အင်းစိန်ထောင်တွင်း နိုင်ငံရေး အကျဉ်သားများ ဆန္ဒပြ

ဇာနည်မာန် Saturday, 21 May 2011 23:13
ရန်ကုန် အင်းစိန် ထောင်တွင်းရှိ နိုင်ငံရေး အကျဉ်သားများက အကျဉ်းသား ရပိုင်ခွင့်များအတွက် ယနေ့နံနက် ၉ နာရီမှစ၍ ဆန္ဒပြ နေကြောင်း သတင်းရရှိသည်။
“အဆောင် ၂၊ ၃၊ ၄ နဲ့ ၅ က နိုင်ငံရေးအကျဉ်းသား ၂၂ ယောက်က အချက် ၆ ချက်ကို ထောင်ပိုင်ကနေတဆင့် စာတင်ပြီး အခန်းထဲကနေ အပြင်မထွက်ဘူးဆိုပြီး ဆန္ဒပြနေကြတာ။ မလိုက်လျောရင် နက်ဖြန် နေ့လယ်က စပြီး ၁၇ ယောက်က အစာ ငတ်ခံမယ်တဲ့”ဟု အင်းစိန်ထောင်နှင့် နီးစပ်သည့် အသိုင်းအ၀ိုင်းက ပြောသည်။

အမျိုးသားဆောင်များမှ ဆရာတော် ဦးဝိသုဒ္ဓ၊ ဦးရေ၀တ၊ ဦးဝိသာလ၊ ကိုဇော်ထွန်းနိုင်၊ ကိုကိုအောင်၊ ကိုအောင်နိုင်၊ စောနိုင်၊ စောအယ်လ်ထူး၊ စောနိုဝယ်တို့ အပါအ၀င် ၂၂ ဦးတို့က အင်းစိန်ထောင်တွင်း စားဝတ်နေရေးနှင့် ကျန်းမာရေး စောင့်ရှောက်မှု ညံ့ဖျင်းမှုများကြောင့် အကျဉ်းသားများ ကြုံတွေ့နေရသည့် အခက်အခဲများကို ဖြေရှင်းပေးရန် တောင်းဆိုကြခြင်းဖြစ်ကြောင်း သိရသည်။

ထောင်မှကျွေးသော အစားအစာများကို သတ်မှတ်ချက်အတိုင်း ပြည့်ပြည့်စုံစုံ ကျွေးမွေးရန်၊ လူ့ဂုဏ်သိက္ခာနှင့်အညီ ချုပ်လုပ် ထားသော အ၀တ်အစား၊ စောင်၊ အိပ်ရာခင်းများကို ၆ လတကြိမ် အသစ်လဲလှယ်ပေးရန်၊ အခန်းကျဉ်းတွင်း သတ်မှတ် လူဦးရေထက် ပိုထားခြင်းမပြုဘဲ နေရာလုံလောက်စွာပေး၍ ကြွက်၊ ခြင်၊ ယင် စသည့် ပိုးမွှားများကို ရှင်းလင်းပေးရန်၊ အခြား သော အကျဉ်းသားများနည်းတူ လျှော့ရက်ခံစားခွင့်နှင့် စာရေးစာဖတ်ခွင့်ပေးရန်၊ ထောင်ဝင်စာတွေ့ရာတွင် ခြိမ်းခြောက်မှုမရှိဘဲ လွတ်လပ်စွာတွေ့ခွင့်ပေးရန်၊ နိုင်ငံရေးအကျဉ်းသားများကို အခြားအကျဉ်းသားများနှင့်ခွဲ၍ သီးသန့်ထားပေးရန် စသည်တို့ကို ထောင်ပိုင်မှတဆင့် အကျဉ်းဦးစီးဌာနနှင့် ပြည်ထဲရေးဝန်ကြီး ထံသို့ စာတင်တောင်းဆိုကြခြင်းဖြစ်သည်။

ထို့အတူ အမျိုးသမီးဆောင်မှ နိုင်ငံရေးအကျဉ်းသူများကလည်း သမ္မတ ဦးသိန်းစိန်၏ နိုင်ငံတော်လွတ်ငြိမ်းချမ်းသာခွင့်အပေါ် မကျေနပ်၍ အစာငတ်ခံ ဆန္ဒပြနေကြကြောင်း ထောင်ဝင်စာတွေ့သူ အကျဉ်းသား မိသားစုဝင် တဦးက ပြောပြသည်။

