အမြှီးပြုတ်သွားပေမယ့် ဂျို ကထောင်တုန်း ဂဒါဖီက ရေရှည်စစ်တဲ့ 

အနောက်နိုင်ငံတွေနဲ့ ရေရှည်စစ် ဆင်နွှဲဖို့ လစ်ဗျားခေါင်းဆောင် ကြေညာ

By ဗွီအိုအေ (မြန်မာဌာန) တနင်္ဂနွေ, 20 မတ် 2011
သူ့ရဲ့တပ်ဖွဲ့တွေကို လေကြောင်းက မစ်ဆေးလ် ဒုံးကျည်တွေနဲ့ တိုက်ခိုက်နေတဲ့ အနောက်နိုင်ငံ တပ်ဖွဲ့တွေနဲ့ ရေရှည်စစ်ပွဲ ဆင်နွှဲဖို့ အဆင်သင့်ပဲလို့ လစ်ဗျားခေါင်းဆောင် မိုမာ ကဒါဖီ (Moammar Gadhafi) က ပြောလိုက်ပါတယ်။

အမေရိကန်နဲ့ ဥရောပ နိုင်ငံတွေက အခုလို လစ်ဗျားနိုင်ငံ အရေးကို ၀င်ရောက် စွက်ဖက်နေတာဟာ လုံးဝ တရားမျှတမှု မရှိဘူးလို့ တိုင်းပြည်ကို ရုပ်မြင်သံကြားကတဆင့် တယ်လီဖုန်းနဲ့ ပြောကြားခဲ့တဲ့ မိန့်ခွန်းထဲမှာ မစ္စတာ ကဒါဖီက ထည့်သွင်း ပြောကြားလိုက်တာပါ။ အခုလို လေကြောင်းက တိုက်ခိုက်မှုဟာ အကြမ်းဖက်သမားတွေရဲ့ တိုက်ခိုက်မှုနဲ့ တူတယ်လို့ ဆိုပါတယ်။

လေယာဉ်မပျံသန်းရဇုန် သတ်မှတ်ထားတဲ့ ဆုံးဖြတ်ချက်အရ ပြုလုပ်ခဲ့တဲ့ အစောပိုင်း စစ်ဆင်ရေးတွေ အောင်မြင်မှု ရှိခဲ့တယ်လို့ အမေရိကန် ထိပ်တန်း စစ်ဘက်အရာရှိ ရေတပ်ဗိုလ်ချုပ်ကြီး မိုက်ခ် မူလန် (Mike Mullen) က ပြောပါတယ်။

ညွန့်ပေါင်းတပ်ဖွဲ့တွေရဲ့ တိုက်ခိုက်မှုကြောင့် အရပ်သားတွေ ထိခိုက်ဒဏ်ရာ ရတယ်လို့ သူ့အနေနဲ့ မကြားသိရဘူးလို့ ဗိုလ်ချုပ်ကြီး မူလန်က ပြောပါတယ်။ ညွန့်ပေါင်းတပ်ဖွဲ့တွေရဲ့ တိုက်ခိုက်မှုကြောင့် လစ်ဗျားနိုင်ငံသား ၄၈ ဦး သေဆုံးပြီး ၁၅၀ လောက် ထိခိုက်ဒဏ်ရာ ရခဲ့တယ်လို့ လစ်ဗျားအစိုးရပိုင် ရုပ်မြင်သံကြားသတင်းမှာ ဖော်ပြပါတယ်။

လေယာဉ်မပျံသန်းရဇုန် သတ်မှတ်ထားတဲ့ ဆုံးဖြတ်ချက် အကျိုးသက်ရောက်မှု ရှိစေဖို့ ပြသတဲ့ အနေနဲ့ လစ်ဗျားခေါင်းဆောင် မိုမာ ကဒါဖီရဲ့ တပ်တွေကို မဟာမိတ်တပ်တွေနဲ့အတူ ပူးပေါင်းပြီး အမေရိကန် တပ်တွေကလည်း လစ်ဗျားလေတပ်ကို စနေနေ့က ဒုံးကျည်တွေနဲ့ ပစ်ခတ်ခဲ့ကြပါတယ်။

