“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Tuesday, November 30, 2010

ကမ္ဘာ့ထိပ်တန်း အတွေးအခေါ်သမားများတွင် ဒေါ်အောင်ဆန်းစုကြည် ပါဝင်

FP's 2010 Top 100 Global Thinkers: Aung San Suu Kyi ၂၀၁၀ ကမ္ဘာ့ထိပ်တန်း အတွေးအခေါ်သမားများ ၁၀၀ စာရင်းတွင် ဒေါ်အောင်ဆန်းစုကြည်ကို Foreign Policy မဂ္ဂဇင်းကြီးက ထည့်သွင်းဖော်ပြလိုက်သည်။ “ဒီမိုကရေစီအရေး ဆောင်ရွက်မှု၌ မည်သည့်အခါကမှ ဇွဲမလျှော့ခြင်းအတွက်” ဟု ရည်ညွှန်းထားသော ဒေါ်အောင်ဆန်းစုကြည်ကို ကမ္ဘာ့အဆင့် ၇၅ တွင် ထည့်သွင်းထားပြီး ဒေါ်အောင်ဆန်းစုကြည်၏ “လုပ်စရာတွေလည်း အများကြီး ရှိသေးတယ်” ဟူသော စကားကိုလည်း ကိုးကားဖော်ပြထားသည်။ (source: Foreign Policy)

အပြည့်အစုံသတင်းဖတ်ရန်....

အားနာပါတယ် ဒို့ ကိုစိန်ဘဲပေး ပြည်သူတွေအတွက် စက္ကူစုတ်များများသာ ယူ

ကျပ် တသောင်း တန် သတင်း နေပြည်တော်တွင်ပျံ့နှံ့
နရီလင်းလက် Tuesday, 30 November 2010 18:32

.စစ်အစိုးရသည် ဘဏ္ဍာရေးပြဿနာများဖြေရှင်းနိုင်ရန် ရည်ရွယ်ချက်ဖြင့် လာမည့် နှစ်ဆန်းပိုင်းတွင် ငွေစက္ကူ အသစ် ထုတ်ဝေ သွားရန် အာဏာပိုင်များက ပြောဆိုနေသည်ဟု နေပြည်တော် စစ်ဘက်ဆိုင်ရာ အသိုင်းအ၀န်းကြားတွင် ပျံ့နှံ့ နေသည်။


“ဒီဇင်ဘာ ဒါမှမဟုတ် နှစ်ဆန်းမှာ ကျပ် တသောင်း တန် ငွေစက္ကူသစ် ထုတ်မယ်ဆိုပြီး ပြောနေတယ်။ အဓိက ဘဏ္ဍာရေး အခြေအနေကို အမြန်ဆုံးဖြေရှင်းနိုင်မယ့် နည်းကို ရွေးချယ်တာလို့ ခန့်မှန်းကြတာပါပဲ”ဟု နေပြည်တော် ကာကွယ်ရေးဝန်ကြီး ဌာနမှ အရာရှိတဦးက ပြောသည်။

ထို့အပြင် အာဏာပိုင်များအနေနှင့် လက်ရှိ နေပြည်တော်တွင် တည်ဆောက်နေသည့် အဆောက်အအုံ စီမံကိန်းများအတွက် ဆောက်လုပ်ရေး ကုမ္ပဏီ ကြီးများကို ကျပ် ဘီလီယံ ပေါင်းများစွာ ပေးရန် ရှိသည်ဟု ၎င်းက ပြောဆိုသည်။

“ပုဂ္ဂလိက အိမ်ရာ၊ ဆေးရုံ၊ ရုံး အဆောက်အအုံတွေအတွက် အစိုးရကနေ ဆောက်လုပ်ရေး ကုမ္ပဏီတွေကို ဘယ်ကုမ္ပဏီက ဘယ်နေရာတွေ တည်ဆောက်ဆိုပြီး ခွဲချပေးထားတယ်။ ဘီလီယံနဲ့ ချီပြီးပေးရမယ့် အကြွေးတွေအတွက် လောလောဆယ် အာဏာပိုင်တွေက စစ်အသုံးစရိတ်တွေအတွက် သုံးထားတာတွေရှိတော့ မပေးနိုင်သေးဘူး”ဟု စစ်ဘက် ဆိုင်ရာ ဗိုလ်ချုပ်ကြီး တဦးက ပြောသည်။

၂၀၀၉ ခုနှစ်ကလည်း စစ်အစိုးရသည် ၎င်း၏ အသုံးစရိတ် လိုငွေပြမှုကို ဖြေရှင်းလိုခြင်းကြောင့် ၂၀၀၉ ခု အောက်တိုဘာလ ၁ ရက်နေ့တွင် မြန်မာနိုင်ငံတော် ဗဟိုဘဏ်က ၅၀၀၀ ကျပ် တန်များ ထုတ်ဝေခဲ့သည့် ဖြစ်စဉ်များရှိသောကြောင့် ယခုတကြိမ် တွင် လည်း အလားတူလုပ်ရပ်မျိုး ဖြစ်လာနိုင်ကြောင်း ၎င်းက ဆိုသည်။

ဇေယျာသီရိမြို့နယ်၊ ပုဗ္ဗသီရိမြို့နယ်၊ ဥတ္တရသီရိမြို့နယ်၊ ဇမ္ဗူသီရိမြို့နယ်၊ ဒက္ခိဏသီရိမြို့နယ် တို့ကို နေပြည်တော် အထူး ခရိုင်ဟု သတ်မှတ်ကာ တည်ဆောက်ရေးလုပ်ငန်းများကို တိုးချဲ့လုပ်ကိုင်နေလျက်ရှိသည်။

စစ်အစိုးရသည် မြို့တော်သစ် နေပြည်တော်ကို တည်ဆောက်၍ အုပ်ချုပ်ရေး မြို့ တော် အဖြစ် ၂၀၀၅ ခုနှစ် နိုဝင်ဘာလ ၆ ရက်နေ့တွင် ပြောင်းရွှေ့ခဲ့ပြီး ရုံး အဆောက်အအုံများ၊ ပန်းဥယျာဉ်များ၊ တိရစ္ဆာန် ရုံများ၊ ဟိုတယ်ဇုန် များကို ခမ်းနားကြီးကျယ် စွာတည်ဆောက်ခြင်း၊ လမ်းပန်းဆက်သွယ်ရေး ကောင်းမွန်စေရန် လမ်းများဖောက်လုပ်ခြင်းတို့ဖြင့် နေပြည်တော်ကို စည်ကား စေရန် ပြုလုပ်ခဲ့သည်။

“ရုံး အဆောက်အအုံတွေဆိုလည်း အကြီးကြီးတွေနဲ့ ခမ်းခမ်းနားနားဆောက်၊ အတွင်းပိုင်း ပြင်ဆင်မှုတွေဆိုရင်လည်း တကယ့် ကို အကုန်ကျခံလုပ်ထားတော့ ဒီအတွက်လောလောဆယ် ဆောက်လုပ်ရေးကုမ္ပဏီတွေက စိုက်ပြီး လုပ်နေတာပေါ့။ အကုန် လုံးပြီးသွားရင်တော့ ဘယ်ကုမ္ပဏီက ဘယ်လောက် တာဝန်ယူထားတာအတွက် ရှင်းပေးမှာမျိုး။ နေပြည်တော် တည်ဆောက် လုပ်ရေးလုပ်ငန်းခွင်မှာ လုပ်ခွင့်ရနေတာကလည်း အာဏာပိုင်နဲ့ နီးစပ်တဲ့သူတွေ ချည်းပဲ”ဟု နေပြည်တော် တည်ဆောက်ရေး လုပ်ငန်းခွင်မှ အင်ဂျင်နီယာတဦးက ပြောသည်။

နေပြည်တော် ဆောက်လုပ်ရေး စီမံကိန်းများကို စစ်အစိုးရနှင့် နီးစပ်သူများဖြစ်သည့် ဦးဇော်ဇော် မက်စ်မြန်မာ၊ ဦးအောင်ခမ်းထီ နေပြည်တော် ဆောက်လုပ်ရေး၊ ဦးတေဇ ထူး ကုမ္ပဏီ၊ ဦးရန်ဝင်း အေ၀မ်း ကုမ္ပဏီ စသည့် ပုဂ္ဂလိက ဆောက်လုပ်ရေး ကုမ္ပဏီ ၂၂ ခု က လုပ်ကိုင်ခွင့်ရရှိထားကြောင်း သိရသည်။

“ကျနော်တို့ ကုမ္ပဏီကျတော့ အိမ်ရာစီမံကိန်း အတွက် တာဝန်ယူဆောက်ပေးရတာ။ ဒီအတွက် မြေကွက် တကွက်ကို ကျပ် သိန်း၂၀ သွင်းပြီး ဆောက်ပေးရတယ်။ ပြီးသွားရင်တော့ သူတို့က ကိုယ်တည်ဆောက်ထားတဲ့အပေါ်မှာ ဥပမာ- သိန်း ၅၀၀ ဆိုလည်း ၅၀၀ ပုဂ္ဂလိက ကုမ္ပဏီတွေကို ပြန်ရှင်းပေးမယ်။ အာဏာပိုင်တွေက ဒီအိမ်ရာတွေကို တဖက်မှာ ပြီးခဲ့တဲ့ ကျောက် မျက်ပွဲ တုန်းကလို ငှားတာ ၊ ရောင်းတာတွေ ပြန်လုပ်မှာပေါ့။ အလုံးအရင်းနဲ့ အမြတ်ပြန်ရမယ့် စီးပွားရေးပေါ့”ဟု ပုဗ္ဗသီရိ မြို့ နယ်တွင် တည်ဆောက်ရေး တာဝန်ယူထားသည့် ကုမ္ပဏီတခုမှ တာဝန်ရှိသူတဦးက ပြောသည်။

၎င်းက ဆက်လက်၍“ကျောက်မျက်ပွဲ တုန်းကဆို လုံးချင်းအိမ်တလုံးကို ဒေါ်လာ ၃၀၀ နဲ့ ငှားတာ တော်တော်စီးပွားဖြစ်သွား တယ်။ နိုင်ငံခြားငွေ ရဖို့ ကျောက်မျက်ပွဲကိုလည်း အာဏာပိုင်တွေက ၃ လ တကြိမ်လုပ်မယ်။ သူတို့အတွက် တည်းခိုနိုင်မယ့် အိမ်ရာတွေ တည်ဆောက်ပြီး နိုင်ငံခြားငွေ ရအောင်လုပ်မှာပေါ့ ။ တဖက်မှာ ဟိုတယ်တွေလည်းဆောက်နေသလို ငွေသုံးနိုင်တဲ့ လူတွေအတွက် အိမ်ရာတွေကလည်း စီးပွားဖြစ်လာမယ်၊ ဒီအတွက်လည်း ရည်ရွယ်တာပေါ့”ဟု ပြောသည်။

စစ်အစိုးရသည် နောင် တက်လာမည့်အစိုးရအတွက် လွှတ်တော်အဆောက်အုံသစ်တွင် အဆောက်အအုံပေါင်း ၃၁ လုံး ဆောက်လုပ် ထားပြီး သမ္မတ နှင့် ဒု သမ္မတ နှစ်ဦး၏ သမ္မတ အိမ်တော်များကိုလည်း ကြီးကျယ်ခမ်းနားစွာ ဆောက်လုပ် ထားကြောင်း၊ ယင်း လွှတ်တော် အဆောက်အအုံများကို ACE ဆောက်လုပ်ရေး ကုမ္ပဏီ အပါအ၀င် တခြား ဆောက်လုပ်ရေး ကုမ္ပဏီ၂ ခုတို့က တာဝန်ယူ ဆောက်လုပ်ကြောင်း သိရသည်။

၂၀၀၈ ခုနှစ် အတွင်း ကာကွယ်ရေး ၀န်ကြီးဌာနအတွက် တနှစ် သာမန်သုံးငွေအဖြစ် ကျပ် ၂.၇ ထရီလီယံကျော်၊ ငွေလုံး ငွေ ရင်း သုံးငွေအဖြစ် ၂.၈ ထရီလီယံကျော်၊ တပ်မြို့စည်ပင်သာယာရေး အဖွဲ့များအတွက် ကျပ်၂ ဘီလီယံကျော်၊ နောက်တိုး သုံးစွဲငွေ အဖြစ် ၉၆ ဘီလီယံကျော်၊ စုစုပေါင်း ၆ ထရီလီယံ ခန့် အသုံးပြုခဲ့ကြောင်း စာရင်းဇယားများအရ သိရသည်။

စက်တင်ဘာလ ၇ ရက်နေ့က စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ သွားရောက်ခဲ့သည့် တရုတ်ပြည်ခရီးစဉ်တွင် လည်း တရုတ်အစိုးရထံမှ ယွမ် ဘီလီယံ ၃၀ (အမေရိကန် ဒေါ်လာ ၄.၂ ဘီလီယံ)ချေးရန် သဘောတူညီခဲ့ကြသည်။
http://www.irrawaddymedia.com/bur/index.php/news/5099-2010-11-30-11-33-34

အပြည့်အစုံသတင်းဖတ်ရန်....

ဒေါ်အောင်ဆန်းစုကြည့် နိုင်ငံရေးအကျဉ်းသား မိဘများနှင့်တွေ့ ဆုံ







အပြည့်အစုံသတင်းဖတ်ရန်....

ဒုက္ခသည်စခန်းက လူတွေအားလုံးက ဒေါ်အောင်ဆန်းစုကြည်နဲ့ တသားတည်း

ဒေါ်အောင်ဆန်းစုကြည် လွတ်မြောက်မှုကြိုဆိုပွဲ ဒုက္ခသည်စခန်းတွင် ကျင်းပ ဒေါ်အောင်ဆန်းစုကြည် နေအိမ်အကျယ်ချုပ် လွတ်မြောက်လာမှုကို ကြိုဆိုသည့် အထိမ်းအမှတ်အခမ်းအနားကို ထိုင်း-မြန်မာနယ်စပ် အုန်းပြန့်ဒုက္ခသည်စခန်းတွင် ယနေ့နံနက်ပိုင်းက ကျင်းပပြုလုပ်ခဲ့သည်။

ယင်းအခမ်းအနားကို ကရင်အမျိုးသမီးအစည်းအရုံး(KWO)၊ အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) (NLD-LA) နှင့် အုန်းပြန့်ဒုက္ခသည်စခန်းကော်မတို့က ဦးစီးပြုလုပ်ခဲ့ခြင်းဖြစ်သည်။

“ကျနော်တို့ ဒုက္ခသည်စခန်းက လူတွေအားလုံးက ဒေါ်အောင်ဆန်းစုကြည်နဲ့ တသားတည်းရှိတယ်၊ အဲဒီလို လွတ်မြောက်လာတဲ့အတွက် ဝမ်းသာတယ်၊ ပြီးတော့ ကျနော်တို့စခန်းက လူတွေအားလုံးက ဒေါ်အောင်ဆန်းစုကြည်နဲ့ ပင်လုံအပေါ် စိတ်ဝင်စားကြတယ်ဆိုတာကို ပြသတဲ့အနေနဲ့ လုပ်တာပါ” ဟု အုန်းပြန့်ဒုက္ခသည်စခန်းမှ နိုင်ငံရေးအကျဉ်းသားဟောင်းတဦးက ပြောသည်။

အခမ်းအနားသို့ တက်ရောက်လာကြသည့် ခေါင်းဆောင်များက အကြောင်းကြောင်းကြောင့် မြန်မာပြည်မှ ထွက်ခွာခဲ့ရကြသော်လည်း အခွင့်ရပါက အမိမြန်မာပြည်သို့ ပြည်သွားကြမည်ဖြစ်ကြောင်းကို အဓိကထား ပြောကြားခဲ့သည်။

ဆိပ်ကမ်းမြို့နယ် ပြည်သူ့လွှတ်တော်ကိုယ်စားလှယ် ဒေါ်စန်းစန်းက “ကျမ ဒေါ်အောင်ဆန်းစုကြည်နဲ့ တွေ့ခဲ့စဉ်က သူပြောခဲ့တာ ရှိတယ်၊ အဲဒါက မြန်မာပြည်အရေးကို လုပ်ချင်တယ်ဆိုရင် မြန်မာပြည်ထဲမှာနေမှ ရာနှုန်းပြည့် လုပ်နိုင်မှာဖြစ်တယ်လို့ ပြောခဲ့ဖူးတယ်” ဟု ပြောသည်။

အခမ်းအနားသို့ တက်ရောက်လာသူတဦးကလည်း ဒေါ်အောင်ဆန်းစုကြည် လွတ်မြောက်လာခြင်းနှင့် ပင်လုံရပ်တည်ချက်အပေါ် ဝမ်းသာဂုဏ်ယူမိကြောင်း ပြောသည်။

ထို့အပြင် ဒေါ်အောင်ဆန်းစုကြည် လွတ်မြောက်လာသည့် အထိမ်းအမှတ်အဖြစ် ထိုင်း-မြန်မာနယ်စပ် မယ်တော်ဆေးခန်းတွင်လည်း ယနေ့နံနက်ပိုင်းက စုပေါင်းသွေးလှူဒါန်းခြင်း ပြုလုပ်ခဲ့သည်။Rest of your post

အပြည့်အစုံသတင်းဖတ်ရန်....

ဒေါ်အောင်ဆန်းစုကြည်နဲ့ အဖြေများ - မိုးမခ အင်တာဗျူး

နိုဝင်ဘာ ၂၆၊ ၂၀၁၀
ယနေ့ညနေမှာ မိုးမခက အင်န်အယ်ဒီပါတီ ခေါင်းဆောင်၊ လူထုခေါင်းဆောင် ဒေါ်အောင်ဆန်းစုကြည်နဲ့ ခေတ္တခဏ တွေ့ဆုံမေးမြန်းခွင့်ရခဲ့ပါတယ်။ မိုးမခက လက်ခံရရှိထားတဲ့ ပြည်တွင်း ပြည်ပက မြန်မာများရဲ့ မေးမြန်းချက်တွေ၊ သဘောထားတွေကို တင်ပြပြီး ဒေါ်စုရဲ့ တုန့်ပြန်ချက်ကို ကောက်နုတ်ဖော်ပြလိုက်တာ ဖြစ်ပါတယ်။

ပထမဦးဆုံး မြန်မာပြည်သူလူထုက ဒေါ်အောင်ဆန်းစုကြည် လွတ်မြောက်လာတဲ့အတွက် ၀မ်းမြောက်ဝမ်းသာ ဖြစ်ကြတယ်။ အားတက်ကြတယ်။ ဒေါ်အောင်ဆန်းစုကြည်ရဲ့ ကျန်းမာရေး၊ လုံခြုံရေး၊ အမျိူးသားရေးလုပ်ငန်းတွေ အစီအစဉ်တွေကို အားလုံးက အဆင်ပြေ ချောမွေ့ အောင်မြင်စေဖို့ ဆုမွန်ကောင်းတွေ တောင်းနေကြတယ်၊ မေတ္တာပို့နေကြတယ်၊ ထောက်ခံ အားပေးလျက် ရှိတယ် ဆိုတဲ့ အကြောင်းကို အရင်ဆုံး တင်ပြလိုပါတယ်။

ကျေးဇူးတင်ပါတယ်။ ကျမတို့ အခုလို ကြားသိရတဲ့အတွက်လည်း ၀မ်းသာပါတယ်။

နောက်တခုကတော့ ပြည်ပမှာ မြန်မာအမျိုးသားတွေကလည်း လူမှုရေးကွန်ယက်တွေအဖြစ် တယောက်တလက် ကိုယ်ထူကိုယ်ထ လူမှုရေးလုပ်ငန်းတွေ လုပ်ကိုင်နေကြတာတွေ ရှိတယ်။ ပြည်တွင်းက လူမှုရေးစွမ်းဆောင်သူတွေကို အားပေး ဂုဏ်ပြုကြတာတွေ လုပ်နေကြတာတွေ ရှိပါတယ်။ ဥပမာအားဖြင့် ပြည်သူ့ဂုဏ်ရည် လှုပ်ရှားမှုတွေ စသည်ဖြင့် အဲသည်အတွက်ကို ဘာများ ပြောလိုပါသလဲ။

ကျမ ဒီအကြောင်းကို ကြားရ သိရပါတယ်။ ၀မ်းသာပါတယ်။ ဒါမျိုးတွေကို ဆက်ပြီးတော့ လုပ်သွားကြပါ။ သားတို့အနေနဲ့ ညီညီညွတ်ညွတ် လုပ်ကြရမယ်နော်။ အပြင်က အဖွဲ့တွေက အကွဲကွဲအပြားပြားဖြစ်နေတယ်လို့ ခဏခဏ အပြောခံရတာ မကောင်းဘူးနော်။ တခါတလေမှာ နိုင်ငံရေးအရ နဲနဲ ကွဲပြားနေကြတာတွေကို လူမှုရေးလုပ်ငန်းတွေ အတူတူလုပ်ရင်းနဲ့ ရင်ကြားစေ့ကြလို့ ရှိရင် အခြေအနေတွေ ကောင်းလာလိမ့်မယ် လို့ ထင်ပါတယ်။

ဟုတ်ကဲ့ပါ။ ပြည်ပက မြန်မာအမျိုးသားတွေ၊ တိုင်းရင်းသားတွေက မြန်မာပြည်ပြင်ပမှာ၊ နယ်စပ်ဒေသတွေမှာ ရွှေ့ပြောင်းနေထိုင်ကြနေကြရတယ်။ အခုဆိုရင် နှစ်ပေါင်း ၂၀ လောက် ရှိပြီ။ သို့သော် တိုင်းပြည်ရဲ့ အမျိူးသားရေးနဲ့ ပတ်သက်ရင်တော့ အမြဲတန်း စိတ်ဝင်တစား၊ တက်တက်ကြွကြွနဲ့ ရောက်ရာ ကျရာနေရာတွေကနေ လှုပ်ရှားမှုတွေ၊ တောင်းဆိုမှုတွေ၊ ရပ်တည်မှုတွေကို နှုတ်ပိတ်ခံထားရတဲ့ ပြည်တွင်းက ပြည်သူတွေကိုယ်စား ဆောင်ရွက်နေကြတာတွေ ရှိပါတယ်။ ဥပမာအားဖြင့် ၂၀၀၈ အခြေခံဥပဒေတို့၊ ၂၀၁၀ ရွေးကောက်ပွဲတွေကို လက်မခံဘူး၊ ကန့်ကွက် ဆန့်ကျင်ခဲ့ကြတယ်။ အဲသည်အတွက်ကို ဘာပြောချင်ပါသလဲ။

အခုလိုမျိူး လုပ်ကိုင် ဆောင်ရွက်တာတွေဟာ ခုချိန်မှာ အရေးကြီးတယ် လို့ ပြောချင်ပါတယ်။ တိုင်းရင်းသားတွေနဲ့ လက်တွဲလုပ်ကြဖို့ကိုလည်း မမေ့ကြစေချင်ဘူးနော်။ အခုချိန်ဟာ တကယ်တော့ ကျမတို့အတွက် အလွန်အရေးကြီးတဲ့ အချိန်ဖြစ်ပါတယ်။ အခုချိန်မှာ အားလုံးက စုပေါင်းအင်အားနဲ့ လှုပ်ရှားရမယ့် အချိန်ဖြစ်ပါတယ်။ ဒါကို သားတို့က သိမှာပါ။

အခုအချိန်မှာ အဖွဲ့ချုပ်အနေနဲ့ ပြည်တွင်းမှာ အရင်တုန်းကနဲ့ မတူတဲ့ ထောက်ခံမှုတွေ ရနေတယ်။ ဒါပေမယ့် တချိန်တည်းမှာလည်း အဖွဲ့ချူပ်ကို မှတ်ပုံတင်ထားတဲ့ အဖွဲ့ချူပ်မဟုတ်ဘူးဆိုတာမျိူး ဖြစ်အောင်လို့ လုပ်နေတာတွေလည်း ရှိနေတဲ့ အချိန်လည်း ဖြစ်နေတော့။ ဒါတွေက အများကြီး လုပ်ရမယ့် အချိန်ပဲ။

ဟုတ်ကဲ့ပါ။ ကျနော်တို့ ကြားသိ တွေ့မြင်ရသလောက်ကတော့ မြန်မာပြည်သူတွေ အားလုံးလိုလိုက အင်န်အယ်ဒီဟာ အမျိုးသားဒီမိုကရေစီအဖွဲ့ချူပ်ဟာ နိုင်ငံရေးပါတီတခုအနေနဲ့တင်သာမကဘူး၊ မြန်မာပြည်သားတွေရဲ့ လူမှုအဖွဲ့အစည်း၊ နိုင်ငံပြု အဖွဲ့အစည်းလို မှတ်ယူထားပြီးသား ဖြစ်ပါတယ်လို့ ပြောချင်ပါတယ်။ နိုင်ငံတကာဖက်ကအနေနဲ့ကော ဘယ်လိုမျိူး မြင်ချင် တွေ့ချင်တာ ရှိပါသလဲ။

ဟုတ်ကဲ့။ နောက်တခုကလည်းလေ ဥပဒေကြောင်းအရ တတ်နိုင်သမျှ ၀န်းရံပြီးတော့ ပြောပေးစေချင်တယ်။ ဘာဖြစ်လို့လဲဆိုတော့ အဖွဲ့ချူပ်ကို မှတ်ပုံတင်ထားတာကို ဖျက်မယ်ဆိုတာဟာ ဥပဒေနဲ့ မညီဘူး။ ကျမတို့ ရှေ့နေတွေနဲ့ သေသေချာချာ တင်ထားတယ်။ ဥပဒေကြောင်းအရသာ ဖြစ်ရမယ်ဆိုရင်တော့ အဖွဲ့ချူပ်ကို မှတ်ပုံတင် ရုပ်သိမ်းလို့ မရဘူး။ အဲဒါကို ကမ္ဘာတလွှားက ပညာရှင်တွေကနေပြီးတော့ ဒီဟာကို ထောက်ပြပြီးတော့ ဥပဒေအမြင်ကနေပြီးတော့ ထောက်ခံပေးတာကိုလည်း လုပ်ပေးစေချင်တယ်။ သားတို့လည်း လုပ်ပေးစေချင်တယ်။

ဟုတ်ကဲ့ပါ။ မြန်မာပြည်တွင်းက ဒေါ်စုတို့လို နိုင်ငံရေးခေါင်းဆောင်တွေ၊ အမျိုးသားခေါင်းဆောင်တွေ၊ နိုင်ငံရေးအင်အားစုတွေရဲ့ ဆောင်ရွက်မှုတွေ၊ ချမှတ်ဖော်ဆောင်မှုတွေကိုလည်း အားလုံးက နားစွင့်ပြီး၊ စောင့်ပြီး နားထောင်ပြီး လိုက်ပါဆောင်ရွက်နေကြတယ်ဆိုတဲ့အကြောင်းကိုလည်း ပြောနေကြပါတယ် ခင်ဗျာ။

ကျေးဇူးတင်ပါတယ် သားရယ်။

နောက်တချက်ကတော့ အမျိူးသားပြန်လည်သင့်မြတ်ရေး အလုပ်တွေ၊ လှုပ်ရှားမှုတွေမှာ အင်န်အယ်ဒီပါတီဘက်က ရပ်တည်ပေးနေကြတဲ့ ပြည်သူလူထုတွေ ရှိတယ်၊ တိုင်းရင်းသားတွေ နိုင်ငံရေး အစုအဖွဲ့တွေ ရှိနေတယ်။ ဒ့ါအပြင် တဖက်ကကြည့်ရင်လည်း တပ်မတော်တို့၊ မကြာခင်မှာ ပေါ်ထွန်းလာနိုင်တဲ့ လွှတ်တော်တို့ အခြားနိုင်ငံရေးအင်အားစုတွေနဲ့ကော ဘယ်လိုမျိူး လက်တွဲပြီး လုပ်သွားမယ်ဆိုပြီး မျှော်လင့်ထားသလဲဆိုတာကိုလည်း သိချင်ကြပါတယ်။

အန်တီတို့က ကြိုးစားနေတာပဲ။ အခုဆိုရင်လည်း ရွေးကောက်ပွဲဝင်ခဲ့တဲ့ ပါတီ ၁ ခု ၂ ခု နဲ့၊ တသီးပုဂ္ဂလတွေနဲ့လည်း တွေ့ပြီးပါပြီ။ အများကောင်းကျိူးကို တတ်နိုင်သမျှ လက်တွဲပြီး လုပ်ကြမယ်ဆိုတဲ့ သဘောတူညီချက် ရခဲ့ပါတယ်။ ဒီထက်ပိုပြီး ထပ် ထပ် ပြီးတော့ ပိုပြီးတော့ ပူးပေါင်းဆောင်ရွက်နိုင်တဲ့ အခြေအနေတွေ ဖြစ်အောင်လို့ ကြိုးစားသွားမှာပါ။ အဲသည်တော့ သားတို့တွေ အနေနဲ့ကလည်း သည်လိုကြိုးစားမှုတွေကို ထောက်ခံမယ် ပံ့ပိုးမယ်လို့ ဆိုတာကို ယုံကြည်ထားပြီးသားပါ။

အဲသည်မှာ မေးခွန်းတခုကတော့လေ … ဒီမိုကရေစီရေး လှုပ်ရှားမှုတွေထဲမှာ အင်န်အယ်ဒီရဲ့ ရပ်တည်မှုတွေထဲက အခြေခံအချက်တခုဖြစ်တဲ့ ၂၀၀၈ အခြေခံဥပဒေကို ပြုပြင်ပြောင်းလဲရမယ်၊ ဒီမိုကရေစီရေးကို အခြေခံတဲ့ အာမခံတဲ့ အခြေခံဥပဒေတရပ် ပေါ်ထွန်းလာရေးကို ထောက်ခံပြီး ဦးတည်ပြီး ဆောင်ရွက်နေကြတာ ဖြစ်ပါတယ်။ စစ်မှန်တဲ့ ဖယ်ဒရယ်ပြည်ထောင်စု ပေါ်ထွန်းရေးကို ရည်မှန်းကြတယ်။ ဒီလိုမျိုး ဆောင်ရွက်နိုင်အောင်လို့ အခြားအင်အားစုတွေ၊ နိုင်ငံရေးအင်အားစုတွေကို အားလုံးက ဘယ်လို စည်းရုံးကြမယ်လို့ မျှော်လင့်ပါသလဲ ခင်ဗျာ။

ဒါကတော့ ရွေးကောက်ပွဲဝင်ပြီးတဲ့သူတွေလည်း တော်တော် အခြေအနေတွေကို သိလာကြပါပြီ။ ဒီအတိုင်းဆက်သွားမယ်ဆိုရင် အစတုန်းကတော့ Political Space ရဖို့လုပ်ခဲ့ကြတာ လို့ ဆိုတယ်။ တကယ်တန်းကျတော့ Political Space ရှိရဲ့လား၊ မရှိဘူးလား ဆိုတာကို လက်တွေ့ကျကျ သုံးသပ်ကြဖို့ လိုတယ်ဆိုတာကိုတော့ သားတို့က ထောက်ပြကြရလိမ့်မယ် ထင်တယ်။

အဲဒါကတော့ ဆောင်ရွက်ကြရတဲ့နေရာမှလည်းပဲ လူပုဂ္ဂိုလ်တွေ၊ အဖွဲ့အစည်းတွေပေါ်မှာ မူတည်ပါတယ်။ ဒီကိစ္စတွေက ဘာနဲ့ စရမှာလဲ ဆိုတော့ နှစ်ဦး နှစ်ဖက် တွေ့ဆုံဆွေးနွေးတာနဲ့ စရမယ်။ အခုသုံးနေကြတဲ့ စကားကတော့ Exchange ပေါ့။ Engagement ပေါ့။ Exchange ရှိရမယ်။ Engagement ရှိရမယ်။ Exchange of Ideas ရှိရမယ်။ အပြန်အလှန်ဆွေးနွေးကြပြီးတော့မှ ကိုယ်ကနေပြီးတော့ ဘယ်လိုပုံစံနဲ့ပြောရင် သူတို့နားလည်သဘောပေါက်မယ် ဆိုတာ အဲလိုဆုံးဖြတ်ရမှာပေါ့။

အဖွဲ့ချုပ်ကို လက်ရှိစစ်အစိုးရနဲ့ အခြားနိုင်ငံရေးအင်အားစုတွေက အနှောက်အယှက်ပေးတယ်။ မတရားမှုတွေ လုပ်လာတာမျိုးတွေ ရှိလာရင်၊ ဖြစ်လာရင် ပြည်သူလူထုအားလုံး ပါဝင်နိုင်တဲ့ လှုပ်ရှားဆောင်ရွက်မှုတွေ ဘယ်လိုမျိူး ၀ိုင်းဝန်းပြီး လုပ်ကြရင် ကောင်းမှာလဲ ဆိုတာ ဘယ်လိုပြောချင်ပါသလဲ ခင်ဗျာ။

