စီးပွားရေး ကြီးထွားနေသော တရုတ်ပြည်၏ သဘာဝပတ်ဝန်းကျင် ယိုယွင်းမှုများ

http://www.maukkha.org/index.php?option=com_content&view=article&id=1760:2011-08-23-06-03-57&catid=92:library-&Itemid=386ပေးပို့ သူ -အိမ်မက်မဟုတ်ပါ
တရုတ်ပြည်သည် ရှေးယခင် ကတည်းကပင် လူဦးရေက မြေနှင့် အရင်းအမြစ် အများအပေါ်
နာနာ ဖိစီးလာခဲ့သော တိုင်းပြည် တစ်ပြည် ဖြစ်သည်။ အကျိုးဆက်ကား
သဘာဝပတ်ဝန်းကျင် ယိုယွင်းမှု သိသိသာသာ ဖြစ်ပွားခဲ့ခြင်းပင်တည်း။

လိုအက်စ်ကုန်းမြင့် (loess Plateau) သည် ကမ္ဘာပေါ်တွင် အကြီးမားဆုံးနှင့်
အဆိုးရွာဆုံး ယိုယွင်းခဲ့ရာ နေရာဒေသအဖြစ် ယူဆရသည်။ ဤသို့ယိုယွင်းရခြင်း၏
အကြောင်းရင်း များ ကို ပိုမိုနားလည် လာခဲ့ကြသည့်တိုင် လောလောဆယ် အသက်ရှင်
ရပ်တည် ရေးတိုက်ပွဲနှင့် ရင်ဆိုင်နေရသော အများပြည်သူတို့ အဖို့ အနာဂတ်
မျိုးဆက်များအပေါ် ကျရောက်မည့် ဒဏ်ခတ်မှုကို ဆင်ခြင်ခြင်း မရှိသေးချေ။

တရုတ်ပြည် ကွန်မြူနစ်ပါတီသည် အလျှင်အမြန် စက်မှုထွန်းကားရေး
ရည်မှန်းချက်ကို ဦးထိပ်ပန်ဆင်လျက် အာဏာ ရရှိလာခဲ့သည် ဖြစ်ရာ။
သဘာဝပတ်ဝန်းကျင် ပြဿနာကို ဂရုစိုက် ခဲ့ပုံမရချေ။
ဆယ်စုနှစ်ပေါင်းများစွာပင်၊ ပါတီနှင့် အစိုးရ အာဏာပိုင်တို့သည်
ဤပြဿနာမျိုးများ ရှိသည်ဟုပင် အသိအမှတ်ပြုဖေါ် မရခဲ့ချေ။
ဖြေရှင်းပေးဖို့ကား အပုံကြီး ပို၍ပင် ဝေးခဲ့ချေသေးသည်။

ဟိုးယခင် (၁၉၇၂) ခုနှစ်လောက်က စက်ရုံ မီးခိုးခေါင်းတိုင် ဒါဇင်ပေါင်း
များစွာတို့မှ ကျပ်ခိုးများ သွန်ထုတ်နေခြင်းနှင့် ပတ်သက်၍ အနောက်တိုင်း
သတင်းထောက် တစ်ယောက် က မိမိ၏ ထင်မြင်ချက်ကို ပြောပြခဲ့ရာ၌ ညစ်ညမ်းမှုသည်
ပတ်ဝန်းကျင် ဘာဖြစ်ဖြစ် ဂရုမစိုက်သည့် လောဘသား အရင်းရှင်တို့၏ လက်ချက်
သာဖြစ်သည်ဟု တဖက်က သူ့ကို ပြန်ပြောခဲ့သည်ဟု ဆိုသည်။ လောဘသား
အရင်းရှင်တို့ မရှိတော့သည် အချိန်မှ စ၍ တရုတ်တို့သည် ပတ်ဝန်းကျင်
ညစ်ညမ်းမှုကို စိုးရိမ်စရာ မရှိခဲ့တော့ချေ။

တကယ်တော့ စိုးရိမ်မှု ရှိခဲ့ရိုး အမှန်ပင် ဖြစ်သည်။ သာဓကအားဖြင့် ဖေါ်
ပြရမည် ဆိုပါလျှင်၊ အကြီးအကျယ် ခုန်ပျံ ကူးပြောင်းရေး လှုပ်ရှားမှု (Great
Leap Forward) ကြောင့် ဧရာမ သဘာဝ ပတ်ဝန်းကျင် ပြဿနာကြီးများ
ဖြစ်ပွားခဲ့ကြောင်းကို လူအတော် များများက မျက်ဝါး ထင်ထင် မြင်တွေ့ခဲ့ပြီး
ဖြစ်သည်။

