တချက်လေးမျှ စောင်းငဲ့မကြည့်တော့

Monday, 11 January 2010 18:20 ရဲနည်

မြန်မာ စစ်အစိုးရ၏ ထိပ်သီး ခေါင်းဆောင်က ယခုနှစ်တွင် ပြုလုပ်ရန် စီစဉ်ထားသည့် ရွေးကောက်ပွဲကို မဖြစ်မနေ ကျင်းပမည်ဟု ထပ်၍ အတည်ပြု ပြောဆိုခဲ့ပြန်သည်။

“ယခုနှစ်တွင် ရွေးကောက်ပွဲများကို စနစ်တကျ ကျင်းပရေး အတွက် စီမံ ဆောင်ရွက်လျက်ရှိသည်” ဟု ဇန်န၀ါရီလ ၄ ရက်နေ့ က ထုတ်ပြန်သည့် ဗိုလ်ချုပ်မှူးကြီး သန်းရွှေ၏ လွတ်လပ်ရေးနေ့ သ၀ဏ်လွှာတွင် ဖော်ပြထားသည်။

ရွေးကောက်ပွဲ အချိန်စာရင်း ထွက်ပေါ်လာခြင်း မရှိသေးသော်လည်း ဂျပန်နိုင်ငံထုတ် အဆာဟိရှင်ဘွန်း သတင်းစာက စစ်အစိုးရ သတင်းရင်းမြစ်များကို ကိုးကား၍ ရွေးကောက်ပွဲကို အောက်တိုဘာလ ၁၀ ရက်နေ့တွင် ကျင်းပမည်ဟု ဖော်ပြခဲ့သည်။ ၀န်ကြီးတချို့က လက်ရှိရာထူးများမှ နုတ်ထွက်ပြီး သူတို့ ၀င်ရောက် ရွေးချယ်ခံမည့် မဲဆန္ဒနယ် အမည်များကို ဧပြီလတွင် ကြေညာမည်၊ မဲဆွယ်စည်းရုံးရန် ၆ လ အချိန်ယူမည်ဟုလည်း သတင်းတွင် ဖော်ပြထားသည်။

ဖြေရှင်းနိုင်ခြင်း မရှိသေးသည့် ပြဿနာအများအပြား ရှိနေသည်။ ဥပမာ စစ်အစိုးရက ရွေးကောက်ပွဲ မည်သို့ မည်ပုံ ကျင်းပမည် ဆိုသည်ကို ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း အပါအ၀င် နိုင်ငံတကာမိသားစုက အကြီးအကျယ် စိတ်ဝင်စားနေသော်လည်း အဖြေ မသိရသေးပေ။

သို့သော်လည်း ရွေးကောက်ပွဲ ကျင်းပမည်ဟု ဗိုလ်ချုပ်သန်းရွှေ၏ ကတိအပေါ် သံသယဖြစ်စရာ အကြောင်း မရှိပေ။ သူ၏ ရိုးသားမှုအပေါ် မူတည်၍ ပြောဆိုခြင်း မဟုတ်ပါ။ မည်သူက အရေးထားသည်ဖြစ်စေ မထားသည် ဖြစ်စေ စီစဉ်ထားသည့် အတိုင်း ဆက်လုပ်မည်ဟု သန္နိဋ္ဌာန် ချထားမှုအပေါ် အခြေခံ၍ ပြောဆိုခြင်းသာ ဖြစ်ပါသည်။ ဒီမိုကရေစီ အင်အားစုများ၊ တိုင်းရင်းသား ခေါင်းဆောင်များနှင့် အဓိပ္ပာယ်ရှိသည့် တွေ့ဆုံ ဆွေးနွေးပွဲများ ပြုလုပ်ပါရန် တောင်းဆိုနေကြသည့် အချက်ကို သူက အလွယ် လျစ်လျူရှုတော့မည့်ဟန် ပြသနေသည်။ သို့ဆိုလျှင် ဤရွေးကောက်ပွဲ ပြီးနောက် စစ်မှန်သော နိုင်ငံရေး ပြုပြင်ပြောင်းလဲမှုများ၊ အမျိုးသားပြန်လည် သင့်မြတ်ရေး လုပ်ငန်းများလည်း ဖြစ်ပေါ်လာရန် အကြောင်းမရှိပေ။

ထိန်းသိမ်းခံနေရသည့် ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် အတိုက်အခံ အင်အားစုများက သပိတ် မှောက်သည်ဖြစ်စေ၊ မမှောက်သည် ဖြစ်စေ ဗိုလ်ချုပ်သန်းရွှေ ရွေးကောက်ပွဲနေ့ရက် ကြေညာပြီးသည့်နောက်တွင် စစ် အစိုးရ၏ လက်ရွေးစင် ကိုယ်စားလှယ်လောင်းများက ၀င်ရောက်ယှဉ်ပြိုင်ကြမည်သာ ဖြစ်သည်။

