ထောင်နှင့် ချီသည့် တရုတ်အစိုးရတပ်ဖွဲ့များ ကချင်နယ်စပ်တလျောက် နေရာယူ

ဇော်ကြီး သတင်းနှင့်မီဒီယာ ကွန်ယက် အောက်တိုဘာလ ၁၄ ရက်၊ ၂၀၁၁ ခုနှစ်။(ပေးပို့ သူ - ဗမာ့သွေး )
မြန်မာပြည်မြောက်ပိုင်း တရုတ် မြန်မာနယ်စပ် တလျောက်သို့ ထောင်နှင့်ချီသည့် တရုတ်အစိုးရ တပ်များ ဖြန့်ချထားသည်ဟု နယ်စပ် သတင်းများက ဆိုသည်။
တရုတ်နိုင်ငံဘက်ခြမ်း နယ်စပ်မြို့များဖြစ်သည့် ကျန်းဖုန်း (လွယ်ကျယ်နှင့် မျက်နှာချင်းဆိုင်)နှင့် ယင်ကျန်းမြို့(လိုင်ဇာအနီးရှိ တရုတ်မြို့) များသို့ ယခုရက်ပိုင်းအတွင်း ရောက်ရှိလာသည်ဟု တရုတ် အစိုးရ အာဏာပိုင်များထံမှ သိရကြောင်း လိုင်ဇာမြို့ရှိ စီးပွားရေး လုပ်ငန်းရှင် တဦးက အခုလိုပြောသည်။

“ကျန်းဖုန်းမှာ တရုတ်စစ်တပ်အင်အား (၃၀၀၀) လောက်ရောက်တယ် ပြောတယ်။ ခန့်မှန်းခြေ ပေ့ါနော်။ ပြီးတော့ လက်နက်ကြီးတွေ ပါတယ်လို့ကြားတယ်။ နောက် ယင်ကျန်းဘက်ကိုလည်း ပို့ထားပြီလို့ ပြောတယ်။ အဲဒါ သေခြာအောင်လို့ ကျနော်တို့လူတွေကို လိုက်ကြည့်ခိုင်းတာ ကွန်ဖမ်း ဖြစ်တယ်။”

နယ်စပ်တလျောက် ယခုလို တရုတ်အစိုးရတပ်ဖွဲ့များ အလုံးအရင်းဖြင့် နေရာယူထားသည့်အပေါ် “သူတို့ ရည်ရွယ်ချက်ကတော့ နယ်စပ် လုံခြုံရေးပေ့ါ။ ပြီးတော့ အစိုးရတပ်ဖက်က လေယာဉ်တွေ ဘာတွေ ကျော်ဝင်လာရင် ကာကွယ်ဖို့လည်း ပါတယ်ဆိုပြီး အဲလိုပဲ သတင်းလွှင့်ထားတယ်။ ဒီသတင်းက တရုတ်ဖက်က ရတဲ့ သတင်းပါ။” ဟု ၎င်းက ဆက်ပြောသည်။

တရုတ်မြန်မာနယ်စပ် အခြေစိုက် နိုင်ငံရေး၊ စစ်ရေး လေ့လာသူ ဦးအောင်ကျော်ဇောက ယင်းကိစ္စ တရုတ်အစိုးရ အာဏာပိုင်ဘက်မှ ထုတ်ဖော် မပြောသော်လည်း ဒေသခံလူထုထံက သိရကြောင်း အခုလို ပြောသည်။

“ကျနော်လည်း မေးပြီးပြီ။ ကျနော်တို့ လူထုကလည်း မြင်တဲ့ကောင်က မြင်တယ်။ လုံးကျန်းခရိုင် ကျန်းဖုံမှာ တော်တော်များများ မြို့ပြင်က ကျောင်းတွေတို့ စက်ရုံဟောင်းတွေတို့ ဘာတို့မှာ တပ်တွေ တွေ့ရတယ်လို့ ပြောတယ်။ လက်နက်ကြီးတွေလည်း ပါတယ်လို့ ပြောတယ်။”

