လူထုတောင်းဆိုချက် အာဏာစွန့်ရေး ယီမင်သမ္မတ လက်ခံပြီ

http://phopa-dwm.blogspot.com/2011/05/blog-post_5065.html(ပေးပို့ သူ eimmet mahotpar )
လူထုအုံကြွ ဆန့်ကျင်မှုများ ဒေသတွင်း မဟာမိတ်နိုင်ငံများ၏
ဖိအားပေးမှုများကြောင့် ၃၂ နှစ်ကြာ အုပ်ချုပ်ခဲ့သည့် ယီမင်သမ္မတ
အလီအဗ္ဗဒူလာဆာလားသည် ရက်ပေါင်း ၃၀ အတွင်း အာဏာ စွန့်လွှတ်ရန် သဘော
တူညီလိုက်ပြီဖြစ်သည်။ ယီမင်သမ္မတနှင့် ပင်လယ်ကွေ့ ပူးပေါင်းဆောင်ရွက်ရေး
ကောင်စီ အဖွဲ့ဝင် ၆ နိုင်ငံမှ ကိုယ်စားလှယ်များ ပါဝင်သည့်
စေ့စပ်ဖြန်ဖြေရေး ကောက်မတီတို့အကြား ရရှိခဲ့သည့် အာဏာစွန့်လွှတ်ရေး
သဘောတူညီချက်ကို မနေ့က စနေ့နေ့တွင် လက်မှတ်ရေးထိုးခဲ့ ကြခြင်းဖြစ်သည်။
သို့သော်လည်း သမ္မတ ဆာလားက ပင်လယ်ကွေ့ပူးပေါင်းဆောင်ရွက်ရေး ကောင်စီ ၏
အဆိုပြုချက်နှင့် ၎င်းနောက်ဆက်တွဲ သဘောတူညီချက်ကို အာဏာသိမ်းမှုအဖြစ်
ရှုံ့ချသရော် လိုက်ပြီး ထိလွယ်ရှလွယ်ရှိသည့် ယီမင်နိုင်ငံသို့
အယ်လ်ကိုင်းဒါးအကြမ်းဖက်များ စိုးမိုးချုပ်ကိုင်သွား လိမ့်မည်ဖြစ်ကြောင်း
အမေရိကန်နှင့် ဥရောပနိုင်ငံများကို သတိပေးလိုက်သည်။

သဘောတူညီချက်နှင့် စပ်လျဉ်းပြီး သဘောထားအမျိုးမျိုးဖြင့်
တုံ့ပြန်ခဲ့ကြသည်။ အတော်များများက ပြီးခဲ့သည့် ချိန်ပိုင်းက ၂
ကြိမ်တိုင်တိုင် အာဏာစွန့်လွှတ်ရန် ကတိပေးခဲ့ပြီး နောက်ဆုံးအချိန်တွင် ၂
ကြိမ်လုံး ဖောက်ဖျက်ခဲ့သည့် သမ္မတ၏ သဘောထားကို ယုံကြည်မှု မရှိကြောင်း
ပြောဆိုခဲ့သည်။ ထိုသို့ သတိပေးစဉ် အတွင်း ချိန်ယူ အသုံးချပြီး
အာဏာတည်မြဲရေးအတွက် အားထုတ်ကြံစည်ခဲ့သည်။ ပင်လယ်ကွေ့
ပူးပေါင်းဆောင်ရွက်ရေး ကောင်စီမှ စေ့စပ်ဖြန်ဖြေရေး အဖွဲ့ဝင်များ၏
ဖြောင်းဖျမှုကြောင့် ဤတကြိမ်၌ သမ္မတနှင့် အတိုက်အခံ ညွန့်ပေါင်းတို့ အကြား
အမှန်တကယ် လက်မှတ်ထိုးနိုင်မည်ဟု ယုံကြည်ကြသည်။ သဘောတူညီချက်ကို
လိုက်နာဆောင်ရွက်ရန် ဖြန်ဖြေရေးအဖွဲ့ဝင်များက အာမခံ ပေးခဲ့ပြီး သမ္မတက
ပင်လယ်ကွေ့ပူးပေါင်းဆောင်ရွက်ရေးကောင်စီ၏ ကြားဝင် ဆောင်ရွက်မှုကို
သွေးထွက်သံယိုမှုများ ရပ်တန့်ရေး အတွက် ကျွန်တော်တို့ လက်ခံခဲ့ကြောင်း
တယ်လီဗေးရှင်း သတင်း ဌာနတွင် ပြောကြားခဲ့သည်။ သဘောတူညီချက်ကို ယနေ့
တနင်္ဂနွေနေ့တွင် လက်မှတ်ရေးထိုးရန် စီစဉ်လျက်ရှိသည်။ သဘောတူညီချက်အရ ၆
နိုင်ငံပါ ပင်လယ်ကွေ့ ပူးပေါင်းဆောင်ရွက်ရေး ကောင်စီမှ အာဏာစွန့်
လွှတ်မည့် သမ္မတအား နောက်ကြောင်းပြန် အရေးယူမှုမှ ကင်းလွတ်ရန် အာမခံကြပြီး
သမ္မတမှ ရက် ၃၀ အတွင်း အာဏာလွဲပြောင်းပေးရန် ဖြစ်သည်။ အရေးယူမှုမှ
ကင်းလွတ်ခွင့်ပြုရေးနှင့် ပတ်သက်၍ အတိုက်အခံများအကြား သဘောထား
ကွဲလွဲနိုင်ပြီး အချို့က ကြေနပ်နိုင်ဖွယ်မရှိကြောင်း သိရသည်။
ဆင်းရဲမွဲတေမှုနှင့် လာဘ်ပေးလာဘ် ယူမှုများအပေါ် စိတ်ပျက်
မကြေမနပ်ဖြစ်နေသည့် ထောင်သောင်းချီသော လူထု၏ အုံကြွဆန့်ကျင်မှုကို
နေ့စဉ်ရက် ဆက် ရင်ဆိုင် နေရသည့် သမ္မတဆာလားသည် လပေါင်းအတော်ကြာအထိ အာဏာကို
ဖက်တွယ်ထားနိုင်ဆဲ ဖြစ်သည်။ အခြား အာရပ်နိုင်ငံများကဲ့သို့ပင် အီဂျစ်၊
တူနီးရှား လူထုလှုပ်ရှားမှု အောင်ပွဲများက ယီမင်ပြည်သူတို့အား အဓိက
စိတ်အားတက်ကြွမှုနှင့် အားပေးအားမြောက်မှု ဖြစ်စေခဲ့သည်။

