သျှမ်းပြည် (မြောက်ပိုင်း) နမ့်ခမ်းမြို့နယ် ကွန်ဟိုင်းရွာ ရဲစခန်းက ရွာရှိ မူးယစ်ဆေးဝါးရောင်းသူများအားဖမ်းဆီး ခြင်း မရှိပဲ လာဘ်ငွေယူ၍ ရောင်းချခွင့် ပြုထားကြောင်း သိရသည်။
အိမ်ခြေ ၄၀၀ ခန့်ရှိသည့် ကွန်ဟိုင်းရွာတွင် မူးယစ်ဆေးရောင်းသူ ၆ ဦးခန့်ရှိပြီး တစ်ဦးလျှင် တစ်လစာ ကျပ်ငွေ ၅ သောင်း ရဲစခန်းသို့ လာဘ်ထိုးရကြောင်း ဒေသခံများထံမှ တဆင့် သိရသည်။
ရှေ့တစ်လ (သို့မဟုတ်) နှစ်လ မူးယစ်ဆေးရောင်းချခွင့် အတွက် ကြိုတင်ငွေကို လကုန်ရက်များတွင်ပေးသွင်းရ ကြောင်း သိရသည်။
ရဲတပ်ကြပ် အိုက်မောင်သည် ကွန်ဟိုင်းရဲစခန်းမှူးဖြစ်ပြီး မူးယစ်ဆေးရောင်းသူများမှာ စိုင်းရီထွန်း ၊ စိုင်းဆိုင်ထွန်း ၊ အိုက်ယွန့် ၊ စိုင်းရီခန့် ၊ စိုင်းမောင်မြင့်နှင့်စိုင်းမောင်တို့ ဖြစ်ကြောင်း သိရသည်။
နိူဝင်ဘာလ ၂၇ ရက်နေ့ကလည်း ကြူကုတ်(ပန်ဆိုင်း) မြို့နယ် နမ့်ဟွန်းရွာသူ ရာမ (ခေါ်) စိတ်ကြွရူးသွပ်ဆေး သုံးစွဲသူ လူငယ် ၅ ဦးကို ရဲကဖမ်းဆီးပြီး တစ်ဦးလျှင် ကျပ်ငွေ ၁၆၀၀ စီတောင်းယူ၍ ပြန်လွတ်ပေးခဲ့ကြောင်း သိရသည်။
သျှမ်းသံတော်ဆင့်
0 comments:
Post a Comment