လူထုဦးလှအောက်မေ့ဖွယ်ရာပြည့်ပွဲ တိုကျိုတွင်ပြုလုပ်

သန့်မျိုးထွေး
တိုကျို၊ ဇန်န၀ါရီလ(၁၇) www.moethaukkye.co.cc
မြန်မာစာပေနှင့်သတင်းစာဆရာကြီး လူထုဦးလှ၏ ၂၀၁၀ခုနှစ်တွင်ပြည့်မြောက်သည့် နှစ်တရာပြည့် အထိမ်းအမှတ်အဖြစ် "လူထုဦးလှရာပြည့်"အမည်ဖြင့် တိုကျိုမြို့ရှိ (MCWA)မြန်မာဘုန်းတော်ကြီးကျောင်းတွင် အလင်းအိမ်၊ အာဟာရစာပေ အင်အားစုများနှင့်ဂျပန်ရောက်စာပေအင်အားစုများကယနေ့တွင်ပြုလုပ်ခဲ့ကြသည်။

လူထုဦးလှရာပြည့်ပွဲသို့ ဆရာကြီးကိုလေးစားကြည်ညိုသူ ၄၀ ဦးခန့်တက်ရောက်ခဲ့ကြပြီး အပြည်ပြည်ဆိုင်ရာသံဃာရုံးခန်း(ဂျပန်)မှ ဆရာတော်ဦးဓမ္မဇောတိအား နေ့ဆွမ်းဆပ်ကပ်လှူဒါန်းပြီး အခမ်းအနားကို ဆရာကြီး၏ အထုပ္ပုတ္တိကို ဦးသိန်းငွေမှဖတ်ပြ၍ စတင်ခဲ့ကြသည်။

View all

Get your own

ရာပြည့်အထိမ်းအမှတ်နှင့်ပူဇော်ထိုက်သူကို ပူဇော်ခြင်းသည်ကောင်းမြတ်သော မင်္ဂလာမည်ကြောင်း "အပ္ပမာဒ" မမေ့မလျော့ခြင်းသည် ပစ္စပ္ပုန်အပြင် သံသရာအကျိုးနိဗ္ဗာန်တိုင်အောင် အကျိုးပေးသောကြောင့် မိမိတို့၏စာပေ၊ ယဉ်ကျေးမှုနှင့်ပါတ်သက်ပြီး ကျေးဇူးတရားရှိသော လူထုဦးလှ၏ အောင့်မေ့ဖွယ်အထိမ်းအမှတ်ပြုလုပ်ခြင်းသည် ကောင်းမြတ်သော မင်္ဂလာမည်ကြောင်း ဆရာတော်မှမိန့်ဆိုသည်။

"မိမိတို့ရဲ့ကျေးဇူးရှင်ပုဂ္ဂိုလ်တွေကို ဂုဏ်တင်နေတယ်၊ ဖော်ထုတ်နေတယ်ဆိုတာ မိမိတို့ရဲ့အမျိုးသားရေးလက္ခဏာဖြစ်တဲ့ စာပေနဲ့ယဉ်ကျေးမှုကို ဖော်ထုတ်အသက် သွင်းနေတာဘဲဖြစ်တယ်၊ စာပေမြင့်မှ လူမျိုးတင့်မယ်ဆိုတဲ့စကားရှိပါတယ်၊ စာပေမမြင့်ဘူး၊ နိမ့်ကျနေမယ်ဆိုရင် လူမျိုးပါလိုက်ပြီး နိမ့်ကျဖို့ရာအကြောင်းဖြစ်သွားနိုင်ပါတယ်။ ဒါ့ကြောင့် အပ္ပမာဒေါ အပ္ပမာဒံပတံဆိုတဲ့အခါမှာ မိမိတို့ယဉ်ကျေးမှုကို ထိမ်းသိမ်းတဲ့နေရာမှာရော စာပေရဲ့ခေါင်းဆောင် လူထုဦးလှလိုမျိုးပုဂ္ဂိုလ် လူပညာရှိတွေ၊ ရဟန်းပညာရှိတွေရဲ့ အကြောင်းကို မမေ့တာဟာ စာပေနဲ့ယဉ်ကျေးမှုကို ဖော်ထုတ်တာပါဘဲ၊ မမေ့ကြောင်းကို ပြတာပါဘဲ"ဟု ဆရာတော်ဦးဓမ္မဇောတိမှဟောပြောမိန့်ဆိုသည်။

လူထုဦးလှရာပြည့်ပွဲကို ပြည်တွင်းပြည်ပတွင်ပြလုပ်ကြပြီး ရွှေဂုံတိုင်ရှိအမျိုးသားဒီမိုကရေစီအဖွဲ့ချုပ်ရုံးတွင် ယခုလ ၁၄ ရက်နေ့က အမှတ်တရစာဖတ်ဝိုင်းအဖြစ်ပြုလုပ်ခဲ့ကြပြီး အမျိုးသားဒီမိုကရေစီအဖွဲ့ချုပ်မှ ဗဟိုအလုပ်အမှုဆောင် သတင်းစာဆရာကြီးဦးဝင်းတင်မှ ဂျပန်တွင်ပြုလုပ်သည့်ရာပြည့်ပွဲသို့ အမှတ်တရစကားပေးပို့ခဲ့သည်။

