“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Tuesday, June 22, 2010

ပုထွေးငယ် လာတယ်ဟေ့ ရှေ့ ကြည့် သတိ


ချိတ်ပုဆိုးဝတ် ဝန်ကြီးများ သတိဆွဲ၍ ဧည့်ကြို --ခက်ထန် Tuesday, June 22, 2010
Share/Save/Bookmark ကြိုးကြီး ချိတ်ရောင်စုံ၊ ခေါင်းပေါင်းစ တလူလူ၊ တိုက်ပုံ တကားကားနှင့် ကတ္တီပါ ခုံမြင့်ဖိနပ်ဆင်တူ ကိုယ်စီ ဆင်ယင်ထားပြီး သတိဆွဲနေသည့် စစ်အစိုးရ ဝန်ကြီးများကို မြင်တွေ့ရသည်မှာ အရပ်သား အစိုးရအဖြစ် တမင် ဖန်တီးထား လေသလားဟု လူအများက မေးခွန်းထုတ်နေကြသည်။

[လာအို ဝန်ကြီးချုပ်ကို အသင့်အနေအထားဖြင့် ကြိုဆိုနေကြသည့် ဝန်ကြီးချုပ် ဦးသိန်းစိန်နှင့် ဝန်ကြီးအဖွဲ့ (ဓာတ်ပုံ - ဧရာဝတီ)]

လာအို ဝန်ကြီးချုပ်ကို အသင့်အနေအထားဖြင့် ကြိုဆိုနေကြသည့် ဝန်ကြီးချုပ် ဦးသိန်းစိန်နှင့် ဝန်ကြီးအဖွဲ့ (ဓာတ်ပုံ - ဧရာဝတီ)

ဇွန်လ ၂၁ ရက်နေ့က လာအို ဝန်ကြီးချုပ် မစ္စတာ ဘိုဝါဆွန်ဘုဖာဝမ်းအား စစ်အစိုးရဝန်ကြီးများက ပုံပါအတိုင်း ဝတ်ဆင်ကာ ကြိုဆိုနေကြခြင်း ဖြစ်သည်။

ဆယ်စုနှစ် ၂ ခုအတွင်း နိုင်ငံတော်အဆင့် ဧည့်ကြိုပွဲ၌ ယခုကဲ့သို့ ဝတ်စားဆင်ယင်ပုံမျိုးဖြင့် ကြိုဆိုကြသည်ကို မြင်တွေ့ခဲကြသည်။

ဝန်ကြီးချုပ်ဗိုလ်ချုပ်ကြီး သိန်းစိန် အပါအဝင် ဝန်ကြီး ၂၇ ဦးတို့သည် ဧပြီ လကုန်ပိုင်းတွင် စစ်ဘက်ရာထူးများမှ အရပ်ဘက်သို့ ပြောင်းလဲခဲ့ကြပြီးနောက် ဤသို့ ဝတ်စားဆင်ယင်မှုများဖြင့် ပထမဆုံးအကြိမ် ထွက်ပေါ်လာခဲ့ကြခြင်း ဖြစ်သည်။

ဝန်ကြီးချုပ်ဦးသိန်းစိန်နှင့် အပေါင်းအပါ ဝန်ကြီးများသည် ခေါင်းပေါင်း၊ တိုက်ပုံအပြင် အရောင်ကွဲပြားရန် စီစဉ်ထားသော ချိတ်လုံချည်၊ ပုံစံတူ ခုံမြင့် ကတ္တီပါ ဖိနပ်များ စီးထားပြီး သတိဆွဲလျက် ရပ်နေကြခြင်းကို MRTV ရုပ်/ သံကလည်း ထုတ်လွှင့် သွားခဲ့ပြီး ကြည့်ရှုရသူများ အမြင်ဆန်းလျက်ရှိကြောင်း သိရသည်။

ကြည့်ရှုခဲ့သူ တဦးက “အကယ်ဒမီပွဲမှာ အရောင်းဆိုင်တွေက စပွန်ဆာပေးလို့ မင်းသမီးတွေ ကြိုးကြီးချိတ်ရောင်စုံကို အပြိုင်အဆိုင် ဝတ်လာကြတာနဲ့တူတယ်” ဟု ပြောသည်။

စစ်ဝတ်စုံ၊ စစ်ဖိနပ်၊ ဦးထုပ်များကိုသာ အနှစ် ၂၀ ကျော် ဝတ်ဆင်ခဲ့ရသော စစ်ဝန်ကြီးများမှာ သာမန်လူမဝတ်သည့် အဝတ်အစားများဖြင့် ကသိကအောင့် ဖြစ်နေပုံရသည်ဟုလည်း ၎င်းက ဆိုသည်။

ဝန်ကြီးများ ဝတ်ဆင်ထားသည့် ချိတ်လုံချည် အဆင်များသည် မြန်မာပြည်၌ မင်္ဂလာဆောင်ချိန်တွင် သတို့သား၊ ရှင်ပြုချိန်တွင် မောင်ရှင်လောင်း၊ ဇာတ်ကနေသည့် ဇာတ်မင်းသားတို့မှ တပါး တခြား ပွဲလမ်းသဘင်များ၌ ဝတ်ဆင်သည်ကို မြင်ရခဲလှသည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ကို ဧပြီလ ၂၉ ရက်နေ့၌ ပြည်ထောင်စု ရွေးကောက်ပွဲ ကော်မရှင်တွင် မှတ်ပုံ တင်ခွင့် လျှောက်ထားခဲ့ကြသည်။

ပြည်တွင်း မီဒီယာများတွင် လက်ရှိ အစိုးရကို တပ်မတော် အစိုးရဟု ခေါ်ဝေါ်သုံးစွဲခြင်း မပြုကြရန် ကာကွယ်ရေးဦးချုပ် (ကြည်း) ၏ ညွှန်ကြားချက် မေလ အစောပိုင်းက ထွက်ပေါ်လာခဲ့သည်။

ဝန်ကြီးများကို တမင်သတ်မှတ်၍ ယခုကဲ့သို့ ဝတ်ခိုင်းသည်မှာ ထင်ရှားကြောင်းလည်း လူအများက ဝေဖန်နေကြသည်။

အဆိုပါ ဝတ်စားဆင်ယင်ပုံများကို လူထုမျက်မှောက်တွင် ဖော်ပြလာခြင်းဖြင့် အရပ်သား အစိုးရအဖြစ် မြင်လာရန် လုပ်ဆောင်နေကြဟန်ရှိကြောင်း ဝေဖန်သူများက ဆိုသည်။Rest of your post

1 comments:

Unknown said...

ဟားဟား ဟား... ဘယ်အလှူသွားပြီး ကျိတ်မလို့လဲ မသိဘူး... တော်တော် ရယ်စရာကောင်းတဲ့ သောက်ရူးကြီးတွေ .. အရှက်ကို မရှိဘူး..

 
----------------------------------------- */ /* EOT ----------------------------------------- */