ဒီမိုကရေစီ သတို့သမီး

မြို့နယ်တခုရဲ့ စာပေဟောပြောပွဲ
လာကြတဲ့ လူတွေ အဖွဲဖွဲနဲ့ ငါငေးကြည့်နေတုန်း
နှလုံးသားကို တံခါးလာခေါက်တဲ့
မိန်းကလေးတစ်ယောက် ........ငါတွေ့လိုက်ရတယ် ။
ချစ်ခြင်းမေတ္တာက အပြစ်ကင်းစွာနဲ့
နှလုံးသားကို လှုပ်နိူးလိုက်တာပါလား ။

ရင်ခွင်မှာလှိုင်းထလို့ သွားတဲ့ သူ့အပြုံးကြောင့်
ငါရင်ခွင် တခုလုံး ကြည်နူးမှု ကမ္ဘာတွေ ဖုံးလွှမ်း
အချစ်ပန်းတွေ ပွင့်လန်းလို့
မေတ္တာလမ်းကြီးကို လျှေက်လှမ်းဖို့တာဆူ
အရှိန်တလှပ်လှပ်တဲ့ ခုန်နေတဲ့ ရင်ခုန်သံ
နားထဲမှာ ပြန်ကြားနေသလိုပါဘဲလား ချစ်သူရယ် ။

တိုင်းပြည်ကို တကယ်ချစ်ရဲ့လား
နှုတ်ခွန်းဆက် စကားမှာ သူအံ့အား သင့်သွားတဲ့
မျက်ဝန်းတစုံ ၊ ရှက်သွေးဖျာကာ ပန်းနုရောင် သန်းနေတဲ့ သူ့မျက်နှာလေးထဲမှာ
ချစ်စရာ အကောင်းဆုံး နှုတ်ခမ်းဖျားက
ရှင်................ဆိုတဲ့ စကားလုံး ။

နားထဲမှာ ပြန်ကြားယောင်နေတုန်းပါ ချစ်သူရယ် ။
ယုံကြည်စွာနဲ့ ရူးသွပ်မှုကြောင့်
ဒီမိုကရေစီ ဆိုတဲ့ စကားလုံးကို
အမြဲသုံးလေ့ရှိတဲ့ ငါ၊
လူတွေ့ရင် ခံယူချက်တွေ ရင်ဖွင့်ဟပြတဲ့ ငါ
မေတ္တာသံစဉ်တွေကို စာသား မထည့်တတ်တဲ့ ငါ
သူက အမြဲပြောတဲ့ စကားလုံးလေးက
သူများတကာလို ချစ်တေးမသီတတ်တဲ့

ရှင့် ရဲ့ညံ့ဖျင်းမှု က ဒီကမ္ဘာပေါ်မှာ ကံအကောင်းဆုံးလူ
ဖြစ်သွားတာလို့ ချစ်သူက ရွှင်မြူးပြီး ပြောတဲ့ သူ့အသံ
ငါ့ရင်ထဲမှာ ခုချိန်တိုင်အောင် ဂယက်ရိုက်နေတုန်းပါဘဲ .....
ငါတို့ချစ်သူ နှစ်ဦး ပျော်ရွှင်မြူးထူးခဲ့တဲ့နေရာက
ပန်းခြံမဟုတ်ဘူး ၊ ရုပ်ရှင်ရုံမဟုတ်ခဲ့ပါဘူး

သာတူညီမျှ လူ့အခွင့်အရေးလို့ ..... ဟစ်ကြွေးကြော်နိူင်အောင်
စာကြည့်တိုက်ကို တူတူချီတက် အချိန်အားရင်
မူဝါဒစကားတွေနဲ့ ဆွေးနွေးလို့ငြင်းခုံ
မတူတာကို ညှိနိူင်မှ ဒီမိုကရေစီ ရမှာဆိုတာ
နားလည်ထားတဲ့ ရင်တွင်းက ခံယူချက်တွေက
အပြန်အလှန်ဆွေးနွေးချက်တွေထုတ်
ကျနော်က အာဏာရှင် တခါခါလုပ်ရင်
သူက မျက်ရည်ဝဲပြီး တောင်းပန်ရှာတယ်
အာဏာရှင် ဘက်တော်သား
ဘယ်တော့မှ မလုပ်ပါနဲ့တဲ့
မောင်က အရမ်း စကားတတ်တယ်တဲ့.........။