“အမျိုးသမီးဆောင် အဆောင် ၇ က မသန္တာ၊ ဒေါ်ရင်ကြည် စတဲ့ နိုင်ငံရေး အကျဉ်းသူတွေနဲ့ နှစ်ကြီးသမားတချို့ ပါတဲ့ ၇ ယောက်။ အစာငတ်ခံဆန္ဒပြနေတာ ၃ ရက်လောက်ရှိပြီ။ အခြေအနေ ဘယ်လိုရှိမှန်းလဲ မသိရဘူး။ ထောင်အာဏာပိုင်တွေဘက်ကလည်း ဘာမှ တုံ့ပြန်မှု မရှိသေးဘူး”ဟု ၎င်းက ဆိုသည်။

အဆိုပါ ကိစ္စများနှင့်ပတ်သက်၍ အင်းစိန်ထောင်သို့ ဧရာဝတီမှဆက်သွယ်မေးမြန်းခဲ့ရာ တစုံတရာပြန်လည်ဖြေဆိုခြင်းမရှိပေ။

ပြီးခဲ့သည် မေလ ၁၁ ရက်နေ့ကလည်း စစ်ကိုင်းတိုင်း ကလေးထောင်ရှိ ဆရာတော် ဦးဂမ္ဘီရ၊ ဦးညီပုတို့ အပါအ၀င် နိုင်ငံရေး အကျဉ်းသားများက ဆုံးရှုံးနေသော အကျဉ်းထောင်တွင်း အခြေခံရပိုင်ခွင့်များပေးရန် အစိုးရသစ်ထံ စာများပေးပို့တောင်းဆိုခဲ့ပြီး တောင်းဆိုချက်များမရပါက အစာငတ်ခံဆန္ဒပြမည်ဖြစ်ကြောင်း ထောင်ဝင်စာတွေ့သော မိသားစုများထံမှ သိရသည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)မှ ထုတ်ပြန်သည့်စာရင်းများအရ အင်းစိန်ထောင်တွင် နိုင်ငံ ရေးအကျဉ်းသား ၄၀၀ ကျော် ရှိနေပြီး မြန်မာတနိုင်ငံ လုံး တွင် နိုင်ငံရေးအကျဉ်းသားပေါင်း ၂ဝ၀၀ ကျော် ရှိနေဆဲဖြစ်သည် ဟု သိရသည်။

မေလ ၁၆ ရက်နေ့ ညနေပိုင်းက နိုင်ငံပိုင် ရုပ်မြင်သံကြားနှင့် ရေဒီယိုတို့မှ ကြေညာသွားခဲ့သော သမ္မတ၏ လွတ်ငြိမ်းချမ်းသာ ခွင့် အမိန့်အမှတ် ၂၈/၂၀၁၁ အရ အကျဉ်းထောင်အသီးသီးရှိ သေဒဏ်ကျ အကျဉ်းသားများသည် တသက်တကျွန်း ပြစ်ဒဏ် သို့ပြောင်းလဲလျှော့ပေါ့ပေးခဲ့ပြီး ကျန်အကျဉ်းသားအားလုံးအတွက် ယင်းတို့အပေါ် သတ်မှတ်ထားသော ထောင်ဒဏ်ကို သာမန် ရရှိပြီးသော လျှော့ပေါ့ရက်များအပြင် ၁ နှစ် ထပ်မံ လျှော့ပေါ့ပေးခဲ့သည်။

ယင်း အမိန့်အရ မြန်မာနိုင်ငံ အကျဉ်းထောင်အသီးသီးမှ အကျဉ်းသားပေါင်း ၁၇၀၀၀ ၀န်းကျင် လွတ်မြောက်လာကြ သော် လည်း နိုင်ငံရေးအကျဉ်းသား ပါဝင်မှုမှာ ယခုအထိရရှိထားသောစာရင်းများအရ ဟစ်ဟော့ပ် အနုပညာရှင် ဇေယျာသော်၊

