟူ၍၎င်း၊ “ သီလရှင်ကျောင်းထွက် များ ၊ ရှိခိုး၍လည်းမရ ၊ ခေါင်းခေါက်လို့လည်းမရတဲ့သူများ ” ဟူ၍၎င်း အမျိုးမျိုးပြောဆို နှိပ်ကွပ်ခံနေရပါသည်။ နိုင်ငံတော်သမ္မတကြီး၊ ကာကွယ်ရေးဝန်ကြီးဋ္ဌာနနှင့် တပ်မတော်ကာကွယ်ရေးဦးစီးချုပ် ခင်ဗျား သို့ဖြစ်ပါ၍ ကျွန်တော်တို့သည် တပ်မတော်တစ်ရပ်လုံးနှင့်အတူ တစ်စိတ်တစ်ဝမ်း တည်း ခံစားခွင့်ရရှိကာ တပ်မတော်သားတိုင်းရရှိနေကြသော စစ်ဘက်ဆိုင်ရာ မည်သည့် အဆင့်သက်မှတ်ချက်တစ်ခုကိုမဆို ခံစားခွင့် ရရှိလိုပါသည်ခင်ဗျား။ ထိုသက်မှတ်ပေးမည့် အဆင့်နှင့်အညီလည်း ခံစားခွင့်ရရှိလိုပါသည်ခင်ဗျား။ လူသားတိုင်းတွင် အခွင့်အရေး၊ ရည်မှန်းချက်၊ မျှော်မှန်းချက်များ တန်းတူထားနိုင်၊ တန်းတူရှိနိုင်သကဲ့သို့ တပ်မတော်သားတစ်ဦးတွင်လည်း ရည်မှန်းချက်၊ မျှော်မှန်းချက် နှင့် အခွင့်အရေးများ တန်းတူထားနိုင်၊ ရှိနိုင်လိမ့်မည်ဟု ယုံကြည်မိ ပါသည်။ သို့ဖြစ်ပါ၍ တပ်မတော်တစ်ရပ်လုံး နှင့်အတူ တူညီစစ်ဝတ်စုံကို ၀တ်ဆင် ရသကဲ့သို့၊ အခြားသောတပ်မတော်သားများနည်း တူ တာဝန်ထမ်းဆောင် ရသကဲ့ သို့၊ အခြားသောကျောင်းဆင်းများ၊ တပ်မတော်သားများ နည်းတူ သင်တန်းများ သင်ယူတက်မြောက်ခဲ့ရသကဲ့သို့ပင် အားလုံးသောတပ်မတော်သားများကဲ့ သို့ပင် နိုင်ငံတော်အကြီးအကဲများနှင့် တပ်မတော်မှ အသိအမှတ်ပြုသော " သား " တစ်ဦးအဖြစ် တပ်မတော်၏ သင့်လျှော်သော စစ်ဘက်ဆိုင်ရာအဆင့်တစ်ခုအား သက်မှတ် ပေးနိုင်ပါရန် ရိုသေလေးမြတ်စွာဖြင့် ဦးတိုက်တင်ပြအပ်ပါသည်ခင်ဗျား

အပြည့်အစုံသတင်းဖတ်ရန်....

Monday, June 18, 2012

စာရေးဆရာလူထုစိန်ဝင်း ကွယ်လွန်

သတင်းစာဆရာ၊ စာရေးဆရာလူထုစိန်ဝင်းသည် ဇွန်လ ၁၇ ရက်နေ့ ည ၁၁ နာရီခွဲတွင် ရန်ကုန်မြို့၊ ssc အထူးကုဆေးခန်းတွင် ရင်ကြပ်ရောဂါဖြင့် ကွယ်လွန်သွားကြောင်း သိရှိရသည့်အတွက် အထူးဝမ်းနည်း ကြေကွဲရပါသည် Rest of your post

အပြည့်အစုံသတင်းဖတ်ရန်....

Sunday, June 17, 2012

ဒေါ်အောင်ဆန်းစုကြည် ပြောကြားခဲ့သော မိန့်ခွန်း ဘာသာပြန် စဆုံး

  နော်ဝေနိုင်ငံ အော်စလိုမြို့တွင် ဇွန်လ ၁၆ ရက်နေ့က ငြိမ်းချမ်းရေး နိုဘယ်လ်ဆုပေးပွဲကျင်းပပြုလုပ်သွားခဲ့ပြီး အမျိုးသား ဒီမိုကရေစီအဖွဲ့ချုပ် ပါတီဥက္ကဌ ဒေါ်အောင်ဆန်းစုကြည်သည် လူကိုယ်တိုင် ငြိမ်းချမ်းရေး နိုဘယ်လ်ဆုကို တက်ရောက်လက်ခံယူခဲ့သည်။
 "ဒေါ်အောင်ဆန်းစုကြည် ပြောကြားခဲ့သော မိန့်ခွန်း ဘာသာပြန် စဆုံး
 ဘုရင်မင်းမြတ်၊ တော်ဝင် အမျိုးအနွယ်ဝင်များ၊ အစိုးရအဖွဲ့ဝင်လူကြီးမင်းများ၊ နှင့် ဂုဏ်သရေရှိ နော်ဝေနိုင်ငံမှ နိုဘယ်ဆုပေးအပ်ရေး အဖွဲ့ဝင်များ လူကြီးမင်းများနှင့် မိတ်ဆွေသင်္ဂဟအပေါင်းတို့ရှင့်….   လွန်ခဲ့တဲ့ နှစ်တော်ကြာတုန်းက ဒါကတစ်ခါတစ်လေလည်း ဟိုးဘ၀ပေါင်းများစွာတုန်းကလို ထင်မိပါတယ်… ကျွန်မ အောက်စဖို့မှာ နေနေတုန်း Desert Island Discs လို့ခေါ်တဲ့ ရေဒီယို အစီအစဉ်လေးကို ကျွန်မရဲ့သားငယ် အလက်ဇန္ဒားနှင့် အတူတူ နားထောင်ခဲ့ဖူးတယ်။ ဒီရေဒီယိုအစီအစဉ်က တော်တော်လေး လူကြိုက်များပြီး ကျွန်မသိသလောက် အခုချိန်ထိ ဆက်လက်ထုတ်လွှင့် နေတယ်ဆိုပါတယ်။ ဒီအစီအစဉ်မှဆိုရင် လူတန်းစားပေါင်းစုံက ကျော်ကြားသူတွေကို ဖိတ်ကြားပြီး ဓါတ်ပြား ရှစ်ချပ်စာလောက် ဆွေးနွေး ပြောကြားကြတယ်။  ဒီအကြောင်းတွေကို ထုတ်ထားတဲ့ စာအုပ်ဟာဆိုရင် သမ္မာကျမ်းစာနှင့် ရှိတ်စပီယား ၀တ္ထုတွေလောက် ရောင်းအားသွက်ခဲ့ပါတယ်ပြီး လူသူအရောက်အပေါက်နည်းတဲ့ ကျွန်းမှာတစ်ယောက်တည်း ကျန်ခဲ့ရင်တောင် ကိုယ်နှင့်မကွာ ရှိနေစေချင်ကြတဲ့ အမြတ်တနိုးပစ္စည်း အသုံးအဆောင်လို့တောင် ဆိုကြပါတယ်။ ဒီအစီအစဉ်ကိုနားထောင်လို့ အပြီးမှာ သားလေးကကျွန်မကို မေမေ တစ်ချိန်ချိန်မှာ မေ့မေ့ကို Desert Island Discs မှာ ဒီလိုပြောခွင့် ရမယ်လို့ထင်လား လို့မေးပါတယ်။ ဘာလို့မရ မလဲ ဟုကျွန်မက ခပ်အေးအေးပဲ ပြန်ဖြေခဲ့ပါတယ်။ သားလေးက ဒီအစီအစဉ်တွေကို ယေဘုယျအားဖြင့် ထင်ပေါ်ကျော်ကြားတဲ့သူတွေပဲ ပါဝင်နိုင်တယ်ဆိုတာ သိရက်နှင့်ပင် ကျွန်မကို ဘာအတွက်ကြောင့် မေမေ့ကိုဖိတ်မယ်လို့ ထင်တာလဲလို့ ရိုးရိုးတန်းတန်းသိချင်တဲ့ သဘောနဲ့ ဆက်မေးခဲ့ပါတယ်။ ကျွန်မခဏလောက်စဉ်းစားလိုက်တယ် ပြီးမှ မေမေက စာပေဘက်မှာ နိုဘယ်ဆုရခဲ့ရင်ပေါ့ သားရယ်လို့ ပြောပြီး ကျွန်မတို့ ၂ ယောက်စလုံး ရယ်လိုက်ကြပါတယ်။ မှန်းချက်ကတော့ ဟုတ်နေတာပဲ ဒါပေမယ့်တကယ်ဖြစ်လာဖို့သာခက်တာပါ။ 

  အခုတော့ကျွန်မဘာလို့ ဒီလိုဖြေခဲ့လဲဆိုတာ စဉ်းစားလို့ရပြီ အဲဒီအချိန်မတိုင်ခင်က နိုဘယ်ဆုရခဲ့တဲ့ စာအုပ်တစ်အုပ်ဖတ်ခဲ့လို့ ဖြစ်နိုင်သလို Desert Island ရဲ့ပင်တိုင်တွေဟာလည်း ကျော်ကြားတဲ့ စာရေးဆရာတွေ ဖြစ်လို့ပဲဖြစ်မှာပါ။ 

  ၁၉၈၉ တုန်းက ကျွန်မရဲ့ကွယ်လွန်သွားပြီဖြစ်တဲ့ ခင်ပွန်း မိုက်ကယ်အဲရစ်က ကျွန်မနေအိမ်တွင်း အကျဉ်းကျခံ နေရတုန်းလာတွေ့တယ်။ သူက ဂျွန်ဖန်နစ် လို့ခေါ်တဲ့ သူငယ်ချင်းတစ်ယောက်က ကျွန်မကို နိုဘယ်ငြိမ်းချမ်းရေးဆုအတွက် နာမည်ပေးသွင်းထားကြောင်း ပြောပါတယ်။ အဲ့ဒီအချိန်မှာလည်း ကျွန်မရယ်ခဲ့တယ်။ ခဏလောက်တော့ မိုက်ကယ်က အံ့သြသွားတယ်. နောက်မှ ကျွန်မဘာလို့ ရယ်တာလဲ ဆိုတာကို နားလည်သွားပါတယ်။ နိုဘယ်ဆုလေ မှန်းချက်ကသာဟုတ်နေတာလေ ဖြစ်လာဖို့ဆိုတာမှ မလွယ်တာ။ ဒါကြောင့် ကျွန်မတကယ် နိုဘယ်ဆုရတဲ့အခါ ကျွန်မဘယ်လို ခံစားရသလဲ။ ဒီမေးခွန်းက ကျွန်မကို ခဏခဏမေးဘူးတယ် ဒီအချိန်မှာတော့ နိုဘယ်ဆုဆိုတာ ကျွန်မအတွက်ဘာလဲ ငြိမ်းချမ်းရေးဆိုတာ ကျွန်မဘယ်လို အဓိပ္ပာယ်ဖော်လည်းဆိုတာ ကိုပြန်လည်သုံးသပ်ရမယ့် အသင့်တော်ဆုံးအချိန်ဖြစ်နေပါပြီ။ 

 ကျွန်မ အင်တာဗျူးတော်တော်များများမှာ လည်းအကြိမ်ကြိမ်ပြောခဲ့ဘူးပါတယ်… တစ်ညနေမှာရေဒီယိုက ကျွန်မနိုဘယ် ငြိမ်းချမ်းရေးဆုရကြောင်းကြေငြာသွားတာကြားလိုက်ရတယ်။ ကျွန်မ မအံ့သြခဲ့ပါဘူး ဒီမတိုင်ခင် ရသတ္တပါတ်က ကျွန်မဟာ နိုဘယ်ဆုအတွက် စကာတင်ထဲမှာပါတယ်ဆိုတာကို ထုတ်လွှင့်မှုတွေမှာ ဖော်ပြတာကိုကြားခဲ့ရပါတယ်။ အခု ဒီမိန့်ခွန်းတွေအတွက် စာကြမ်းစီနေတုန်းမှာပဲ ကျွန်မ ဆုကိုကြေငြာလိုက် တဲ့အချိန်ပြီးပြီးချင်း ဘယ်လိုဖြစ်သွားလည်းဆိုတာကို ကြိုးကြိုးစားစား တွေးခဲ့ပါသေးတယ်။ ကျွန်မသိပ် မသေချာဘူးလို့ထင်တယ် သြော်သူတို့တွေ ငါ့ကိုဒီဆုပေးဖို့ ဆုံးဖြတ် လိုက်တာကိုဆိုတာမျိုးလောက်ပဲ။ ဒါကလည်း သိပ်ပြီး တကယ်မဟုတ်သလိုပဲ ဘာလို့လည်းဆိုတော့ ကျွန်မကိုယ်တိုင်ကိုယ်က သိပ်ပြီး လက်တွေ့မဆန်သလို၊ တကယ်မဟုတ်သလို ခံစားခဲ့ရပါတယ်။ 

  ကျွန်မနေအိမ်အကျယ်ချုပ်နှင့် နေရစဉ်က မကြာခဏဆိုသလို ကိုယ့်ကိုယ်ကို တကယ့် လောကကြီးနဲ့ တစ်ဆက်တည်း နေရတာမဟုတ်သလို ခံစားရတယ်။ အိမ်ကပဲကျွန်မ ရဲ့ကမ္ဘာ။ တခြားသူတွေရဲ့ မလွတ်လပ်တဲ့ ကမ္ဘာလည်း ရှိသေးတယ် ဒါပေမယ့်သူတို့ဟာ ထောင်ထဲမှာ လူအဖွဲ့အစည်းလေး တစ်ခုအနေနှင့် ရှိကြတယ်။ နောက်ပြီး လွတ်လပ်တဲ့ ကမ္ဘာဆိုတာလည်း ရှိသေးတယ်။ ဒီကမ္ဘာတွေက သူ့လမ်းကြောင်းနဲ့သူ သီးခြားစကြ၀ဠာမှာ လည်ပတ်နေသလိုပဲ။ နိုဘယ်ငြိမ်းချမ်းရေးဆုက ကျွန်မကို ကျွန်မနေတဲ့ သီးခြား ကမ္ဘာလေးထဲကနေ တစ်ဖန်ပြန်ပြီး တခြားလူသားတွေနေတဲ့ နေရာကို ပြန်ဆွဲထုတ် ပေးလိုက်သလိုပဲ၊ ပိုပြီး စစ်မှန်တဲ့ တကယ့်လက်တွေ့ ဘ၀ထဲကို ပြန်ထည့်ပေးလိုက်သလို ခံစားရပါတယ်။ ဒါကလည်း ချက်ခြင်းကြီးဖြစ်လာတာတော့ မဟုတ်သေးပါဘူး၊ ဖြတ်သန်းခဲ့ရတဲ့ နေ့လရက်အချိန်တွေ လေလှိုင်းကြားကနေ ဖြတ်လာကြတဲ့ ဒီဆုကို တုန့်ပြန်မှု သတင်းတွေနှင့် ဒီနိုဘယ်ဆုရဲ့ အရေးပါပုံကို ကျွန်မနားလည်လာ ရပါတယ်။ ဒီဆုဟာကျွန်မကို မြန်မာနိုင်ငံရဲ့ ဒီမိုကရေစီ နှင့်လူ့အခွင့်အရေး အတွက် လှုပ်ရှား ရုန်းကန်ရာမှာ ကမ္ဘာရဲ့ အာရုံစိုက်မှုကို ရစေပါတယ်။ 

  ကျွန်မတို့ကို မေ့မသွားကြပါဘူး။ မေ့သွားကြမယ်ဆိုရင။် ပြင်သစ်လူမျိုးတွေပြောတာက ခွဲခြားထားခြင်းဟာ နည်းနည်းခြင်း သေဆုံးဖို့တဲ့။ အမေ့ခံရတယ်ဆိုတာကိုယ်တိုင်ကိုက နည်းနည်းလေး သေဆုံးပျက်စီးကြစေပဲတဲ့။ ဒီလိုသာဖြစ်မယ်ဆိုရင် ကျွန်မတို့ကိုတွယ်ဆက်ထားတဲ့ လူ့အဖွဲ့အစည်းရဲ့ ကျန်တဲ့အပိုင်းတွေနဲ့ တွယ်ဆက်ထားတဲ့နေရာ အချို့ ပြတ်တောက်သွားမှာဖြစ်ပါတယ်။ ကျွန်မ ထိုင်းမှာ မြန်မာရွှေ့ပြောင်းအလုပ်သမားတွေနှင့် ဒုက္ခသည်တွေ ဆီကို မကြာသေးမီကမှ သွားရောက်တွေ့ဆုံခဲ့ပါတယ် အဲ့ဒီမှာလူအများက ကျွန်တော်တို့ကို မေ့မထားပါနဲ့ လို့အော်ကြတယ်။ သူတို့ဆိုလိုတာက သူတို့ရဲ့ ဒုက္ခတွေကို မေ့မထားပါနဲ့၊ သူတို့ကိုကူညီနိုင်တဲ့ကိစ္စတွေကို မေ့မထားပါနဲ့၊ ကျွန်တော်တို့ကလည်း ခင်ဗျားတို့နဲ့ တစ်ကမ္ဘာတည်းနေနေတာပါဆိုတာမေ့မထားပါနဲ့ပေါ့။

  နိုဘယ်ဆုရွေးချယ်ရေး ကော်မတီက ကျွန်မကို နိုဘယ်ငြိမ်းချမ်းရေးဆု ပေးအပ်လိုက်တဲ့အခါ ကမ္ဘာက ဖိနှိပ်ခံ၊ သီးသန့်နေထိုင်နေကြတဲ့မြန်မာလူမျိုးတွေကလည်း ဒီကမ္ဘာမြေရဲ့ တစ်စိတ်တပိုင်းပါလား ဆိုတာကိုသတိပြုမိလာကြတယ်။ လူသားတွေအားလုံး အတွက်တစ်ခုတည်းဖြစ်တဲ့ လူသားချင်း စားနာထောက် ထားရမှာတွေကို သတိပြုမိလာကြတယ်။ ဒါကြောင့်ကျွန်မအတွက် နိုဘယ်ငြိမ်းချမ်းရေး ဆုရခြင်းဟာ ကျွန်မရဲ့ ဒီမိုကရေစီနှင့် လူ့အခွင့်အရေးလှုပ်ရှားမှုတွေကို မြန်မာနိုင်ငံရဲ့ တစ်ခုတည်း အတွက် မဟုတ်ပဲနိုင်ငံရဲ့ နယ်နိမိတ်ကို ကျော်လွန် ထွက်သွားစေပါတယ်။ ဒီဆုဟာ ကျွန်မ နှလုံးသား တံခါးကို ပွင့်သွားစေပါတယ်။ မြန်မာတွေရဲ့ ငြိမ်းချမ်းရေးနှင့် ပတ်သက်လို့ ခံယူချက်ကတော့ ဘေးဒုက္ခတွေနဲ့ မကောင်းမှုတွေကနေ ရပ်တန့်သွားတဲ့ အတွက်ကြောင့် ဖြစ်ပေါ်လာတဲ့ ပျော်ရွှင်မှုခံစားချက်လို့ ဆိုပါတယ်။

 ငြိမ်းချမ်းဆိုတဲ့ စကားနှစ်လုံးကပဲ တိုက်ရိုက်ဘာသာပြန်ရင် မီးငြိမ်းသွားတဲ့အခါမှာ ဖြစ်တဲ့ ကောင်းမွန်တဲ့အေးချမ်းမှုလို့ ဆိုပါတယ်။ ဆင်းရဲတဲ့ခံစားမှုနှင့် အကြမ်းဖက်မှုကြောင့် ဖြစ်လာတဲ့မီးတွေဟာ ကမ္ဘာမှာ တဟုန်းဟုန်းတောက် လောင်နေပါတယ်။ ကျွန်မရဲ့ နိုင်ငံအတွင်းမှာရော မြောက်ဖက်ပိုင်းက ရန်မီးတွေကလည်း မငြိမ်းသေးသလို အနောက်ဘက်မှာလည်း အကြမ်းဖက်မှုတွေကြောင့် မီးရှို့ဖျက်စီးမှုတွေ၊ လူသတ်မှုတွေ ဟာလည်း ကျွန်မဒီခရီးမထွက်ခင် ရက်အနည်းငယ် အတွင်းကမှ ပေါ်ပေါက်လာခဲ့ပါတယ်။ ကမ္ဘာမြေရဲ့ အခြားနေရာက ရက်စက်မှုတွေရဲ့သတင်း တွေလည်း အများကြီးရှိပါတယ်။ ငတ်ပြတ်မှုသတင်းတွေ၊ ရောဂါဘယတွေ၊ တိုက်ခိုက်အနိုင်ယူတာတွေ၊ အလုပ်လက်မဲ့တွေ၊ ဆင်းရဲမွဲတေမှုတွေ၊ တရားမမျှတမှုတွေ၊ ခွဲခြားဆက်ဆံ ခံရတာတွေ၊ အယူဝါဒအစွဲတွေ၊ ကိုယ့်အယူဝါဒနဲ့မတူရင် နှိပ်ကွပ်တာတွေ ဟာဆိုရင် နေ့စဉ်တွေ့နေရပါတယ်။ နေရာတိုင်းမှာ ငြိမ်းချမ်းမှုကို တိုက်စားပစ်တဲ့ အဖျက်အမှောင့် အင်အားတွေ ဆိုတာရှိပါတယ်။ နေရာတိုင်းမှာ ကမ္ဘာကြီး ပျော်ပျော်ရွှင်ရွှင်နဲ့ စည်းချက်ညီညီ ဖွံ့ဖြိုးဖို့ထိမ်းသိမ်းရန်လိုအပ်တဲ့ ပစ္စည်းနဲ့ လူ့စွမ်းအားအရင်း အမြစ်တွေ အလဟသတ် ဆုံးရှုံးနေတယ်ဆိုတာ တွေ့နိုင်ပါတယ်။ 

 ပထမကမ္ဘာစစ်ဟာဆိုရင် ကမ္ဘာမြေအတွက် ကောင်းတဲ့အင်အားတွေဖြစ်စေမယ့် လူငယ်တွေနဲ့ သူတို့ရဲ့ အလားအလာတွေ ဆိုးဝါးစွား ပျက်စီးဆုံးရှုံးခဲ့ရတဲ့ သာဓကတစ်ခုဖြစ်ပါတယ်။ အဲ့ဒီခေတ်က ကဗျာတွေဟာ ဆိုရင် ကျွန်မအတွက် အထူးပဲ အရေးပါလှပါတယ်။ ဘာဖြစ်လို့လဲဆိုတော့ ကျွန်မစဖတ်တဲ့ အချိန်ဟာဆိုရင် ဒီလို ပွင့်ခါနီးမှာ အညွန့်ချိုးခံလိုက်ရတဲ့ လူငယ်တွေ အရွယ်မို့ပါ။

 ပြင်သစ်တပ်တွေနဲ့အတူတိုက်နေရတဲ့ အမေရိကန် လူငယ်လေးတစ်ယောက်ဆိုရင် ၁၉၁၆ တိုက်ပွဲမှာမကျခင် ဒီလိုရေးသားခဲ့ပါတယ် `အငြင်းပွားဖွယ်ရာ ရှေ့တန်းစစ်မျက်နှာ အချို့မှာ´ `ဒဏ်ရာများနဲ့ပြည့်နှက်နေတဲ့ စစ်မျက်နှာပြင် တောင်စောင်းတွေမှာ´ `မီးတွေတဟုန်းဟုန်း တောက်နေတဲ့ မြို့ကြီးတွေဆီမှာ´။ လူငယ်တွေနှင့် ချစ်ခြင်းမေတ္တာနှင့် ဘ၀တွေဟာဆိုရင် အေးစက်တဲ့ အဓိပ္ပာယ်မဲ့ လုပ်ရပ်တွေ အောက်မှာ မထင်မရှား၊ လူမသိ ထာဝရ တိမ်မြုပ်ခဲ့ရတယ်။ ဘာအတွက်လည်း။ ၁၀ စုနှစ်တစ်ခုသာ ကုန်ခဲ့တယ် ကျေနပ်တဲ့ အဖြေမျိုး မရသေးပါဘူး။ ကျွန်မတို့ရဲ့ လူ့ဘောင်ကြီးနှင့် အနာဂတ်ကို အကြမ်းဖက်မှုတွေ၊ မတည်ငြိမ်မှုတွေ၊ မရေရာမှုတွေ ကနည်းအောင်မလုပ်နိုင်ရင် ကိုယ့်ကိုယ်ကို အပြစ်ရှိတယ်လို့မခံစားရဘူးလား။ 