မြေထဲပင်လယ်ထဲမှာ နေရာယူထားတဲ့ အမေရိကန်နဲ့ ဗြိတိသျှ စစ်သင်္ဘောနဲ့ ရေငုပ်သင်္ဘောတွေက လစ်ဗျားတပ်တွေကို ပစ်မှတ်ထားပြီး စနေနေ့မှာ တိုမာဟော့ခ် (Tomahawk) ဒုံးကျည် ၁၁၀ ကျော်နဲ့ ပစ်ခတ်ခဲ့တယ်လို့ ပန်တဂွန် (Pentagon) စစ်ဌာနချုပ် အရာရှိတွေက ပြောပါတယ်။ မဟာမိတ်တပ်တွေအတွက် တိုက်ရိုက် အန္တရာယ် ပေးနိုင်တယ်လို့ ယူဆရတဲ့ ပစ်မှတ် ၂၀ ကျော်အပြင် လစ်ဗျား အရပ်သားတွေလည်း ထိခိုက်ဒဏ်ရာ ရခဲ့တယ်လို့ ဆိုပါတယ်။

ဒီတိုက်ခိုက်မှုဟာ တရားမျှတမှု မရှိတဲ့ ကျူးကျော်ရန်စလိုသူတွေရဲ့ တိုက်ခိုက်မှု ဖြစ်တယ်လို့ မစ္စတာ ကဒါဖီက ပြောပါတယ်။ မြေထဲပင်လယ် အတွင်းမှာ ရှိနေတဲ့ စစ်ဘက်နဲ့ အရပ်ဘက်ဆိုင်ရာ နေရာတွေကို လက်တုံ့ပြန်သွားမယ်လို့ မစ္စတာ ကဒါဖီက ပြောဆိုလိုက်ပြီး အဲဒီဒေသဟာ တကယ့် စစ်တလင်းပြင် ဖြစ်လာနေပြီလို့ ဆိုပါတယ်။

ဒေါ်စုလှူဒါန်းသော ထီးတော် တင်ပွဲ တပေါင်းလပြည့်နေ့က ဂီရိမုန်တိုင်းသင့် ဒေသတွင် ကျင်းပ


3/19/2011 နိရဉ္စရာ သတင်း

ရခိုင်ပြည်နယ် မြေပုံမြို့နယ် ကျီးခေါင်းတောင် ကျေးရွာ စေတီထီးတော်မှာ ဂီရိမုန်းတိုင်းကြောင့် မြေခခဲ့ရသဖြင့် ဒေါ်စု လှူဒါန်းသော ထီးတော်ကို တပေါင်းလပြည့်နေ့က အသစ် ပြန်လည် တင်ခဲ့ကြောင်း သတင်း ရရှိသည်။

အဆိုပါ ထီးတော်ကို အမျိုးသား ဒီမိုကရေစီ အဖွဲ့ချုပ် အထွေထွေအတွင်းရေးမှူး ဒေါ်အောင်ဆန်း စုကြည်က လှူဒါန်းခြင်း ဖြစ်ပြီး ထီးတော်တင်ပွဲကို CRPP အတွင်းရေးမှူး ဦးအေးသာအောင်နှင့် NLD မှ ဒေါ်မေ၀င်းမြင့် အပါအ၀င် ခေါင်းဆောင် ၂၀ ခန့် တက်ရောက်ခဲ့ကြောင်း ကျေးရွာသား တစ်ဦးက ပြောသည်။

“ ထီးတော်တင်ပွဲကို နံနက် ၇ နာရီကနေ ၉ နာရီခွဲထိ ကျင်းပပြုလုပ်ခဲ့ပါတယ်။ အခမ်းအနားမှာ ဦးအေးသာအောင်တို့ ဒေါ်မေ၀င်းမြင့်တို့ တက်ရောက်ခဲ့ကြပါတယ်။ ထီးတော်ရဲ အောက်မှာတော့ ဗိုလ်ချုပ်အောင်ဆန်းရဲ့ သမီး ဒေါ်အောင်ဆန်းစုကြည်နဲ့ ပြည်သူများမှ လှူဒါန်းသည်ဆိုပြီး စာရေးသားထားပါတယ်” ဟု ပြောသည်။

အခမ်းအနားသို့ ဒေသ အာဏာပိုင်များနှင့် ထောက်လှမ်းရေးများ လာရောက်ခဲ့သော်လည်း တစုံတရာ အနှောင့်အယှက် ပြုလုပ်ခြင်း မရှိကြောင်း သိရသည်။

“ NLD ခေါင်းဆောင်တွေကလည်း ထီးတော်တင်ပွဲ အခမ်းအနားမှာ ထူးထူးထွေထွေ ဘာမှ ပြောဆိုသွားတာ မရှိပါဘူး။ သူတို့အနေနဲ့ ဒေါ်အောင်ဆန်းစုကြည်က လှူဒါန်းတဲ့ အတွက် ထီးတော်ကို လာရောက် တင်ပေးရတာ ဖြစ်တယ်လို့ ပြောဆိုပါတယ်။ အခမ်းအနားက အေးအေးဆေးဆေး ပီးဆုံးသွားခဲ့ပါတယ်။ ကျေးရွာသားတွေလည်း လာကြတော့ အနည်းငယ် စည်ကားခဲ့ပါတယ်” ဟု သူက ဆက်ပြောသည်။

