နအဖတပ်နှင့် ဘီဂျီအက်ဖ်တပ်များ ကရင်ကျေးရွာများတွင် လူ့အခွင့်အရေးချိုးဖောက်မှုများရှိနေဆဲ

နော်အဲဏီ၊ ကောင်းဝါ တန်ဆောင်မုန်းလဆုတ် ၅ရက်။နိုဝင်ဘာ ၂၆၊၂၀၁၀။

နော်အဲဏီ(နိုဝင်ဘာ-၂၆)။ ။ကရင်ပြည်နယ် မြ၀တီခရိုင် ဝေါ်လေကျေးရွာတွင်တပ်စခန်းချနေသော တပ်ရင်းမှူး ဒုဗိုလ်မှူးကြီးကျော်စိုးလွင် ဦးဆောင်သော တပ်ရင်း(၄၀၉) သည် နိုဝင်ဘာလ(၂၃)ရက်နေ့တွင် ဝေါ်လေကျေးရွာရှိရွာသားများ၏အိမ်ကိုတက်ပြီး အိမ်တွင်းရှိ အင်္ကျီအ၀တ်အစားများ ၊ ကုတင်များနှင့် အခြားအသုံးအဆောင်ပစ္စည်းများကို ၄င်းတို့နေထိုင်ရာ တပ်စခန်း သို့ယူဆောင်သွားသည်ဟု ဝေါ်လေရွာသား တစ်ဦးကဆိုသည်။

အဆိုပါတပ်သည် ဝေါ်လေကျေးရွာရှိရွာသားများအား ကေအဲန်ယူနှင့်တိုက်ပွဲဖြစ်မည်ဟု ကြေညာပြီး ရွာသားများအား (၂၃)ရက်နေ့တွင် ရွာမှရှောင်ခိုင်းခဲ့သည်။

အဆိုပါရွာသားများ ရွာမှရှောင်ထွက်သွားချိန်တွင် ၄င်းတို့အဖွဲ့သည် အိမ်များသို့ တက်ရောက်ပြီး အကျီများ၊ ကုတင်များ ၊ အိမ်အသုံးအဆောင်အချို့နှင့်ကြက်၊ ဘဲများကို မိမိတို့ စခန်းရှိရာသို့ ယူဆောင် သွားသည်ဟု ဒေသခံရွာသားတစ်ဦးမှပြောပါသည်။

တိုက်ပွဲမဖြစ်သဖြင့် ညပိုင်းရွာသားများ မိမိတို့အိမ်သို့ပြန်လာရာ ၄င်းတို့ပျောက်နေသော ပစ္စည်းများကို နအဖ ၏ တပ်စခန်းတွင် တွေ့သည်ဟု ဆိုသည်။

အလားတူစွာပင် မြ၀တီခရိုင် နယ်ခြားစောင့်တပ်ရင်း (၉၉၉) တပ်ရင်းမှူး စောချစ်သူလက်အောက်ခံ တပ်ခွဲမှူး ဖားတောကူး ဦးဆောင်သည့်တပ်ဖွဲ့မှ နိုဝင်ဘာ(၂၂)ရက်နေ့တွင် အတွင်းမက်ကနဲကျေးရွာ၌ တပ်ဖွဲ့ဝင်များ စားနပ်ရိက္ခာအတွက်ဟုဆိုကာ တစ်အိမ်လျှင်(၅၀၀) ကျပ်ကောက်ခံခဲ့သည်ဟု ၄င်းရွာမှ ရွာသားတစ်ဦးပြောပါသည်။

"သူတို့အဖွဲ့ရောက်လာပြီးတော့ ရဲဘော်တွေအတွက် ကြက် ၀က်ဝယ်စားဖို့ဆိုပြီး တအိမ်ကို(၅၀၀)ကျပ်ကောက်တယ်။ သူကြီးကကောက်ခံရတာပေါ့။ ရှိတဲ့သူအတွက်တော့ ကိစ္စမရှိပေမဲ့ ကျွန်တော်တို့ရွာကဆင်းရဲတယ်လေ။ ဒါပေမဲ့ကြောက်တော့ မဖြစ်ဖြစ်တဲ့နည်းနဲ့ပေးရတာပေါ့။"

တပ်ရင်းမှူးစောချစ်သူ၏လက်အောက်ခံ အဆိုပါ တပ်ဖွဲ့သည် တစ်ရွာမှ တစ်ရွာသို့ လှည့်လည်သွားရောက်နေသော စစ်ကြောင်းအဖွဲ့ဖြစ်ပါသည်။ စောချစ်သူ ဦးဆောင်သော (၉၉၉)တပ်ရင်းသည်အစိုးရ၏နယ်ခြားစောင့်တပ်ကိုလက်ခံသောအဖွဲ့ဖြစ်ပါသည်။

ယခုအခါမြ၀တီမြို့လုံခြုံရေးကိုတာဝန်ယူထားရပြီးကေအန်ယူခေါ်ကရင်အမျိုးသားအစည်းအရုံးကိုမြန်မာစစ်အစိုးရမှ ထိုးစစ်ဆင်ရာတွင်အဓိကအားထားရသူတစ်ဦးဟုသတင်းထွက်ပေါ်နေသူတစ်ဦးလည်းဖြစ်သည်။Rest of your post