ရွေးကောက်ပွဲကျင်းပနေသည့် အချိန်တွင် တိုင်းပြည်အတွင်း၌ မည်သည့်နိုင်ငံခြားသား ရှိနေသင့်သည်၊ ရှိမနေသင့် ဟူသည်ကိုလည်း စစ်အစိုးရက တွက်ချက် ရွေးချယ်နေမည် ဆိုသည်မှာ ပြောစရာ မလိုအပ်သည့် အချက် ဖြစ်သည်။ လူသားချင်း စာနာမှု အကူအညီများ၊ ကယ်ဆယ်ရေး လုပ်ငန်းများအတွက် နိုင်ငံတကာ အဖွဲ့အစည်းများနှင့် သဘောတူ စာချုပ်ချုပ်ထားခြင်းများသည်လည်း ယခုနှစ် ဇွန်လတွင် သက်တမ်း စေ့တော့မည် ဖြစ်သည်။ ကုန်ဆုံးတော့မည့် စာချုပ်များ ပြန်လည် သက်တမ်းတိုးပေးဖွယ်မရှိ ဟုလည် ယူဆနေကြသည်။

အကယ်၍ စစ်အစိုးရ အစီအစဉ်အတိုင်းသာ ဖြစ်ခဲ့ပါက၂၀၀၈ အခြေခံဥပဒေအရ အစိုးရသစ်တရပ် ပေါ်ပေါက်လာတော့မည် ဖြစ်သည်။ လွှတ်တော်တွင်လည်း စစ်တပ်ကိုယ်စားလှယ် ၂၅% က နေရာယူထားပြီး၊ ကာကွယ်ရေးဦးစီးချုပ် ဆိုသူကလည်း “အရေးပေါ်ကာလ” ဟု သတ်မှတ်သည့် အခြေအနေများတွင် ဥပဒေပြုရေး၊ အုပ်ချုပ်ရေး၊ တရားစီရင်ရေး အာဏာ ၃ ရပ်ကို ချယ်လှယ် လွှမ်းမိုးနေဦးမည် ဖြစ်သည်။

ဗိုလ်ချုပ်သန်းရွှေ၏ အသွင်ပြောင်းရေး အစီအစဉ်သည် နိုင်ငံရေးမျှနှင့်သာ ရပ်တန့် မနေပါ။ သူ၏ လက်ဝေခံ လူနည်းစုက နိုင်ငံ၏ စီးပွားရေးကဏ္ဍကို ချုပ်ကိုင် လွှမ်းမိုးနိုင်ရန်လည်း အစီအစဉ် ကြီးကြီးမားမား ချမှတ်ထားသေးသည်။

လွန်ခဲ့သည့် နှစ်အနည်းငယ်အတွင်း ဗိုလ်ချုပ်သန်းရွှေက သူ၏ လက်ဝေခံ လူနည်းစုနှင့် အရင်းရှင် စီးပွားရေးစနစ် ပြောင်းနိုင်ရန် ရည်သန်လျက် ရှိနေသည်။ ပုဂ္ဂိုလ်ရေးအရ ရင်းနှီးသူများ၊ စစ်အရာရှိတို့၏ မိသားစုဝင်များကို အခွင့်ထူးများကို ဆုချသလို ပေးအပ်လျက်ရှိသည်။ တနည်းပြောရလျှင် သူ၏အာဏာစက် ခိုင်အောင် ပြုနေခြင်း ဖြစ်သည်။ စီးပွားရေးသတင်းရပ်ကွက်များ အဆိုအရ မြန်မာနိုင်ငံ၏ အချမ်းသာဆုံး စီးပွားရေးသမားဟု ဆိုနိုင်သည့် ဦးတေဇ ကဲ့သို့သော သူနှင့် နီးစပ်သည့် လုပ်ငန်းရှင်များကို အထူးသွင်းကုန် ပါမစ်များ ချပေးနေသည်ဟု ဆိုသည်။ “ပုဂ္ဂလိကပိုင်ပြုသည်” ဟူသည့် အမည်အောက်တွင် နိုင်ငံတော်ပိုင် စီးပွားရေးလုပ်ငန်း အများအပြားကို လူနည်းစု အခွင့်ထူးခံတို့၏ လက်ထဲ လွှဲပြောင်းပေးလျက်ရှိသည်။

မကြာသေးမီက ဦးတေဇက ရေအားလျှပ်စစ် စက်ရုံ ၂-ခု တည်ဆောက်ရန်အတွက် အရေးပါသည့် ကန်ထရိုက်လုပ်ငန်းများ ရရှိသွားခဲ့ပြန်သည်။