အခမ်းအနားအပြီးတွင် ဦးအေးသာအောင်တို့ အဖွဲ့မှ ကျေးရွာသားများသို့ အ၀တ်အစားများနှင့် ဆေးဝါးများလည်း လှူဒါန်းခဲ့ကြောင်း သူက ပြောသည်။


ပြင်သစ်၊ ဗြိတိန်နဲ့ အမေရိကန် ဦးဆောင်တဲ့ နိုင်ငံတကာတပ်တွေ လစ်ဗျားကို စတင် တိုက်ခိုက်
2011-03-20 RFA

ပြင်သစ်လေတပ်က တိုက်လေယာဉ် တွေဟာ လစ်ဗျားနိုင်ငံ ဘင်ဂါဇီမြို့ အနီးက သမ္မတ ကဒါဖီတပ်တွေရဲ့ ပစ်မှတ်တွေကို ဒီကနေ့ ဝင်ရောက် တိုက်ခိုက်လိုက်ပါတယ်။
ပြင်သစ် စစ်လေယာဉ်တွေ ဝင်ရောက် တိုက်ခိုက်နေချိန်ဟာ ပြင်သစ်နိုင်ငံ ပဲရစ်မြို့မှာ လစ်ဗျားဆိုင်ရာ နိုင်ငံတကာ အစည်းအဝေး ကျင်းပနေချိန် ဖြစ်ပါတယ်။ ပြင်သစ်သမ္မတ ဆာကိုဇီက ပဲရစ် အစည်းအဝေး အပြီး သတင်းထောက်တွေကို ပြောရာမှာ ကဒါဖီရဲ့ တပ်တွေကို မဟာမိတ်တပ်တွေ စပြီး တိုက်ခိုက်နေပြီဖြစ်ကြောင်း ပြောပါတယ်။

ပြင်သစ်သမ္မတက ပြောကြားအပြီးမှာပဲ အမေရိကန်ပြည်ထောင်စု ဝါရှင်တန်ဒီစီ ပင်တဂွန် စစ်ဌာနချုပ်က သတင်းစာ ရှင်းလင်းပွဲ ချက်ချင်းပြုလုပ်ပြီး အမေရိကန်နိုင်ငံ အနေနဲ့ လစ်ဗျားပြည်သူတွေကို အကာအကွယ်ပေးရေး Operation Odyssey Dawn မှာ ဦးဆောင်ပါဝင် ဆင်နွဲနေပြီဖြစ်ကြောင်း ပင်တဂွန် ပြောခွင့်ရသူ ရေတပ် ဗိုလ်ချုပ်ကြီး ဝီလီယံ ဂေါ့တနီက ပြောလိုက်ပါတယ်။

ဒီ သတင်းစာရှင်းလင်းပွဲ အပြီးမှာပဲ လက်တင်အမေရိက ငါးနိုင်ငံခရီး ထွက်နေတဲ့ အမေရိကန်သမ္မတ အိုဘားမားက ဘရာဇီးနိုင်ငံကနေ အမေရိကန် ပြည်သူတွေကို မိန့်ခွန်းပြောရာမှာ အမေရိကန် ပြည်ထောင်စု အနေနဲ့ နောက်ထပ် စစ်ပွဲတခုမှာ ပါဖို့ အများကြီး စဉ်းစားပြီးမှ လုပ်ဆောင်ခဲ့တာ ဖြစ်ကြောင်း ပြောလိုက်ပါတယ်။

ပင်တဂွန်စစ်ဌာနချုပ်က ပြောကြားချက်အရ အခု စစ်ဆင်ရေးဟာ အဆင့်ပေါင်း များစွာထဲက တခုသာဖြစ်ပြီး ဘာတွေ ဆက်အရေးယူမယ် ဆိုတာ ထုတ်ဖော်ပြောဖို့ ငြင်းပါတယ်။

နောက်ဆုံးဝင်လာတဲ့ သတင်းတွေအရ လစ်ဗျားမြောက်ပိုင်း မြေထဲပင်လယ်ထဲမှာ ပြင်သစ်က Mirage နဲ့ Rafale တိုက်လေယာဉ်တွေ အပါအဝင် စစ်လေယာဉ် အစင်း ၂ဝ လောက် စေလွှတ်ထားတယ်လို့ သိရပါတယ်။

