“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Saturday, May 07, 2011

ဝက်နားရွက်ပြာ ကူးစက်ပျံ့နှံ့မှု ထိန်းချုပ်ရန် ခက်ခဲနေ

ကျော်ခ | သောကြာနေ့၊ မေလ ၀၆ ရက် ၂၀၁၁ ခုနှစ် ၂၀ နာရီ ၀၂ မိနစ်
ချင်းမိုင် (မဇ္ဈိမ) ။ ။ မြန်မာနိုင်ငံတွင် ကုသရန် ဆေးမရှိသော ကူးစက်အားပြင်း ဝက်နားရွက်ပြာရောဂါသည် ယခုအခါ တိုင်း ၄ တိုင်းအတွင်း လျင်မြန်စွာ ကူးစက်ပျံ့နှံ့နေသဖြင့် ထိန်းချုပ်ရန် ခက်ခဲလာကြောင်း နေပြည်တော် မွေးမြူရေးနှင့် ကုသရေး ဦးစီးဌာန အကြီးအကဲများ အဆိုအရ သိရသည်။

မန္တလေး၊ နေပြည်တော်၊ မကွေးနှင့် စစ်ကိုင်းတို့ရှိ ဝက်မွေးမြူရေးခြံများရှိ ဝက်များသာမက မြို့နယ်များအတွင်း အိမ်မွေးဝက်များပါ လျင်မြန်စွာ ကူးစက်နေသဖြင့် ဝက်သေဆုံးသည့် နေရာများ တိုးပွားလာနေကာ ထိန်းချုပ်ရန် ခက်ခဲကြောင်း သိရခြင်း ဖြစ်သည်။

“ဒီနားရွက်ပြာရောဂါက အခု ကူးစက်မှု မြန်နေတယ်။ ဒီကောင်ကတော့ ဖြစ်ပြီဆိုတာနဲ့ သေတော့တာပဲ။ ကျနော်တို့ဆီမှာလည်း ကုသနိုင်တဲ့ ဆေးက မရှိဘူး။ အဲဒါကြောင့် အခု ကျနော်တို့ တနိုင်ငံလုံး မွေး/ကု အဖွဲ့တွေက လိုက်ပြီး သက်ဆိုင်ရာ ဒေသအလိုက် ဇီဝပညာပေး နည်းလမ်းတွေနဲ့ ကာကွယ်ဖို့ လိုက်ပြီး လုပ်ဆောင်နေတယ်” ဟု မွေးမြူရေးနှင့် ကုသရေးဦးစီးဌာန ညွှန်ကြားရေးမှူး ဒေါက်တာ ခင်မောင်မောင်က မဇ္ဈိမကို ပြောသည်။

မြန်မာနိုင်ငံ၌ ပထမဦးဆုံး ဖြစ်ပေါ်နေသည့် ဝက်များတွင် မျိုးပွားအင်္ဂါနှင့် အသက်ရှူလမ်းကြောင်း ဗိုင်းရပ်စ်ပိုး ကူးစက်ရောဂါကို ယခုနှစ် ဖေဖော်ဝါရီ ၁၅ ရက်နေ့တွင် စတင်တွေ့ရှိခဲ့သည့် မန္တလေးတိုင်းအတွင်း အောင်မြေသာစံ၊ ချမ်းအေးသာစံ၊ မဟာအောင်မြေ၊ ချမ်းမြသာစည်၊ ပြည်ကြီးတံခွန်၊ အမရပူရ၊ မတ္တရာ စသည့် မြို့နယ်များရှိ ကျေးရွာ၊ ရပ်ကွက်များရှိ ဝက်ခြံများနှင့် အိမ်မွေးဝက်များ ကူးစက်ခံခဲ့ရပြီး တလအတွင်း ဝက်အကောင်ရေ ထောင်နှင့်ချီ သေဆုံးခဲ့သည်။