  စစ်ဆိုတာ ငြိမ်းချမ်းရေး အသတ်ခံလိုက်ရတဲ့ ကြိုးဝိုင်းတစ်ခုပါပဲ။ ဘယ်လိုပဲ ဒီဒုက္ခ သုခတွေ လျစ်လျူရှုခံရပါစေ ဒီလိုခံရတာတွေအတွက် အငြင်းပွားမှုတွေ၊ ခွဲခြားခံရတယ်လို့မြင်လာတာတွေ၊ မတရားခံရမှုအတွက် ဖြစ်ပေါ်လာတဲ့ မကျေနပ်ချက်တွေ၊ ဒေါသတွေ ကတော့ တစ်ချိန်ချိန်မှာ အညောင့်ပေါက်လာကြမှာပါ။ အကျယ်ချုပ် နေလိုက်ရတဲ့ ကောင်းတဲ့အချက်တစ်ခုကတော့ ကျွန်မဘ၀မှာ သိလာ ခံယူလာတဲ့အမြင်တွေ၊ နဲ့စကားလုံးတွေရဲ့ အဓိပ္ပာယ်ကို ကောင်းကောင်းတွေးဆဖို့ အချိန်အလုံ အလောက်ရခဲ့တာပါပဲ။ ဗုဒ္ဓဘာသာဝင် တစ်ယောက်အနေနဲ့ ဒုက္ခဆိုတဲ့ စကားလုံးကို ငယ်ငယ်တည်းက ရင်းနှီးခဲ့ပါတယ် ယေဘုယျဒုက္ခဆိုတာ ခံစားရခြင်းလို့ ဘာသာပြန်နိုင်ပါတယ်။

  နေ့တိုင်းလိုလို ကျွန်မနားက လူကြီးတွေနဲ့ တစ်ချို့သိပ်မကြီးသေးတဲ့ သူတွေပါ သူတို့နည်းနည်း နာတာကျင်တာခံစားရတဲ့ အခါမှာဖြစ်ဖြစ်၊ အသေးအဖွဲ စိတ်ညစ်စရာလေးတွေ ကြုံရင်ပဲဖြစ်ဖြစ် ဒုက္ခ ဒုက္ခ ဆိုပြီး ညည်းနေကြတယ်။ ဒါပေမယ့် ကျွန်မ နေအိမ် အကျယ်ချုပ်နဲ့ နေရတဲ့အချိန်မှာမှာ ဒုက္ခဆင်းရဲခြောက်မျိုး အကြောင်းကို သေချာလေ့လာခွင့်ရခဲ့တာပါ။ ပဋိသန္ဓေနေရခြင်း၊ အိုရခြင်း၊ နာရခြင်း၊ သေရခြင်း၊ ချစ်ခင်သူနှင့်ခွဲခွာရခြင်း၊ မချစ်ခင်သူနဲ့ အတူတကွနေရခြင်း တို့ဖြစ်ပါတယ်။

 ကျွန်မဟာ ဒီခြောက်ချက်ကို နေ့စဉ်ဘ၀မှာ ဘာသာရေးအမြင်နဲ့ မဟုတ်ပဲ လောကီအမြင်နဲ့ လေ့လာပါတယ်။ ဒီဒုက္ခတွေဟာ ကျွန်မတို့ ရဲ့ဘ၀မှာ ရှောင်လို့မရနိုင်ရင်၊ လက်တွေ့ကျကျ လျော့နည်းနိုင်သမျှ နည်းအောင်လုပ်ရမယ်။ ကိုယ်ဝန်ဆောင်စဉ်နဲ့ မွေးပြီးချိန်မှာ မိခင်နှင့်ကလေး စောင့်ရှောက်မှုအတွက် အစီအစဉ်တွေကိုပိုပြီး ထိထိရောက်ရောက် ဖြစ်အောင်လုပ်ပေးရမယ်၊ သက်ကြီးရွယ်အိုတွေ အတွက် လိုအပ်တဲ့ ၀န်ဆောင်မှုတွေကို ပေးနိုင်ရမယ်၊ ကျန်းမာရေးအခြေခံေ စာင့်ရှောက်မှု တွေ၊ မေတ္တာစေတနာနှင့် သုနာပြုစုမှုတွေ၊ နောက်ဆုံးနေ၀င်ချိန်မှာ စောင့်ရှောက်မှုပေးတဲ့ လုပ်ငန်းတွေကို ကောင်းကောင်း ဖြည့်ဆည်းပေးရမယ်။ နောက်ကကျန်တဲ့ ချစ်သောသူနှင့် ကွေကွင်းရခြင်း မချစ်မနှစ်သက်သူနှင့် အတူနေရခြင်းဆိုတဲ့ဒုက္ခ နှစ်မျိုးကို ကျွန်မပိုပြီး စိတ်ဝင်စား အလေးပေးမိပါတယ်။ 

 ကျွန်မတို့ရဲ့ ဗုဒ္ဓဘုရားရှင်ဟာသူကိုယ်တိုင် ဘာလို့ဒီနှစ်မျိုးကို သူဘာတွေ ကြုံတွေ့ခဲ့ဘူးလုိ့ ဒုက္ခထဲမှာ ထည့်ခဲ့တာပါလိမ့်။ ကျွန်မကတော့ အကျဉ်းသားတွေ၊ ဒုက္ခသည်တွေ၊ ရွေ့ပြောင်း အလုပ်သမားတွေ၊ လူကုန်ကူးခံရတာ သူတွေဟာဆိုရင် အစုလိုက်အပြုံလိုက်ကို သူတုိ့ရဲ့နေရာဒေသ၊ အိမ်တွေ၊ မိသားစုတွေ၊ မိတ်ဆွေ သူငယ်ချင်းတွေဆီ ကနေပြီး လိုလိုလားလားမရှိတဲ့ တစိမ်းတရံစာ ကြားတွေထဲမှာနေဖို့ ဆွဲနှုတ်ပြောင်းရွေ့ ခံခဲ့ရသလိုပါပဲ။ ကျွန်မတို့ဟာ လူ့အခွင့်အရေးအပြည့်နှင့် အထောက်အကူ ကောင်းကောင်းနှင့် အသက်အရွယ် ကြီးသည်အထိ မိမိတို့ဆန္ဒအလျောက် ဒါမှမဟုတ် လိုအပ်ချက်အလျောက် နေရနေရမယ်ဆိုရင် ကံကောင်းပါတယ်။ ကျွန်မဟာလည်း ဒီအသက်အရွယ်ထိ ဒီလိုအကျဉ်းသားတွေရဲ့ အရေးကို နေရာတိုင်းမှာ လူတိုင်းစိတ်ဝင်စား တဲ့အချိန်၊ ဒီမိုကရေစီနှင့် လူ့အခွင့်အရေးတွေကို တစ်ကမ္ဘာလုံး မဟုတ်တောင် တော်တော်များများက လူတိုင်းရဲ့ မွေးရာပါ အခွင့်အရေးဆိုပြီး လက်ခံလာတဲ့ အချိန်ထိနေရတာ ကံကောင်းပါတယ်။ 

 နေအိမ်အကျဉ်းကျနေတဲ့ အချိန်တော်တော်များများမှာ ကျွန်မဟာ လူအခွင့်အရေး ကြေငြာစာတမ်းက အကြိုက်ဆုံး စာပိုဒ်တွေကနေပြီးတော့ အားအင်တွေ မွေးယူခဲ့ရပါတယ်။ ……….လူသားတွေ ရသင့်တဲ့အခွင့်အရေးကို မရတာ မျက်ကွယ်ပြုတာဟာ ဆိုရင် ရိုင်းစိုင်းပြီး လူမဆန်တဲ့ အပြုအမူမျိုးဖြစ်ပါတယ်။ လူသားတိုင်း လွတ်လပ်စွာ ပြောဆိုယုံကြည်ခွင့်တွေရလာမယ့် အချိန်၊ အကြောက်တရားတွေ ကင်းပြီး လူသားတိုင်း ရသင့်တဲ့အမြင့်ဆုံးအခွင့်အရေးတွေ လိုအပ်ချက်တွေကို ရလာမယ့်အချိန်… …… လူသားတွေဟာ အန္တရာယ်ရှိတဲ့ အလုပ်မျိုးကို အဓမ္မ ခိုင်းစေခံရတာမျိုးကို ကြံရာမရလို့ဖြစ်စေ၊ အာဏာသုံး၍ မတရားခိုင်းစေတာမျိုး၊ ဖိနှိပ်တာမျိုး မဖြစ်အောင် လူ့အခွင့်အရေးကို တရားဥပဒေနဲ့ ကာကွယ်သင့် ပါတယ်…. ကျွန်မကို မြန်မာနိုင်ငံမှာ လူအခွင့်အရေး လှုပ်ရှားမှုတွေဘာကြောင့် လုပ်နေရသလဲလို့ မေးလာရင် အပေါ်က စာပိုဒ်တွေဟာအဖြေပါပဲ။ ဘာဖြစ်လို့လဲဆိုတော့ ကျွန်မကဒီမိုကရေစီဆန်တဲ့ အဖွဲအစည်းနှင့် လုပ်ဆောင်မှုတွေဟာ လူ့အခွင့်အရေးကို အာမခံချက်ပေးဖို့အတွက် လိုအပ်တယ်ဆိုတာကို ယုံတယ်။

  ပြီးခဲ့တဲ့နှစ်တွေကဆိုရင် မြန်မာနိုင်ငံက ဒီမိုကရေစီနှင့် လူ့အခွင့်အရေးတွေဟာ ယုံကြည်သူတွေ အတွက်ဆိုရင် စတင်ပြီး အသီးအပွင့်တွေ ခံစားရမယ့် လက္ခဏာမျိုးတွေ့လာရပါပြီ။ ကောင်းတဲ့ဘက်ကို ပြောင်းလဲမှုမျိုးကိုမြင်နေ ရပြီ၊ ဒီမိုကရေစီစနစ်ဖြစ်ဖို့အတွက် ခြေလှမ်းတွေစတင်နေပြီလို့မြင်နိုင်ပါတယ်။ ဒါပေမယ့် ကျွန်မ ဟာသတိကြီးကြီးနဲ့ အကောင်းအမြင် ၀ါဒကို လုပ်ဆောင်နေတယ် ပြောလို့ရပါတယ် ဒါဟာ ကျွန်မ နောက်အနာဂါတ်ကို မယုံလို့မဟုတ်ပါဘူး ဒါဟာကျွန်မ မျက်ကန်းမြင် ယုံကြည်မှုမျိုး မဖြစ်စေချင်လို့ သတိကြီးကြီးနဲ့ လုပ်ဆောင်နေတာပါ။ အနာဂါတ်ကို မယုံပဲနှင့်၊ ဒီမိုကရေစီ စံနှုန်းတွေအပေါ် ခိုင်မာတဲ့ ယုံကြည်ချက်မျိုးမရှိပဲနှင့် လူအခွင့်အရေး အခြေခံအချက်တွေဟာ ကျွန်မတို့လူ့အဖွဲ့အစည်းမှာ တကယ်လိုအပ်တာမက ဖြစ်နိုင်ခြေတယ် ဆိုတာမျိုးပါ မယုံပဲနှင့် ကျွန်မတို့လှုပ်ရှားမှု ဟာဒီလို ခက်ခဲကြမ်းတမ်း တဲ့နှစ်တွေမှာ ကြံ့ကြံ့ခံတည်တံ့ လာဖို့မလွယ်ပါဘူး။ တချို့တချို့သောကျွန်မတို့ရဲ့ ရဲဘော်ရဲဘက်တွေ သူတို့ရဲ့ရပ်တည်ချက်တွေကနေ ပြိုလဲခဲ့တယ်၊ ကျွန်မတို့ကိုစွန့်ခွာခဲ့တယ်၊ တကယ့်ကို စိတ်ဓါတ်ခိုင်မာတဲ့ အမာခံတွေပဲ ရဲရဲဝံ့ဝံ့ ယုံယုံကြည်ကြည်နှင့် ကျန်ခဲ့ပါတယ်။ 

  ကုန်ခဲ့တဲ့နှစ်တွေကိုပြန်ကြည့်မယ်ဆိုရင် ဒီလိုခက်ခက်ခဲခဲ ကျိုးစားလုပ်ဆောင်ရတဲ့ အချိန်တွေမှာ သစ္စာရှိရှိ ကျန်ခဲ့တဲ့သူတွေ တော်တော်များတယ် ဆိုတာကျွန်မ အံ့သြမိတယ်။ ကျွန်မတို့ရဲ့လမ်းကြောင်းအပေါ် သူတို့က မျက်ကန်းယုံတာမျိုး မဟုတ်ဖူး၊ သေချာမျက်လုံးဖွင့် လေ့လာပြီး၊ သူတို့ကိုယ်ပိုင်စွမ်းအားနဲ့  ကြံ့ကြံ့ခံပြီးမှ ကျွန်မတို့ပြည်သူတွေရဲ့ စိတ်အားထက်သန်မှုကို လေးစားတဲ့အနေနှင့် ကျန်ခဲ့တာပါ။ အခုကျွန်မ ရှင်တို့နဲ့ စကားပြောနေနိုင်တာကလဲ ကျွန်မတို့နိုင်ငံရဲ့ မကြာခင်က ပြောင်းလဲခဲ့မှုတွေကြောင့်ပါ။ ဒီပြောင်းလဲမှု တွေကလည်း သင်တုိ့ကြောင့်နှင့် တခြားသော လွတ်လပ်ရေးနှင့် တရားဥပဒေကို မြတ်နိုးသူတွေ ကနေပြီးတော့ ကျွန်မတို့အခြေအနေကို တစ်ကမ္ဘာလုံး သတိထား မိလာအောင် လုပ်ဆောင်နိုင်မှု တို့ကြောင့်ပါပဲ။ 

  ကျွန်မနိုင်ငံ အကြောင်းဆက်မပြောခင် ယုံကြည်ချက်ကြောင့်အကျဉ်းကျခံနေရတဲ့ အကျဉ်းသားတွေကိစ္စ နည်းနည်းပြောချင်ပါတယ် ဒီလိုအကျဉ်းသားတွေ မြန်မာနိုင်ငံမှာရှိနေသေးပါတယ်။ လူသိများတဲ့ ယုံကြည်ချက်အကျဉ်းသားတွေ လွတ်လာသော်လည်း လူသိမများတဲ့ သူတွေကျန်ပါသေးတယ် သူတို့အမေ့ခံ နေရမှာကို ကြောက်မိပါတယ်။ ကျွန်မဟာအခုဒီမှာရပ်နေရတာဟာလည်း တစ်ချိန်က ကျွန်မကိုယ်တိုင် ယုံကြည်ချက် အကျဉ်းသား တစ်ယောက်ပါ။ ကျွန်မကိုကြည့်နေတုန်း ကျွန်မပြောတာ နားထောင်နေတုန်း မှာ ယုံကြည်ချက်အကျဉ်းသားဟာ တစ်ယောက်ပင်ဖြစ်ပါစေ များလွန်းတယ်ဆိုတဲ့ ဘယ်အခါမှမပြောင်းလဲတဲ့ အမှန်တရားကို သတိရကြပါ။ ကျွန်မတို့နိုင်ငံမှာ မလွတ်ကြသေးတဲ့သူတွေ၊ တရားဥပဒေ စိုးမိုးမှုမခံရသေးတဲ့ သူတွေဟာ တစ်ယောက်မက များပါတယ်။ ကျေးဇူးပြု၍ သူတို့ကိုမမေ့ပါနှင့်၊ သူတို့ကိုမြန်မြန်နှင့် ချွင်းချက်မရှိ လွတ်ပေးနိုင်ရန် သက်ရောက်စေမဲ့ မည်သည့်လုပ်ရပ်ကို မဆိုလုပ်ဆောင်ပေးကြပါ။ မြန်မာနိုင်ငံဟာ တိုင်းရင်းသားလူမျိုးပေါင်းစုံနှင့် ဖွဲ့စည်းထားတာဖြစ်ပါတယ် နိုင်ငံရဲ့ အနာဂါတ်ကို ယုံကြည်စွာနဲ့ တည်ဆောက်ဖို့ရန် တစ်ခုတည်းသောအရာမှာ စစ်မှန်တဲ့ပြည်ထောင်စုစိတ်ဓါတ်ဖြစ်ပါတယ်။ 

  ၁၉၄၈ ခုနှစ်ထဲက လွတ်လပ်ရေးရခဲ့တယ်ဆိုပေမယ့် တစ်နိုင်ငံလုံး အေးချမ်းတည်ငြိမ်မှု ရှိခဲ့တယ်ဆိုတဲ့ အချိန်မျိုးမရှိခဲ့ပါဘူး။ ပြသနာတွေရဲ့အရင်းမြစ်ကို ဖြေရှင်းနိုင်ဖို့ လိုအပ်တဲ့ယုံကြည်မှုနှင့် နားလည်းမှုကို မတည်ဆောက်နိုင်ခဲ့ပါဘူး.။ ၁၉၉၀ မှ ၂၀၁၀ ကြား အပစ်အခတ် ရပ်ဆဲရေးကြောင့် တောက်ပလာတဲ့ မျော်လင့်ချက်တွေဟာ ဆိုရင် ပြီးခဲ့တဲ့ လတွေက ဖြစ်ရပ်တွေကြောင့် ပြိုလဲခဲ့ရပါတယ်။ တစ်ချက်တည်းသော မဆင်မခြင် လုပ်ရပ်တွေဟာဆိုရင် နှစ်ပေါင်းများစွာ တည်ဆောက်လာတဲ့ အပစ်အခတ်ရပ်စဲရေး ကိုတစ်ခါတည်း ရပ်တန့်သွားနိုင်ပါတယ်။

  ပြီးခဲ့တဲ့လတွေကဆိုရင် တိုင်းရင်းသား လက်နက်ကိုင်တွေနဲ့ အစိုးရကြားမှာ တွေ့ဆုံဆွေးနွေးမှုတွေ တိုးတက်အောင်မြင်တာကို တွေ့ရပါတယ်။ ကျွန်မယုံကြည်တာက အပစ်အခတ်ရပ်စဲရေး သဘောတူညီမှုတွေ ဟာ လူတွေရဲ့ လိုလားချက်နဲ့ ပြည်ထောင်စု စိတ်ဓါတ်အပေါ်မှာ မူတည်ပြီး နိုင်ငံရေး တည်ငြိမ်မှုတွေကို ဖြစ်ပေါ်စေမှာပါ။ ကျွန်မရဲ့ပါတီဖြစ်တဲ့ အမျိုးသားဒီမိုကရေစီအဖွဲ့ချုပ်နှင့် ကျွန်မဟာ တိုင်းရင်းသား ပြန်လည် သွေးစည်းညီညွတ်ဖို့ အတွက် ကျရာကဏ္ဍမှ ပါဝင်ရန် အသင့်ရှိပါတယ်။ ပြန်လည်သင့်မြတ်ရေး လှုပ်ရှားမှုများဟာဆိုရင် သမ္မတကြီး ဦးသိန်းစိန် အစိုးရရဲ့စတင်ပေးခဲ့ပြီး အမြဲတမ်း အကောင်အထည်ပေါ် ခိုင်မြဲနေစေဖုိ့ကတော့ ပြည်တွင်းမှာရှိတဲ့ အဖွဲ့အစည်းတွေဖြစ်တဲ့ တပ်မတော်၊ တိုင်းရင်းသားအဖွဲ့အစည်း၊ နိုင်ငံရေးပါတီ၊ မီဒီယာတွေ၊ လူမှုအဖွဲ့အစည်းတွေ၊ စီးပွားရေးအဖွဲ့အစည်းတွေ နှင့် အရေးအကြီးဆုံးဖြစ်တဲ့ ပြည်သူတစ်ရပ်လုံးက ပါးပါးနပ်နပ် ပါဝင် ဆောင်ရွက်ကြဖို့လိုပါတယ်။ 

  ပြည်သူတွေရဲ့ ဘ၀တွေတိုးတက်မှုရှိတယ်ဆိုမှ ပြန်လည်သင့်မြတ်ပေါင်းစည်းတာအောင်မြင်တယ် လို့ ကျွန်မတို့ ဆိုနိုင်ပါလိမ့်မယ်၊ ဒီနေရာမှာ နိုင်ငံတကာအဖွဲ့အစည်းတွေရဲ့ အခန်းကဏ္ဍကလည်း အရေးကြီးပါတယ်။ ဖွံ့ဖြိုးမှုနှင့် လူသားခြင်းစာနာထောက်ထားသောကူညီမှုများ၊ နှစ်ဦးနှစ်ဖက် သဘောတူညီမှုများနှင့် ရင်းနှီးမြုပ်နှံမှုများကိုလည်း ပူးပေါင်း ဆောင်ရွက်ပေးပြီး၊ လူမှုဘ၀တိုးတက်စေရန်၊ နိုင်ငံရေးနှင့် စီးပွားရေး တိုးတက်မှု ဘက်ညီ၍ ရေရှည်ဖြစ်စေရန် အမြဲတိုင်းတာ စောင့်ကြည့်ထိန်း သိမ်းပေးဖို့လည်းလိုပါသည်။ ကျွန်မတို့ နိုင်ငံဟာ အလားအလာ အလွန်ကောင်းတဲ့ နိုင်ငံဖြစ်တယ်။ ဒီအလားအလာကို ဖော်ထုတ်ပြီး တိုးတက်အောင် လုပ်ယူပြီး တိုးတက်တဲ့နိုင်ငံဖြစ်ယုံသာမက လူအခွင့်အရေး ပြည့်ဝတဲ့နိုင်ငံ ကျွန်မတို့ပြည်သူလူထု ငြိမ်းငြိမ်းချမ်းချမ်း၊ လွတ်လွတ်လပ်လပ်နှင့် လုံခြုံမှုရှိတဲ့ ဒီမိုကရေစီဆန်တဲ့ လူ့အဖွဲ့အစည်းမှာ နေနိုင်အောင် လုပ်ဆောင်ရမှာ ဖြစ်ပါတယ်။ ကျွန်မတို့ကမ္ဘာကြီးရဲ့ ငြိမ်းချမ်းရေးဟာ ခွဲခြားလို့မရပါဘူး။ 

  ကမ္ဘာကြီးရဲ့ဘယ်နေရာမှာမဆို မကောင်းတဲ့အား က ကောင်းတဲ့အားထက်သာနေရင် ကျွန်မတို့အားလုံး ဒုက္ခရောက်နိုင်ခြေရှိတယ်။ မကောင်းတဲ့အားတွေ အကုန်လုံးကိုရော ဖယ်နိုင်ပါ့မလားလို့ မေးခွန်းထုတ်စရာ ရှိပါတယ်။ ရိုးရှင်းတဲ့အဖြေကတော့ မထုတ်နိုင်ဘူးလို့ ပဲဖြစ်ပါတယ်။ အကောင်းနှင့်အဆိုး တွဲပြီးရှိနေတတ်တာ လူ့သဘာဝပါ။ ဒါပေမယ့် လူရဲ့ စွမ်းအားနဲ့ ကောင်းတဲ့ဘက် ပိုများလာအောင် မကောင်းတဲ့ဘက် နည်းသွားအောင်၊ ပျက်သွားအောင် လုပ်လို့ရပါတယ်။ ရာနှုန်းပြည့် ငြိမ်းချမ်းမှုကတော့ ဒီကမ္ဘာမှာ မရနိုင်တဲ့ရည်မှန်းချက်ပါ။ 

