စနေ, 30 ဇူလိုင် 2011 (ပေးပို့ သူ ဗမာ့သွေး)
ဖိလစ်ပိုင်နိုင်ငံမှာ လူ့အသက်ဆုံးရှုံးမှုတွေ၊ အပျက်အစီးတွေဖြစ်စေခဲ့တဲ့ အပူပိုင်းမုန်တိုင်းဟာ အခု တရုတ်၊ ဗီယက်နမ်နဲ့ ထိုင်းနိုင်ငံဘက်တွေကို ဖြတ်သန်းသွားတဲ့အတွက် လူအမြောက်အများ ဘေးလွတ်ရာကို ရွှေ့ပြောင်းခဲ့ကြရပါတယ်။
Nock Ten လို့ နံမည်ရတဲ့ အပူပိုင်းမုန်တိုင်းကြောင့် တရုတ်နိုင်ငံတောင်ပိုင်း ဟိုင်နန်ကျွန်းရဲ့ တချို့ဒေသတွေမှာ စနေနေ့အစောပိုင်းက ရေကြီးခဲ့တယ်လို့ တရုတ်အစိုးရပိုင် ဆင်ဟွာသတင်းက ပြောပါတယ်။ လူပေါင်း ၁၉၀,၀၀၀ နီးပါးလောက် ဘေးလွတ်ရာမှာ ပြောင်းရွှေ့နေကြရတယ်လို့ တရုတ် တာဝန်ရှိသူတွေက ပြောပါတယ်။
ဗီယက်နမ်နိုင်ငံမှာလည်း တနာရီမိုင် ၆၀ ကျော်နှုန်း လေပြင်းနဲ့အတူ စနေနေ့မှာ ဝင်ရောက်လာတဲ့ Nock Ten မုန်တိုင်းကြောင့် တချို့ ကမ်းရိုးတမ်းဒေသဘက်မှာ နေကြတဲ့သူတွေကို ဗီယက်နမ် တာဝန်ရှိသူတွေက ဘေးကင်းရာကို ပြောင်းရွှေ့ပေးခဲ့ရပါတယ်။ တနင်္ဂနွေနေ့ကျရင် မုန်တိုင်းကြောင့် မိုးပိုရွာပြီး လေပြင်းပိုတိုက်ကာ ရေကြီးမှုတွေ ဖြစ်နိုင်တယ်လို့ မိုးလေဝသ တာဝန်ရှိသူတွေက သတိပေးထားပါတယ်။
တချိန်တည်းမှာပဲ ထိုင်းနိုင်ငံမှာလည်း ဝင်ရောက်လာမဲ့ Nock Ten မုန်တိုင်းဒဏ်ခံနိုင်ဖို့ ကြိုတင် ပြင်ဆင်မှုတွေကို တာဝန်ရှိသူတွေက လုပ်နေကြပါတယ်။
ဖိလစ်ပိုင်နိုင်ငံက အဓိကကျွန်းကြီးတကျွန်းဖြစ်တဲ့ လူဇုံ (Luzon) ကျွန်းကို ဗုဒ္ဓဟူးနေ့တုန်းက မိုးကြီး လေကြီးနဲ့ Nock Ten မုန်တိုင်းဝင်ခဲ့တာမှာ တနာရီ လေတိုက်နှုန်းမိုင် ၆၀ နှုန်းလောက်နဲ့ အဆက်မပြတ် လေပြင်းတိုက်ခဲ့ပါတယ်။ မုန်တိုင်းကြောင့် လူပေါင်း ၄၁ ယောက်ထက်မနည်း သေဆုံးပြီး တော်တော်များများ ပျောက်ဆုံးနေတယ်လို့ ဖိလစ်ပိုင်တာဝန်ရှိသူတွေက ပြောပါတယ်။
လာအိုဘာသာစကားအရ ငှက်လို့ အဓိပ္ပါယ်ရတဲ့ Nock Ten မုန်တိုင်းဟာ ပစိဖိတ်သမုဒ္ဒရာနဲ့ ထိစပ်နေတဲ့ နိုင်ငံတွေကို ဒီနှစ်ထဲ ဝင်ရောက်တိုက်တဲ့ ဆယ်ခုမြောက်မုန်တိုင်းဖြစ်ပါတယ်။
အာရှက နောက်ထပ် သဘာဝဘေးဒဏ်သတင်းကတော့ အင်ဒိုနီးရှားနိုင်ငံ တောင်ဆူမားထရားပြည်နယ်မှာ မြေပြိုမှုတခုကြောင့် ကလေးငယ် လေးယောက်ထက်မနည်း သေဆုံးပြီး နှစ်ယောက်ဒဏ်ရာရခဲ့ပါတယ်။
Kemahan Lama ရွာမှာ သည်းထန်စွာရွာတဲ့ မိုးဒဏ်ကြောင့် မြေပြိုကျတဲ့အတွက် တောင်စောင်းအောက်မှာ ကစားနေကြတဲ့ကလေးတွေ မြေကြီးအောက်ရောက်ပြီး သေဆုံးခဲ့ကြရတယ်လို့ အင်ဒိုနီးရှားတာဝန်ရှိသူတွေက ပြောပါတယ်။ အသက် ၇ နှစ်ကနေ ၁၀ နှစ်ကြား ကလေးတွေ သေဆုံးခဲ့တာဖြစ်ပါတယ်။ ကျောက်တုံး ကျောက်ခဲတွေ ရွှံ့မြေတွေအောက်မှာ ပိတ်မိနေနိုင်တဲ့ တခြားသူတွေကို ကယ်ဆယ်ဖို့ ရွာသားတွေဟာ ရွှံ့မြေပုံတွေကို ကြိုးစား တူးနေကြပါတယ်။ အင်ဒိုနီးရှားမှာ အဆက်မပြတ်မိုးရွာမှုကြောင့် ရုတ်တရက် ရေကြီးမှု၊ မြေပြိုမှုပေါင်းများစွာ နှစ်စဉ်ဖြစ်လေ့ရှိပါတယ်။