လွှတ်တော် ကိုယ်စားလှယ် ဦးကျော်ဆန်း နှင့် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားလွတ်မြောက်ရေး အင်္ဂါနေ့တိုင်းဆုတောင်းလှုပ်ရှားသူ ဒေါ်နော်အုံးလှ အပါအ၀င် ၅၀ ခန့်သာ ပါဝင် သေးသည့်အတွက် ရာခိုင်နှုန်းအားဖြင့် ၀.၂၉ သာရှိကြောင်း AAPP ၏ စာရင်းများအရ သိရသည်။
------------------
အင်းစိန်ထောင်ရှိ နိုင်ငံရေး အကျဉ်းသား ၂၂ ဦး ဆန္ဒပြ
By မနန္ဒာချမ်း စနေ, 21 မေ 2011
နာမည်ဆိုးနဲ့ ကျော်ကြားတဲ့ ရန်ကုန် အင်းစိန်အကျဉ်းထောင် အတွင်းမှာ နိုင်ငံရေး အကျဉ်းသား ၂၂ ယောက် ထောင်တွင်း အကျဉ်းသားရပိုင်ခွင့် အခွင့်အရေးကို တောင်းဆိုတဲ့ အနေနဲ့ ဒီကနေ့ စတင် ဆန္ဒပြနေကြပါတယ်။ သူတို့ တောင်းဆိုထားတဲ့ အကျဉ်းသားရပိုင်ခွင့် အခွင့်အရေးတွေကို အာဏာပိုင်တွေဆီ ဒီမနက် ပေးပို့ခဲ့ပြီး သတ်မှတ်ထားတဲ့ အချိန်အတွင်း တစုံတရာ တုံ့ပြန်တာ မရှိရင်တော့ အစာငတ်ခံ ဆန္ဒပြမှုတွေကို ဆက်ပြီး လုပ်ဆောင်သွားမှာ ဖြစ်တယ်လို့ AAPP-B နိုင်ငံရေး အကျဉ်းသားများ ကူညီစောင့်ရှောက်ရေးအသင်း-မြန်မာနိုင်ငံက သတင်းထုတ်ပြန်ခဲ့ပါတယ်။ အပြည့်အစုံကို ဆက်သွယ် မေးမြန်းထားတဲ့ မနန္ဒာချမ်းက တင်ပြပေးထားပါတယ်။

နိုင်ငံရေးအကျဉ်းသား ၂၂ ယောက်ဟာ ထောင်တွင်းမှာ နိုင်ငံရေး အကျဉ်းသားတွေအပေါ် ခွဲခြားဆက်ဆံမှုတွေ အပါအ၀င် ကျွေးတဲ့ အစားအသောက်တွေဟာ ကျန်းမာရေးနဲ့အညီ သန့်ရှင်းလတ်ဆတ်မှု မရှိတာ၊ အကျဉ်းထောင် အတွင်းမှာ ကူးစက်ရောဂါ ဖြစ်ပွားမှုနဲ့ ကျန်းမာရေး စောင့်ရှောက်ခွင့် အလုံအလောက် မရရှိမှု၊ ပြီးတော့ စာအုပ်စာပေ လွတ်လပ်စွာ ဖတ်ရှုခွင့် စတဲ့အချက်တွေကို တောင်းဆိုတဲ့ အနေနဲ့ ဒီကနေ့ကစလို့ အခန်းပြင်မထွက်ဘဲ ဆန္ဒပြနေကြတယ်လို့ အင်းစိန်ထောင် အနီးမှာနေတဲ့ နိုင်ငံရေး အကျဉ်းသား မိသားစုနဲ့ နီးစပ်သူတဦးက အတည်ပြု ပြောဆိုပါတယ်။

အခု ဆန္ဒပြသူ နိုင်ငံရေး အကျဉ်းသားတွေထဲမှာ နှစ်ရှည် နိုင်ငံရေး အကျဉ်းသားတွေလည်း ပါဝင်ပါတယ်။ သူတို့အနေနဲ့ ဒီတောင်းဆိုချက်တွေကို အာဏာပိုင်တွေထံ ဒီမနက်မှာ တင်ပြခဲ့ကြပြီး ညနေမှာ တစုံတရာ အကြောင်းပြန်ကြားခြင်း မရှိရင် မနက်ဖြန်ကစလို့ အစာငတ်ခံ ဆန္ဒပြသွားမှာ ဖြစ်တယ်လို့လည်း AAPP က သတင်းထုတ်ပြန်ခဲ့ပါတယ်။ နိုင်ငံရေး အကျဉ်းသားတွေ အနေနဲ့ အခုလို တောင်းဆိုရတာဟာ သူတို့ရဲ့ အခြေခံ ရပိုင်ခွင့်တွေကိုတောင် မရရှိဘဲ ဆုံးရှုံးနေရလို့ ဖြစ်တယ်လို့ AAPP အတွင်းရေးမှူး ကိုတိတ်နိုင်က ပြောပါတယ်။

“အခု သူတို့ တောင်းဆိုတယ်ဆိုတဲ့ ကိစ္စတွေက တကယ်တမ်းကျတော့ အမြင့်ကြီး တောင်းဆိုတာ မဟုတ်ပါဘူး။ ဒါ အကျဉ်းဦးစီးဌာနရဲ့ လုပ်ပိုင်ခွင့် ဘောင်ထဲက တောင်းဆိုတာ ဖြစ်တယ်။ အဲဒီ လုပ်ပိုင်ခွင့်ဘောင် ဆိုတာကလည်း အကျဉ်းထောင်လက်စွဲ ဥပဒေအရ အကျဉ်းသားတွေရဲ့ ရသင့် ရထိုက်တဲ့ အခွင့်အရေးကို တောင်းဆိုတာ ဖြစ်ပါတယ်။