မြန်မာနိုင်ငံ၏ သဘာဝ သယံဇာတများကို ပုဂ္ဂလိကပိုင် လွှဲပြောင်းခြင်းဖြင့် ရွေးကောက်ပွဲပြီးနောက်ပိုင်းကာလတွင် အဓိကကျသည့် စီးပွားရေးကဏ္ဍများ၌ ဗိုလ်ချုပ်သန်းရွှေနှင့် မိသားစုဝင်များက ဆက်လက် ချုပ်ကိုင်ထားနိုင်ရေး အတွက် ကြိုးပမ်းနေကြသည်။ အခြေခံဥပဒေအသစ်အရ ဆိုလျှင် နိုင်ငံပိုင် စီးပွားရေးလုပ်ငန်းတချို့သည် ဒေသဆိုင်ရာ အစိုးရများက တစိတ်တပိုင်း ၀င်ရောက်စီမံ စွက်ဖက်ခွင့် ရှိနေရာ ယခုကတည်းက အန္တရာယ်ကင်း ပြင်ဆင်နေကြခြင်း ဖြစ်သည်။

နိုင်ငံတော်ပိုင် စီးပွားရေးလုပ်ငန်းများကို ဦးတေဇထံ လွှဲပြောင်းပေးခြင်းဖြင့် ဗိုလ်ချုပ်သန်းရွှေက ရွေးကောက်ပွဲ မတိုင်မီ နှင့် ရွေးကောက်ပွဲပြီးနောက် သူ၏ ချုပ်ကိုင်မှုမှ လွတ်ထွက်မသွားနိုင်စေရေး ပြင်ဆင်နေသည်။ ရန်ကုန် အခြေစိုက် စီးပွားရေးသမားတဦးက “ပြောရရင်တော့ဗျာ ထူးကုမ္ပဏီမှာ မမြင်ရတဲ့လက်နဲ့ ထိန်းချုပ်နေတာ ဗိုလ်ချုပ်သန်းရွှေပါပဲ။ ဦးတေဇက ဗိုလ်ချုပ်သန်းရွှေ မိသားစုရဲ့ ကိုယ်စားလှယ်အေးဂျင့်လောက်ပါပဲ” ဟု ဆိုလာသည်။

ဗိုလ်ချုပ်သန်းရွှေက “အသွင်ကူးပြောင်းရေး၏ အရေးအပါဆုံး လုပ်ငန်းစဉ်” ဟု ဆိုသည့် ဒီမိုကရေစီ “လမ်းပြမြေပုံ” ကို ဆက်လက် အကောင်အထည်ဖော်ရန် ရည်ရွယ်နေသည်။ သို့မှသာလျှင် သူအာဏာရှိနေစဉ် ကာလအတွင်း သိမ်းကျုံးရယူ ထားသည့် နိုင်ငံရေးအာဏာ၊ ဓနစည်းစိမ်ဥစ္စာများကို ဆက်လက် ထိန်းသိမ်းနိုင်လိမ့်မည် ဖြစ်သည်။ သို့သော်လည်း တပ်မတော်သားများ အပါအ၀င် လူအများက သူ့ကို မကြိုက်ကြမှန်းလည်း သူ သိထားသည်။ အာဏာ အနည်းငယ် လက်လွှတ်ရုံမျှနှင့်ပင် သူအကြီးအကျယ် နစ်နာနိုင်သည်ကိုလည်း အမြဲတမ်း စိုးရိမ် ကြောက်ရွံ့နေခဲ့သူဖြစ်သည်။

ဗိုလ်ချုပ်သန်းရွှေက ယခုလာမည့် ရွေးကောက်ပွဲတွင် “အမှန်ကန်ဆုံး ရွေးချယ်မှု” ကို ပြုကြရန် ပြည်သူတရပ်လုံးကို တိုက်တွန်း ညွှန်ကြားထားသေးသည်။ မကြာသေးမီက လူငယ်ဗီဒီယို သတင်းထောက်တဦးကို ပြည်ပမီဒီယာများထံ သတင်းပေးပို့မှုအတွက် ထောင်ဒဏ် အနှစ် ၂၀ ပေးခဲ့ပြီး၊ မြောက်ကိုရီးယား လျှို့ဝှက် ခရီးစဉ် အသေးစိတ် အချက်အလက်များ ပေါက်ကြားမှုဖြင့် စစ်အရာရှိဟောင်းတဦး နှင့် နိုင်ငံခြားရေး ၀န်ကြီးဌာန အရာရှိတဦးကိုလည်း သေဒဏ် စီရင်ချက် ချခဲ့ခြင်းဖြင့် သူ၏ဆန္ဒကို ဖီလာဆန့်ကျင်ပြုကြမည် ဆိုလျှင် မည်သို့ကြုံရနိုင်ကြောင်း ကြိုတင်သတိပေးခဲ့သည်။

ရဲနည် ရေးသားသည့် No Turning Back ကို ဆီလျော်အောင် ပြန်ဆိုဖော်ပြပါသည်။
http://www.irrawaddy.org/bur/index.php/editorial/2009-02-27-05-56-44/2399-2010-01-11-11-21-57