  ဒါပေမယ့် ကျွန်မတို့ဟာ ငြိမ်းချမ်းရေးဘက်ကို ဦးတည်ပြီး ခရီးဆက်သွားရမှာဖြစ်သလို၊ မျက်လုံးတွေကလည်း ကန္တာရခရီးသွား လမ်းပြကြယ်တွေကို လမ်းမပျောက်အောင် မမှိတ်မသုန်ကြည့်နေသလို ငြိမ်းချမ်းရေးကိုဦးတည်ပြီး ကြည့်နေရပါမယ်။ ပြစ်မျိုးမှဲ့မထင် ငြိမ်းချမ်းရေးမျိုး ကဒီကမ္ဘာမှာမရှိလို့ မရနိုင်ရင်တောင် ငြိမ်းချမ်းရေးရဲ့ ရဖို့အခြေခံ လုပ်ဆောင်နိုင်တဲ့ လုပ်ဆောင်ချက်တွေနှင့် လူတစ်ဦးချင်း၊ နိုင်ငံတစ်ခုချင်းစီကို ယုံကြည်မှုနှင့် မိတ်ဖွဲ့နေကြမယ်ဆိုရင်၊ လုံခြုံပြီး မေတ္တာတရားနှင့် ပို၍ကြင်နာတက်သော လူ့ဘောင်အဖွဲ့အစည်းကြီး တည်ဆောက် နိုင်အောင် ကူညီပေးနိုင်ပါလိမ့်မယ်။ ကျွန်မ ပို၍ကြင်နာတက်သော ဆိုတဲ့စကားလုံးကို သေချာစဉ်းစားပြီးမှ သုံးခဲ့တာပါ စဉ်းစားတာ နှစ်ပေါင်းများစွာ ကြာတယ်လို့တောင် ဆိုနိုင်ပါတယ်။


  ချိုတယ်ဆိုတဲ့ အရသာအမျိုးမျိုး ရှိတဲ့အထဲက၊ ကျွန်မကို ဒီအရသာ အများကြီး မရှိဘူးလို့တောင် ပြောခွင့်ပေးပါ၊ ကျွန်မ အချိုမြိန်ဆုံးသော အရာကိုတွေ့ရှိခဲ့ပါတယ်….။ အားလုံထဲမှာမှ တန်ဖိုးလည်း အရှိဆုံး ဖြစ်တဲ့ ကျွန်မသိခဲ့ရတာကတော့ အကြင်နာ မေတ္တာတရားရဲ့တန်ဖိုးကို သိခဲ့ရတာပဲဖြစ်ပါတယ် တွေပဲဖြစ်ပါတယ်။ ကျွန်မရခဲ့သမျှ အကြင်နာမေတ္တာတွေဟာ ကြီးကြီးဖြစ်ဖြစ်၊ သေးသေးဖြစ်ဖြစ် သေချာစေတာကတော့ ဒီကမ္ဘာကြီးမှာ အကြင်နာမေတ္တာ တရားပိုသွားတယ်ဆိုတာ မရှိပါဘူး။ ကြင်နာတက်ဖို့ဆိုတာကတော့ သူုတပါး မျှော်လင့်ချက်နဲ့ လိုအပ်ချက်တွေကို စာနာနားလည်ပြီး လူသားဆန်တဲ့နွေးထွေးမှု နဲ့တုန့်ပြန်ပေးရမှာ ဖြစ်ပါတယ်။ အကြင်နာတရားနှင့် ခဏလေး ထိတွေ့ကိုင်တွယ်လိုက် တာလေးသည်ပင် နှလုံးသားကို အင်အားဖြစ်စေပါတယ်။ 

  အကြင်နာမေတ္တာတရားက လူသားတွေရဲ့ဘ၀ကို ပြောင်းလဲစေနိုင်ပါတယ်။ နော်ဝေ နိုင်ငံဟာဆိုရင် အကြင်နာ တရားရဲ့ ပြယုဒ်တစ်ခုပါပဲ ကမ္ဘာမြေရဲ့ တစ်နေရာက အဖယ်ခံလိုက်ရတယ် သူတွေအတွက် နေစရာပေးတယ်။ သူတို့နိုင်ငံက မလွတ်လပ်လို့ မလုံခြုံလို့ တိမ်းရှောင်လာတဲ့ သူတွေကို ပုန်းအောင်းစရာ နေရာပေးတယ်။ ကမ္ဘာရဲ့ဘယ်နေရာမှာမဆို ဒုက္ခသည်ဆိုတာရှိတာပဲ. ကျွန်မ ထိုင်းနိုင်ငံ မယ်လ ဒုက္ခသည် စခန်းမှာတုန်းက တကယ့်ကိုပဲ ကိုယ့်လိုသူတွေရဲ့ဒုက္ခတွေ ပင်ပန်းဆင်းရဲမှုတွေကနေ ကင်းလွတ်အောင်လို့ နေ့တိုင်း အားကြိုးမာန်တက် လုပ်ဆောင်နေတာ တွေ့ရတယ်။ သူတို့ စိုးရိမ်တာက အလှူရှင်တွေ မရတော့မှာ သေအချာပြောရရင် စာနာထောက်ထားမှုတွေ လျော့လာမှာ။ အလှူရှင်တွေ လျော့ရင် တော့ ရန်ပုံငွေတွေ လျော့ မယ်။ နောက်တစ်ခုက ပထမတစ်ခုရဲ့ရလာဒ်ပါ စာနာထောက်ထားမှု လျော့တာ ကတော့ ဂရုစိုက်မှုတွေလျော့ကုန် တာပေါ့။ ဒါကိုကျွန်မတို့ တားနိုင်မလား။ ဒုက္ခသည်တွေရဲ့လိုအပ်ချက်က များလာပြီး မျက်လုံးကန်းတာမဟုတ်ရင် ဒုက္ခရောက်နေတာတွေကို မမြင်ခြင်ယောင်ပဲဆောင်လိုက်တာများလား။ 

  ကမ္ဘာပေါ်မှာရှိတယ် အလှူရှင်တွေကို ကျွန်မ မေတ္တာရပ်ခံလိုတာက ခိုလှုံဖို့အတွက် မရေမရာ ရှာနေတဲ့ သူတို့ရဲ့ လိုအပ်ချက်လေးတွေကို ဖြည့်ပေးဖို့ပါ။ မယ်လမှာတုန်းကဆိုရင် ဒီစခန်းနဲ့ တခြားသော ဒုက္ခသည်စခန်းတွေရှိတဲ့ တပ်ဒေသက ထိုင်းအာဏာပိုင်တွေနှင့် အဖိုးမဖြတ်နိုင်တဲ့ ဆွေးနွေးခွင့် ရခဲ့ပါတယ်။ သူတို့က ဒုက္ခသည်စခန်းနှင့် ပတ်သတ်တဲ့ အရေးကြီးတဲ့ပြသနာတွေ ပြောပြတယ်။ သစ်တောဥပဒေ ချိုးဖောက်တာတွေ တရားမ၀င် ဆေးဝါးသုံးစွဲမှုတွေ၊ ချက်အရက်တွေ၊ ငှက်ဖျားရောဂါပြသနာတွေ၊ သွေးလွန်တုပ်ကွေးနှင့် ၀မ်းရောဂါတွေပေါ့။ အာဏာပိုင်တွေ ပူပန်တာကလည်း ဒုက္ခသည် တွေပူပန်တာလိုိမျိုးပဲ။ လက်ခံတဲ့နိုင်ငံက လည်း သူတို့ရဲ့ တာဝန်ဝတ္တရားတွေနှင့် ကြုံတွေ့ရတဲ့အခက် အခဲတွေကို ဖြေရှင်းဖို့ စဉ်းစားဖို့နှင့် လက်တွေ့ကျကျ ကူညီနိုင်ဖို့လည်း လိုပါတယ်။ 


  နောက်ပိုင်း ကျွန်မတို့ရဲ့ရည်ရွယ်ချက်က ထွက်ပြေးခိုလှုံလာတဲ့သူတွေ၊ အိမ်ရာမဲ့တွေ၊ ရည်မှန်းချက်မဲ့တွေ မရှိတော့တဲ့ ကမ္ဘာရဲ့ နေရာတိုင်းဟာ နေထိုင်သူတွေဟာ လွတ်လပ်စွာ၊ ငြိမ်းချမ်းစွာ နေထိုင်နိုင်မယ့် နေရာတွေဖြစ်လာဖို့ပါ။ အတွေးတိုင်း၊ စကားတိုင်း၊ အလုပ်တိုင်းဟာ ငြိမ်းချမ်းရေးအတွက် ကောင်းမွန်တဲ့ ဘက်က၊ ကုသိုလ်ဘက်က ထည့်ဝင်တဲ့အားတွေဖြစ်ဖို့ လိုပါတယ်။ ကျွန်မတို့ တစ်ဦးတစ်ယောက်ချင်းစီဟာ ဒီလိုလုပ်နိုင်တဲ့ အရည်အချင်းတွေ ရှိပါတယ်။ ကျွန်မတို့အေးချမ်းစွာ အိပ်စက်ပြီး အေးချမ်းစွာ နိုးထနိုင်မဲ့ ကမ္ဘာကြီးဖြစ်အောင် ကျွန်မတို့လက်တွေ ခိုင်မြဲစွာတွဲထားပြီး ကြိုးစားကြပါစို့…..။ 


 (အထက်ပါတို့မှာ ဒေါ်အောင်ဆန်းစုကြည်၏ အလွန်ကောင်းသော နိုဘယ်လ်ငြိမ်းချမ်းရေးဆုယူ မိန့်ခွန်းကို တတ်နိုင်သမျှ ဘာသာပြန်ထားခြင်း ဖြစ်ပါသည်…. ဘယ်လောက်ပဲ ကြိုးစားပြန်သော်လည်း လူထုခေါင်းဆောင်၏ မူရင်းအဓိပ္ပာယ်နှင့် ပါတိတ်စ အတွင်းနှင့် အပြင်လို ကွာပါသည်…… တုပ်ကွေးမိရက် တန်းလန်းနှင့် live မကြည့်နိုင်သော မြန်မာနိုင်ငံသားများအတွက် မည်သူမှ ဘာသာ မပြန်သေးသောကြောင့် နံနက် ၂း၃၀ အထိ ကြိုးစားပြန်ထားခြင်း ဖြစ်ပါသည်။ အမှားနှင့် အလွဲများရှိခဲ့ပါက ကျွန်တော့် တာဝန်သာ ဖြစ်ပါသည်။ သည်းခံကြပါ။ 

 (Dr ကောင်းမြတ်ကျော်)
စေတနာရှေ့ထားပြီး ကြိုးစာ၍ ဘာသာပြန်ပေးသော Dr ကောင်းမြတ်ကျော်နှင့် မျှဝေခွင့်ပေးတဲ့ ဦးလေး မောင်ရှင်တို့အား အာဇာနည် အဖွဲ့သားများမှ မှတ်တမ်းတင် ကျေးဇူးတင်ရှိပါသည်။ 

အပြည့်အစုံသတင်းဖတ်ရန်....

နှစ်ကြိမ်မြောက် ငြိမ်းချမ်းရေး နိုဘယ်လ်ဆု ဒေါ်အောင်ဆန်းစုကြည် လက်ခံရယူ

နော်ဝေနိုင်ငံ အော်စလိုမြို့တွင် ဇွန်လ ၁၆ ရက်နေ့က ငြိမ်းချမ်းရေး နိုဘယ်လ်ဆုပေးပွဲကျင်းပပြုလုပ်သွားခဲ့ပြီး အမျိုးသား ဒီမိုကရေစီအဖွဲ့ချုပ် ပါတီဥက္ကဌ ဒေါ်အောင်ဆန်းစုကြည်သည် လူကိုယ်တိုင် ငြိမ်းချမ်းရေး နိုဘယ်လ်ဆုကို တက်ရောက်လက်ခံယူခဲ့သည်။  
နိုဘယ်လ်ဆုပေးပွဲအခမ်းအနား ကျင်းပပွဲတွင် တေးရေး ဆရာ အောင်လင်းရေးသားခဲ့သည့် မေတ္တာရွှေစောင်း သီချင်းကို မြန်မာအမျိုးသား စောင်းမောင်နေ၀ါက မြန်မာ့ရိုးရာ စောင်းဖြင့် ဂုဏ်ပြုဖျော်ဖြေခဲ့သည်။ 

 ဒေါ်အောင်ဆန်းစုကြည်ယခု ရရှိသော ငြိမ်းချမ်းရေးနိုဘယ်လ်ဆုမှာ ဒုတိယအကြိမ်မြောက် ဖြစ်ပြီး၊ ၁၉၉၁ ခုနှစ်က မြန်မာနိုင်ငံတွင် နေအိမ်အကျယ် ချုပ်ဖြင့် ဖမ်းဆီးခံနေရစဉ် နိုဘယ်ငြိမ်းချမ်းရေးဆု ကို ရရှိခဲ့ခြင်းဖြစ်သော်လည်း နိုဘယ်လ်ဆုကို ကိုယ်တိုင်တက်ရောက်ယူခွင့် မရရှိခဲ့ဘဲ ဒေါ်အောင်ဆန်းစုကြည်ကိုယ်စား အဆိုပါဆုပေးပွဲကို ခင်ပွန်းဖြစ်သူ Michael Aris နှင့် သားဖြစ်သူနှစ်ဦးတို့တက်ရောက်ခဲ့ပြီး ၄င်း၏သားဖြစ်သူနှစ်ဦးဖြစ်သော Alexander Aris (ခ)မြင့်ဆန်းအောင် နှင့် Kim Aris ((ခ) ကိုထိန်လင်း တို့က လက်ခံရယူခဲ့သည်။ 

 ပထမဦးဆုံး ငြိမ်းချမ်းရေးနိုဘယ်လ်ဆုကို ဒေါ်အောင်ဆန်းစုကြည် အသက် ၄၆ နှစ်တွင် ရရှိခဲ့ခြင်းဖြစ်ပြီး၊ ၂၁နှစ်အကြာ ယခုအသက် ၆၇ နှစ်တွင် ငြိမ်းချမ်းရေး နိုဘယ်ဆုကို ဒုတိယအကြိမ်မြောက် ပေးအပ်ချီးမြှင့်ခြင်းခံရသူဖြစ်ပြီး ယခုကဲ့သို့ နှစ်ကြိမ်မြောက် ငြိမ်းချမ်းရေး နိုဘယ်ဆုကို ရရှိသူမှာ ကမ္ဘာတွင် ပထမဦးဆုံးဖြစ်သည်။ 

 နိုဘယ်ဆုအပြင် နိုင်ငံတစ်ကာအစိုးရမှ ပေးအပ်သော Rafto Prize, Jawaharlal Nehru Award International Simón Bolívar Prize, Olof Palme Prize, Bhagwan Mahavir World Peace ဆုများကိုလည်း ရရှိခဲ့သည်။ ငြိမ်းချမ်းရေး နိုဘယ်ဆုပေးပွဲ အခမ်းအနားတွင် ဒေါ်အောင်ဆန်းစုကြည် ပြောကြားခဲ့သော မိန့်ခွန်းကို နိုဘယ်လ်ဆု ချီးမြှင့်ရေး ကော်မတီ ၀က်ဆိုဒ်ဖြစ်သော http://www.nobelprize.org/ တွင် တိုက်ရိုက် ကြည့်ရှူနိုင်သည်။ 

ညီအာဇာနည် 
 Photo by : AFP ,thestar news and daylife

အပြည့်အစုံသတင်းဖတ်ရန်....

Saturday, June 16, 2012

ဒေါ်အောင်ဆန်းစုကြည်နှင့် ပတ်သက်သည့် သတင်းများ ဖော်ပြခြင်းမရှိသည့် မြန်မာအစိုးရ

နော်ဝေနိုင်ငံ အော်စလိုမြို့တော်ခမ်းမမှာ ကျင်းပတဲ့ နိုဘယ်ဆုပေးပွဲမှာ ဆုသွားရောက်လက်ခံယူပြီး ဥရောပခရီးစဉ်တွေ လှည့်လည်မယ့် လူထုခေါင်းဆောင် ဒေါ်အောင်ဆန်းစုကြည်ရဲ့ သတင်းစာရှင်းလင်းပွဲတွေ၊ နိုင်ငံတစ်ကာက ခေါင်းဆောင်တွေနဲ့ တွေ့ဆုံဆွေးနွေးမူတွေကို နိုင်ငံတစ်ကာ သတင်းမီဒီယာတွေက ရုပ်မြင်သံကြားတွေ၊ သတင်းစာနဲ့ ဂျာနယ်တွေမှာ ဝေေ၀ဆာဆာ ဖော်ပြလျှက်ရှိနေသော်လည်း မြန်မာနိုင်ငံက အစိုးရပိုင်မီဒီယာနဲ့ သတင်းတွေကတော့ မိမိတို့နှင့် မသက်ဆိုင်သလို၊ ဒေါ်အောင်ဆန်းစုကြည်နဲ့ ပတ်သက်တဲ့ သတင်းတွေကို ဖော်ပြနေတာ မတွေ့ရှိရပါ။ ငြိမ်းချမ်းရေးနှင့် ဒီမိုကရေစီကို အကောင်အထည်ဖော်နေပါတဲ့ ဆိုတဲ့ မြန်မာစစ်အစိုးရနဲ့ ၄င်းတို့ပိုင် သတင်းမီဒီယာတွေအားလုံးရဲ့ လုပ်ရပ်နဲ့ အပြုအမူတွေဟာ လူထုခေါင်းဆောင် ဒေါ်အောင်ဆန်းစုကြည်ကို တစ်ကယ်ရော နှစ်သက်စွာလက်ခံနေပါရဲ့လားဆိုတာနဲ့ မြန်မာ့ဒီမိုကရေစီစနစ်ကို မှန်ကန်တဲ့နည်းလမ်းတွေနဲ့ ပြုပြင်ပြောင်းလည်းတာရော ဖြစ်ပါရဲ့လားဆိုတာကို စိုးရိမ်ပူပန်မိပါတယ်။

အပြည့်အစုံသတင်းဖတ်ရန်....

အမေကိုတွေ့တော့ သားတို့ငို

Rest of your post

အပြည့်အစုံသတင်းဖတ်ရန်....

မောင်တောတွင် နောက်ထပ် အန်ဂျီအို ၀န်ထမ်း တစ်ဦးကို ဖမ်းဆီး ထိန်းသိမ်း

မောင်းတောတွင် UNHCR တွင် တာဝန် ထမ်းဆောင်နေသူ တစ်ဦးကို အာဏာပိုင်များက ဖမ်းဆီး ထိန်းသိမ်းလိုက်ကြောင်း သတင်း ရရှိသည်။ ဖမ်းဆီးခံရသူမှာ မချိုလေးမာ ဆိုသူ အမျိုးသမီး ဖြစ်ပြီး မောင်တော အမှတ် (၃) သုံးမိုင်ဂိတ်တွင် ဖမ်းဆီးခံရခြင်း ဖြစ်ကြောင်း ရဲထောက်လှမ်းရေး သတင်းရပ်ကွက်ကို ကိုးကားပြီး ဒေသခံ တစ်ဦးက ပြောသည်။ သူမအား ဖမ်းဆီးခြင်းမှာ မောင်တောတွင် ပေါ်ပေါက်ခဲ့သော ဆူပူ အကြမ်းဖက်မူများနှင့် ပတ်သက်၍ ဖြစ်နိုင်ကြောင်း သူက ဆိုသည်။ သူမအား အာလီဆိုသူနှင့် အတူ ဇွန်လ ၁၄ ရက်နေ့က မောင်တောရဲအဖွဲ့မှ ဖမ်းဆီးပြီး (၂) ရက်တိုင် ရဲစခန်းတွင် စစ်ဆေးမေးမြန်းကာ ယခုအခါ နစက ကျီးကန်းပြင် ဌာနချုပ်သို့ လွဲပြောင်း လိုက်ပြီ ဖြစ်ကြောင်း သိရသည်။ မောင်တောမြို့ရှိ နိုင်ငံခြား အန်ဂျီအိုများတွင် ၀င်ရောက်လုပ်ကိုင်နေသူ တချို့ထံမှ နိုင်ငံတော်အား ဆန့်ကျင် ရန် ကြံစည်သော စာရွက် စာတန်းများကို ဖမ်းဆီးရမိခဲ့သည်ဆိုသော သတင်းများလည်း ဒေသအတွင်း ကျယ်ကျယ်ပြန့်ပြန့် ထွက်ပေါ်နေသည်။ သို့သော်လည်း အဆိုပါ သတင်းများကို တာဝန်ရှိသူများက တစုံ တရာ ထုတ်ဖေါ် ပြောကြားခြင်း မရှိသဖြင့် အတည်ပြုနိုင်ခြင်း မရှိသေးပါ။ မြန်မာ အစိုးရ အာဏာပိုင်များသည် ဒေါက်တာ ထွန်းအောင်အားလည်း ယခုအချိန်ထိ ဖမ်းဆီးထိန်းသိမ်း ထားပြီး စစ်ဆေးမေးမြန်းမူများ ပြုလုပ်နေကြောင်း သိရသည်။ မောင်တောတွင် ဖြစ်ပွားခဲ့သော ဆူပူ အကြမ်းဖက်မူနှင့် ပတ်သက်ပြီး မြန်မာ အာဏာပိုင်များ အနေဖြင့် အသေးစိတ် စုံစမ်း စစ်ဆေးမူများ ပြုလုပ်နေပြီး နောက်ကွယ်က ဆက်စပ် အကြောင်းအရာများကို ဖေါ်ထုတ်နေကြောင်း စုံစမ်း သိရှိရသည်။ သတင်း : နိရဉ္စရာ သတင်းဌာန

အပြည့်အစုံသတင်းဖတ်ရန်....

မြန်မာနိုင်ငံရဲ့ ကမ္ဘာမှာ ထင်ရှားကျော်ကြားစေတဲ့ အကြောင်းအရင်း (၄) ချက်

ပဲခူးတိုင်းအတွင်းမှာရှိတဲ့ အခြေခံပညာကျောင်းတွေကို ပဲခူးတိုင်ဒေသကြီး ပညာရေးဝန်ကြီးဌာနမှ ညွန်ကြားချက်တစ်ခုထုတ်ပြန်လိုက်ပါတယ်...ကျောင်းရှိစာသင်သား ကလေးငယ်များကို မြန်မာနိုင်ငံရဲ့ ကမ္ဘာမှာ ထင်ရှားကျော်ကြားစေတဲ့ အကြောင်းအရင်း (၄) ချက်ကို ရှင်းပြပေးဖို့ ညွန်ကြားထားပါတယ်... မြန်မာနိုင်ငံအား ကမ္ဘာမှ သိစေတဲ့အကြောင်းအရင်း (၄) ချက်ကတော့....... (၁) ထေရ၀ါဒဗုဒ္ဒဘာသာ (၂) ဗိုလ်ချုပ်အောင်ဆန်း (၃) UN အတွင်းရေးမှူးချုပ် ဦးသန့် (၄) ဒေါ်အောင်ဆန်းစုကြည် တို့ကြောင့်ဖြစ်ပါတယ်တဲ့.... အဲဒီသတင်းကို ကျွန်တော်အမေက ကျောင်းအစည်းအဝေးကပြန်လာပြီး ၀မ်းသာအားရပြောပြတော့ ကျွန်တော်ဖြင့် ပျော်လိုက်တာဗျာ..ဒါ အမှန်တရားကိုလက်ခံလာ တာပါပဲ....ပဲခူးတိုင်းပညာရေးဝန်ကြီးကို ကျေးဇူးတင်ပါတယ်ဗျာ..နောက် တစ်ခြား ပြည်နယ် တိုင်းတွေအနေနဲ့လည်း တစ်နိုင်ငံလုံးအတိုင်းအတာနဲ့ဒီလိုပြဌာန်းပေးနိုင်ပါစေလို့.......ဂုဏ်ယူ ၀မ်းမြောက်စွာ ဆုတောင်းပေးလိုက်ပါတယ်.. ကိုကိုမောင် Facebook မှ ကူးယူဖော်ပြသည်။ . Rest of your post

အပြည့်အစုံသတင်းဖတ်ရန်....

ရှက်တတ်ဖို့လိုနေပြီ

အမှန်တရားနဲ့ ပြည်သူလူထူဘက်က ရပ်တည်မှသာ မီဒီယာစစ်စစ်ဖြစ်မှာပါ။ ပြည်သူက အယုံအကြည်ကင်းမဲ့မူနဲ့ လေးစားမူမရှိတော့ဘူးဆိုရင်တော့........... Summary Rest of your post

အပြည့်အစုံသတင်းဖတ်ရန်....