သဘောတူညီချက်နှင့် ပတ်သက်၍ သံသယရှိသူများက မစ္စတာဆာလားသည် လိုက်လျောမှု
အရိပ်အယောင်များ ပြလိုက်၊ ဖိနှိပ်အရေးယူမှုများ ပြုလိုက်နှင့် ကစားကာ
အာဏာကို ဖက်တွယ်ထားခဲ့သည်။ ဆေးရုံးရပ်ကွက်သတင်း အရ
လူထုလှုပ်ရှားမှုများအတွင်း ဖိနှိပ်သတ်ဖြတ်မှုများကြောင့် လူ ၁၅၀ ကျော်
သေဆုံးခဲ့ရပြီး ဖြစ်သည်ဟု သိရသည်။

ဤသို့ သွေးထွက်သံယို နှိမ်နှင်းမှုများကြောင့် အာဏာရပါတီအဖွဲ့ဝင်များ၊
ဥပဒေပြုအမတ်များ၊ အစိုးရအဖွဲ့ဝင်များ၊ ထိပ်တန်းသံတမန်များနှင့်
စစ်တပ်အရာရှိများပါ သမ္မဆာလားကို စွန့်ခွာသွားကြ သည်။ အများစုက
ဆန္ဒပြသူများနှင့် ပူးပေါင်းသွားခဲ့သည်။ မစ္စတာဆာလား ယခုကဲ့သို့ အာဏာ
စွန့်လွှတ်ရန် သဘောတူခဲ့ရစေသည့် အဓိကအချက်မှာ ထိပ်တန်းစစ်တပ်အရာရှိများပါ
၎င်းအား စွန့်ခွာသွားခဲ့ခြင်းကြောင့် ဖြစ်သည်။ ၎င်းတို့ထဲ၌ အထူးအရေးပါသည့်
မစ္စတာဆာလား၏ အယုံကြည်ရ ဆုံး သံချပ်ကာတပ် တပ်မှူးများပါ ပါဝင်ခဲ့သည်။
၎င်းတပ်များက အတိုက်အခံများနှင့် ပူးပေါင်းခဲ့ပြီး မြို့တော် ဆာနာ၏
လမ်းဆုံလမ်းခွများတွင် လူထုကို ကာကွယ်စောင့်ရှောက်ရန် သံချပ်ကာတပ်များကို
ချရပ်ထား ကြသည်။ ယခင်က မစ္စတာဆာလား၏ အာဏာဖက်တွယ်နိုင်ခဲ့ခြင်းမှာ
၎င်းမိသားစုဝင် များဖြင့် အုပ်စီးထားသည့် ယီမင်တပ်မတော်အတွင်းမှ
အကောင်းဆုံးလက်နက်များနှင့် လေ့ကျင့်ထား သည့် တပ်ဖွဲ့များ၏
သစ္စာခံမှုကြောင့်ဖြစ်သည်။ ယခုကဲ့သို့ အချို့တပ်မှူးများ မစ္စတာဆာလားအား
စွန့်ခွာ၍ ဆန္ဒပြသမားများနှင့် ပူးပေါင်းလာမှုကြောင့် သဘောတူညီချက်
အချိန်မီမရရှိပါက ၎င်းတပ်ဖွဲ့ များနှင့် သစ္စာခံတပ်များအကြား လက်နက်ကိုင်
တိုက်ပွဲများ ဖြစ်ပွားလာမည်ကို စိုးရိမ်နေကြသည်။