၁၉၅၈ ခုနှစ်က အိမ်ခြံတွင်း သံရည်ကျိုဖိုများတွင် သံမဏိ ထုတ်လုပ်ရာ၌
တိုင်းပြည်၏ ကျောက်မီးသွေး များကို ဘုန်းပေါလအော သုံးခဲ့ရာ၊ အချို့နယ်မြေ
ဒေသများရှိ လယ်သမားများအဖို့ ဆောင်းရာသီ ဒဏ်ခံနိုင်အောင်
အနွေးဓါတ်ပေးမည့် လောင်စာအတွက် သစ်တောနှင့် ချုံပင်များကို
အပြောင်ရှင်းခဲ့ရသည်။

၁၉၇၀ ခု လွန်နှစ်များအတွင်းကလည်း တိဘက်ပြည်နယ်မှာ ဘာလီအစား ဂျုံကို
အစားထိုး စိုက်ပျိုးရေး ကရော်မယ် စီမံကိန်းကြောင့် မြေဆီ ခန်းခြောက်ပြီး၊
အငတ်ဘေး ဆိုက်ခဲ့ဖူးသည်။ မီးခိုလုံးကြီးများ တအူအူ ထွက်နေသော စက်ရုံများ၏
အနီးအနားတွင် နေထိုင်ကြသူများက ကျပ်ခိုးဒဏ်ကို ခံနေရကြောင်း တိုင်တန်း
ခဲ့ကြသည်။

ဤပြဿနာများကို ရော၍ အခြား ပြဿနာများကိုပါ ဖြေရှင်းရန် ကြိုးပမ်းသော
အားဖြင့် (၁၉၇၃) ခုနှစ်၊ သြဂုတ်လတွင် နိုင်ငံတော် ကောင်စီက သဘာဝ
ပတ်ဝန်းကျင် ကာကွယ် စောင့်ရှောက်ရေး လုပ်ငန်းနှင့် ပတ်သက်၍ ပြည်လုံးကျွတ်
ကွန်ဖရင့်တရပ် ခေါ်ဆိုခဲ့သည်၊

၁၉၇၄ ခုနှစ်တွင် နိုင်ငံတော်ကောင်စီ၏ လက်အောက်၌ သဘာဝ ပတ်ဝန်းကျင် ကာကွယ်
စောင့်ရှောက်ရေးရုံး (Office of Environmental Protection) ကို
တည်ထောင်ခဲ့သည်။ တိုင်းပြည် အနှံ့အပြားလည်း ပြည်နယ် အဆင့် ရုံးများကို
တည်ထောင်ခဲ့သည်။

နိုင်ငံတော် အဆင့် ရုံးသည် ဝန်ကြီးဌာန သို့မဟုတ် ကော်မရှင်တို့လောက်
လက်အောက်ခံရုံးများ အပေါ် အာဏာ မရှိခဲ့ချေ။ နိုင်ငံတော် အဆင့် ရုံးသည်
ညှိနှိုင်းပေးခြင်း၊ စီမံကိန်း ချခြင်းတို့ကိုတော့ လုပ်နိုင်ခဲ့သည်။

သို့ရာတွင် အာဏာတည်အောင်တော့ မလုပ်နိုင်ခဲ့ချေ။ အမျိုးသား
ပြည်သူ့ကွန်ဂရက် (NPC) သည် (၁၉၇၉) ခုနှစ်က၊ တရုတ်ပြည်သူ့ သမတနိုင်ငံ၏
ပထမဦးဆုံးသော သဘာဝ ပတ်ဝန်းကျင် ကာကွယ်ရေး ဥပဒေကို အတည်ပြု ပေးခဲ့သည်။

သို့ဖြစ်သည့်တိုင် ဘဏ္ဍာငွေ ထောက်ပံရေး၊ လူအင်အားနှင့်
စည်းရုံးရေးတို့တွင်မလုံလောက် မှုများ ရှိနေခဲ့ရာ၊ ဥပဒေ ပြဌာန်းချက်များ
အာဏာတည်ရေးမှာ အခက်အခဲ ရှိနေခဲ့သည်။

သဘာဝ ပတ်ဝန်းကျင် ယိုယွင်းမှုသည် (၁၉၉၀) ခုနှစ် အရောက်တွင် အများပြည်သူ
စိုးရိမ်ပူပန်စရာ ပြဿနာတရပ် ဖြစ်လာခဲ့ပြီး၊ ယခုလည်း ဆက်ဖြစ်
နေဆဲပင်ရှိသည်။ ရေညစ်ညမ်းမှုကို တရုတ်ပြည်၏ အဓိက ပြဿနာကြီးအဖြစ်
သဘောထားကြသည်။