Monday, June 04, 2012

ဒေါ်စု မသိတဲ့ ဒုက္ခသည် စခန်း အကြောင်း

မောင်ရမ္မာ | ဇွန်လ ၂ ရက်နေ့က ကျနော်တို့နေတဲ့ မယ်လ ဒုက္ခသည်စခန်းက ခါတိုင်းနဲ့ မတူ တမူ ထူးခြား နေတယ်လို့ ပြောရပါမယ်။ စခန်းတခုလုံး လှုပ်လှုပ်ရွရွ ဖြစ်နေတာ တပတ်လောက် ရှိနေပြီ။ ဒေါ်စု လာမယ် ဆိုတဲ့ သတင်းက စခန်းတခုလုံးမှာ ဟိုလေးတကျော် ဖြစ်နေတဲ့ သတင်းဖြစ်ပါတယ်။

ကျနော်လည်း ရှိတဲ့ ရိက္ခာ အကျန်လေးကိုချက် ငပိရည်နဲ့ မိုးဦးကျ ရာသီမှာ ဒုက္ခသည်စခန်းရဲ့ ပင်တိုင်ဟင်း ဖြစ်တဲ့ မျှစ်ပြုတ်နဲ့ လွေးအပြီး စခန်းရုံးရှိရာဘက်ကို ချီတက်လာပါတော့တယ်။ ကျနော် ရောက်နေတဲ့ အချိန်မှာ စခန်းရုံး ပတ်လည်မှာ လူတော်တော်များ နေပြီ။ တိုး မပေါက်တော့ဘူး။ ကျနော်က ဒုက္ခသည် တဦး အနေနဲ့ ဒေါ်စုကို မြင်ဖူးချင်တာပါ။ တင်ပြခွင့် ရရင် တင်ပြချင်တာလေးတွေရှိလို့ လာခဲ့တာပါ။

လွန်ခဲ့တဲ့ နှစ်ပေါင်း ၂၀ လောက် ကတည်းက အမိ မြန်မာပြည် ကနေ ခွဲခွာလာခဲ့တဲ့ ကျနော်၊ ဒီမိုကရေစီကို လက်နက်ကိုင်တိုက်ပွဲ ၀င်မယ်ဆိုတဲ့ သံမဏိစိတ်ဓါတ်နဲ့ တောခိုလာခဲ့တဲ့သူ။ ခုတော့ အခြေအနေအချိန်အခါအရ လက်နက်ကိုင်တော်လှန်ရေးကို စွန့်ခွာပြီး ထိုင်းမြန်မာနယ်စပ်မှာ အကြီးဆုံးဒုက္ခသည် စခန်းဖြစ်တဲ့ မယ်လ ဒုက္ခသည်စခန်းမှာ တော်လှန်ရေးသမား ဘ၀ကနေ ကမ္ဘာကျော် ဒုက္ခသည် ဖြစ်လာခဲ့တာပါ။

ကမ္ဘာကျော် ဒုက္ခသည်လို့ ပြောတာက ဒီလိုပါ။ ကျနော်တို့ နေတဲ့ စခန်းက မဲဆောက်မြို့နဲ့ဆို ၄၅ မိနစ်သာရှိတဲ့ ခရီးအကွာမှာ ရှိတာကြောင့် ဥရောပက မဟာ မင်းကြီးတွေ၊ အမေရိကန် အထက် လွှတ်တော်၊ အောက် လွတ်တော်က ဧည့်သည်တော်တွေ မကြာမကြာ လာရောက်တာကြောင့် ကျနော်တို့လည်း စိန်နားကပ် အရောင်နဲ့ ပါးပြောင်နေတာပေါ့။ ဒါကြောင့် ကမ္ဘာကျော်တဲ့ ဒုက္ခသည်တွေပါလို့ ပြောချင်တာပါ။

အခုလည်းကြည့် ဒေါ်စု ဒုက္ခသည်စခန်းကို လာလည်မယ်ဆိုတဲ့ သတင်းက ကမ္ဘာ့မီဒီယာတွေမှာ ပါနေတာကို တပတ်လောက် ရှိနေပြီ။ ကျနော်တို့ စခန်းက စိန်နားကပ် အရောင်နဲ့ ပါးပြောင်နေကြမို့ပါ။

ဒုက္ခသည် စခန်းမှာရှိတဲ့ လူတွေကတော့ မြန်မာနိုင်ငံက အလွှာပေါင်းစုံကလာတဲ့ သူတွေဖြစ်တယ် ဆိုတာကို ပြောချင်တာပါ။

(၁) ပြည်တွင်းစစ်ဒဏ်ကြောင့် ထွက်ပြေးလာရတဲ့ ဒုက္ခသည် စစ်စစ်တွေ( ရပ်ရွာတွေမရှိတော့တဲ့ သူတွေ)

(၂) နိုင်ငံရေး၊ လက်နက်ကိုင်တော်လှန်းရေးလုပ် အသက်ကြီးပြီး အနားယူတဲ့အခါ ဒုက္ခသည် ဖြစ်လာတဲ့သူ

(၃) ပိုက်ဆံအတော်အသင့်ရှိပြီး ဒုက္ခသည် စခန်းမှာ စီးပွားရေး လာလုပ်တဲ့ ဒုက္ခသည်တွေ

(၄) မြန်မာပြည်မှာ ချမ်းသာပြီး အမေရိကားနဲ့ ဥရောပနိုင်ငံမှာ အခြေချလိုတဲ့ မြို့ကြီးသား ဒုက္ခသည် တွေ ဆိုပြီး (ဆင်ဖြူတော် မှီပြီး ကြံစုတ်နေတဲ့ လူချမ်းသာ ဒုက္ခသည်) အမျိုးမျိုး ရှိကြပါတယ်။

ဒုက္ခသည် စခန်းကို ဒေါ်စုလာလည်မယ် ဆိုတဲ့သတင်းက မတူတဲ့ ဒုက္ခသည်တွေအတွက် တူညီတဲ့ ခံစားချက်ကို ဖြစ်ပေါ်စေပါတယ်။ ဘာပဲဖြစ်ဖြစ် ဒေါ်စုလာတာကို အကောင်းဘက်က မြင်နေကြပါတယ်။

ကျနော့် အိမ်နဲ့ မျက်နှာချင်းဆိုင်မှာ နေတဲ့ ‘အမိုး’ ကတော့ ၁၉၉၆ ခုနှစ်ကရင်ပြည်နယ်အတွင်း ဆင်နွဲတဲ့ အစိုးရထိုးစစ်တွေကြောင့် ထွက်ပြေးလာတဲ့သူဖြစ်ပါတယ်။ အမိုး ကတော့ နံပါတ် (၁) ဒုက္ခသည် အမျိုးအစား ဖြစ်ပါတယ်။ ဒေါ်စုလာလည်တာ ကောင်းတယ်။ “အမိုးတို့ အိမ်ပြန်ရတော့မယ်၊ အမိုးရဲ့ မြေးတွေကို ကျောင်းထားရတော့မယ်တဲ့” အမိုး မကြာမကြာ ပြောတာတော့ အမိုးတို့က ကျုံဒိုးနဲ့ နီးတယ်တဲ့။ အမိုးရဲ့ ယောင်္ကျားက ကျောင်းဆရာလည်းလုပ်တဲ့ အကြောင်း၊ ဥယျဉ်ခြံစိုက်တဲ့အကြောင်း ကျနော်တို့ကို ခဏခဏ ပြန်ပြောပြတယ်။

အမိုး အသက်က ၇၀ ကျော်ပြီ။ မယ်လ ဒုက္ခသည် စခန်းကိုရောက်တာ အခုဆို ၁၆ နှစ်လောက် ရှိနေပြီ။ မြန်မာပြည်မှာနေခဲ့တဲ့ အချိန်ကို ခုထိ တသသ ရှိနေသေးတယ်။ မြန်မာပြည်အကြောင်းပြောရင် အမိုးရဲ့ မျက်လုံးတွေက တောက်လာတယ်။ မျက်ရည်တွေလည်း ရွှမ်းလာတယ်။ အမိုးကတော့ အခြေအနေအရသာ ဒုက္ခသည်စခန်းမှာ နေထိုင်ရပေမယ့် စိတ်ကတော့ အမိမြန်မာပြည်ကို ပြန်ရောက်နေတယ်။

အမိုးကလည်း မြန်မာပြည်က ၇ တန်းအောင်။ ဒါကြောင့် သူ့မြေးတွေကို စာတတ်စေချင်တယ်။ ဒါပေမယ့် မြေးအကြီးဆုံးက အသက်၁၈ နှစ် ကျော်တာကြောင့် အမေရိကားကို တယောက်တည်း ထွက်ခွာသွားတယ်။ ယောင်္ကျားလေးလည်း ဖြစ်ပြန်၊ အသက် ၁၈ နှစ်ကျော်ရင် မိဘနဲ့ ခွဲပြီးသွားလိုရာကို သွားနိုင်တယ်ဆိုတဲ့ ကုလသမဂ္ဂရဲ့ ဥပဒေကြောင့် ခွဲခွာခွင့် ပေးလိုက်ရတာပါ။ မြေးကြီး အမေရိကားကို ထွက်သွားတော့ အမိုးခမြာ တပတ်လောက် စားမ၀င် အိပ်မပျော် ဖြစ်ခဲ့တယ်။

ဒေါ်စုလာလည်တဲ့ သတင်းကြောင့် အမိုး စိတ်ဓါတ်တွေ တက်ကြွနေတယ်။ ဒေါ်စုက အမိုး တို့ကို ပြန်ခေါ်ဖို့ လာမှာတဲ့။ ဇွန်လ ၂ ရက်နေ့က အမိုးတယောက် စခန်းရုံး နားမှာ ဖျာခင်းပြီး စောင့်နေတယ်တဲ့။ ဒေါ်စုကို တွေ့ချင်တဲ့ဇော၊ မြန်မာပြည်ကို ပြန်ချင်တဲ့ အမိုးရဲ့ ဇောကို လေးစားမိတယ်။

ဒုက္ခသည် အကြောင်းပြောရင် ၂၀၀၆ ခုနှစ်က ဒုက္ခသည်တွေရဲ့ အခြေအနေကို ပြောမှပိုပြီး နားလည်မယ်ထင်တယ်။ အရင်တုန်းကဆို ဒုက္ခသည် စခန်းဆိုတာ သူပုန်တွေနေတဲ့ နေရာလို့ နာမည်သိပ်ကြီးတာ။ ဒါပေမယ့် ၂၀၀၆ ခုနှစ်မှာ ထိုင်းအစိုးရက ဒုက္ခသည် ဖြစ်ချင်တဲ့သူတွေ စခန်းထဲကို ၀င်ရမယ်ဆိုတဲ့ မူနဲ့ ကိုင်ထည့်လိုက်တော့ မဲဆောက်အနှိပ်ခန်းမှာ အလုပ်လုပ်နေတဲ့ကောင်မလေးတွေ၊ မဲဆောက်အခြေစိုက် နိုင်ငံရေးသမားတွေနဲ့ ဆက်စပ်တဲ့ ရန်ကုန်က ပိုက်ဆံချမ်းသာသူတွေ လှိမ့်ဝင်လာပါတယ်။

အဲဒီလို လှိမ့်ဝင်လာတဲ့အထဲမှာ ကျနော်တို့ အိမ်နဲ့ ကပ်လျက် နိုင်ငံခြားကို ထွက်သွားပြီဖြစ်တဲ့ ချင်းဇနီးမောင်နှံရဲ့ အိမ်ကို ဘတ်ငွေ ၄၀၀၀၀ နဲ့ဝယ်လိုက်တဲ့ ရန်ကုန်သား အဖိုးကြီးနဲ့ သူ့သမီးနဲ့ မြေးတွေလည်းပါတယ်။ သူတို့က ၂၀၀၇ မှ ၀င်လာတာကြောင့် ထိုင်းအစိုးရရဲ့ ဒုက္ခသည် အဖြစ် အသိအမှတ်ပြုမှုကို မခံလိုက်ရရှာတဲ့ သူတွေပါ။

လူသစ် ရန်ကုန်သား အဖိုးကြီး ကတော့ နံပါတ် (၄) အမျိုးအစား အမေရိကားမှ အမေရိကားဘဲ။ ခုထိ လက်မလျှော့သေးဘူး။ ပြည်ထောင်စု ရထားဝန်ကြီး ဦးအောင်မင်းတို့ ဒုက္ခသည်တွေကို ပြန်ခေါ်မယ်ပြောတော့ သိပ်ဒေါသထွက်တယ်။ ပြည်တွင်းစစ် မငြိမ်းဘဲ ဘယ်လိုမှ ပြန်လို့မရဘူးတဲ့။

ဒါပေမယ့် သူ့ရဲ့ အမျိုးသမီးကတော့ ရန်ကုန်ကို ခဏခဏ ပြန်တယ်။ ဒေါ်စု လာမယ် ပြောတော့ ရန်ကုန်သား အဖိုးကြီးလည်း စိတ်ဓါတ် တက်ကြွလာတယ်။ ဒေါ်စုလာလည်မယ်ဆိုရင် မြန်မာပြည်ကို မပြန်ချင်တဲ့အကြောင်း၊ ဒုက္ခသည်တွေရဲ့ ဆန္ဒနဲ့အညီ ခွင့်ပြုသင့်ကြောင်းကို တင်ပြမယ်တဲ့။ ဒေါ်စုလာတာကို အခွင့်ကောင်း ယူပြီး ထိုင်းအစိုးရဆီမှာ ဒုက္ခသည် အဖြစ် အသိအမှတ်ပြုခံရတဲ့သူ ဖြစ်အောင်လုပ်မယ် ဆိုတဲ့သူတွေ ဖြစ်ပါတယ်။

ဒေါ်စုကို မပြောပြလိုက်ရတဲ့ မယ်လဒုက္ခသည် စခန်းအကြောင်း ရှိနေပါသေးတယ်။ မယ်လ ဒုက္ခသည် စခန်း ဆိုတာ မြေဈေး အင်မတန်မှ ကောင်းပါတယ်။ လမ်းမနဲ့ နီးတဲ့အိမ်ဆိုရင် ထိုင်းဘတ်ငွေ သိန်းချီ ရှိတယ်။ မြန်မာငွေနဲ့ဆို သိန်း ၃၀-၄၀ ထိ ဈေးပေါက်တာကို ဒေါ်စုခမြာ မသိလိုက်ရှာဘူး။ ဘယ်သူမှလည်း ပြောပြမှာ မဟုတ်ဘူး။

ဒါကို မယ်လ ဒုက္ခသည် စခန်းလို့ ခေါ်ပါတယ်။ ဒေါ်စုမသိတဲ့ ဒုက္ခသည် စခန်းအကြောင်းကို နည်းနည်း ပြောချင်ပေမယ့် ခမြာတို့မှာ အနားကို ကပ်ရဖို့နေနေသာသော မြင်တောင် မမြင်လိုက်ရရှာဘူး။

ဒေါ်စု ထင်သလို ဒုက္ခသည် စခန်းဆိုတာ မြန်မာပြည်မှာ အိမ်မရှိတဲ့သူတွေများသလို ရန်ကုန်မှာ တိုက်တွေ ကားတွေပိုင်တဲ့ သူတွေလည်းအများကြီး ရှိနေတာကို သိစေချင်တယ်။ ဒုက္ခသည်ဆိုတဲ့စကားလုံးက အားငယ်စရာလို့ ထင်နိုင်ပေမယ့် ဒုက္ခသည် အဖြစ်အသိအမှတ်ပြုခံရတဲ့ စာရွက်လေးကိုရဖို့ သိန်းရာချီရင်းပြီး နေထိုင်သူတွေ ဒေါ်စုကို လာကြိုတဲ့အထဲမှာ အများကြီးရှိနေတာကို သိစေချင်တယ်။ ဒုက္ခသည် လက်မှတ်က မြန်မာပြည်က သိန်းထီထက် တန်ဘိုးရှိနေတာကို ဒေါ်စုတယောက် မသိလိုက်ရှာဘူး။

နောက်တခုက စိန်နားကပ် အရောင်နဲ့ ပါးပြောင်နေတဲ့ အစိုးရမဟုတ်တဲ့ အဖွဲ့အစည်းတွေ အများအပြားရှိနေတာကို ဒေါ်စုကို ပြောပြလိုက်ချင်တယ်။ ၂၀၀၈ ခုနှစ်က ဒုက္ခသည်တွေကို ပံ့ပိုးပေးနေတဲ့ အဖွဲ့အစည်းတခုရဲ့ ထုတ်ပြန်ချက်ကို ဖတ်လိုက်ရသေးတယ်။ တကယ့် ဒုက္ခသည်တွေဆီကို မရောက်ဘဲ ဆုံးရှုံးသွားတဲ့ ပမာဏကို တွက်ချက်ပြထားတယ်။ ထိုင်းဘတ်ငွေ သန်းရာချီပျောက်နေတယ်တဲ့။

ဒါကြောင့် ဒုက္ခသည် အတုနဲ့ အစစ်၊ ဒုက္ခသည်ကို အကြောင်းပြပြီး လုပ်စားနေတဲ့ အဖွဲ့အစည်း အများအပြား ရှိနေတာကို ပြောလိုက်ချင်ပေမယ့် ပြောခွင့် မရလိုက်ဘူး။ ဒေါ်စုလာလည်တဲ့အခါ တွေ့ခွင့်ရလိုက်တဲ့ အဖြူ၊ အမည်း၊ အ၀ါတွေ၊ “အမေစုကို ချစ်ပါတယ်” ဆိုတဲ့ ဆိုင်းဘုတ်ကို ကိုင်ထားတဲ့ ရန်ကုန်သား အဖိုးကြီး၊ ဒုက္ခသည်တွေကို အိမ်ပြန်ခေါ်ဖို့ ကြားချင်နေတဲ့ အတွက် စခန်းရုံးအနီး ဖျာခင်းပြီး ထိုင်စောင့်နေတဲ့ အမိုးတို့ တတွေဟာ မယ်လ ကမ္ဘာထဲက လူသားတွေပါလို့ ပြောလိုက်ချင်ပါဘိ။

မောင်ရမ္မာ

source by : မောက္ခ

အပြည့်အစုံသတင်းဖတ်ရန်....

"အဖွဲ့ချုပ်ရုံးရှေ့မှာ အစာငတ်ခံ ဆန္ဒပြထုတ်ဖော် သွားမည်" ဆိုသည့် ငါးမင်းဆွေ(ခ) နွားမင်းဆွေ

ယနေ့ ဒီမိုဝေယံသို့ ပေးပို့လာသည့် ပေးစာ တစောင်မှာ (၃.၆.၁၂ တနင်္ဂနွေနေ့ မနက်က လှည်းတန်း မီးပွိုင့်တွင် ဖားပြုတ် မျက်နှာနှင့် လူတစ်ယောက် စာများ လိုက်ဝေနေပါသည်။ ယခုစာအား ပေးပို့လာသူမှာ ထိုစာကို ဖတ်ပြီးသည့် အချိန်မှ စပြီး ခုချိန်ထိအောင် စာ အဆိပ်သင့် ဖြစ်နေရတယ်လို့ ရေးသားလာပါတယ်..) ထိုစာသည် ငါးမင်းဆွေ (ဒေ၀ဒတ် လက်သစ်) ရေးသားထားသော လူထု ခေါင်းဆောင် ဒေါ်အောင်ဆန်းစုကြည်အား စိန်ခေါ် ပုတ်ခတ်ထားသည့် စာ ဖြစ်တယ်လို့ ဆိုပါတယ်..။

စာပါ အကြောင်းအရာတွေ ကတော့ ပြီးခဲ့တဲ့ World Economic Forumမှာ ပြောကြားခဲ့တဲ့ လူထု ခေါင်းဆောင် ဒေါ်အောင်ဆန်းစုကြည် ပြောကြားချက်များအား ဝေဖန် ပြောဆိုချက်များ ပါဝင်ပြီး။ ဒေါ်အောင်ဆန်းစုကြည် အား တွေ့ဆုံ ဆွေးနွေးလိုကြောင်း ရေးသား ဖော်ပြ ထားပြီး ဇူလိုင်လ(၂၁)ရက်နေ့ အထိ အကြောင်း ပြန်ကြားခြင်း မရှိပါက အဖွဲ့ချုပ်ရုံးရှေ့မှာ အစာငတ်ခံ ဆန္ဒပြမယ်လို့ ဆိုပါတယ်..။

ငါးမင်းဆွေ(ခ) နွားမင်းဆွေရဲ့ အထက်ပါ လူထုခေါင်းဆောင် ဒေါ်အောင်ဆန်းစုကြည် အပေါ် အသရေ ဖျက်စာများ လူထုကြားထဲမှာ လိုက်လံ ဝေငှနေမှုများအား သက်ဆိုင်ရာ အာဏာပိုင်များမှ အရေးယူခြင်း မသိကျိုးကျွန် လျစ်လျှူရှု ပြုနေခြင်းဟာ စဉ်းစားစရာ အချက်ဖြစ်နေပြီး နောက်ကွယ်မှ အဖွဲ့အစည်း တခုခုမှ ထောက်ခံ အားပေး နေသည်အလား ထင်မှတ် ရပေသည်။ ယခုကဲ့သို့ ငါးမင်းဆွေ၏ လုပ်ရပ်သည် ဒီမိုကရေစီ လမ်းကြောင်းပေါ်သို့ လျှောက်လှမ်း နေပါသည်ဆိုသည့် လက်ရှိ အစိုးရအားလည်း ထင်ယောင် ထင်မှား ဖြစ်စေမည့် သိက္ခာ ကျစရာ လုပ်ရပ် ဖြစ်နေပေသည်..။ ပြီးခဲ့တဲ့ နှစ်များကလည်း ဂျာနယ်တစောင်မှ ၎င်းအား တုံ့ပြန်ရေးသားမှုနှင့် ပတ်သက်ပြီး တောင်းပန်ခြင်း မရှိပါက အစာငတ်ခံ ဆန္ဒပြမည်ဟု ကြေငြာချက် ထုတ်ခဲ့ဘူးသည်...။


ငါးမင်းဆွေ(ခ) နွားမင်းဆွေ၏ သရုပ်မှန်အား ပြန်ဖတ်လိုလျှင်
တို့မီး ရှို့မီး မလုပ်ပါနဲ့ ငါးမင်းဆွေ
ငါးမင်းဆွေ သို့....... (၁)
ငါးမင်းဆွေ သို့....(၂)
ဖားမင်းဆွေ၏ အံ့မခန်း ရိုက်ပေါက်များ
မြို့မေတ္တာ ခံယူမယ့် ဖားမင်းဆွေ




source by : ဒီမိုဝေယံ

အပြည့်အစုံသတင်းဖတ်ရန်....

Thursday, May 10, 2012

မုံရွာ - မန္တလေး လမ်းက သစ်ပင် ကြီး

မုံရွာ - မန္တလေး လမ်းက သစ်ပင်ကြီး တစ်ခုပေါ် နေသည့် " စု " ဆိုသည့် စကားလုံး Photo - Myomin Oo

အပြည့်အစုံသတင်းဖတ်ရန်....