လူတန်းစား မညီမျှက ငါ့တို့ကို ရက်ရက်စက်စက် ပညာပြတယ်
ဖောင်စီးရင် ရေငတ်နေတဲ့ ငါတို့ဘ၀တွေက
ဒုက္ခတွေကြားမှာ ရှင်သန်တာ အသားကျသလို ဖြစ်နေပါပြီ ။
ကျောင်းလခ မတတ်နိူင်လို့ ကျောင်းထွက်ရမလို ဖြစ်ခဲ့ရတယ် ။
အဆောင်မဌား နိူင်လို့ သူများအခန်းမှာ ၀င်အိပ်ခဲ့ရတယ် ။
ထမင်းစားရိတ် မလောက်လို့ ဥပုသ်စောင့်ခဲ့ရတဲ့ ရက်တွေ
ပွဲလမ်းသဘင်ရှိတိုင်း ခဏခဏ ဖျားပြရတယ်

ဒို့တွေ ဒီလိုဘ၀ က လွတ်မြောက်အောင်
ဒီမိုကရေစီ ရအောင်ကြိုးစားရမယ်ဆိုတေ့
ချစ်သူက ငါ့ကို ပြုံးပြီး အားပေးနေတယ် ........။

ကျောင်းပြီးလို့ အလုပ်ခွင်ကိုရောက်
ဂွင်ဆိုတဲ့ စကားလုံးတွေ လှိုင်လှိုင်သုံး
မိုးခါးရေးကို သောက်သုံးနေကြတဲ့
သူတို့ကမ္ဘာမှာ အမှန်တရားကိုချစ်တဲ့ ငါ့အတွက် နေစရာ မရှိခဲ့ဘူး ။

ပြည်သူတွေရဲ့ အသွေးအသားတွေ
မြိန်မြိန်ရှက်ရှက်ကြီး ပွဲတော်တည်
နိူင်ငံပြန်လည် ထူထောင်ရေး အတွက်
ဘဏ္ဍာငွေကို ရေလိုသုံးပြီး
ပြုံးပျော်မဆုံး ဖြစ်နေကြတဲ့ သူတို့လုပ်ရပ်ကိုကြည့်ပြီး
ထမင်းတလုပ်တောင် မြိုမချရက်ဘူး
သူတို့ဇိမ်ခံနေချိန်မှာ ပြည်သူတွေက
သောက်စရာရေတောင် မ၀ခဲ့ဘူး
ကန္တာရမှာ အိုအေစစ် ဖန်တီးထားဖို့အရေး
ပြည်သူတွေရဲ့ အသက်ချွေးတွေ ဖန်တီးထားရတာ
တန်တယ်လို့ သူတို့ယူဆနေကြထင်တယ် မောင်.....ဆိုတဲ့
ချစ်သူရဲ့ အမေးက တွေးစရာတွေ အများကြီးရခဲ့တယ် ....။

လူဖြစ်ရတဲ့ ခဏတာလေးမှာ
လူပီသစွာ နေနိူင်ဖို့ အရေးကြီးတယ်ဆိုတဲ့
ငါရဲ့ ဆုံးဖြတ်ချက်ကို လေးစားစွာနဲ့ ကြည့်နေတဲ့ ချစ်သူရဲ့ မျက်ဝန်းမှာ
အားကိုးမျှော်လင့်ခြင်းတွေ ပါနေတယ်ဆိုတာကို သတိထားမိခဲ့တယ် ။
တခါတလေ ကမ္ဘာမကြေ တောင် လွတ်လပ်စွာ ရွှတ်ခွင့်မရတဲ့ ဒို့ဘ၀
သေသော်မှသည် သြော်ကောင်း၏ လို့ ငါက ရည်ရွှတ်တဲ့ အချိန်တိုင်း
ငါ့လက်ကိုဆွဲကာဆုပ်ပြီး သံပြိုင်သီဆိုမှုတွေ လုပ်ခဲ့တာ
အမှတ်ရမိပါသေးတယ် ချစ်သူရယ် ...။

