သတင်းထောက်လွတ်မြောက်ရေး ဆန္ဒပြတောင်းဆို

ဘစောတင် Friday, 09 September 2011 14:31 (ပေးပို့ သူ-ဗမာ့သွေး)
မြန်မာနိုင်ငံတွင် ထိန်းသိမ်းခံထားရသော ရုပ်မြင်သံကြား သတင်းထောက် ၁၇ ဦး နှင့် နိုင်ငံရေး အကျဉ်းသားများကို ချက်ချင်း လွှတ်ပေးရန် တောင်းဆိုသော ဆန္ဒပြပွဲတရပ်ကို ထိုင်းနိုင်ငံ ဘန်ကောက်မြို့ မြန်မာသံရုံးရှေ့တွင် ယနေ့နံနက်ပိုင်းက ပြုလုပ်ခဲ့သည်။

ဆန္ဒပြပွဲကို ဒီမိုကရက်တစ် မြန်မာ့အသံ၏ ရုပ်သံ သတင်းထောက်များ လွတ်မြောက်ရေး လှုပ်ရှားမှု အဖွဲ့ (Free Burma VJ) က စီစဉ်ခဲ့ခြင်း ဖြစ်သည်။

"မြန်မာပြည်က အစိုးရဟာ သတင်းထောက်တွေနဲ့ နိုင်ငံရေးအကျဉ်းသားတွေကို နှစ်ရှည်ထောင်ဒဏ် ချမှတ်ပြီး ချုပ်နှောင်ထားတာဟာ လုံးဝ တရားမျှတမှု မရှိဘူး။ ဒါကြောင့် ကျမတို့က ခုလို မြန်မာ သံရုံးရှေ့မှာ လာရောက် စုရုံးပြီး ဆန္ဒပြတာ ဖြစ်ပါတယ်" ဟု Free Burma VJ မှ တာဝန်ခံတဦးဖြစ်သူ Ms. Geraldine May က ပြောသည်။

"ကျမတို့တောင်းဆိုချက်ကိုလည်း မြန်မာသံရုံးကနေ တဆင့် မြန်မာအစိုးရဆီကို ပို့သွားမှာ ဖြစ်ပါတယ်" ဟု သူက ပြောသည်။

ဆန္ဒပြသူများသည် သတင်းထောက် မလှလှဝင်း၊ လူရွှင်တော် ဇာဂနာတို့၏ ပုံများကို မျက်နှာတွင် တပ်ဆင်ထားကြသည်။

တခြား သတင်းသမားများ ဖြစ်သည့် ကိုဝင်းမော်၊ ကိုမောင်မောင်ဇေယျ၊ ကိုငွေစိုးလင်း၊ ကိုစည်သူဇေယျ တို့၏ ပုံများကိုလည်း ကိုင်ဆောင်ထားကြသည်။

ဒီမိုကရက်တစ် မြန်မာ့အသံမှ ရုပ်သံ သတင်းထောက် ၁၇ ဦးသည် မြန်မာပြည် အခြေအနေများ၊ ရွှေဝါရောင် တော်လှန်ရေးကာလက ဖြစ်ရပ်များကို သတင်းပို့ခဲ့သူများ ဖြစ်သည်။

ထိုပုဂ္ဂိုလ်များ လွတ်မြောက်ရေး လှုံ့ဆော်နေသော Free Burma VJ က သတင်းသမား ၅ ဦး၏ အမည်နှင့်ဓာတ်ပုံများကိုသာ ထုတ်ပြန်ထားသည်။ အကျဉ်းချခံထားရသော တခြား ၁၂ ဦး နှင့် ဒီမိုကရက်တစ် မြန်မာ့အသံတို့၏ ဆက်နွယ်မှုကို အစိုးရက မသိသဖြင့် ၎င်းတို့၏ အမည်များကို ထုတ်ပြန်ခြင်းမရှိဟု ဆိုသည်။

အစိုးရသစ်လက်ထက်တွင် သတင်းသမား အများအပြား အကျဉ်းချခံနေရဆဲ ဖြစ်သည်ကို ကမ္ဘာက သိစေချင်သည်ဟု သံရုံးရှေ့မှ ဆန္ဒပြသူတဦးက ပြောသည်။

"မြန်မာနိုင်ငံမှာ ဒိမိုကရေစီ ရှိနေပြီလို့ ကမ္ဘာကို အသံကောင်းဟစ်ပြီး ပြောနေတယ်။ ဒါပေမဲ့ လူတွေကို အမှန်တရားတွေ သိအောင် လုပ်နေကြတဲ့ သတင်းထောက်တွေကို ထောင်ချနေတယ်" ဟု ကိုအဘူကလန်က ပြောသည်။

ယနေ့ စက်တင်ဘာ ၉ ရက်နေ့တွင် နိုင်ငံတကာ မြို့ကြီးတချို့ရှိ Free Burma VJ အဖွဲ့နှင့် ဆက်သွယ်လုပ်ကိုင်နေသူများက မြန်မာသံရုံးများသို့ သွားရောက်ပြီး ဆန္ဒပြတောင်းဆိုကြမည်ဟု သိရသည်။ မြန်မာပြည်တွင် နိုင်ငံရေးအကျဉ်းသားပေါင်း ၂၀၀၀ ၀န်းကျင် ရှိနေသည်။Rest of your post