Tuesday, May 08, 2012

ဗဟိုဝန်ထမ်းတက္ကသိုလ် (အထက်မြန်မာပြည်) ဝန်ထမ်းများရဲ့ ခံစားချက်

လုပ်ကြပါအုံးဗျို့ ကထိန်ထဲကတောင် ဝေစုစားနေလို့


ဗဟိုဝန်ထမ်း တက္ကသိုလ်(အထက်မြန်မာပြည်)၌ ၅.၁၁.၂၀၁၁-စနေနေ့က ကျင်းပပြုလုပ်ခဲ့သော ကထိန်ပွဲတွင် ကထိန်ကျ ရာကျောင်းသို့ ပဒေသာပင်များ အကုန်မပို့ဘဲ လ.ပ.ခ ကထိန်ပို့ရန်ဟုပြောပြီး ပဒေသာပင်များကို ပုံပါအတိုင်း ပတ္တမြား ခန်းမတွင်သိမ်းဆည်းထားကာ ၁၄.၁၂.၂၀၁၁ နေ့မှ ဘယ်မှမပို့ဘဲ ပါမောက္ခချုပ် ဦးညီညီစံ နှင့် အခြားလူကြီးများအား ခွဲဝေလှူဒါန်းလိုက်ရပါသည်။ အလှူထဲကတောင် ဝေစုတောင်းစားနေသော ပါမောက္ခချုပ်နှင့်လူကြီးများအကြောင်း နိုင်ငံ တော်သမ္မတကြီး သိရှိရန် တိုင်ကြားအပ်ပါသည်။ (ပြိတ္တာ မဖြစ်စေချင်သူ)

အတင်းအဓမ္မ လုပ်အားပေး စေခိုင်းနေလို့

ကျနော်တို့ ဗဟိုဝန်ထမ်းတက္ကသိုလ် (အထက်မြန်မာပြည်) ၏ ပါမောက္ခချုပ် ဦးညီညီစံ သည် အထက်ပုံပါ ဗဟိုကင်းပတ် လမ်းကို ၂၀၁၂ ခုနှစ် ဧပြီလဆန်းမှစ၍ (မေလ) ယနေ့အထိ ကျနော်တို့ရဲများအား အတင်းအဓမ္မ လုပ်အားပေးစေခိုင်းနေ ပါသည်။ ကျနော်တို့ ရဲများနှင့် အခြားဝန်ထမ်းများကို အတင်းအဓမ္မ လုပ်အားပေးစေခိုင်းခြင်းမပြုရန် ညွှန်ကြားချက်ရှိ သော်လည်း ယခုအခါ ဝန်ကြီးနှင့်ပိုင်တယ် တိုင်ချင်ရာတိုင်ဆိုပြီး အတင်းအဓမ္မလုပ်အားပေး စေခိုင်းနေပါသဖြင့် အရေးယူ ပေးပါရန် နိုင်ငံတော်သမ္မတကြီးအား အသိပေးတိုင်ကြားအပ်ပါသည်။ (ရဲဝန်ထမ်းတဦး)

မသိလို့မေးပါရစေ

ကျနော်ဟာ ဗဟိုဝန်ထမ်းတက္ကသိုလ်(အထက်မြန်မာပြည်) မှာ လာရောက်အလုပ်လုပ်နေသော တိုင်းဆောက် (တိုင်း ဆောက်လုပ်ရေး ပြည်သူ့ဆောက်လုပ်ရေးလုပ်ငန်း) မှ အလုပ်သမားတဦး ဖြစ်ပါတယ်။ ၁.၅.၂၀၁၂ နေ့တွင် ဗိုလ်ချုပ် အောင်ဆန်း ရုပ်ပုံပါတီရှပ် ဝတ်၍လာရာ တပ်ရဲများရောက်လာပြီး အင်္ကျီချက်ချင်းချွတ်ခိုင်းပါသည်။ ပြန်လည်မေးမြန်းရာ ပါချုပ်(ဦးညီညီစံ)က ဗိုလ်ချုပ်အောင်ဆန်းရုပ်ပုံပါ တီရှပ် ဝတ်ခွင့်မပြုဟုပြောပါသည်။

၁။ ဗိုလ်ချုပ်အောင်ဆန်းရုပ်ပုံပါတီရှပ်ကို နိုင်ငံတော်က ဝတ်ခွင့်မပြုတာပါလား?

၂။ ပါချုပ် (ဦးညီညီစံ) က မဝတ်ရဟု အမိန့်ပေးနိုင်ပါသလား?

၃။ မိမိကျောင်းဝန်း (ဗ.ဝ.တ) ထဲမို့ အမိန့်ပေးနိုင်တယ်ဆိုရင် ဘာ့ကြောင့်ပေးတာပါလဲ?

၎။ ကျနော့မှာ နိုင်ငံရေးလည်းနားမလည်ပါ ဗိုလ်ချုပ်ကိုချစ်လို့ ဝတ်မိပါတယ် မိမိနိုင်ငံခေါင်းဆောင်ကို ချစ်လို့ဝတ်မိတာ အပြစ်ရှိပါသလား? (တိုင်းဆောက်လုပ်ရေးမှ အလုပ်သမားတဦး)
ဘယ်လို ဒီမိုကရေစီလဲ?

ကျနော်တို့ ဗဟိုဝန်ထမ်းတက္ကသိုလ် (အထက်မြန်မာပြည်) လိုင်းခန်းများတွင် ဗိုလ်ချုပ်အောင်ဆန်း ဓါတ်ပုံ လုံးဝမချိတ်ရ ဟု ပါချုပ် (ဦးညီညီစံ) က အမိန့်ပေးပြီး တပ်ရဲများ အိမ်တိုင်ယာရောက် လိုက်လံဖြုတ်သိမ်းခိုင်းနေပါသည်။ မဖြုတ်လျှင် အလုပ်ဖြုတ်ပစ်မည် အလုပ်ပြုတ်ချင်သလားဟု ခြိမ်းခြောက်ပြောဆိုပြီး ခိုးချိတ်ထားတာတွေ့ပါက အလုပ်ဖြုတ်ပစ်မည် ပြောပါသည်။

နိုင်ငံတော် သမတကြီးနှင့် လွတ်တော်ဥက္ကဋ္ဌက ဒီမိုကရေစီစနစ်သို့ချီတက်ရာဝယ် လွှတ်လပ်စွာ ပြောဆို၊ ရေးသား၊ လုပ် ကိုင်နိုင်ခွင့် ရှိသည်ဟု ပြောဆိုပါလျှက် ဗိုလ်ချုပ်အောင်ဆန်း ဓါတ်ပုံလုံးဝမချိတ်ရဟု ပြောဆိုနေခြင်းသည် “ဘယ်လို ဒီမိုကရေစီလဲ ?” ဤသို့ပြောဆိုနေသော ပါချုပ် (ဦးညီညီစံ) ကိုရော ဒီမိုကရေစီစနစ်သစ် ချီတက်ရာဝယ် ထားသင့်ပါ သလား?

အချို့ စစ်တပ်လိုင်းခန်းများနှင့် အစိုးရဧည့်ဂေဟာများတွင်ပါ ဗိုလ်ချုပ်အောင်ဆန်းဓါတ်ပုံ ချိတ်ကြပါသည်။ ကျနော်တို့ ဗဟိုဝန်ထမ်းတက္ကသိုလ် (အထက်မြန်မာပြည်) လိုင်းခန်းများတွင် မချိတ်ခိုင်းခြင်းမှာ အတော်မတရားပါသဖြင့် နိုင်ငံတော် အကြီးအကဲများ သိစေရန်တိုင်ကြားအပ်ပါသည်။ (ဝန်ထမ်းတဦး)

source by :နေ့သစ်

အပြည့်အစုံသတင်းဖတ်ရန်....

Thursday, April 26, 2012

မင်းတပ်မြို့မှ ပရဟိတစိတ် ခေါင်းပါးသော ဆရာဝန်ကြီး

DVB ခင်ဗျား

ကျနော်တို့ ချင်းပြည်နယ်၊ မင်းတပ်မြို့၊ တောင်ပုလု တောင်တန်း သာသနာပြု ဆရာတော် ဘုရားကြီး ဦးပညာသီရိ ဦးဆောင်၍ ဖွဲ့စည်း ထားသော ဘာသာ ပေါင်းစုံ ကရုဏာ နာရေးကူညီမူ အသင်း အတွက် လူနာတင်ယာဉ် တစ်စီးနှင့် နာရေးတင်ယာဉ် တစ်စီးတို့ကို ဆရာတော်ဘုရာကြီးမှ အသင်းသို့ ပြီးခဲ့တဲ့ အပတ်က ပေးအပ် လှူဒါန်းခဲ့ပါသည်။ မင်းတပ်မြို့နယ် အတွင်း ဗုဒ္စဘာသာဝင်များရော၊ ခရစ်ယာန် ဘာသာဝင်များပါ ၀မ်းသာနေကြပါတယ်။

သို့သော်လည်း ၎င်း ယာဉ်နှစ်စီးကို လူမျိုး ဘာသာ မရွေး ကူညီနိုင်ရန် အတွက် ဆရာတော် ဘုရားကြီးမှ မင်းတပ်မြို့ ခရိုင် ပြည်သူ့ ဆေးရုံကြီး ၀င်းအတွင်း ထားရှိရန် ပြည်နယ် ၀န်ကြီးချုပ်၏ သဘောတူ ခွင့်ပြုချက် ရထားပြီး ဖြစ်သော်လည်း ဆေးရုံအုပ်ကြီး ဒေါက်တာ ဦးမျိုးမင်းမှ လက်မခံသည့်အတွက် ဆရာတော်နှင့် တကွ ဒါယိကာ ဒါယိကာမများ အားလုံး စိတ်မကောင်း ဖြစ်နေကြရပါသည်။ ဆေးရုံမှ အခြား ဆရာဝန်၊ ဆရာမများနှင့် ၀န်ထမ်းများ အားလုံးလည်း အံ့သြ စိတ်မကောင်း ဖြစ်နေကြပါတယ်။

ဗုဒ္စဘာသာဝင် ခေတ်ပညာတတ် ဆရာဝန်ကြီး တစ်ဦးရဲ့ အယူသီးမူ၊ ပရဟိတစိတ် ခေါင်းပါးမူ များကို သက်ဆိုင်ရာမှ ၀ိုင်းဝန်း ကူညီ ဖြေရှင်း ပေးပါရန် တင်ပြ အပ်ပါသည်။

ရုပ်ပုံပေါ် ကလစ်နှိပ်၍ အကြီးကြည့်ပါ။

မင်းတပ်မြို့သား တစ်ဦး

အပြည့်အစုံသတင်းဖတ်ရန်....

မလေးရှား ၀န်ကြီး၏ မုဒိန်းကျင့် ခံရသော အင်ဒိုနီးရှား အိမ်ဖော်နှင့် မလေးရှား ဥပဒေ

မလေးရှား ကဘိနက်ဝန်ကြီးတစ်ဦးက သူ့အိမ်ဖော်ကိုမုဒိန်းကျင့်သည့်လူမဆန်သည့်လုပ်ရပ်အတွက် မည့်သို့သောတရားစီရင် မှုမှပေါ်ထွက်မလာဘဲ ၀န်ကြီးအဖွဲ့မှ ဖုံးဖိကာကွယ်ပေးခြင်း၊ သတင်းမထွက်ပေါ်စေခြင်း၊ သတင်းထွက်ပေါ်အောင် ဘလော့များမှ တစ်ဆင့်တင်ပြသူများကိုဖမ်းဆီးခဲ့ခြင်း စသောလုပ်ရပ်များကြောင့် မလေးရှားသည် ကမ္ဘာပေါ်တွင် လူ့အခွင့်အရေးနှင့်တရားမျှတမှု အဆင့်နိမ့်ကျသော နိုင်ငံတစ်ခုအဖြစ် ရောက်ခဲ့သည်။

Robengah (MeRobekNgah)
လွန်ခဲ့သောရက်သတ္တတစ်ပတ်က မလေးရှားဘလော့ဂါများသည် သူတို့ဘလော့များတွင်၊ မလေးရှား၏ လက်ရှိတာဝန် ထမ်းဆောင်နေသောဝန်ကြီး တစ်ဦးက သူ၏အိမ်ဖော်ကိုမုဒိန်းကျင့်ခဲ့ကြောင်း ရေးသားဖော်ပြခဲ့သည်။ (ယခင်ဝန်ကြီးချုပ် Tun Abdulla Ahmad Badawi လက်ထက် -၂၀၀၇- ခုနှစ်)။ (ထိုအချိန်က Najib Abdul Razak သည် ဒုတိယ၀န်ကြီးချုပ်တာဝန်ထမ်းဆောင်နေ ခဲ့သည်)။

ဝန်ကြီးချုပ် Badawi သည် ဤမတရားမှုကိုဖုံးဖိပေးခဲ့ပြီး၊ ထိုဝန်ကြီးအား တာဝန်ရာထူးကို ဆက်လက်ထမ်းဆောင်စေခဲ့သည်။ ကဘိနက်အဖွဲ့ တွင်လည်းမည်သို့သော ဝေဖန်မှုမှမရှိဘဲ၊ သတင်းမထွက်ပေါ်အောင်၊ အားလုံးသေချာစွာ ဆောင်ရွက်ခဲ့ကြသည်။ မတရားမှုခံခဲ့ရသော မိန်းခလေးကို အင်ဒိုနီးရှားသို့ ချက်ချင်းပြန်လည်ပို့ဆောင်ခဲ့သောကြောင့်၊ သူမအမှုမှာ မလေးရှားတရားဥပဒေ ၀န်းကျင်တွင်လုံးဝဖော်ပြခွင့် မရခဲ့ရှာပါ။

သူမ အင်ဒိုနီးရှားနိုင်ငံသို့ပြန်ရောက်ပြီး၊ ရွှေ့ပြောင်းအလုပ်သမားစောင့်ရှောက်ရေး (အင်ဒိုနီးရှား ရွှေ့ပြောင်းအလုပ်သမားများအဖွဲ့) မှကြိုးပမ်းဖော်ထုတ်သသောအခါတွင်မှ၊ ထိုအဖွဲ့သို့တင်ပြ၍ အစီအရင်ခံစာထွက်ပေါ်ခဲ့သည်။

ထိုဖြစ်ရပ် မှန်၊မမှန်ကို မည်သူမှ ဝေဖန်ခြင်းမပြုမီ မလေးရှားဘလော့ဂါတစ်ချို့မှ ၀န်ကြီးနာမည်ကိုဖော်ထုတ်ခဲ့ကြသည်။ ၀န်ကြီးအဖွဲ့မှမည်သို့သော ပြောဆိုမှု၊ ထုတ်ပြန်မှုတို့နှင့်မှ မတုံ့ပြန်ခဲ့ပါ။

အင်ဒိုနီးရှားရွှေ့ပြောင်းအလုပ်သမားစောင့်ရှောက်ရေးသည် အစီအရင်ခံစာကို အင်တာနက်စာမျက်နှာများပေါ်တင်ခဲ့ရာ၊ ၀န်ကြီးအမည်နှင့် အိမ်ဖော် အမည်ပါသော စာမျက်နှာဟူသမျှအားလုံး၊ အဟက် (Heck) ခံရခြင်း၊ ဖျက်ဆီးခံရခြင်းများ ရှိခဲ့သည်။ သို့သော် အချို့ဘလော့ဂါများမှာ အချိန်မီ သတင်းအတိအကျ ရခဲ့ကြသည်။ အချို့စာမျက်နှာများမှာ တိုက်ခိုက်ရန်ခက်ခဲ၍၊ ၀န်ကြီးနာမည်နေရာကို အနက်ရောင်ဟိုက်လိုက် (High-light) ဖြင့် ပိတ်ထားနိုင်အောင်ထိ မလေးရှားဘက်မှ ဆောင်ရွက်ခဲ့သည်။ သို့သော် Wikileaks စာမျက်နှာပေါ်ရောက်သွားသည့် အချိန်တွင် ဖုံးဖိ၍မရနိုင်တော့ပါ။

အစိုးရလက်ကိုင် မလေးရှားရဲများကလည်း ဤအမှုသတင်းပေါ်ထွက်ခဲ့သောကြောင့် များစွာခုခံပြောဆိုခဲ့သည်။ လူ့အခွင့်အရေးအဖွဲ့များက ဖြေရှင်းချက်များရှင်းလင်းချက်များ ထုတ်ပေးရန်တောင်းဆိုခဲ့သော်လည်း၊ ဒုတိယ၀န်ကြီးချုပ် နာဂျစ် (ယခုဝန်ကြီးချုပ် နာဂျစ်) သည်အဖက်ဖက်မှ ခုခံ ကာကွယ် ဖုံးဖိခဲ့သဖြင့်၊ တရားမျှတမှုနှင့် တရားစီရင်မှုများ မရှိခဲ့ပါ။

မလေးရှားအစိုးရသည် အံ့သြစရာကောင်းလောက်အောင် ဥပဒေကိုမထီမဲ့မြင်၊ ပြုခဲ့သည်။ Wikileaks မှဤအမှုကိုဖွင့်ချခဲ့သည့်အချိန်၌ မလေးရှားအစိုးရအဖွဲ့သည် သူတို့အတိုက်ခံပါတီခေါင်းဆောင် Anwar Ibrahim ကိုမဟုတ် မတရားစွပ်စွဲပြီး၊ အများပြည်သူများ သို့လောသို့လောထင်မြင်အောင် အာရုံလွှဲခဲ့ကြသည်။ Wikileaks ၏ဖော်ထုတ်မှုကြောင့် အင်တာနက်စာမျက်နှာများ သို့ပြန့်နှံ့ခဲ့သည်။
Wikileaks ဖွင့်ချမှုအရ၊ ယခင်မလေးရှားဝန်ကြီးချုပ် Abdullah Ahmad Badawi တာဝန်ထမ်းဆောင်နေစဉ်၊ ဤအမှုဖြစ်ပွားခဲ့သည်။

ဝန်ကြီးချုပ်က အင်ဒိုနီးရှားနိုင်ငံနှင့် နိုင်ငံရေးရာပြဿနာများရှိလာနိုင်သည့်အတွက် မျက်ကွယ်ပြုကာကွယ်ပေးခြင်း၊ ဖုံးဖိပေးခြင်းများ ပြုလုပ်ခဲ့သည် ဆိုပါသည်။ ထိုစဉ်က ယခုလက်ရှိဝန်ကြီးချုပ်နာဂျစ်သည် ကဘိနက်တာဝန်ရှိသူ ဖြစ်ခဲ့သည်။ နာဂျစ်ဝန်ကြီးချုပ်ဖြစ်လာသည့် ယခုအချိန်ထိလည်း အမှုကို ဖုံးဖိထားဆဲ ဖြစ်ပါသည်။

အင်ဒိုအိမ်ဖော်ကို သူမုဒိန်းမကျင့်ပါဟု ပြောသော …. Rais Yatim



ရိုက်(စ)ယာတင်

အင်တာနက်အွန်လိုင်း စာမျက်နှာများပေါ်တွင်ဖော်ပြခဲ့သည့် အင်ဒိုနီးရှားအိမ်ဖော်ကိုဒိန်းမှုကျူးလွန်သောဝန်ကြီးဆိုသူမှာ သတင်းဆက်သွယ်ရေးနှင့် ယဉ်ကျေးမှုဝန်ကြီးဌာန၀န်ကြီး ဖြစ်သူ၊ Rais Yatim ဖြစ်ပါသည်။ သူသည် သူအပေါ်စွပ်စွဲသောမုဒိန်းမှုကို သူလုံးဝမလုပ်ခဲ့ကြောင်း၊ ငြင်းဆိုခဲ့သည်။ ယင်းမှာ အတိုက်ခံပါတီနှင့် နိုင်ငံရေး သမားဘလော့ဂါများက သူ့အားနာမည်ဖျက်သိက္ခာ ကျအောင် ပြုလုပ်ခြင်းသာ ဖြစ်သည်ဟု ကြေငြာခဲ့သည်။



ရိုက်(စ)ယာတင်နှင့် ဘာဒါဝီ

သူက သူကိုဤအမှုနှင့် ပတ်သက်၍ ရေးသားစိန်ခေါ်မှုမှန်သမျှကို နိုင်ငံတရားရုံးတွင်ဖြေရှင်းလိုက အချိန်မရွေး ဖြေရှင်းမည်ဟု ပြောခဲ့သည်။ (Wikileaks ကဖွင့်ချပြီး။)

သူသည် သူ့အကြောင်းရေးသားသောဘလော့ဂါကို ရဲစခန်းတွင် အမှုဖွင့်ခဲ့သည်။ သို့သော် ရဲများက စစ်ဆေးမှုများပြုလုပ် သည့်အခါ၊ ရေးသားထားသော အချက်အလက်များမှာ NGO အစီအရင်ခံစာများနှင့် Wikileak တို့မှကိုးကားထားသည်ကိုတွေ့ရ၍ ဘလော့ဂါကို တိုးတိုး တိတ်တိတ် ပြန်လွှတ်ပေး ခဲ့သည်။ ထို့နောက် Rais သည်သူ့အားကာကွယ်ပေးသော ၀န်ကြီးအဖွဲ့ကိုသာ၊ အားကိုးရတော့ သည်။



ဝန်ကြီးချုပ်ဟောင်း ဘာဒါဝီ

ဘလော့ဂါက ဖြေရှင်းချက်ထုတ်သည်မှာ သူသည် စွပ်စွဲသူမဟုတ်၊ သူကြားသည်ကို စမ်းစစ်၍ရေးသည်။ အထောက်အထားခိုင် လုံသည်ကို သူကိုးကားသည်။ Rais Yatim သည်လည်း ယခင်က သတင်းလွတ်လပ်မှုကိုအားပေးသူအဖြစ် နာမည် ရ၍ ရွေးကောက်ခံခဲ့ရသူဖြစ်သည်။ သူပြောခဲ့ သောမိန့်ခွန်းတစ်ခုမှ အဆိုအရ၊ သတင်းသမားဟူသည် နိုင်ငံရေးနှင့် နယ်ပယ်အသီးသီး မှ ပြည်သူအတွက်ကိုယ်စားပြုဆောင်ရွက်နေသူများကို တစိုက်မတ်မတ်စောင့်ကြည့်ထိန်းကျပ်ပေးသူများ ဖြစ်သည့်အတွက် နိုင်ငံတွင် မရှိမဖြစ်လိုအပ်သည် ဟုပြောခဲ့သည်။ သူပြောခဲ့သည် ကိုကိုးကား၍ အများက လွပ်လပ်စွာစုံစမ်းရေးသားခွင့်၊ မေးမြန်း ခွင့်နှင့် ဖြစ်ရပ်မှန်ကို ကြေငြာချက်ထုတ်ပေးရေးတို့အတွက် တောင်းဆိုခဲ့ကြသည်။ (Malaysiakini News)

ဘလော့ဂါများစွာတို့သည် ဤကိစ္စကိုရေးသားခဲ့ကြပြီး၊ အများပြည်သူကို သိအောင်သတင်းပေးခဲ့သည်။ ယင်းတို့အနက်မှ ဘလော့ဂါ Bunny Bru (Rocky Bru) ၏ရေးသားချက်ကိုဖော်ပြလိုက်ပါ သည်။ သူ၏ရေးသားချက်ကို က၀ီကီလိ(ခ) ဖွင့်ချစာမျက်နှာတွင် ကိုးကားခဲ့သည်။



တရားခံ ရိုက်(စ)ယာတင် ဒီလို ပြစ်ဒဏ်ခံရသင့်တယ် (၀ီကီလိ(ခ)မှပုံတစ်ပုံ)

ဘလော့ဂါ Bunny Bru ရေးသားဖော်ထုတ်ခဲ့သော သတင်း….