တရုတ်အစိုးရတပ်များ ရောက်ရှိနေသည့် မြို့များသည် ကချင်ပြည်လွတ်မြောက်ရေး အဖွဲ့ KIO နှင့် အစိုးရတပ်ဖွဲ့တို့ လတ်တလော တိုက်ပွဲဖြစ်ပွားနေသည့် ဒေသများနှင့် နယ်စပ်ချင်း ထိစပ်နေသည်။

နယ်စပ်လက်နက်ကိုင် တပ်ဖွဲ့များ၏ အတွေ့ အကြုံများအရ တရုတ်စစ်တပ်များ နယ်စပ်ဒေသသို့ အများအပြား ရောက်ရှိလာပြီး မကြာမီတွင် မြန်မာစစ်တပ်က ထိုးစစ်ကြီးများ ဆင်နွဲလေ့ရှိသည်။ ထိုးစစ်ကြီးများရှိပါက တရုတ်ပြည်သူ့ တပ်မတော်သို့ အရင် အကြောင်းကြားရခြင်းကြောင့် ဖြစ်သည်ဟု ဆိုသည်။

ထို့အပြင် KIO ဌာနချုပ် လိုင်ဇာမြို့အပါအ၀င် တောင်ဘက် နယ်စပ်တလျောက်ရှိ တာပိန် ရေအားလျပ်စစ် စီမံကိန်း တည်ဆောက်ရာ မိုးမောက်မြို့နယ်နှင့် နယ်နမိတ်ချင်း ထိစပ်နေသည့် အတွက် မကြာမီ အစိုးရက KIO အား ထိုးစစ်ကြီး ဆင်နွဲလာမည့် လက္ခဏာ တွေ့ရကြောင်း ဦးအောင်ကျော်ဇောက သုံးသပ်ပြောဆိုသည်။

လောလောဆယ်တွင် KIO ဌာနချုပ် လိုင်ဇာမြို့မြောက်ဖက်နှင့် အနောက်ဖက်ရှိ မိုင်နှစ်ဆယ် ပတ်လည်ခန့် အတွင်း အစိုးရနှင့် KIO တို့ နှစ်ဖက် တိုက်ပွဲများ ပြင်းထန်စွာ ဖြစ်ပွားနေသည်ဟု သတင်းရကြောင်း လိုင်ဇာမြို့ရှိ စီးပွားရေး လုပ်ငန်းရှင်က အခုလို ပြောသည်။

“တိုက်ပွဲကတော့ မနေ့ကလည်း ပြင်းထန်နေတယ်။ ပါဂျို၊ နားဖော့ အောက်ဖက် မှာတော့ အခုလည်း တိုက်ပွဲတွေ ဖြစ်နေတယ်။ မနေ့ကလည်း ဖြစ်တယ်။ ဒီနေ့လည်း ဖြစ်တယ်။ မနေ့က ၀ိုင်းမော်၊ ရွှေညောင်ပင်ဘက်ကနေ ကားခုနှစ်စီးတောင် တက်ခဲ့တာကိုး။ သူတို့ စစ်ကူဖြည့်ဖို့ လာတာလား ဘာလားတော့ မသိဘူး။ အခု လမ်းမှာစောင့်ပြီးတော့ ချကုန်ပြီ။ တိုက်ပွဲတော့ နည်းနည်း ပြင်းတယ်။ လက်နက်ကြီးတွေနဲ့ ချည်းပဲ ချနေတာ။”

အစိုးရတပ်မှ ဒေသတွင်း စစ်အင်အားပိုမို ဖြည့်တင်း လာသည့်အပေါ် ဌာနချုပ် လိုင်ဇာမြို့သို့ ထိုးစစ်ဆင်ရန် ပြင်ဆင်နေသည်ဟု အစောပိုင်းကာလ ကတည်းက KIO မှ ခန့်မှန်း ပြောဆို ထားသည်။

အစိုးရနှင့် KIO တို့သည် ၁၉၉၄ ခုနှစ်က အပစ်အခတ်ရပ်စဲခဲ့ပြီး လွန်ခဲ့သည့် ဇွန်လ (၉) ရက်နေ့က စတင်၍ တိုက်ပွဲများ ပြန်လည် ဖြစ်ပွားလာခဲ့သည်။Rest of your post