“ ၀ ” တခုတည်း ကိုယ်လွတ်ရုန်းမရဟု ပလောင်ခေါင်းဆောင်ကပြော။

၂၀၁၀ ခုနှစ် ဇန္န၀ါရီလ (၂၉)ရက်။
“ ၀ ”ပြည်သွေးစည်းညီညွတ်ရေးတပ်မတော် ( UWSA ) သည် သျှမ်းပြည်အတွင်း လက်နက်ကိုင်တပ်ဖွဲ့ အားလုံးအနက် အင်အား အတောက်တင်းဆုံးဖြစ်သည်ဟု ဆိုသော်လည်း မိမိလူမျိုး ၊တပ်ဖွဲ့ ၊ နယ်မြေ တခုထဲအတွက် ကိုယ်လွတ်ရုန်းထွက်လို့  မရဟု ပလောင်ခေါင်းဆောင် မိုင်းအိုက်ဖုန်းကပြောပါသည်။

“ သျှမ်းပြည်အရေးက တိုင်းရင်းသား အားလုံးနဲဆိုင်တယ်” အချင်းချင်း အပြစ်ရှာရမယ့် အချိန်မဟုတ်ဘူး။ “၀” အင်အားကြီးတယ် ပြောပေမယ့် သူ့ အမျိုးသားတခုထဲ လွတ်မြောက်ဖို့  ရုန်းထွက်လို့ ရမှာမဟုတ်ဘူး။ စစ်မှန်သည့် လွတ်လပ်ခြင်း တန်းတူ အခွင့်အရေးရရှိခြင်းအတွက် ယခုအချိန်သည် စုပေါင်းအဖြေရှာ လက်တွဲဝိုင်းဖြေရှင်းကာ တဦးတယောက်အားနှင့် တွန်း၍မရသော် အများနှင့်တွန်းလျှင် လိုရာပန်းတိုင်သို့  အမှန်ရောက်ရှိ မည်ဖြစ်ကြောင်း ( PSLF ) ဥက္ကဋ္ဌ မိုင်းအိုက်ဖုန်းက သျှမ်းသံတော်ဆင့်သို့ ပြော၏။
ပလောင်အမျိုးသားလွတ်မြောက်ရေးတပ်ဦး ( PSLF ) ဥက္ကဋ္ဌ မိုင်းအိုက်ဖုန်းက သျှမ်းပြည်သားအချင်းချင်း တိုက်ခိုက် သတ်ဖြတ်နေမယ်ဆိုရင် စစ်အာဏာရှင်အတွက်ဘဲ အထောက်အကူဖြစ်မယ်။ ၂၀၀၁၊၂၀၀၅ တုန်းက နအဖ သွေးထိုးလှုံ့ ဆော်မူကြောင့် သျှမ်းပြည်တပ်မတော် လွယ်တိုင်းလျဲန်းဌာနချုပ်ကို “၀”တပ်ဖွဲ့ က တက်တိုက် ခဲ့တယ်။ ( PSLF )အနေနဲ့  သျှမ်းပြည်သားအချင်းချင်း မတိုက်ကြဖို့ တတ်အားသမျှ ကြားဝင်ပေးခဲ့သေးတယ်။ မရဘူး ။ အခုလဲ နယ်ခြားစောင့်တပ် အသွင်မပြောင်းမချင်း “၀”တပ်ကို နအဖ ကသပ်လှိုဖြိုခွဲနေမှာဘဲ ဟု ဆက်ပြောပါသည်။

သျှမ်းပြည်သားများ စည်းလုံး ညီညွတ်ရေးအတွက် ပလောင်ခေါင်းဆောင် ဝေဖန်အကြံပေးနေချိန် နအဖ အရာရှိ တို့ လည်း“အခုချိန်ဟာ ခေါင်းမာလွန်းတဲ “၀”တပ်ဖွဲ့ ကို ဆုံမဖို့ အချိန် တန်ပြီ”ဟူသည့်ကြိမ်းဝါး ၀ါဒဖြန့် ပြောဆိုနေသည်ကိုလည်းကြားနေရ၏။
သျှမ်း ၊ ကချင် တို့ ကဲသို့  ပလောင်အမျိုးသားကိုယ်ပိုင် အုပ်ချုပ်ခွင့် ၊ ကိုယ့်ကြမ္မာကိုယ်ဖန်တီးခွင့်အတွက် ၁၉၆၃ ခုနှစ်ကစ၍ ပလောင်အမျိုးသားတပ်ဖွဲ့ ( PNF ) ကိုဖွဲ့ စည်း၍ စစ်အာဏာရှင်အုပ်စုကို ဆန့် ကျင် တော်လှန် ခဲ့သည်။ ၁၉၇၆ ခုနှစ်တွင် ပလောင်ပြည်နယ်လွတ်မြောက်ရေးအဖွဲ့ ချုပ် ( PSLO ) ပလောင်ပြည်နယ် လွတ်မြောက်ရေးတပ်မတော်အဖြစ်အမည်ပြောင်းခဲ့သည်။ ၁၉၈၆ ခုနှစ်တွင် ပလောင်ပြည်နယ်လွတ်မြောက်ရေး ပါတီ ( PSLP ) ဟုအမည်ပြောင်းလဲခဲ့သည်။ ၁၉၉၁ ခုနှစ်တွင် အထူးဒေသ(၇)ဟူ၍ နအဖ စစ်အစိုးရနှင့် အပစ် ရပ်ခဲ့ပြီး ၂၀၀၅ ခုနှစ်တွင်လက်နက်ချလိုက်ရသည်။ ( PSLA/ PSLO )အပစ်ရပ်စဉ် မပါဝင်ဘဲ မိုင်းအိုက်ဖုန်းတို့  အဖွဲ့ ခွဲ့ ထွက်၍ ပလောင်ပြည်နယ်လွတ်မြောက်ရေးတပ်ဦး( PSLF )ကိုဖွဲ့ စည်းထူထောင်ခဲ့သည်။
PNS-Japan