ဝီကီလိ(ခ): မလေးရှားထိပ်တန်းနိုင်ငံရေးသမားနှင့် သူအိမ်ဖော်အတွင်းရေး? ၂၃- ဒီဇင်ဘာ ၂၀၁၀ (၀ီကီလိ(ခ) ကရေးသော ခေါင်းစဉ်)

အိမ်ဖော်လေးကို မုဒိန်းကျင့်သတဲ့လား။ ။ (၂၀၀၇)။ ကျနော်အနေနှင့် မည်သို့ပင်ဖြစ်စေဤအကြောင်းအရာကို စိတ်ထိန်းစေကာမူ၊ မရနိုင်သဖြင့် ရေးသားလိုက်ရပါသည်။ ၀ီကီလိ(ခ)က ဖွင့်ချခဲ့သောစာများတွင် မလေးရှားကဘိနက်အဖွဲ့ဝင်ဝန်ကြီးတစ်ဦးက သူ့၏အိမ်ဖော်အင်ဒိုနီးရှားနိုင်ငံသူကို မုဒိန်းကျင့် သည်ဟုတွေ့လိုက်ရသည်။

သေချာမသေချာသည်ကို ကျနော်မည်သို့မှမပြောနိုင်ပါ။ မပြောလိုပါ။ သို့သော် တစ်ချို့အသိုင်းအ၀ိုင်းတွင် တိုးတိုးတိတ်တိတ်ပြောဆိုနေကြပါသည်။ အပြည်ပြည်ဆိုင်ရာ ထိပ်တန်းအစိုးရအဖွဲ့များနှင့် အစိုးရမဟုတ်သောအဖွဲ့များ (NGOs) ကလည်းဤအမှုသည် ဖြစ်ခဲ့သည်ဟု ရေးသားအစီအရင်ခံမှု များရှိနေသည်ကို ကြားသိရသည်။



ရိုက်(စ)ယာတင်အမှုနှင့်ပတ်သက်၍ ၀ီကီလိ(ခ)မှ ပုံတစ်ပုံ

မုဒိန်းမှုမှာ လွန်ခဲ့သော ၃-နှစ်က ဖြစ်ခဲ့သည်။ အစီအရင်ခံစာအရ အင်ဒိုနီးရှားနိုင်ငံ၊ ဂျားဗားကျွန်းအလယ်ပိုင်း၊ ရွာလေးတစ်ရွာတွင် နေထိုင်သော အိမ်ဖော်ထံသို့သွားရောက်၍ မေးမြန်းမှုများပြုလုပ်ခဲ့ကြောင်း၊ ထိုမှရလဒ်ကို အစီရင်ခံစာပြုလုပ်၍အမေရိကန်သံရုံး၊ အင်ဒိုနီးရှားသံရုံးတို့ မှ ထိပ်တန်းအရာရှိများသို့တင်ပြခဲ့ကြောင်းသိရသည်။ ထိုသတင်းရင်းမြစ်အဆိုအရ အစီရင်ခံစာကော်ပီတစ်စုံကို ၀န်ကြီးချုပ်ရုံး သို့ပေးပို့ခဲ့ကြောင်းသိရပါသည်။ (ထိုအချိန်က ၀န်ကြီးချုပ်အဖြစ် Abdullah Ahmad Badawi)

အိမ်ဖော်လေးသည် ထိုနိုင်ငံရေးသမားအိမ်တွင် အမှုမဖြစ်ပေါ်ခင် ၈-နှစ်မှစ၍အိမ်ဖော်အလုပ်လုပ်ခဲ့သည်။ သူမသည် အင်ဒိုနီးရှားနိုင်ငံ ဂျားဗားကျွန်း အလယ်ပိုင်းမှ ဖြစ်ပြီး၊ အိမ်ထောင်သည်တစ်ဦးဖြစ်ကာ၊ ကလေးနှစ်ယောက် မိခင်လည်းဖြစ်ပါသည်။ အစီအရင်ခံစာတွင် ဖော်ပြချက်တစ်ခုမှာ မုဒိန်းမှု ကိုလင်ယောက်ျားဖြစ်သူ သိရှိသော်လည်း ကလေးများကို မသိစေကြကြောင်း ဖြစ်သည်။

သူတို့သည် အန္တရာယ်ဖြစ်လာမည်ကို စိုးရိမ်သောကြောင့်နှင့် ရှက်သောကြောင့် သတင်းစာများနှင့် ဂျာနယ်များတွင် မဖော်ပြခဲ့ပါ။
ဘန်နီဘရူး (ရော့ကီးဘရူး)
…………………….
ဘန်နီဘရူးသည် ထိုအတောအတွင်း မလေးရှားလုပ်ကြီးများကုမ္ပဏီများနှင့် Rais Yatim ပတ်သက်မှုပို့(စ)တစ်ပုဒ် ရေးသားခဲ့သည်။ ထို့ကြောင့် Rais Yatim ကသူ့ကို ရဲစခန်းတွင် အမှုဖွင့်ခဲ့သည်။
………………………………………
သူ၏ဘလော့ကို Rais Yatim အမှုဖွင့်ထားသည့်အကြောင်းကို ဘလော့စာမျက်နှာတွင် အောက်ပါအတိုင်းသတ္တိရှိရှိ ရေးသားဖော်ပြသည်။

ကျနော် ဘလော့ကို Rais Yatim ကတရားစွဲလိုက်ပါပြီး…..

ဘာဖြစ်နေတာလဲ ၀န်ကြီး..? ကျနော်ရေးသားခဲ့သော ပို့(စ)နှစ်ခုသည် သူ့ကိုမတရားစွပ်စွဲသည်ဆိုကာ Rais Yatim ကကျနော်ကို ရဲစခန်းတွင် အမှုဖွင့်လိုက်ပါပြီး။ Rais ဘာကြောင့်ရဲစခန်းတွင် အမှုဖွင့်ရကြောင်းကို ကျနော် နားမလည်ပါ။ မည်သည့်ကဘိနက် ၀န်ကြီးမှ၊ ဘလော့ဂါကို အမှုမဖွင့် ဖူးပါ။ မလေးရှား ဆက်သွယ်ရေးနှင့် မီဒီယာဌာနမှ ကျနော်ကို ဆင့်ခေါ်ထားပါသည်။

ကျနော်၏ ဘလော့နှင့်ပတ်သက်၍ တရားစွဲဆိုထားခြင်းကြောင့်၊ ရဲအဖွဲ့ကသူတို့ကိုကျနော်ဘလော့အား စစ်ဆေးပါရန်ပန်ကြားလာ၍ ဆင့်ခေါ်ခြင်း ဖြစ်ကြောင်း ပြောပါသည်။ ကျနော်သွားပါမည်။ ဘလော့ဂါတစ်ဦး၏ သိက္ခာနှင့် သတင်းလွတ်လပ်မှုအတွက်ကျွန်ုပ်ရှောင် တိမ်းမည် မဟုတ်ပါ။ ရဲအဖွဲ့မှာ ကျနော်အားယခုထိလာရောက်စုံစမ်းခြင်း မပြုသေးပါ။ မကြာမီ လာရောက်နိုင်သည်ဟုသာ ယူဆရသည်။ သတင်းသမားများကို အားပေး သော Rais ၏ဖြစ်ရပ်မှန်သတင်းအမှန်ကို ကျနော်သည် သက်ဆိုင်သူများအား အထောက်အထားခိုင်ခိုင်လုံလုံနှင့် တင်ပြနိုင်တော့မည်ဟု ကျနော် ကျေနပ်နေမိပါသည်…။
………………………………..



ဘလော့ဂါ ဘန်နီဘရူး

ဘန်နီဘရူးသည် ဂျာနယ်လစ်သတင်းစာဆရာတစ်ဦးဖြစ်ပြီး၊ အွန်လိုင်းစာမျက်နှာများစွာ၏ အတိုင်ပင်ခံဖြစ်သည်။ သူသည်ဤအမှုကြောင့် ကန့်သတ် ချုပ်ချယ်ခြင်းများ ခံနေရသည်။ မလေးရှား Blog House ၏အဖွဲ့ဝင်တစ်ဦးဖြစ်သည်။
……………………………….
လူများစွာတို့သည် အင်ဒိုနီးရှားအိမ်ဖော်လေးကို မလေးရှားသို့ပြန်ခေါ်ပြီး၊ စုံညီသတင်းစာရှင်းလင်းပွဲလုပ်ပေးရန်တောင်းဆိုခဲ့သည်။ အကယ်၍ Rais သည်မှန်ကန်ပါက သူ့ဘက်မှ ဥပဒေကရပ်တည်ပေးမည်ဖြစ်သည်။ ထို့သို့မဟုတ်လျှင်လည်း နှစ်နိုင်ငံ ရဲများမှ ထိုမိန်းခလေးကို စစ်ဆေးချက်ယူ၍ အမှန်ကိုရှာဖွေသင့်သည်။ ဤသို့သောသတင်းကို ပြည်တွင်းသတင်းစာများတွင် ဖော်ပြသင့်သည်။
Pure Malaysian က ပြောသည်မှာ မလေးရှားသည် အိမ်ဖော်ကိစ္စနှင့်ပတ်သက်လျှင် Nirmala Bonat အမှုကြောင့် မလေးရှားသည် အပြည်ပြည်ဆိုင် ရာတွင် နာမည်ပျက်နေရပြီး ဖြစ်သည်။ ထိရောက်မှုမရှိသော်လည်း လူသိရှင်ကြားတရားရေးများဆာင်ရွက်နေသည်။

ယခုအမှုကို အဘယ်ကြောင့် တရားရေးရာစီစဉ်မှု နှင့် ဖြစ်ရပ်မှန်ကို လူအများသိအောင် မလုပ်ရသနည်း။ ဟုဆိုပါသည်။ မည်သူမဆို သက်သေသက္ကာယနှင့် အခိုင်အလုံစွဲချက် အတင်မခံရသရွေ့အပြစ်ရှိသည်ဟု ပြောမရပါ။ အပြစ်ရှိလျှင်လည်း ၀န်ကြီးရာထူး ပင်ဖြစ်စေ နှုတ်ထွက်ပြီး၊ တရားဥပဒေ၏ အဆုံးအဖြတ်ကို ခံယူ ရမည်ဖြစ်သည်။

ယခုဝန်ကြီးချုပ် Najib Razak ကလည်း ဤအမှုကို ရေငုံနှုတ်ပိတ်ဆက်နေမည်ဆိုရင် လာမည့်အထွေထွေရွေးကောက်ပွဲတွင် ဆိုးကျိုးရလာဒ်များ ရှိလာနိုင်သည်။

PKR ပါတီမှလူငယ်ရေးရာ ခေါင်းဆောင် Shamsul Iskandar Mohd Akin ကပြောသည်မှာ NGO Migrant Care ၏အစီအရင်ခံစာကို အင်ဒိုနီးရှား အလုပ်သမားများ အကျိုးအတွက်စဉ်းစားဖြေရှင်းပေးသင့်သည်ဟုဆိုလိုက်သည်။ လူငယ်ရေးရာ၏ လေ့လာချက်အရ ၂၀၀၇ ခုနှစ် ဖေဖော်ဝါရီ ၁၉၊ ရက်နေ့တွင် အင်ဒိုနီးရှားအိမ်ဖော်မှာ မုဒိန်းကျင့်ခံခဲ့ရပြီး၊ သူမကိုနေရပ်ကို ချက်ချင်းပြန်ပို့ခဲ့ကြောင်း၊ သူမနှင့် သူမအမေတို့သည် ဤကိစ္စကို မည်သူကို မှမပြောရန်အတွက် ဖိအားပေးခြိမ်းခြောက်ခံထားရကြောင်း တွေ့သိခဲ့ရသည်။

ဝန်ကြီးချုပ် ဘာဒါဝီသည် နိုင်ငံရေးအရှုပ်တော်ပုံကို အရေးမယူခြင်း၊ ထုတ်ပယ်ခြင်း မပြုသည့်အပြင် ကာကွယ်ပေးမှုများလုပ်ခဲ့သည်။
ထို့ကြောင့် လူငယ်ရေးရာက ယခုလက်ရှိ ၀န်ကြီးချုပ်နာဂျစ်လက်အောက်တွင် ကဘိနက်ဝန်ကြီးတစ်ဦးအဖြစ် ဆက်လက်တာဝန် ထမ်းဆောင် နေသော ထိုဝန်ကြီးအား၊ ဤကိစ္စအမှန်ကို လူအများသိအောင်ရှင်းလင်းပေးပါရန် တောင်းဆိုခဲ့သည်။

ယခုမလေးရှားဝန်ကြီးချုပ်နာဂျစ်သည် ထိုသို့ လိင်မှုကျူးလွန်သူကို ၀န်ကြီးအဖွဲ့တွင် သိလျက်နှင့် ဆက်လက်ခန့်ထားခဲ့သည်။ အဆိုးဆုံးမှာ ဤကိစ္စသည် မလေးရှားနှင့် အင်ဒိုနီးရှားနှစ်နိုင်ငံ အရေးဖြစ်သဖြင့် ဆက်လက်ပြီး ၀န်ကြီးချုပ်အသစ် အနေနှင့် ရေငုံနှုတ်ပိတ်မနေသင့်ကြောင်း ပြောဆိုသည်။ Shamsul Iskandar က ၀န်ကြီးချုပ် နာဂျစ်အား၊ ဤအမှုနှင့်ပတ်သက်၍ အသေးစိတ်စုံစမ်းစစ်ဆေးမှုများ၊ ပြုလုပ်ပေးရန်တောင်းဆိုလိုက်သည်။ သို့မှသာ မလေးရှားနိုင်ငံ၏ နိုင်ငံရေးနှင့် အမည်သည် နိုင်ငံတကာသံသယများကြားမှ ပြန်လည်ရှင်သန်ခွင့်ရမည် ဖြစ်ကြောင်းသတိပေးသည်။

လူငယ်ရေးရာက အမှုဖွင့်ခဲ့….

PKR ပါတီမှ လူငယ်အဖွဲ့ဖြစ်သော Solidariti Anak Muda Malaysia (SAMM - လူငယ်များအဖွဲ့) မှ Nor Azizi Abd Aziz သည် ဤကိစ္စကို တရားလိုပြု၍ ရဲစခန်းတွင် အမှုဖွင့်ခဲ့သည်။ SAMM အဖွဲ့ခေါင်းဆောင် Badrul Hisham Shaharin သည် Nor Azizi နှင့်ရဲစခန်းသို့လိုက်ပါခဲ့သည်။

Badrul Hisham က Malaysiakini သတင်းစာသို့ပြောသည်မှာ သူတို့သည် Migrant Care အစီအရင်ခံစာအပါအ၀င် အခြားစာတမ်းများကို ရဲစခန်းသို့ပေးအပ်ခဲ့ကြောင်း၊ Nor Azizi ၏တရားစွဲဆိုမှုကို လက်ခံကြောင်း၊ နှင့် ရဲအဖွဲ့က သူတို့ထံမှ နောက်ထပ်မည်သည့် သတိပေးချက်မှ မရသေးဘဲ ဤသတင်းနှင့် ပတ်သက် ၍ထုတ်ပြန်ခြင်း မပြုရန်သူတို့အား တောင်းဆိုလိုက်ကြောင်း ပြောဆိုသည်။ “ရဲဘက်ကတော့ စုံစမ်းစစ်ဆေးမှုတွေ လုပ်နိုင်မယ်လို့ထင်ပါတယ်” ဟုသူကပြောသည်။

ထို့ပြင် PKR လူငယ်မှ အဖွဲ့များကိုအင်ဒိုနီးရှား သို့စေလွှတ်ပြီး သတင်းအတိအကျ ရရှိရန် တွေ့ဆုံမေးမြန်းခြင်းများပြုလုပ်မည်ဖြစ်ကြောင်း ပြောပါသည်။ အစီခံစာအရ အိမ်ဖော်မလေးမှာ အင်ဒိုနီးရှားသို့ချက်ချင်းပြန်ပို့ခံခဲ့ရသည်။

သူမ၏ ညီမငယ်မှာ မလေးရှားသို့လာရောက်၍ သူမ အစ်မကြုံတွေ့ခဲ့ရမှု ကို ဥပဒေအရဆောင်ရွက်နိုင်ရန် သက်ဆိုင်ရာများနှင့် ဆက်သွယ်ကြိုးစားလျက်ရှိပါသည်။ သူမက သူမအစ်မအားကျူးလွန်စော်ကားခဲ့သော၊ ၀န်ကြီးမှာ ငွေကြေးများစွာချမ်းသာသည့်အပြင်၊ အင်ဒိုနီးရှား သူ၏သြဇာခံများစွာရှိကြောင်း စသည်ဖြင့် ခြိမ်းခြောက်ခံခဲ့ရကြောင်း မလေးရှားရှိ အမေရိကန်သံရုံးနှင့် အင်ဒိုနီးရှားသံရုံး များသို့တင်ပြခဲ့သည်။ PKR မှသူမ၏အမည်ကို မထုတ်ပြန်ခဲ့။ သူမအသက်လုံခြုံရေးကို စိုးရိမ်သော ကြောင့်ဖြစ်သည် ဟုဆိုသည်။

ဤကဲ့သို့သော ဖြစ်ရပ်မျိုးနှင့် ဆင်တူအမှုတွင် Altantuya Shaariibuu (မွန်ဂိုးလီယား နိုင်ငံသူ၊ မိုဒယ်) သည်မလေးရှားတွင် အသတ်ခံခဲ့ရ၍ ဖြစ်သည်။ မုဒိန်းမှုသည် မလေးရှားဥပဒေအရ ပြစ်မှုထင်ရှားလျှင် ထောင်ဒဏ်အများဆုံး အနှစ် -၂၀- နှစ် နှင့် ကြိမ်ဒဏ် ခံရမည်ဖြစ်သည်။ ဥပဒေက တရားခံကို ကာကွယ်ပေးထားသော်လည်း၊ အင်တာနက်နှင့် မီဒီယာများက သူမအတွက် များစွာကြိုးပမ်းခဲ့ကြ သည်။ မီဒီယာဘက်မှလည်း သူတို့သည် ၀န်ကြီးကို ဖြစ်ရပ်မှန်မဖော်ပြမချင်း၊ ဥပဒေအရ မဖြေရှင်းမချင်း ရေးသားဖော်ပြမှုများကို ရပ်မည်မဟုတ်ဟု ပြောလိုက်သည်။ (အစီအရင်ခံစာ - S Pathmawathy, Malaysiakini)

သတင်းစာဆရာ...Steve Oh ရေးသားသော ဤအမှုအတွက် သတင်း (ဇန်န၀ါရီ -၁- ရက်နေ့၊ ၂၀၁၁)

မုဒိန်းမှုသည် နိုင်ငံတကာတွင် ရာဇ၀တ်အမှုအဖြစ်သတ်မှတ်သည်။ အစိုးရပိုင်းဖြစ်စေ၊ သာမန်လူဖြစ်စေ၊ မည်သူကျူးလွန် သည်ဖြစ်စေ၊ နေရာ၊ ရာထူး ကြောင့်ရှောင်တိမ်းခွင့် မရသင့်။ မလေးရှားကဘိနက် ၀န်ကြီးသည် အင်ဒိုနီးရှားအိမ်ဖော်လေးကို မုဒိန်းကျင့်သည့် ရာဇ၀တ်မှုကို ကျူးလွန်ခဲ့သည်။

ယခင် အစ္စရေးသမ္မတ Mostsave Katsav (အသက် ၆၅- နှစ်) သည် ၁၉၉၈- နှစ်တွင် ဟိုတယ်နှင့်ခရီးသွားလာရေးဝန်ကြီး အဖြစ်တာဝန်ယူနေစဉ်၊ မုဒိန်းမှုနှစ်ခုကို ကျူးလွန်ခဲ့သည်။ နိုင်ငံရေးတွင် ထိုအမှုပေါ်ထွက်လာသည့်အခါ သူအား တရားစွဲဆိုခဲ့ကြသည်။ တရားရုံးမှ သူ့အား ၂၀၀၀- ခုနှစ်မှ ၂၀၀၇ အတွင်းသူအတွက်တာဝန်ထမ်းဆောင်ခဲ့ကြသော အမျိုးသမီးကို မုဒိန်းကျင့်မှုနှင့် ဥပဒေကို ရှောင်လွှဲမှုတို့အတွက် အပြစ်ရှိကြောင်း သတ်မှတ် ခဲ့သည်။

ယင်းသည် အစ္စရေးဒီမိုကရေစီ နှင့်ဥပဒေ တို့၏ အောင်ပွဲဖြစ်ခဲ့သည်။ မည်သူမှ တရားအရ အခွင့်ထူးခံခြင်းမရှိရပါ။ အာဏာကြီးသော နိုင်ငံရေးသမားတို့သည်လည်း မုဒိန်းမှုကိုလွယ်လွယ်ကျူးလွန်ပြီး ဥပဒေကို ရှောင်ဖယ်၍ မရသင့်ပါ။ အစ္စရေး လူမှုရေးအဖွဲ့များနှင့် အမျိုးသမီးအဖွဲ့ များက တရားမျှတစွာဖြစ်ရေးအတွက် ကြိုးပမ်းခဲ့ကြသည်။

မုဒိန်းမှုများစွာတို့သည် သက်သေ သက္ကာယ၊ အထောက်အထားပြနိုင်ရန်ခဲယဉ်း သည်။ စော်ကားခံရသူရာခိုင်နှုန်းများစွာတို့မှာရှက်ကြောက်၍ အမှု မလုပ်ကြပါ။ ယခု အင်ဒိုနီးရှားအိမ်ဖော်လေးဆိုလျှင် ရှက်ကြောက်ခြင်း၊ ကျူးလွန်သူ၏ ရာထူးဂုဏ်ရှိန်တို့ကြောင့် နိုင်ငံသို့ပြန်ပို့ခံရသည့်အပြင်၊ နိုင်ငံ၌ လည်း ထုတ်ဖော်ခြင်းမပြုရန် ခြိမ်းခြောက်ခံရသည်။

မုဒိန်းမှုကို အာမခံမပေးသင့်ပါ။ အိန္ဒိယနိုင်ငံ ဂိုအာ (Goa) မြို့မှ နိုင်ငံရေးသမား John Fernandes သည် ၂၀၀၉ ခုနှစ်တွင် ရုရှားနိုင်ငံသူတစ်ဦးကို မုဒိန်းမှုကျူးလွန်ခဲ့ရာ အာမခံရခဲ့သည်။ သူသည် နောက်တရားရုံးတွင် ရောက်မလာတော့ဘဲ ထွက်ပြေးခဲ့သည်။ မုဒိန်းမှုကျူးလွန်သူများသည် ချမ်းသာခြင်း၊ ရာထူးကြီးခြင်းဖြစ်ခဲ့လျှင် အာဏာ၊ ငွေတို့ဖြင့် အမှုကို အစဖျောက်ကြသည်။ Rais သည်လည်း ဤလမ်းစဉ်အတိုင်း လုပ်ခဲ့သည်။ သူ့ကို ဆန့်ကျင်၍ အိမ်ဖော်သည် အမှုမဖွင့်ရဲ၊ မပြောရဲဆိုသည်မှာ လွန်စွာဆိုးဝါးပြီး၊ ဒီမိုကရေစီနှင့် ဆန့်ကျင်နေပါသည်။

အကယ်၍ နိုင်ငံခြားအိမ်ဖော်လေးတစ်ဦးသည် အိမ်ရှင်ယောက်ျားမုဒိန်းကျင့်ခံနေစဉ်၊ အိမ်ရှင်မိန်းမကလည်း အားပေးအားမြှောက်ပြုနေသည်ဆိုလျှင် ထိုမိန်းခလေးသည် မည်သူ့ကို အားကိုးရမည်နည်း။ ထိုသို့သောဖြစ်ရပ်များစွာ မလေးရှားနိုင်ငံတွင် ဖြစ်နေခဲ့သည်။

ထို့ကြောင့် မလေးရှားသည် ဥပဒေကို လေးစားလိုက်နာသောအားဖြင့် ကျူးလွန်သူသည် သမ္မတဖြစ်စေ၊ ခံရသူသည် အိမ်ဖော်ပင်ဖြစ်စေ အစ္စရေး၏ ဥပမာကို ယူ၍ ဆောင်ရွက်သင့်သည်။

အင်ဒိုနီးရှား NGO အစီရင်ခံစာအရ ၀န်ကြီးချုပ် Abduallah Ahmad Badawi နှင့်သူ၏ ကဘိနက် (နာဂျစ်အပါအ၀င်)၊ တို့သည် အင်ဒိုနီးရှားရှိ အိမ်ဖော်နှင့် သူမမိသားစုကို ဤကိစ္စမည်သူမှ မပြောရန်နှင့် လျှို့ဝှက်ထားရန် တောင်းပန်ခဲ့သည်ဆိုသည်။
ညီမဖြစ်သူသည် မလေးရှားတွင် တရားဥပဒေစီရင် မှုများအတွက် အကူညီရှာနေသော်လည်း အသက်အန္တရာယ်အတွက် စိုးရိမ်ရကြောင်းပြောသည်။ မွန်ဂိုလီးယားနိုင်ငံသူ Altantuya Shaariibuu ကဲ့သို အသတ်ခံရမည်ကို စိုးရိမ်၍ ဖြစ်သည်။


မွန်ဂိုလီးယားသူ၊ မိုဒယ် Altantuya Shaariibuu

ထိုအမှုမှာလည်း နိုင်ငံရေးသြဇာမကင်းခဲ့ပါ။ Shariibuu ၏အလောင်းကို အောက်တိုဘာ ၂၀၀၆ တွင်၊ Shah Alam မြို့ပြင်တွင် တွေ့ခဲ့ရသည်။