အမေရိကန်ပြည်ထောင်စုကတော့ စစ်ရေးအရ အကန့်အသတ်နဲ့ပဲ ပါဝင်မယ်လို့ ဆိုထားပေမယ့် စစ်သင်္ဘောကြီး ၄ စင်းနဲ့ အဝေးထိန်း ဒုံးခွင်းဒုံးတွေ ပစ်ခတ်နိုင်တဲ့ ဖျက်သင်္ဘောတစင်း စေလွှတ်ထားပါတယ်။ ဒေသတွင်းက အီတလီ လေတပ်စခန်းမှာလည်း F 16 တိုက်လေယာဉ် အစင်း ၄ဝ ကျော်က ဒီစ စ်ဆင်ရေးမှာ ပါဝင်တယ်လို့ သိရပါတယ်။

ဒီအကြောင်းတွေနဲ့ ပတ်သက်ပြီး ကိုကျော်မင်းထွန်း စုစည်း တင်ပြထားတာကိုလည်း နားဆင်နိုင်ပါတယ်။



ပျက်စီးသွားတဲ့ ဓာတ်ပေါင်းဖိုတွေ လျှပ်စစ်ဓာတ်ပေးဖို့ ဂျပန်ကြိုးပမ်း

By ဗွီအိုအေ (မြန်မာဌာန) တနင်္ဂနွေ, 20 မတ် 2011
ဂျပန်နိုင်ငံမြောက်ပိုင်း ငလျင်နဲ့ ဆူနာမီဒဏ်တွေ အကြီးအကျယ် ခံခဲ့ရတဲ့ဒဏ်ကြောင့် သေဆုံးသူနဲ့ ပျောက်ဆုံး အရေအတွက်ဟာ ၂၀,၀၀၀ ကျော်သွားပြီလို့ ပြောဆိုနေတဲ့ အချိန်မှာပဲ နျူကလီးယား ဓာတ်အားပေးစက်ရုံ အတွင်းက ဓာတ်ပေါင်းဖိုတွေကို လျှပ်စစ်မီး သွယ်နိုင်ဖို့အတွက် အင်ဂျင်နီယာတွေ ကြိုးပမ်းနေကြတယ်လို့ ဂျပန် သတင်းမီဒီယာတွေမှာ တနင်္ဂနွေနေ့က ဖော်ပြကြပါတယ်။

ဖူကူရှီးမား ဒိုင်အိချိ (Fukushima Dai-ichi) နျူကလီးယား လျှစ်စစ်ဓာတ်အားပေးစက်ရုံ အတွင်းမှာရှိတဲ့ ဓာတ်ပေါင်းဖို ၁ နဲ့ ၂ တို့က စက်ပစ္စည်းတွေ ပုံမှန်ရှိမရှိ တိုကျို လျှပ်စစ်ဓာတ်အား ကုမ္ပဏီက လုပ်သားတွေ စစ်ဆေးနေကြတဲ့အကြောင်း ဂျပန် ရုပ်မြင်သံကြား သတင်းတွေက ပြောပါတယ်။

နျူကလီးယား လောင်စာပြွန်တွေ အန္တရာယ်ကြီးစွာ ပူနေတာကို တားဆီးနိုင်ဖို့ အဲဒီအတွက် လေအေးစက်တွေကို လျှပ်စစ်မီး သွယ်နိုင်အောင် အင်ဂျင်နီယာတွေက ကြိုးပမ်းနေကြတာလို့ ဆိုပါတယ်။ လျှပ်စစ်မီးသာ ပြန်သွယ်လိုက်နိုင်ရင် အထဲက အခြေအနေတွေ ဘယ်လိုရှိတယ် ဆိုတာကို သိနိုင်ဖို့အတွက် ဒေတာ အချက်အလက်တွေ ယူနိုင်မယ်လို့ တိုကျို လျှပ်စစ်ကုမ္ပဏီ TEPCO က ပြောပါတယ်။

ဓာတ်ပေါင်းဖို အမှတ် ၃ နဲ့ ၄ နေရာတို့ကို လျှပ်စစ်မီး ရနိုင်ဖို့ အတွက်လည်း အပြင်ကနေပတ်ပြီး ကြိုးနဲ့သွယ်နိုင်ဖို့ ကြိုးစားနေတယ်လို့ ကုမ္ပဏီက ပြောပါတယ်။

ဒီ နျူကလီးယား ဓာတ်အားပေး စက်ရုံကို ဖျက်ဆီးပစ်ရမယ်လို့ ဂျပန်အစိုးရ ၀န်ကြီးအဖွဲ့ အတွင်းဝန် ယူကီအို အီဒါနို (Yukio Edano) က တနင်္ဂနွေနေ့ သတင်းစာ ရှင်းလင်းပွဲမှာ ပြောခဲ့ပါတယ်။ ပျက်စီးမှုက ကြီးလွန်းတဲ့အတွက် အဲဒီ ဓာတ်အားပေး စက်ရုံကို ပြန်ဆောက်ဖို့ မဖြစ်နိုင်တော့ဘူးလို့ သူက ဆိုပါတယ်။