ဤရေညစ်ညမ်းမှုသည် အများ ပြည်သူတို့၏ ကျန်းမာရေးအဖို့ အကြီးမားဆုံး
အန္တရာယ်ကြီးဖြစ်သည်။ (၂၀ဝ၅) ခုနှစ်က စ၍ တရုတ် ပြည်မကြီး၏ အကြီးဆုံးမြို့
(၆၆၉) မြို့အနက် (၄၀ဝ) ကျော်မှာ ရေ မလုံလောက် မှုဖြစ်ပွားနေခဲ့သည်။
နှစ်စဉ်လိုလိုပင် မြစ်ရေများ နိမ့်သည်ထက် နိမ့်ဆင်းလာကြောင်း သတင်း များ
ကြားနေရသည်။ တရုတ်ပြည် မြောက်ပိုင်းသည် (၁၉၈၀)ခု လွန်နှစ်များကစ၍
မိုးခေါင်သည့်ဒဏ်ကို တလျှောက်လုံး ခံလာခဲ့ရသည်။

တရုတ်ပြည် မြောက်ပိုင်း၌မူ ရေကြီးမှုများ ပို၍ ဆိုးဆိုးရွားရွား
ဖြစ်ပွားလာခဲ့သည်။ (၂၀၃၀) ခုနှစ် အရောက်တွင် လူဦးရေသည် (၁.၆) ဘီလီယံ
ရှိလာမည်ဟု တွက်ထားရာ၊ လူတဦးချင်း အတွက် ရေရှိမှု ပမာဏသည် (၁, ၇၆၀)
ကုဗမီတာသာ ရှိလိမ့်မည် ဖြစ်ပြီး၊ ကျွမ်းကျင်သူ ပညာရှင်များ သတ်မှတ်ထားသော
အနိမ့်ဆုံး ပမာဏ (၁, ၇၀ဝ) ၏ အထက်မှာ သီသီလေးသာ ရှိတော့မည်။

လူတဦးချင်း အတွက် ရရှိသော လက်ရှိ ရေပမာဏ (၂, ၂၀ဝ) ကုဗမီတာ သည် ကမ္ဘာ့
ပျမ်းမျှနှုန်း၏ (၄) ပုံ (၁) ပုံမျှသာရှိသည်။ တနှစ်တာ၏ ရေရှား ရာသီများ၌
မြို့ကြီးများတွင် ရေ မလုံလောက်မှုသည် ရိုးနေသော ကိစ္စဖြစ်သည်။
စက်ရုံများတွင်လည်း ရေ မရသဖြင့် လုပ်ငန်း ရပ်ထားကြရသည်။

ဆိုးဆိုးရွားရွား ရေ ညစ်ညမ်းမှုကြောင့် သောက်၍ ရသော ရေ အကျန် နည်းရခြင်း
ဖြစ်သည်။ စီးပွားရေးကြီးထွားမှုသည် သဘာဝပတ်ဝန်းကျင် ညစ်ညမ်းမှုကို အဆတိုး
နှုန်းဖြင့် ဖြစ်ပွားစေပါသည်။ ကျေးလက် နယ်မြေ ဒေသသည်လည်း ဓါတ်မြေသြဇာများ၊
အဆိပ် ပိုးသတ်ဆေးများဖြင့် ညစ်ညမ်း နေသော စိုက်ပျိုးရေး စွန့်ပစ်ရေများ၏
ဒဏ်သင့် ခံရလေသည်။

အချို့သော နယ်မြေ ဒေသများ၌ သတ္တုဓါတ်နှင့် အော်ဂဲနစ် အညစ်အကြေးများ၏
ပါဝင်မှုနှုန်း မြင့်မားခြင်းက လူသားများမှာရော၊ ရေသတ္တဝါများမှာပါ
ကင်ဆာရောဂါနှင့် ပုံပျက် သန္ဓေသား မွေးဖွားမှု များကို ဖြစ်ပွားစေပါသည်။
နယ်မြေဒေသ အတော်များများ၌ ရာစုနှစ်ပေါင်းများစွာ အသုံးပြုလာခဲ့သော
သောက်ရေတွင်းများကို စွန့်ပစ်နေ ရတော့သည်။

အချို့သော မြစ်များနှင့် အင်းအိုင်များ၌ ငါးများ နေ၍မရတော့ပြီ။
ထုံ့ပိုင်း၊ ထုံ့ပိုင်းတက်လာတတ်ပြီး၊ ပင်လယ်ထွက် စားစာရာ များမှာ
အဆိပ်သင့်မှု ဖြစ်ပွားစေသော "ဒီရေနီများ" က ကမ်းရိုးတန်း မြို့ကြီးများကို
ခြိမ်းခြောက် နေလျက်ရှိသည်။ ညစ်ညမ်းမှု ဖြစ်ပြီးသော သောက်ရေသည်
အသည်းရောင်ရောဂါ၊ အစာအိမ်ကင်ဆာ၊ အသည်းကင်ဆာ၊ အူကင်ဆာ ဖြစ်ပွားမှုနှုန်း
မြင့်လာခြင်းနှင့် ဆက်စပ်နေသည်။