ပထမဦးဆုံးအဓိကအချက်ကတော့ Awareness ပိုပြီးရှိလာအောင် လုပ်ကြဖို့ ဖြစ်တယ် လို့ ပြောချင်ပါတယ်။ နိုင်ငံတကာအဆင့်နဲ့ကို Awareness ရှိလာအောင်လို့၊ ရှိနေအောင်လို၊့ အခြေအနေကို အများကနေပြီးတော့ ပိုပြီး သိလာအောင်လို့၊ ထောက်ခံလာအောင်လို့ လုပ်ကြတဲ့နေရာမှာ အပြင်က လုပ်ပေးနိုင်တာက အထဲမှာ အန်တီတို့ မလုပ်ပေးနိုင်တာ အများကြီး ရှိတယ်။ အထဲမှာ အန်တီတို့လုပ်မယ့် လှုပ်ရှားမှုတွေကို အပြင်ကလည်း သိမှာပဲ။ သိကြလို့ရှိရင် ကိုယ့်အထိုက်အလျောက် ၀ိုင်းကြဖို့၊ ၀န်းကြဖို့ပါပဲ။ ဒါတွေက အန်တီတောင် ပြောဖို့ မလိုဘူး ထင်ပါတယ်။ အခု သားတို့ လုပ်နေကြပဲ။ လုပ်ပေးနေကြပဲ။

ဟုတ်ကဲ့ပါ။ အဲသည် လုပ်ပေးနေကြပဲ ဆိုတဲ့နေရာမှာ တခုကတော့ နိုင်ငံတကာက စစ်အစိုးရကို ပိတ်ဆို့အရေးယူထားတဲ့ Sanction ဆိုတဲ့အပေါ် ဒီဘက်ကသဘောထားတွေ အနေနဲ့ ပြောချင်ပါတယ်။ ဒီ နိုင်ငံတကာက ဒီမိုကရေစီလိုလားတဲ့ နိုင်ငံတွေက မြန်မာစစ်အစိုးရကို ပိတ်ဆို့အရေးယူထားတယ်ဆိုတာက မြန်မာပြည်ရဲ့ ဒီမိုကရေစီလှုပ်ရှားမှုတွေကို ထောက်ခံတဲ့ သဘောကို ပြတဲ့အနေနဲ့ အရေးယူမှုဖြစ်တယ်။ ထောက်ခံမှုကို ပြသတဲ့ သဘောအဖြစ် မှတ်ယူထားကြတာဖြစ်ပါတယ်။ ဒါတွေဟာ မြန်မာပြည်ဒီမိုကရေစီရေးမှာ မြင်သာတဲ့ တိုးတက်ပြောင်းလဲမှုတွေ မဖြစ်မချင်းမှာ ဆက်လက်ကိုင်စွဲသွားရမယ့် အရေးယူမှုတခုဖြစ်တယ်လို့ ဒီမိုကရေစီရေးလိုလားသူ မြန်မာကွန်မြူနီတီတွေရဲ့ သဘောထားလို့ ပြောပြချင်ပါတယ် ခင်ဗျာ။

ဒါလဲ အန်တီတို့က သဘောတူပါတယ်။ အန်တီတို့အနေနဲ့က အခြေအနေတွေကို ပြန်ပြီး Review လုပ်မယ်လို့ပဲ ပြောတာပါ။ အခုလို ပြောပြတာတွေနဲ့ ပတ်သက်လို့ သဘောမတူစရာအကြောင်း အန်တီတို့ဖက်က ဘာမှ မရှိဘူး။ Sanction တွေကြောင့်မို့လို ဒီမှာ စီးပွားရေးအခြေအနေတွေ မကောင်းတာပါ လို့ပြောနေကြတာကလဲ မဟုတ်ဘူး ဆိုတာကို ယုံတယ်။ ဒါကိုလည်း ထင်ထင်ရှားရှားပေါ်လွင်အောင်လည်း အန်တီတို့အနေနဲ့က လုပ်မယ်။ လူထုကို ထိခိုက်နေတာတွေ ရှိတယ် ဆိုရင်လည်း ကြည့်ပြီးတော့ ပြန်စဉ်းစားရမှာပေါ့။ ဒါပေမယ့် ခုနက သားပြောသွားတာတွေကလည်း အန်တီတို့ရဲ့ အခြေခံမူပါပဲ။

နောက်တဆင့်ထပ်ပြောချင်တာကတော့ ဒီလိုမျိုး နိုင်ငံတကာက စစ်အစိုးရကို ပိတ်ဆို့အရေးယူထားတာတွေ ရှိတဲ့ကြားထဲကပဲ နောက်ပိုင်းတွေမှာ ၂၀၀၃ မေလ ဒီပဲယင်းလုပ်ကြံမှုလိုမျိုး ဒေါ်စုနဲ့ အင်န်အယ်ဒီကို အကြမ်းဖက်မှုတွေ လုပ်တယ်။ နောက်ပိုင်း ထင်ရှားတာတွေက ၂၀၀၇ သံဃာ့အရေးအခင်းတွေ၊ ၂၀၀၈ နာဂစ်အရေးအခင်းတွေမှာ လက်နက်မဲ့တဲ့ အပြစ်မဲ့တဲ့ ပြည်သူလူထုအပေါ်မှာ စစ်အစိုးရနဲ့ အပေါင်းအပါတွေက မတရားမှုတွေ လုပ်တယ်၊ လူ့အခွင့်အရေး ချိူးဖောက်မှုတွေ၊ ဖမ်းဆီး သတ်ဖြတ် နှိပ်စက် ထောင်ချတာတွေကို လုပ်တယ်။ ဒါတွေကို နောင်ဆက်မဖြစ်အောင် ဟန့်တားနိုင်အောင်လို့၊ ဖြစ်ခဲ့တာတွေကိုလည်း အမှန်တရားအတိုင်း ပေါ်ပေါက်ဖော်ထုတ်နိုင်အောင်လို့ ကုလသမဂ္ဂလိုမျိုး အဖွဲ့အစည်းတွေနဲ့ နိုင်ငံတကာဥပဒေအရ စုံစမ်းစစ်ဆေးရေးအဖွဲ့တွေ ပေါ်လာအောင် အရေးယူနိုင်အောင် လုပ်လာကြတာတွေ ဖြစ်တယ် ဆိုတာကလည်း ဒီမှာရှိနေတဲ့ မြန်မာကွန်မြူနီတီတွေကိုယ်တိုင်ရဲ့ သဘောထားဖြစ်တယ်လို့ ပြောချင်ပါတယ်။

ဒါလဲ အန်တီတို့ သဘောတူပါတယ်။ သဘောမတူစရာ အကြောင်းမရှိပါဘူး။ ဒီမူတွေဟာ မှန်တယ်လို့ အန်တီတို့ ယုံကြည်တယ်။ ဒါပေမယ့်လည်း အချိန်ကာလအလျောက် ပြန်ပြီးတော့ Review လုပ်မယ် ဆိုတာကလည်း တာဝန်အရ Review လုပ်မှာပေါ့နော်။ Review လုပ်တယ် ဆိုတာကလည်း အန်တီတို့ တွေ့တိုင်းအတိုင်းပဲ ထုတ်ဖော် ပြောဆိုမှာ ဖြစ်ပါတယ်။ အန်တီအနေနဲ့ကလည်း စီးပွားရေးဒုက္ခတွေ ဖြစ်နေတာဟာ Sanction တွေကြောင့် မဟုတ်ဘူးဆိုတာလည်း ပေါ်လွင်အောင် ဆွေးနွေးပြီးတော့ ဖော်ထုတ်ပေးရမှာပေါ့။ အဲဒါကိုလည်း အန်တီတို့ကလည်း တန်ဖိုးထားပါတယ်။

နောက်ဆုံးတခုအနေနဲ့ကတော့ ပင်လုံညီလာခံကြီးကို ၀ိုင်းဝန်းဆောင်ရွက်ကြဖို့ကို အားလုံးက မျှော်လင့်နေတယ်။ မြန်မာပြည်သူတွေကိုယ်တိုင်ကလည်း ရောက်ရာ၊ ရာရာနေရာတွေကနေပြီး ဘယ်လို အခမ်းကဏ္ဍတွေကနေပြီး ဘယ်လို ၀ိုင်းဝန်းကြရမလဲဆိုတာကို ကြိုဆိုနေကြတယ် လို့ ပြောကြားနေကြတဲ့အကြောင်း၊ စိတ်အားထက်သန်နေကြတဲ့အကြောင်းကို ပြောပြလိုပါတယ်။

ကျေးဇူးတင်တယ် သားရယ်။ ဒါနဲ့ ပတ်သက်လို့လဲ အန်တီတို့က အကူအညီလိုမှာပါ။ အကူအညီလိုတဲ့အခါကျရင် အန်တီတို့ ဆက်သွယ်မယ်လေ။ ဆက်သွယ်လို့ရအောင်ကိုလည်း အဖွဲ့ချုပ်က တာဝန်ရှိသူတွေကို ပြောပြထားကြရင် ကောင်းမယ် ထင်တယ်နော်။ အခုလို ပြောကြတာတွေဟာ တန်ဖိုးရှိပါတယ်။ ဒီလိုပြောတဲ့အခါကျတော့လည်း အတွင်းမှာရှိတဲ့ အန်တီတို့ သဘောထားတွေနဲ့ အပြင်က သဘောထားတွေနဲ့က ကွာခြားမှုမရှိဘူး။ ကွာဟမှု မရှိဘူး ဆိုတာ သိရတော့လည်း အန်တီတို့အတွက် အားတက်စရာပေါ့။

သားတို့အားလုံး ကျန်းကျန်းမာမာရှိအောင် နေကြနော်။ ကျန်တဲ့သူတွေကိုလည်း အန်တီက နှုတ်ဆက်လိုက်တယ်။ မေတ္တာပို့လိုက်ပါတယ်လို့ ပြောလိုက်ပါနော်။

ဒါတွေကတော့ ၂၆ ရက် နိုဝင်ဘာ ညနေခင်းမှာ ဒေါ်အောင်ဆန်းစုကြည်နှင့် ခေတ္တ ဆုံတွေ့ခွင့်ရချိန်မှာ မိုးမခ၀ိုင်းတော်သားများရဲ့ တင်ပြဆွေးနွေးမှုတွေနဲ့ ဒေါ်အောင်ဆန်းစုကြည်ရဲ့ အဖြေများပဲ ဖြစ်ပါတယ်။

အဲသည်လို တွေ့ဆုံချိန်လေးအတွင်းမှာ ဒေါ်အောင်ဆန်းစုကြည်က ကွယ်လွန်ခဲ့ပြီဖြစ်တဲ့ မြန်မာပြည်ရဲ့ ကဗျာဆရာကြီး ဦးတင်မိုးအကြောင်းကို အမှတ်တရ စကားပြောပါတယ်။ ဆရာ့အစီအစဉ်တွေကို လေလှိုင်းများကတဆင့် အမြဲတမ်း နားထောင်နေခဲ့တဲ့အကြောင်း ဆရာဦးတင်မိုးရဲ့ သမီးငယ် မိုးချိုသင်းကိုလည်း နှုတ်ဆက်စကားပြောပါတယ်။ အခုတော့ ဆရာဦးတင်မိုးအသံတွေ မကြားရတော့ပေမယ့် ဆရာ့ဦးတင်မိုးရဲ့ မိတ်ဆွေ ဆရာမောင်စွမ်းရည်ရဲ့ အသံတွေကတော့ ဆက်ကြားနေဆဲ ဖြစ်ကြောင်းနဲ့ ဆရာမောင်စွမ်းရည်နဲ့ စာပေမိတ်ဆွေများကို နှုတ်ဆက်လိုက်ကြောင်းကိုလည်း စကားလက်ဆောင် ပေးခဲ့ပါတယ်။Rest of your post

အပြည့်အစုံသတင်းဖတ်ရန်....

ရူးနေလို့ တဲ့ 

ဝန်ကြီးချုပ်ရောက်နေခိုက် ကျောက်ဖြူတွင် ဆန္ဒပြသူပြန်လွတ် သိန်းဇော် | တနင်္လာနေ့၊ နိုဝင်ဘာလ ၂၉ ရက် ၂၀၁၀ ခုနှစ် ၁၈ နာရီ ၃၃ မိနစ်
နယူးဒေလီ (မဇ္ဈိမ) ။ ။ ဝန်ကြီးချုပ် ဦးသိန်းစိန်နှင့်အဖွဲ့ ကျောက်ဖြူမြို့သို့ ရောက်ရှိနေခိုက် နိုင်ငံရေး အကျဉ်းသားများ လွတ်မြောက်ရေး ဆန္ဒပြသူ ရခိုင်ပြည်နယ် ကျောက်ဖြူနယ်သားကို စိတ်ဝေဒနာသည်ဟုဆိုကာ မိဘထံ လက်မှတ်ထိုးခိုင်းအပြီး ရဲက ပြန်လွှတ်ပေးခဲ့သည်။

ဆိုင်ကယ်ရှေ့၌ နိုင်ငံရေးအကျဉ်းသားများ လွတ်မြောက်ရေးဟု ရေးထားသည့် စာရွက်ကို ကပ်ကာ မြို့ပတ်၍ တကိုယ်တော် ဆန္ဒပြခဲ့သည့် ၃၂ နှစ်အရွယ် ကိုထွန်းနုကို နိုဝင်ဘာ ၂၅ ရက်နေ့က တရက်ကြာ ဖမ်းဆီးခဲ့သည်။ ရဲများက ရိုက်နှက်ထားသည့် ဒဏ်ရာကိုလည်းတွေ့ရသည်ဟု ဆွေမျိုးများက ပြောသည်။

ဆန္ဒပြသည့်နေ့တွင် ဝန်ကြီးချုပ် ဦးသိန်းစိန်၊ ကာကွယ်ရေးဝန်ကြီးဌာနမှ ဗိုလ်ချုပ်လှမင်း၊ အနောက်ပိုင်းတိုင်း နပခ တိုင်းမှူး ဗိုလ်မှူးချုပ် စိုးသိန်း၊ ဝန်ကြီးအချို့နှင့် ဒုဝန်ကြီးအချို့ ကျောက်ဖြူမြို့တွင် ရောက်ရှိနေခဲ့သည်။

“အခုလွတ်လာပါပြီ။ စိတ္တဇဝေဒနာ ရှိတယ်ဆိုပြီး သူ့မိဘတွေ လက်မှတ်ထိုးပြီး ထုတ်လာခဲ့တာ။ ရဲတွေရိုက်တာကြောင်း ဒဏ်ရာတော့ နည်းနည်းပါးပါး ရလာတယ်။ သူဆန္ဒပြတဲ့နေ့က ဝန်ကြီးတွေ ရောက်နေတယ်” ဟု အမည်မဖော်လိုသူ ဆွေမျိုးတဦးက မဇ္ဈိမကို ပြောသည်။

ဖမ်းဆီးရာတွင် ရဲက သိမ်းဆည်းခဲ့သည့် ဆိုင်ကယ်နှင့် အခြား ပစ္စည်းများကိုပါ ပြန်ပေးလိုက်သည်ဟု သူက ပြောသည်။

အဒေါ်တော်စပ်သူ တဦးကမူ "သူက လူကောင်းတယောက်ပါ။ စိတ္တဇ ဝေဒနာ မရှိပါဘူး။ ရဲ က အဲလိုရှိတဲ့အကြောင်း ပြောပြီးမှ လက်မှတ်ထိုးခိုင်းတာပါ။ နောက်ထပ် မလုပ်နိုင်အောင်လို့ပါ'' ဟု ပြောသည်။

ဖမ်းဆီးမှုနှင့် ပတ်သက်၍ အသေးစိတ် သိရှိရန် မြို့နယ်ရဲစခန်းသို့ မေးမြန်းခဲ့သော်လည်း တာဝန်ကျ ရဲက ဖြေကြားရန် ငြင်းဆန်ခဲ့သည်။

“သူက ဆိုက်ကယ်နဲ့ မြို့ကို ပတ်ပြီးတော့ အော်တယ်။ နိုင်ငံရေး အကျဉ်းသားများအားလုံး လွတ်မြောက်ရေးဆိုပြီး အော်တယ်။ ဆိုက်ကယ်ရှေ့က အဖြူရောင် စာရွက်မှာလည်း နိုင်ငံရေး အကျဉ်းသား လွတ်မြောက်ရေးဆိုပြီးတော့ ရေးထားတယ်။ အလယ်ပိုင်း ရပ်ကွက်ရောက်တော့ ရဲက လာဖမ်းသွားတယ်” ဟု မျက်မြင်တွေ့ရှိသူ ဒေသခံတဦးက ပြောသည်။

ကိုထွန်းနုသည် ကျောက်ဖြူမြို့နယ် စေတီယျကျေးရွာမှဖြစ်ပြီး ယခင်ကတည်းက နိုင်ငံရေး လှုပ်ရှားမှု မရှိခဲ့ကြောင်း ၎င်း၏ ဆွေမျိုးက ပြောသည်။Rest of your post

အပြည့်အစုံသတင်းဖတ်ရန်....

သိသောသူများ လေ့ လာသိရှိရသမျှ စီဘောက်မှာ အကြံပေးကြပါ

အီးမေးလ် တစောင် ညီနောင်တယောက်စီက ပို့ လိုက်ပါတယ် ။ မလေးရှားမှာ NLD နဲ့ ဒေါ်အောင်ဆန်းစုကြည် အမည်သုံးပြီး UN တွင် လျှောက်ကာ ကိုယ်ကျိုးစီးပွား လုပ်နေကြောင်း ဧရာဝတီမှလည်း ထိုသတင်းကို ဖေါ်ထုတ်နေကြောင်း သိရပါတယ်။ အီးမေလ်းတွင် ဓါတ်ပုံတွေပါ ပို့ လာသည့် အတွက် ဤဘလော့ခ်တွင် မတင်မှီ ဟုတ်မှန်ကြောင်း အရင်သိလိုပါတယ်။

မမှန်ကန်သောလုပ်စားများဖေါ် ထုတ်ရေးကို ဦးတည်လျက်။

အပြည့်အစုံသတင်းဖတ်ရန်....

စုတ်ပြတ်နေသော မြို့ တော်ကြီး ….

Yangon .final-carter(yangon) by sawyan
မြို့တော်ကြီးကိုမရောက်ဖြစ်တာကြာပြီ..
မြို့တော်ကြီး ဟာ ခြောက်သွေ့/ဆင်းရဲ မှုတွေနဲ့
မြို့တော်ကြီး ဟာ ရက်စက်သူများကြောင့်
...အရောင်ပြယ်ကာ စုတ်ပြတ်သတ်နေပြီ ….

V2 ကျောင်းတော်ကြီးကို လွမ်းမိတာ ကြာပြီ..
အဓိပတိလမ်းပေါ်ရွှက်ခြောက်လေးတွေဝေ
ကျောင်းသူကျောင်းသား မရှိတဲ့ဒီကျောင်းထဲ
အရောင်ပြယ်ကာ စုတ်ပြတ်အရင်အတိုင်းပဲ …
Cho : ဒါတွေဟာ (ပြောလည်းမပြီးပါ) 2
ငါတို့ရဲ့ဘဝနေဝင်ချိန်ကို မျှော်ရီ
ဘာကို (စောင့်စားပြီး တမ်းတ)2
အဖြေမရှိပါ ဒီသီိချင်း တစ်ပုဒ် အဖက်တင်ပြီ …….

MUSIC With Acoustic By Carter….

V1
V3 ဘုရားတော်ကြီးကို မဖူးရတာ ကြာပြီ
ဘုရားတော်ကြီးမှာ ဘုန်းတန်ခိုးများစွာနဲ့..
သို့ပေမဲ့လည်း ရက်စက်သူများကြောင့်
ကမ္ဘာမှာမြန်မာဟာ ရာဇဝင် သိပ်ရိုင်းပြီ ….

Cho : Key Change N’ Cho:
Composer : PTL743
Band : No idea(Myanmar Carter)
Record :Thamaing

အပြည့်အစုံသတင်းဖတ်ရန်....

လေလည်လို့  ဘွတ်ဘွတ် မြည်တောင် တွတ်ထိုးတယ် ထင် ထောင်နှစ်နှစ်

လွှတ်တော်ထဲတွင် လွတ်လပ်စွာ ပြောဆိုခွင့် ဗိုလ်ချုပ်မှူးကြီး ပိတ်ပင်

ရွေးကောက်ပွဲရလဒ်အရ ပေါ်ပေါက်လာမည့် လွှတ်တော်ထဲတွင် လွတ်လပ်စွာ ပြောဆို ဆွေးနွေးခွင့်ကို ဗိုလ်ချုပ်မှူးကြီး သန်းရွှေ အမိန့်ဖြင့် ပိတ်ပင်လိုက်ကြောင်း AP သတင်းတွင် ရေးသားထားသည်။

လာမည့် လွှတ်တော်ထဲ၌ နိုင်ငံတော်လုံခြုံရေးနှင့် တို့တာဝန်အရေးသုံးပါးအား ထိခိုက်နိုင်မည့် ပြောဆိုမှုများ၊ ၂၀၀၈ဖွဲ့စည်းပုံအား ဝေဖန်ပြောဆိုမှုများ ရှိလာပါက ထောင်ဒဏ် ၂ နှစ်ချမှတ်မည်ဟု စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေ က နိုဝင်ဘာလ ၂၆ ရက်နေ့တွင် လက်မှတ်ရေးထိုး ထုတ်ပြန်ခဲ့ကြောင်း သိရသည်။

သို့ရာတွင် လွှတ်တော်အတွင်း၌ ပြောဆိုစရာ ရှိသည်ကို ပြောဆိုသွားမည်ဖြစ်ကြောင်း တိုင်းရင်းသား ပါတီ ခေါင်းဆောင် တချို့က ဆိုသည်။

“ကျနော်တို့ သွားနေတဲ့ လမ်းစဉ်ကိုက တို့ တာဝန် အရေးသုံးပါးကို ဦးတည်သွားနေ ကြတာပဲ။ မလိုက်နာတာက သူတို့ပဲလေ။ ထောင်ချမယ် ဆိုရင်လည်း သူတို့ကိုပဲ ချရမှာပေါ့” ဟု မွန်ဒေသ လုံးဆိုင်ရာဒီမိုကရေစီပါတီ (AMDP) ၏ ဥက္ကဋ္ဌ နိုင်ငွေသိန်း က ဧရာဝတီကို ပြောသည်။

တိုင်းရင်းသားအားလုံးသည် တိုင်းရင်းသားစည်းလုံးညွတ်ရေး၊ ပြည်ထောင်စု မပြိုကွဲရေး၊ ဒီမိုကရေစီ ရရှိရေး စသည့် မူအရ လုပ်ဆောင် နေကြကြောင်း၊ ထို့ကြောင့် ပေါ်ပေါက်လာမည့် လွှတ်တော် ထဲတွင်လည်း ထိုလမ်းစဉ်များ အတိုင်းသာ ပြောဆို ဆွေးနွေးသွားမည် ဖြစ်ကြောင်း ဆက်ပြောသည်။

“ပြောစရာရှိတာကို ပြောဆိုရမှာပဲ ကြောက်နေရင် ဘာမှ ဖြစ်လာမှာ မဟုတ်ဘူး” ဟုလည်း ဦးနိုင်ငွေသိန်းက ဆိုသည်။

ရခိုင်တိုင်းရင်းသားများ တိုးတက်ရေးပါတီ (RNDP) ၏ ဥက္ကဋ္ဌ ဒေါက်တာအေးမောင်က “ထောင်ချမယ်လို့ ပြောပေမယ့် ကျနော်တို့က ၂၀၀၈ ဖွဲ့စည်းပုံထဲမှာ ပါတဲ့ အတိုင်းပဲ ပြောစရာရှိတာ ပြောရမှာပါ။ ဗိုလ်ချုပ်မှူးကြီး သန်းရွှေပြောတာလည်းပဲ ဒါကို အခြေခံပြီးတော့ ပြောတာလို့ ထင်ပါတယ်” ဟု ဧရာဝတီကို ပြောသည်။

ဖွဲ့စည်းပုံ အခြေခံဥပဒေထဲတွင် ပါဝင်သည့် အချက်များကို သဘောတူကြောင်း လက်မှတ် ထိုးထားသည့်အတွက် ပါတီ ထောင်ခွင့် ရရှိခဲ့ခြင်း ဖြစ်ကြောင်း၊ ထို့ကြောင့် ဖွဲ့စည်းပုံ အခြေခံဥပဒေထဲတွင် ပါရှိသည့် ပြောဆိုနိုင်သော ဘောင်အတွင်းမှ ပြောဆို သွားမည်ဖြစ်ကြောင်း ၎င်းက ဆိုသည်။

ဗိုလ်ချုပ်မှူးကြီး သန်းရွှေအနေဖြင့် ထိုသို့ပြောဆိုလိုက်ခြင်းသည် ပြည်သူလူထုက ရွေးကောက် တင်မြှောက်လိုက်သော ပြည်သူ့ကိုယ်စားလှယ်များက လွှတ်တော်ထဲ၌ စစ်တပ်အား ဝေဖန်ထောက်ပြမည်ကို စိုးရိမ်၍ ကြိုတင် တားမြစ်သည့်သဘော ဖြစ်နိုင်
ကြောင်း၊ ဗိုလ်ချုပ်မှူးကြီး သန်းရွှေသည် လာမည့်အစိုးရသစ်တွင် ပါဝင်မည်မဟုတ်ဘဲ စစ်ကော်မရှင် တရပ်ဖွဲ့ကာ အစိုးရ အဖွဲ့၏ အပေါ်မှနေ၍ အာဏာကို ဆက်လက်ချုပ်ကိုင် သွားနိုင်ကြောင်း နိုင်ငံရေး လေ့လာသူ တချို့က ဆိုသည်။

မြန်မာနိုင်ငံ ရှေ့နေများကောင်စီ ဥက္ကဋ္ဌ ဦးသိန်းဦးက “ဒီလို ထုတ်ပြန်လိုက်တာဟာ တက်လာမယ့် လွှတ်တော် အမတ်တွေကို ထောင်ချောက် ဆင်တာ ဖြစ်သလို၊ ခြိမ်းခြောက်လိုက်တဲ့ သဘောပါ။ ဘာမှမပြောရဲတော့အောင် ကြိုတင် တားလိုက်တာပါ။ လွှတ်တော်အမတ်တွေ အနေနဲ့လည်း ဘာမှ ပြောခွင့်ရမှာ မဟုတ်ပါဘူး” ဟု ပြောသည်။

ဗိုချုပ်မှူးကြီးသန်းရွှေ၏ ထုတ်ပြန်ချက်သည် လွှတ်တော်ထဲ၌ ဖက်ဒရယ် ပြည်ထောင်စုနှင့် ပတ်သက်၍ ဆွေးနွေးတင်ပြလာ မည်ကို ကြိုတင်တားမြစ်လိုသည့် အနေဖြင့် လုပ်ဆောင်ခြင်း ဖြစ်နိုင်ကြောင်း ဦးသိန်းဦးက ဆိုသည်။

ရွေးကောက်ပွဲ၌ အနိုင်ရထားသော ဒီမိုကရက်တစ်အင်အားစုထဲမှ တချို့ကမူ ၎င်းတို့အနေနှင့် ပြည်သူ ပေးထားသည့် တာဝန်ကို ယူထားရသော ကိုယ်စားလှယ်များ ဖြစ်သောကြောင့် ပြည်သူတို့၏ လိုအပ်ချက်များကို ပြောဆိုရန် အတွက်သာ လွှတ်တော် သွားမည်ဖြစ်ကြောင်း၊ ပြည်သူလူထု လိုအပ်ချက်ကို မပြောဆိုနိုင်ပါက ပြည်သူအပေါ် သစ္စာဖောက်ရာ ရောက်မည် ဖြစ်ကြောင်း ပြောကြသည်။

“တချို့ကိစ္စတွေက ခေတ်နဲ့မညီတော့ဘူး။ ဒါကြောင့် ပြောင်းလဲသင့်တာ ပြောင်းရမယ်။ ဒါမှ မဟုတ်ရင်တော့ တယောက်တည်း ကျန်ခဲ့မှာ သေချာတယ်။ ကန့်သတ်တယ် ဆိုတာက နေရာတကာမှာ မလုပ်သင့်ဘူး။ ဖက်ဒရယ် စနစ်ကြောင့်လည်း တိုင်းပြည် ဘယ်တော့မှ ပြိုကွဲမှာ မဟုတ်ဘူး” ဟု နိုင်ငွေသိန်းက ဆိုသည်။

ဆက်လက်၍ ၎င်းက လက်ရှိ သွားမည့် နိုင်ငံရေးလမ်းကြောင်းသည် ဒီမိုကရေစီ လမ်းကြောင်းဟု ဆိုထားသဖြင့် တိုင်းရင်းသားများနှင့် ဒီမိုကရက်တစ် အင်အားစုများက စည်းလုံးညီညွတ်စွာ ဥပဒေ ဘောင်အတွင်းမှ ပြောဆိုသွားပါက အတိုင်းအတာ တခုထိ အောင်မြင်မှု ရလာမည်ဟု ယုံကြည်ကြောင်း ပြောသည်။

ဒေါက်တာ အေးမောင်ကလည်း “ပြည်ထောင်စုကြီးကို ဘယ်သူကမှ မပြိုကွဲစေချင်သလို၊ ပြည်တွင်းမှာ စစ်ဖြစ်နေကြတာ ကိုလည်း မလိုလားကြပါဘူး။ အချုပ်အခြာ အာဏာ မကျဆုံးစေချင်ဘူး။ တပ်မတော်ဆိုတာလည်း ပြည်ပရန်သူကို ကာကွယ်ဖို့ အရေးကြီးဆုံးပါ” ဟု ဆိုသည်။

မြန်မာနိုင်ငံကို လက်ရှိတာဝန်ယူ အုပ်ချုပ်နေသူများ၊ နိုင်ငံရေး ခေါင်းဆောင်များ အားလုံး၏ ရင်ထဲ၌ တိုင်းရင်းသား စည်းလုံးညီညွတ်ရေးနှင့် တန်းတူအခွင့်အရေးကို အလေးထားကြမည် ဆိုပါက ပင်လုံညီလာခံ ကဲ့သို့သော ဆွေးနွေးပွဲကြီးပင် လိုအပ်မည် မထင်ကြောင်း၊ ဖက်ဒရယ် ပြည်ထောင်စု စစ်စစ်သည် တိုင်းရင်းသား များ၏ အရေးအကြီးဆုံး ဖြစ်ကြောင်း ၎င်းက ဆက်ပြောသည်။

ဗိုလ်ချုပ်မှူးကြီးသန်းရွှေ၏ ထုတ်ပြန်ချက်နှင့် ပတ်သက်၍ ချင်းအမျိုးသားပါတီ (CNP) ၏ ဥက္ကဋ္ဌ ဦးဇိုဇမ်က “လွှတ်တော်ထဲမှာ နပန်းလုံး တာမျိုးတွေ ဖြစ်လာမှာစိုးလို့ ထုတ်တာလည်း ဖြစ်နိုင်ပါတယ်။ တယောက်နဲ့တယောက် ဟိုဟာ ဒီဟာနဲ့ ပစ်ပေါက် ကြတာမျိုးတွေ ဖြစ်မလာအောင် တားတဲ့ သဘောလို့ ထင်ပါတယ်” ဟု ပြောသည်။

အင်း အမျိုးသားပါတီ ဥက္ကဋ္ဌ ဦးအောင်ကြည်ဝင်းကမူ ၎င်းတို့ပါတီသည် သဘာဝ ပတ်ဝန်းကျင် ထိန်းသိမ်းရေး၊ လူမျိုး မြှင့်တင်ရေး၊ ယဉ် ကျေးမှု အမွေအနှစ် ထိန်းသိမ်းရေးတို့ကိုသာ ပြောဆိုမည်ဖြစ်ပြီး နိုင်ငံရေးနှင့်ပတ်သက်၍ မပြောဟု ဆိုသည်။

တိုင်းသားပါတီများအနက် အကြီးဆုံးပါတီတခု ဖြစ်သောရှမ်းတိုင်းရင်းသားများ ဒီမိုကရက်တစ်ပါတီ (SNDP) ခေါ် ကျားဖြူ ပါတီ၏ တာဝန်ရှိသူကမူ ဗိုလ်ချုပ်မှူးကြီး သန်းရွှေ၏ ထုတ်ပြန်ချက်နှင့် ပတ်သက်၍ ပြောဆိုရန် စောသေးသည်ဟု ဧရာဝတီကို ပြောသည်။

ဧရာဝတီသတင်း

အပြည့်အစုံသတင်းဖတ်ရန်....