ထို့နောက် စစ်ကိုင်းတိုင်း စစ်ကိုင်းမြို့ပေါ် ဖြစ်ပွားနေမှုမှတဆင့် ယခုအခါ မုံရွာမြို့နယ်ဘက်အထိ ကူးစက်နေကာ၊ နေပြည်တော်၌လည်း မြို့ပေါ်ရပ်ကွက်များသာမက တပ်ကုန်းမြို့နယ်များရှိ မွေးမြူရေးခြံများနှင့် အိမ်မွေးဝက်များကိုပါ ကူးစက်သေဆုံးနေကြောင်း မွေး/ကု အဆိုအရ သိရသည်။

ယခုနှစ် ဧပြီလပိုင်းမှစ၍ မကွေးတိုင်း မကွေးမြို့နယ်၊ တောင်တွင်းကြီးမြို့နယ်နှင့် မြို့သစ်နှင့် နတ်မောက် မြို့များတွင်လည်း ဆက်တိုက်ကူးစက်ပျံ့နှံ့နေသည်။ ထိုမြို့နယ်များတွင် သေဆုံးသည့် ဝက်များမှာ အိမ်မွေးဝက်များ အများဆုံး ဖြစ်သည်။

“ဟိုနေ့က မြို့လုင်မှာ ရောက်တော့ သူတို့ဆီမှာ ဝက်တွေသေတာ တဖုတ်ဖုတ်ပဲ။ ဘာရောဂါနဲ့ သေတယ်ဆိုတာတော့ မပြောတတ်ကြဘူး။ သူတို့ရွာက လူတွေကတော့ ဝက်နာကျတာလို့ပဲ ပြောတယ်။ ခက်တယ်ဗျ။ ကျန်းမာရေး ပညာပေးတွေကလည်း ကျုပ်တို့ဘက် မရှိဘူးဗျ” ဟု နတ်မောက်ဒေသခံ ဝက်မွေးသူတဦးက မဇ္ဈိမကို ပြောသည်။

ဝက်နားရွက်ပြာရောဂါသည် မျိုးပွားလမ်းကြောင်းနှင့် အသက်ရှူလမ်းကြောင်းများ၌ ဖြစ်ပွားတတ်ပြီး နှာရည်၊ တံတွေး၊ ကျင်ကြီး၊ ကျင်ငယ်၊ ဆီးနှင့် သုတ်ပိုးတို့မှတဆင့် ကူးစက်နိုင်ပြီး အရွယ်အစားမရွေး ဖြစ်ပွားနိုင်သည်ဟု နေပြည်တ်ာခရိုင် မွေး/ကု ဌာန ဒုညွှန်ကြားရေးမှူး ဒေါက်တာခင်ဇော်က ဆိုသည်။

မြန်မာနိုင်ငံအနေဖြင့် ယင်းရောဂါကို ဇီဝနည်းပညာဖြင့်သာ ထိန်းချုပ်နိုင်ရန် ကြိုးစားနေကြပြီး အောင်မြင်မှု မရှိသေးပေ။

ထို့အတူ ရာသီဥတု ဖောက်ပြန်လာလျှင် မြန်မာနိုင်ငံအတွင်း၌ ဖြစ်လေ့ဖြစ်ထရှိသည့် ဝက်ပုလိပ်ရောဂါနှင့် ဝက်ဝမ်းကျ ရောဂါများ မဖြစ်စေအောင် ကာကွယ်ဆေးများ ထိုးပေးရန် ဝက်မွေးမြူရေးခြံများနှင့် အိမ်မွေးဝက်ပိုင်ရှင်များကို နေပြည်တော် မွေး/ကု ဦးစီးဌာန ရုံး၌ မေလ ၅ ရက်နေ့တွင် နေပြည်တော် ကောင်စီဝင် ဦးမြင့်ဆွေက ခေါ်ယူအသိပေးခဲ့သည်ဟု ဆိုသည်။

“ဝက်ဝမ်းကျရောဂါကတော့ အသက်အရွယ်မရွေး ဖြစ်တတ်တယ်။ ဝက်ပုလိပ်ရောဂါကလည်း ကူးစက်မှု ပြင်းထန်တယ်။ အခုလို ရာသီဥတု အကူးအပြောင်းမှာ ဖြစ်တတ်လို့ ကြိုတင်ကာကွယ်ဆေးထိုးဖို့ အဘ (ဦးမြင့်ဆွေ) က ကြိုတင် သတိပေးတာ” ဟု ဒေါက်တာ ခင်ဇော်က ပြောသည်။