ရှိနေသော ရေကို ဆင်ခြင် တိုင်းထွာမှုမဲ့စွာ သုံးစွဲနေကြရမည်လားဟု တရုတ်
ကျွမ်းကျင်သူ ပညာရှင်များက အပြစ်ဖို့ကာ၊ အိမ်ထောင်စုများ နှင့်
စီးပွားရေးလုပ်ငန်းများ သုံးစွဲသော ရေ၏ ယူနစ်အလိုက် ငွေပေးဆောင်စေပါက
အခြေအနေ သိသိ သာသာကြီး ပိုကောင်းလာလိမ့်မည်ဟု အကြံပြုကြသည်။ ပင်လယ်ရေကို
ရေချိုအဖြစ်သို့ ကျိုချက်ခြင်း လုပ်ငန်းကိုလည်း အကြံပြု တင်ပြကြသည်။
သို့ရာတွင် လောလောဆယ် အချိန်၌ ဤလုပ်ငန်းက အလွန် ငွေကုန်ကြေးကျ များသည်။

အလွန် ငွေကုန်ကြးကျများသော နောက်လုပ်ငန်းတကား တောင်ပိုင်းမှ
မြောက်ပိုင်းသို့ ရေသွယ်ပို့ရေး စီမံကိန်း လုပ်ငန်းဖြစ်သည်။ ဤစီမံကိန်း
နှင့် ပတ်သက်၍ သို့လော သို့လော တွေးစရာ အများအပြား ရှိနေသည်။
ပို့ဆောင်ပေးမည့် ရေက အလွန် ညစ်ညမ်းနေသောကြောင့် မိမိတို့
မြောက်ပိုင်းမြို့များမှာ အကျိုးရှိသည်ထက် ရေသန့်စင်ရသည့် ကုန်ကျစားရိတ်က
ပိုလိမ့်မည်ဟု ရေရှားသော မြောက်ပိုင်းဒေသမှ အာဏာပိုင်များက ထောက်ပြကြသည်။

၂၀ဝ၄ ခုနှစ်၊ နှောင်းပိုင်းရောက်ချိန်၌ ဤစီမံကိန်း အတွက် ကုန်ကျထားသည့်
စားရိတ်က သတ်မှတ်ထားသော ဘတ်ဂျက်ထက် ပိုနှင့်နေပြီ ဖြစ်သည်။ သွယ်ပို့မည့်
ရေသည် ရှန်ဒေါင်းမြို့သို့ ၂၀ဝ၇ ခုနှစ်တွင် ၄င်း၊ ပီကင်းမြို့သို့ ၂၀၁၀
ခုနှစ်တွင် ၄င်း ရောက်ရန်ဖြစ်သည်။

တရုတ်ပြည်၏ ကမ်းရိုးတန်းဒေသမှာ လူဦးရေ အကြီးအကျယ် တိုးမှုကြောင့် မြေပေါ်ရေ
မလုံလောက်မှု ဖြစ်ပွားရခြင်း ဖြစ်သည်။ ရေ လုံလောက်ရေး အတွက် မြေအောက်
ရေကို အသုံးပြုခြင်းသည် မြေပြင် နိမ့်ဆင်းမှု ဖြစ်ပွားစေပါသည်။

မြေပြင် နိမ့်ဆင်းမှုသည် နေအိမ်များ နှင့် လုပ်ငန်းများ၏ တည်ဆောက်ပုံ
အနေအထားကို ထိခိုက်စေသည့် အပြင် (အထူးသဖြင့် ပင်လယ် ရေမျက်နှာပြင်က
ကြိုတွက်ထားသည့် အတိုင်း မြင့်တက်လာမည်ဆိုပါက) ကမ်းရိုးတန်းမြို့
ကြီးများမှာ ရေကြီးခံရမည့် အန္တရာယ်ကို ပို၍ ခံရစေနိုင်ပါသည်။
မြို့ကြီးများမှာ အိမ်ယာ ဆောက်လုပ်ရေး စီမံကိန်းများ ရေးဆွဲရာ၌ ဤအချက်ကို
ထည့်သွင်း စဉ်းစားရန် တရုတ် သိပ္ပံ အကယ်ဒမီ အဖွဲ့(Chinese Academy of
Science) က သတိပေးထားသည်။

ရှန်ဟိုင်းမြို့၏ အလွန်အမင်း ငွေကုန်ကြေးကျ များပြီး၊ ကြွားလုံးထုတ်ရုံ
သက်သက်မျှ အသစ် တည်ဆောက် ထားသော မြေအောက် သံလိုက် ဓါတ်အားသုံး
ရထားလမ်းသည် ယခု နိမ့်ဆင်း နေလျက်ရှိသည်။

