“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Tuesday, August 23, 2011

ကျပ်ငွေဈေး ထိုးတက်သဖြင့် နယ်စပ်ကုန်သွယ်ရေး ရပ်

ဧရာဝတီ Monday, 22 August 2011 18:38 (ပေးပို့ သူ ဗမာ့သွေး)
ထိုင်း - မြန်မာနယ်စပ် မဲဆောက်မြို့တွင် ၃ နှစ်နီးပါး ကာလအတွင်း မြန်မာငွေဈေး အမြင့်ဆုံး ထိုးတက် သွားသောကြောင့် နယ်စပ်ကုန်သွယ်ရေး ရပ်တန့်သွားသည့် အခြေအနေ ဖြစ်ပေါ်လျက် ရှိသည်။

“ဒီနေ့ ငွေလဲဈေးက ကျပ် ၁၀၀ ကို ၄. ၃၅ ဘတ် အထိ ဖြစ်သွားပြီ။ ထိုင်းပစ္စည်းတွေကို အရှုံးခံပြီးတော့ ဘယ်ကုန်သည်မှ မသယ်တော့ဘူး။ နယ်စပ် ကုန်သွယ်ရေးက ရပ်သလောက်ကို ဖြစ်နေပြီ” ဟု မြန်မာ စားသောက်ကုန် တင်သွင်းသည့် ကိုမူဆာက ပြောသည်။

ထိုင်းနိုင်ငံဘက်မှ အထည်အလိပ်နှင့် စားသောက်ကုန်များအား မြန်မာဘက် တင်ပို့သည့် လုပ်ငန်း ရပ်နား ထားရသည်မှာလည်း တပတ်ကျော် ရှိပြီဟု ထိုင်းလုပ်ငန်းရှင် တဦးဖြစ်သည့် နိုင်ဝစ်ချိုင်းက ဆိုသည်။

၎င်းက “ပြဿနာက မြန်မာငွေ ဈေးတက်လို့ပဲ။ ၂၀၀၉ -၂၀၁၀ လောက်က မြန်မာငွေဈေးက ကျပ် ၁၀၀ ကိုအများဆုံး ထိုင်း ၃ ဘတ် ကျော်ရုံပဲရှိတာ။ အခုလောက်ထိ တက်သွားတော့ မြန်မာ ကုန်သည်တွေ မလာနိုင်တော့ဘူး။ တံတား ပိတ်ထားရတဲ့ ကြားထဲ ဒီလို ဖြစ်သွားတော့ နှစ်ဘက် ကုန်သည်တွေ အားလုံး နစ်နာတယ်” ဟု ရှင်းပြသည်။

မဲဆောက်မြို့မှ မြန်မာဘက်ခြမ်းသို့ ဆောက်လုပ်ရေးပစ္စည်း တင်ပို့သည့် လုက်ငန်းရှင် တဦးကလည်း မြန်မာ ကုန်သည်များ မလာသောကြောင့် အရောင်းအ၀ယ် မရှိကြောင်း၊ ယခင်က ပစ္စည်းများကို နေ့စဉ် ဆယ်ဘီး ကားများဖြင့် မြန်မာဘက် တင်ပို့ရသော်လည်း ယခုအခါ ဘိလပ်မြေနှင့် သွပ်ပြားရောင်းချရမှုမှာ တနေ့လျှင် ရာဂဏန်းပင် မရှိတော့ကြောင်း ပြောသည်။

နယ်ခြား သောင်ရင်းမြစ်မှတဆင့် ထိုင်းကုန်ပစ္စည်း မြန်မာဘက်ပို့သည့် စက်လှေ မောင်းသမားတဦးကလည်း “အခုဆိုရင် ထိုင်းပစ္စည်တွေမလာလို့ စက်လှေတွေ ရပ်ထားရတာ ၁၀ ရက်ကျော်ပြီ။ ကုန်သည်တွေ ပြောတာ ကတော့ ငွေဈေး ၃ ဘတ်လောက် ပြန်ဖြစ်မှ အလုပ်ပြန်လုပ်တော့မယ်တဲ့။ တချို့ တနိုင်တပိုင် ကုန်သည် လေးတွေ သူ့နည်းသူ့ဟန်နဲ့ ထိုင်းကုန် နည်းနည်းပါးပါး သွင်းတာလောက်ပဲ ရှိတော့တယ်” ဟု ရှင်းပြသည်။

ငွေလဲ လုပ်ငန်းလုပ်ကိုင်နေသည့် ကိုမွန်ကြီးက ကျပ်ငွေဈေး ယခုရက်ပိုင်းအတွင်း အဆမတန် တက်သွား သောကြောင့် မြန်မာ အလုပ်သမားများလည်း နေရပ်သို့ ငွေပြန်မပို့နိုင်ကြတော့ကြောင်း ပြောသည်။

“ငွေပို့တဲ့သူတွေ တော်တော် နည်းသွားပြီ။ ဒီထက်ကို ကျပ်ငွေဈေး ထပ်တက်မယ် ဆိုရင် မဲဆောက် - မြ၀တီ နယ်စပ်ကုန်သွယ်ရေး လုံးဝ ရပ်နားသွားနိုင်တယ်။ အခုအနေအထားက ကြုံဖူးသမျှ နှစ်တွေထဲမှာ အဆိုး ဆုံးပဲ” ဟု သူကဆိုသည်။

ထိုင်းကုန်ပစ္စည်းများ မြန်မာဘက်တင်သွင်းမှု ရပ်တန့်နေသော်လည်း ထိုင်းနိုင်ငံအတွင်းပိုင်းသို့ အလုပ်အကိုင် ရှာဖွေရန်အတွက် မြ၀တီ - မဲဆောက် လမ်းကြောမှတဆင့် ၀င်ရောက်လာသည့် မြန်မာနိုင်ငံသား အရေ အတွက်မှာ တရက်ခြား လူဦးရေ ၁၀၀၀ ကျော် အထက်တွင်ရှိသည်ဟု ထိုင်း နယ်ခြားစောင့် တပ်ဖွဲ့မှ အရာရှိ တဦးကပြောသည်။

Rest of your post

0 comments:

 
----------------------------------------- */ /* EOT ----------------------------------------- */