ဒီသတ်မှုမှာလည်း မတရားမှု အတွက် သူပါခဲ့တယ်

လူသတ်တရားခံအဖြစ် ၃ - ဦးကို ဖော်ထုတ်နိုင်ခဲ့ပြီး၊ ဖမ်းဆီး ခဲ့သည်။ သို့သော် ၂- ဦးကိုသာ အပြစ်ရှိကြောင်း အမိန့်ချ၍ သေဒဏ်ချမှတ်ခဲ့သည်။ တစ်ဦးကို တရားသေလွှတ်ခဲ့သည်။ လွတ်မြောက်ခဲ့သူမှာ ယခု ၀န်ကြီးချုပ် နာဂျစ်၏ မိတ်ဆွေ၊ ၀န်ကြီးအဖွဲ့မှ Abdul Razak Baginda ဖြစ်သည်။ သူသည် Shariibuu ကိုသတ်ရာတွင် ပါဝင်ခဲ့သူဖြစ်ပြီး၊ Shariibuu ၏ ချစ်သူရည်းစားလည်းဖြစ်သည်။ ယခုလက်ရှိ ၀န်ကြီးချုပ် နာဂျစ်ကို မြန်မာမိန်းခလေးများ အိမ်ဖော်အရေးနှင့် ပတ်သက်၍ ယုံကြည်စိတ်ချရနိုင်မည် လားဆိုသည်ကို စဉ်းစားကြပါကုန်။

Abdul Razak Baginda

Tenaganita လူ့အခွင့်အရေးအဖွဲ့မှ Robengah အိမ်ဖော်အမှုကို Rais ကျူးလွန်ခြင်းဆိုသည်မှာ မှန်သည်၊ မှားသည်ကို အမြန်ဆုံးထုတ်ပြန်ကြေငြာ ပါရန် ပန်ကြားခဲ့သည်။ ယခု နာဂျစ်တာဝန်ယူသည့်ကာလထိ မည်သို့သော ထုတ်ပြန်ကြေငြာချက်၊ စစ်ဆေးချက်မှ ထွက်ပေါ်မလာခဲ့။

Harakahdaily မှသတင်းတစ်ပုဒ်… (အင်္ဂါနေ့ ၂၈ - ဒီဇင်ဘာ၊ ၂၀၁၀)

ဘန်နီးဘရူးနှင့် ၀ီကီလိ(ခ)ကြောင့်လူအများ Yatim Rais အမှုကို စိတ်ဝင်စားလာကြပါပြီ။ လွန်ခဲ့သော ၃-နှစ်ကအမှုယခုထိတရားစီရင်မှု မရှိသည်မှာ မလေးရှား၏ ဥပဒေဖြစ်သလော။ ဤသတင်းကို ပထမဆုံးထုတ်ဖော်ခဲ့သူ ဘန်နီးဘရူး ခေါ် ရော့ကီဘရူး (နာမည်ရင်း - Ahirudin Attan) သည် မလေးမေးလ် သတင်းစာအယ်ဒီတာချုပ်ဖြစ်သည့်အပြင်၊ ဘလော့ဂါတစ်ဦးလည်း ဖြစ်ပါသည်။
Migrant Care (Indonesia) မှ ဤအမှုနှင့် ပတ်သက်၍ အစီအရင်ခံစာ တစ်စောင်ထွက်ပေါ်လာခဲ့သည်။ ထို

အစီရင်ခံစာကိုပြုစုသူများမှာ -
1. Wahayu Sushlo (Policy Analyst; Ph: 08129307964)
2. Anis Hidayah (Executive Director; Ph: 081578722874)
3. Alex Ong (Country Director; Ph: +60163121201)

တို့ကသြဂုတ်လ ၁-ရက်နေ့၊၂၀၀၇(ဂျကာတာ၊ အင်ဒိုနီးရှားနိုင်ငံ) တွင် ထုတ်ပြန်ခဲ့သည်။ အိမ်ဖော်အမည်ကိုလည်း Robengah ဟုအတိအကျတင်ပြ ခဲ့သည်။

Migrant CARE
Perhimpunan Indonesia untuk Buruh Migran Berdaulat
(Member of Migrant Forum in Asia and International NGO Platform on Migrant Workers' Convention)
Jl. Pulo Asem I C No 15 RT 015 RW 001 Jati, Jakarta Timur 13220 Indonesia. Telp/Fax: +62 21 4752803
E-mail: alexmigrantcare@gmail.com
Website: www.buruhmigranberdaulat.blogspot.com
(အစီရင်ခံစာမှ ရရှိသောဒေတာများဖြစ်ပါသည်။) နှစ်နိုင်ငံလုံးမှ လူများသည် ဤအမှုကိုစိတ်ဝင်းစားခဲ့သည်။

ထိုကဲ့သို့ လူသားချင်းစာနာထောက်ထားမှုမရှိသော မလေးရှားနိုင်ငံသို့ ကျွန်ုပ်တို့ မြန်မာနိုင်ငံသူများအား မည်သည့်နည်းနှင့်မျှ အိမ်ကျွန်အဖြစ် မလာစေလိုပါ။ ထို့ပြင် နိုင်ငံခြားသားအလုပ်သမားများ၊ ဒုက္ခသည်များ နှင့် လူ့အခွင့်အရေးအဖွဲ့များကို အမြဲဒုက္ခပေးနှိပ်စက်နေသော မလေးရှားဝန်ကြီးချုပ် Najib နှင့် မြန်မာပြည်သားများကို ကမ္ဘာ့အနိမ့်ကျဆုံးဖြစ်အောင်၊ ကျွန်ဖြစ်အောင် အိုင်တီခေတ်သစ် ဟစ်တလာ ဇာတ်ခင်းနေသော သိန်းစိန်နှင့် အပေါင်းပါတစ်စုတို့အား ကျွန်ုပ်တို့ ညီအစ်ကိုမောင်နှမများ အားလုံးအင်အားဖြင့် တတ်နိုင်သည့်ဘက်မှနေ၍ သမိုင်းတွင် မြန်မာမိန်းခလေးများ၏ အိမ်ကျွန်ဇာတ်ကွက် မဖြစ်စေရန် ကာကွယ်ကြပါစို့.. ဟု လေးစားစွာ တိုက်တွန်းရင်း……

ယခုရေးသားလျက်ရှိသော မလေးရှားရှိအိမ်ဖော်၊ အိမ်အကူတို့၏ဘ၀ စာများ၏ ရည်ရွယ်ချက်မှာ မြန်မာနိုင်ငံသားများ မလေးရှားအလုပ်ရှင်၊ အိမ်ရှင်တို့၏ မတရားရက်စက်မှုများကို သိစေလိုခြင်း၊ မြန်မာနိုင်ငံမှ ကျွန်ုပ်တို့၏ ညီမ၊ အစ်မများ မလေးရှားသို့အိမ်ဖော်အဖြစ် မရောက်လာရေး အတွက် တစ်ဖက်တစ်လမ်းမှ အထောက်အကူဖြစ်စေရေး ဖြစ်သည်။ ဤအကြောင်းအရာနှင့် ဤစာကို မိတ်ဆွေတို့ကြိုးပမ်းနေမှုများတွင် သဲတစ်ပွင့်အဖြစ်လိုအပ်ပါက ကြိုက်သလို သုံးနိုင်သည်။


ဆက်လက်ဖော်ပြပါမည်။

Friend Ever (နွားကျောင်းသား)

Ref:
http://www.malaysia-today.net/mtcolumns/newscommentaries/
http://malaysianindian1.blogspot.com/2011/01/
http://thexbusiness.blogspot.com/2011/01/
http://www.rockybru.com.my/2011/01/
http://www.rockybru.com.my/2010/12/
http://www.malaysiakini.com/news/152572
http://www.malaysiakini.com/news/152498
http://www.mmail.com.my/content/59915
http://www.malaysiakini.com/news/152452
http://www.malaysiakini.com/news/152161
http://www.malaysiakini.com/news/151885
http://www.malaysia-today.net/mtcolumns/newscommentaries/37111
Wikileaks
Migrant Care Reports

အပြည့်အစုံသတင်းဖတ်ရန်....

Monday, April 23, 2012

ဦးသန်းရွှေက ဦးနေ၀င်းကို ဘာကြောင့် အညိုးကြီးခဲ့တာလဲ

နေ၀င်းသန်းရွှေ
သွားလေသူ စစ်အာဏာရှင် ဦးနေ၀င်းအား စစ်အာဏာရှင် ဗိုလ်ချုပ်မှူးကြီးဟောင်း သန်းရွှေက အညိုးကြီးခဲ့ပုံအား ပြည်တွင်းရှိ အငြိမ်းစား ယူသွားတဲ့ တပ်မတော် အရာရှိဟောင်း တစ်ဦးက စည်းလုံးခြင်းရဲ့အင်အား ၀က်ဘ်ဆိုဒ်သို့ သတင်း ပေးပို့လာပါတယ်။

ဗိုလ်ချုပ်မှူးကြီးဟောင်း သန်းရွှေဟာ ယခင် စစ်အာဏာရှင်ဟောင်း ဦးနေ၀င်းရဲ့ ချီးမြှင့်မှုကြောင့် ထိပ်ပိုင်းသို့ တက်လာရသူ ဖြစ်တယ်လို့ ဆိုပါတယ်။ ဦးသန်းရွှေ တပ်မ (၈၈) တပ်မမှူး ဘ၀တုန်းက ရှေ့တန်း တပ်မ ဌာနချုပ် ရှိရာ ကျိုင်းတုံမြို့တွင် အခြေပြုခဲ့စဉ်က ဦးနေ၀င်း သွားရောက်စစ်ဆေးခဲ့ပါတယ်။ အဲဒီတုန်းက ဗကပ အင်အား ကြီးမားစွာနဲ့ တိုက်နေရတာကြောင့် တပ်မ (၈၈) တပ်များ အလူးအလဲ ခံနေရပါတယ်။ ချင်းသေနတ်ကိုင် တပ်ရင်း (၃) မိုင်းယောင်းမြို့မှာ ဗကပ ၀င်စီးခံရတဲ့တိုက်ပွဲများ အပါအ၀င် ကကကြည်းမှ တပ်မ (၈၈) ကို ထုထောင်းနေတဲ့ အချိန်ကာလလည်း ဖြစ်ပါတယ်။ ကျိုင်းတုံမှာ ဦးနေ၀င်းကို ဗိုလ်ချုပ်မှူးကြီးဟောင်း သန်းရွှေက အဖားတော်ပြီး လိုလေသေးမရှိ ပြုစုခဲ့တာမို့ မှတ်ဥာဏ်ကောင်းတဲ့ ဦးနေ၀င်းက နောင်တခေတ်ရဲ့ တပ်မတော် ကာကွယ်ရေး ဦးစီးချုပ်အဖြစ် လျာထားခဲ့ဟန်တူပါတယ်။ အဲဒီနောက် ဦးသန်းရွှေဟာ နတခတိုင်းမှူး ဧရာဝတီတိုင်း ပုသိမ်သို့ ရာထူး တိုးသွားခဲ့ပါတယ်။ အဲဒီနောက် ဒုတိယ ကာကွယ်ရေး ဦးစီးချုပ် (ကြည်း) လစ်လပ်နေချိန်မှာ နတခ တိုင်းမှူး ဖြစ်နေတဲ့ ဗိုလ်မှူးချုပ် သန်းရွှေအား ဦးနေ၀င်းက ရာထူးနှစ်ဆင့် ခုန်ပြီး ပေးခဲ့ပါတယ်။ ကျိုင်းတုံမှာကတည်းက သတိကို မတ်နေအောင် ဆွဲပြီး ကြောက်ဒူးတုန်ပြနေတဲ့ ဦးသန်းရွှေအား ဦးနေ၀င်းက "ဒီကောင်လေးတော့ ခေါက်ရိုးကျိုးတဲ့ တုံးတုံး အအ တပည့်လေး" လို့ မှတ်ချက်ချ သွားဟန် တူပါတယ်။ အမှန် တကယ်တော့ ဒုချုပ် ဖြစ်ဖို့ဟာ စစ်ရေးချုပ်၊ ကစထမှူး၊ ရန်ကုန်တိုင်း တိုင်းမှူး ရာထူး ရှိသူများကသာ အစဉ်အလာ ဖြစ်ခဲ့ပေမဲ့ ဦးသန်းရွှေ အလှည့်ကျတော့ အသက်ငယ်ရွယ်သူမို့ (ထိုစဉ်က တိုင်းမှူး ဖြစ်စဉ် ၅၄ နှစ်သာ ရှိ) ဦးနေ၀င်းက သူ့အား ဦးစီးချုပ် အဖြစ် တာဝန်ကြာကြာ တာဝန်ပေးလို့ ရနိုင်ကြောင်း အကြောင်းပြပြီး ဆိုပြန်တယ်။ ဒုချုပ်ရာထူးဟာ ဦးစီးချုပ် ရာထူး အတွက် ရှေ့ပြေး နေရာကောင်း ဖြစ်ပါတယ်။ ဗိုလ်ချုပ်မှူးကြီးဟောင်း စောမောင် အာဏာ သိမ်းစဉ်က ဦးနေ၀င်းဟာ ဗိုလ်ချုပ် ခင်ညွှန့်နဲ့ တွဲထည့်ပြီး တာဝန် ပေးခဲ့ပေမဲ့ ဦးသန်းရွှေကိုတော့ ဒုတိယ ဥက္ကဋ္ဌ မပေးဘဲ န၀တ အဖွဲ့ဝင် တစ်ဦး အနေဖြင့်သာ တာဝန်ပေးခဲ့တယ်လို့ သိရပါတယ်။ အဲဒါကို ဦးသန်းရွှေ စိတ်ထဲမှာ အညိုးတေး ဦးနေ၀င်း အပေါ် စတင် မှတ်ထားခဲ့တယ်လို့ သိရပါတယ်။

ဦးသန်းရွှေ တပ်မတော် ကာကွယ်ရေး ဦးစီးချုပ် ဖြစ်လာတဲ့ အချိန်မှာတော့ ဦးနေ၀င်း မိသားစု မျက်စိ ဆံပင်မွှေး စူးတဲ့ ဖြစ်စဉ်တွေ ဆက်တိုက် ဖြစ်ခဲ့ပါတယ်။ ရှေးဦးစွာ ဒေါ်ခင်စန္ဒာဝင်း စီးနင်း လိုက်ပါတဲ့ ကားနဲ့ ရဲချုပ် စံသိန်း သမီး စီးနင်းတဲ့ကား တိုက်မိလို့ ဦးနေ၀င်းက ဗိုလ်ချုပ် ခင်ညွှန့်အား ဖုံးဆက်ပြီး ခင်ညွှန့် ငါ မသေသေးဘူးကွ လို့ ဖိအားပေး ခြိမ်းခြောက်ခဲ့တဲ့ ဖြစ်စဉ် ရှိပါတယ်။ ရဲချုပ် စံသိန်းလည်း စပိန်သံအမတ်ကြီးအဖြစ် လွှင့်သွားခဲ့ပါတယ်။ နောက်ဖြစ်စဉ်တခုက ဒေါ်ခင်စန္ဒာဝင်းနဲ့ ကြေးနန်းနဲ့ ဆက်သွယ်ရေး ၀န်ကြီးဌာန ပူးတွဲ ဆောင်ရွက်တဲ့ ဆယ်လူလာဖုံး ကျပ် (၅) သိန်းတန် ကိစ္စတွေမှာ ပြဿနာ တက်ခဲ့ပါတယ်။ ဒါကြောင့် ထိုးကျွေး ခံရသူကတော့ ထိုစဉ်က ပြုတ်သွားတဲ့ အဲဒီဝန်ကြီး ဗိုလ်မှူးချုပ်ဟောင်း ၀င်းတင် ဖြစ်ပါတယ်။ ဦးနေ၀င်းရဲ့ မြေးများ ဖြစ်တဲ့ ဇွဲနေ၀င်း၊ ကျော်နေ၀င်းတို့ဟာ နိုက်ကလပ်တွေမှာ ဖြစ်ဖြစ်၊ ကားမောင်းနေရင်းဘဲ ဖြစ်ဖြစ် ဗိုလ်ကျနေတာကြောင့် လေးလပတ် အစည်းအဝေးတွေမှာ ဦးသန်းရွှေ တစ်ယောက် မကျေမနပ် ပြောခဲ့တယ်လို့ သိရပါတယ်။ ဦးမောင်အေးရဲ့ သမီးကို ဦးနေ၀င်းမြေးများက မထင်မဲ့မြင် လုပ်ခဲ့ဖူးပါတယ်။ အဲဒါကို ဦးသန်းရွှေရဲ့ ဇနီး ဒေါ်ကြိုင်ကြိုင်နဲ့ ဦးမောင်အေးရဲ့ ဇနီး ဒေါ်မြမြစန်းတို့က မကျေမနပ် ပြောဆိုမှုကြောင့် လင်တော်မောင်တွေထံ ရောက်သွားခဲ့ပါတယ်။

အဆိုးဆုံး ကတော့ ဦးနေ၀င်းရဲ့ ကိုယ်ရံတော် တပ်ရင်းဖြစ်တဲ့ သနက (၄) တပ်ရင်း (ယခု ခမရ ၃၀၄ ဖျက်သိမ်းပြီး) ကို ခါးပိုက်ဆောင်တပ် အနေနဲ့ ထားကာ ယူနီဖောင်းများ ချုပ်ပေးခြင်း၊ ငပလီမှာ အပန်းဖြေခိုင်းခြင်း၊ လေ့ကျင့် ဆောင်ရွက်နေခြင်း၊ တပ်ရင်းမှူးအား ရန်ကုန်တိုင်း တိုင်းမှူး လေးလပတ် အစည်းအဝေးတွေမှာ တက်ရောက်ခွင့် မပေးဘဲ နေခိုင်းခြင်း စတာတွေ ဆက်တိုက် လုပ်လာပါတယ်။ ဦးနေ၀င်း မြေးတွေဟာ ဆီဒိုးနာဟိုတယ်မှာ ဦးနေ၀င်း မွေးနေ့ ကျင်းပပြီး တခမ်းတနား လုပ်ခဲ့ပါတယ်။ ဦးနေ၀င်း မွေးနေ့ပွဲကို တက်ရောက် မိခဲ့တဲ့ ရန်ကုန်တိုင်း တိုင်းမှူးဟောင်း ဒုတိယ ဗိုလ်ချုပ်ကြီး မျိုးညွှန့် အပေါ် ဦးသန်းရွှေ အမျက်တော် ရှခဲ့ပါတယ်။ ဦးနေ၀င်း မြေးတွေဟာ ဘိုးတော် တစ်ယောက်အား ကိုးကွယ်ပြီး ရုပ်ထုများ (ဦးသန်းရွှေ/ ဦးမောင်အေး) ကို အောက်လမ်းနည်းသုံး ဂျင်းတို့ စီရင်မှုကြောင့် ဦးသန်းရွှေ လေဖြတ်ကာ ဦးမောင်အေး ၀မ်းဗိုက်နာကာ စင်ကာပူ ဆေးရုံသို့ အရေးပေါ် သွားရောက် ကုသ လိုက်ရပါတယ်။ ထို့ထက် ပိုလွန်ကဲလာတာက တပ်မ (၇၇) တပ်မမှူး ဗိုလ်မှူးချုပ် သန်းဌေး (ယခု စွမ်းအင် ၀န်ကြီး) အား တော်လှန်ရေးနေ့ လုံခြုံရေး ရယူနေတာမို့ ဦးနေ၀င်း မြေးများက စည်းရုံးသိမ်းသွင်းခဲ့ပါတယ်။

အာဏာ ပြန်သိမ်းတဲ့ အစီအစဉ်ကို ရိပ်မိသွားတဲ့ ဦးသန်းရွှေဟာ ကျူပင်ခုတ် ကျူငုတ်မကျန် ဦးနေ၀င်း မိသားစု တစ်ခုလုံးအား ပြင်းပြင်း ထန်ထန် နှိပ်ကွပ်ခဲ့ပါတယ်။ ဦးသန်းရွှေဟာ အညိုးတရား ကြီးမားစွာနဲ့ ဦးနေ၀င်း အသုဘ အခမ်းအနားကို အောက်ပါ အတိုင်း အမိန့် ချခဲ့တယ်လို့ တပ်မတော် အရာရှိကြီး တစ်ဦးက စည်းလုံးခြင်းရဲ့အင်အား ၀က်ဘ်ဆိုဒ်သို့ ပြောခဲ့ပါတယ်။

"ဦးသန်းရွှေက ဦးနေ၀င်း အသုဘ အခမ်းအနားကို ရုံးစားပွဲကို လက်သီးနဲ့ ထုပြီး ပြောတယ်ဗျ၊ ဒီပုဂ္ဂိုလ်ကို အလောင်းကို မြေချခွင့်မပေးဘဲ မီးသဂြိုလ်ပြီး ရတဲ့ ပြာမှုန့်ကို ရေမျောလိုက်" လို့ ပြောတယ်ဗျာ။ ဆက်လက်ပြီး တပ်မတော် အရာရှိကြီးက အဲဒီ အစီအမံကတော့ အဘိုးကြီး တစ်ယောက်ရဲ့ တစ်ယောက်တည်း စိတ်ကူးမဟုတ်ဘဲ ဘိုးတော်ရူး ရူးနေတဲ့ ဦးသန်းရွှေသား အစီအမံလည်း ဖြစ်နိုင်တယ်။ အဲဒီ သတင်းလည်း ကြားရော အရင် မဆလ ၀န်ကြီးဟောင်းများက ကန့်ကွက်ခဲ့ပေမဲ့ ဗိုလ်ချုပ် ခင်ညွှန့်ခမျာ ဘယ်လိုမှ မပြောရဲဘဲ လက်ရှောင် နေရတယ်လို့ သိရပါတယ်။ အဲဒီသတင်းကို ပြည်သူ လူထုက တအံ့တသြ ဖြစ်ခဲ့ရပြီး လူထုများရဲ့ တီးတိုးဝေဖန်သံများ ပေါ်ထွက်ခဲ့ပါတယ်။ တချို့က ကိုယ့်ရဲ့ ကျေးဇူးရှင်ကို လုပ်ရက်လေခြင်း ပြောကြသလို တချို့ကတော့ ၀ဋ်ဆိုတာ ဒီဘ၀မှာဘဲ တန်ပြန် သက်ရောက်မှု ရှိတတ်တယ် ဆိုတာ ဖြစ်ပါတယ်။

ယခုဆိုရင် ဒေါ်ခင်စန္ဒာဝင်းနဲ့ ဇွဲနေ၀င်းတို့ လွတ်လပ်ပြီမို့ ဦးသန်းရွှေ အပေါ် ဘယ်လို သဘောထားနဲ့ တုန့်ပြန်သွားမည် ဆိုတာကိုတော့ စောင့်ကြည့်ရမည် ဖြစ်ကြောင်း သုံးသပ်လိုက်ရပါတယ်။

အပြည့်အစုံသတင်းဖတ်ရန်....

