အချိန်ရှိခိုက်..လုံ့လစိုက်..(မပြုတ်ခင်...အချိန်မီတွယ်သာတွယ်ဟ)

ဇောတိကစီမံကိန်း အမြန်ဆုံးရောင်းချနိုင်ရန် ညွှန်ကြား

မုတ္တမကမ်းလွန်ရှိ သဘာဝဓာတ်ငွေ့ လုပ်ကွက်တခုဖြစ်သော ဇောတိက စီမံကိန်းမှ ယခုနှစ် ပွင့်လင်းရာသီအတွင်း သဘာဝဓာတ်ငွေ့ စီးပွားဖြစ်ထုတ်လုပ်ရောင်းချနိုင်ရေး အမြန်ဆုံးဆောင်ရွက်ကြရန် စစ်အစိုးရစွမ်းအင်ဝန်ကြီးက ပြောကြားလိုက်သည်။
ဇောတိက သဘာဝဓာတ်ငွေ့ စီမံကိန်းကို ထိုင်းစွမ်းအင်ကုမ္ပဏီ PTTEP နှင့်အမေရိကန်ဒေါ်လာ သန်း (၁) ထောင်တန်ဖိုးရှိ ဓာတ်ငွေ့ရောင်းချရန်နားလည်မှုစာချွန်လွှာ ချုပ်ဆိုထားပြီး အမြန်ဆုံး စတင်ရောင်းချအကောင်အထည်ဖော်ရန် စစ်အစိုးရ ၀န်ကြီးက အဆိုပါစီမံကိန်းသို့ ယခုလ (၁) ရက်တွင် သွားရောက် ပြောကြားခဲ့ခြင်းဖြစ်သည်။

၂၀၀၅ ခုနှစ်ကတည်းက ယခုချိန်ထိ ဇောတိကစီမံကိန်းတွင် သဘာဝဓာတ်ငွေ့ရှာဖွေရေးနှင့် အကဲဖြတ်ရေး တွင်းပေါင်း (၁၈) တွင်း တူးဖော်ပြီးဓာတ်ငွေ့ထွက်ရှိမှုပမာဏကို ခန့်မှန်းတွက်ချက်မှု လုပ်ငန်းစဉ်များလုပ်ဆောင်နေခြင်းဖြစ်သည်။

စစ်အစိုးရ တရားဝင် နိုင်ငံခြားငွေ လဲလှယ်နှုန်းအရ နိုင်ငံမှ သဘာဝဓာတ်ငွေ့ရောင်းချရငွေများကို စစ်ဗိုလ်ချုပ်ကြီးများ ရရှိနေဦးမည်ဖြစ် ကြောင်းစီးပွားရေးပညာရှင်တဦးက သုံးသပ်သည်။

“(၁) ဒေါ်လာကို တရားဝင် (၆) ကျပ်။ တကယ့် အရှိ ငွေလဲနှုန်းက (၁) ထောင်ကျပ်။အဲတော့ အစိုးရက ဓာတ်ငွေ့ရောင်းရငွေ ဒေါ်လာသန်း (၁) ထောင်ဆိုရင်ပြည်သူ့ဘဏ္ဍာထဲ ၀င်လာမှာက ဒေါ်လာ သန်း (၆၀)။ ကျန်တဲ့ ဒေါ်လာ သန်း (၉၄၀) က
ဘယ်သူယူမယ်ဆိုတာ မသိနိုင်ဘူး” ဟု ပြည်တွင်း စီးပွားရေးပညာရှင်တဦးကပြောဆိုသည်။

မြန်မာ့သဘာဝဓာတ်ငွေ့ လုပ်ကွက်များဖြစ်သည့် ရဲတံခွန်နှင့် ရတနာတို့မှထိုင်းနိုင်ငံသို့ ရောင်းချနေပြီး ယခု ဇောတိက သဘာဝဓာတ်ငွေ့ လုပ်ကွက်မှာထပ်မံရောင်းချရန် သဘောတူပြီးဖြစ်သည်။

စစ်အစိုးရက ရတနာ သဘာဝဓာတ်ငွေ့လုပ်ကွက်မှ ၀င်ငွေ အမေရိကန် ဒေါ်လာ (၄.၈၃)ဘီလီယံ ရရှိထားသော်လည်း နိုင်ငံ့ဘဏ္ဍာတွင် ၀င်ငွေစာရင်းအဖြစ် ကန်ဒေါ်လာ (၂၉) သန်းသာ ပြထားကြောင်း ထိုင်းနိုင်ငံအခြေစိုက် Earth Rights International
အဖွဲ့၏ ယမန်နှစ် အစီရင်ခံစာတွင် ပါရှိသည်။

မြန်မာ့ကမ်းလွန်သဘာဝဓာတ်ငွေ့ လုပ်ကွက်ဖြစ်သည့် ရတနာတခုတည်းမှရောင်းချနေသည့် သဘာဝဓာတ်ငွေ့ဖြင့် ထိုင်းနိုင်ငံတွင်း လျှပ်စစ်ဓာတ်အားအသုံးပြုမှု၏ (၂၀) ရာခိုင်နှုန်းကို ဖြည့်ဆည်းပေးနေပြီး စုစုပေါင်းလျှပ်စစ်ဓာတ်အား မဂ္ဂါဝပ် (၂,၅၀၀) ထုတ်လုပ်ပေးနေခြင်းဖြစ်သည်။

ယင်းပမာဏမှာ မြန်မာတနိုင်ငံလုံး လက်ရှိ ရရှိနေသည့် လျှပ်စစ်ဓာတ်အား၏ (၂) ဆဖြစ်ပြီး စစ်အစိုးရ အာဏာရယူထားသည့် နှစ်ပေါင်း (၂၀) ကျော်ကာလအတွင်းနိုင်ငံအတွက် တည်ဆောက်သော ရေအားလျှပ်စစ် ပမာဏ၏ (၄) ဆကျော်ဖြစ်သည်။

(ခေတ်ပြိုင်) မှ