“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Wednesday, June 15, 2011

KIO ဌာနချုပ်လိုင်ဇာမှ လူငယ်များ တိုက်ပွဲအတွက် အသင့်ပြင်ဆင်

Monday, 13 June 2011 17:28 KNG (ပေးပို့ သူ-ဗမာ့သွေး)
KIO ဗဟိုဌာနချုပ် လိုင်ဇာမြို့ရှိ ဒေသခံ လူငယ်များသည် တိုက်ပွဲအတွက်သာမက စစ်မျက်ကွယ်ရာအတွက်ပါ အသင့်ပြင်ဆင် ထားနေပြီ ဖြစ်ကြောင်း သိရသည်။
KIA အမြဲတမ်းတပ်ဖွဲ့ဝင် မဟုတ်သော လိုင်ဇာ လူငယ်အဖွဲ့ဝင် တို့သည် ယမန်နေ့မှ စ၍ လိုင်ဇာ အဝင်အထွက် ဂိတ်ပေါက်များသို့ အလှည့်ကျ ကင်းစောင့်နေကြသည်ဟု ဒေသခံ လူငယ်တစ်ဦး ပြောသည်။
“လိုင်ဇာလူငယ် ခေါင်းဆောင်တွေပါတယ်။ လူငယ်ခေါင်းဆောင်ဟောင်းတွေလည်းပါတယ်။ မနေ့ညလည်း တညလုံး ကင်းစောင့်ကြတယ်။ ဒီနေ့မနက် လဂျားယန်ဘက်သွားကြည့်တော့ အိပ်နေကြတယ် တညလုံးကင်းစောင့်ထားလို့တဲ့။”

အဆိုပါ အမြဲတမ်း တပ်ဖွဲ့ဝင်တွင် မဟုတ်သည့် အရေးပေါ်လူငယ်အဖွဲ့ဝင်တွင် အမျိုးသမီးအပါအဝင် စုစုပေါင်း ၆၀ ခန့်ရှိသည်ဟု လိုင်ဇာဒေသခံလူငယ်များပြောသည်။

လဂျားယန်ကျေးရွာရှိ မြန်မာစစ်အစိုးရ တပ်စခန်းတွင်လည်း မြစ်ကြီးနားဘက်မှ တပ်ကူ ၂၀၀ခန့် ယမန်နေ့တွင် ရောက်ရှိလာပြီး ၎င်းတို့က လဂျားယန်နှင့် လ၀ါယန်ရှိ ဒေသခံများကို အ၀င်အထွက်ကန့်သတ်ထားသည်ဟု ဆိုသည်။

လိုင်ဇာမြို့ခံလူငယ်များသည်အနီးအနားတောင်ပေါ် စစ်မျက်ကွယ်ရာဒေသများသို့ လိုအပ်သည့်ပစ္စည်းများ ရွှေ့ပြောင်းနေကြသည်။

သို့သော် KIO မူးယစ်တိုက်ဖျက်ရေးစီမံချက်မှ ဘိန်းစွဲလူငယ် ၁၀၀ ၀န်းကျင်အား ထိန်းသိမ်းချုပ်နှောင် ထားဆဲဖြစ်ကြောင်း သိရသည်။

တာခေါ်ခ (တာပိန်မြစ်) ရေအားလျှပ်စစ်ဖက် မြန်မာ-KIA တိုက်ပွဲပြင်းထန်နေသော်လည်း KIO အရပ်ဖက် အုပ်ချုပ်ရေးဌာနကမူ လိုင်ဇာ ပြည်သူလူထုအတွက် သီးသန့် အသိပေးကြေငြာချက်ထုတ်ပြန်ခြင်း မရှိဟုဆိုသည်။

ယခုချိန် လိုင်ဇာဒေသခံများ သာမန် လှုပ်ရှားသွားလာနေကြဆဲဖြစ်သည်။
Rest of your post

0 comments:

 
----------------------------------------- */ /* EOT ----------------------------------------- */