တခါတလေ ချစ်သူက ပြောတယ် သူ့နှလုံးသားရဲ့
တဖက်မှာ ဒီမိုကရေစီ တဲ့ တဖက်မှာ မောင်တဲ့
ဒါပေမယ့်မောင်ကလည်း ဒီမိုကရေစီ ကို
ချစ်တယ်ဆိုတော့ သူ့နှလုံးသားက ဒီမိုကရေစီ ကိုဘဲ
တမ်းတနေတာဖြစ်မယ်လို့ ချစ်သူကပြောတော့
ကြည်နူးလွန်းလို့ သူ့ပါးပြင်လေးကို
အနမ်းဆင်ပေးတဲ့ အချိန်မှာ
မျက်လုံးလေးကို စုံမှိတ်ပြီး ဘယ်သူ့မှ မယှဉ်နိူင်တဲ့
သူ့အပြုံလေးနဲ့ ပြောတဲ့စကားက
ဒီမိုကရေစီ ရမှ တူတူနေကြမယ်တဲ့ .........
ဒါဆို ချစ်သူက ဒီမိုကရေစီ သတို့သမီး ပေါ့..............ဆိုတော့
သူက မခို့တခို့နဲ့ ရီနေတဲ့ဟန်ကို
မြင်ယောင်နေဆဲပါ ချစ်သူရယ်..

ဒီကမ္ဘာမှာ အရုပ်ဆိုး အကျည်းတန်ဆုံးနေ့
ငါရင်ခွင်ထဲက နှလုံးသားကို ဆွဲယူသွားတဲ့နေ့
ငါ့ချစ်သူ ငါ့ကို နောက်ဆုံးနမ်းခဲ့တဲ့နေ့
ငါအမုန်းဆုံး နေ့တနေ့ ....
ဘယ်လိုလုပ်ပြီး မေ့လို့ရမှာလည်း ချစ်သူရယ်.........။

ဒို့တိုင်းပြည်မှာ လိုအပ်နေတဲ့
သာတူညီမျှ လူ့အခွင့်အရေး ပေးပါလို့ကြွေးကြော်
ငြိမ်းချမ်းစွာ ချီတက်နေကြတဲ့ လူထုကြားကို
လူမိစ္ဆာများက ကြင်နာတရားကင်းမဲ့စွာနဲ့
ဒေါသမာန်ကြီးစွာ သေမင်းတမန် ကျည်ဆံတွေကို
ပစ်ခွင်းလိုက်တဲ့ အသံ ...........ငါ မှတ်မိသေးတယ်
ကောင်းကင်ယံတခုလုံး ယမ်းငွေ့တွေ ဖုံးလွှမ်းသွားတယ်
တဒက်ဒက်နဲ့ စက်သနတ်သံတွေကြားမှာ....................
တဗုံးဗုံးလဲကာ ကျဆင်းသွားကြတဲ့ လူတွေ...........
ငါမြင်ယောင်မိသေးတယ် ။

ယမ်းခိုးတွေ ပျယ်တဲ့ အချိန် ချစ်သူကို အပြေးအလွှားလိုက်ရှာ
သွေးပင်လယ်ထဲမှာ မြောနေတဲ့ မိန်းကလေးတစ်ယောက်
မောင်ဆိုပြီး .........
အော်ဟစ်လို့ ညည်းညူ
ခန္ဓာကိုယ် သွေး အလိမ်းလိမ်း ဖြစ်နေပေမယ့်
လက်တဖက်က ဒေါင်းအလံကို ဆုပ်ကာကိုင်ပြီး
မာန်တင်းကာ ရုန်းထနေရှာတဲ့
သူလက်ကိုကမ်းလို့ တမ်းတနေတဲ့ ချစ်သူကို
ရင်ခွင်ထဲမှာ ဖက်ထားတဲ့ အချိန်
ငါ့ရင်ခွင်ထဲမှာ ကမ္ဘာပြိုပျက်နေသလို ခံစားနေရပြီ
အသက်ကို အငမ်းမရ ရှူနေရတဲ့ ချစ်သူက
လေသံတိုးတိုးလေးနဲ့ သွေးပေတဲ့ သူ့လက်လေးနဲ့
ငါ့ပါးလေးကို ညင်သာစွာ ပွတ်သတ်လို့
ကမ္ဘာမကြေသီချင်း ဆိုပြပါတဲ့..............
သူလက်ကို ကြင်နာစွာဆုပ်ပြီး
နှလုံးသားက ငိုရှိုက်သံများနဲ့ သူ့စိတ်တိုင်းကျနေပြရပေမယ့်
ငါနှလုံးသား တခုလုံး သောကမီးတွေ လောင်ကြွမ်းနေပါပြီ ချစ်သူရယ် ....။

