ဓာတုပစ္စည်းစွန့် ပစ်မှု စနစ်ကျသင့်ပြီ

ဓာတုပစ္စည်း အသုံးပြု လုပ်ကိုင်ရတဲ့ ရွှေပန်းထိမ်၊ ဆီအုန်းတို့လို လုပ်ငန်းအချို့က လူနေအိမ်နဲ့ နီးကပ်တာ၊ ထွက်ရှိလာတဲ့ ဓာတုပစ္စည်းတွေကို စနစ်တကျ မစွန့်ပစ်တာတွေက ပတ်ဝန်းကျင်နဲ့ ကျန်းမာရေးကို ထိခိုက်စေနိုင်တယ်လို့ သိရတယ်။ ရန်ကုန်ပြည်သူ့ဆေးရုံကြီး အဆောင်(၁)၊ (၂) က အရိုးအကြော အထူးကု ဆရာဝန်ကြီး ပါမောက္ခဒေါက်တာ ဦးချစ်စိုးက ‘ရွှေလုပ်ငန်းတွေမှာ အသုံးပြုတဲ့ ဆိုင်ရာနိုက်(cyanide) ဓာတုဒြပ်ပေါင်းက အရမ်းပြင်းတဲ့ အဆိပ်တစ်မျိုးဖြစ်တယ်၊ လူကို အန္တရာယ်ပေးနိုင်တဲ့အတွက် သတိ ထားသင့်တယ်၊ ခန္ဓာကိုယ်ထဲ နည်းနည်းချင်း ဝင်နေရင်လဲ တဖြည်းဖြည်းနဲ့ ဒုက္ခပေးမှာပဲ၊ ဒါကြောင့် မသုံးမဖြစ်လို့ သုံးရမယ်ဆိုရင် ကိုယ့်ရဲ့ လုပ်ငန်းခွင်မှာပဲ သုံးပြီး ပတ်ဝန်းကျင်ကို မပြန့်အောင် ဂရုတစိုက် ထိန်းသိမ်းသင့်တယ်၊ လူနေအိမ်နဲ့ နီးတဲ့နေရာမှာ အလွယ်တကူ စွန့်ပစ်တာ၊ မြေကြီးပေါ် သွန်ချတာတွေ မလုပ်သင့်ဘူး၊ ဆိုင်ရာနိုက် ဓာတုဒြပ်ပေါင်းက လူနေအိမ် အနီးပတ်ဝန်းကျင်မှာ မရှိသင့်တဲ့ အရာပဲ’ လို့ ရှင်းပြပါတယ်။ ‘လုပ်ငန်းတချို့မှာ ချွတ်ဆေးအဖြစ်သုံးတဲ့ Oleic acid, Stearic acid ဆိုလဲ ဓာတုပစ္စည်း တစ်မျိုးပဲ၊ ကာဘွန်ဒိုင်အောက်ဆိုက်၊ ဆာလ်ဖာဒိုင်အောက်ဆိုက် စတဲ့ ဓာတုပစ္စည်းတွေက လေထုထဲမှာ လိုတာထက် ပိုမပါဖို့ သတ်မှတ်ချက်တွေရှိတယ်၊ လိုတာထက် ပိုလာရင် ဒီဓာတု အနံ့တွေ၊ အမှုန်တွေက လူရဲ့ ကျန်းမာရေးကို ထိခိုက်တဲ့အထိ အန္တရာယ်ပေးနိုင်တယ်’လို့ ဒေါက်တာ ဦးချစ်စိုးက ပြောပါတယ်။

သူကဆက်ပြီး အသက်ရှူလမ်းကြောင်းဆိုင်ရာရောဂါ၊ အဆုတ်ပွတာတွေ ဖြစ်လာမယ်။ လေပြွန်ချောင်းရောင်ပြီး ချောင်းဆိုတာ၊ မောတာတွေဖြစ်မယ်။ ကြာရင် အဆုတ်ကင်ဆာအထိ ဖြစ်သွားနိုင်တယ်လို့ ပြောပါတယ်။ ဒါကြောင့် ဓာတုပစ္စည်း အသုံးပြုတဲ့ စက်မှုလုပ်ငန်းတွေ အနေနဲ့ လူနေအိမ်ခြေအနီး ဝန်းကျင်နဲ့ မိုင်ချီပြီး ဝေးတဲ့နေရာမှာပဲ လုပ်သင့်တယ်လို့ သိရတယ်။ ဒေါက်တာဦးချစ်စိုးက ‘ပတ်ဝန်းကျင်မှာ နေထိုင်သူတွေကလဲ ဒီလို ဓာတုပစ္စည်း ဒြပ်ပေါင်း စွန့်ပစ်မှုတွေက အန္တရာယ်ရှိတယ်လို့ သိရင် ကန့်ကွက်သင့်တယ်၊ လုပ်ငန်းရှင်တွေ အနေနဲ့လဲ သူများက ဥပဒေနဲ့ ထိန်းပေးမှ တားဆီးမှ မကျေမနပ်နဲ့ လုပ်ငန်းပိတ်လိုက်ရတာမျိုး မဖြစ်သင့်ဘူး၊ ကိုယ်ပိုင် အသိစိတ်ဓာတ်နဲ့ ထိန်းသိမ်းသင့်တယ်’လို့ ပြောကြားခဲ့ကြောင်း ၂၀၁၁ ခုနှစ် ဇူလိုင် ၂၉ ရက်နေ့ထုတ် မော်ဒန် ဂျာနယ်တွင် ဖော်ပြထားပါသည်။