တရုတ်တွေ ဒို့ ပိုင်တာတွေ ခိုးနေပြီ..ရပ်ကြည့်ကြမလား

လျှပ်စစ် ဓာတ်အား ထုတ်ယူမှု လုပ်ငန်းအား တရုတ် Datang ကုမ္ပဏီက စတင် လုပ်ဆောင်နေ

တရုတ် နိုင်ငံ၏ ရေအား လျှပ်စစ် ကုမ္ပဏီကြီး ငါးခု အနက်မှ တစ်ခု ဖြစ်သော Datang ကုမ္ပဏီ၏ မြန်မာနိုင်ငံ အရှေ့ မြောက် ပိုင်းမှ လျှပ်စစ် ဓာတ်အား ထုတ်ယူမှု လုပ်ငန်းအား စတင် လည်ပတ်ရန် ၂၄၀ မီဂါဝပ် (MW) ရှိ စက်များ တပ်ဆင် လျက်ရှိ ကြောင်း အဆိုပါ ကုမ္ပဏီက စက်တင်ဘာ ၇ ရက်တွင် ထုတ် ပြန် ကြေညာသည်။ ကုမ္ပဏီ၏ ထုတ်ပြန် ကြေညာ ချက်အရ ၆၀ မီဂါဝပ် (MW) ရှိ စက် လေးလုံးဖြင့် စုစုပေါင်း စက်တပ်ဆင် အင်အား ၂၄၀ မီဂါဝပ် (MW) စတင် လည်ပတ် နေပြီ ဖြစ်သည်။

ထို့ပြင် နှစ်စဉ် ကီလိုဝပ် နာရီ သန်းပေါင်း ၁.ဝ၇ ကို ထုတ်လုပ် နိုင်မည့် စက်တပ်ဆင် အင်အား ၄၀ဝ မီဂါ ဝပ် အထိ တိုးချဲ့ မြှင့်တင် သွားရန် စီစဉ် နေကြောင်း ကုမ္ပဏီက ပြောဆိုသည်။ မြန်မာ အစိုးရနှင့် Datang ကုမ္ပဏီ တို့၏ BOT စနစ် စာချုပ် အရ Datang ကုမ္ပဏီမှ မြန်မာ နိုင်ငံ အရှေ့ မြောက်ပိုင်း လျှပ်စစ် ဓာတ်အား ထုတ်ယူရေး လုပ်ငန်းခွင်တွင် လျှပ်စစ် ဓာတ်အား ထုတ်ယူ ခြင်းကို နှစ်ပေါင်း ၄၀ ကြာ လုပ်ကိုင် ဆောင်ရွက်ပြီး ပါက မြန်မာ အစိုးရသို့ ပြန်လည် လွှဲပြောင်း ပေးအပ်မည် ဖြစ် သည်။

အဆိုပါ လျှပ်စစ် ဓာတ်အား ထုတ်လုပ်ရေး လုပ်ငန်းခွင်မှ ထုတ်ယူသည့် လျှပ်စစ် ဓာတ်အား ပမာဏ၏ ၉၀ ရာခိုင်နှုန်း ကို တရုတ် နိုင်ငံသို့ ပြန်လည် တင်ပို့ သွားမည် ဖြစ်ကြောင်း Datang ကုမ္ပဏီက ဆိုပါသည်။ Datang ကုမ္ပဏီမှ အဆိုပါ လျှပ်စစ် ဓာတ်အား ထုတ်လုပ်ရေး လုပ်ငန်းခွင် ဆောက်လုပ် ခြင်းကို ၂၀ဝ၇ ခုနှစ် ဒီဇင် ဘာလတွင် စတင် လုပ်ဆောင် ခဲ့သည်။
ဟံသာဝတီသတင်း

အပြည့်အစုံသတင်းဖတ်ရန်....

ရဲက လာဘ်ငွေယူပြီး မူးယစ်ဆေးရောင်းခွင့်ပြု


သျှမ်းပြည် (မြောက်ပိုင်း) နမ့်ခမ်းမြို့နယ် ကွန်ဟိုင်းရွာ ရဲစခန်းက ရွာရှိ မူးယစ်ဆေးဝါးရောင်းသူများအားဖမ်းဆီး ခြင်း မရှိပဲ လာဘ်ငွေယူ၍ ရောင်းချခွင့် ပြုထားကြောင်း သိရသည်။

အိမ်ခြေ ၄၀၀ ခန့်ရှိသည့် ကွန်ဟိုင်းရွာတွင် မူးယစ်ဆေးရောင်းသူ ၆ ဦးခန့်ရှိပြီး တစ်ဦးလျှင် တစ်လစာ ကျပ်ငွေ ၅ သောင်း ရဲစခန်းသို့ လာဘ်ထိုးရကြောင်း ဒေသခံများထံမှ တဆင့် သိရသည်။

ရှေ့တစ်လ (သို့မဟုတ်) နှစ်လ မူးယစ်ဆေးရောင်းချခွင့် အတွက် ကြိုတင်ငွေကို လကုန်ရက်များတွင်ပေးသွင်းရ ကြောင်း သိရသည်။

ရဲတပ်ကြပ် အိုက်မောင်သည် ကွန်ဟိုင်းရဲစခန်းမှူးဖြစ်ပြီး မူးယစ်ဆေးရောင်းသူများမှာ စိုင်းရီထွန်း ၊ စိုင်းဆိုင်ထွန်း ၊ အိုက်ယွန့် ၊ စိုင်းရီခန့် ၊ စိုင်းမောင်မြင့်နှင့်စိုင်းမောင်တို့ ဖြစ်ကြောင်း သိရသည်။

နိူဝင်ဘာလ ၂၇ ရက်နေ့ကလည်း ကြူကုတ်(ပန်ဆိုင်း) မြို့နယ် နမ့်ဟွန်းရွာသူ ရာမ (ခေါ်) စိတ်ကြွရူးသွပ်ဆေး သုံးစွဲသူ လူငယ် ၅ ဦးကို ရဲကဖမ်းဆီးပြီး တစ်ဦးလျှင် ကျပ်ငွေ ၁၆၀၀ စီတောင်းယူ၍ ပြန်လွတ်ပေးခဲ့ကြောင်း သိရသည်။
သျှမ်းသံတော်ဆင့်

အပြည့်အစုံသတင်းဖတ်ရန်....

သိန်းသန်းကုဋေ ကိန်းဂဏန်းတွေ (တပ်ကြပ်ကြီး-နေမင်းသူ)

by ရဲ ထက် http://www.facebook.com/#!/notes/-71/-/180927481923716
(လိမ်တာညာတာ အကျင့်ပါနေလို့)

“လိမ်တဲ့ညာတဲ့အခါမှာ သေးသေးမွှားမွှားမလိမ်နဲ့၊ ကြီးကြီးမားမားလိမ်၊ အဲဒါမှအလိမ်ခံရတဲ့သူတွေက အမှန်လို့ထင်သွားမှာ” ဆိုတဲ့ ဒုတိယကမ္ဘာစစ်ကြီးကို မီးမွှေးပေးခဲ့သူ ဂျာမနီအာဏာရှင်ကြီး ဟစ်တလာရဲ့ လက်သုံးစကားကို မြန်မာပြည်က စစ်ဗိုလ်ချုပ်ကြီးတွေ အူလှိုက်သည်းလှိုက် သည်းခြေကြိုက် ဖြစ်ခဲ့ပုံရပါတယ်။ သူတို့ထပ်တိုးပြီး ဆောင်းပေးလိုက်တာက “လိမ်ချင်ရင်အရမ်းကာရောမလိမ်နဲ့ ၊အချက်အလက်နဲ့လိမ်၊ ကိန်းဂဏန်းအတိအကျနဲ့လိမ်” ဆိုတာပါပဲ။

ဒီလိုနဲ့ မြန်မာ့သမိုင်းမှာ ဆယ်စုနှစ်ပေါင်းများစွာ အလိမ်အညာဇာတ်လမ်းတွေနဲ့ မှတ်တမ်းတင်ခဲ့တာ ယနေ့အထိ အဆုံးမသတ်နိုင် သေးပါဘူး။ ကမ္ဘာ့ကုလသမဂ္ဂ စင်မြင့်မှာ၊ အာဆီယံ အစည်းအဝေးတွေမှာ မဆလ၊ န၀တ၊ နအဖတို့တင်သွင်းဖော်ပြမြဲ သိန်းဂဏန်း အချက်အလက်တွေ အထင်အရှားရှိနေသလို အကျိုး သက်ရောက်မှုတွေလည်း ရှိနေခဲ့ပါတယ်။ရှိနေဆဲလည်းဖြစ်ပါတယ်။ လက်တွေ့နဲ့ကိုက်ညီမှုရှိတာ မရှိတာ အသာထား တရားဝင်ဖော်ပြထားတဲ့ အချက်အလက်ဆိုတာ လိုအပ်ရင် ကိုးကားလို့ရတယ်ဆို တာလည်း အားလုံးသိပါတယ်။ “မြန်မာပြည်မှာ စာမတတ်သူမရှိဘူး” “ပြည့်တန်ဆာ မရှိဘူး”ဆိုတဲ့ မဆလ အစိုးရရဲ့ထုတ်ပြန်ချက် တွေကြောင့် မြန်မာပြည်ကို LDC အဆင့်သတ်မှတ်ဖုိ့ ကမ္ဘာ့ခေါင်းဆောင်တွေ ဦးနှောက်စားခဲ့ရတယ် မဟုတ်လား။ အခုလည်း နှစ်စဉ် GDP တိုးတက်နှုန်းတွေကို လိမ်ညာတင်ပြနေပြန်ပြီ။

သို့ပေမယ့် စစ်အစိုးရအဆက်ဆက်ထုတ်ပြန်ကြေညာတဲ့ အချက်အလက်ကိန်းဂဏန်းတွေဟာ အနား နီးမှ ကြံရာမရဖုတ်ပူမီးတိုက် လုပ်ဆောင်တာတော့ မဟုတ်ပါဘူး။ အချိန်ယူပြင်ဆင်ပြီးမှ အဆင့်ဆင့်သော အချက်အလက်တွေအပေါ်မှာ တွက်ချက်ယူထားတဲ့ စာရင်းအင်း၊ ကိန်းဂဏန်းတွေပါ။ စစ်အစိုးရမှာ ရေရှည် Plan ရှိပါတယ်။ နောက်ပြီး ဘာပဲလုပ်လုပ် စနစ်တကျစီမံချက်နဲ့ လုပ်တတ် အောင် စစ်ခေါင်းဆောင်အဆင့်ဆင့် ကို လေ့ကျင့်သင်ကြားပေးထားပါတယ်။ ဘယ်လောက်ထိလဲဆိုရင် သင်္ကြန်တွင်းရေကစား တာတောင်မှ “သင်္ကြန်ကာလအတွင်း လုံခြုံရေးစီမံချက်”ဆိုတာ ရှိပါတယ်။ အဲဒီတော့ စစ်အစိုးရရဲ့ လုပ်ဆောင်ချက်တွေမှာ ကြိုတင် အချိန်ယူပြင်ဆင်ထားတဲ့ လိမ်ညာမှုတွေအများစု ပါဝင်နေတယ်ဆိုတာကိုတော့ အငြင်းပွားမယ့်သူ ရှိလိမ့်မယ်မထင်ပါဘူး။ ဘယ်လိုဘယ်ပုံ လိမ်ညာတယ်ဆိုတဲ့ အချက်အပေါ်မှာပဲ ထဲထဲဝင်ဝင်သိသူနဲ့ အပေါ်ယံ အကြမ်းဖျင်းသိသူရယ်လို့ ကွဲပြားမှာပါ။

ကျွန်တော်လည်း စစ်မှုထမ်းတစ်ဦးဖြစ်ပေမယ့် ဒီယန္တရားကြီးကို ပြည့်ပြည့်စုံစုံ သိမထားပါဘူးလို့ ၀န်ခံ ရမှာပါ။ သို့သော်လည်း ထင် သာမြင်သာဖြစ်နေတဲ့ လုပ်ဆောင်ချက်အချို့ကို တင်ပြပေးပါ့မယ်။ အဲဒီလုပ်ဆောင် ချက်တွေဟာ မှန်ကန်မှု မရှိပေမယ့် အရာရှိ/ စစ်သည် တွေကြားမှာတော့ သာမန်လုပ်ရိုးလုပ်စဉ်လို သဘော ထားနေကြပါပြီ။

တပ်၊ စခန်း၊ ရေယာဉ် တွေမှာ လစဉ်ပြန်တမ်းဆိုတာရှိ်ပါတယ်။ မိမိတို့ တပ်၊ စခန်း၊ရေယာဉ် အလိုက် တစ်လတာအတွင်း ဖြစ်ပျက်မှုေ တွ၊ လုပ်ဆောင်ချက်တွေကို သက်ဆိုင်ရာ အထက်ဌာနကြီးတွေသိရှိရအောင် စာရင်းဇယားနှင့်တကွ ပြုစုပေးပို့ရတာပါ။ စစ်တပ်အသုံးနဲ့ပြောရရင် ဦး/ရေး/ ထောက် ပြန်တမ်းတွေဆိုပါတော့။ သုံးလတစ်ကြိမ်၊ ခြောက်လတစ်ကြိမ် ပေးပို့ရတဲ့ ကြီးကြပ်ကန့် သတ်ပစ္စည်း ပြန်တမ်းတွေကလွဲရင် လစဉ်ပေးပုိ့ရတဲ့ ပြန်တမ်းအများစုမှာ အလိမ်အညာစာရင်းဇယားတွေနဲ့ ပြည့်နှက် နေပါတယ်။

လစဉ်ပြန်တမ်းတွေမှာ အင်အားပြန်တမ်းကို အတတ်နိင်ဆုံးမှန်အောင် ပြုစုပေးပို့ပါတယ်။ သို့သော် စစ်ပြေးအင်အား၊ ခွင့်မဲ့ပျက်ကွက် အင်အား သိပ်များတဲ့လတွေမှာ လျှော့ပြီးပို့တာ ရှိပါတယ်။ အဆိုးဆုံးကတော့ တပ်တွင်းသက်သာချောင်ချိရေး ဆောင်ရွက်ပေးနိုင်မှု အခြေအနေပြန်တမ်းဖြစ်ပါတယ်။ စစ်သည်တစ်ဦးကို လစဉ်ဘယ်လောက်ထောက်ပံ့ပေးတယ် မိသားစုတွေကို ဘယ်လိုအကူ အညီ ပေးတယ် စသည်ဖြင့် ကိန်းဂဏန်းတွေနဲ့ ဖော်ပြပေးရပါတယ်။ အင်မတန်ရိုးသားမှုရှိတဲ့ တပ်မှူးအချို့ကသာ မိမိဆောင်ရွက်ပေး နိုင်သလောက်ကို အမှန်အတိုင်း တင်ပြပြီး တပ်အများစုမှာတော့ အတုအယောင်ကိန်းဂဏန်း တွေနဲ့ မစားရ ၀ခမန်း တင်ပြလေ့ရှိပါ တယ်။ အရပ်ဖက်မှာ ၀ါဒဖြန့်ဖို့ ဖွဲ့စည်းထားတဲ့ ကြံ့ခိုင်ဖွံ့ဖြိုးရေးအသင်း ရှိသလို တပ်ထဲမှာလည်း တပ်ရင်းစည်းရုံးရေးကော်မတီနဲ့ မိသားစု စည်းကမ်းထိန်းသိမ်းရေးကော်မတီ ဆိုပြီး ရှိပါတယ်။ အဲဒီအဖွဲ့တွေဟာ လက်တွေ့လုပ်ဆောင်ချက် ဘာမှမယ်မယ်ရရမရှိဘဲ စာရွက် ပေါ်မှာ အလုပ်လုပ်နေ တဲ့ အလိမ်အညာ အဖွဲ့သက်သက်ဖြစ်ပါတယ်။ ဒါပေမယ့် အဲဒီအဖွဲ့က ပေးပို့တဲ့ပြန်တမ်းအရေအတွက်ဟာ တပ်တွေက ပုံမှန်ပေးပို့နေရတဲ့ ပြန်တမ်းအရေအတွက်ထက် အများကြီးပိုပါတယ်။


တပ်မတော်ခေါင်းဆောင်ကြီးတွေ စုဝေးတိုင်ပင်တဲ့ လေးလပတ် ဦး/ရေး/ထောက် ညှိနှိုင်းစည်းဝေးပွဲ တွေမှာ သက်ဆိုင်ရာစစ်ခေါင်း ဆောင်ကြီးတွေက အထက်မှာ ကျွန်တော်ပြောခဲ့တဲ့ ပြန်တမ်းတွေကို စုပေါင်းစာ ရင်းချုပ်ထားတဲ့ ကိန်းဂဏန်းအချက်အလက်တွေကို ကိုင်ပြီး ဆွေးနွေးကြတာဖြစ်ပါတယ်။ အဲဒီစာရင်းဇယားတွေ ကို အမှန်အဖြစ်အတည်ပြုကြပါတယ်။ ဒီတော့ တပ်ရင်းတပ်ဖွဲ့တွေရဲ့ အခြေအနေမှန်ကိုမသိဘဲ (သိရင်လည်း မသိယောင်ဆောင်ပြီး) ငါတို့တပ်တွေရဲ့ အခြေအနေတိုးတက်လာပြီ။ တပ်မိသားစုတွေရဲ့ စားဝတ်နေရေး အခြေအနေမြင့်မားလာပြီ။ ကလေးတွေပညာရေးကောင်းလာပြီ စသည်ဖြင့် တပ်ခေါင်းဆောင်ကြီးတွေ အထင် ရောက်တော့တာပေါ့။ “ ရုပ်တည် (ယုတ္တိ)ကြီးနဲ့ လိမ်နေတယ်” ဆိုတဲ့စကားဟာ စစ်တပ်ထဲမှာ ခေတ်စား ပါတယ်။

ကျွန်တော် ဟိုင်းကြီးရေတပ်စခန်းမှာ ရှိစဉ်တုန်းက ဗိုလ်ချုပ်ကြီးမောင်အေး ဦးဆောင်တဲ့ VIP အဖွဲ့ ရောက်လာပြီး မင်းရဲကောင်း ပုံခန်းမမှာ မိန့်ခွန်းပြောတော့ “ခုခေတ်မှာ စစ်သားဖြစ်ရတာ တန်ပါတယ်။ ချပ်ဝတ်တန်ဆာ အပြည့်အစုံထုတ်ပေးထားတယ်။ လစာလည်းရတယ်။ BIA ခေတ်ကဆိုရင် လစာမရှိ၊ ရိက္ခာမလုံလောက်၊ ရှိသမျှလက်နက်နဲ့ ပင်ပန်းဆင်းရဲခံပြီး တိုက်ပွဲဝင်ရတာ” တဲ့။ စကားလေးကလှပါတယ်။ ဒါပေမယ့် သူလည်းလွတ်လပ်ရေးတိုက်ပွဲမှာ ပါခဲ့တာမှတ်လို့။

ရန်ကုန်ရဲ့တစ်ဖက်ကမ်း သန်လျင်တပ်နယ်မှာကြုံရတဲ့ အဖြစ်အပျက်လေးတစ်ခုကို ပြောပြချင်ပါတယ်။ တပ်သစ်တစ်ခုမှာပါ။ တပ်ပိုင်မြေဆိုပြီး သိမ်းထားတဲ့ လယ်မြေ(၁၀) ဧကလောက်ရှိတယ်။ တပ်အဆောက်အဦး တွေ ဆောက်လိုက်တော့ မြေ(၇)ဧက လောက် ကျန်နေသေးတယ်။ အဲဒီမှာ လွတ်နေတဲ့ မြေအလကားမထားနဲ့ ဆိုပြီး ဧက(၂၀)စပါးစိုက်ပျိုးဖို့ ကက(ရေ) မှ ညွှန်ကြား ပါတယ်။ တပ်မှူးခေါင်းခဲသွားတာပေါ့။ ဒါပေမယ့် လူကြီးတွေ ကျေနပ်အောင် ဖြေရှင်းပေးပါတယ်။ နီးစပ်ရာကျေးရွာက လယ်သမားကြီးတစ်ဦးကို ခေါ်တွြေ့ပီး စပါးစိုက်ပျိုးရေး ကုန်ကျစရိတ်၊ ရိတ်သိမ်းကုန်ကျစရိတ်နဲ့ သီးနှံအောင်မြင်ရင် ရနိုင်တဲ့ အမြတ် ကိုတွက်ချက်ပြီး စီမံချက်စာရင်းဇယား နဲ့တကွ ကက(ရေ) ကို တင်ပြလိုက်တယ်။ အဲဒီမှာ ကက(ရေ) G1 ပြန်ကြားလာ တာက “စီမံချက်တင်ပြပုံတွေကောင်းပါတယ်။ လိုအပ်ချက်အရ ဧက(၂၀)အစား ဧက(၄၀) စိုက်ပျိုးပေးပါ” လို့ဆိုလာ တယ်။ ဒီလိုနဲ့ပဲ စာရွက် ပေါ်မှာ စပါးဧက (၄၀) စိုက်ပျိုးဖြစ်သွားတယ်။ ဟိုင်းကြီးကျွန်းမှာတုန်းကတော့ လက် တွေ့စပါးစိုက်တဲ့ တပ်မှူးတစ်ယောက် ခွက်ခွက် လန်အရှုံးပြ သွားတာကို မြင်ခဲ့ဖူးလေရဲ့။ သူလည်း အခုကက (ရေ)မှာ G1တစ်ဦး ဖြစ်နေပြီဆိုတော့ အောက်ကတပ်မှူးတွေကို မဖြစ်နိုင်တဲ့စီမံချက်တွေနဲ့ ဆက်ပြီးမညာခိုင်းဖို့ အရေးကြီးပါတယ်။


တပ၊်စခန်း၊ရေယာဉ်အသီးသီးရဲ့ ဖွံ့ဖြိုးတိုးတက်မှုအခြေအနေကို အထက်လူကြီးတွေ လာရောက်စစ် ဆေးတဲ့အခါမှာ လက်တွေ့မြင် ကွင်းထက် “ ရှင်းလင်းဆောင်” For Show ကောင်းကောင်းလုပ်ထားနိုင်ဖို့ အရေး ကြီးပါတယ်။ ရှင်းလင်းဆောင်ကို သပ်သပ် ယပ် ယပ်လေး ပြင်ဆင်ထားမယ်။ တပ်ဧရိယာ Site plan မြေပုံကားချပ်၊ စာရင်းဇယားကားချပ်တွေ နေရာတကျ ချိတ်ဆွဲထားမယ်။ သက်တောင့်သက်သာ ဖြစ်မယ့်ထိုင် ခုံလေးတွေ ချထားမယ်။ အဆင်ပြေတဲ့ ဧည့်ခံကျွေးမွေးမှုလေးတွေ စီစဉ်ပေးမယ်ဆိုရင် လာရောက်စစ်ဆေးတဲ့ လူကြီးမင်းဟာ ကျေနပ် ၀မ်းမြောက်သွားမှာဖြစ်ပြီး တွေ့သမျှမြင်ကွင်းကို ချီးမွမ်းပြောဆိုမှာ အမှန်ပါပဲ။ (အရပ်ဖက်ဌာနတွေမှာလည်းဒီလိုပဲ ရှိလိမ့်မယ်ထင်ပါတယ်) အထက်လူကြီးအကြိုက် လုပ်ဆောင်ပေးတတ်တဲ့ အကျင့်ဟာ စစ်ဖက်/ အရပ်ဖက် ၀န်ထမ်းအများစုကြားမှာ ယဉ်ကျေးမှု တစ်ရပ်လို ဖြစ်နေပါပြီ။ ဒီအစဉ်အလာဆိုး ကြီးကို ပြုပြင်ပြောင်းလဲနိုင်ဖို့နှစ် အတော် ကြာ အချိန်ယူရဦးမှာပါ။

မကြာသေးခင်က ကျင်းပပြီးစီးသွားတဲ့ ရွေးကောက်ပွဲမှာ မဲမသမာမှုတွေ မြင်မကောင်းကြားမကောင်း အောင် ဖြစ်ပေါ်ခဲ့ပါတယ်။ ကြိုတင်ပြင်ဆင်ထားတဲ့ကြားက အလွဲလွဲအမှားမှားတွေ ဖြစ်ရပါတယ်။ မဲရလဒ်ဘယ်လိုပဲပေါ်ပေါ် ပြောင်လိမ်ပြောင်စား ကော်မရှင်က သိက္ခာမဲ့တဲ့ကြံ့ဖွံ့ ကိုယ်စားလှယ် လောင်းတွေကို အနိုင်ပေးလိုက်ပါတယ်။ ကြံ့ဖွံ့ ပါတီရဲ့ လိုတရကြိုတင်မဲတွေကြောင့် အနိုင်ကနေရှုံး သွားခဲ့ရတဲ့ ကိုယ်စားလှယ် လောင်းတွေနဲ့ ပါတီအဖွဲ့အစည်းများရဲ့ မချိတင်ကဲခံစားညည်းညူသံတွေကို ကြားရတော့ စိတ်မကောင်း ဖြစ်မိ တဲ့ကြားက ကျွန်တော်တို့သူငယ်ချင်းတစ်စု အရွှန်းဖောက်ရပါသေးတယ်။သူတို့အနေနဲ့ လက်ရှိစစ်အစိုးရ အပေါ် အကောင်းမြင် မျှော်လင့်ချက်တွေ အားကြီးခဲ့လေသလားလို့ တွေးမိပါတယ်။ စစ်အစိုးရလုပ်စားလာတဲ့ သဘာကိုလည်း လျှော့တွက်ပုံ ရပါတယ်။

ကြံ့ဖွံ့ပါတီကို ဦးဆောင်နေတာက စစ်ခေါင်းဆောင်ကြီးများနဲ့ ခေတ်ပျက်သူဌေး လုပ်ငန်းရှင်ကြီးတွေ မဟုတ်လား။ မဲရုံတွေကို ကြီး ကြပ်ပေးသူတွေကလည်း စစ်အစိုးရ လက်အောက်က၀န်ထမ်းတွေဖြစ်နေလေ တော့ ခေါင်းဆောင်ကြီးတွေရဲ့ လိုအပ်ချက်ကို ပြည့်မီ အောင် ဖြည့်ဆည်း ပေးရတာလို့ သဘောထားလိုက်ပါ။ ဘာပဲဖြစ်ဖြစ် အရှက်မရှိတဲ့ စစ်ခေါင်းဆောင်ကြီးတွေအတွက်ကတော့ ဖျက်မရတဲ့ အမဲစက်များစွာပေါ်မှာ အနက်ရောင် စုတ်ချက်တင်ပေးလိုက်တာလို့ သမိုင်းမှာ မှတ်တမ်း တင်ခံရတော့မှာပေါ့ဗျာ။

တပ်ကြပ်ကြီး-နေမင်းသူ ၂၅-နိုဝင်ဘာ-၂၀၁၀း

အပြည့်အစုံသတင်းဖတ်ရန်....

အပြည်ပြည်ဆိုင်ရာ လူ့အခွင့်အရေး နေ့အထိမ်းအမှတ် လူ့အခွင့်အရေး ဆိုင်ရာ စာပေနှီးနှော ဖလှယ်ပွဲ


Summaryမင်္ဂလာပါ မိတ်ဆွေတို့

လူဖြစ်လာရင် လူပီသဖို့ အတွက် လူသားတစ်ယောက်၏ ရသင့်ရထိုက်သော အခွင့်အရေးတို့ကို တန်းတူညီမျှ ရရှိစေရမည် ဆိုသည့် ဆောင်ပုဒ်လေးကား အင်မတန်မှ ပင် နှစ်လိုဖွယ်ကောင်းသောကြောင့် နိူင်ငံတကာတွင် လူ့အခွင့်အရေး ဟူသည့် စကားလုံးလေး သည် ရေပန်းစား လာခဲ့သည်ကို အားလုံးသိရှိပြီး ဖြစ်ပါသည် ။ နိူင်ငံတကာတွင်လည်း လူ့အခွင့်ရေး တောင်းဆိုသံတို့ ဘ၀ဂ်ညံခဲ့သလို ကျနော်တို့ မြန်မာနိူင်ငံတွင်လည်း လူ့အခွင့် တောင်းဆိုသံတွေ ပွက်ပွက်ညံခဲ့လေသည် ။ ညဏ်အမြော် အမြင်ကြီးကာ ကိုယ်ချင်းစာ တရား လက်ကိုင်ထားသည့် နိူင်ငံ အသီးသီးမှ ခေါင်းဆောင်များသည် သူတို့တိုင်းပြည် တိုးတက်ကောင်းမွန် ရေး အတွက် ကြိုးစားကြ သလို သူတို့နိူင်ငံသားများ၏ အခွင့်အရေး တန်းတူညီမျှ ရရှိရေး အတွက် အထူးကြိုးစားဆောင်ရွှက်လေ့ရှိကြသည် ။ ကိုယ်တိုင် က ညဏ် အမြော်အမြင် နည်းသည့်အပြင် ပညာမတတ်သော နောက်လိုက်များ၏ မြှောက်ပင့်ပြောဆိုမှုကို အဟုတ်ထင်မှတ်နေကြသည့် အာဏာရှင်များကမူ လူအခွင့်ရေး ဆိုသော စကားလုံးကို နားလည် လက်ခံလေ့ မရှိကြချေ ။ သူတို့တွေရဲ့ မလိမ္မာတဲ့ အတွေးအခေါ်နဲ့ ကိုယ်ကြိုးရှာလိုတဲ့ အတ္တကို အခြေခံပြီး သုံးသပ်ကြတော့“ လူ့အခွင့်အရေး ဆိုတဲ့ စကာလုံးဟာ သူတို့တွေရဲ့ နားထဲမှာ မုန်းတီးစရာ ကောင်းနေမှာ အမှန်ပါဘဲ ။ ငါသာလျှင် အဓိက ၊ ငါသာလျှင် ပဓါန ၊ ငါ့မိသားစု ၊ ငါ့အသိုင်းအ၀ိုင်း ၊ ငါလုပ်မှ မှန်တယ် ၊ ငါသာလျှင် ပညာရှိ ၊ ငါဆိုတဲ့ စကားလုံးတွေကို လှိုင်လှိုင်သုံးပြီး သူတို့အရပ် သူတို့ဇတ်က တာကို အဟုတ်မှတ်ပြီး အများကောင်းကျိုးဆိုတဲ့ စကားလုံးကို ချောင်ထိုးထားတတ်ကြတာ ဘယ်သူမှ ငြင်းလို့မရပါဘူး ။

လူတစ်ဦးတစ်ယောက်သည် အမြင်တခုကို ရှုမြင်ရာ၌ သူတို့၏ ပင်ကိုယ်စိတ်ဓါတ် နှင့် သူ၏ အသိအမြင်ပေါ်တွင် အခြေခံ၍ သုံးသပ် လက်ခံလေ့ ရှိကြသည် ။ လောဘ ကြီးသူတစ်ယောက်ကို ငွေရလျှင် ပြီးရော ဘာမဆို လုပ်သင့်သည်ဟု တင်ပြလိုက်လျှင် နှစ်ခြိုက်စွာ လက်ခံလေ့ရှိသည် ။ အာဏာတပ်မက်သူ တစ်ယောက်ကို အာဏာရဖို့သာ အဓိက ဘာလို လုပ်ဆောင်ချက် ဖြစ်ဖြစ် လုပ်ကိုင်သင့်သည် ဟု တင်ပြလိုက်လျှင်လည်း နှစ်ခြိုက်စွာ လက်ခံပေ လိမ့်မည် ။ မေတ္တာ တရား ကြီးမားလွန်းသူတစ်ယောက် သီးခံခြင်း သည် အရာရာကို အောင်မြင်နိူင်၏ ဟု အကြံပေးလျှင်လည်း
ယုံကြည် လိုက်နာ ဆောင်ရွက်ပေလိမ့်မည် ။ ထို့ကြောင့်လူသားတို့ လက်ခံကျင့်သုံးသော ၀ါဒများသည် သူတို့၏ ပင်ကိုယ် စိတ်နေစိတ်ထားကို များစွာ ဖော်ပြလေ့ရှိသည် ။ လောဘကြီးသူကို ရိုးသားဖြောင့်မတ်စွာ ဖြင့် နေထိုင်ခြင်းသည် ကောင်းမွန်ပါသည် ဆိုသည့် အယူအဆကို တင်ပြလျှင် ခါးသီးစွာ ငြင်းဆန်ပေလိမ့်မည်။ အာဏာတပ်မက်ကာ ကိုယ်ချင်းစာတရားခေါင်းပါးသူကို နိူင်ငံသားတိုင်း လူ့အခွင့်အရေး အပြည့်အ၀ ကို တန်းတူညီမျှ ရရှိခံစားသင့်သည် ဆိုသည့် အယူအဆသည် ကောင်းမွန်ပါသည်ဟု တင်ပြလျှင်လည်း ငြင်းဆန်မည် မှာ သဘာဝ ပင်ဖြစ်သည် ။

သူတို့တွေ လက်မခံနိူင်တဲ့ လူ့အခွင့်အရေး ဆိုတဲ့ စကားသံကို ပြည်သူလူထုပါ နားမလည်အောင် အသိညဏ်ကို အဆိပ်ခတ် တတ်ကြတာ အာဏာရှင်တိုင်းရဲ့ မဖောက်ပြန်တဲ့ သဘောတရား အမှန်ပါ ။ ဒီတော့ သူတို့တွေ မသိစေချင်တဲ့ လူ့အခွင့်အရေး ဆိုတဲ့ စကားလုံးကိုကျနော်တို့ သိအောင် ကြိုးစားရမယ် ဆိုတာလည်း ပြည်သူလူထု အားလုံးရဲ့ သမိုင်းပေးတာဝန် တရပ်ပါဘဲ ။ ဒါကြောင့် လာမည့် ဒီဇင်ဘာလ ၁၀ ရက်နေ့တွင် ကျရောက်မည့် အပြည်ပြည်ဆိုင်ရာ လူ့အခွင့်အရေး နေ့အထိမ်းအမှတ် အဖြစ်ကျင်းပမည့် လူ့အခွင့်အရေး ဆိုင်ရာ စာပေနှီးနှော ဖလှယ်ပွဲကို ကြွရောက်ပါရန် ပွဲဖြစ်မြောက်ရေး ကြိုးစားနေသူမျာ၏ ကိုယ်စား ကျနော် ဗမာ့သွေးမှ မိတ်ဆွေတို့ကို လေးစားစွာ ဖိတ်ကြားလိုက်ရပါသည် ။

ခင်မင်လေးစားလျှက်

ဗမာ့သွေး

အပြည့်အစုံသတင်းဖတ်ရန်....