အီတလီနိုင်ငံ၏ ဗင်းနစ်မြို့ သည် လွန်ခဲ့သော ရာစုနှစ် အတွင်းမှာ (၂၄)
စင်တီမီတာသာ နိမ့်ဆင်း ခဲ့သော်လည်း အရှေတိုင်း၏ ဗင်းနစ်ဟု ခေါ်ဆိုနေကြသော
ဆူဇူမြို့(Suzhou) သည် ၁၉၅၀ ခုနှစ်များ နောက်ပိုင်း မှာ (၁.၅)မီတာ
နိမ့်ဆင်း သွားခဲ့ပြီ ဖြစ်သည်။ အဓိကရ ပင်လယ်ဆိပ်ကမ်း မြို့ကြီး
တမြို့ဖြစ်သော နင်းဘို(Ningbo) မြို့သည် ၂၀၃၀ ခုနှစ် အရောက်တွင် ပင်လယ်ရေ
မျက်နှာပြင်ထက် နိမ့်သွားဖွယ်ရှိသည်။

မြေပြင်ပေါ်သို့ ဆားငန်ရေတက်ခြင်းသည် မြေဆီလွှာကို ဆားငန်ဓါတ် ပေါက်စေပြီး၊
သီးနှံကိုလည်း အထွက်လျော့စေသည့် အပြင် ယိုယွင်း တိုက်စားမှုကိုလည်း ဆက်လက်
ဖြစ်ပွားစေပါသည်။ ပုလဲ မြစ်ဝကျွန်းပေါ် ဒေသ၏ တည်ဆောက်ရေး လုပ်ငန်းများသည်
ဒေသနေ ပြည်သူအတော်များများ အတွက် မကြုံစဖူး ကြွယ်ဝမှုများကို
ဆောင်ကျဉ်းပေးခဲ့သည် မှန်သော်လည်း လွန်ခဲ့သော (၁၅) နှစ် အတွင်း
တံတားများ၊ ဆိပ်ခံ ဘောတံတားများနှင့် ဆပ်ကမ်း သိုလှောင်ရုံကြီးများ
တည်ဆောက်မှု ကြောင့် ဂေဟစနစ်မှာ ပျက်စီး ထိခိုက်ခဲ့ရသည်။

သဘာဝ ပတ်ဝန်းကျင်ဆိုင်ရာ သိပ္ပံပညာရှင်များက တရုတ်ပြည်၏ ရေ
အရင်းအမြစ်နှင့် စိုက်ပျိုးမြေများသည် မနိုင်ဝန်ကို ထမ်းနေကြရသည်ဟု
သတိပေးထားသည်။ ဂေဟစနစ်အား တရုတ်ပြည် လူ့အဖွဲ့အစည်း. ကျားကန်ပေးမှု သည်
ချိနဲ့လှပါပေသည် ဟုလည်း စိုးရိမ် ပူပန်နေကြသည်။

(ဆက်လက်ဖေါ်ပြပါမည်)

မောင်မောင်သန်း
http://www.maukkha.org/index.php?option=com_content&view=article&id=1797:2011-09-09-03-22-00&catid=library-&Itemid=272

လေထုညစ်ညမ်းမှုသည်လည်း ကြီးထွားလာနေ လျက်ရှိသော ပြဿနာတရပ် ဖြစ်သည်။ ကမ္ဘာ့
ကျန်းမာရေးအဖွဲ့၏ အချက်အလက်များ အရဆိုလျှင်၊ လေထု ညစ်ညမ်းမှုကို
အဆိုးရွားဆုံး ခံစားနေရသော

ကမ္ဘာ့မြို့ကြီး (၁၀) အနက် (၉) မြို့သည် တရုတ်ပြည်မှ ဖြစ်သည်။ တရုတ်ပြည်
စွမ်းအင် လိုအပ်ချက်၏ ၇၅% ကို ကျောက်မီးသွေးဖြင့် ဖြည့်တင်းပေးသည်။
ဤကျောက်မီးသွေးများကား အများအားဖြင့် အရည်အသွေး ညံ့ဖျင်းပြီး၊
သန့်စင်ထားခြင်းလည်း မရှိချေ။ ထို့ပြင် ခပ်နိမ့်နိမ့် ခေါင်းတိုင်များ
အောက်မှ မီးရှို့ခြင်းဖြစ်သည်။ ဤသို့ဖြင့် လေထုထဲသို့ ထုတ်လွှတ်သော
အညစ်အကြေး ပမာဏကို တိုးစေပါသည်။ မြို့နေ လူဦးရေ အများစုသည် အထူးသဖြင့်
ဆောင်းရာသီ၌ ကြက်ညှာ ချောင်းဆိုး ရောဂါ ခံစားရလေသည်။

မော်တော်ကား ပိုင်သူများ ပို၍ များလာခြင်းက မီးခိုးမြူ ဆိုင်းခြင်းကို
ပိုဆိုးစေပါသည်။ တရုတ်ပြည်သည် ကမ္ဘာ့ ဈေးကွက်မှ အချဉ် ဓါတ် ပေါက်နေသော
ရေနံရိုင်းများကို ဝယ်ယူခဲ့ခြင်းဖြစ်ရာ၊ ဤရေနံများ သည် ဈေးသက်သာသော်လည်း
ကန့်ပါဝင်မှု များသည်။ ကန့်သည် လေထု ညစ်ညမ်းမှု ဖြစ်စေသော အဓိက
အကြောင်းရင်း တခု ဖြစ်သည်။