ဒီအတောအတွင်း မတ်လ ၁၁ ရက်နေ့က လှုပ်ခဲ့တဲ့ ငလျင်နဲ့ နောက်ဆက်တွဲ ဖြစ်ပေါ်လာတဲ့ ဆူနာမီဒဏ်ကြောင့် ပျောက်ဆုံးသူနဲ့ သေဆုံးသူ အရေအတွက်ဟာ ၂၁,၀၀၀ ကျော်သွားပြီလို့ ဂျပန်ရဲဌာနက ပြောပါတယ်။ တိုင်းပြည် အနောက်မြောက်ပိုင်း ဆူနာမီဒဏ်ကို အကြီးမားဆုံး ခံခဲ့ရတဲ့ မီယာဂီ (Miyagi) ခရိုင်အတွင်းမှာတင် သေဆုံးသူ အရေအတွက်ဟာ ၁၅,၀၀၀ ကျော်နိုင်တယ်လို့ ရဲက ခန့်မှန်းထားပါတယ်။



ရာသီဥတု ဖောက်ပြန်မှုကြောင့် စိုက်ပျိုးရေးလုပ်ငန်း ထိခိုက်

By မသိင်္ဂီထိုက် တနင်္ဂနွေ, 20 မတ် 2011
မြန်မာနိုင်ငံတ၀န်း နွေရာသီ အစပိုင်းဖြစ်တဲ့ မတ်လထဲမှာ အချိန်အခါမဟုတ် မိုးရွာသွန်းမှုတွေနဲ့ လေအေး တိုက်ခတ်မှုတွေကြောင့် စိုက်ခင်းတွေနဲ့ ဆားကွင်းတွေ ပျက်စီးမှုတွေ ရှိခဲ့ပါတယ်။ အဲဒီလို စိုက်ခင်းတွေ ပျက်စီးမှုကြောင့် သီးနှံအထွက်နှုန်းလည်း ကျဆင်းလိမ့်မယ်လို့ တောင်သူတွေက ခန့်မှန်းကြပါတယ်။ အပြည့်အစုံကို သီးနှံစိုက် တောင်သူတွေနဲ့ ဆက်သွယ်မေးမြန်းထားတဲ့ မသိင်္ဂီထိုက်က တင်ပြပေးထားပါတယ်။

ဒီလ နွေရာသီ အစပိုင်းမှာပဲ နှစ်စဉ် ဖြစ်ရိုးဖြစ်စဉ် မဟုတ်ဘဲ မိုးရက်ဆက် ရွာသွန်းမှုနဲ့ လေအေး တိုက်ခတ်မှုတွေ နိုင်ငံတ၀န်းမှာ ဖြစ်ပွားခဲ့တာကြောင့် နိုင်ငံတ၀န်းက စိုက်ခင်း ပျိုးခင်းတွေနဲ့ ဆားကွင်းတွေ ပျက်စီးခဲ့ရတယ်လို့ ပြောကြပါတယ်။

ဧရာဝတီတိုင်းဘက်မှာ နှစ်တိုင်း နွေဦးကာလမှာ မိုးသဲသဲမဲမဲ ရွာသွန်းမှုတွေ ရှိပေမဲ့ အခုလို နေ့စဉ်ရက်ဆက် ရွာသွန်းမှုမျိုး မဟုတ်ပါဘူး။ အခု မိုးရွာသွန်းမှုက နေ့စဉ်ရက်ဆက် ကာလရှည် ရွာသွန်းတာကြောင့် ရိတ်သိမ်းခါနီး ရင့်မှည့်နေတဲ့ ပဲခင်းတွေကို ရေစိမ်သလို ဖြစ်သွားတဲ့အတွက် ပဲတွေ ပျက်စီးရတာ ဖြစ်တယ်လို့ ဒေသခံတွေက ပြောပါတယ်။

ဧရာဝတီတိုင်းအတွင်းက နေလှန်းဆားကွင်းတွေလည်း ဆားထုတ်ချိန်မှာ မိုးရွာတာကြောင့် ပျက်စီးမှုတွေ ရှိခဲ့တဲ့အတွက် ဆားထုတ်လုပ်မှုမှာလည်း ထိခိုက်မှုတွေ ရှိခဲ့တယ်လို့ ပြောကြပါတယ်။