အချိန်ကောင်း အခါကောင်း အခွင့်အရေးကောင်း (လူထု ဦးစိန်ဝင်း )

နုိင်ငံခြားတိုင်းပြည်တစ်ခုမှာ နှစ်ပေါင်းငါးဆယ်နီးပါး နေထိုင်ခဲ့တဲ့ သူငယ်ချင်းတစ်ယောက်တစ်လောက အလည်ပြန်လာရင်နဲ့ အ်ိမ်ကိုရောက်ချလာပါတယ်။ ခုနှစ်ဆယ်အရွယ် အဘိုးကြီးနှစ်ယောက် မင်းတစ်လုံးငါတစ်လုံးနဲ့ စကားတွေ အားရ ပါးရ အကြာကြီးပြောကြပါတယ်။
-
နန်းတော်တိုင်ဖက် မွေးသူ
သူက အများဆုံးပြောသူပါ။ ငယ်စရိုက်ကတော့ သေတဲ့အထိပျောက်မှာ မဟုတ်ပါဘူး။ ငယ်ငယ်တည်းကလည်း မောင်းကွဲသံကြီးနဲ့ စကား တဖောင်းဖောင်း ပြောတတ်သူ ဖြစ်ပါတယ်။ “ဟေ့ကောင်ကြီး၊ ဗမာစကားပြောတတ်သေးရဲ့လား” လို့ ကျီစယ်တော့ “နန်းတော်တိုင် ဖက်မွေးတဲ့ မန္တလေးသား စစ်စစ်ပါကွ၊ ဘယ်ရောက် နေနေ ဗမာဟာ ဗမာပါပဲ” လို့ မောင်းကွဲသံကြီးနဲ့ ပြန်ဖြေတယ်။ နောက်တော့ ဗမာ စကားတွေကို မြိန်ရေရှက်ရေနဲ့ မနားတမ်း ပြောပါတော့တယ်။ သူအသက်လည်း ခုနစ်ဆယ်ရှိပါပြီ။ အလုပ်ဆက်လုပ်နေ သေးတယ်လို့ ပြောပြတယ်။ သူကစိတ်အထူးဆရာဝန်ကြီးပါ။ ဆေးရုံက အနားယူလိုက်ပြီ ကိုယ်ပိုင်ဆေးခန်းဖွင့်ပြီး ဆက်လုပ်နေတာဖြစ်တယ်။

နှစ်ငါးဆယ်ကွက်လပ်
ငယ်သူငယ်ချင်းတွေဆိုတော့ ပြောစရာတွေ မကုန်နိုင်ဘူး။ သူ့အကြောင်းကိုကမေး။ ကိုယ့်အကြောင်း သူကမေးနဲ့ မပြီးနိုင်တော့ဘူး။ နှစ်ငါးဆယ်နီးပါး ကွက်လပ်ကြီး ဖြစ်နေခဲ့တာ မဟုတ်လား။ သူ့မှာ သားတစ်ယောက်၊ သမီးနှစ်ယောက် ရှိပြီး သုံးယောက်စလုံး၊ အလုပ်ကိုယ်စီ၊ အိမ်ထောင်ကိုယ်စီနဲ့ တစ်နေရာစီနေကြ လို့အဘိုးကြီး၊ အဘွားကြီးနှစ်ယောက်တည်း ရှိနေတဲ့အကြောင်း၊ မြန်မာပြည်ကို တစ်ခါတော့ အရောက်ပြန်မယ်လို့ ရည်မှန်းထားတဲ့အတိုင်း လင်းမယားနှစ်ယောက် ထွက်လာခဲ့ကြတာ ဖြစ်ကြောင်း၊ ဒီနေရာရှိ၊ မရှိ မသေချာလို့ ဇနီးကို ဟိုတယ်မှာ ထားခဲ့ကြောင်း၊ နောက်တစ်ခေါက်မှ ခေါ်လာမယ်ဆိုတဲ့ အကြောင်းတွေလည်း ဆက်တိုက်ပြောသွားတယ်။ နည်းနည်းလေးမှ မောပုံပန်းပုံမပေါ်ပါဘူး။

ရင်းနှီးမှု ခံစားချက်
အဲဒီနေ့က သူသုံးနာရီလောက်ကြာနေပြီး စကားတွေ ဖောင်းနေအောင်ပြောသွားတယ်။ ပြန်ကာနီးတော့“သူငယ်ချင်းကလည်း အရင်တိုင်း ပဲ၊ ဘားမှမပြောင်းလဲဘူး။ သူယ်ချင်းအိမ်ကလည်း ဘာမှမပြောင်းလဲဘူး။ အဲဒါလေးကိုက ချစ်စရာကောင်းနေတာ” လို့ပြောသွားတယ်၊ ဟုတ်မှာပေါ့ သူတို့ဆီကမှာတော့ နေစဉ်နဲ့အမျှ တစ်ခုပြီးတစ်ခု ပြောင်းလဲနေတာဆိုတော့ Homely atmosphere ဆိုတဲ့ ရင်းနှီးကျွမ်းကျင်ဝင်မှု၊ ခံစားမှုမျိုး ဘယ်ရနိုင်မှာလဲ။ အိမ်နီးနားချင်းတွေဆိုတာလည်း ခဏခဏ အသစ်ဖြစ်နေကြမှာပေါ့။ တိုးတက်ဖွံ့ဖြိုးမှု နှေးကွေးတာ ကောင်းတဲ့အချက်လည်းရှိတယ်။ ကိုယ့်အိမ်ကိုယ့်ရာ၊ ကိုယ့်ရပ်ကွက်ဆိုတဲ့ ရင်းနှီးမှုခံစားချက်တွေ ပျောက်ကွယ်မသွားဘူး၊ ကျေနပ်ဖွယ်ဖြစ်တယ်။

အိမ်လွမ်းစိတ်တော့ ရှိမှာပါ
သူငယ်ချင်းက မန္တလေးသားဆိုတော့ တစ်ပြပတ်လည်ဝင်းကြီးတွေထဲမှာ တစ်အိမ်နဲ့တစ်အိမ် ဆွေတွေမျိုးတွေလို ကုးလူး ဆက်ဆံ နေ ခဲ့ကြပုံ တွေ ကို မမေ့ဘူး ထင်ပါတယ်။ မန္တလေးမှာတော့ သူအိမ်က ထမင်းဝိုင်း ၀င်နှိုက်လိုက်၊ ကိုယ့်အ်ိမ်က ထမင်းဝိုင်း သူဝင် စားလိုက် နဲ့ ပျော်စရာကြီး မဟုတ်လား။ ကိုယ်တော်င ခဏခဏ မန္တလေးကို လွမ်းနေတာ၊ အဝေးကြီးရောက်နေတဲ့သူဆို ပိုလွမ်းမှာပါ။ လွမ်းရင်ဘာဖြစ်လို့ ပြန်မလာဘဲနေသလဲလို့ အပြစ်အတင်ချင်ပါဘူး။ ပျော်ရာမှာ မနေရတောရာမျာ နေရဆိုတဲ့ စကားအရှိသားပဲ။ သူလည်း သူအကြောင်းနဲ့သူ ပြန်မလာနိုင်တာ ဖြစ်မှာပေါ့။ ပြန်မလာချင်းပေမယ့် အ်ိမ်လွမ်းစိတ်တော့ ရှိနေမှာ သေချာတယ်။

နှစ်ငါးဆယ်အိပ်မက်
“ဘယ်နေရာရောက်နေနေ ဗမာာဟာ ဗမာပါပဲ” လို့ သူပြောခဲ့သလို၊ ဗမာစိတ်ကတော့ ပျောက်မသွားနိုင်ပါဘူး၊ ကိုယ့်ရပ် ကိုယ့်ရွာကို မပြန်ချင်တဲ့သူ ရှိပါ့မလား။ သူလည်း ပြန်ချင်မှာပါ။

မြန်မာနိုင်ငံကို အာရှတိုက်ရဲ့ အချမ်းသာဆုံး၊ အတိုးတက်ဆုံး နိုင်ငံအဖြစ်အမြန်ဆုံးရောက်စေချင်ပါတယ်။ မဖြစ်နိုင်စရာအကြောင်း ဘာမှမရှိပါဘူး။ သယံဇာတ လူအင်းအား၊ ဥာဏ်ရည်ဥာဏ်သွေး ကျွန်တော်တို့မှာ အားလုံးပြည့်စုံပါတယ်။

တစ်ခုတည်းသော ဆန္ဒ
ဒီနေ့ ဒီအချိန်မှာတော့ ပြီးခဲ့တဲ့ နှစ်ပေါင်းခြောက်ဆယ်နဲ့ မတူတော့ဘူး။ တစ်တုင်းပြည်လုံးမှာ ရှိကြတဲ့ လှည်းနေလှေအောင်း၊ မြင်းဇောင်း မကျန် လူကြီးလူငယ် အားလုံး၊ တိုင်းရင်းသားလူမျိုးစုအားလုံး တူညီတဲ့ လမ်းကြောင်းတစ်ခုတည်းအပေါ်မှာ ရပ်တည် နေမိကြပြီး၊ ဒီအခြေအနေမျိုး ဘယ်တုန်းကမှ မရှိခဲ့ဖူးဘူး၊ အခုအချိန်မှာ တစ်နိုင်ငံလုံးရဲ့ တစ်ခုတည်းသော ဆန္ဒက တိုင်းရင်းသားအားလုံး တန်းတူ ညီတူမျှ လွတ်လပ်ပြီးချမ်းသာယာတဲ့ တရားဥပဒေစိုးမိုးမှုရှိပြီး ဗြဟ္မစိုရ်တရားထွန်းကားတဲ့ ဒီမို ကရေစီနိုင်ငံတော်သစ် ထူထောင်ရေး သာဖြစ်တယ်။

လမ်းကြောင်းအမျိုးမျိုး လျှောက်ခဲ့ကြ
လွန်ခဲ့တဲ့ နှစ်ပေါင်းခြောက်ဆယ်အတွင်း တိုင်းရင်းသားလူမျိုးပေါင်းစုံတို့ဟာ ကိုယ့်ယုံကြည်ချက်နဲ့ကိုယ် မတူညီတဲ့ လမ်းကြောင်း အမျိုးမျိုး ကို လျှောက်လှမ်း ခဲ့ကြတယ်။ အခုအချိန်မှာတော့ တိုင်းရင်းသားပြည်သူ တစ်ရပ်လုံးသာမက အုပ်ချုပ်တဲ့အစိုးရ ကိုယ်တိုင်က ဒီမိုကရေစီလမ်းကြောင်းကို လျှောက်လှမ်းမယ်လို့ အတိ အလင်း ကြေညာထားခဲ့တယ်။ မရှိခဲ့ဖူးတာ အမှန်ဖြစ်တယ်။

အကျိုးမျှော်လို့
ဒီအခြေအနေဟာ တိုင်းပြည်အတွက် အခွင့်အရေးကောင်းတစ်ရပ်ဖြစ်တယ်။ နှစ်ငါးဆယ်လောက် ကာလအတွင်း မရစဖူးကို လက်လွတ်မ ခံ ဘဲ တိုင်းရင်းသား လူမျိုးပေါင်းစုံနဲ့ လူတန်းစား အလွှားအသီးသီး တို့ရဲ့ ခိုင်မာသိပ်သည်းပြီး တန်းတူညီမျှတဲ့ အမျိုးသား အင်အား စုကြီး တစ်ရပ် ပေါ်ထွန်းလာအောင် တက်ညီ လက်ညီ ကြိုးပမ်း အားထုတ်ကြပါစို့လို အကျိုးမျှော်လို့ နှိုးဆော် လုိုက်ရပါတယ်။

လူထု ဦးစိန်ဝင်း စောင့်ကြည့်ဂျာနယ်- အတွဲ ၆- အမှတ် ၁၉

အပြည့်အစုံသတင်းဖတ်ရန်....

ရွေးကောက်ပွဲ အထူးအစီရင်ခံစာ

AAPP(Burma) မှ ဖြန့်ဝေသည်

၂၀၁၀ရွေးကောက်ပွဲနှင့်နိုင်ငံရေးအကျဉ်းသားများ
ပြည်သူ့ဆန္ဒကို အမှန်တကယ်ထင်ဟပ်ကိုယ်စားပြုသည့် ရွေးကောက်ပွဲတခုဖြစ်ရန် အတွက်လွတ်လပ်စွာ ဟောပြောစည်းရုံးခွင့်နှင့် လွတ်လပ်စွာ ဖွင့်ဟဖော်ထုတ်နိုင်ခွင့်၊ လွတ်လပ်သည့်သတင်းမီဒီယာ၊လွတ်လပ်စွာ စုရုံးနိုင်ခွင့်၊ လွတ်လပ်စွာ အသင်းအပင်း ဖွဲ့စည်း နိုင်ခွင့်နှင့် လွတ်လပ်စွာ သတင်းအချက်အလက်ရယူနိုင်ခွင့်တို့ ရှိနေရန်လိုအပ်ပါသည်။ လွတ်လပ်ပြီးတရားမျှတသော ရွေးကောက် ပွဲများဖြစ်ရန်အတွက် ထိုအခြေခံလိုအပ်ချက်များ မြန်မာနိုင်ငံတွင် ကင်းမဲ့နေပါသည်။

ထိုမျှမက ပြည်သူများအနေဖြင့်စဉ်ဆက်မပြတ် ဆိုသလို နှိပ်စက်ညှဉ်းပမ်းခြင်းံချုပ်နှောင် ထိန်းသိမ်းခြင်းများ ခံနေကြရပါသည်။၂၀၀၉ ခုနှစ်နှင့် ၂၀၁၀ ခုနှစ်များအတွင်း နိုင်ငံရေး အကျဉ်းသားများကူညီစောင့်ရှောက်ရေးအသင်း (အေအေပီပီ) မှ တောက်လျှောက်ဖြစ်ပွား နေသည့် နိုင်ငံရေးလှုပ်ရှားသူများ၊နိုင်ငံရေး လှုပ်ရှားသူများနှင့် ပတ်သက်သူများထောက်ခံအားပေးသူများ အပြင်သာမန်ပြည်သူများအား ၄င်းတို့၏နိုင်ငံသား အခြေခံရပိုင်ခွင့်များနှင့်နိုင်ငံရေး အခွင့်အရေးများရရှိရန်အတွက် ငြိမ်းချမ်းစွာဖော် ထုတ်ဖွင့်ဟသဖြင့် ထောင်သွင်း အကျဉ်းချ ခံရမှုများနှင့်ပတ်သက်ပြီးအချက်အလက်များ စုဆောင်းကာ မှတ်တမ်းတင်ထားပါသည်။

ရွေးကောက်ပွဲ အကြိုကာလတလျှောက် နိုင်ငံရေးအကျဉ်းသား အရေအတွက်တိုးမြင့်လာသည် ကိုသာမက နှိပ်စက် ညှဉ်းပမ်းမှုနှင့် ဆိုးရွားလှသည့် ထောင်အခြေအနေများကြောင့်နိုင်ငံရေး အကျဉ်းသားများ လူ့အခွင့်အရေးအချိုး ဖောက်ခံနေရမှုများ နှင့်နောက်ဆက် တွဲရလဒ်အဖြစ် နိုင်ငံရေးအကျဉ်းသားများ အကျဉ်းထောင် အတွင်းသေဆုံးရမှုများနှင့် အသက်အန္တရာယ် စိုးရိမ်ရလောက်အောင် ကျန်းမာရေးထိခိုက် ချို့ယွင်းမှုများကို လည်းမှတ်တမ်းတင် ပြုစုထားပါသည်။

အတိုက်အခံများအား ဖိနှိပ်ညှဉ်းပမ်းမှု၊ ရွေးကောက်ပွဲနှင့်ပတ်သက်၍ကြောက်ရွံ့မှုနှင့် စိတ်ပျက်မှု နိုင်ငံရေးလှုပ်ရှားသူများအား ဥပဒေနှင့် ညီညွတ်မှုမရှိပဲ ဖမ်းဆီးချုပ်နှောင် ထားမှုများသည် မြန်မာနိုင်ငံ၏ နိုင်ငံရေးမျက်နှာ စာတွင်အသွင်နှစ်မျိုးဖြင့် ထူးခြားစွာ တည်ရှိနေ ပါသည်။ ပထမတမျိုးမှာ လူသိထင်ရှားသော နိုင်ငံရေးလှုပ်ရှား သူများအားလူထုမြင်ကွင်းနှင့် နိုင်ငံရေးဘ၀တို့မှဖယ်ထုတ်ထားခြင်း ဖြစ်ပါသည်။ ၈၈ မျိုးဆက် ကျောင်းသား လှုပ်ရှားမှုများတွင် ဦးဆောင်ပါဝင်ခဲ့သူ ခေါင်းဆောင် အားလုံးနီးပါးသည်လက်ရှိအချိန်တွင် အကျဉ်းထောင်များ အတွင်းအကျဉ်းချ ခံနေကြရပါသည်။ သည်မှာ နိုင်ငံရေးအားဖြင့်သော်၎င်း၊ ရွေးကောက်ပွဲနှင့် ပတ်သက်၍သော်၎င်းစစ်အစိုးရအား ဆန့်ကျင်ကာ လူထုအားပညာပေးခြင်း၊ စည်းရုံးခြင်းများ မပြုလုပ်နိုင်စေရန် တားမြစ်ထားခြင်းဖြစ်သည်။

ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် အမျိုးသားဒီမိုကရေစီအဖွဲ့ချုပ် ဦးဆောင်အဖွဲ့ဝင်များ၊ ခေါင်းဆောင်များ သည် လည်းထောင်သွင်း အကျဉ်းချထားခြင်းခံနေကြရသည်။ အလားတူပင် သုံးပွင့်ဆိုင်တွေ့ဆုံဆွေးနွေးရေးနှင့် အမျိုးသားပြန်လည် သင့်မြတ်ရေးတို့အတွက်ငြိမ်းချမ်းစွာတောင်းဆိုအကောင်အထည်ဖော်ရန် ကြိုးပမ်းခဲ့ကြသည့် ဗိုလ်ချုပ်ဆေထင်နှင့် ဦးခွန်ထွန်းဦးတို့ကဲ့ သို့တိုင်းရင်းသား ခေါင်းဆောင်အများ အပြားသည်လည်းထောင်သွင်း အကျဉ်းချကာ ပြည်သူလူထုနှင့်အဆက်ဖြတ်ထားခြင်း ခံနေကြရ ပါသည်။

ဒုတိယအချက်အနေဖြင့် ပြည်သူတရပ်လုံးအား အတိုက်အခံနိုင်ငံရေး လှုပ်ရှားမှုများအားထောက်ခံခြင်း၊ ကူညီအားပေးခြင်းမပြု လုပ်ရဲ စေရန် ခြိမ်းခြောက်သည့် အနေဖြင့်နိုင်ငံရေး လှုပ်ရှားသူများအားပြင်းထန်ကြမ်းတမ်းသည့် ထောင်ဒဏ်များချမှတ်ခြင်း၊ညှဉ်းပမ်း နှိပ်စက်ခြင်းနှင့်ရက်စက်စွာပြစ်ဒဏ်ပေးခြင်းများအားစစ်အစိုးရမှ ကျူးလွန် နေပါသည်။ ထိုပြစ်ဒဏ်များ၊ နှိပ်စက်ညှဉ်းပမ်းမှုများ၏ နောက်ဆက်တွဲအကျိုးဆက်များမှာထင်ရှားသိသာလှသည်။ ဥပဒေမဲ့ဖမ်းဆီးခြင်း၊ ထိန်းသိမ်းခြင်းနှင့် ညှဉ်းပမ်းနှိပ်စက်မှုများအား၂၀၀၉ ခုနှစ်နှင့် ၂၀၁၀ ခုနှစ်များအတွင်း စစ်အစိုးရမှ စနစ်တကျ ကျယ်ကျယ်ပြန့်ပြန့် ကျူးလွန်ခဲ့ပါသည်။

သာမန်အရပ်သားပြည်သူများအား နိုင်ငံရေး လှုပ်ရှားမှုများတွင်မပါဝင်ရဲစေရန် အကြောက်တရားဖြင့် ခြိမ်းခြောက်ခြင်းဖြစ်ပါသည်။ ထိုအ ကြောက်တရားသည် အတိုက်အခံများအားလှုပ်မရအောင်ချုပ်ကိုင်သည့်အပြင်စစ်မှန်သည့် ဒီမိုကရေစီ အသွင်ကူးပြောင်းရေးအတွက် အဓိက အချက်များဖြစ်သည့် တက်ကြွရှင်သန်သည့်လူမှု အသိုင်းအ၀ိုင်းဖြစ်လာစေရေးနှင့်အစိုးရ၏လုပ်ဆောင်ချက်များအားဝေဖန်ခြင်းမှ ဟန့်တား ထာားပါသည်။

နိုင်ငံရေးအကျဉ်းသားအခြေအနေ
လက်ရှိအချိန်တွင်မြန်မာနိုင်ငံအတွင်း ခန့်မှန်းခြေနိုင်ငံရေးအကျဉ်းသားပေါင်း၂၂၀၃ ဦးရှိပါသည်။ နိုင်ငံရေးအကျဉ်းသားအရေအတွက်သည် ၂၀၀၆ခုနှစ်တွင် ၁၁၀၀ကျော်ရှိရာမှ၂၀၀၈ခုနှစ် စက်တင်ဘာလ တွင်၂၁၂၃ ဦးအထိ နှစ်ဆတိုးလာခဲ့သည်။ ထိုအထဲမှ နိုင်ငံရေးအကျဉ်းသားပေါင်း၉၀၀ ခန့်သည် ၈၈ မျိုးဆက် ကျောင်းသားခေါင်း ဆောင်များဦးဆောင်ခဲ့ သည့် ၂၀၀၇ သြဂုတ်လဆန္ဒပြပွဲများနှင့် ၂၀၀၇ စက်တင်ဘာလသံဃာတော်များ ဦးဆောင်ခဲ့သည့်ရွှေဝါရောင် တော်လှန်ရေး ဆန္ဒပြပွဲများ အလွန်တွင်အဖမ်းခံ အကျဉ်းချခံကြရသူများဖြစ်ကြပါသည်။

နိုင်ငံရေးအကျဉ်းသား အရေ အတွက်သည် ၂၀၀၉ခုနှစ်နှင့် ၂၀၁၀ ခုနှစ် တလျှောက်လုံးတိုးမြဲတိုးနေခဲ့သည်။ ၂၀၀၉ခုနှစ် အောက်တို ဘာလ မှ ၂၀၁၀ခုနှစ် အောက်တိုဘာလအထိ တနှစ်တာအတွင်းစစ်အစိုးရ၏အတိုက်အခံများဟုယူဆခံရသော သာမန် ပြည်သူများနှင့်နိုင်ငံရေး လှုပ်ရှားသူ ၁၁၀ဦး ဖမ်းဆီးခံခဲ့ရသည်ဟု သိရှိရသော်လည်းလက်တွေ့တွင်မူ ထိုပမာဏထက် ပိုမို များပြားနိုင်ပါ သည်။အေအေပီပီမှ ထုတ်ပြန်သည့် အကျဉ်းသားစာရင်းများတွင်သတင်းအချက်အလက် ရရှိနိုင်ရန်ခဲယဉ်းသည့်အတွက် တခါတရံ ဝေးလံ ခေါင်ဖျား တိုင်းရင်းသားဒေသများမှ ဒေသခံပြည်သူများမကြာခဏဆိုသလို ဖမ်းဆီးထိန်းသိမ်းညှဉ်းပမ်း နှိပ်စက်ခံရမှုများမပါဝင်သေးပါ။

ထို့အပြင် ၂၀၀၉ ခုနှစ်အောက်တိုဘာလမှစ၍ လွတ်မြောက်လာသည့်နိုင်ငံရေးအကျဉ်းသား ဦးရေမှာ ၆၉ ဦးသာရှိပါသည်။ ရွေးကောက်ပွဲမတိုင်ခင် ၂ လတာကာလအတွင်း အဖမ်းအဆီး ၁၈ ဦးရှိခဲ့ပြီး ၆ ဦးသာ လွတ်မြောက်လာသည့် စာရင်းတွင်ပါဝင်ပါသည်။ ထိုစာရင်းများတွင် စက်တင်ဘာလအတွင်းအဖမ်းခံရသည့် ကျောင်းသား ၁၁ ဦးနှင့် စစ်အစိုးရမှ ရွေးကောက်ပွဲများအား နှောက်ယှက် ဖျက်ဆီး ရန် ဦးတည်လုပ်ဆောင်သည်ဟု စွပ်စွဲထားသည့် ဗုံးဖောက်ခွဲမှုများနှင့်ပတ်သက်ပြီး အဖမ်းခံရသူ ၅ ဦးပါဝင်ပါသည်။
မြန်မာနိုင်ငံတွင်းတွင်အကျဉ်းထောင်ပေါင်း ၄၃ ခု၊ရဲဘက်စခန်းပေါင်း ၁၀၉ ခုနှင့်အရေအတွက် မသိနိုင်သော လျှို့ဝှက်စစ်ကြောရေးစခန်း ပေါင်းများစွာရှိပါသည်။မြန်မာပြည်တွင်း၌ လူသိများသောစစ်ကြောရေးစခန်း အနည်းငယ်မှလွဲ၍ လျှို့ဝှက်စစ်ကြောရေးစခန်းများစွာ လူမသိသူမသိ တည်ရှိနေပါသည်။

ရွေးကောက်ပွဲအကြိုကာလတွင်လျှို့ဝှက်စွာ ချုပ်နှောင်ထိန်းသိမ်းထားခြင်း၊ ပြင်ပလောကနှင့် အဆက်အသွယ်ဖြတ်ထားခြင်း၊ အချုပ် အနှောင် ခံရသူများထံမှမတရားသဖြင့် ဖြောင့်ချက်ရယူရန်ညှဉ်းပမ်းနှိပ်စက်ခြင်းနှင့်အခြားသော နည်းလမ်းများဖြင့်နှိပ်စက်ခြင်း၊ အစိုးရအား ဝေဖန်သဖြင့် လက်စားခြေခြင်းနှင့် မဝေဖန်ရဲစေရန် ပြစ်ဒဏ်ပေးခြိမ်းခြောက်ခြင်းများတရံမလပ် ဖြစ်ပွားလျက်ရှိပါသည်။

၂၀၀၉ခုနှစ်နှင့် ၂၀၁၀ ခုနှစ်တလျှောက်လုံးနိုင်ငံရေးလှုပ်ရှားသူများသည်ဥပဒေဆိုင်ရာ အခြေခံ အခွင့်အရေးများမရှိသည့် ဥပဒေမဲ့ တရားရံးများမှ အမိန့်ချပြစ်ဒဏ်ပေးခြင်းများ ခံခဲ့ကြရပါသည်။ ဥပမာအနေဖြင့် အသက် ၂၁ နှစ်အရွယ် တက္ကသိုလ် ကျောင်းသား ဗိုလ်မင်းယုကို သည် မည်သည့် ဥပဒေရေးရာအခွင့်အရေးများမှ မရရှိပဲ မည်သည့်ရှေ့နေနှင့်မှခုခံ ကာကွယ်ပိုင်ခွင့်မရပဲထောင်ဒဏ် ၁၀၄ နှစ် ချမှတ်ခံခဲ့ရပါသည် ။ ထောင်ဝင်းအတွင်း ဖွင့်လှစ်ကြားနာသည့်လျှို့ဝှက် တရားရုံးတခုမှ၂၀၀၉ ခုနှစ် ဇန္န၀ါရီလ ၃ ရက်နေ့တွင် အမိန့်ချခဲ့ခြင်းဖြစ်ပါသည်။ ထိုသို့သော ကြမ်းတမ်းပြင်းထန်ရက်စက်သည့် ထောင်ဒဏ်များနှင့်ဥပဒေနှင့် မညီညွတ်သည့် တရားရုံး လုပ်ထုံးလုပ်နည်းများသည်မြန်မာနိုင်ငံတွင် ဥပဒေမဲ့တရားရေးစံနစ်အား ကျယ်ကျယ်ပြန့်ပြန့် အသုံးပြုနေကြောင်းထင်ရှား စေပါသည်။

၁၉၉၀ရွေးကောက်ပွဲနှင့် ၂၀၁၀ရွေးကောက်ပွဲကာလနှစ်ခုစလုံးတွင်အကျဉ်းကျနေသည့် နိုင်ငံရေးအကျဉ်းသားများ ရွေးကောက်ပွဲကျင်းပ သည့်အချိန်တွင် ထောင်တွင်း၌နိုင်ငံရေးအကျဉ်းသား အနည်းဆုံး၂၁၀၀ကျော် အကျဉ်းကျနေကြဆဲဖြစ်ပါလိမ့်မည်။ ထိုနိုင်ငံရေးအကျဉ်းသားများအနေနှင့် လွတ်လပ်မှုဆုံးရှုံးရုံတင်သာမက မဲပေးခွင့် နိုင်ငံရေးလုပ်ငန်းစဉ်များတွင်ပါဝင်ပိုင်ခွင့်နှင့် နိုင်ငံရေး ပါတီများတွင်ပါတီဝင် အဖြစ်ပါဝင်ခွင့်တို့ဆုံးရှုံးနေကြပါသည်။ အချို့ဆိုလျှင် ပါတီအဖျက်ခံရသည့် အတွက်ရှိရင်းစွဲ ပါတီဝင်အဖြစ်မှ ဆုံးရှုံးရခြင်းများ ရှိပါသည်။

ကိုမင်းကိုနိုင်ကဲ့သို့သော သူများအတွက်မူ ဒုတိယအကြိမ်မြောက်ရွေးကောက်ပွဲကာလအား ထောင်တွင်းမှဖြတ်သန်းရသည့် အတွေ့အကြုံ ပင်ဖြစ်ပါသည်။ လက်ရှိနိုင်ငံရေးအကျဉ်းသားများထဲမှအနည်းဆုံး ၄၅ ဦးသည် ရွေးကောက်ပွဲကာလနှစ်ခုစလုံးတွင် ထောင်ကျနေရသူများ ဖြစ်ပါသည်။ ထိုအထဲမှ အနည်းဆုံး ၃၀ ဦးသည် ၁၉၉၀ရွေးကောက်ပွဲနှင့် ၂၀၁၀ရွေးကောက်ပွဲကာလ နှစ်ခုစလုံးတွင်အနှစ် ၂၀ လုံးလုံး အကျဉ်းကျ နေကြခြင်းဖြစ်ပါသည်။ တိုင်းရင်းသား နိုင်ငံရေးအကျဉ်းသားတဦးဖြစ်သူကရင် အမျိုးသားအစည်းအရုံးမှ ကိုခင်မောင်လင်း သည် ၁၉၈၂ခုနှစ်ကတည်းက ယခုအချိန်အထိအကျဉ်းကျနေခဲ့သူ ဖြစ်ပါသည်။