(၂၀ဝ၄) ခုနှစ်၊ နွေဦးရာသီက ပြင်သစ်သမ္မတ ရှီရက် (Chirac) ၏ အလည် အပတ်
လာရောက်ခြင်းကို ဂုဏ်ပြုသောအားဖြင့် စီစဉ်ထားသော လေယာဉ်ပျံသန်း
စွမ်းရည်ပြပွဲကို အဆိပ်သင့် မီးခိုးမြူများကြောင့် ဖျက်သိမ်းခဲ့ရသည်။
ဤအတွက်ကြောင့် (၂၀ဝ၈) ခုနှစ်၊ အိုလံပစ် အားကစားပွဲများ ကျင်းပရေး အတွက်
ကြိုတင်ပြင်ဆင်ရာ၌ မြို့တော်၏ ပိုမို သန့်ရှင်းလာသော ပတ်ဝန်းကျင်ကို
ပြသရန် စိတ်ထက်သန်နေကြသော တရုတ် အာဏာပိုင်တို့ မျက်နှာပျက်ခဲ့ ရလေ သည်။
ကျောက်မီးသွေးများကို သန့်စင်ခြင်း၊ စက်ရုံ မီးခိုးခေါင်းတိုင်များကို
မြင့်မြင့်ထားခြင်း၊ ပို၍ ထိရောက်သော ဘွိုင်လာအိုးများကို အသုံးပြုခြင်း၊
အမျိုးအစား ကောင်းသော ဓါတ်ဆီများကို အသုံးပြုခြင်းနှင့် စွမ်းအင်အတွက်
အခြားလောင်စာ အမျိုးအစားများကို ပြောင်းသုံးခြင်းပြုရန် အကြံပြုထားသည်။
အောင်မြင်မှုများ ရခဲ့သော်လည်း နောက်ပိုင်းမှာ ဒုံရင်းအတိုင်း
ပြန်ဖြစ်သွားခဲ့သည်။ (၂၀ဝ၂) နှင့် (၂၀ဝ၃) ခုနှစ်တွင် စွမ်းအင်
မလုံလောက်မှု ဆိုးဆိုးရွားရွား ဖြစ်ပွားခဲ့ပြီးနောက်၊ ကျောက်မီးသွေး
လောင်စာသုံး စက်ရုံများ ပိုများလာခဲ့ရာ အက်စစ်မိုး ရွာစေသော အခိုးအငွေ့
ထုတ်လွှတ်မှုများ ပြန်လည် ဖြစ်ပွားလာခဲ့သည်။

