“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Saturday, April 02, 2011

အစိုးရ ပြောင်းသော်လည်း စနစ်မပြောင်း off course

ဧရာဝတီ Thursday, 31 March 2011 17:21 အယ်ဒီတာ့အာဘော်
ယမန်နေ့ က နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီအား ဖျက်သိမ်း၍ ၂၀၀၈ အခြေခံဥပဒေကို သစ္စာစောင့်သိ အကောင်အထည်ဖော်မည့် သမ္မတ ဦးသိန်းစိန် ခေါင်းဆောင်သော အစိုးရသစ်က ကျမ်းကျိန်ပြီး အုပ်ချုပ်မှု အာဏာ အရပ်ရပ်ကို လွှဲပြောင်း ယူလိုက်သည်ဟု မြန်မာ့အသံက ထုတ်လွှင့် ကြေညာသွားသည်။

ယင်းသည် ၂၀၀၇ သံဃာများ ဦးစီးသည့် ရွှေဝါရောင် တော်လှန်ရေးအပြီး ၂၀၀၈ နာဂစ် မုန်တိုင်းကြောင့် ပျက်စီးဒုက္ခရောက် နေ ချိန်တွင် တဖတ်သတ် အတည်ပြု ပြဌာန်းခဲ့သော အခြေခံဥပဒေအရ အာဏာလွှဲပြောင်းပေးမည်ဟု ကတိပြုခဲ့သည့် စစ် အာဏာ ရှင်ကြီး ဗိုလ်ချုပ်မှူးကြီး သန်းရွှေ၏ အဆင့် ခုနှစ်ဆင့်ပါ နိုင်ငံရေးလမ်းပြမြေပုံ အပြီးသတ် အကောင်ထည်ဖော်ခြင်းဟု ကောက်ချက် ချနိုင်သည်။

သို့ရာတွင် ၁၉၈၈ မှ စတင်ဖွဲ့စည်းလာခဲ့သော စစ်ကောင်စီ နိဌိတံသွားပြီး ထိပ်ဆုံးမှ ဗိုလ်ချုပ်မှူးကြီး နှစ်ဦး နိုင်ငံရေးနှင့်အုပ်ချုပ် ရေး ရာထူးများမှ အနားယူကာ ၂၀၀၈ အခြေခံဥပဒေနှင့် အစိုးရသစ် အသက်ဝင်လာတော့မည်ဟု မိမိတို့မယူဆပါ။ စစ်ယူနီဖောင်းချွတ်ပြီး အရပ်သားဝတ်စုံ ဝတ်လိုက်ရုံ၊ အုပ်ချုပ်ရေးအဖွဲ့ နာမည်တမျိုးမှ အခြားအမည်တမျိုး ပြောင်းလိုက်ရုံဖြင့် လက်ရှိစစ်တပ် ကြီးစိုးသော အုပ်ချုပ်ရေးစနစ် မရှိတော့ဟု ယုံကြည်လက်ခံ၍ မရပါ။ ဗိုလ်ချုပ်မှူးကြီး နှစ်ဦးစလုံး စစ်တပ်မှ အငြိမ်းစားမယူသေး သကဲ့သို့ ယခုအသစ်တက်လာသည်ဟုဆိုသော အုပ်ချုပ်ရေးအဖွဲ့အပေါ်လည်း ဆက်လက် သြဇာညောင်းနေဦးမည်ဖြစ်သည်။