ဦးအုန်းသန်း နှင့်ပြည်သူ့အချစ်တော် အနုပညာရှင် ကိုဇာဂနာ ကဲ့သို့ နိုင်ငံရေးလှုပ်ရှားသူများသည် လွန်ခဲ့သည့် အနှစ် ၂၀ တာကာလ တလျှောက် လုံးအကြိမ်ကြိမ် ထောင်ကျလိုက် ပြန်လွတ်လိုက်ဖြစ်ခဲ့ပြီး ၁၉၉၀ရွေးကောက်ပွဲ ကာလတွင် အကျဉ်းကျနေခဲ့ကြပါသည်။ ထို့နောက်ပြန်လွတ်လာပြီး ယခုအချိန်တွင် ထပ်မံအကျဉ်းကျနေ ကြသဖြင့် ၂၀၁၀ရွေးကောက်ပွဲကာလ ကိုလည်း ထောင်တွင်းမှပင် ဖြတ်သန်းရမည့် သူများ ဖြစ်ကြပါသည်။

ဒေါ်အောင်ဆန်းစုကြည် ဆိုလျှင် ၁၉၈၉ ခုနှစ်မှစတင်ကာ ထိန်းသိမ်းခံခဲ့ရသူဖြစ်သဖြင့်ယခုရွေးကောက်ပွဲသည် အကျယ်ချုပ်အဖြစ် ဖြတ်သန်းရမည့် ဒုတိယအကြိမ်မြောက် ရွေးကောက်ပွဲ ဖြစ်သည်။

အကျဉ်းထောင်တွင်းရှိနိုင်ငံရေးခေါင်းဆောင်များ
ဒေါ်အောင်ဆန်းစုကြည် နှင့် ရှမ်းတိုင်းရင်းသားခေါင်းဆောင် ဦးခွန်ထွန်းဦး တို့ကဲ့သို့အကျဉ်းချခံ နိုင်ငံရေး ခေါင်းဆောင်များသည် မည်သည့် ဒီမိုကရေစီအသွင် ကူးပြောင်းရေးတွင် မဆိုအရေးပါသော အခန်းကဏ္ဍမှ ရှိကြသူများဖြစ်ကြပါသည်။ အလားတူစွာပင် တွေ့ဆုံဆွေးနွေးရေးနှင့် အမျိုးသား ပြန်လည် ရင်ကြားစေ့ရေး လုပ်ငန်းစဉ်တလျှောက် ပြည်သူကိုဦးဆောင်မှု ပေးနိုင်သော ကိုမင်းကိုနိုင် ကဲ့သို့ ၈၈မျိုးဆက် ကျောင်းသားခေါင်းဆောင်များ၊ ကိုဇာဂနာကဲ့သို့ ပြည်သူချစ်သည့်အနုပညာရှင်များနှင့် ဦးဂမ္ဘီရ ကဲ့သို့ သံဃာခေါင်း ဆောင်များ စသည့် လူသိထင်ရှား နိုင်ငံရေး ခေါင်းဆောင် အများအပြားသည်လည်း အကျဉ်းချ ခံနေကြရပါသည်။

၁၉၉၀ရွေးကောက်ပွဲတွင် လွှတ်တော်ကိုယ်စားလှယ်ပေါင်း ၄၈၅ယောက်အရွေးခံခဲ့ရပြီး ထိုအထဲမှ ၃၉၂ယောက်သည် အမျိုးသား ဒီမို ကရေစီ အဖွဲ့ချုပ်မှ ဖြစ်ပါသည်။ လက်ရှိတွင် အရွေးချယ်ခံ လွှတ်တော် ကိုယ်စားလှယ်ပေါင်း ၁၂ယောက် အကျဉ်းကျနေကြဆဲဖြစ်ပြီး ၃၄ယောက်မှာ ပြည်ပတွင် ရောက်ရှိနေကြပါသည်။ ထိုအကျဉ်းကျနေဆဲ လွှတ်တော်ကိုယ်စားလှယ် ၁၂ယောက်အနက် ၁၀ယောက်မှာ အမျိုးသားဒီမိုကရေစီအဖွဲ့ချုပ်မှ ဖြစ်ပြီးအခြားနှစ်ဦးမှာ တိုင်းရင်းသားနိုင်ငံရေးပါတီများမှ လွှတ်တော် ကိုယ်စားလှယ်များဖြစ်ကြသည့် ဦးခွန်ထွန်းဦးနှင့် ဦးကျော်မင်းတို့ ဖြစ်ပါသည်။ ဦးကျော်မင်းသည် ၁၉၉၀ ရွေးကောက်ပွဲ တွင်အမတ်နေရာ ၄ နေရာ အနိုင်ရရှိခဲ့သည့် အမျိုးသား ဒီမိုကရက်တစ် လူ့အခွင့်အရေးပါတီမှ ရိုဟင်ဂျာ လွှတ်တော်ကိုယ်စားလှယ်ဖြစ်ပြီး ၂၀၀၅ ခုနှစ်တွင် ဖမ်းဆီးခံရကာလက်ရှိတွင် မြင်းခြံထောင်၌ထောင်ဒဏ် ၄၇ နှစ် ကျခံနေရပါသည်။ ဦးကျော်မင်းသည် ပြည်သူ့လွှတ်တော်ကိုယ်စားပြုကော်မီတီ အဖွဲ့ဝင်တဦးလည်း ဖြစ်သည်။

ဦးခွန်ထွန်းဦးသည် အမျိုးသားဒီမိုကရေစီ အဖွဲ့ချုပ်ပြီးလျှင် အင်အားအကြီးဆုံးပါတီအဖြစ် ၁၉၉၀ ရွေးကောက်ပွဲ တွင် အမတ်နေရာ ၂၃ နေရာ အနိုင်ရရှိခဲ့သည့် ရှမ်းအမျိုးသားများ ဒီမိုကရေစီအဖွဲ့ချုပ် ခေါင်းဆောင်တဦးဖြစ်ပါသည်။ ဦးခွန်ထွန်းဦးသည် လက်ရှိတွင်ရာသီဥတု ဆိုးရွားသည့် မြန်မာပြည် မြောက်ပိုင်းရှိကချင်ပြည်နယ် ပူတာအိုထောင်၌ထောင်ဒဏ် ၉၃ နှစ် ကျခံနေရပါသည်။ ဦးခွန်ထွန်းဦးသည် ၂၀၀၅ခုနှစ် ဖေဖော်ဝါရီလ ၉ ရက်နေ့တွင်အဖမ်းခံခဲ့ရပြီး အမျိုးသားညီလာခံအားနှောက်ယှက်မှု၊ နိုင်ငံတော်ပုန်ကန်ရန် ကြံစည်မှု၊ စာပေစိစစ်ရေးဥပဒေနှင့် မတရားအသင်းဥပဒေတို့နှင့် ပြစ်ဒဏ် ချမှတ်ခြင်းခံခဲ့ရသည်။ ဦးခွန်ထွန်းဦးအား အခြားသောနိုင်ငံရေး ခေါင်းဆောင်၊ တိုင်းရင်းသား ခေါင်းဆောင်များနှင့် တွေ့ဆုံဆွေးနွေးနေစဉ် ဖမ်းဆီးခဲ့ခြင်းဖြစ်ပြီး ၄င်းနှင့်အတူ ရှမ်းပြည်ငြိမ်းချမ်းရေး ကောင်စီမှဗိုလ်ချုပ် ဆေထင် ကဲ့သို့ အခြားတိုင်းရင်းသားခေါင်းဆောင်အများအပြားလည်း ဖမ်းဆီးခံခဲ့ကြရပါသည်။

အသက် ၇၄ နှစ်အရွယ်တွင် ဗိုလ်ချုပ်ဆေထင်သည် ထောင်ဒဏ် ၁၀၆ နှစ်ချမှတ်ခံခဲ့ရသည်။ ထိုရှမ်းတိုင်းရင်းသား ခေါင်းဆောင်နှစ်ဦး သည်အဖမ်းမခံရခင် အချိန်အထိ ဒေါ်အောင်ဆန်းစုကြည် အားထောက်ခံကြောင်းနှင့် ၄င်းတို့လိုလားသည့် ဒီမိုကရေစီနှင့် ငြိမ်းချမ်းရေး အတွက် ရဲရင့်ပွင့်လင်းစွာ ဖော်ထုတ်ပြောဆိုခဲ့သူများ ဖြစ်ကြပါသည်။ လက်ရှိတွင်မြန်မာနိုင်ငံ အကျဉ်းထောင်များ၊ ထိန်းသိမ်းရေး စခန်းများနှင့်ရဲဘက် စခန်းများတွင် တိုင်းရင်းသားနိုင်ငံရေးအကျဉ်းသား အနည်းဆုံး၂၃၃ကျော် အကျဉ်းကျ နေကြသည်။

စက်တင်ဘာလ၁၆ ရက်နေ့တွင် စစ်အစိုးရမှမွန်ပြည်နယ်၊ ကရင်ပြည်နယ်၊ကရင်နီပြည်နယ်၊ ရှမ်းပြည်နယ်နှင့်ကချင်ပြည်နယ်ကြားရှိ ကျေးရွာပေါင်း၃၄၀၀ကျော်တွင် ရွေးကောက်ပွဲများကျင်းပမည် မဟုတ်ကြောင်း ကြေညာခဲ့သည်။ မြန်မာနိုင်ငံတွင် အဓမ္မနေရာပြောင်း ရွှေ့ခံရသူတိုင်းရင်းသားပြည်သူ ၅၀၀၀၀၀ကျော်သည်လည်း ရွေးကောက်ပွဲတွင်မဲပေးနိုင်မည်မဟုတ်ပါ။ ခန့်မှန်းခြေပြည်သူ တစ်သန်းခွဲ ခန့် မဲပေးခွင့်ဆုံးရှုံးခဲ့ရပါသည်။

စစ်အစိုးရ၏ယခုကဲ့သို့ တိုင်းရင်းသားဒေသများအား ရွေးကောက်ပွဲများမှ ဖယ်ထုတ်ထားခြင်း၊ ထင်ရှားသည့် တိုင်းရင်းသား ခေါင်းဆောင် များ အား နှစ်ရှည်ထောင်ဒဏ်များဖြင့် ထောင်သွင်းအကျဉ်းချ ထားခြင်းသည် စစ်မှန်သည့် ဒီမိုကရေစီအသွင်ကူးပြောင်းရေးတွင် မဖြစ်မနေ ပြုလုပ်ရန်လိုအပ်သော တိုင်းရင်းသား အားလုံးပါဝင်သည့်တွေ့ဆုံ ဆွေးနွေးရေးကို ဖော်ဆောင်ရန်စစ်အစိုးရဘက်မှ ဆန္ဒမရှိကြောင်းသက်သေတခုပင်ဖြစ်သည်။

အမျိုးသားဒီမိုကရေစီအဖွဲ့ချုပ်
ဒေါ်အောင်ဆန်းစုကြည် အပါအ၀င် အမျိုးသားဒီမိုကရေစီအဖွဲ့ချုပ် အဖွဲ့ဝင်ပေါင်း အနည်းဆုံး၄၁၃ ဦး လက်ရှိတွင် အကျဉ်းကျနေကြပါ သည်။ ဒေါ်အောင်ဆန်းစုကြည်သည် လွန်ခဲ့သည့်၂၁ နှစ်တာကာလတွင် ၁၅ နှစ်ကျော်နေအိမ် အကျယ်ချုပ်အဖြစ် အကျဉ်းချခံခဲ့ရ ပါသည်။ အမျိုးသားဒီမိုကရေစီအဖွဲ့ချုပ်အဖွဲ့ဝင်များသည် နိုင်ငံရေး အကျဉ်းသားများထဲတွင် အများစုဖြစ်သည်။ ၂၀၀၉ ခုနှစ် ဧပရယ်လ ၂၉ ရက်နေ့တွင်ထုတ်ပြန်ကြေငြာခဲ့သည့် ရွှေဂုံတိုင်ကြေငြာစာတမ်းတွင် အမျိုးသားဒီမိုကရေစီအဖွဲ့ချုပ်မှရွေးကောက်ပွဲဥပဒေများအား သေချာစွာလေ့လာပြီး ဒီမိုကရက်တစ်စံချိန်စံညွှန်းများနှင့် ကိုက်ညီမှသာ ၂၀၁၀ရွေးကောက်ပွဲတွင် ၀င်ရောက်ယှဉ်ပြိုင်မည်ဟု ကြေငြာခဲ့ပါသည်။

ထိုအထဲတွင်နိုင်ငံရေးအကျဉ်းသား အားလုံးအားခြွင်းချက်မရှိ ပြန်လွှတ်ပေးရေး၊ ဒီမိုကရက်တစ် စံချိန်စံညွှန်းများနှင့် မကိုက်ညီသော ၂၀၀၈ အခြေခံဥပဒေအားပြန်လည်ပြင်ဆင်ရေး၊ ရွေးကောက်ပွဲသည် လွတ်လပ်တရားမျှတပြီး နိုင်ငံတကာစောင့်ကြည့် လေ့လာမှု အောက်တွင်အလုံးစုံပါဝင်နိုင်သည့် ရွေးကောက်ပွဲဖြစ်ရေး စသည်တို့ ပါဝင်ပါသည်။

စစ်အစိုးရသည် အမျိုးသားဒီမိုကရေစီ အဖွဲ့ချုပ်၏တောင်းဆိုချက်များအား လျစ်လျူရှုခဲ့ပြီးယခုအပတ်အတွင်း နိုဝင်ဘာ ၇ရက်နေ့တွင် ရွေးကောက်ပွဲများ ကျင်းပတော့မည်ဖြစ်သည်။ ထိုသို့ ရွေးကောက်ပွဲ ကျင်းပအံ့ဆဲဆဲ ဖြစ်သော်လည်း နိုင်ငံရေး အကျဉ်းသားပေါင်း အနည်းဆုံး ၂၂၀၃ ဦးသည် ထောင်တွင်းအကျဉ်းချခံ နေရဆဲဖြစ်ပြီးနိုင်ငံတကာ သတင်းမီဒီယာနှင့်လေ့လာသူများအားလည်း ပြည်တွင်းဝင်ခွင့်မပြုပါ။ အမျိုးသားဒီမိုကရေစီအဖွဲ့ချုပ်သည် ရွေးကောက်ပွဲများတွင် ပါဝင်ယှဉ်ပြိုင်မည်မဟုတ် ဟုဆုံးဖြတ်ခဲ့ပါသည်။

၂၀၁၀ ခုနှစ်မတ်လတွင် ထုတ်ပြန်ခဲ့သည့်ရွေးကောက်ပွဲဥပဒေသစ်နှင့်နိုင်ငံရေး ပါတီမှတ်ပုံတင်ခြင်းဥပဒေ (၂/၂၀၁၀) အခန်း ၁၊ အပိုဒ်ခွဲ၂ (ဈ) အရ နိုင်ငံရေး ပါတီများအားအကျဉ်းထောင်များအတွင်း အကျဉ်းကျနေသည့် (သို့) ထိန်းသိမ်းခံထားရသည့်ပါတီဝင်များအား ပါတီဝင် အဖြစ် လက္ခံထားခြင်းအားတားမြစ်ထားသည်။ စစ်အစိုးရမှ အမျိုးသားဒီမိုကရေစီအဖွဲ့ချုပ် အားအကျဉ်းကျနေသည့် ပါတီဝင်များအား ပါတီဝင်အဖြစ်မှ ရပ်ဆိုင်းရန်သို့မဟုတ်ပါက နိုင်ငံရေးပါတီအဖြစ်ရပ်တည်ခြင်းမှ ရပ်ဆိုင်းရန်ရာဇသံပေးခဲ့ပါသည်။ အကျဉ်းကျနေသည့် ပါတီခေါင်းဆောင်နှင့် ပါတီဝင် ၄၁၃ ယောက်အား ပါတီဝင်အဖြစ်မှ ရပ်ဆိုင်းရန် ငြင်းပယ်ခဲ့သည့် အတွက် အမျိုးသားဒီမိုကရေစီ အဖွဲ့ချုပ်အား စစ်အစိုးရမှ နိုင်ငံရေးပါတီအဖြစ်မှဖျက်သိမ်းကြောင်း ကြေညာခဲ့သည်။

အတိုက်အခံများ၏ ငြိမ်းချမ်းစွာ ဆန္ဒဖော်ထုတ်မှုများအား ရာဇ၀တ်မှုအဖြစ်သတ်မှတ်ခြင်း
ရွေးကောက်ပွဲများနီးကပ်လာသည်နှင့် အမျှပြည်သူလူထု၏ နိုင်ငံသားဆိုင်ရာ အခြေခံရပိုင်ခွင့်များနှင့်နိုင်ငံရေးဆိုင်ရာ အခွင့်အရေးများ အား ထပ်မံကန့်သတ်ချုပ်ချယ်သည့် တားမြစ်ပိတ်ပင်မှုအသစ်များအားစစ်အစိုးရမှ တိုးမြှင့် လုပ်ဆောင်နေပါသည်။ တည်ရှိပြီးသားကန့်သတ်ချုပ်ချယ်မှုများ ဖြစ်သည့် ၅ ဦးထက်ပို မစုဝေးရန်၊ အခြေခံဥပဒေအားဆန့်ကျင်ခြင်း၊ ဝေဖန်ခြင်းမပြုရန်နှင့် အလုပ်သမားလယ်သမားသမဂ္ဂများ၊ ကျောင်းသားသမဂ္ဂများ၊ လူ့အခွင့်အရေး အဖွဲ့များတွင်အဖွဲ့ဝင်အဖြစ် ပါဝင်ခြင်း အပေါ်ပိတ်ပင် တားမြစ်ခြင်း များအပြင်၂၀၁၀ ခုနှစ် ဂျွန်လ ၂၃ ရက်နေ့တွင်ပြဌာန်းလိုက်သော အမိန့်အမှတ်၂/၂၀၁၀ အရ အလံကိုင်ဆောင်ခြင်း၊ ကြွေးကြော်သံများ အော်ဟစ်ခြင်းနှင့်လမ်းလျှောက် ချီတက်ခြင်းများအားစစ်အစိုးရမှ ထပ်မံပိတ်ပင် ကန့်သတ်လိုက်ပါသည်။

ရွေးကောက်ပွဲအပေါ်နှောက်ယှက်ဟန့်တားသူ မည်သူမဆို ထောင်ဒဏ် အနှစ် ၂၀ အထိ ချမှတ်မည်ဖြစ်ကြောင်း နိုင်ငံပိုင်သတင်းဌာန များမှတဆင့် စစ်အစိုးရမှ သတိပေးခြိမ်းခြောက်မှုများလည်း ပြုလုပ်လျက်ရှိပါသည်။ မြန်မာ့ အလင်းသတင်းစာမှတဆင့် “နိုင်ငံတော်နှင့် ရပ်ရွာတည်ငြိမ်အေးချမ်းသာယာရေးတရားဥပဒေစိုးမိုးရေးကို နှောက်ယှက်ဟန့်တားသည့်မည်သည့် ပြောဆိုမှုမျိုး၊ရေးသားဖြန့်ဝေမှုမျိုး၊ ဝေ ဖန်မှုမျိုးကိုမဆို” ထောင်ဒဏ် အနှစ် ၂၀ အထိပြစ်ဒဏ်ပေးနိုင်သည့် နိုင်ငံတော် တာဝန်ဝတ္တရားများနှင့်ပတ်သက်သည့် ၁၉၉၆ဥပဒေ သည် တည်နေဆဲဖြစ်ကြောင်းပြည်သူလူထုအား အသိပေးခြိမ်းခြောက်ခဲ့ပါသည် ။

၂၀၁၀ရွေးကောက်ပွဲအား ဆန့်ကျင်ရေးလှုပ်ရှားမှုများ
ဖမ်းဆီးအကျဉ်းချအနှိပ်စက်ခံရမည့် အန္တရာယ်များနှင့်ပြည့်နှက်နေသည့်တိုင် ရဲရင့်သော ပြည်သူများက ရွေးကောက်ပွဲ ဆန့်ကျင်ရေး လှုပ်ရှားမှုများအား တက်တက်ကြွကြွ လုပ်ဆောင်လျက် ရှိကြပါသည်။ ပြည်သူများအနေဖြင့် ရွေးကောက်ပွဲတွင်မဲမပေးပဲ ဆန့်ကျင်ရန် တိုက်တွန်းသည့်စာရွက်စာတမ်း ကြေငြာချက်ဖြန့်ဝေခြင်းများ ရန်ကုန်နှင့်မန္တလေးမြို့များတွင် ပျံ့နှံ့လျက်ရှိပါသည်။ ထိုလှုပ်ရှားမှုများအား ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ်၊ ၈၈ မျိုးဆက် ကျောင်းသားများအဖွဲ့နှင့်မျိုးဆက်လှိုင်းလူငယ်အဖွဲ့တို့မှ ဦးဆောင်နေကြခြင်း ဖြစ်ကြောင်းသိရှိရသည်။ ထိုအဖွဲ့များမှအချို့အဖွဲ့ဝင်များမှာ လက်ရှိကာလတွင် အကျဉ်းကျနေကြဆဲ ဖြစ်ပါသည်။ ၈၈ မျိုးဆက် ကျောင်းသားများအဖွဲ့မှ၃၉ ဦး၊ မျိုးဆက်လှိုင်းအဖွဲ့မှ၂၁ ဦးနှင့် ဗကသမှ အဖွဲ့ဝင်၁၀၀ ကျော်ခန့်တို့ ဖြစ်သည်။

၂၀၁၀ ခုနှစ် အောက်တိုဘာလ ၂၇ရက်နေ့တွင် စစ်အစိုးရမှ တဘတ်သတ်ဖျက်သိမ်းခဲ့သည့် အမျိုးသားဒီမိုကရေစီအဖွဲ့ချုပ် မှလူငယ်အဖွဲ့ဝင်များသည် ရန်ကုန်တိုင်းအတွင်းရှိအင်းစိန်နှင့် မင်္ဂလာဒုံ မြို့နယ်များတွင် ရွေးကောက်ပွဲဆန့်ကျင်ရေးစာရွက်စာတမ်းများ ဖြန့်ဝေခဲ့ကြပါ သည်။ ထိုကြေငြာချက်များတွင် ‘လူတိုင်းတွင် မဲပေးခွင့်ရှိသလိုမဲမပေးပဲလည်း နေပိုင်ခွင့်ရှိသည်’ ဟု ဖော်ပြထားပြီး လူစည်ကားရာ လမ်းများ၊ ဘတ်စ်ကားဂိတ်များနှင့် ဈေးများတွင် ဖြန့်ဝေခဲ့ကြသည်။ အမျိုးသား ဒီမိုကရေစီအဖွဲ့ချုပ်လူငယ်အဖွဲ့ဝင်တဦးမှ “ပါတီ ခေါင်းဆောင် ဒေါ်အောင်ဆန်းစုကြည်ပြောတဲ့လူတိုင်း မဲပေးခွင့်ရှိသလိုမဲမပေးပဲ နေပိုင်ခွင့်လည်းရှိတယ်ဆိုတဲ့အပေါ် အခြေခံပြီး ဒီစာရွက်တွေကိုဝေတာပါ” ဟု ဆိုသည်။ အာဏာပိုင်များမှဖမ်းဆီးမှုများ မလုပ်ခဲ့သော်လည်း စာရွက်ဝေနေသူများအား ဓါတ်ပုံ ရိုက်ယူခြင်းများပြုလုပ်ခဲ့ပါသည်။ ( ဓါတ်ပုံရိုက်ခြင်းမှာ တချိန်တွင် ဖမ်းဆီးထိမ်းသိမ်းရန် အထောက်အထားယူခြင်းဟု ဆိုနိုင်သည် )

ရွေးကောက်ပွဲနှင့်ပတ်သက်သည့် ဖမ်းဆီးအရေးယူမှုများ ထိန်းသိမ်းချုပ်နှောင်ထားမှုများ
ရွေးကောက်ပွဲအကြိုကာလတွင် ရွေးကောက်ပွဲနှင့် ပတ်သက်သည့် လူ့အခွင့်အရေးချိုးဖောက်မှုပေါင်း များစွာအားမှတ်တမ်းပြုစု ထားပါသည်။ အေအေပီပီမှမှတ်တမ်းတင်ထားသည့် ရွေးကောက်ပွဲနှင့် ပတ်သက်သည့် လူ့အခွင့်အရေး ချိုးဖောက်မှုများတွင်စစ်အစိုးရ၏ ရွေးကောက်ပွဲအားဆန့်ကျင်မှုအပါအ၀င် ရွေးကောက်ပွဲနှင့် ပတ်သက်သည့် အခြားနိုင်ငံရေးလုပ်ငန်းများ ကြောင့်ဖမ်းဆီးခြင်း၊ ချုပ်နှောင်ထိန်းသိမ်းခြင်း၊ အကျဉ်းချခြင်းများ ပါဝင်ပါသည်။

၂၀၁၀ရွေးကောက်ပွဲအား ဆန့်ကျင်ခြင်းကြောင့် နိုင်ငံရေးလှုပ်ရှားသူပေါင်း၁၅ ဦးထက်မနည်း အဖမ်းခံရပြီးဖြစ်သည်။ စက်တင်ဘာလထဲတွင်တက္ကသိုလ် ကျောင်းသား ၁၁ ဦးရွေးကောက်ပွဲဆန့်ကျင်ရေးလှုပ်ရှားမှုကြောင့် အဖမ်းခံခဲ့ရပါသည်။ ၄င်းတို့ထဲမှ ၅ ဦးသည် စက်တင်ဘာလ၁၄ ရက်နေ့တွင် အဖမ်းခံခဲ့ရပြီး၃ ဦးမှာ ၁၇ ရက်နေ့နှင့် နောက်ထပ်၃ ဦးမှာ ၁၈ ရက်နေ့တို့တွင်အသီးသီး အဖမ်းခံခဲ့ကြရခြင်းဖြစ်သည်။ ထိုကျောင်းသား ၁၁ ဦးအနက်ကိုချမ်းမြေ့အောင်နှင့် ကိုရဲလင်းဖြိုးတို့နှစ်ဦးပြန်လွတ်လာသည့် အတည်ပြုချက်သာအေအေပီပီမှ ရရှိခဲ့ပါသည်။ ကျန်၉ ဦး မှာ အင်းစိန်ထောင်အတွင်းတရားရုံးတင် စစ်ဆေးကြားနာခြင်းမရှိသည့်အပြင် ဥပဒေနှင့်အညီမဟုတ်ပဲ ထိန်းသိမ်းခံနေရဆဲဖြစ်ပါသည်။ ထိုကျောင်းသားများသည်ဒဂုံတက္ကသိုလ်ဝင်းအတွင်း “ကြံ့ခိုင်ရေးပါတီကို မဲပေးရင်ပြည်သူနဲ့ သံဃာတွေ ထပ်အသတ်ခံရလိမ့်မယ်” “၂၀၀၈ အခြေခံဥပဒေနဲ့ ရွေးကောက်ပွဲကစစ်အစိုးရကို သက်ဆိုး ရှည်စေ လိမ့်မယ်” ဟု ရေးသားထားသည့် စာတမ်းများဖြန့်ဝေခဲ့ကြသည်။

ကျောင်းသားများအားပစ်မှတ်ထားခြင်းမှာ အသစ်အဆန်းတော့ မဟုတ်ပါ။လက်ရှိတွင် ကျောင်းသား ၂၈၃ဦးထက်မနည်း နိုင်ငံရေး လှုပ်ရှားမှု များတွင်ငြိမ်းချမ်းစွာ ပါဝင်ခဲ့သည့်အတွက်အကျဉ်းကျ ခံနေကြပါသည်။ ထိုအထဲမှအချို့မှာ အသက် ၁၄ နှစ်အရွယ်မျှသာ ရှိသေး သည်။

သက်တော်၂၈ နှစ်ရှိ သံဃာတော် ဦးဥက္ကံသသည်ရွေးကောက်ပွဲအား ဆန့်ကျင်လှုပ်ရှားခဲ့သည့်အတွက်ဇန္န၀ါရီလအတွင်း မွန်ပြည်နယ် သံဖြူဇရပ်မြို့နယ်တွင် ရဲသတင်းတပ်ဖွဲ့မှဖမ်းဆီးခြင်း ခံခဲ့ရသည်။ဦးဥက္ကံသသည် ရေှးမော်လမြိုင် ကားလမ်းပေါ်တွင် “၂၀၁၀ရွေးကောက်ပွဲ အလိုမရှိ” ဟု မှုတ်ဆေးဖြင့်ရေးသားခဲ့ပါသည်။ ရဲသတင်းတပ်ဖွဲ့မှဦးဥက္ကံသနှင့်အတူ လက်ပ်တော့ပ်ကွန်ပျူတာ၊ ဗီဒီယို ကင်မရာနှင့် ရွေးကောက်ပွဲဆန့်ကျင်ရေး စာရွက်စာတမ်းများ သိမ်းယူခဲ့သည်။ ဦးဥက္ကံသအား စက်တင်ဘာလ ၂၇ ရက်နေ့တွင် ပုံနှိပ်ဥပဒေ၊ အီလက်ထရောနစ်ဆက်သွယ်ရေးဥပဒေနှင့်အများပြည်သူ တည်ငြိမ်အေးချမ်းမှုအားနှောက်ယှက်ဟန့်တားသည့် ဥပဒေပုဒ်မ ၅၀၅ (ခ) တို့အရ ထောင်ဒဏ်၁၅ နှစ် ချမှတ်ခံခဲ့ရပါသည်။

ဦးဥက္ကံသသည်အစာအိမ်ဝေဒနာနှင့် အဖျားဝေဒနာတို့ခံစားနေရသော်လည်း အာဏာပိုင်တို့မှသူ့အား အင်းစိန်ထောင်မှသာယာဝတီ ထောင် သို့ အောက်တိုဘာလ၁၃ ရက်နေ့တွင် ပြောင်းရွေ့လိုက်ကြောင်းအေအေပီပီမှ သတင်းရရှိပါသည်။မွန်ပြည်သစ်ပါတီမှရရှိသည့် သတင်းအရဦးဥက္ကံသအား သံဖြူဇရပ်မြို့နယ်တွင်ထိန်းသိမ်းချုပ်နှောင်ထားစဉ်အာဏာပိုင်များမှ အတင်းအဓမ္မလူဝတ်လဲစေခဲ့ပြီး ညှဉ်းပမ်း နှိပ်စက်ခဲ့ကြောင်း သိရှိရသည်။ ထို့အတွက်ဦးဥက္ကံသအား မော်လမြိုင်တွင်ခေတ္တ ဆေးရံတင်ခဲ့ရကြောင်းလည်းသိရပါသည်။

ယခုလက်ရှိကာလတွင်သံဃာတော် စုစုပေါင်း ၂၆၂ ပါးထက်မနည်းအကျဉ်းကျနေကြဆဲဖြစ်ပါသည်။

အတိုက်အခံအားသိက္ခာချတိုက်ခိုက်ရန် နိုင်ငံပိုင်သတင်းမီဒီယာအားအသုံးချမှု စစ်အစိုးရသည် နိုင်ငံပိုင် သတင်းဌာနများ အား အတိုက် အခံအား သိက္ခာချတိုက်ခိုက်ရန်အသုံးပြုလျက် ရှိပါသည်။ နိုင်ငံပိုင် မြန်မာ့အလင်းသတင်းစာ အားအသုံးပြုကာ မြန်မာနိုင်ငံတွင် ဖြစ်ပေါ်လျက် ရှိသော ပြသနာအားလုံးတို့သည် ပြည်ပ အဖျက်သမားများနှင့် ပြည်တွင်းရှိပုဆိန်ရိုးတို့ကြောင့်ဖြစ်သည်ဟုအပြစ်ပုံချ တိုက် ခိုက်မှု များကျယ်ကျယ်ပြန့်ပြန့် ပြုလုပ်လျက်ရှိသည်။