Monday, April 16, 2012

မလေးရှားနိုင်ငံသား အလုပ်ရှင်တို့၏ အိမ်ဖော်၊ အိမ် အကူအလုပ် သမများ အပေါ် မတရားပြုခြင်း နှင့် နှိပ်စက် ညှဉ်းပန်းမှုများ

(မလေးရှားနိုင်ငံအခြေစိုက် Women Aid's Organisation (WAO) မှ စုဆောင်းပြုစုထားသော အိမ်ဖော်တို့၏ ညှင်းပန်းနှိပ်စက်ခံ ဘ၀များနှင့် အလုပ်ရှင် မလေးရှားလူမျိုးတို့၏ သဘောထားများကို Friend Ever မှ မှီငြမ်း ဘာသာပြန်ထားခြင်းဖြစ်ပါသည်။ မိမိတို့ မြန်မာလူမျိုးတို့၏ဘ၀များ ထပ်မံ မနိမ့်ကျနိုင်စေရန် အတွက် မိမိတို့ တတ်နိုင်သမျှ ၀ိုင်းဝန်း ဆောင်ရွက်ကြပါရန်လည်း အလေးအနက် တိုက်တွန်း အပ်ပါသည်။)

မလေးရှားသည် ပြည်ပအလုပ်သမားများအပေါ် လူသားမဆန်စွာ မတရားပြုမှုများသည် နေ့စဉ်နှင့်အမျှ ပိုမိုဆိုးဝါးလျက်ရှိပါသည်။ အဆိုးဝါးဆုံးမှာ အိမ်ဖော်အလုပ်သမများအပေါ် ယင်းတို့၏ ရက်စက်စွာ ဆက်ဆံမှုများသည် အလွန်ဆိုးဝါးလျက်ရှိသည်ဟု၊ WAO (Women’s Aid Organization) မှ လေ့လာတွေ့ရှိရသည်။ မလေးရှားသည် ပြည်ပမှလာရောက်သော အိမ်ဖော်အလုပ်သမများအပေါ် မတရားညှဉ်းပန်းနှိပ်စက်မှုသည် အခြားနိုင်ငံများထက် ပိုမိုဆိုးဝါးလျက်ရှိပါသည်။ အိမ်ဖော်အလုပ်သမတို့၏ အလုပ်လုပ်ကိုင်ရသော လုပ်ငန်းခွင်သည် အလုပ်ရှင်နှင့် အိမ်တစ်အိမ်တည်းတွင် နေထိုင်ရခြင်း၊ ယင်းတို့အတွက် ကာကွယ်ပေးထားသော ထိရောက်သောဥပဒေကို မလေးရှားအစိုးရမှမထုတ်ပြန်ထားခြင်း၊ ဥပဒေမှာ အလုပ်သမကို ကာကွယ်ခြင်းထက် မလေးရှားနိုင်ငံသားအလုပ်ရှင်များကို ကာကွယ်ပေးထားခြင်း၊ အိမ်ဖော်အလုပ်သမများသည် အခြားအလုပ်သမများနှင့်မတူပဲ အလုပ်လုပ်ရသောနေရာတွင် လုပ်ဖော်ကိုင်ဖက်မရှိခြင်း စသည်တို့ကြောင့် ပိုမို၍ ညှဉ်းပန်းနှိပ်စက်မှုကို ခံစားရပါသည်။

ထို့အပြင် မလေးရှားအစိုးရပိုင်းဆိုင်ရာ ပြည်တွင်းအစိုးရဆိုင်ရာ အလုပ်သမားဌာနတို့၏ ပေါ်လစီများက အိမ်ဖော်အလုပ်သမများအရေးနှင့် အလုပ်ရှင်တို့၏ ညှဉ်းပန်းနှိပ်စက်မှုတို့ကို ကာကွယ်ပေးနေသကဲ့သို့ရှိပါသည်။ WAO မှလေ့လာတွေ့ရှိချက်အရ အလုပ်ရှင်များ၏ အိမ်ဖော်အလုပ်သမတို့အပေါ် မတရားပြုမှုများကို များစွာတွေ့ရှိရသည်။

မလေးရှားရှိ ၂-သန်းကျော်ပမာဏရှိသော ရွှေ့ပြောင်းအလုပ်သမားများအနက် ၁၆၀,၀၀၀ ကျော်မှာ အိမ်ဖော်နှင့် အိမ်အကူလုပ်ငန်းကို လုပ်ကိုင်နေကြသည်။ WAO သည် မလေးရှားနိုင်ငံရှိ ပြည်ပမှလာရောက်လုပ်ကိုင်ရသော အိမ်ဖော်နှင့် အိမ်အကူအလုပ်သမတို့အပေါ် အလုပ်ရှင်များမှ ဆက်ဆံမှုကို အသေးစိတ်လေ့လာခဲ့ရာ အလုပ်ရှင်တို့၏ မတရားညှဉ်းပန်းနှိပ်စက်မှုများကို ပုံစံမျိုးစုံ လေ့လာတွေ့ရှိရပါသည်။ မလေးရှားနိုင်ငံသားအလုပ်ရှင်တို့၏ အိမ်ဖော်နှင့် အိမ်အကူအလုပ်သမများအပေါ် လူမဆန်သော နှိပ်စက်မှုများမှာ စိတ်ပိုင်းဆိုင်ရာနှိပ်စက်မှု၊ ရုပ်ပိုင်းဆိုင်ရာနှိပ်စက်မှု၊ ပါးရိုက်ခြင်း၊ နားရင်းအုပ်ခြင်း၊ ရိုက်နက်ခြင်း၊ ဆွဲလိမ်ခြင်း စသည်လူမဆန်သော နှိပ်စက်မှုများကို ခံစားကြရပါသည်။ သူတို့သည် တစ်နေ့တစ်နေ့ အလွန်အချိန်ကြာကြာ အလုပ်လုပ်ကြရသည်။ နေ့စဉ် မနက် ၅ နာရီ အိပ်ရာမှထကြရပီး၊ ညဉ့်နက်သန်းခေါင်အထိ အလုပ်လုပ်ကြရပါသည်။ မလေးရှားတွင်လုပ်ကိုင်ကြရသော အိမ်ဖော်နှင့် အိမ်အကူတို့၏ ဘ၀မှာ အလွန်သနားစရာ ကောင်းလှပါသည်။ အစားအစာကောင်းမွန်စွာ မစားရ၍ အဟာရချို့တဲ့ခြင်း၊ အိမ်ရှင်များအတွက် ကောင်းမွန်စွာချက်ပြုတ်ပေးရသော်လည်း၊ သူ့တို့အတွက်မှာ ဆိုးဝါးသော ဈေးပေါသော၊ သူတို့စား၍ မကုန်သော၊ မကောင်းသော အစာများကို ကျွေးမွေးခြင်း စသည်ထိ လူမဆန်စွာ ပြုခံကြရသည်။ အစာကို ၀လင်စွာ မစားရ။ ထို့အပြင် အိမ်ဖော်နှင့် အိမ်အကူ အလုပ်သမတို့သည် ပတ်ဝန်းကျင်နှင့် ထိတွေ့ဆက်ဆံခွင့်မရခြင်း၊ သူငယ်ချင်းအပေါင်းအသင်းများနှင့်တွေ့ချိန် စကားပြောချိန်မရခြင်း၊ အလွန်ဆိုးဝါးသော ခြိမ်းခြောက်မှုများအဖြစ် ဥပမာ.. ညအချိန် တောထဲသို့ကားဖြင့် ပို့ဆောင်၍ တစ်ယောက်တည်း ထားပစ်ခဲ့ခြင်း (တစ်ညလုံးပစ်ထားခြင်း)၊ ကြမ်းတမ်းစွာဆိုးဝါးစွာ ခြိမ်းခြောက်ခြင်း၊ စသည်တို့ဖြင့် များစွာသော လူမဆန်မှုများကို ခံစားရပါသည်။ အနည်းဆုံး ၂ နှစ် အိမ်တစ်အိမ်တည်းနေကာ မနက်မိုးမလင်းခင်မှစ၍ ညဉ့်နက်သန်းခေါင်ထိ အလုပ်လုပ်ကိုင်ရသော အိမ်ဖော်နှင့် အိမ်အကူအလုပ်သမ များအပေါ် မလေးရှားအလုပ်ရှင်များမှ ထပ်ဆင့်၍ လူသားမဆန်ရိုင်းစိုင်းစွာ ညှဉ်းပန်းနှိပ်စက်ကြသည်။

အိမ်ဖော်နှင့် အိမ်အကူ အလုပ်သမတို့အပေါ် နှိပ်စက်သည့် အမှုများစွာရှိသော်လည်း မလေးရှားအစိုးရနှင့် သူ့နိုင်ငံသားတို့ကို မည်သည့်မတရားမှု လုပ်သည်ဖြစ်စေ၊ အကာအကွယ်ပေးသော ပြည်တွင်းသတင်းစာများမှလည်း ဇူလိုင်လ ၁၉၉၇ မှ သြဂုတ်လ ၁၉၉၈ ထိ၊ အိမ်ဖော်တို့အပေါ် အလုပ်ရှင်မှ ကျူးလွန်သော အမှု ၁၉-မှုသာရှိကြောင်း ဖော်ပြခဲ့သည်။ ထို့သို့ဆိုလျှင်လည်း အနည်းဆုံး ၃-လတွင် တစ်မှုနှုန်းဖြစ်ပါသည်။ ထိုအမှုများတွင် ပြင်းစွာဒဏ်ရာရအောင် ရိုက်နှက်မှု၊ လိင်ပိုင်းဆိုင်ရာ အကြမ်းဖက်စော်ကားမှု၊ မုဒိန်းမှု၊ မုဒိန်းကျင့်ရန် ကြိုးပမ်းအနိုင်ကျင့်မှု၊ အခန်းကျဉ်းအတွင်း ရက်များစွာ လှောင်ပိတ်ထားမှု (နှစ်မှု)၊ လုပ်ခလစာ မပေးခြင်း (၇-မှု) စသည့်အလုပ်ရှင်တို့၏ အလွန်ဆိုးဝါးစွာ လူမဆန်စွာ နှိပ်စက်မှုမျိုးစုံပါဝင်သည်။ ယင်းမှာ အစိုးရသတင်းစာမှ ထုတ်ပြန်ခြင်းဖြစ်ပီး၊ လူအခွင့်အရေးအဖွဲ့များ၏ လေ့လာတွေ့ရှိချက်မှာ ဤထက်အဆပေါင်းများစွာ ပိုပါသည်။ တစ်ချို့သည် လစာကာလ ကြာရှည်စွာမရ၍ တောင်းခြင်းကြောင့် ရိုက်နှက်ခံရပါသည်။ အချို့အိမ်ဖော်နှင့် အိမ်အကူတို့မှာ အလုပ်ရှင်သာမက အလုပ်အေးဂျင့်များ၏ မတရားညှဉ်းပန်း လူမဆန်မှုများကိုပါ ခံကြရသည်။

အိမ်ဖော်နှင့် အိမ်အကူအလုပ်သမားတို့သည် အောက်ဖော်ပြပါအချက်များကြောင့် မလေးရှားနိုင်ငံသားအလုပ်ရှင်တို့၏ မတရားမှုများကို ခံကြရသည်။

- ဝေးကွာသောပြည်ပနိုင်ငံများမှ မိသားစု၊ ဆွေမျိုး၊ သူငယ်ချင်းများနှင့်ခွဲခွာ၍ လာရောက်လုပ်ကိုင်ရပီး၊ လုပ်ငန်းခွင်တွင်လည်း လုပ်ဖော်ကိုင်ဖက်မရှိ၊ အထီးကျန်ခြင်း။ သူတို့သည် အလုပ်ရှင်၏ အိမ်ထဲတွင်သာနေကြရပီး၊ ပြင်ပပတ်ဝန်းကျင်နှင့် ဆက်သွယ်ခွင့်မရကြ။ ဆက်သွယ်ချိန်မရကြ။ သူတို့ထံ ရောက်ရှိသောစာများ ထိန်းချုပ်ခံရခြင်း၊ ဖုန်းပြောဆိုခြင်းများကို ပိတ်ပင်တားဆီးခြင်း။ ဘာသာစကားအခက်များကြောင့် နားလည်မှုလွဲခြင်းနှင့် လူမျိုးဘာသာမတူ၍ အတွေးအခေါ်ခံစားချက်ကွာဟခြင်း စသည်တို့က ပိုမို၍ အထီးကျန်ဆန်စေခြင်း။

- တိကျသေချာသော အလုပ်သမားဥပဒေဆိုင်ရာခေါ်စာနှင့် ကန်ထရိုက်စာချုပ်များမရှိခြင်း၊ ရှိသော်လည်းထိရောက်စွာ ကာကွယ်မှုမရခြင်း၊ အိမ်ဖော်နှင့် အိမ်အကူအလုပ်သမများကို အလုပ်ရှင်နှင့်အများက အဆင့်နိမ့်သောသူများအဖြစ်သတ်မှတ်၍ ခွဲခြားဆက်ဆံခံရခြင်း၊ အခြားအလုပ်သမားများကဲ့သို့ သတ်သတ်မှတ်မှတ် အလုပ်အကိုင်တစ်မျိုးကိုသာ လုပ်ကိုင်ရခြင်းမဟုတ်ဘဲ အလုပ်ရှင် (အိမ်ရှင်)၏ ခိုင်းစေမှုမှန်သမျှကိုလုပ်ကိုင်ပေးရခြင်း၊ ငြင်းဆန်ခွင့်မရှိခြင်း၊ မလေးရှားအလုပ်အကိုင်ဥပဒေကလည်း အလုပ်ရှင်ကို အကာအကွယ်များစွာပေးထားခြင်း။

- မလေးရှားတို့သည် ပြည်ပမှ လာရောက်လုပ်ကိုင်သူများကို ယင်းတို့ထက် အဆင့်အတန်းနိမ့်ကျသည်ဟု သတ်မှတ်သည့်အပြင် ခွဲခြားဆက်ဆံခြင်း၊ စော်ကားမိုက်ရိုင်းမှုများပြုလုပ်ခြင်း၊ ညှဉ်းပန်းနှိပ်စက်ခြင်း စသည်တို့ကို ပြုကြခြင်း၊ အလုပ်သမားတို့မှာ လူတစ်ဦးကဲ့သို့ပင် ဆက်ဆံမှုမရခြင်း၊ လူသားတစ်ဦးအဖြစ် စာနာလေးစားမှုမရခြင်း။

မလေးသတင်းစာများမှ မလေးရှားနိုင်ငံသားတို့၏ အိမ်ဖော်နှင့် အိမ်အကူတို့နှင့်ပတ်သက်သည့် ယင်းတို့၏ အခက်ခဲများကို တင်ပြရန်ဖိတ်ခေါ်ခဲ့ရာ အောက်ပါအတိုင်း ပြန်ကြားခဲ့ကြသည်။ (နံပါတ်စဉ်အလိုက် တပ်ထားသည့်အချက်များသည် မလေးရှားအလုပ်ရှင်များမှ ယင်းတို့၏ အိမ်ဖော်၊ အိမ်အကူများနှင့် ပတ်သက်၍ သတင်းစာသို့တင်ပြချက်များဖြစ်ပါသည်။)

၁။ အိမ်ဖော်နှင့် အိမ်အကူတို့သည် အလုပ်စပြီး မကြာမီတွင် ထွက်ပြေးကြသည်။

မလေးသတင်းစာများက ယင်းအချက်နှင့်ပတ်သက်၍ အလုပ်သမတို့၏ အလုပ်ရှင်အပေါ် အခွင့်အရေးယူမှုများ၊ မယုံကြည်ရမှုများကို ယင်းတို့နိုင်ငံသား အလုပ်ရှင်များ တင်ပြသည့်အတိုင်း လေ့လာစမ်းစစ်မှုမရှိဘဲ ပြစ်တင်ဖော်ပြခဲ့သည်။ တစ်ချို့က အလုပ်သမတို့သည် ပျင်းရိကြောင်း၊ အလုပ်မလုပ်လိုကြောင်း ပြောခဲ့သည်။ သို့အတွက်ကြောင့် ထွက်ပြေးကြကြောင်း ပြောခဲ့ပြီး၊ ယင်းတို့၏ အပြုအမူလုပ်ဆောင်ဆက်ဆံမှုများကိုမူ မဖော်ပြဘဲ ယင်းတို့သဘောထားကောင်းလျက်နှင့် ထွက်ပြေးကြသည်ဟု စွပ်စွဲခဲ့သည်။

၂။ အိမ်ဖော်များသည် ယောက်ျားလေးမိတ်ဆွေများစွာ ရှိသည်သာမက အခြားနေရာများတွင် သွားအိပ်ကြ၍ ရောဂါဖြစ်ပွားကြသည်။

စက်တင်ဘာ ၁၂ ရက်နေ့၊ ၁၉၉၇ ထုတ် New Straits Times သတင်းစာသို့ပေးပို့သော အိမ်ဖော်အလုပ်ရှင်တစ်ဦး၏စာတွင် ယင်း၏အိမ်ဖော်သည် ညအခါ အခြားယောက်ျားလေးများနှင့် ပြင်ပတွင်သွားအိပ်နေ၍ ရောဂါရလာပါက ယင်း၏အိမ်သားများ ကူးစက်ခံရမည်ကို စိုးရိမ်ကြောင်း ရေးပို့ခဲ့သည်။ အလုပ်ရှင်များသည် ယင်းတို့၏အိမ်ဖော်များ အိမ်တွင်သာနေ၍ တစ်နေကုန်တစ်ညလုံး၊ အလုပ်ကို မရပ်မနားလုပ်စေလိုပီး၊ အကယ်၍ အကြောင်းကိစ္စ တစ်ခုခု၊ အရေးကြီးကိစ္စ တစ်ခုခုကြောင့် အလုပ်သမက ပြင်ပသို့သွားရောက်ရသည်ကိုပင် ဤကဲ့သို့စွပ်စွဲမှုများတွေ့ရှိရသည်။ သို့သော် အိမ်ဖော် အလုပ်အကိုင်အေးဂျင့် တစ်ဦးက ပြောဆိုသည်မှာ ယောက်ျားလေးမိတ်ဆွေထား၍ အိမ်ရှင်တို့မှ ရိုက်နှက်သည်ဆိုသည်မှာ လိမ်လည်ခြင်းဖြစ်ကြောင်း၊ အမှန်မှာ အိမ်ရှင်တို့၏ လူမဆန်စွာ ညှဉ်းပန်းနှိပ်စက်မှုများကြောင့် ထွက်ပေါက်အနေနှင့် တစ်ချို့တစ်လေသာ ယောက်ျားလေးမိတ်ဆွေ ထားလာရကြောင်း ပြောဆိုသည်။

၃။ အိမ်ဖော်များသည် မိမိတို့၏ လင်ယောက်ျားကိုခိုးယူကြသည်။

ဤအချက်မှာ အိမ်ဖော်များကို လိင်ပိုင်းဆိုင်ရာ ကျင့်ဝတ်မရှိဟု အခြေအမြစ်မရှိစွာ စွပ်စွဲပြောဆိုခြင်းဖြစ်ပါသည်။ စက်တင်ဘာ ၁၂ ရက်နေ့၊ ၁၉၉၇ ထုတ် New Straits Times သတင်းစာတွင် ဖော်ပြခဲ့သော စာတစ်စောင်အရ အိမ်ဖော်သည် ယင်း၏ လင်ယောက်ျားနှင့် ဖောက်ပြန်ကြောင်း ပြောဆိုခဲ့သည်။ မေလ ၁၇ ရက်နေ့၊ ၁၉၉၈ The Sun သတင်းစာက အိမ်ရှင်လင်ယောက်ျားသည် ယခင်သူ၏အိမ်ဖော်နှင့် လက်ထပ်သွားသည့် အမှု ၈- မှုရှိကြောင်း ဖော်ပြခဲ့သည်။ သို့သော် သတင်းစာတို့တွင် ဖော်ပြသည်နှင့်ဆန့်ကျင်စွာ၊ အိမ်ရှင်ယောက်ျားသည် အိမ်ဖော်ကို လိင်ပိုင်းဆိုင်ရာ မတရားအကြမ်းဖက်ခြင်း၊ ကြိုးပမ်းခြင်း၊ မုဒိန်းကျင့်ခြင်း၊ အချို့အမှုများတွင် ဆိုးဝါးစွာ ကျင့်ကြံခြင်းများ ပါဝင်သည်။ ထိုကဲ့သို့ သတင်းစာတွင် ဖော်ပြသည့်အမှုများမှာ မှန်ခဲ့သည် ဆိုစေကာမှု၊ အမှန်တကယ် အိမ်ရှင်ယောက်ျားနှင့် ယင်းတို့နှင့်ပတ်သက်သော ယောက်ျားတို့၏ မတရားစော်ကားမှုကြောင့် ဒုက္ခရောက်၊ အသက်ဆုံးရှုံးရသော အိမ်ဖော်အလုပ်သမတို့အမှုအရေအတွက်မှာ အဆပေါင်းထောင်နှင့်ချီ၍ ရှိပါသည်။ (WAO)

၎။ သူမသည် မိမိတို့နိုင်ငံအောက် ယဉ်ကျေးမှုအဆင့်အတန်း များစွာနိမ့်ကျသောနိုင်ငံမှ လာသည်ဖြစ်၍ သူမ၏အကျင့်စရိုက်တို့ကြောင့် မိမိတို့အိမ်ထောင်ရေးဘ၀ ပျက်စီးနိုင်သည်။

မလေးရှားတွင် လုပ်ကိုင်နေသော အိမ်ဖော်နှင့် အိမ်အကူအလုပ်သမတို့မှာ အများအားဖြင့် အင်ဒိုနီးရှား (ယခုအင်ဒိုးနီးရှားအစိုးရမှ မလေးရှားသို့ အိမ်ဖော်အလုပ်သမ ပို့ခြင်းကို လုံးဝပိတ်ပင် ရပ်ဆိုင်းလိုက်ပါပြီ။) နှင့် ဖိလစ်ပိုင်တို့မှ ဖြစ်ကြသည်။ အိမ်ရှင်တို့မှာ ယင်းတို့၏ ကလေးများ မိမိတို့ဘာသာစကားကို အင်ဒိုအသံ၊ ဖိလစ်ပိုင်အသံနှင့် ပြောကျင့်ရသွားမည်ကို စိုးရိမ်ကြောင်း တင်ပြခဲ့သည်။ ထို့ပြင် အိမ်ဖော်တို့၏ မူရင်းနိုင်ငံသည် မိမိတို့ထက် ယဉ်ကျေးမှုနိမ့်သဖြင့် မိမိတို့၏ကလေးများ နိမ့်ကျသောယဉ်ကျေးမှုများ လွှမ်းမိုးခံရမည်ကို စိုးရိမ်ကြောင်း၊ ကလေးနှင့်မိဘအကြား ကွာဟမှုများဖြစ်လာနိုင်ကြောင်း ပြောခဲ့သည်။ ယင်းတို့၏ အစိုးရပိုင်းများကလည်း ဤအချက်ကို ထောက်ခံ၍ အိမ်ဖော်များကို ပညာပေးမှု၊ လေ့ကျင့်ပေးမှုများပြုသင့်ကြောင်း အော်ခဲ့ကြသည်။ ------------
--

(သို့အတွက်ကြောင့် ယခုလက်ရှိ မလေးရှားတို့သည် အင်ဒိုနီးရှားနှင့် ကမ္ဖောဒီးယား နိုင်ငံတို့မှ အိမ်ဖော်နှင့်အိမ်အကူအလုပ်သမားများ ပို့ဆောင်ခြင်းကို ရပ်တန့်ခံလိုက်ရသည့်အတွက် မလေးရှားဝန်ကြီးချုပ်နာဂျစ်သည် မြန်မာနိုင်ငံမှ အိမ်ဖော်အလုပ်သမများရရှိနိုင်ရေးအတွက် မြန်မာနိုင်ငံလက်ရှိကြံ့ဖွံ့အစိုးရနှင့် ညှိနှိုင်းမှုများ ပြုလုပ်လျက်ရှိပါသည်။ ထို့ကြောင့် မြန်မာနိုင်ငံသူ၊ နိုင်ငံသားအပေါင်း အားလုံးတို့သည် တာဝန်သိသိဖြင့် ဤလုပ်ဆောင်မှုကို အပြင်းအထန် ဆန့်ကျင် ကန့်ကွက်ကြစေလိုကြောင်း လေးစားစွာတိုက်တွန်းရင်း…. ဧပြီလ ၁၄ ရက်နေ့၊ ၂၀၁၂ ခုနှစ်ထုတ် The Star သတင်းစာမှ “မလေးအိမ်ရှင်တို့၏ ရက်စက်စွာ သတ်ဖြတ်မှုကြောင့် သေဆုံးသွားခဲ့သော ကမ္ဖောဒီးယားနိုင်ငံသူ၊ အသက် ၂၄ နှစ်အရွယ်၊ Mey Sichan ၏ အမှုအသေးစိတ်ကို ထပ်မံစုံစမ်း၍ တင်ပြပေးသွားပါမည်။-----ဘာသာပြန်သူ)

နွားကျောင်းသား (Friend Ever)


မှီငြမ်း......

http://www.wao.org.my/Migrant+Domestic+Workers_54_5_1.htm

အပြည့်အစုံသတင်းဖတ်ရန်....

 
----------------------------------------- */ /* EOT ----------------------------------------- */