သမ္မတသစ် ဦးသိန်းစိန် ပြောကြားခဲ့သော ပေါ်လစီ မိန့်ခွန်းတွင်လည်း စစ်ကောင်စီအပေါ် သစ္စာစောင့်သိမည် ဖြစ်ကြောင်းနှင့် နိုင်ငံရေးနှင့် စီးပွားရေးအပြောင်းအလဲများ လတ်တလော ပြုလုပ်မည်မဟုတ်ကြောင်း ထင်ဟပ်လျက် ရှိသည်။ နိုင်ငံရေးအကျဉ်း သားအားလုံး ပြန်လွှတ်ပေးခြင်း၊ ဒေါ်အောင်ဆန်းစုကြည် အပါအဝင် နိုင်ငံရေးအတိုက်အခံများနှင့် တွေ့ဆုံဆွေးနွေးခြင်း၊ အစိုးရထိန်းချုပ်မှုက ကင်းလွတ်သော အသင်းအပင်းများ လွတ်လပ်စွာ စုရုံးဖွဲ့စည်းခွင့်ပေးခြင်း၊ သတင်းစာနယ်ဇင်းများ လွတ်လပ်စွာ ရေးသားထုတ်ဝေ ဖြန့်ချိခွင့်ပေးခြင်း စသည့် ဒီမိုကရေစီရေး ဦးတည်သည့် လုပ်ဆောင်ချက်များအကြောင်း မကြားရချေ။ သို့ရာတွင် ကုလသမဂ္ဂ အေဂျင်စီနှစ်ခုဖြစ်သည့် ကမ္ဘာ့အလုပ်သမားအဖွဲ့ချုပ်(ILO)နှင့် လူ့အခွင့်အရေးကောင်စီ(အထူးသဖြင့် ကုလသမဂ္ဂ လူ့အခွင့်အရေး ကိုယ်စားလှယ်) တို့ကို ဆက်လက် အလေးထား ဆက်ဆံမည်ဟု ယူဆနိုင်သည့် အလုပ်သမားရေးရာနှင့် လူ့အခွင့်အရးအကြောင်း အနည်းငယ်မျှအား ဦးသိန်းစိန်က ထည့်သွင်းပြောဆိုခဲ့သည်။

စီးပွားရေးတွင်လည်း လယ်ယာစိုက်ပျိုးရေးမှ စက်မှုနိုင်ငံထူထောင်မည် ဟူရွေ့သာ။ မြန်မာ့အလင်းသတင်းစာတွင် အမြဲပါရှိနေ သော ဆောင်းပါးများကို ပြန်ရွတ်ပြသည့်အလား ဦးသိန်းစိန် ပြောသွားခဲ့သည်မှာ ယခုလက်ရှိ ခေတ်နောက်ကျနေသော စီးပွားရေး အဆောက်အအုံနှင့် ခြစားယိုယွင်းနေသော စီမံခန့်ခွဲမှုစနစ်ကို ဆက်လက်ထိန်းသိမ်းမည်ဟုသာ ကောက်ယူ၍ ရသည်။ ဒေသ တွင်းနှင့် နိုင်ငံတကာတွင် ပြိုင်ဆိုင်ရင်ပေါင်တန်းလိုသော အနေအထားရောက်အောင် အခြေခံကျသော ပြုပြင်ပြောင်းလဲမှုများ စတင် နိုင်ရန်ကား ရွှေပြည်တော် မျှော်တိုင်း ဝေးနေရဆဲပင်။

ထို့အတွက်ကြောင့်လည်း မြန်မာ့နိုင်ငံရေးသမိုင်း ဖြစ်စဉ်တွင် အရေးပါသည်ဟု ယူဆရမည့် အုပ်ချုပ်ပုံပြောင်းလဲမှုအား မြန်မာနိုင်ငံသူ နိုင်ငံသား အများအပြားက အာရုံမစိုက် စိတ်မဝင်စားခြင်း ဖြစ်ပါလိမ့်မည်။ အစိုးရအပြောင်းအလဲ ဖြစ်စဉ်ကို စိတ်လှုပ်ရှားကာ နေ့အိပ်မက်များ မက်နေ၊ မက်မည့်သူများ ရှိပါသည်။ ထိုအထဲတွင် ဝမ်းအသာဆုံး သူများမှာ နေပြည်တော်၌ နှစ်လကြာ ယုံကြည်မှုပြန်ပေးဆွဲခံ ထိထားသော အမတ်များ ဖြစ်မည်။ အဘယ်ကြောင့်မူ နေပြည်တော် လွှတ်တော်ကြီးတွင် အကျယ်ချုပ် ထား ရာက လွတ်မြောက်ကာ ယခု မိသားစုနှင့် ပြန်တွေ့ကြရမည် ဖြစ်သောကြောင့်ပင်။ ။Rest of your post

0 comments:

 
----------------------------------------- */ /* EOT ----------------------------------------- */