၂၀၁၀ခုနှစ်အတွင်းတွင် နိုင်ငံရေးလှုပ်ရှားသူများနှင့်ပြည်ပရောက် အတိုက်အခံအဖွဲ့အစည်းများနှင့်ဆက်စပ် ပတ်သက်သူများအား လူ၁၀ ဦးထက် မနည်း သေဆုံးခဲ့ရသောသင်္ကြန်ဗုံးကွဲမှုအပါအ၀င်ဗုံးပေါက်ကွဲမှုများနှင့်ဖေါက်ခွဲရန် ကြံစည်မှုများတွင် ပါဝင်ပတ်သက်သည်ဟု စွပ်စွဲထားပါသည်။
ရွေးကောက်ပွဲများကျင်းပရန်ရက်ပိုင်းမျှသာအလို အောက်တိုဘာလ ၂၈ ရက်နေ့တွင် စစ်အစိုးရသည် မြန်မာ့အလင်းသတင်းစာ မှတဆင့် ပြည်ပရှိ အတိုက်အခံအဖွဲ့အစည်းများနှင့် ပြည်တွင်းရှိအဖွဲ့အစည်းများအား အကြမ်းဖက်သမားများအဖြစ် “သောင်းကျန်းသူများနှင့်ပြည်ပနိုင်ငံများ၏ လက်ဝေခံနောက်မြီးဆွဲ အဖွဲ့အစည်းများသည်ရွေးကောက်ပွဲများ အား နှောက်ယှက်ဖျက်ဆီးရန်နိုင်ငံတော်တည်ငြိမ်မှုနှင့်အေးချမ်း သာယာရေးတို့ ပျက်ပြားစေရန်ရည်ရွယ်ကာ တိုင်းပြည်အတွင်းတွင် အကြမ်းဖက်လုပ်ရပ်များအားကျူးလွန် လျက်ရှိကြသည်” ဟု ခေါင်းစဉ်တပ် စွပ်စွဲခဲ့ပါသည်။

ရွေးကောက်ပွဲအား နှောက်ယှက်ဖျက်ဆီးရန်ရည်ရွယ်ချက်ဖြင့် ရန်ကုန်လေဆိပ်အပါအ၀င် အခြား အရေးပါသော အဆောက်အဦများအား ဖောက်ခွဲရန်ကြံစည်သည်ဟု စွပ်စွဲကာ အနည်းဆုံး လူ ၅ ဦးအား ဖမ်းဆီးချုပ်နှောင်ထားပါသည်။ ထိုသူတို့အား ကရင်အမျိုးသား အစည်းအရုံးနှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး တို့နှင့် ဆက်နွယ်ပတ်သက်သည်ဟု အတိအလင်း စွပ်စွဲထားသည့် သတင်းတပုဒ်အား မြန်မာ့အလင်းသတင်းစာမှ ဖော်ပြခဲ့ပါသည်။

သင်္ကြန်ကာလအတွင်းပေါက်ကွဲမှုဖြစ်ပြီးနောက်ကိုဖြိုးဝေအောင်အား “အကြမ်းဖက်ဖေါက်ခွဲရေးသမား” “လူသတ်သမား” ဟု မေလ ၆ ရက်တွင်ကျင်းပသောသတင်းစာရှင်းလင်းပွဲတခုတွင်ရဲချုပ်မှ လူသိရှင်ကြား စွပ်စွဲခဲ့ပါသည်။ ကိုဖြိုးဝေအောင်သည် နိုင်ငံရေးလှုပ်ရှားမှုများ နှင့် မည်သို့မျှမပတ်သက်သော်လည်း ထိုင်း-မြန်မာနယ်စပ်ရှိ အတိုက်အခံ အဖွဲ့အစည်းများမှ အချို့အားသိကျွမ်းရုံမျှဖြင့် ယခုကဲ့သို့ စွပ်စွဲ ဖမ်းဆီးခံရခြင်းဖြစ်ပါသည်။ နောက်နှစ်လ အကြာတွင်မှ ကိုဖြိုးဝေအောင်အားရုံးတင်ကြားနာ စစ်ဆေးခဲ့ပါသည်။ကမ္ဘာ့ကုလသမဂ္ဂ လူ့အခွင့်အရေးကြေငြာစာတမ်း အပိုဒ် ၁၁ တွင် “လူအများရှေ့မှောက်၌ ဥပဒေအတိုင်းစစ်ဆေး၍ပြစ်မှုကျူးလွန်သည်ဟု ထင်ရှား စီရင်ခြင်း ခံရသည့် အချိန်အထိ ပြစ်မှုနှင့်တရားစွဲဆိုခြင်းခံရသူတိုင်းသည် အပြစ်မဲ့သူဟူ၍ယူဆခြင်းခံထိုက်သည့် အခွင့်အရေးရှိ သည်” ဟု အတိအလင်း ပြဌာန်းထားပါသည်။အပြစ်မဲ့သူဟု ယူဆရာတွင် အမှုမစစ်ဆေးခင်နှင့် အမှုအား ကြားနာ စစ်ဆေးနေစဉ် ကာလတ လျှောက်လုံးပါအကျုံးဝင်ပါသည်။

အတိုက်အခံများအားအမှုဆင်ခြင်း
မြန်မာနိုင်ငံတွင်စစ်အစိုးရအား ပြန်လည်ပြောဆိုဝံ့သူရင်ဆိုင်ဝံ့သူ နိုင်ငံရေးအတိုက်အခံများနှင့်ဒီမိုကရေစီရေး လှုပ်ရှားသူများအား ဘယ်တုန်းကမှ မကျူးလွန်ခဲ့သည့်ရာဇ၀တ်မှုများနှင့် စစ်အစိုးရမှ အပြစ်ရှာ ပုဒ်မတပ်ကာဥပဒေနှင့်အညီမဟုတ်သော ထောင်သွင်းအ ကျဉ်းခြင်းသည် အမြစ်တွယ်နေသည့် နှိပ်ကွပ်မှုပုံစံတမျိုးဖြစ်ပါသည်။ ထိုကဲ့သို့ အမှုဆင်ဖမ်းဆီးထောင်ချခြင်းသည်ဥပဒေအား ဆိုးရွားစွာ အလွဲသုံးစားလုပ်မှုဖြစ်ပါသည်။ ထိုသို့ ချိုးဖောက်ရာတွင်ပြစ်မှုအမှန်တကယ် ကျူးလွန်သူအားဖော်ထုတ်ရန် သင့်တော်သည့်စုံစမ်း စစ်ဆေးခြင်းမျိုးပြုလုပ်ခြင်း မရှိသည့်အပြင်အမှန်တကယ်ကျူးလွန်သူများအားလည်းဥပဒေရှေ့မှောက်သို့ ဆောင်ကြဉ်းမှုမျိုးလည်းမရှိပါ။ ၂၀၁၀ ခုနှစ် ၂၀၀၅ ခုနှစ် ၁၉၉၆ခုနှစ်နှင့် ၁၉၈၉ ခုနှစ်များတွင်ဖြစ်ပွားခဲ့သော ပေါက်ကွဲမှုများအပြီးတွင်စစ်အစိုးရမှ အတိုက်အခံနိုင်ငံရေး အဖွဲ့အစည်းများ၏ နာမည်နှင့်ဂုဏ်သိက္ခာကျဆင်းစေရန် ကြိုးပမ်းသည့်အနေနှင့်နိုင်ငံရေး လှုပ်ရှားသူများအားမတရားစွပ်စွဲကာ ညှဉ်းပမ်း နှိပ်စက်၍ထောင်သွင်းအကျဉ်းချခြင်းများရှိပါသည်။

အမျိုးသားဒီမိုကရေစီအဖွဲ့ချုပ်အဖွဲ့ဝင် နှစ်ဦးဖြစ်သည့် ကိုညီညီဦးနှင့် ကိုသန့်ဇော်တို့အား၁၉၈၉ခုနှစ် သန်လျင် ရေနံချက်စက်ရုံဗုံး ပေါက် ကွဲမှုတွင် ပါဝင်ပတ်သက်ကျူးလွန်သည်ဟု စွပ်စွဲကာ သက်သေမခိုင်လုံပဲ အတင်းအကျပ် နှိပ်စက်ညှဉ်းပမ်းရယူထားသည့် ဖြောင့်ချက်များ အပေါ်အခြေခံကာနိုင်ငံတော်ပုန်ကန်မှုနှင့် သေဒဏ်ချမှတ်ခဲ့သည့် သက်သေသာဓကရှိပါသည်။ နောက်ပိုင်းတွင် ဗုံးခွဲမှုအားအမှန်တကယ် ကျူးလွန်ခဲ့သူမှဖြောင့်ချက်ပေးကာ ထောင်ဒဏ်၁၀ နှစ်အမိန့်ချမှတ်ခံခဲ့ရပြီးလွတ်ရက်စေ့၍ ပြန်လွတ်ပြီးသည့်တိုင် ကိုသန့်ဇော် နှင့် ကိုညီညီဦး တို့ပြန်မလွတ်ပဲ ယနေ့အထိ အကျဉ်းကျနေကြဆဲဖြစ်ပါသည်။

သတင်းလွတ်လပ်ခွင့်ကင်းမဲ့ခြင်း
စာနယ်ဇင်းသမားများအားထောင်သွင်း အကျဉ်းချမှုများနှင့် ကျပ်တည်းပြင်းထန်သည့် စိစစ်ရေး ဥပဒေများချုပ်ချယ် ကန့်သတ်မှုများ ကြောင့် မြန်မာနိုင်ငံသည် ကမ္ဘာပေါ်တွင်သတင်းလွတ်လပ်မှု အကင်းမဲ့ဆုံး နိုင်ငံများစာရင်းတွင်ပါဝင်နေပါသည်။ စာနယ်ဇင်းသမားများ၊ ဓါတ်ပုံဆရာများ၊ ဘလော့ဂ်ဂါများ အပါအ၀င်လက်ရှိကာလတွင် သတင်းနှင့်စာနယ်ဇင်းသမား အနည်းဆုံး၄၀ ဦး အကျဉ်းကျနေကြပါ သည်။ စာနယ်ဇင်းသမားများသာ ဖိနှိပ်ချုပ်ချယ်ကန့်သတ်မှုများရင်ဆိုင်ကြရသည်မဟုတ်ပဲ ဂီတပညာရှင်များ၊ ဟာသသရုပ်ဆောင်များနှင့် အခြားအနုပညာရှင်များ သည် လည်းဖိနှိပ်မှု အမျိုးမျိုးအားရင်ဆိုင် နေကြရပါသည်။

၂၀၁၀ ခုနှစ်အောက်တိုဘာလ အတွင်းတွင် နယ်စည်းမခြားသတင်းထောက်များ အဖွဲ့မှ နှစ်စဉ်သတင်းနှင့်စာနယ်ဇင်းလွတ်လပ်ခွင့် အစီရင်ခံစာအားထုတ်ပြန်ခဲ့သည်။ ထိုအစီရင်ခံစာထဲတွင် အီရန်နှင့်မြောက်ကိုရီးယား နိုင်ငံတို့အထက်တွင်မြန်မာနိုင်ငံသည် ၁၇၈ နိုင်ငံ တွင် ၁၇၄ အဆင့်ဖြင့် သတင်းလွတ်လပ်ခွင့်မရှိဆုံးပဉ္စမေ မြာက်နိုင်ငံအဖြစ် ရပ်တည်နေကြောင်းတွေ့ရပါသည်။ ပြည်ပ အဆက်အ သွယ် ဖြတ်တောက်ထားပြီးဖြစ်သည့်တိုင်စစ်အစိုးရသည် ရွေးကောက်ပွဲကာလအတွင်းမည်သည့်နိုင်ငံရပ်ခြား သတင်းထောက်များကို မှပြည် တွင်း သို့ ၀င်ခွင့်ပြုမည်မဟုတ်ကြောင်းအောက်တိုဘာလ ၁၈ ရက်နေ့တွင် ထုတ်ပြန်ကြေညာခဲ့သည်။
ကန္တာရ၀တီသ တင်းဌာနမှအယ်ဒီတာ ကိုညီညီထွန်းသည် အဖမ်းခံရပြီးတနှစ်အကြာ အောက်တိုဘာလ ၁၃ရက်နေ့တွင် ထောင်ဒဏ် ၁၃ နှစ်ချမှတ်ခြင်းခံခဲ့ရပါသည်။ကိုညီညီထွန်းအား မတရားအသင်းဥပဒေ၊လူဝင်မှု ကြီးကြပ်ရေးဥပဒေနှင့်ကြိုးမဲ့ကြေးနန်း ဆက်သွယ် ဆောင် ရွက်ရေး ဥပဒေတို့ဖြင့်အမိန့်ချခြင်းဖြစ်ပါသည်။စစ်အစိုးရ အာဏာပိုင်များမှကနဦးတွင် ကိုညီညီထွန်းအား မြန်မာပြည် တွင်းဖြစ်ပွား ခဲ့သည့်ဗုံးပေါက်ကွဲမှုများနှင့်ဆက်စပ်ကာ တရားရုံးတင်ရန်စီစဉ်ခဲ့သော်လည်းထိုစွပ်စွဲချက်များအား နောက်ပိုင်းတွင် ပယ်ဖျက်ခဲ့ကြောင်း ထင်ရှားပါသည်။အတင်းအဓမ္မ ဖြောင့်ချက် ရယူရန်ကြိုးပမ်းသည့်အနေနှင့် ကိုညီညီထွန်းအားရဲအုပ် အောင်စိုးနိုင် အပါအ၀င်ရဲ ၁၆ ဦးတို့မှ ခြောက်ရက်တိုင်တိုင်အလှည့်ကျ နေ့ရောညပါ နှိပ်စက်ညှဉ်းပမ်းခဲ့ကြသည်။အရိုက်အနှက် ခံရသောကြောင်းကိုညီညီထွန်း၏ ခေါင်းနှင့်ခန္ဒာ ကိုယ်တွင် ဒဏ်ရာဒဏ်ချက်များရရှိခဲ့သည်။ ကိုညီညီထွန်းသည်ရိုက်နှက်ခံရရုံမျှမက လိင်ပိုင်းဆိုင်ရာလည်းစော်ကားခံရပါသည်။ စစ်ဆေးသောရဲအရာရှိများမှ ကိုညီညီထွန်း၏စအိုအတွင်း နံပါတ်တုတ်ဖြင့်ထိုးသွင်းမွှေနှောက်ခြင်းများကျူးလွန်ခဲ့ကြပါသည်။ နှိပ်စက်ခံရသောဒဏ်ကြောင့် ကိုညီညီထွန်း၏ ဦးခေါင်းနှင့် ခန္ဒာကိုယ် ပေါ်တွင် ဒဏ်ရာဒဏ်ချက်ပေါင်းများစွာ ကျန်ရှိနေပါသည် ။
အလွတ်ပညာသင်ဆရာမနှင့်ဒီမိုကရက်တစ် မြန်မာ့အသံသတင်းထောက်ဖြစ်သူမလှလှဝင်းသည် အီလက်ထရောနစ် ဆက်သွယ် ဆောင်ရွက်ရေးဥပဒေအားချိုးဖောက်သည်ဟုဆိုကာ ၂၀၀၉ခုနှစ် ဒီဇင်ဘာလ ၃၀ ရက်နေ့တွင်ထောင်ဒဏ် နှစ် ၂၀ ချမှတ်ခြင်းခံခဲ့ရပါ သည်။မလှလှဝင်းသည် ဒီမိုကရက်တစ်မြန်မာ့အသံအတွက် မကွေးတိုင်းပခုက္ကူမြို့ ဘုန်းကြီးကျောင်းတခုတွင်သံဃာတော်များအား တွေ့ဆုံမေးမြန်းပြီးအပြန် ၂၀၀၉ ခုနှစ် စက်တင်ဘာလ၁၁ ရက်နေ့တွင် အဖမ်းခံခဲ့ရပြီး။အောက်တိုဘာလ ၆ ရက်နေ့တွင်မလှလှဝင်းနှင့် အဖော်ဖြစ်သူကိုမြင့်နိုင်တို့အား ပခုက္ကူတရားရုံးမှတရားမ၀င် တင်သွင်းထားသည့်မော်တော်ဆိုင်ကယ် ပိုင်ဆိုင်မောင်းနှင်မှုနှင့်ထောင်ဒဏ် ၇ နှစ်စီ ချမှတ်ခဲ့ပါသည်။
ထောင်တွင်း၌ညှဉ်းပမ်းနှိပ်စက် စစ်ကြောပြီးသည့်အခါသူတို့နှစ်ဦးအား အီလက်ထရောနစ်ဆက်သွယ် ဆောင်ရွက်ရေး ဥပဒေပုဒ်မ ၃၃ အရ တားမြစ်ပိတ်ပင်ထားသည့်အီလက်ထရောနစ်ပစ္စည်းများအားအသုံးပြုကာ နိုင်ငံတော်အားဆန့်ကျင်သည့် သတင်း အချက်အ လက်များ အား ပြည်ပသို့ပေးပို့မှုဖြင့်ထပ်မံတရားစွဲဆို ခဲ့ပါသည်။ယခုအခါတွင် မလှလှဝင်းသည်ထောင်ဒဏ် စုစုပေါင်း ၂၇ နှစ်ကျခံနေရသည်။
ဒီမိုကရေစီစံချိန်စံညွှန်းများနှင့်ပြည့်စုံသည့်ရွေးကောက်ပွဲတခုအတွက်လွတ်လပ်သောသတင်း မီဒီယာများ လိုအပ်ပါသည်။ သတင်းနှင့် စာနယ်ဇင်းသမားများအားဖမ်းဆီးနှိပ်စက်ခြင်း၊ ဖိနှိပ်ချုပ်ချယ်ခြင်းနှင့်ထောင်သွင်း အကျဉ်းချခြင်းတို့သည် စစ်အစိုးရမှပြောဆိုနေသော ဒီမိုကရေစီလမ်းကြောင်းနှင့်ဖြောင့်ဖြောင့်ကြီးဆန့်ကျင်နေသည့်အပြင် မည်သည့်နည်းနှင့်မဆို အာဏာဆက်လက် ကိုင်စွဲထားရန် ကြိုးပမ်းမှုတခုအဖြစ်သိသာထင်ရှားနေပါသည်။

စစ်အစိုးရအားဆန့်ကျင်အတိုက်အခံလုပ်ခြင်း၏နောက်ဆက်တွဲများ
စစ်အစိုးရမှ၎င်း၏ဒီမိုကရေစီလမ်းကြောင်းဟုခေါ်ဆိုသည့်နိုင်ငံရေးလမ်းပြမြေပုံအားထိခိုက်အောင် ဆန့်ကျင် ကန့်ကွက်သူနှောက်ယှက်သူ မှန်သမျှ မည်သည့်အကျိုးဆက်များခံစားရမည်ဆိုသည်ကို ရက်ရက်စက်စက်ဖိနှိပ်ခြင်း ထောင်ဒဏ် နှစ်ရှည်ချခြင်းများဖြင့် နမူနာ ပြခြိမ်း ခြောက်ခဲ့ပါသည်။ အခြေခံဥပဒေမူကြမ်း ပြည်သူ့ဆန္ဒခံယူပွဲကျင်းပမည်ဟု ကြေညာပြီးသည့်နောက် ၂၀၀၈ ခုနှစ် ဖေဖော်ဝါရီလ ၁၉ ရက် နေ့တွင် စစ်အစိုးရမှ ပြည်သူ့ဆန္ဒခံယူပွဲနှင့် ပတ်သက်သည့် ဥပဒေ ၁/၂၀၀၈ အားထုတ်ပြန်ကြေညာခဲ့ပါသည်။ ထိုဥပဒေအရ ဆန္ဒ ခံယူ ပွဲအား နှောက်ယှက်သူ၊ နှောက်ယှက်ရန်ကြံသူ၊ ဆန့်ကျင် စာရွက်စာတမ်းဖြန့်ဝေသူ ပိုစတာကပ်သူများအား ထောင်ဒဏ် ၃ နှစ်အထိ ချမှတ်နိုင်သည်ဟု ထုတ်ပြန်ထားပါသည်။ ထိုဥပဒေထုတ်ပြန်၍ ပြည်သူများအားဆန္ဒခံယူပွဲအား မကန့်ကွက်နိုင်စေရန်၊ ကန့်ကွက်မဲ ပေးရန် လှုံ့ဆော်မှုများ မပြုနိုင်ရန် တားမြစ်ပိတ်ပင်လိုက်ခြင်းဖြစ်ပါသည်။

၂၀၀၈ခုနှစ် မေလတွင် ကျင်းပခဲ့သော၂၀၀၈ အခြေခံဥပဒေမူကြမ်း ပြည်သူ့ဆန္ဒခံယူပွဲများ ကျင်းပသောအခါအဖမ်းအဆီး အနှိပ်အကွပ် များလှသော်လည်းဆန့်ကျင်မဲပေးရေး လှုပ်ရှားမှုပေါင်းများစွာဖြစ်ပေါ်ခဲ့ပါသည်။ ဆန့်ကျင်မဲပေးရေးလှုပ်ရှားမှုများနှင့် ပတ်သက်ပြီး အဖမ်းခံရသူ အကျဉ်းချခံရသူပေါင်း၇၉ ဦးအား အေအေပီပီမှ မှတ်တမ်းတင်စာရင်းပြုစုထားပါသည်။ ဆန့်ကျင်မဲပေးရေး လှုပ်ရှားမှု သည်ပြည်သူလူထုအား ၄င်းတို့၏ အခြေခံနိုင်ငံရေးအခွင့် အရေးများ အားလက်တွေ့ကျင့်သုံးတတ်စေရန်အားပေးရင်း မတရားသည့် ၂၀၀၈ခုနှစ် အခြေခံဥပဒေအား ကန့်ကွက်မဲပေးရန်ငြိမ်းချမ်းသည့်နည်းလမ်းဖြင့်လှုံ့ဆော်သည့် လှုပ်ရှားမှုဖြစ်ပါသည်။

ယခုလက်ရှိတွင် ကန့်ကွက်မဲပေးရေးလှုပ်ရှားမှုများနှင့် ပတ်သက်ပြီးအကျဉ်းကျနေသူ အနည်းဆုံး ၂၂ဦး ထောင်ထဲတွင် ရှိနေဆြဲဖစ်ပါ သည်။

စစ်အစိုးရ၏ မည်သည့်အတိုက်အခံကိုမျှ သည်းမခံပဲ ဖိနှိပ်ခြင်းအား နာဂစ်မုန်တိုင်းအပြီး မုန်တိုင်းဒဏ်ခံ ပြည်သူများအား ကူညီ စောင့်ရှောက် ရန်ကြိုးပမ်းသည့် စေတနာ့ဝန်ထမ်း ၂၁ ဦးအား ဖမ်းဆီးအကျဉ်းချထားခြင်းအား သာဓကအဖြစ် ကြည့်နိုင်ပါသည်။ မုန်တိုင်းတိုက်ခတ်အပြီး စစ်အစိုးရမှ ပြည်သူများအား ကူညီထောက်ပံ့စောင့်ရှောက်ရန် ပျက်ကွက်ခဲ့ချိန်တွင် သာမန်ပြည်သူများနှင့် လူမှုအဖွဲ့အစည်းများမှ စစ်အစိုးရလုပ်ဆောင်ရန်ပျက်ကွက်သည်များအား ၀င်ရောက်လုပ်ကိုင်ကူညီရန် ကြိုးစားလာကြပါသည်။

နိုင်ငံရေးလှုပ်ရှားမှုနှင့်မည်သို့မျှမသက်ဆိုင်သည့် သေဆုံးသူများ၏ ရုပ်ကလာပ်များအား လိုက်လံကောက်ယူကာ မြှုပ်နှံသဂြိုလ် ပေးခြင်းများ၊ မုန်တိုင်းဒဏ်ခံပြည်သူများအား ထောက်ပံ့ကူညီခြင်းများအတွက် အချို့ စေတနာ့ဝန်ထမ်း များသည် ထောင်ဒဏ် ၃၅ နှစ်အထိ ချမှတ်ခြင်းခံခဲ့ကြရပါသည်။ ဒေါက်တာနေ၀င်းနှင့် သမီးဖြစ်သူ အသက် ၂၀ အရွယ် တက္ကသိုလ်ကျောင်းသူ မဖြိုးဖြိုးအောင် အပါအ၀င် စေတနာ့ဝန်ထမ်း ၂၁ ဦး အကျဉ်းကျနေဆဲဖြစ်ကြပါသည်။

ညှဉ်းပမ်းနှိပ်စက်မှုများ
၂၀၁၀ခုနှစ်တွင်လည်း စစ်အစိုးရ၏နိုင်ငံရေးလှုပ်ရှားသူများအပေါ်ညှဉ်းပမ်းနှိပ်စက်မှုများဆက်လက် ရှိနေဆဲ ဖြစ်ပါသည်။အေအေပီပီမှ မှတ်တမ်းပြုဖော်ထုတ်ထားသည့် လတ်တလောတွေ့ရှိချက်များအရညှဉ်းပမ်းနှိပ်စက်မှုများမှာပို၍ပင် ပြင်းထန်ရက်စက်လာပါသည်။ ညှဉ်းပမ်းနှိပ်စက်မှုဒဏ် ခံစားရသူများနှင့်၎င်းတို့၏ မိသားစုဝင်များမှဖွင့် ဟချက်များအရ အာဏာပိုင်များသည် ၄င်းတို့ချုပ်နှောင် ထိန်းသိမ်းထားသည့် နိုင်ငံရေးလှုပ်ရှားသူများ အပေါ်စိတ်ပိုင်းဆိုင်ရာ၊ ရုပ်ပိုင်းဆိုင်ရာတင်မကလိင်ပိုင်းဆိုင်ရာ ညှဉ်းပမ်း နှိပ်စက်မှုများ ကိုပါကျူးလွန်လျှက်ရှိကြောင်းတွေ့ရသည်။ အကျဉ်းသားများအတွက် အခြေခံအကျဆုံးသော ကာကွယ်ပေးမှုမှာညှဉ်းပမ်းနှိပ်စက်မှုမှ ကာကွယ်ပေးခြင်းပင်ဖြစ်ပါသည်။ အပြည်ပြည်ဆိုင်ရာ ဥပဒေများအရစစ်အတွင်းကာလဖြစ်စေ၊ ပြည်တွင်းမငြိမ်မသက်ဖြစ်နေသည့် ကာလဖြစ်စေ၊ တိုင်းပြည်တွင် အရေးပေါ် အခြေအနေ ကြေညာထားသည့်ကာလဖြစ်စေ မည်သည့်ညှဉ်းပမ်းနှိပ်စက်မှုမျိုးမဆိုဥပဒေမဲ့ လုပ်ရပ်ပင်ဖြစ်သည်ဟုအတိအလင်းဖော်ပြထားပါသည်။

စစ်အစိုးရမှ ဆက်တိုက်ကျူးလွန်နေသည့်ရက်စက်ပြီး လူမဆန်သည့် ညှဉ်းပမ်းနှိပ်စက်မှုများသည်အပြည်ပြည်ဆိုင်ရာ ဥပဒေအား စစ်အစိုးရမှ လုံးဝ လေးစားလိုက်နာခြင်းမရှိကြောင်း ပြသနေပါည်။ ထို့အပြင် ညှဉ်းပမ်းနှိပ်စက်မှု ကျူးလွန်သူများအားလည်း အပြစ်ပေး အရေးယူခံရခြင်းမှကင်းလွတ်ခွင့်ရရှိရန် စစ်အစိုးရမှတာဝန်ခံပေးထားကြောင်းတွေ့ရှိရသည်။

အမျိုးသားဒီမိုကရေစီအဖွဲ့ချုပ် အဖွဲ့ဝင်အများအပြားသည်လည်း ၂၀၁၀ ခုနှစ်အတွင်း ညှဉ်းပမ်းနှိပ်စက်ခံရသူများ ထဲတွင် ပါဝင်နေပါ သည်။ ၂၀၁၀ ခုနှစ် ဧပရယ်လ ၂၈ ရက်နေ့တွင် ရခိုင်ပြည်နယ် အမျိုးသားဒီမိုကရေစီအဖွဲ့ချုပ် အဖွဲ့ဝင်တဦးဖြစ်သူ ဦးသန်းမောင်သည် စစ်တပ်နှင့်ရဲမှ ညသန်းခေါင်အချိန်တွင် လာရောက်ဖမ်းဆီးသည်ကိုသာမက မိသားစုဝင်များရှေ့ ၄င်း၏အိမ်၏အိမ်တွင်ပင် နှိပ်စက် ညှဉ်းပမ်း ရိုက်နှင်ခြင်းခံခဲ့ရပါသည်။ အာဏာပိုင်များမှ မည်သည့်ခွင့်တောင်းခြင်းမျှမရှိပဲ အိမ်တွင်းသို့ ပိုင်စိုးပိုင်နင်းဝင်ရောက်လာပြီး ဧည့်စာ ရင်းစစ်ခြင်းဖြစ်ပါသည်။

သြဂုတ်လအတွင်းတွင်နိုင်ငံတော်ပုန်ကန်မှုဖြင့်စွဲဆိုကာ အကျဉ်းချခံရသူ အမျိုးသား ဒီမိုကရေစီအဖွဲ့ချုပ်အဖွဲ့ဝင်တဦးဖြစ်သူ ကိုဌေး အောင်သည် စစ်ကြောရေးကာလအတွင်းညှဉ်းပမ်း နှိပ်စက်မှုများဒဏ်ကြောင့်နားတဖက် အကြားအာရုံထိခိုက်သည့်ဝေဒနာအားခံစား နေရပါသည်။ ကိုဌေးအောင်၏ညီမဖြစ်သူမစန်းစန်းအေးမှအာဏာပိုင်များက ကိုဌေးအောင်အား အချုပ်ခံထားရသည့် ကာလတလျှောက်လုံး ဆေးကုသခွင့် မပေးသည့်အပြင်မိသားစုမှ ဆေးဝါးပို့ပေးခွင့်လည်း မပြုခဲ့ကြောင်း ပြောပြပါသည်။ဆရာဝန်မှ ကိုဌေး အောင် ၏ နားစည်သည်ပေါက်နေပြီ ဖြစ်သောကြောင့်ခွဲစိတ်ကုသမှု ပြုရမည်ဖြစ်ကြောင်းအာဏာပိုင်များအား အသိပေးခဲ့ သော်လည်းအာဏာပိုင်များမှ လျစ်လျူရှုခဲ့ပါသည်။

စစ်အစိုးရအနေဖြင့် အတိုက်အခံများအား နှိပ်ကွပ်ရန် အခြားသောအကြမ်းဖက် နည်းလမ်းများအားလည်း အသုံးပြုပါသည်။ နိုင်ငံရေးအတိုက်အခံများသည် စစ်အစိုးရမှဖွဲ့စည်းပေးထားသော ကျောထောက်နောက်ခံပြုထားသော လက်ကိုင်တုတ်များ၏ အကြမ်းဖက်တိုက်ခိုက်မှုများအားလည်း ရင်ဆိုင်ကြရပါသည်။ မေလ ၆ ရက်နေ့တွင် မွန်ပြည်နယ် အမျိုးသားဒီမိုကရေစီအဖွဲ့ချုပ် အဖွဲ့ဝင်တဦးဖြစ်သူ ကိုချစ်တင်သည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ပါတီဝင် နှစ်ဦး၏ အကြမ်းဖက်တိုက်ခိုက်မှုခံရပြီးနောက် တလကျော်ကြာအောင် ဆေးရုံတက်ကုသခဲ့ရပါသည်။

မြန်မာနိုင်ငံအတွင်းတွင် နှိပ်စက်ညှဉ်းပမ်းခံရသည်မှာ နိုင်ငံရေးအကျဉ်းသားများသာ မဟုတ်ပါ။ ၂၀၁၀ ခုနှစ်အတွင်း အေအေပီပီမှနိုင်ငံရေးအမှုမဟုတ်သော အခြားအမှုများတွင်လည်း ထိန်းသိမ်းခံရသူများ နှိပ်စက်ခံရသည့်သတင်းများ ရရှိခဲ့ပါသည်။ ပဲခူးမြို့တွင် လူ ၆ ဦး ရဲ၏ ကိုယ်ထိလက်ရောက်စော်ကားမှုအပြင်အချုပ်ခံနေရစဉ်အတွင်း လိင်အင်္ဂါများအား မီးနှင့်တို့ခြင်းအပါအ၀င်ညစဉ်ညတိုင်း လူမဆန်စွာ ညှဉ်းပမ်းနှိပ်စက်ခံခဲ့ရကြောင်း သိရှိရသည်။

မြန်မာနိုင်ငံတွင် နိုင်ငံရေးအသိုင်းအ၀ိုင်းအတွင်းမှ နိုင်ငံရေးတက်ကြွလှုပ်ရှားသူများသာမက သာမန် ပြည်သူများ ကိုပါ ညှဉ်းပမ်းနှိပ်စက်မှုများအား သတိပေးချက်အနေဖြင့် အသုံးပြုပါသည်။ ၄င်းတို့၏ အခြေခံ လူ့အခွင့်အရေးများအား အသိအမှတ်ပြုခြင်း အာမခံခြင်းမျိုးမရှိကြောင်းနှင့် လွတ်လပ်အေးချမ်းလုံခြုံသည့် လူမှု ပတ်ဝန်းကျင်တွင် နေနေရခြင်း မဟုတ်ကြောင်း ထိုအချက်က သက်သေပြနေခြင်းဖြစ်ပါသည်။

