လုပ်အားပေးမှုများ ပေါက်ကြားပါက ရွာမီးလောင်မည်ဟု ခြိမ်းခြောက်ထား

ကို(၂)/ ဇန်န၀ါရီ ၂၇၊ ၂၀၁၀
ကရင်နီပြည်နယ် ဒီမောဆိုမြို့နယ် ဒေါတမကြီးကျေးရွာအုပ်စုအတွင်း စခန်းထိုင်သည့် စစ်အစိုးရတပ် ခလရ ၁၂ သည် ရွာသားများအား လုပ်အားပေးစေခိုင်းမှုများ ပြုလုပ်နေပြီး သတင်းပေါက်ကြားမှုများ ရှိပါက ကျေးရွာများအား မီးရှို့ပစ်မည်ဟု ခြိမ်းခြောက်ထားကြောင်း ဒေသခံများက ပြောပါသည်။

ခလရ ၁၂ တပ်ရင်းသည် ယခုနှစ် တပ်အပြောင်းအလဲ လုပ်ချိန်၌ ဒီမောဆိုမြို့နယ်အတွင်း အခြေစိုက်သော ခလရ ၂၉၅ တပ်ရင်းဖြင့် အစားထိုး ရောက်ရှိလာသည့်တပ် ဖြစ်သည်။

“သူတို့ လာနေတဲ့ တပ်အားလုံးလိုလိုက ခြိမ်းခြောက်ပြီး ပြောတာပဲ။ တပ်တွင်း လုံခြုံရေး တစုံတရာ ထိခိုက်လာမယ်ဆိုရင် ခင်ဗျားတို့ရွာ မီးလောင်စေရမယ်။ ရွာမရှိစေရဘူး” ဟု ဒေါတမကြီးကျေးရွာအုပ်စုမှ ဒေသခံရွာသားတဦးက ပြောသည်။

ကျေးရွာသူ၊သားများမှ နေ့စဉ်အလိုက် တပ်၏ လိုအပ်မှုများကို ဖြည့်စည်းပေးနေရပြီး သစ်၊ ၀ါးများခုတ်ခြင်း၊ ထင်းပို့ခိုင်းခြင်း၊ ရေခပ် ခိုင်းခြင်းများ၊ တပ်ခြံစည်းရိုး ကာခိုင်းခြင်းများ၊ ဆက်သွယ်ရေးမြောင်း တူးခိုင်းခြင်းများ လုပ်ပေးနေကြရသည်ဟု ဆိုသည်။

“ထင်းကို တလတကြိမ် နွားလှည်းနဲ့ လာပေးရတယ်။ တရွာကို နွားလှည်း ၃ စီးနဲ့ တင်လာပေးရတယ်။ ရေကိုတော့ ပုံမှန်တရက်ကို ၂ ပုံး တင်လာပေးရတယ်။ မိန်းခလေးရော ယောက်ျားလေးပါပေါ့။ အကုန်ခေါ်တယ်။ လုပ်နိုင်တဲ့ လူတွေ အကုန်လုံးကို ခေါ်လာတယ်” ဟု ဒေါတမကျေးရွာအုပ်စုမှ ရွာသားတဦးက ဆက်ပြောသည်။

ခလရ ၁၂သည် ကျေးရွာများ၏ အိမ်မွှေးတရိစ္ဆာများကိုလည်း ခွင့်တောင်းခြင်း မရှိပဲ သတ်စားသည်ဟု ဒေါတမကျေးရွာအုပ်စုထဲမှ အခြား ရွာသားတဦးကလည်း ပြောဆိုသည်။

၎င်းက “ကျနော်တို့ရဲ့ အိမ်မွှေးတရိစ္ဆာကိုလည်း ပစ်သတ်စားနေတယ်။ ၀က်ကို ပစ်သတ်လို့ မသေပဲ ဒဏ်ရာနဲ့ ပိုင်ရှင်ထံ ပြန်ရောက်လာတဲ့ ၀က်တော့ ကျနော်တို့ ရွာမှာ ၂ ကောင် ရှိပြီ။ ကြက်၊ ၀က်တွေကို ခိုးကြောင်ခိုးဝှက်နဲ့ သတ်စားနေတာ ရှိတယ်” ဟု ပြောသည်။

ယခုလို တပ်၏ လိုအပ်ချက်များ ဖြည့်စည်းပေးနေရ၍ ဒေသခံရွာသားများသည် အလုပ်အကိုင်ပျက်ပြီး မိသားစု စားဝတ်နေရေးအတွက် အခက်အခဲ ဖြစ်နေကြသည်ဟု ဆိုသည်။

ခလရ ၁၂ တပ်ကို ပုံမှန်လုပ်အားပေးနေရသော ရွာများမှာ ဒေါတမကြီးကျေးရွာအုပ်စုတွင်းရှိ ဒေါတမကြီး၊ ဒေါညေခူ၊ ဒေါဆော်ကလဲ၊ ဒေါဆော်ဖျ၊ ဒေါကော့နှင့် ဒေါတရှရွာတို့ ဖြစ်ကြသည်။

စစ်အစိုးရသည် နိုင်ငံတကာ အလုပ်သမားအဖွဲ့ကြီးနှင့် မြန်မာနိုင်ငံတို့အကြား အတင်းအဓမ္မ လုပ်အားပေးခိုင်းစေမှုဆိုင်ရာ လွတ်လပ်စွာ တိုင်ကြားမှုများနှင့် ပတ်သက်သည့် စာချုပ်လွှာကို (IL0)နှင့် လက်မှတ်ရေးထိုးခဲ့ပြီး ယခုနှစ် သက်တမ်းတိုးခြင်းသည် တတိယအကြိမ် မြောက်ဖြစ်ကြောင်း သိရသည်။

အတင်းအဓမ္မ လုပ်အားပေးခိုင်းစေမှု၊ လယ်ယာ အိမ်ယာမြေများ သိမ်းယူမှု၊ ကလေးစစ်သားအဖြစ် အသုံးပြုမှု စသည့် လူ့အခွင့်အရေး ချိုးဖောက်မှုများကို မြန်မာနိုင်ငံ အစိုးရအနေဖြင့် ဆက်လက်ကျူးလွန်နေသည်ဟု အမေရိကန်နိုင်ငံအခြေစိုက် လူ့အခွင့်အရေးစောင့် ကြည့် လေ့လာရေးအဖွဲ့က ပြောဆိုထားသည်။
http://www.ktimes.org/thatin/1-latest-news/546-2010-01-27-14-23-45.html