မြေဆီလွှာယိုယွင်း တိုက်စားခြင်းနှင့် သဲကန္တာရအဖြစ်သို့
ပြောင်းလဲခြင်းတို့သည်လည်း နောက်ထပ် ပြဿနာများ ဖြစ်လေသည်။ ဤပြဿနာများ၏
အဓိက အကြောင်းရင်း တခုကား သစ်တော ပြုန်းတီးမှုပင်ဖြစ်သည်။ သစ်ပင်များကို
အလွန်အကျွံ ခုတ်လှဲခြင်း၊ ဆင်ခြင်တိုင်းထွာမှု မဲ့စွာ သုံးစွဲခြင်းတို့သည်
သစ်ပင်ဦးရေ ဆုတ်ယုတ်စေကြောင်း၊ ရရှိသော သစ်များ၏ အရည်အသွေး
ညံ့ဖျင်းစေကြောင်းနှင့် သစ်တောများ ကုန်ခမ်းသလောက် နီးနီးဖြစ်စေကြောင်း
သစ်တော ဝန်ကြီးဌာနက ဆိုပါသည်။ ဝန်ကြီးဌာန သတ်မှတ်ထားသည့် (၇) နှစ် (၈)
နှစ် သက်တမ်းရှိလာသည်နှင့် သစ်ပင်များကို အပြောင် ခုတ်လှဲ ကြတော့သည်။
(၁၉၉၃) ခုနှစ် အရောက်တွင် သစ်တောမြေသည် စတုရန်းမီတာ (၂) သန်း
ပျော့ပျော့လောက်သာ ကျန်တော့သည်။ ဤသစ်တော အားလုံး နီးပါးလောက်သည်လည်း
ဝေးလံ သီခေါင်သော အရပ်များ သို့မဟုတ် တောင်ထိပ်များမှာ ရှိနေကြခြင်း
ဖြစ်သည်။ (၁၉၉၇) ခုနှစ်က စ၍ နှစ်စဉ် နွေဦးရာသီမှာ သစ်တော
ပြန်လည်စိုက်ပျိုးရေး လှုပ်ရှားမှုများ လုပ်ခဲ့သည်။ စိုက်ပျိုးသော သစ်ပင်
အရေအတွက်နှင့် ပတ်သက်၍ နှစ်စဉ် အစီရင်ခံစာများ တခမ်းတနား ထွက်ပေါ်
လာခဲ့သော်လည်း၊ ရှင်သန်မှုနှင့် ထိန်းသိမ်းမှုနှုန်းကား နိမ့်လှလေသည်။
သဲကန္တာရများ၏ အစပ်များတွင် သစ်ပင် စိုက်ပျိုးသည် ဆိုရာ၌
စိုက်ပျိုးလိုက်သော သစ်ပင်များသည် သဘာဝ မိုးရေဖြင့်
ရှင်သန်နိုင်ခြင်းရှိသည် မဟုတ်သဖြင့်၊ ရှားရှားပါးပါး မြေအောက်ရေကို
စုပ်ယူကြသည်။ စုပ် ယူသောရေများသည် အရွက်များမှနေ၍ အငွေ့ပျံသွား
ကုန်ကြသည်။ သစ်ပင် စိုက်ပျိုးရန်အတွက် ရေတွင်းများ တူးကြရာ၊ နဂိုက
ချိုင့်ခွက်များ ထနေသော တောင်ကုန်းမြေများကို ထိခိုက်စေပြန်သည်။ ထို့ပြင်
သစ်ပင်များကိုရေပေးရေး အတွက် ကောနေသော မြစ်များနှင့် အင်းအိုင်များမှ
တန်ဖိုး ရှိလှသော ရေများကိုလည်း သုံးရလေသည်။ ပြန်လည် စိုက်ပျိုးထားသော
သစ်တောများသည် အပင်မျိုးစိတ် တမျိုးတည်းသာ(ပေါ်ပလာ ထင်းရှူးပင်) ပါသဖြင့်
ဇီဝ ထိန်းသိမ်းရေးစနစ် (bio-control mechanism) ကင်းမဲ့ လေသည်။
ဤသို့ဖြင့် သစ်တောများသည် အင်းဆက်ပိုးမွှား ဒဏ်ကို ခံရစရာ ရှိနေသည်။
လေ့လာချက် တခု၏ တွေ့ရှိချက် အရဆိုရလျှင် တရုတ်ပြည်သူ့ သမ္မတနိုင်ငံ၏
သစ်တော ဖုံးမြေသည် တိုင်းပြည် အကျယ်အဝန်း၏ ၁၂% မှ ၁၆% အထိသာ ရှိတော့သည်။
အမေရိကန် ပြည်ထောင်စု၊ ယခင် ဆိုဗီယက် ယူနီယံနှင့် အိန္ဒိယတို့၌မူ ၃၃ %၊
၃၅% နှင့် ၂၆% အသီးသီး ရှိကြသည်။

အပုံကြီး ပို၍ ကြီးသော ပြဿနာ ဖြစ်လာမည့် ကိစ္စတခုကား အငြင်းပွားဖွယ်ရာ
လျှိုမြောင်သုံးသွယ် (Three Gorge project) စီမံကိန်း ဖေါ်ဆောင်ရန်
အစိုးရ၏ ဆုံးဖြတ်ချက်ပင် ဖြစ်သည်။ ယန်စီမြစ်၏ သာယာလှပဆုံးသော မြစ်ကြောင်း
တနေရာကို ဖြတ်လျက် ဧရာမ ဆည်ကြီး တစင်းကို ဆောက်လုပ် ပြီးစီး သွားလေပြီ။
အကောင်းမြင် သူတို့က ဤဆည်ကြီးသည် နှစ်စဉ် ညစ်ညမ်းမှု ကင်းသော
လျှပ်စစ်ဓါတ်အား ကီလိုဝပ် (၈၄) ဘီလျံ ထုတ်လွှတ်ပေးမည်၊ မြစ်ကြောင်း
တလျှောက် သယ်ယူ ပို့ဆောင်ရေး စွမ်းအား (၄) ဆ မြင့်တက်လာစေပြီး၊ သယ်ယူ
ပို့ဆောင်ရေး ကုန်ကျစားရိတ် (၃)ပုံ (၁)ပုံ လျော့ကျ သွားစေမည်။
ယန်စီမြစ်ဝှမ်းမှ ရေကို အမြဲတစေ ရေရှားခဲ့သော မြောက်ပိုင်းသို့
သွယ်ပို့ပေး စေနိုင်လိမ့်မည်ဟု ဆိုကြသည်။ ဝေဖန်သူတို့ကမူ ဆည်ကြီးသည်
ယန်စီမြစ်၏ အပိုင်းတပိုင်းမှာ ရေလွှမ်းမိုးမှု သက်သာစေနိုင်မည်
ဖြစ်သော်လည်း အခြား အပိုင်းများမှာ ရေလွှမ်းမိုးမှု ပိုဆိုးလာစေလိမ့်မည်ဟု
ဆိုကြသည်။ ဆည်ဆောက် လုပ်ရေးလုပ်ငန်းသည် မြို့ကြီး များ၊ ထောင်နှင့်ချီသော
ကျေးရွာများ၊ အပြောကျယ်သော လယ်ယာမြေ အကွက်ကြီးများကို ဖြိုလှဲ တိုက်ချ
သွားသည့် အပြင် ရှားပါးလှသော ဒေသပေါက် အပင်များနှင့် ဒေသနေ တိရစ္ဆာန်
မျိုးများကိုပါ ပျက်စီးဆုံးပါး သွားစေခဲ့သည်။ ဆည်ကြောင့် အိုးအိမ်အခြေ
ပျက်ခဲ့ရသော လူဦးရေ (၁ ဒသမ ၄) သန်းမှာလည်း ဆိုးဆိုးရွားရွား
ပြဿနာကြီးများ ဖြစ်ပွားခဲ့သည်။ အိုးအိမ်အခြေ ပျက်သွားသူများအား
လျော်ကြေးပေးရမည့် ယွမ်ငွေ (၂၈၉) သန်းကို အကျင့်ပျက် အရာရှိကြီးများက
အလွဲသုံးစား လုပ်ခဲ့ကြောင်း (၂၀ဝ၇) ခုနှစ် စာရင်းစစ် အဖွဲ့က
ဖေါ်ထုတ်ပြခဲ့သည်။ လျော်ကြေးငွေ အချို့ အဝက်ရရှိခဲ့သူများထဲမှာ ပင်လျှင်
မူလနေရာထိုင်ခင်းမျိုး မရရှိနိုင်သူကများသည်။ နေရာသစ်မှာ
အခြေချနေထိုင်သူများသည် ထိုနေရာသစ်များ ရှိ ဒေသခံလူများ၏ ခွဲခြား
ဆက်ဆံခြင်းကိုလည်း ခံကြရလေသည်။