ထောင်ပြောင်းမှုများ
နိုင်ငံရေးအကျဉ်းသားများအားမိသားစုနှင့် ဝေးလံသောနယ်စွန်နယ်ဖျား ထောင်များသို့ထောင်ပြောင်းခြင်းများ ၂၀၀၉ခုနှစ်နှင့် ၂၀၁၀ ခုနှစ်အတွင်းတွင်လည်း ဆက်လက်ဖြစ်ပွားခဲ့ပါသည်။ ၂၀၀၈ ခုနှစ် နိုဝင်ဘာလမှစ၍ အနည်းဆုံး နိုင်ငံရေးအကျဉ်းသား ၂၇၅ ဦး ငှက်ဖျားဧရိယာအတွင်း တည်ရှိပြီး ရာသီဥတုကြမ်းတမ်း၍ ဆရာဝန်မရှိသော နယ်စွန်နယ်ဖျား ထောင်များသို့ ထောင်ပြောင်း ခံခဲ့ကြရ သည်။ ထိုထောင်များတွင် ဆေးဝါးပစ္စည်းမပြည့်စုံသည့် အပြင်ထောင်အာဏာပိုင်များအား လာဘ်ထိုးမှ ဆေးဝါးသွင်းခွင့်ရပါသည်။ ပုံမှန်အားဖြင့် မိသားစုများအနေ ဖြင့်အကျဉ်းကျနေသူအား အစားအစာနှင့် ဆေးဝါး ထောက်ပံ့ခွင့်ရှိပါသည်။ ဝေးလံသော ထောင်များသို့ ထောင်ပြောင်းလိုက်ခြင်းသည်မိသားစုမှ ထောက်ပံ့နေသည့်အစားအစာနှင့်ဆေးဝါးအား ပိတ်ပင်တားဆီးဖြတ်တောက်လိုက်ခြင်းပင် ဖြစ်သည်။ ထောင်ပြောင်းလိုက်ခြင်းသည် ထောင်တွင်းရှိ နိုင်ငံရေးအကျဉ်းသားများအစားအသောက် ဆေးဝါး ပြတ်တောက်စေသည် သာမကမိသားစုများအားလည်း အခက်အခဲမျိုးစုံကြုံ တွေ့စေပြီးစိတ်ပိုင်းဆိုင်ရာ ထိခိုက်မှုဖြစ်အောင် အစီအစဉ်ရှိရှိ ပြုလုပ်ခြင်းဖြစ်သည်။

၂၀၀၉ခုနှစ်အတွင်း နိုင်ငံရေးအကျဉ်းသား၇၁ ဦး နှင့် ၂၀၁၀ ခုနှစ်တွင်နိုင်ငံရေးအကျဉ်းသား ၃၀ ဦးနယ်စွန်နယ်ဖျား ထောင်များသို့ ထောင်ပြောင်းခံခဲ့ရပါသည်။
အသက်အရွယ်ကြီးရင့်ပြီး ကျန်းမာရေးချို့ယွင်းနေသည့် ရှမ်းတိုင်းရင်းသားခေါင်းဆောင်ဗိုလ်ချုပ် ဆေထင်အား ၂၀၁၀ခုနှစ် သြဂုတ်လ အတွင်း၌ တပတ်အတွင်းထောင်သုံးထောင် ပြောင်းခဲ့သည်ကို ထင်ရှားသည့်သာဓကအဖြစ် မြင်တွေ့နိုင်ပါသည်။ အသက် ၇၄ နှစ်အရွယ် ရှမ်းတိုင်းရင်းသားခေါင်းဆောင်ဗိုလ်ချုပ်ဆေထင်သည် လက်ရှိတွင်ထောင်ဒဏ် ၁၀၆ နှစ် ကျခံနေရပါသည်။

သြဂုတ်လ၂ ရက်နေ့တွင် ဗိုလ်ချုပ်ဆေထင်အား ခန္တီးထောင်မှ မန္တလေး အိုးဘိုထောင်သို့ ပြောင်းရွှေ့ပါသည်။ထိုမှ တဖန် သြဂုတ်လ ၅ ရက်နေ့တွင်အိုးဘိုထောင်မှ ရန်ကုန် အင်းစိန်ထောင်သို့ ပြောင်းပါသည်။ ထို့နောက် အင်းစိန်မှ ထောင်ဆရာဝန်မရှိသည့်စစ်တွေထောင်သို့ ပို့ဆောင်လိုက်ပါသည်။ ဗိုလ်ချုပ်ဆေထင်သည် နှလုံးရောဂါ၊ ဆီးချိုရောဂါနှင့် မျက်စိတိမ်စွဲသည့်ဝေဒနာများ ခံစားနေရသူ ဖြစ်သော်လည်း အာဏာပိုင်များမှ ၄င်းဝေဒနာများ အတွက်ဆေးကုသခွင့်အား အဆက်မပြတ် ငြင်းဆန်နေခဲ့ပါသည်။

ဗိုလ်ချုပ်ဆေထင်၏သမီးဖြစ်သူ ဒေါ်နမ်းခမ်းပေါင်ထောင်ဝင်စာသွားတွေ့သည့် အခါတွင်ထောင်ပြောင်းစဉ်က လမ်းတလျှောက်လုံး ဗိုလ်ချုပ် ဆေထင်အား သံခြေကျင်းခတ်ထားသည့်အပြင်လက်အဆစ်လွဲသည့်တိုင် ဆေးကုသမှုလုံးဝမပေးသည်ကို သိရှိခဲ့ရသည်။ ယခုကဲ့သို့ အသက်အရွယ် ကြီးရင့်သူဝါရင့်ရှမ်းတိုင်းရင်းသားနိုင်ငံရေးခေါင်းဆောင်တဦးအား အသက်အန္တရာယ် ထိခိုက်နိုင်သည့် တိုင်အောင်နှိပ်စက်ညှဉ်းပမ်းမှုသည် နအဖစစ်အစိုးရအနေဖြင့် တိုင်းရင်းသားလူမျိုးစုများနှင့် အမျိုးသားပြန်လည်သင့်မြတ်ရေး ရရှိရန်အတွက်မည်သည့် ရည်ရွယ်ချက်နှင့် စိတ်စေတနာကောင်းမှမရှိကြောင်း ပြဆိုနေပါသည်။

ကျန်းမာရေးပြသနာများ
၂၀၀၉ခုနှစ် မေလတွင် အေအေပီပီမှမြန်မာနိုင်ငံအတွင်းရှိ နိုင်ငံရေးအကျဉ်းသားများရင်ဆိုင်နေရသည့် ကျန်းမာရေးပြသနာများ၊ အာဏာပိုင်များမှ ပြည့်စုံလုံလောက်သည့် ကျန်းမာရေးစောင့်ရှောက်မှုမပေးခြင်းနှင့် ဆေးကုသခွင့် ငြင်းပယ်ခြင်းများ အားဖော်ပြထား သည့် အစီရင်ခံစာတစောင်ထုတ်ဝေခဲ့ပါသည်။ နိုင်ငံရေးအကျဉ်းသားများ၏ ကျန်းမာရေး အခြေအနေများသည်၂၀၁၀ ခုနှစ်ထဲတွင်လည်း တိုးတက်လာခြင်းမရှိသည့် အပြင်စနစ်တကျ ကျူးလွန်နေသည့် ညှဉ်းပမ်းနှိပ်စက်မှု၊ နှစ်ရှည်ထောင်ဒဏ်များ၊ ဝေးလံခေါင်ဖျားဒေသ များသို့ ထောင်ပြောင်းခြင်းများနှင့်ဆေးကုသခွင့်ပေးရန် ငြင်းဆန်မှုများသည် အခြေအနေကို ပိုမိုဆိုးဝါးစေပါသည်။

ဗိုလ်ချုပ်ဆေထင် ကဲ့သို့ပင် ကျန်းမာရေးအတွက် ပြုစုစောင့်ရှောက်မှုမရသည့်အပြင် ဆေးဝါးကုသခွင့်ပါ ငြင်းပယ်ခံနေရသူ ဦးတင်ယု ၊ကိုမြအေးနှင့် ဦးခင်မောင်ချိုကဲ့သို့နိုင်ငံရေး အကျဉ်းသားပေါင်းအနည်းဆုံး ၁၄၂ ဦးရှိနေပါသည်။၎င်းတို့မှာ မိသားစုများနှင့်ဝေးရာ နယ်စွန်နယ်ဖျား ရှိထောင်များသို့ထောင် ပြောင်းခံထားရသူများဖြစ်ကြပါသည်။ ထိုနိုင်ငံရေးအကျဉ်းသားများ၏ ကျန်းမာရေး အခြေအနေ အားအေအေပီပီမှ အထူးစိုးရိမ်မိပါသည်။ ထိုသူများအနေဖြင့် ပြည့်စုံလုံလောက်သင့်တော်သည့် ဆေးဝါးကုသမှု အချိန်မီမရရှိပါက အသက်ရှင် လျက် ထောင်မှ ပြန်လွတ်နိုင်မည်မလွတ်နိုင်မည် ဆိုသည်မှာသံသယဖြစ်ဖွယ်ရှိပါသည်။

နိုင်ငံရေးအကျဉ်းသားများ ထောင်တွင်း၌သေဆုံးမှုများ
၂၀၁၀ခုနှစ် မေလတွင် အသက် ၃၉ နှစ်အရွယ်နိုင်ငံရေးအကျဉ်းသား ကိုကျော်စိုးသည်ထောင်၏ဆိုးဝါးလှသည့် အခြေအနေများ ကြောင့်အသက်ရှူလမ်းကြောင်းဆိုင်ရာဝေဒနာများ ခံစားနေရသော်လည်းထောင်အာဏာပိုင်များမှ ဆေးဝါးကုသမှုမပေးခဲ့သဖြင့် မြင်းခြံ ထောင်တွင်း၌အသက်ဆုံးရှုံးခဲ့ရပါသည်။ ကိုကျော်စိုး သည်ညှဉ်းပမ်းနှိပ်စက်မှု၊ အစားအစာချို့တဲ့ဆင်းရဲမှုနှင့် ဆေးဝါးကုသမှုပြည့်စုံ လုံလောက်စွာမရရှိခြင်းတို့ကြောင့် ၁၉၈၈ ခုနှစ်မှစတင်၍ ထောင်တွင်း၌၁၄၄ ဦးမြောက်သေဆုံးခဲ့သူ နိုင်ငံရေးအကျဉ်းသားဖြစ်သည်။

ကိုကျော်စ
Assistant Association for Political Prisoners (Burma)
Office Ph: 66-55-545495
Web: http://www.aappb.org, http://www.fbppn.net

"There can be no national reconciliation in Burma, as long as there are
political prisoners."

အပြည့်အစုံသတင်းဖတ်ရန်....

ငါးမင်းဆွေ ၏ ဒိုင်ပွဲရပ်..နောက်ကောက်..ရှေုသွားတွေ အပေါက်လိုက် ဖောက်


aegga... (photo)

အပြည့်အစုံသတင်းဖတ်ရန်....

.ဦးဝင်းတင် နယူးယောက်တိုင်း ပိုစ့်ကိစ္စ ရှင်းလင်းချက်

ဦးဝင်းတင်နယူးယောက်တိုင်းပိုစ့်ကိစ္စရှင်း... by yeyintnge

အပြည့်အစုံသတင်းဖတ်ရန်....

ခေတ်သစ် မြန်မာ့လွတ်တော်



ဧရာဝတ်ီမှ

အပြည့်အစုံသတင်းဖတ်ရန်....

ရှားးးးရှားးးးးဘာရှားးးလဲ * ရုရှား* တဲ့ ကွယ်

Supyae Sandar ၏ FACEBOOK စာမျက်နှာမှ

မဆလ စစ်အာဏာရှင် ခေတ် ကာလကတွင် သာမန်စစ်ဗိုလ် တစ်ယောက်အနေဖြင့် နိုင်ငံခြား သို့ ပညာတော်သင် သွားရောက် ဖို့ရာမှာ ကြုံတောင့်ကြုံခဲ အခွင့်အရေး တစ်ရပ်ပင် ဖြစ်ပါတယ်။ အမေရိကန်နိုင်ငံနှင့် အဆင်ပြေခဲ့စဉ်က အမေရိကန်နိုင်ငံသို့ သင်တန်းသွားတက်ရ ဖို့ကို အရာရှိ တော်တော်များများက ကျားကုပ်ကျားခဲ ကြိုးစားသင်ယူ ဖြေဆိုခဲ့ကြ ရပြီး ရှားရှားပါးပါး မြန်မာ့ တပ်မတော် တစ်ခုလုံးအ နေဖြင့် ဗိုလ်မှူးအဆင့်ရှိ အရာရှိနှစ်ဦး (ဗိုလ်မှူးသန်းအောင်နဲ့ ဗိုလ်မှူးမြငြိမ်း) သာ ရွေးချယ်ခံရကာ ခက်ခက်ခဲခဲ သွားရောက်ခဲ့ ဖူးပါတယ်။
.
၁၉၈၈ နောက်ပိုင်းမှာ တရုတ်နိုင်ငံသို့ ပညာတော်သင်သွားခဲ့သော တပ်မတော် အရာရှိများ ရှိခဲ့သော်လည်း ညွှန်ကြားရေးမှူးရုံးများနှင့် ပညာသည် တပ်ဖွဲ့များသာ ဥပမာ - (တင့်ကား၊ သံချပ်ကာ၊ အမြောက်၊ ဆက်သွယ်ရေး၊ ရေတပ်၊ လေတပ်) စတဲ့ တပ်များမှ အရာရှိများ သာ သွားရောက်ခဲ့ရပြီး သာမန်ခြေလျင် တပ်က အရာရှိများအဖို့ အခွင့်အလမ်း နည်းပါးသေးကြောင်း တွေ့ရပါတယ်။ သို့ရာတွင် ရုရှား နိုင်ငံသို့ သွားရောက် ပညာတော်သင်ရမည့် အစီအစဉ် စတင်ချိန်မှာတော့ စစ်တက္ကသိုလ် ကျောင်းဆင်းချိန်မှစပြီး သာမန် ခြေလျင်တပ် မှာ တာဝန်ထမ်းဆောင်ဖို့ မလိုတော့ဘဲ အရာရှိထောင်နဲ့ချီကာ နိုင်ငံခြားသို့ ဆက်လက် ပညာဆည်းပူးနိုင်ရန် သွားရောက်ခွင့် အခြေအနေ ရှိလာပါတယ်။ ပညာ တော်သင် အရာရှိတစ်ဦးရဲ့ လစာကို ဒေါ်လာငွေဖြင့် ပေးသလို အဆင့်မြင့် နည်းပညာ အပါအ၀င် နျူကလီးယား ပညာရပ်ထိ သင်ယူဖို့ ရှိတာမို့ တပ်မတော် အရာရှိတိုင်း လှုပ်လှုပ်ရွရွနဲ့ စိတ်ကူးယဉ်ခဲ့ကြပေမဲ့ လစာငွေတွေ ပြည်တွင်းမှာ ရုတ်တရက် အဆပေါင်းများစွာ တိုးပေးလိုက်မှုကြောင့် လက်တွေ့နယ်ပယ်မှာ နိုင်ငံခြား ပညာတော် သင်တွေဟာ မှန်းချက်နဲ့ နှမ်းထွက်မကိုက် ဖြစ်ခဲ့ရ ကြောင်း သိခဲ့ရပါတယ်။

ထို့အပြင် ရုရှားသို့ သွားရောက် ပညာသင်ကြားသူများမှာ စောစီးစွာ ချောင်ထိုးခံရသူများ၊ အစတေးခံရသူများ ဖြစ်သွားပုံတွေ၊ ရုရှား ပညာတော်သင် အဖွဲ့တွင် လူကြီးသားသမီးများ ပါဝင်မလာရခြင်းအတွက် အံ့သြဖွယ်ရာ တွေ့ရှိရပုံတွေ၊ ရုရှား ပညာတော်သင် သွားသူများမှာ ကျီးလန့်စာစားနှင့် နေထိုင်ပြီး ပညာသင်ယူနေကြပုံတွေ၊ စစ်အာဏာရှင်တွေဟာ ရုရှားမှာ နျူကလီးယား ပညာရပ်ကို သွားသင်ခိုင်းပြီး ကမ္ဘာမှာ Super Power နိုင်ငံတစ်ခုဖြစ်ဖို့ ဖြတ်လမ်းကနေ ကြံစည်နေမှုအား သုံးသပ်ထားပုံတွေမှာ အလွန်သေသပ်လှပသော လှည့်စားမှူတစ်ခု ဖြစ်နိုင်နေမည်မှာ မလွဲဧကန်ပင်ဖြစ်နိုင်ပါတယ်။

“ရုရှားသို့ ပညာတော်သင် သွားခြင်း” ဆိုတဲ့ ဝေါဟာရတစ်ခုဟာနှောင်းပိုင်း စစ်တက္ကသိုလ်တွင် အတော်လေးကို ခေတ်စားလာခဲ့ပါတယ်။ ကိုယ့်ရဲ့ ဘယ် Guardian ကဖြင့် ရုရှားကို ရောက်သွားပြီ၊ ဘယ်သူကဖြင့် သွားရတော့မည်၊ စသဖြင့် စသဖြင့် အားကျစဖွယ် ကြားသိခဲ့ရ ပြောပြရင်း အထင်ကြီးခဲ့ကြမည်မှာ အလွန်သေချာပါသည်။အတော်လည်း ရူးသွပ်မိကြမည်ဆိုတာထင်ရှားပါသည်။ ၎င်းအတွက်ပင် စာကိုလည်း ပိုကြိုးစားကြမည် ဟုလဲထင်မိပါသည်။ သူတို့ အတွေးများတွင်တော့ စစ်ဗိုလ်ဘ၀နှင့် နိုင်ငံခြားပညာတော်သင် သွားရပါက အဘယ်မျှ ဂုဏ်ယူစရာ ကောင်းလှမည်နည်းပေါ့။

ရုရှား ပညာတော်သင် သွားရမည့် အရာရှိငယ်များသည် ပြင်ဦးလွင် (စစ်တက္ကသိုလ် စာပေ - ၂) ၌ ရုရှား ဘာသာစကားအား (၇) လ သင်ကြား ခဲ့ကြရပါသည်။ မနက် (၈) နာရီမှ (၁၁) နာရီအထိ စာသင်၊ ပြီးလျင် ဟင်းကောင်းထမင်းကောင်းများစားသောက် ပြီးလျင်

12 နာရီမှ 2 နာရီ အထိသင်၊ ကျန်အချိန်များမှာ အရာရှိငယ်များ၏ ကိုယ်ပိုင်အချိန်များဖြစ်သည်။ကိုယ့် ရီစစ်(ဘာသာစကား) ဆရာမနှင့် ပိုင်လျှင်ပိုင်သလို အတန်းမတက်လဲ အဆင်ပြေကြပါတယ်။၎င်းတို့ အနေနှင့် ရုရှား သွားမည့်ရက်ကိုသာ သက်တောင့်သက်သာ လက်ချိုးပြီး စောင့်နေရုံ ဖြစ်ပါတယ်။

ရုရှားရောက် အကိုတော်အရာရှိများသည် ငါးစားသာမြင်၍ ငါးမျှားချိတ် မမြင်ဆိုသော အဖြစ်မျိူးဖြစ်နေသည်ကို

သတိမထားမိကြပေ။“သိပ္ပံနှင့် သုတေသနတပ်” အား ဖွဲ့စည်းလိုက်ကာ ရုရှားမှ ပြန်ရောက်လာသော အရာရှိများအား ၎င်းတပ်အတွင်းသို့ သွတ်သွင်းလိုက်သည့် လုပ်ရပ်သည် တပ်မတော်မှ စောစီးစွာ အရပ်ဘက်သို့ အပို့ခံရသော အရာရှိငယ်များဘ၀သို့ ရောက်ခြင်းမလှ ရောက်ခဲ့ရပါတော့တယ်။ အသုံးချခံ အစတေးခံ ဘ၀များသို့ ရောက်ရှိခဲ့ကြ ရပါတော့တယ်။

သို့ရာတွင် ထူးခြားသည်ကား ၎င်းရုရှားပညာတော်သင် အဖွဲ့များတွင် လူကြီးသား သမီးများ ပါဝင်မလာခြင်းပင် ဖြစ်ပါတယ်။ သာမာန်အရာရှိများ ငမ်းငမ်းတက် သွားချင်လှသော ရုရှားအား အဘယ်ကြောင့် လူကြီးသားသမီးများ မသွားချင်ရသနည်း၊ နောက်ကွယ် မှာ ဘာတွေ မြုပ်ကွက်ရှိနေသနည်း။ မေးခွန်းပေါင်းများစွာ မေးစရာ ဖြစ်လာပါတယ်။ လူကြီးသားသမီး ဆိုသူများသည် ရုရှားပြန်များအား ဂုတ်ခွစီးဖို့ အာဏာပိုင် နေရာများဆီသို့ ချီတက်သွားကြပြီဆိုတာ မသိကြလေရော့လား အကိုတော်တို့ရယ်။

ရုရှားရောက် အရာရှိများ အနေနှင့် ၎င်းတို့ အဓိကထား စဉ်းစားရမည့် အချက်များကို မေ့နေဟန်တူပါတယ်။

“ဒီ နျူကလီးယား ပညာရပ်ကို သင်ကြားနေရတာ ဘာအကျိုးအမြတ် အတွက်လဲ? "

“လျှပ်စစ်မီး ဖောဖောသီသီ သုံးနိုင်အောင်လို့လား?”

“နျူကလီးယား လက်နက်တွေထုတ်ပြီး ကမ္ဘာ့ Super Power နိုင်ငံတစ်ခု ဖြစ်ချင်လို့လား”

လျှပ်စစ်မီး ထုတ်လုပ်ဖို့ဆိုရင်တော့ သူများနိုင်ငံသွားပြီး နျူကလီးယား ပညာရပ်ကို သွား သင်နေစရာ မလိုပါ။ ကိုယ့်နိုင်ငံမှာ ထွက်တဲ့ သဘာဝဓါတ်ငွေ့တောင် နှစ်ပေါင်း ၂၀၀ လောက် လျှပ်စစ်မီးပေးလို့ ရပါတယ်။ အဲဒီ သယံဇာတတွေကိုတော့ တခြားနိုင်ငံတွေကို ရောင်း ပြီး နျူကလီးယား ပညာရပ်က လျှပ်စစ်မီးအတွက် စက်မှုထွန်းကားဖို့အတွက် သွား သင်နေရတာပါ ဆိုရင်တော့ ဒါ အကြောင်းပြ ချက် သက်သက်သာ ဖြစ်နေပါလိမ့်မည်။ လုံးဝ မခိုင်လုံပါ။ လက်မခံနိုင်ပါ။

ဒါဖြင့် ဘာကြောင့် ရုရှားကို နျူကလီးယား ပညာရပ် သွားသင်နေရတာလဲ? ရိုးရိုးလေး စဉ်းစားကြည့်ပါ၊ ကမ္ဘာမှာ Super Power နိုင်ငံ တစ်ခုဖြစ်ဖို့ ဖြတ်လမ်းကနေ ကြံနေတာကို တွေ့ရပါလိမ့်မယ်။ မေးလိုက်ချင်ပါသေးတယ် အကိုတော်အရာရှိတို့ရယ်

(၁) နျူကလီးယား လက်နက်တွေ ထုတ်လုပ်ဖို့အတွက် မြန်မာပြည်မှာ စီးပွားရေး အဆောက် အအုံတွေ ခိုင်မာနေပြီလား?

(၂)နိုင်ငံခြားဝင်ငွေတွေ ဒလဟော ရနေပြီလား?

(၃)ပြည်တွင်း ကုန်ထုတ်လုပ်မှု စွမ်းအားတွေ သိပ်ကိုမြင့်မားနေပြီလား?

(၄)မြန်မာပြည်သူတွေရဲ့တစ်ဦးချင်း ၀င်ငွေတွေ မြင့်မား ခိုင်မာနေပြီလား?

အဲ့ဒါတွေတောင်မှ ဝေလာဝေးတဲ့ အခြေအနေတွေမှာ နျူကလီးယားSuper Power နိုင်ငံတစ်ခုဖြစ်ဖို့ လုပ်နေပါတယ်ဆိုတဲ့
ကိစ္စရပ်တွေဟာ ၀ မရှိပဲ ၀ိ လုပ်နေတာတွေချည်းပါပဲ။

အဲ့ဒါတွေ မပြီးပြည့်စုံပဲနဲ့ နျူကလီးယား လက်နက်ကိုချည်း ထုတ်ဖို့ ကြိုးစားနေမယ်ဆိုရင် မြန်မာပြည်သူတွေ ဆင်းရဲတွင်း နက်သထက် နက်သွားလိမ့်မည်မှာ လူပြိန်းတောင် သိ နေပါတယ်။ ပြည်သူ့ ဘဏ္ဍာတွေ အကုန်လုံး အဲဒီနျူကလီးယား စီမံကိန်းထဲမှာ နစ်မြုပ်သွားမှာ အသေအချာပင် ဖြစ်ပါတယ်။ နောက်တစ်ခုက ပြင်ပကမ္ဘာနဲ့ အဆက်ပြတ်ပြီး မြန်မာပြည်ကြီး အထီးကျန် ဆန်သွားမှာ သမိုင်းဗီလိန် ဖြစ်သွားမှာကိုရော မစိုးရိမ်ကြဘူး လားဟု မေးစမ်းချင်ပါတယ်။ တကယ့်ကို တိုင်းပြည်အပေါ် ချစ်ကြစမ်းစေချင်ပါသည်။

အဲဒီတော့ ရုရှားရောက် အရာရှိများအနေနဲ့ စဉ်းစားကြည့်စေချင်ပါတယ်။ကမ္ဘာမှာ လူမိုက်လုပ်ချင်သလား၊ မြန်မာပြည်သူတွေ ချမ်းချမ်း သာသာနဲ့ လူတန်းစေ့ နေနိုင်တာကို မြင်ချင်သလားဆိုတာ စဉ်းစားတတ်မည်ဟု ထင်ပါတယ်။ပြည်သူတွေ ချမ်းချမ်းသာသာနဲ့ စိုပြေနေ တာကို အရင်မြင်ချင်တယ်။ အဲ့ဒီလို အဆင့်ကို ရောက်ပြီးမှ နျူကလီးယား ကိစ္စကို ဆက်ဆွေးနွေးကြရင် မကောင်းဘူးလား”???

စိတ်ကူးယဉ် နျူကလီးယား နည်းစနစ်တွေ အတွက် ငွေကြေးအကုန်ခံမဲ့အစား အဆင့်မြင့် နည်းစနစ်တွေနဲ့ မော်တော်ကား ထုတ်လုပ်တဲ့ နည်းပညာ တွေဝယ်မယ်၊ စက်ရုံတွေထောင်မယ်၊ လေယာဉ်တွေကို ထုတ်လုပ်မယ်ဆိုရင် ပြည်သူတွေ အတွက် အလုပ်အကိုင် အခွင့်အ လမ်း တွေ ပေါ်မလာဘူးလား ။နျူကလီးယား ထုတ်ဖို့ချည်း အတင်းစိုင်းပြင်းနေတော့ မြန်မာပြည်ကြီး ဆင်းရဲသထက် ဆင်းရဲသွားမှာ မြေကြီး လက်ခတ် မလွဲပါပဲ၊ အဲဒီ နျူကလီးယား ထုတ်လုပ်ဖို့ စီမံကိန်းအတွက် ကုန်ကျငွေဟာ လေယာဉ်စက်ရုံ အခု တစ်ရာ မက တည် ဆောက်တဲ့ အားနဲ့ သွားညီနေပါတယ်။

ဒါလဲ နျူကလီးယားကို( ရ - မရ ) ဆိုတာ မသေချာပါ။ ရမလားဆိုတဲ့ မျှော်လင့်ချက်နဲ့ ကိုယ်က ကိုယ့်နိုင်ငံရဲ့  ရေနံတွေ တွင်းထွက်တွေ ကို အလကားနီးနီး ရောင်းပေးနေရပါတယ်။ မိအေးက နာပြီးရင်းနာနေရတဲ့ အဖြစ်မျိုးကို သိကြစေချင်ပါတယ်။ လူပြိန်းတောင် နားလည် နိုင်ပါတယ်။ အဲဒီတော့ ရုရှား ပညာတော်သင် အကိုတော်များအနေနှင့် ကိုယ်လုပ်နေရတဲ့ အလုပ်ဟာ ပြည်သူတွေ ကောင်းကျိုး အတွက် လား၊ စစ်တပ် ခေါင်းကြီးပိုင်းတစ်စုရဲ့ တန်ခိုးအာဏာ ကြီးထွားရေး အတွက်လားဆိုတာ ပြန်စဉ်းစားကြပါလို့ ပြောကြားချင် ပါတယ် ။

“တပ်မတော်သည် ပြည်သူအတွက်” ဆိုတဲ့ ခံယူချက်လေး အခြေခံပြီး စဉ်းစားခဲ့မယ်ဆိုရင်တော့ အကိုတော်များအနေနှင့် အဖြေတစ်ခု တော့ ထွက်လာပါလိမ့်မည်။

ပြည်သူ့အတွက်လို့ မစဉ်းစားရင် တိုင်းပြည်အတွက် ဆိုတာလည်း စဉ်းစားတတ်မှာ မဟုတ်ပါ။ အဲဒီ တိုင်းပြည်ထဲမှာ ပြည်သူထဲမှာ ကိုယ့် ရဲ့ မိဘ၊ ဆွေမျိုး မောင်နှမ၊ သူငယ်ချင်း ရောင်းရင်း၊ ယုတ်စွအဆုံး ကိုယ့်ရဲ့ မျိုးဆက်သစ် ရင်သွေးလေးတွေလည်း ပါလာဦးမှာမို့ ကိုယ့်ကိုယ်ကိုတော့ လေးစားကြပြီး မှန်ကန်မြင့်မြတ်တဲ့ အတွေးအခေါ် အယူအဆတွေ မွေးကြရအောင်လို့ တိုက်တွန်းလိုက်ရပါတယ်။

အကိုတော်များအနေနှင့် ကပ်သတ်ပြီး ပြောလို့ရမယ့် စကားတွေရှိနေပါတယ်။ဥပမာ ရုရှားကပညာတော်တွေဟာ နျူကလီးယားအတတ် ပညာတစ်ခုတည်းကို လေ့လာနေရတာမဟုတ်ဘူးလို့ ပြောနိုင်လာပါသေးတယ်။

တစ်ခြားပညာရပ်များဖြစ်တဲ့ ကွန်ပြူတာပရိုဂရမ်းမင်းရေးနည်းများ ၊ မော်တော်ကားတပ်ဆင်ရေးများ ၊ လေယာဉ်ပျံအစိတ်အပိုင်း ပြင်နည်းများ ၊ထိုထိုသော ပညာရပ်များလဲသင်ကြားနေရတဲ့ သူတွေလဲရှိသေးတယ်ဆိုတာ သိပါတယ်။ သို့သော် ထိုပညာရပ်များအတွက် ရုရှားအထိသွားရောက်ပြီး လေ့လာသင်ယူစရာမလိုပါ။တမင်ပုံကြီးချဲ့၍ လည်း မပြောကြားစေလိုပါ။ဥာဏ်နှင့်ယှဉ်၍ အားလုံးကိုသေချာစွာ စဉ်းစားသုံးသပ်စေလိုပါတယ် ။...............................


(ရုရှားရောက် အကိုတော်အရာရှိများအတွက် အမှတ်တရ ရေးသားလိုက်ပါကြောင်း နှင့် တိုင်းပြည်နှင့်လူမျိူး အကျိူးကို အမှန်တစ်ကယ် သယ်ပိုးရွက်ဆောင်နိုင်သော သားကောင်းဇာနည်များ ဖြစ်ကြပါစေလို့ ဆန္ဒပြုလိုက်ရပါ၏ ။)

ညီမလေးစုပြည့်မှ..လက်ဆောင်

အပြည့်အစုံသတင်းဖတ်ရန်....

သမ ချင်သလား..ပြည်သူ့ အချစ်တော်ကြီးက ဒီမှာနေတယ်။

နအဖ စစ်အုပ်စု လောက်ကောင် ငါးမင်းဆွေကို ချီးထုပ်လက်ဆောင်များ သွားပေးကြချင်ရင်

ငါးမင်းဆွေ (ဦးမင်းဆွေ) ဖုန်း - ၅၂၇၇၆၇၊ ၀၉ ၈၇၁၈၀၈၀
ငါးမင်းဆွေ (လိပ်စာ): တိုက် ၁၄၊ အခန်း ၁၆ လှိုင်မြင့်မိုရ်အိမ်ရာ လှိုင်မြို့နယ်၊ ရန်ကုန်
ငါးမင်းဆွေ: ငါးမင်းဆွေ (ဦးမင်းဆွေ) ၁၀/သဖ၇ (နိုင်) ၀၄၃၈၀၅

အပြည့်အစုံသတင်းဖတ်ရန်....