မောင်....... လူသတ်သမားတွေကို
ဒေါသထွက်နေတာလားတဲ့ ..
သူတို့တွေ ဒီလို လုပ်တာ ဒီမိုကရေစီရဲ့ အဓိပ္ပာယ်ကို
နားမလည်ကြလို့ပါ ...
သူတို့တွေကို နောက်ထပ် လူမသတ်မိအောင်
မောင် သူတို့ကို ဒီမိုကရေစီ အကြောင်း
နားလည်အောင် ရှင်းပြပေးပါတဲ့လား ..........ချစ်သူရယ်

သေမင်းနဲ့ စစ်ခင်းနေရတဲ့ အချိန်မှာတောင်
မေတ္တာမပျက်ပြယ်တဲ့ ဂရုဏာရှင်တစ်ယောက်ရဲ့
ဒီမို့ရေစီ အဓိပ္ပာယ် ဖွင့်ဆိုသံကို
ခင်ဗျာတို့ ကြားစေချင်လိုက်တာဗျာ.........။

ဒီဘက်ကိုတိုးဆိုပြီး အားယူပြီး ပြုံးတယ်
ငါ့နားကို ကပ်ပြီး သူပြောလိုက်တဲ့ စကားတခွန်းက
တိုင်းပြည်ကို သူတကယ်ချစ်ပါတယ် တဲ့................လား ချစ်သူရယ် ။

သူသွေးနဲ့ ရေးခဲ့တဲ့ ဒီဂန္တာဝင်မှတ်တမ်းကို
မောင်ကဗျာလေး ရေးပေးပါလားဆိုတဲ့ နောက်ဆုံးတောင်ဆိုချက်
ခေါင်းလေးကို မနိူင်တနိူင်တဲ့ ထူပြီး နောက်ဆုံးအနမ်းလေး
ကို ပေးရင်း .....
သေမင်းခေါ်ရာကို လိုက်ပါတော့မယ့်ချစ်သူက
ငါ့ကို ကြည့်သွားတဲ့ သူ့မျက်ဝန်းမှာ
မျှော်လင့်ခြင်းတွေ အပြည့်ပါဘဲ...........။

ငါမေးခဲ့တဲ့ မေးခွန်းကို
ဒီမိုကရေစီ တိုက်ပွဲမှာ အသက်ပေးပြီး ဖြေဆိုသွားတဲ့ ..........ချစ်သူရေ
တကယ်ပါ မင်းဟာ ငါ့ရင်ခွင်ရဲ့ ဂန္တ၀င် သူရဲကောင်းပါ ချစ်သူ.......
ငါအမြတ်နိူးဆုံး ဒီမိုကရေစီ တေးသံကို နှလုံးသားမှာ
တန်ဖိုးထားပြီး သက်သေပြခဲ့တဲ့ ချစ်သူရေ....
မင်းမျှော်လင့်ခဲ့တဲ့ ယောက်ျားကောင်းတစ်ယောက်ရဲ့ မြင့်မြတ်မှုကို ဆုပ်ကိုင်ပြီး
ဒီမိုကရေစီ ပန်းတိုင်ကို အရောက်ချီတက်ဆဲပါ...............ချစ်သူရယ်
ချစ်သူ ကြိုက်တဲ့ ကမ္ဘာမကြေ သီချင်းကို ရဲရဲရင့်ရင့် သီဆိုမြဲပါ ချစ်သူရယ်....
ဒီမိုကရေစီ ရမှ လက်ထပ်ကြမယ်ဆိုတဲ့ ဒီမိုကရေစီ သတို့သမီးရဲ့
မျှော်လင့်ချက်ကို တမ်းတလို့ မြင်ယောင်
နောက်ဆုံးတိုက်ပွဲကို ရင်ဘတ်တခြမ်းနဲ့
ပါဝင်ဆင်နွှဲနေရင်း .............။

ခင်မင်လေးစားလျှက်
ဗမာ့သွေး