“ဒီအချိန် ဆားကျုံးရမယ့် အချိန်မှာ ဆားမကျုံးနိုင်ဘူးပေါ့။ မြေပဲစိုက်တဲ့လူတွေဆို အကုန်လုံး ပျက်တာပေါ့။ ရာသီဥတု ဖျက်တာကတော့ ကဏ္ဍပေါင်းစုံ အကုန်လုံး ဖျက်ဆီးနေတာပဲပေါ့။ အခုတလော ဖျက်လိုက်တဲ့ မိုးက။ သိသိသာသာ အပြောင်းအလဲကတော့ မိုးမရွာသင့်တဲ့ အချိန်မှာ ရွာတယ်။ ဒါပေမဲ့ ခါတိုင်းလည်း မရွာဘူးလားဆိုတော့ ရွာတော့ ရွာတယ်။ အခုလိုမျိုး မိုးစွေပြီးတော့ မရွာဘူး။ အင်နဲ့အားနဲ့ ရွာရင်လည်းရွာတယ်။ ရွာပြီးရင်လည်း ပြန်ပျောက်ပြီး နေ ချက်ချင်း ထွက်လာတယ်။ ပြီးတော့ ရွာပြီးတော့လည်း အေးတာ မရှိဘူး။

“အခုဟာက မိုးက ၂ ရက်လောက်ကို စွေပြီးတော့ နေ့ရောညရော ဆက်တိုက်ရွာပြီး လေကလည်း ခါတိုင်းလေနဲ့ မတူဘဲနဲ့ ရေခဲအေးတဲ့ လေမျိုး အေးတာပေါ့။ အခုထိ အဲဒီ အအေးဓာတ်တွေ နည်းနည်းလေး ရှိသေးတယ်။ ဒါပေမဲ့ နဂိုလောက်တော့ မဆိုးပါဘူး။ အဲဒီအေးတဲ့ဟာက ဘယ်သူမှ မခံနိုင်ဘူး၊ တော်တော်အေးတယ်။”

ပဲခူးတိုင်းတွင်းက ဒေသတွေမှာလည်း လေပြင်းနဲ့အတူ မိုးသဲသဲမဲမဲ ရက်ဆက် ရွာသွန်းတဲ့အတွက် ပဲခင်းတွေ ပျက်စီးကြရပါတယ်။ ခြွေလှေ့ဖို့ စုပုံထားတဲ့ စပါးတွေလည်း ပျက်စီးမှုတွေ ရှိခဲ့တယ်လို့ ပဲခူးတိုင်းအတွင်းက တောင်သူတဦးက ပြောပါတယ်။

“မိုးတွေ တအားများနေတယ်လေ။ ပဲလည်းသိမ်းလို့မရ၊ စပါးလည်း သိမ်းလို့မရ၊ အကုန်လုံး ရေတွေမျောကုန်ပြီ။ ဘယ်နှစ်ဧက ပျက်တယ်ဆိုတာ အများအပြားတော့ ကိုယ်လည်း မသိဘူး။ လက်ရှိကတော့ ပဲခူးတိုင်းအရှေ့ က၀မြို့နယ်မှာ တော်တော်များများ ပျက်စီးတယ်။ ကျမကတော့ ၁၀ ဧကလောက် ပျက်စီးသွားတာပေါ့။ ကျန်တဲ့လယ်သမားတွေလည်း တော်တော်များများ ပျက်စီးတယ်။”

မကွေးတိုင်းအတွင်းက ဒေသတွေမှာလည်း မိုးရွာသွန်းမှုတွေ ရှိခဲ့ပေမဲ့ တခြားဒေသတွေထက် စာရင်တော့ စိုက်ခင်း ပျိုးခင်းတွေ ပျက်စီးမှု နည်းခဲ့တယ်လို့ မကွေးတိုင်း အတွင်းက တောင်သူတွေက ပြောပါတယ်။ ဒါပေမဲ့ ပဲခင်းတွေ မရိတ်သိမ်းခင် မိုးရေထိခဲ့တာကြောင့် ပျက်စီးမှု အနည်းငယ်တော့ ရှိခဲ့တယ်လို့ မကွေးတိုင်းအတွင်းက တောင်သူတဦးက ပြောပါတယ်။

“ပဲကတော့ မိုးနည်းနည်းထိသွားတာပေါ့။ ဒါပေမဲ့ သိပ်အပျက်အစီးတော့ မရှိပါဘူး။ ရာသီဥတုကတော့ တနှစ်မှ ဒီလိုမိုးမျိုး မကြုံဖူးဘူး။ မိုးက ၇ ရက်လောက် ရွာသွားပြီ။ ဒီနေ့မနက်အထိ ရွာတယ်။”