Monday, November 29, 2010

ဒီလူ ဟိုလူ..အဲ ဟုတ်ဖူး..ဟောဒီလူ (သောက်မြင်ကပ် ပုဒ်မ)

မသေချာမရောရာဘဲ..ဟိုလူပါ ဒီလူပါ ဟုတ်ဖူး မှားတွားတယ် ဘွာတေးဘွာတေးလုပ်နေ . ထားခဲ့သူ စစ်သားကဖြင့် အိမ်ပြန်အိပ်တာ တရေးရနေပြီ
အင်တာနက်ဆိုင် ဗုံးအတွက် တခြား ၂ ဦးကို ပြောင်းလဲ သံသယဖြစ်
ယခင်ထုတ်ပြန်မှု (အပေါ်ပုံ) နှင့်

ယခု ပြင်ဆင် ထုတ်ပြန်သည့်ပုံ
မိုးမခအထောက်တော်၊ ရန်ကုန် မှ
မြန်မာရဲတွေများ အတော် တော်တယ်နော်။ မကောင်းသူထိပ် ကောင်းသူထိပ်ဘဲ။ တွေ့ရာလူဆွဲတယ်။

အပြည့်အစုံသတင်းဖတ်ရန်....

ဆွံအနေသော လွှတ်တော် ကိုယ်စားလှယ်များသာ အလိုရှိသည်။ (ကြံဖွတ်လွှတ်တော်)

လွှတ်တော်တွင်း ပြောဆိုခွင့် ကန့်သတ်အမိန့် ၂၀၀၈ ဖွဲ့စည်းပုံ မလေးစားဟု ဥပဒေပညာရှင် ဝေဖန်
By မသိင်္ဂီထိုက် တနင်္ဂနွေ, 28 နိုဝင်ဘာ 2010

ရွေးကောက်ပွဲအပြီး ဖွဲ့စည်းခေါ်ယူမယ့် လွှတ်တော်ထဲမှာ အနိုင်ရ လွှတ်တော်ကိုယ်စားလှယ်တွေ အနေနဲ့ လက်ရှိ စစ်အစိုးရ မူဝါဒတွေကို ထိပါး ပြောဆိုတာတွေ၊ နိုင်ငံတော် လုံခြုံရေး ထိခိုက်စေတဲ့ အပြောအဆိုတွေ အပါအ၀င် လွှတ်တော်တွင်း ဆန္ဒပြတာတွေ မလုပ်ရဆိုပြီး ကန့်သတ်လိုက်တဲ့အပေါ် အနိုင်ရ လွှတ်တော် ကိုယ်စားလှယ်တွေက တုံ့ပြန် ပြောဆိုမှုတွေ ရှိနေပါတယ်။ အပြည့်အစုံကို မသိင်္ဂီထိုက်က တင်ပြပေးထား ပါတယ်။

ရွေးကောက်ပွဲအပြီး ရက် ၉၀ အတွင်း ခေါ်ယူမယ့် လွှတ်တော်အသီးသီးမှာ အနိုင်ရ လွှတ်တော်အမတ်တွေက လက်ရှိ အစိုးရ မူဝါဒတွေကို ထိပါးပြောဆိုတာ၊ နိုင်ငံတော် လုံခြုံရေးကို ထိပါးပြောဆိုတာ၊ နောက် လွှတ်တော်တွင်း ဆန္ဒပြတာတွေ လုပ်ရင် ထောင်ဒဏ် ၂ နှစ် ကျခံရမယ်လို့ စစ်အစိုရခေါင်းဆောင် ဗိုလ်ချုပ်မှူးကြီးသန်းရွှေက လက်မှတ်ရေးထိုးပြီး အမိန့်ပြန်တမ်းတစောင် ပြီးခဲ့တဲ့ သောကြာနေ့က ထုတ်ပြန် လိုက်တယ်လို့ AP သတင်းက ဖော်ပြလိုက်ပါတယ်။

လွှတ်တော် ဥပဒေတွေကို အနိုင်ရ လွှတ်တော်ကိုယ်စားလှယ်တွေနဲ့ လွှတ်တော်ခေါ်ပြီးမှ ချမှတ်လေ့ ရှိပေမဲ့ အခုပေါ်လာမယ့် လွှတ်တော်မှာ တော့ လွှတ်တော်မခေါ်ခင် ဒီဥပဒေတွေကို စစ်အစိုးရက ထုတ်လိမ့်မယ်လို့ ယူဆတဲ့အကြောင်း အနိုင်ရ လွှတ်တော်ကိုယ်စားလှယ် ရှေ့နေကြီး ဦးသိန်းညွန့်က ပြောပါတယ်။

“၇၄ တုန်းကတော့ ၇၄ လွှတ်တော်ခေါ်ပြီးရင် အခြေခံဥပဒေနဲ့ ဆက်နွယ်တဲ့ ဥပဒေတွေ ပြည်သူ့လွှတ်တော်က ပြဋ္ဌာန်းတာပေါ့။ အခု ၂၀၁၀ မှာကတော့ အခြေခံဥပဒေမှာ ပုဒ်မ ၄၄၃ ဆိုတာ အခြေခံဥပဒေ ကြိုတင်ပြင်ဆင်တဲ့ လုပ်ငန်းတွေကို SPDC က ဆောင်ရွက်တာဟာ ဒီအခြေခံဥပဒေက ဆောင်ရွက်တယ်လို့ မှတ်ယူရမယ်လို့ ပြဋ္ဌာန်းထားတယ်။ အဲဒါကြောင့် အဲဒီဥပဒေတွေကို နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီက လွှတ်တော်အစည်းအဝေး မခေါ်ခင် ပြဋ္ဌာန်းလိမ့်မယ်လို့ ထင်တယ်။”

လွှတ်တော်မှာ ကျင့်သုံးရမယ့် ဥပဒေကို လွှတ်တော်မခေါ်ခင် ထုတ်ပြန်တာက တရားမ၀င်ဘူးလို့ ပြည်ပအခြေစိုက် မြန်မာနိုင်ငံ ရှေ့နေများကောင်စီ ဥပဒေရေးရာ သုံးသပ်ရေးအဖွဲ့ ခေါင်းဆောင် ဦးမျိုးက ဆိုပါတယ်။

“လွှတ်တော်ဥပဒေဆိုတာ ၂၀၀၈၊ ၂၀၁၀ မှာ သူတို့က ပြည်ထောင်စုလွှတ်တော် ခေါ်မှသာလျှင် ၂၀၀၈ က အတည်ဖြစ်တယ်။ ပြည်ထောင်စု လွှတ်တော်ကသာလျှင် အဆင့်ဆင့် ဥပဒေ ပြဋ္ဌာန်းရဦးမယ်။ အဲဒီပြဋ္ဌာန်းပြီးမှသာလျှင် လွှတ်တော်ထဲမှာ ကျင့်သုံးလို့ရတယ် ဥပဒေကို။ အခုကတည်းက ပြဋ္ဌာန်းပြီး အခုကတည်းက ကျင့်သုံးမယ်ဆိုတာ ဥပဒေကို မလေးမစား လုပ်တာလည်း ဖြစ်တယ်။”

ရွေးကာက်ပွဲ အနိုင်ရ စစ်တွေမြို့ အမျိုးသားလွှတ်တော် ကိုယ်စားလှယ် ဒေါက်တာ အေးမောင်ကတော့ လွှတ်တော်ထဲမှာ လွတ်လွတ်လပ်လပ် ပြောဆိုခွင့်က ၂၀၀၈ အခြေခံဥပဒေမှာ ပြဋ္ဌာန်းပြီးသား ဖြစ်တယ်လို့ အခုလို ပြောပါတယ်။

“ဖွဲ့စည်းပုံ အခြေခံဥပဒေ ၂၀၀၈ မှာလည်း လွတ်လွတ်လပ်လပ် ပြောဆို ဆွေးနွေးပိုင်ခွင့် ရှိတယ်ဆိုတဲ့ ပုဒ်မတွေ ပါပါတယ်။ အခြေခံဥပဒေဟာ ဥပဒေအားလုံးရဲ့ မူရင်း ပထမ မူလကိုး။ အခြေခံဥပဒေ ဘောင်ထဲမှာပါတဲ့ လွတ်လွတ်လပ်လပ် ဆွေးနွေးခွင့်တို့၊ ငြင်းခုံခွင့်တို့၊ တင်ပြခွင့်တို့ ဆိုတာလည်း လူတဦးချင်းရဲ့ လူ့အခွင့်အရေးတွေပါ။ အဲဒါတွေကို ပြည်ထောင်စု လွှတ်တော်တို့၊ အမျိုးသားလွှတ်တော်တို့၊ ပြည်သူ့လွှတ်တော်တို့မှာ ဆွေးနွေး ငြင်းခုံခွင့်တော့ ရှိကြရမှာပဲလေ။ အဲဒါကို ဘောင် ဘယ်လိုကန့်သတ်ထားသလဲလို့ ကျနော်တို့လည်း မသိရသေးတော့ အသေးစိတ်တော့ ပြန်ပြီး ရှင်းပြဖို့ ခက်ပါလိမ့်မယ်။”

နိုင်ငံရေးပါတီတခု အနေနဲ့ရော တိုင်းရင်းသား လွှတ်တော်အမတ်တဦး အနေနဲ့ပါ တိုင်းပြည်စည်းလုံးမှု ပြိုကွဲအောင် ဘယ်သူ တဦးတယောက်ကမှ လုပ်ဆောင်လိုမှာ မဟုတ်သလို အခုဖြစ်နေတဲ့ လက်နက်ကိုင် အဖွဲ့အစည်းကိစ္စ အပါအ၀င် တိုင်းရင်းသား စည်းလုံးညီညွတ်မှုအတွက် လိုအပ်တာတွေကို ဆွေးနွေး အဖြေရှာလိုကြသူတွေပါလို့ ဒေါက်တာ အေးမောင်က ထည့်ပြောပါတယ်။

စစ်အစိုးရခေါင်းဆောင်က လွှတ်တော်ထဲမှာ ပြောရေးဆိုခွင့် ပိတ်ပင်လိုက်တာကလည်း လူ့အခွင့်အရေး ချိုးဖောက်လိုက်တာ ဖြစ်တယ်လို့ ရှေ့နေများ ကောင်စီက ဦးမျိုးက ဆိုပါတယ်။

“Freedom of Expression ဆိုတာ ရှိတယ်။ Freedom of Expression ဆိုတာ အပြင်မှာလည်း ရှိတယ်၊ လွှတ်တော်ထဲမှာလည်း ရှိတယ်။ အဲဒီ Freedom of Expression က လူ့အခွင့်အရေး ကြေညာချက် ၁၉ မှာ ပါတယ်။ Article 19 လို့ ခေါ်ပါတယ်။ အဲဒီ Article 19 ကို ချိုးဖောက်လိုက်တာလည်း ဖြစ်တယ်ဗျ။ အပြင်မှာ လူတိုင်းကို ပေးရမယ့် လူ့အခွင့်အရေးကိုတောင်မှ လွှတ်တော်ထဲမှာ မရဘူးဆိုရင် အဲဒီလွှတ်တော်က ဘယ်လောက်အထိ ကျဉ်းမြောင်း ကျပ်တည်းသွားမလဲဆိုတာ အခုကတည်းက ကြိုပြီး မြင်နိုင်တာပေါ့ခင်ဗျာ။”

ရွေးကောက်ပွဲအပြီး ရက်ပေါင်း ၉၀ အတွင်း လွှတ်တော်ခေါ်မယ်လို့ ရွေးကောက်ပွဲ ဥပဒေမှာ ပြဋ္ဌာန်းထား ပါတယ်။ ၂၀၀၈ ဖွဲ့စည်းပုံ အခြေခံဥပဒေကို လွှတ်တော်ထဲမှာ ပြင်မယ်၊ လွှတ်တော်ထဲမှာ ပြောရေးဆိုခွင့် အတိုင်းအတာ တခုအထိ ရလာနိုင်တယ်ဆိုတဲ့ မျှော်လင့်ချက်နဲ့ တချို့ ဒီမိုကရေစီ လိုလားတဲ့ ပါတီတွေနဲ့ တသီးပုဂ္ဂလတွေ ရွေးကောက်ပွဲမှာ ပါဝင် ယှဉ်ပြိုင်ခဲ့ကြပါတယ်။ ဒါပေမဲ့ လွှတ်တော် မခေါ်ခင်မှာ အနိုင်ရ လွှတ်တော်ကိုယ်စားလှယ်တွေကို လွှတ်တော်ထဲမှာ ပြောခွင့် ဆိုခွင့်ကို ကြိုတင် ကန့်သတ်လိုက်တာ ဖြစ်ပါတယ်။
http://www.voanews.com/burmese/news/myanmar-parliament-110934339.html

ဆေးလိပ်မသောက်ရ။ ကွမ်းတံတွေးမထွေးရ။ နံရံကို ရှုးရှူမပန်းရ ဆိုတဲ့အပြင် မြန်မာနိုင်ငံလွှတ်တော်ထဲမှာ ဆိုင်းဘုတ်တခု တိုးလာပြီဗျ။ လွှတ်တော်အမတ် ပါးစပ်မဟရ။ စကား မပြောရ။

သူတ်ို့ လိုတဲ့ အရည်အချင်းနဲ့  ဆို ပုတ်သင်ညိုတောင် နောက် ၄၀ လွှတ်တော်အမတ် ၀င်ရွေးလို့ ရနေပါပကော။ ခေါင်းညိတ်တတ်ရန်သာ လိုသည်။ စကား ပြောတတ်ရန်မလို။

အပြည့်အစုံသတင်းဖတ်ရန်....

ဘယ်သူနိုင်ငံရေး သမားလဲ- * ရေးသားသူ-လူထုစိန်ဝင်း *



နိုင်ငံရေး မလုပ်တဲ့ သဘော မဟုတ်ဘူး

ဒီလို မယူဆတာက နိုင်ငံရေးကို စိတ်မ၀င်စားလို့ မဟုတ်ဘူး။ မနှစ်သက် လို့လည်း မဟုတ်ဘူး။နိုင်ငံရေးနဲ့ လုံးဝ ကင်းကင်းရှင်းရှင်း နေလို့လည်း မဟုတ်ဘူး။ သတင်းစာ အလုပ် လုပ်ရင်းနဲ့ နိုင်ငံရေး သတင်းတွေ ရေးသလို သုံးသပ် ဝေဖန်ချက်၊ ထင်မြင် ယူဆချက်တွေလည်း ရေးခဲ့တယ်။နိုင်ငံရေး သမား မျိုးစုံနဲ့လည်း ထိတွေ့ ဆက်ဆံခဲ့တယ်။ နိုင်ငံရေး ပါတီ တစ်ခုထဲ ပါဝင်ပြီး အချိန်ပြည့် နိုင်ငံရေး လုပ်သူ မဟုတ်တာကြောင့် နိုင်ငံရေး သမား မဟုတ်ဘူးလို့ ယူဆထားတာ ဖြစ်တယ်။ လုံးဝ နိုင်ငံရေး မလုပ်ဘူးဆိုတဲ့ သဘော မဟုတ်ပါဘူး။
လှေခါးထမ်း ကော်ပုံးဆွဲ
တကယ်ကတော့ အရွယ် မရောက်မီကတည်းက နိုင်ငံရေး လုပ်ခဲ့တာပါ။ ကောလိပ်ရောက်တော့ အသက် ၁၆နှစ် ပြည့်ခါစပဲ ရှိပါသေးတယ်။ မဲပေးနိုင်တဲ့ အရွယ် မရောက်သေးပါဘူး။ အဲဒီခေတ်က အစဉ်အလာတိုင်း ကောလိပ် ရောက်တာနဲ့ တပ်ဦး အဖွဲ့ဝင် တန်းဖြစ်သွားပြီး လှေခါးထမ်း ကော်ပုံးဆွဲ အလုပ်တွေ လုပ်ခဲ့ပါတယ်။ သတင်းစာတိုက် ရောက်တော့လည်း တကသ ရွေးကောက်ပွဲ သတင်းတွေ ရေးလိုက်၊ဖဆပလ၊ ပမညတ ဌာနချုပ်တွေ သွားလိုက်နဲ့ နိုင်ငံရေး ကိစ္စတွေနဲ့ ထွေးလုံး ရစ်ပတ် ဖြစ်နေခဲ့ရတယ်။ ကျောင်းနေဖက်တွေ ပမည တထဲ ရောက်သူရောက်၊ ဖဆပလထဲ ရောက်သူရောက်၊ ဗကပဖြစ်သူဖြစ်၊ အလံနီဖြစ်သူဖြစ် နောက်ဆုံး မဆလ ဖြစ်သူတွေ ဖြစ်သွားခဲ့ကြ ပေမယ့် ကိုယ်တိုင်ကတော့ ဘယ်ထဲမှ ရောက်မသွားခဲ့ဘူး။ စာနယ်ဇင်းလောက ထဲမှာပဲ ရှိနေခဲ့တယ်။

နိုင်ငံဝန် ထမ်းတာချင်း အတူတူ
ပါတီ ဆိုင်းဘုတ် တစ်ခုအောက် ရောက်သွားပြီး အချိန်ပြည့် နိုင်ငံရေးသမား မဖြစ်ပေမယ့် ကိုယ့်ဟာကိုယ်တော့ နိုင်ငံရေး လုပ်နေတယ်လို့ပဲ ခံယူထားတယ်။ စာနယ်ဇင်း လုပ်ငန်းဆိုတာ၊ နိုင်ငံရဲ့ လေးခုမြောက် မဏ္ဍိုင်မဟုတ်လား။ အုပ်ချုပ် ရေး၊ တရားစီရင်ရေး ဥပဒေပြုရေး ဆိုတဲ့ တခြား မဏ္ဍိုင်များ နည်းတူ နိုင်ငံ့ဝန်ကို အတူတကွ ထမ်းဆောင် နေရတာပဲ ဖြစ်တယ်။ အဲဒါကြောင့် စာနယ်ဇင်းသမား ဆိုတာလည်း အစိုးရ အဖွဲ့ထဲက ၀န်ကြီးဝန်ကလေးတွေလို၊ တရား လွှတ်တော်ချုပ် က တရားသူကြီးတွေလို၊ လွှတ်တော်ထဲက အမတ်တွေလို နိုင်ငံရေး လုပ်နေကြ သူတွေပဲလို့ ယူဆတယ်။ ခေတ်အဆက်ဆက်မှာ နိုင်ငံရေးသ မားတွေ ထောင်ထဲ ရောက်ကြသလို၊ စာနယ်ဇင်းသမားတွေလည်း ထောင်ထဲ ရောက်ကြရတာပါပဲ။

ကိုယ်ပိုင် ယုံကြည်ချက်ဖြင့် အလုပ် လုပ်တတ်စေချင်
အချိန်အခါ တစ်ခုက ကျောင်းဆရာ အလုပ်ကို နှစ်ပေါင်း နှစ်ဆယ်လောက် လုပ်ခဲ့ဖူးပါတယ်။ ဒီကျောင်းဆရာ အလုပ် လုပ်တာလည်း နိုင်ငံရေး လုပ်တယ်လို့ သဘောထားပြီး လုပ်ခဲ့တာ ဖြစ်ပါတယ်။ လူငယ်တွေကို ထမင်းစား ရေသောက် အင်္ဂလိပ်စကား တတ်ရုံလောက် သင်ပေးတာ မဟုတ်ဘဲ မျက်စိပွင့် နားပွင့်ပြီး အရာရာကို ကိုယ်ပိုင် ဦးနှောက်နဲ့ ခွဲခြမ်း စိတ်ဖြာဝေဖန် သုံးသပ်တတ်အောင် ကူညီပေးတာ ဖြစ်တယ်။

ဖော်ဂွတ်သွားသူတွေ
အဲဒီခေတ် အင်္ဂလိပ် စကားပြော သင်တန်းလာတက်လာသူ အများစုက နိုင်ငံရပ်ခြား တိုင်းပြည် အသီးသီးကို အပြီးတိုင် ပြောင်းရွှေ့ နေထိုင်ဖို့(Far good) သွားရောက်ကြမယ့် သူတွေများတယ်။ အခုခေတ်လို ကျောင်းတက်ဖို့၊ အလုပ်လုပ်ဖို့ ပတ်စပို့ ထုတ်ပေးလေ့ မရှိပါဘူး။အဲဒီလို အပြီးအပိုင် သွားကြမယ့် သူတွေကို မြန်မာနိုင်ငံရဲ့ ချစ်စရာ ကောင်းတဲ့ အချက်တွေ အသေးစိတ် ပြောပြပြီး "Home Sweet Home"ကိုယ့်အိမ်ကိုယ့်ယာထက် ကောင်းတဲ့နေရာ၊ ဘယ်မှာမှ မရှိဆိုတဲ့ ကဗျာကို တစ်သုတ်ပြီး တစ်သုတ် အဆက်မပြတ် သင်ကြား ပေးခဲ့တယ်။ သူတို့ နိုင်ငံခြား ထွက်တဲ့ အခါမှာလည်း "Home Sweet Home"ဆိုတဲ့ ကောက်ရိုး ပန်းချီကားကို လက်ဆောင် ပေးလေ့ရှိတယ်။ တချို့ တပည့်တွေရဲ့ အိမ်မှာ အခုချိန်ထိ အဲဒီ ပန်းချီကားလေးတွေ ချိတ်ဆွဲ ထားကြတာကို သူတို့က ဂုဏ်ယူစွာနဲ့ ဓာတ်ပုံ ရိုက်ပို့ကြတယ်။ အဝေးရောက်နေကြပေမယ့် မြန်မာပြည်ကို မမေ့ကြသေးပါလား ဆိုပြီး ကြည်နူးပီတိ ဖြစ်ရတယ်။

နိုင်ငံရေးသမား ဆိုတာ
နိုင်ငံရေး လုပ်တယ်ဆိုတာ နိုင်ငံရေး ပါတီဝင်မှ ရွေးကောက်ပွဲဝင်ပြီး အမတ် လုပ်မှ မဟုတ်ပါဘူး။ အများအကျိုးဆောင် ချင်တဲ့ ပရဟိတစိတ် ရှိသူမှန်သမျှ ဘယ်နေရာ ရောက်ရောက်၊ဘာအလုပ် လုပ်လုပ် နိုင်ငံရေးလုပ်လို့ ရပါတယ်။ စကားလုံး ကြီး ကြီးကျယ်ကျယ်တွေ ပြောဖို့ မလိုပါဘူး။ လူနားလည်ရခက်တဲ့ ဝေါဟာရတွေ မသုံးဘဲနဲ့ နိုင်ငံ အတွက်တို့၊၊ ပြည်သူ အတွက်တို့ ဆိုတဲ့ စကားမျိုးတွေ မပြောဘဲနဲ့ အများ အတွက် အလုပ်လုပ်တဲ့ သူမျိုးကိုမှ နိုင်ငံ ရေးသမားကောင်းလို့ ခေါ်နိုင်တာဖြစ်တယ်။ သူတော်စင် သူတော်ကောင်း ကျွတ်တမ်းဝင် ပုဂ္ဂိုလ်မြတ်များဟာ ကိုယ့်ကိုယ်ကိုယ် ရဟန္တာပဲလို့ ဘယ်တော့မှ ထုတ်ဖော်ပြောကြား လေ့မရှိပါဘူး။ ကိုယ့်ဂုဏ်ကိုယ်ဖော် မသူတော်ဆိုတဲ့ စကား အရှိသား မဟုတ်လား။

ညံ့တဲ့ စာရေးဆရာ
စာတွေပေတွေ ရေးတဲ့ အခါမှာလည်း အချစ်ဆိုတာ ဒါမျိုးပါ။ကျွန်တော် ဆိုလို တဲ့အချစ်ဆိုတာက ဒီလိုဟာမျိုး ဖြစ်ပါတယ်လို့ စာရေးဆရာက ရေးပြ နေရင်၊ အဲဒီ စာရေးဆရာဟာ တော်တော်ညံ့တဲ့ စာရေးဆရာ ဖြစ်တယ်။ ကျွမ်းကျင်တဲ့ စာရေးဆရာ ဆိုရင် အချစ်ဆိုတဲ့ စကားလုံး တစ်လုံးမှ မသုံးဘဲနဲ့ အချစ်အကြောင်း ပြောပြနိုင်ရမယ်။ ရှေးအခါက ဇာတ်သဘင် ပညာရှင်ကြီးများဟာ ခုခေတ်လို ပစ္စည်း ကိရိယာတွေရဲ့ အကူအညီ မပါဘဲနဲ့ အဆိုအပြော အမူအရာတွေနဲ့တင် ဇာတ်ရုပ်မျိုးစုံကို ပီပြင်အောင် သရုပ်ဆောင် သွားနိုင်ကြတယ်။ ဇောတိက သူဌေးကြီး အဖြစ် သရုပ်ဆောင်ရတဲ့ အခါမှာလည်း ဇာတ်သေတ္တာကြီးပေါ် ထိုင်ရင်းနဲ့ ပွဲကြည့် ပရိသတ်က သူဌေးကြီးအဖြစ် မြင်သွားအောင် သရုပ် ဖော်နိုင်ကြတယ်။ ခုခေတ်လို မော်တော်ကားကြီးတွေ၊ မော်တော်ဆိုင် ကယ်ကြီးတွေ ဇာတ်ခုံမှာ တင်ပြီး ပြစရာ မလိုပါဘူး။

စံပြုအပ်တဲ့ ပန်းသာမစာအု

ဆင်းရဲသား ကာက၀လိယ အဖြစ် သရုပ်ဆောင်တဲ့ အခါမှာလည်း တောင်ရှည် ပုဆိုးနဲ့ ဖဲအင်္ကျီလက်တို ၀တ်ပြီး အဆိုအပြောနဲ့ ဆင်းရဲ သား သဏ္ဍာန် ထွက်အောင် သရုပ်ဆောင် သွားကြတယ်။ ခုခေတ်လို သရုပ်မှန်ဖြစ်ဖို့ ဆိုပြီး နံငယ်ပိုင်းနဲ့ စုတ်ပြတ် ဖာထေးထားတဲ့ အင်္ကျီဝတ်ပြီး သရုပ်ဆောင်ပြတာမျိုး မလုပ်ပါဘူး။ ခုခေတ်က ၀တ်တာ စားတာသာ ဆင်းရဲသားနဲ့ တူတာ၊ ပြောပုံဆိုပုံနဲ့ မျက်နှာပေးကတော့ ဆင်းရဲသား သရုပ်နည်းနည်းမှ မပေါ်ပါဘူး။ မှန်တာ ပြောရရင် ဒီခေတ်မှာ ဇာတ်ကောင် စရိုက် ပီပြင်အောင် ရေးနိုင်တဲ့ စာရေးဆရာ မရှိသလောက် ရှားတယ်လို့တောင် ဆိုနိုင်တယ်။ ရှေးက ဆရာသခင်ဘသောင်းရဲ့ “ပန်းသာမစာအု” ၀တ္ထုကြီးဟာ နိုင်ငံခြား ၀တ္ထုကို ဆီလျော်အောင် မြန်မာပြန် ထားတဲ့ ၀တ္ထုဖြစ်တယ်။ ဒါပေမယ့် ဇာတ်ကောင်စရိုက်တွေ ပီပြင်လွန်းလို့ ဖတ်သူတိုင်းက မြန်မာ ၀တ္ထုလို့ပဲ မှတ်ထင်ခဲ့ကြရတယ်။

ကြယ်နီ၊ အောင်စိုးတို့စာတွေ
အလားတူပဲ ကြယ်နီရဲ့ တံငါဝတ္ထုတွေထဲက ကိုဒေါင်းစိန် ဆိုရင်လည်း တကယ့်ကို တံငါလိုတွေး၊တံငါလို ပြောပြီး၊ တံငါလိုပဲ ပြုမူတာ ကြောင့် ဒီနေ့အထိ တံငါဝတ္ထုတွေထဲမှာ တံခွန်စိုက် နေနိုင်ခဲ့တယ်။ အညာသား စာရေးဆရာ အောင်စိုးရဲ့ ညောင်ဦးနယ် တက်မရွာက အဘဖိုးစံရုံနဲ့ ရွာသူရွာသားတွေရဲ့ ကုန်းခေါင်ခေါင် အညာဒေသက တောသူတောင်သားတွေရဲ့ စရိုက်တွေဟာလည်း ပီပြင် လွန်းတာ ကြောင့် ရှုမ၀ ခေတ်အခါက နှုတ်ခမ်းနီမလေးတွေရဲ့ အသည်းစွဲလို့ ဆိုကြရတဲ့ တင့်တယ်တို့ ၀တ္ထုတွေနဲ့ အပြိုင် စာဖတ် ပရိသတ်က စွဲမက်ခဲ့ကြရတယ်။

ဇာတ်ကောင်နဲ့ စရိုက်တခြားစီခုခေတ် ၀တ္ထုတွေ ဖတ်ကြည့်လိုက်ရင်တော့ ဖတ်ပြီး စိတ်ပျက်ရတာ ပဲများတယ်။ ကိုဒေါင်းစိန်တို့၊ ဖိုးစံရုံတို့လို ရင်ထဲမှ စွဲနေရစ်တာမျိုး မတွေ့ရဘူး။ ကျေးလက်က ဆင်းရဲသား လယ်သမား၊ ဒါမှမဟုတ် လယ်သူမလေး အကြောင်း ရေးတော့ ရေးတာပဲ။ ဒါပေမယ့် ဇာတ်ကောင်နာမည်က စပြီး ကျေးလက် မဆန်တော့ဘူး။ မြို့က တက္ကသိုလ်ကျောင်းသူ ကျောင်းသားတွေလို နာမည်ဆန်းဆန်း တွေဖြစ်ပြီး ပြောကြတဲ့ စကားတွေက လည်း ကဗျာဆန်ဆန်နဲ့ ရုပ်ရှင်ထဲက စကားတွေလို ဖြစ်နေတော့ ဇာတ်ကောင်နဲ့ စရိုက်က ဘာမှကို မဆိုင်တော့ဘူး။ အဲဒီတော့ ဘယ်လိုလုပ်ပြီး ရင်ထဲ စွဲတော့မှာလဲ။ နောက်ပြီး ပိုဆိုးတာက အချစ်အချစ် ဆိုတဲ့ စကားလုံးတွေ ဘုံးဘောလအော ပါနေ ပေမယ့် တကယ့် အချစ်ဆိုတာ မတွေ့ရခြင်း ဖြစ်တယ်။ စကား အနေနဲ့သာ အချစ်အချစ်နဲ့ ဇာတ်ကောင်တွေက ပြောနေကြတာ၊ စာရေးဆရာ ကိုယ်တိုင် အချစ်ဆိုတာ ဘာမှန်းသိပုံ မရဘူး။

ဘယ်သူ နိုင်ငံရေးသမား စစ်စစ်လဲစာရေးဆရာက သူတို့ သိပ်ဆင်းရဲ ကြပါတယ်လို့ တစ်ခွန်းမှ ၀င်မပြောဘဲနဲ့ ဆင်းရဲ ခြင်း အကြောင်းပေါ်အောင် ရေးနိုင်မှ အချစ်ဆိုတဲ့ စကားလုံး တစ်လုံးမှ မပါဘဲနဲ့ အချစ်အကြောင်း ပေါ်အောင် ဖွဲ့နိုင်မှ စာရေး ကောင်းလို့ သတ်မှတ်ပါတယ်။ အလားတူပါပဲ နိုင်ငံရေး လုပ်တဲ့နေရာမှာလည်း နိုင်ငံရေး စကားတွေ တစ်ခွန်းမှ မပြောဘဲနဲ့ နိုင်ငံရေး လုပ်တတ်ဖို့ လိုပါတယ်။ အခု ခေတ်မှာ နိုင်ငံရေးသမား နာမည်ခံပြီး နိုင်ငံရေး မလုပ်ဘဲ ကိုယ့်အရေးကိုသာ လုပ်တဲ့ သူမျိုးရှိသလို နိုင်ငံရေးသမား နာမည် မခံပေမယ့် ကိုယ့်အရေးကို လစ်လျူရှုပြီး လူအများ အရေး၊ နိုင်ငံအရေးကို လုပ်တဲ့သူ မျိုးတွေလည်း ရှိပါတယ်။ ဘယ်သူဟာ နိုင်ငံရေးသမား စစ်စစ်လဲဆိုတာ ဘေးက အကဲခတ်ကြည့်လိုက်ရင် သိသာပါတယ်။

လူထုစိန်ဝင်း

(ပေဖူးလွှာ မဂ္ဂဇင်း၊၂၀၁၀)
မျှသူ ကိုမျိုး

အပြည့်အစုံသတင်းဖတ်ရန်....

 
----------------------------------------- */ /* EOT ----------------------------------------- */