ယင်းနောက်တွင် အဟာရစာစောင်အယ်ဒီတာကိုမြင့်နိုင်မှ လူထုဦးလှ၏သားတပည့် အမေရိကန်ရောက်ကဗျာဆရာမောင်စွမ်းရည်ပေးပို့သောသ၀ဏ်လွှာကိုဖတ်ကြားပေးပြီး လူထုဦးလှ၏သား ရဲဘော်ဖိုးသံချောင်း၏အမှတ်တရစကားကို ကိုထွန်းငြိမ်းမှ အသီးသီးဖတ်ပြသွားခဲ့သည်။

လူထုဦးလှရာပြည့်အထိမ်းအမှတ်ကို ဆရာကြီးခေါင်းချကွယ်လွန်ရာအထက်မြန်မာပြည် မန္တလေးမြို့တွင်ကျင်းပရန် သားဖြစ်သူစာရေးဆရာကိုညီပုလေးမှကြိုးပမ်းရာ သက်ဆိုင်ရာ၏ ခွင့်ပြုမိန့်မရရှိသည့်အတွက် မကျင်းပနိုင်ကြောင်း ကိုယ်တိုင်ဆက်သွယ်မေးမြန်းခဲ့သူ မလေးလေး(တိုကျို)မှပြောဆိုသွားသည်။

လူထုဦးလှကို ပဲခူးတိုင်း ညောင်လေးပင် မြို့နယ် ပုစွန်မြောင်း ရွာတွင် အဖ ကုန်သည် ဦးပု၊ အမိ ဒေါ်ခိုင် တို့မှ ၁၉၁ဝ ခု ဇန်နဝါရီ ၁၉ ရက် ဗုဒ္ဓဟူးနေ့တွင်မွေးဖွားခဲ့ပြီး ၁၉၂၆ တွင် ညောင်လေးပင်မြို့ အာစီအမ် (ရိုမန်ကက်သလစ် သာသနာပြု) ကျောင်းမှ ခုနစ်တန်း အောင်ခဲ့ပြီး ၁၉၃ဝ ပြည့်နှစ်တွင် ရန်ကုန်အစိုးရအထက်တန်းကျောင်းမှ ၁ဝ တန်း အောင်ခဲ့သည်။

လွတ်လပ်ရေးအကြိုခေတ် ၁၉၄၆ခုနှစ်တွင် "လူထုသတင်းစာ"ကိုစတင်ထုတ်ဝေချိန်မှစ၍ လူထုဦးလှဟုထင်ရှားလူသိများလာခဲ့သည့် လွတ်လပ်ရေးကြိုခေတ်တွင် စာပေနှင့်ပြည်သူ့အကျိုးပြုသတင်းများကို တစိုက်မတ်မတ်ရေးသားခဲ့ပြီး ဂျပန်ခေတ် အာရှလူငယ်အသင်းခရိုင် ဥက္ကဋ္ဌလုပ်ခဲ့သောကြောင့် ၁၉၄၅ တွင် ဗြိတိသျှ နယ်ချဲ့၏ အဖမ်းဆီးခံရခြင်းအပါအဝင်၊ ဖဆပလခေတ်၊ မဆလခေတ်တို့၌ ၅ ကြိမ်တိတိဖမ်းဆီးခံခဲ့ရသည်။

သတင်းစာနှင့် ငြိမ်းချမ်းရေး ကိုယ်စားလှယ် အဖြစ် ဆိုဗီယက်၊ တရုတ်၊ ချက်၊ အရှေ့ဂျာမနီ၊သီရိလင်္ကာအင်္ဂလန်၊ ပြင်သစ်နှင့် အနောက် ဂျာမနီ၊ ဂျပန်၊ အင်ဒိုနီးရှား နိုင်ငံ များသို့ သွားရောက် ခဲ့ပြီး သတင်းစာဆရာ၊ စာရေးဆရာဖြစ်သည်နှင့် လျော်ညီစွာပင်စာမျိုးစုံ ရေးသားခဲ့ပြီး 'ထောင်နှင့် လူသား' ဖြင့် ၁၉၅၇ ခုနှစ် စာပေဗိမာန် စာပဒေသာဆု၊ 'လှောင်ချိုင့်တွင်းမှ ငှက်ငယ်များ' ဖြင့် ၁၉၅၈ ခုနှစ် ယူနက်စကို စီးပွားရေး လူမှုရေး ဆိုင်ရာဆု၊ 'ရခိုင် ကျေးလက် ပုံပြင်များ' ဖြင့် ၁၉၆၃ ခုနှစ် စာပေဗိမာန် အနုပညာ စာပေဆုတွင် ကလေးသူငယ်ဆိုင်ရာစာပေဒုတိယဆုများ ရရှိပြီးထင်ရှားကျော်ကြားခဲ့သည်။

မှတ်တမ်းဓါတ်ပုံ-မင်းညိုဝမ်း