ဝက်နားရွက်ပြာ၊ ဝက်ပုလိပ်ရောဂါ၊ ဝက်ဝမ်းကျ ရောဂါ ဖြစ်ပြီးသေဆုံးသည့် ဝက်သားများစားသုံးလျှင် လူကိုထိခိုက်မှု မရှိနိုင်သလို ထိုရောဂါရရှိနေသည့် ဝက်များမှတဆင့် လူသို့ မကူးစက်နိုင်ဟုလည်း မွေး/ကု ညွန်ကြားရေးမှူး ဒေါက်တာ ခင်မောင်မောင်က ဆိုသည်။

၎င်းရောဂါ၏ လက္ခဏာများမှာ ဝက်များ မောပန်းခြင်း၊ ခြေကုန်လက်ပန်းကျခြင်း၊ ခန္ဓာကိုယ်ပူခြင်း၊ အစာမစားခြင်း၊ မသေဆုံးခင် နားရွက်များ ပြာလာတတ်ခြင်း ဖြစ်သည်။ နားရွက်ပြကာ သေဆုံးသည့် ဝက်များကို မြေမြှုပ်ပြီး မီးရှို့ရန် လိုအပ်သည်။

“တချို့လူတွေက ဝက်သားဈေးချိုတယ်ဆိုပြီး အခြောက်လုပ်ပြီး သယ်သွားတာ တနယ်နဲ့ တနယ် ကူးပြီး သယ်သွားတာ။ အစိုကိုဝယ်သွားတာ၊ သူများအိမ်က ဟင်း၊ ထမင်းကျန်တွေကိုယူပြီး ဝက်ကိုကျွေးတာ၊ ဝက်ကိုလွှတ်ပြီး ကျောင်းတာ အဲဒါမျိုးတွေကနေပြီး ကူးသလို လေကနေပြီးလည်း ကူးတတ်ပါတယ်” ဟု နေပြည်တော် မွေး/ကု ဌာန ဦးစီးအရာရှိ ဒေါက်တာ အောင်မိုးက မဇ္ဈိမကို ပြောသည်။

ဝက်နားရွက်ပြာရောဂါကို အမြန်ဆုံး ကုသ၍ ထိန်းချုပ်နိုင်ရန် မြန်မာနိုင်ငံ မွေးမြူရေးနှင့် ရေလုပ်ငန်းဝန်ကြီးဌာန လက်အောက်ရှိ မွေးမြူရေးနှင့် ကုသရေးဦးစီးဌာနက နိုင်ငံခြားမှ ပညာရှင်များကို ခေါ်ယူ၍ မြန်မာနိုင်ငံသို့ ရောက်ရှိနေပြီဖြစ်ပြီး ဆေးထုတ်လုပ်နိုင်ရန် ကြိုးစားနေကြောင်း ဒေါက်တာ ခင်မောင်မောင်က ပြောပြသည်။

ဝက်နားရွက်ပြာရောဂါကို ၁၉၈၇ နှစ်က အမေရိကန်နိုင်ငံတွင် စတင်ဖြစ်ပွားခဲ့ပြီး ဂျာမဏီ၊ စပိန်၊ နယ်သာလန်၊ ပြင်သစ်၊ အင်္ဂလန်နှင့် ကနေဒါနိုင်ငံများတွင် ၁၉၉ဝ နှင့် ၁၉၉၅ ခုနှစ်အတွင်း ဖြစ်ပွားခဲ့သည်။ ရောဂါဖြစ်သည့် ဝက်များတွင် နားရွက်များ ပြာလာသဖြင့် ဝက်နားရွက်ပြာဟု ခေါ်တွင်လာခဲ့သည်။

ဝက်အသက်အရွယ်မရွေး ဖြစ်ပွားနိုင်ပြီး ရောဂါကူးစက်မှုနှုန်း ၅ဝ ရာခိုင်နှုန်းမှ ၁ဝဝ ရာခိုင်နှုန်းအထိ ရှိသည်။ Rest of your post

0 comments:

 
----------------------------------------- */ /* EOT ----------------------------------------- */