တခြား ပြည်နယ်နဲ့ တိုင်းဒေသကြီးတွေမှာလည်း မိုးရက်ဆက် ရွာသွန်းမှုနဲ့ လေပြင်းတိုက်မှုတွေကြောင့် နေအိမ်တွေ ပျက်စီးတာအပြင် စိုက်ခင်း ပျိုးခင်းတွေလည်း ပျက်စီးခဲ့ရတာ ဖြစ်ပါတယ်။ ဒီကြားထဲ ပဲရိတ်သိမ်း ရာသီမှာ အချိန်အခါမဟုတ် မိုးရက်ဆက် ရွာသွန်းမှုကြောင့် ပဲခင်းတွေ ပျက်စီးတာအပြင် ရိတ်သိမ်းပြီးသား ပဲတချို့လည်း မိုးမိ ပျက်စီးရတဲ့အတွက် ဒီနှစ် ပဲအထွက် လျော့ကျနိုင်တယ်လို့ တောင်သူတွေက ခန့်မှန်းကြပါတယ်။
မြန်မာနိုင်ငံတွင်းက တောင်သူတွေမှာ သီးနှံ ရိတ်သိမ်းချိန်အတွင်း ရာသီဥတုဒဏ်ကြောင့် သီးနှံ ပျက်စီးမှုတွေ နှစ်စဉ်လိုလို ကြုံနေရပေမဲ့ ခေတ်မီ သီးနှံ ခြွေလှေ့ အခြောက်ခံတဲ့ နည်းစနစ်တွေ အားနည်းတဲ့အတွက် ပျက်စီး လေလွင့်မှုတွေနဲ့ ကြုံနေကြရတာလည်း ဖြစ်ပါတယ်။


လစ်ဗျားအပေါ် ဒုတိယနေ့မြောက် တိုက်ခိုက်

အနောက်အုပ်စု မဟာမိတ်နိုင်ငံတွေက လေကြောင်းနဲ့ စစ်သင်္ဘောတွေ ကနေ လစ်ဗျားနိုင်ငံ ကဒါဖီတပ်ဖွဲ့တွေ အပေါ် ဒုတိယနေ့အဖြစ် တိုက်ခိုက်မှုတွေ ဆက်လက် ပြုလုပ်နေ ပါတယ်။

သက်ဆိုင်ရာနိုင်ငံအလိုက် စစ်ဖက်ဆိုင်ရာ ခေါင်းဆောင်တွေက သူတို့ စစ်ဆင်ရေးနဲ့ ပတ်သက်လို့ အသေးစိတ် အချက်အလက်တွေကို ဖေါ်ပြပေးနေကြရာ အမေရိကန်ကတော့ ဗိုလ်မှူးကြီးကဒါဖီရဲ့ မြေပြင်တပ်ဖွဲ့တွေနဲ့ လေတပ်စခန်းတွေကို စစ်လေယာဉ်တွေနဲ့ တိုက်ခိုက်ခဲ့တယ်လို့ ပန်တဂွန် စစ်ဌာနချုပ်က ပြောပါတယ်။

ရေဒါနဲ့ဖမ်းလို့မရတဲ့ ဗုံးကြဲလေယာဉ်တွေ အပါ အဝင် အနည်းဆုံး လေယာဉ် ၁၈ စင်းနဲ့ အရုဏ်တက်ချိန်မှာ လစ်ဗျားနိုင်ငံ ပစ်မှတ်တွေ အပေါ် ဗုံးအလုံး ၄၀ လောက် ကြဲချ ခဲ့တယ်လို့ အမေရိကန် စစ်တပ်ပြောခွင့်ရသူ ဗိုလ်မှူးကြီး Frinklin Childress က ပြောပါတယ်။


အမေရိကန် တိုက်လေယာဉ်တွေက လစ်ဗျား ပစ်မှတ်တွေအပေါ် ဗုံးအလုံး ၄၀ လောက် ကြဲချ
ဗြိတိန်၊ အမေရိကန် ရေတပ်ဖွဲ့တွေကတော့ ခရုစ် ဒုံးကြည်တွေနဲ့ လစ်ဗျား လေတပ်စခန်းတွေကို ပစ်ခတ်ခဲ့ပြီး၊ ပြင်သစ်နဲ့ ဗြိတိန် တိုက်လေယာဉ် တွေဟာလည်း တိုက်ခိုက်မှုတွေမှာ ပါဝင်ကြ ပါတယ်။

သူပုန်တွေ အဓိက ထိန်းချုပ်ထားတဲ့ ဘန်ဂါဇီမြို့ ကို ကဒါဖီတပ်ဖွဲ့တွေ ဦးတည်သွားတဲ့ လမ်းပေါ် မှာတော့ အလောင်းတွေနဲ့ မီးလောင်ပျက်ဆီး နေတဲ့ စစ်ယာဉ်တွေကို တွေ့ရတယ်လို့ ရိုက်တာ သတင်းထောက်က သတင်းပေးပို့ပါတယ်။

