ဝေဟင်ပစ် ဒုံးကျည်များ စစ်အစိုးရ စမ်းသပ် လေ့ကျင့်နေ

သန်းထိုက်ဦး WEDNESDAY, 02 FEBRUARY 2011 19:01

မြန်မာနိုင်ငံ တ၀န်းရှိ နအဖ စစ်အစိုးရ၏ လေကြောင်းရန် ကာကွယ်ရေး တပ်များတွင် ရုရှားနိုင်ငံထုတ် S 125 Neva/ Pechora ဝေဟင်ပစ် ဒုံးကျည်များကို စမ်းသပ်လေ့ကျင့်ခြင်း ပြုလုပ်နေကြောင်း သိရသည်။

ထို ဒုံးကျည် နည်းပညာရပ်များကို ပြီးခဲ့သည့် ဇန်န၀ါရီလဆန်းပိုင်းမှ စတင်၍ ယနေ့အထိ လေကြောင်းရန် ကာကွယ်ရေးတပ် ဌာန ချုပ်ရှိသည့် နေရာများတွင် သင်ကြားပို့ချပေးနေကြောင်း သျှမ်းသံတော်ဆင့် သတင်း ဌာနမှ အယ်ဒီတာ ဦးခွန်စိုင်းက ဧရာဝတီသို့ ပြောသည်။

ရန်ကုန်တိုင်း မှော်ဘီမြို့နယ် နှင့် မန္တလေးတိုင်း မိထ္တီလာမြို့နယ်များတွင်ရှိသော လေကြောင်းရန် ကာကွယ်ရေး သင်တန်း ကျောင်းများ တွင် ယခုလမှ စတင်၍ ၂ လကြာ အသုတ်လိုက် လေ့ကျင့်မည် ဖြစ်ကြောင်းလည်း သိရသည်။

“ဒီလေ့ကျင့်မှုဟာ အရင်တလောက မောင်းသူမဲ့ လေယာဉ် UAV နဲ့လည်း အများကြီး ပတ်သက်မှုရှိတယ်”ဟု ဦးခွန်စိုင်းက ပြော သည်။

ပြီးခဲ့သည့် ဇန်န၀ါရီလဆန်းပိုင်းတွင် ရှမ်းပြည်နယ် ကျိုင်းတုံမြို့နှင့် နမ့်ဆန်မြို့များတွင် မောင်းသူမဲ့ UAV လေယာဉ်များ ပျံသန်း တွေ့ရှိခဲ့ပြီးနောက်ပိုင်း ယင်းသို့ လေ့ကျင့်ခြင်း ဖြစ်နိုင်ကြောင်းလည်း ၎င်းက ဆိုသည်။

အဆိုပါ S 125 သည် ရုရှနိုင်ငံက ထုတ်လုပ်ပြီး မြေပြင်မှ ဝေဟင်သို့ ပစ်ခတ်နိုင်သော လက်နက်တမျိုးဖြစ်သည်။ ၁၉၉၉ ယူဂို စလားဘီးယားနိုင်ငံတွင် ဆာဘ့်တပ်ဖွဲ့များက နေတိုး တပ်ဖွဲ့ဝင်များ၏ F117ကို ယခု လက်နက်ဖြင့် ပစ်ချခဲ့ဖူးသည်။ ၂၀၀၈ ခုနှစ် တွင် မြန်မာ အပါအ၀င် အီဂျစ်၊ ဆီးရီးယား၊ လစ်ဗျား၊ ဗီယက်နမ်၊ ဗင်နီဇွဲလား နိုင်ငံများက မှာယူခဲ့ကြသည်။

သို့သော် စစ်အစိုးရက သင်ကြား ပို့ချပေးနေသည့် အကြောင်း အရင်းနှင့် ပတ်သက်ပြီး ရှင်းရှင်း လင်းလင်း မသိရှိရသေးပေ။

UAV လေယာဉ်သည် စက် ကိရိယာနှင့် ထိန်းချုပ်၍ မောင်းနှင်ရသော အမျိုးအစားဖြစ်ပြီး ၁၉၈၀ ခုနှစ်ခန့်က ဗြီတိသျှ တီထွင် သူ တဦးက စတင်ကာ ဒီဇိုင်း ရေးဆွဲ၍ အမေရိကန်နိုင်ငံ General Atomics Aeronautical Systems Inc က တည်ဆောက်ခဲ့ ကြောင်း သတင်း ဖော်ပြချက်များအရ သိရသည်။

မြန်မာ့ တပ်မတော်တွင်လည်း မောင်းသူမဲ့ လေယာဉ် တည်ဆောက်ရေး စီမံကိန်းများ ရှိသော်လည်း ထိန်းချုပ်ဆောင်ရွက် သည့် ကွန်ပျူတာ အစီအစဉ် မရေးဆွဲနိုင်သေးကြောင်း တပ်မတော် လေတပ် အသိုင်းအ၀န်းက ပြောသည်။

မောင်းသူမဲ့ လေယာဉ် (Unmanned Aerial Vehicle - UAV) တည်ဆောက်ရေးကို ဗိုလ်ချုပ်မှူးကြီး၏ သားမက် တော်စပ်သူ ဗိုလ်မှူးချုပ် သိန်းနိုင်က စီစဉ်ဆောင်ရွက် နေကြောင်း သိရသည်။

လေယာဉ် ကိုယ်ထည် တည်ဆောက်မည့် ဌာနတွင် လိုအပ်သည့် နည်းပညာနှင့် ထိုနည်းပညာများကို ထိန်းချုပ်သည့် စနစ် ဆိုင်ရာ ကျွမ်းကျင်သည့် အင်ဂျင်နီယာများ လိုအပ်နေကြောင်း လေတပ် အင်ဂျင်နီယာ ဌာနမှ အရာရှိများက ပြောဆိုနေကြ သည်။

မောင်းသူမဲ့ လေယာဉ်များသည် စစ်ဘက်တွင် အသုံးပြုပြီး ထောက်လှမ်းရေးနှင့် တိုက်ခိုက်ရေး လုပ်ငန်းများအတွက် အသုံးဝင် ကြောင်း သိရသည်။