ဆည်ရေလွှမ်း နယ်မြေထဲတွင် အမှိုက်ပုံရာ နေရာများ၊ ညစ်ညစ်မှု ဖြစ်ပွားခဲ့သော
စက်ရုံ နေရာများ၊ သင်းချိုင်းမြေများ ပါသွားခဲ့သည်။ ဤနေရာများကို
ကြိုတင်၍ လောက်လောက်လားလား သန့်စင်ထားခဲ့ခြင်း မရှိချေ။ သို့ဖြစ်ရာ သဘာဝ
ပတ်ဝန်းကျင် ညစ်ညမ်းမှုကို ထပ်တိုး၍ ဖြစ်ပွားစေခဲ့သည်။ ရေလွှမ်းမိုးမှု
ရန်မှ ထွက်ပြေး တိမ်းရှောင်သောအားဖြင့် ကြွက်အုပ်ကြီးများက နီးရာ
မြို့များဆီသို့ ပြေးဝင်ကုန်ကြသည်။ ထို့ပြင် မြေပြိုမည့် ဘေးရန်ကလည်း
ကြီးလှစွာ၏။ ဆည်ပိုင်နက် နယ်မြေ၏ အစိတ်အပိုင်းဖြစ်သော ရေလှောင် ကန်ကြီး၏
ပတ်ဝန်းကျင် နယ်မြေသည် မြေဆီမြေသား မွခြင်း၊ ရေကြီးလေ့ရှိခြင်း၊
မိုးသက်မုန်တိုင်း ကျတတ်ခြင်းတည်း ဟူသော ထူးခြားချက်များရှိသည်။ ရေလှောင်
ကန်ထဲရှိရေမြင့် တက်လာသည်နှင့် အမျှမြေပြိုမှု အကြိမ်နှင့် ထုထယ်သည်
လည်းမြင့်တက်လာပေမည်။ ဤကဲ့သို့သော ဧရာမ ဆည်ကြီးများကို
တည်ဆောက်ခြင်းအားဖြင့် အခြားနေရာ ဒေသများမှာ ဖြစ်လေ့ဖြစ်ထရှိသည့်
နည်းတူပင် မြေငလျင်များ ဖြစ်ပွားလာဖွယ် ရှိသည်။ အကယ်၍
ဤသို့မဖြစ်သည့်တိုင် ဂေဟစနစ်ဆိုင်ရာ အကျိုးဆက်များက ကြီးလေးပေလိမ့်မည်။
ဤစီမံကိန်း၏ သောက်သောက်လဲ ကုန်ကျစားရိတ်(အမေရိကန်ဒေါ်လာ သန်းပေါင်း ၁
သန်း) ကို အခြား လုပ်ငန်းများမှာ သည့်ထက်ပို၍ အကျိုးရှိစွာ
အသုံးချနိုင်ပါသည်။

(ဆက်လက်ဖေါ်ပြပါမည်)

မောင်မောင်သန်း (၂၉-၈-၂၀၁၁)Rest of your post