“ဆိုတော့ အဲဒီအတွက် သူတို့က အကျဉ်းသားတယောက်ရဲ့ ရပိုင်ခွင့်၊ လူတယောက်ရဲ့ ရပိုင်ခွင့်ကို တောင်းဆိုတာ ဖြစ်တဲ့အတွက် သူတို့ရဲ့ တောင်းဆိုချက်တွေက တကယ်ကို မလွန်ကျူးဘူးလို့ ပြောလို့ရပါတယ်။ တကယ့် အခြေခံ အချက်အလက်တွေကိုပဲ သူတို့အနေနဲ့ တောင်းဆိုသွားတာ ဖြစ်ပါတယ်။ ဒီအခြေခံ အချက်အလက်တွေကိုတောင် မရတဲ့အတွက် သူတို့က အခုလို တောင်းဆိုရတဲ့ အခြေအနေ ဖြစ်လာတာပါ။”

ဒါ့အပြင် အင်းစိန်ထောင်မှာပဲ နိုင်ငံရေး အကျဉ်းသူတွေကလည်း သမ္မတ ဦးသိန်းစိန်ရဲ့ ၁၆ ရက်နေ့က ထုတ်ပြန်ခဲ့တဲ့ လွတ်ငြိမ်းချမ်းသာခွင့် ကြေညာချက်ကို မကျေနပ်တဲ့အတွက် မေလ ၁၇ ရက်နေ့စပြီး အစာငတ်ခံ ဆန္ဒပြနေကြပါတယ်။

မြန်မာနိုင်ငံမှာ အရပ်သားအစိုးရ ပြောင်းလာပြီးတဲ့နောက် နိုင်ငံရေး အကျဉ်းသားတွေကို လွှတ်ပေးလိမ့်မယ်လို့ ကုလသမဂ္ဂ၊ နိုင်ငံတကာနဲ့ မြန်မာ့အရေး လှုပ်ရှားသူ အားလုံးက မျှော်လင့်နေခဲ့ကြတာပါ။ မျှော်လင့်သလို ဖြစ်မလာဘဲ အကျဉ်းသား ၁၅,၀၀၀ နီးပါး ပြန်လွှတ်ပေးခဲ့တဲ့ အထဲမှာ လွတ်ရက်စေ့ခါနီး နိုင်ငံရေး အကျဉ်းသား အနည်းငယ်သာ ပါဝင်နေတဲ့အတွက် ဒီအပေါ် ကျေနပ် အားရစရာ မရှိဘူးလို့ ကုလသမဂ္ဂ အတွင်းရေးမှူးချုပ်က ပြောဆိုခဲ့ပါတယ်။

ဒါ့အပြင် မြန်မာနိုင်ငံမှာ အမျိုးသား ပြန်လည်သင့်မြတ်ရေး ဖြစ်ပေါ်လာဖို့ အတွက်ကိုလည်း ဒီ နိုင်ငံရေး အကျဉ်းသား အားလုံးကို ချွင်းချက်မရှိ ပြန်လွှတ်ပေးဖို့ လိုအပ်တယ်ဆိုပြီး အားလုံးက မြန်မာအစိုးရကို တိုက်တွန်းနေကြတာပါ။ ဒါပေမဲ့လည်း စစ်အစိုးရ တက်လာပြီးချိန်ကစလို့ အခု အရပ်သားအစိုးရ ပြောင်းတဲ့အထိ မြန်မာနိုင်ငံမှာ နိုင်ငံရေး အကျဉ်းသား မရှိဘူးလို့ ပြောဆိုနေတာ ဖြစ်ပါတယ်။

နိုင်ငံရေး အကျဉ်းသားများ ကူညီ စောင့်ရှောက်ရေးအသင်း AAPP-B ရဲ့ ဒီလဆန်းပိုင်းက ထုတ်ပြန်ခဲ့တဲ့ စာရင်းအရ အင်းစိန်ထောင်တွင်းမှာ နိုင်ငံရေး အကျဉ်းသား ၄၂၀ ရှိပြီး အမျိုးသမီးက ၃၀ ကျော် ရှိပါတယ်။ မြန်မာတနိုင်ငံလုံး အနေနဲ့ကတော့ နိုင်ငံရေး အကျဉ်းသား စုစုပေါင်း ၂,၀၆၁ ဦး အကျဉ်းကျခံနေရဆဲ ဖြစ်တယ်လို့ သိရပါတယ်။Rest of your post