မစ္စတာဆာလားသည် အနောက်တိုင်းနှင့် ဒေသတွင်း မဟာမိတ်နိုင်ငံများ၏ ထောက်ခံမှု
ရရှိရေး အတွက် အကြမ်းဖက်ဖွဲ့စည်း အယ်လ်ကိုင်းဒါး၏ အန္တရာယ်ကို
ထောက်ပြခဲ့သည်။ ၎င်းက ယီမင်နိုင်ငံတွင် သူမရှိပါက အယ်လ်ကိုင်းဒါးအဖွဲ့က
အချိန်မရွေး ထိန်းချုပ် အသုံးချသွားမည်ဟု အကြိမ်ကြိမ် သတိပေးခဲ့သည်။
စနေနေ့က တယ်လီဗေးရှင်းမှ ပြောကြားရာတွင်လည်း ဤအချက်ကို ထပ်မံ
ထောက်ပြသွားပြီး အနာဂါတ်ဟာ လက်ရှိအခြေအနေထက် ပိုဆိုးသွားလိမ့်မည်ဟု
သတိပေး သွားခဲ့သည်။ လူထုအုံကြွမှုများ ဖြစ်ပွားလာပြီးနောက်
အယ်လ်ကိုင်းဒါးအန္တရာယ်ကို နှိမ်နှင်းထိန်းချုပ်ရန် အတွက် မစ္စတာဆာလားအား
စစ်ရေး၊ ဘဏ္ဍာရေး အကူအညီများပေးခဲ့သည့် အမေရိကန်ကလည်း ၎င်း၏ ထောက်ခံမှုကို
ရုတ်သိမ်းသွားခဲ့သည်။ အာရပ်ကျွန်း ဆွယ်တွင်းရှိ အယ်လ်ကိုင်းဒါး
တိုက်ခိုက်ရေး သမား အများစုသည် ယီမင်နိုင်ငံကို အခြေပြုလှုပ်ရှားကြသည်။
လောလောဆယ်၌ အယ်လ်ကိုင်းဒါး တိုက်ခိုက်ရေးသမား ၃၀၀ ခန့် ယီမင်ကို
အခြေပြုလှုပ်ရှားနေသည်ဟု သိရသည်။ ဤအချက်နှင့် ပတ်သက်၍
အတိုက်အခံခေါင်းဆောင်တဦးကမူ မစ္စတာဆာလားဟာ အယ်လ်ကိုင်းဒါးကို လက်ညှိုးထိုး
အကြောင်းပြပြီး သူအာဏာတည်မြဲဖို့အတွက် အမေရိကန်နှင့် အနောက်တိုင်းကို
ခြောက်လှန့်နေတာ ဖြစ်တယ်ဟု ခြေပခဲ့သည်။ အဆိုပြုချက်ပါ သဘောတူညီချက်အရ
လက်မှတ်ရေးထိုးပြီး တပတ်အတွင်း အတိုက်အခံညွန့်ပေါင်းအဖွဲ့နှင့်
မစ္စတာဆာလား၏ အာဏာရပါတီတို့ ပူးပေါင်းပါဝင်သည့် အမျိုးသား
ညီညွတ်ရေးအစိုးရကို ဖွဲ့စည်းရန်ဖြစ်သည်။ ထို့နောက် ပါလီမန်ခေါ်ယူ၍
မစ္စတာဆာလားအား အရေးယူအပြစ်ပေးမှုမှ ကင်းလွတ်ခွင့်ကို ပါလီမန်မှ ဆုံးဖြတ်ကာ
လက်မှတ်ရေးထိုးပြီး ရက်ပေါင်း ၃၀ အတွင်း မစ္စတာဆာလားမှ
အာဏာစွန့်လွှတ်ရန်ဖြစ်သည်။ ထိုတလ လွန်မြောက်ပြီး ကာလ၌ သမ္မတ သစ်
ရွေးကောက်ရန် ရွေးကောက်ပွဲ ကျင်းပရေးပင် ဖြစ်သည်။

မနေ့က ပြုလုပ်ခဲ့သည့် အတိုက်အခံ ညွန့်ပေါင်းအဖွဲ့ ကိုယ်စားလှယ်များ၏
သဘောတူညီချက် လက်မှတ်ရေးထိုးပွဲကို အမေရိကန်
ဥရောပသမဂ္ဂအဖွဲ့ဝင်နိုင်ငံများမှ သံအမတ်ကြီးများ အပါအဝင် အဓိကကြားဝင်
ဖြန်ဖြေသူ ပင်လယ်ကွေ့ပူးပေါင်းဆောင်ရွက်ရေး အတွင်းရေးမှူးချုပ်တို့
တက်ရောက်ခဲ့ ကြသည်။ သမ္မတ၏ သဘောတူစာချုပ် လက်မှတ်ရေးထိုးမှုကို
ယနေ့တနင်္ဂနွေနေ့တွင် ပြုလုပ်မည် ဖြစ်သည်။

သတင်းကိုးကား။ အေပီRest of your post