အမေရိကန် ကာကွယ်ရေးဦးစီးချုပ် ရေတပ်ဗိုလ်ချုပ်ကြီး မိုက်မူလန်ကတော့ ကုလသမဂ္ဂ ဆုံးဖြတ်ခဲ့တဲ့ လစ်ဗျားနိုင်ငံအပေါ် လေယာဉ် မပျံသန်းရေး ဇုန် သတ်မှတ်ရေးဟာ အခုတော့ စတင် အသက်ဝင်နေပြီလို့ ပြောပါတယ်။

ဘန်ဂါဇီမှာ ရှိတဲ့ ကဒါဖီတပ်တွေကို တားဆီးထားလိုက်ပြီလို့ လည်း သူကပြောပါတယ်။ ဒါပေမယ့် သေကျေ ထိခိုက်မှု အကြောင်းတော့ သူက ပြောဆိုခြင်းမရှိပါဘူး။

ပင်လယ်ထဲမျောနေတဲ့ ရေလုပ်သား ၅၀၀ ကို ကယ်ဆယ်

မုန်တိုင်းကြောင့် ပင်လယ်ထဲ ငါးရက်ကြာ မျောနေတဲ့ ဧရာဝတီတိုင်းက ဖောင်စီး ငါဖမ်း ရေလုပ်သား ၅၀၀ ကျော်ကို မြန်မာ ရေတပ်သင်္ဘောနဲ့ ဂျိုးနသန်ကုမ္ပဏီ ငါးဖမ်း လှေကြီးတွေက ဆယ်ယူနိုင်ခဲ့ပါတယ်။

ပင်လယ်ပြင်ကနေ မျောပါလာတဲ့ ဒုက္ခသယ်တွေ ဟာ ဧရာဝတီတိုင်း ဖျာပုံ၊ ဒေးဒရဲ၊ မြောင်မြ၊ လပွတ္တာ၊ မအူပင်နဲ့ အမာမြို့နယ်က မြစ်ဝမှာ ဝါးဖောင်တွေနဲ့ ငါဖမ်းကြတဲ့ လုပ်သားတွေ ဖြစ်ကြပါတယ်။

ပြီးခဲ့တဲ့ (၁၁) ရက်နေ့မှာ ရုတ်တရက်မုန်းတိုင်ကျပြီး သူတို့ဟာ ပင်လယ်ပြင်မှာ (၅) ရက် နီးပါး မျောနေခဲ့ကြတာ ဖြစ်ပါတယ်။

ဝါးဖောင်တွေနဲ့ ရေလုပ်ငန်း လုပ်ကိုင်နေပေမယ့် မောင်းစရာ စက်မရှိတဲ့ အကြောင်း အမာ မြို့နယ်က ဒုက္ခသည် ဖောင်စီးရေလုပ်သားတဦးက ဘီဘီစီကို ပြောပါတယ်။

ဝါးဖောင်တစီးမှာ ၄ ဦး ကနေ ၇ ဦးထိ ပါတယ်လို့သိရပြီး ဒီဖောင်တွေဟာ သူတို့ကိုယ်ပိုင် မဟုတ်ဘူးလို့ ပြောပါတယ်။

မြန်မာ ရေတပ်သင်္ဘောကနေ ပင်လယ်ထဲ မျောလာတဲ့ ဒုက္ခသည် ၁၇၈ ဦးကို ကယ်ဆယ်ခဲ့ပြီး ဟိုင်းကြီးကျွန်းပေါ် တင်ထားခဲ့တယ်လို့ ဆိုပါတယ်။

မနေ့က ညသန်းခေါင်ကျော်အထိ ကော့သောင်းမြို့ကို ရောက်လာတဲ့ဒုက္ခသည် အရေအတွက် ဟာ ၃၅၀ ကျော် ရှိနေပြီး၊ သေဆုံးသူနဲ့ ပျောက်ဆုံးသူ အများအပြား ရှိနေတယ်လို့ ဒုက္ခသည် တွေက ပြောပါတယ်။

အခုအချိန်မှာတော့ ကော့သောင်းမြို့ တာဝန်ရှိသူတွေနဲ့ မြို့မိမြို့ဖတွေက ဒီဒုက္ခသည်တွေကို တမိုင်အောင်သုခ အထက်တန်းကျောင်းမှာ စခန်းဖွင့် စောင့်ရှောက်ထား တယ်လို့ သိရပါ တယ်။Rest of your post