Rest of your post
Sunday, July 31, 2011
အရှေ့အာရှဒေသမှာ အပူပိုင်းမုန်တိုင်းတိုက်
မလေးရှားပွဲစားက ရိုက်နှက်လို့ မြန်မာအမျိုးသမီး ၄ ဦး ထွက်ပြေးနေရ
2011-07-30 RFA
မလေးရှားနိုင်ငံ မလက္ကာမြို့က TJR လေအေးစက် အပိုပစ္စည်းစက်ရုံမှာ အလုပ်လုပ်ကိုင်နေတဲ့ မြန်မာနိုင်ငံသား အမျိုးသမီး ၂ ဦးဟာ အလုပ်ပွဲစားက မတရား ပြင်းပြင်းထန်ထန် ရိုက်နှက်တဲ့အတွက် နောက်ထပ် နှိပ်စက်မှုကနေ လွတ်မြောက်အောင် ထွက်ပြေး ပုန်းရှောင်နေကြရတယ်လို့ သိရပါတယ်။
လောလောဆယ် ဒီအမျိုးသမီး ၂ ဦးကို မလေးရှားနိုင်ငံ ကွာလာလမ်ပူ အခြေစိုက် လူ့အခွင့်အရေး ရှေ့နေတွေက ကာကွယ်စောင့်ရှောက်ထား ပြီး အဲဒီ ရှေ့နေတွေကပဲ ရဲစခန်းမှာ အမှုဖွင့်ထားတယ်လို့ အကူအညီ ပေးနေသူ မြန်မာနိုင်ငံသား တဦးက ပြောပါတယ်။
ဒီ မြန်မာအမျိုးသမီး ၂ ဦးဟာ မလေးရှားနိုင်ငံမှာ တရားဝင် နိုင်ငံကူး လက်မှတ်နဲ့ အဲဒီစက်ရုံမှာ အလုပ်လုပ်နေတာ ၂ နှစ်ကျော်ရှိပြီ ဖြစ်ပါတယ်။ ပြီးခဲ့တဲ့ ဇူလိုင်လ ၂၅ ရက်နေ့က သူတို့ရဲ့ အလုပ်ပွဲစား တရုတ်လူမျိုး Mr. Yeo ဆိုသူက အလုပ်ပြောင်းခိုင်းခဲ့တယ်လို့ ဆိုပါတယ်။
ပြောင်းခိုင်းတဲ့အလုပ်ဟာ သူတို့ မလုပ်နိုင်တဲ့ အလုပ်မျိုး ဖြစ်တဲ့အတွက် မလုပ်လိုကြောင်း ငြင်းဆန်ရာမှာ ပွဲစားက တပည့်တွေ ခေါ်လာပြီး အမျိုးသမီး ၂ ဦးစလုံးကို ပြင်းပြင်းထန်ထန် ရိုက်နှက်တဲ့အတွက် မျက်နှာနဲ့ ခန္ဓာကိုယ်မှာ ဒဏ်ရာတွေ ရခဲ့တယ်လို့ သိရပါတယ်။
အတူနေထိုင်သူ နောက်ထပ်အမျိုးသမီး ၂ ဦးကိုလည်း ခြိမ်းခြောက်ထား တဲ့အတွက် ၄ ဦးစလုံး ထွက်ပြေး တိမ်းရှောင်နေရတယ်လို့ ဆိုပါတယ်။
အဲဒီ မြန်မာ အမျိုးသမီး အလုပ်သမားတွေအကြောင်း အာအက်ဖ်အေ အဖွဲ့သား ကိုဝင်းနိုင်ရဲ့ တင်ပြချက်ကို နားဆင်နိုင်ပါတယ်။
Rest of your post
ပြည်သူတွေအတွက် ဖြုတ်တာမဟုတ်
ဘီဘီစီ သတင်းဃဌာန ။ ။ 30-ဇူလိုင် 2011 (ပေးပို့ သူ ဗမာ့သွေး)
မကြာခင်က ထွက်ပေါ်ခဲ့တဲ့ မြန်မာစစ်တပ်က ဗိုလ်ချုပ်ကြီးတွေ ဖြုတ်ထုတ် ခံရတာဟာ ပြည်သူအတွက်၊ တိုင်းပြည်အကျိုး လုပ်တာမျိုး မဟုတ်ဘဲ အချင်းချင်း အကျိုး စီးပွား၊ လုကြ ပြိုင်ကြရတာက ဖြစ်ကုန်တာလို့ စစ်ရေးအကဲခတ် တဦးက သုံးသပ်ပါတယ်။
နိူင်ငံတော် သမ္မတ ဦးသိန်းစိန်ဟာလည်း ဗိုလ်ချုပ်ကြီးဟောင်း ဖြစ်ပါတယ်။စစ်တပ်တွင်း စစ်တိုင်းမှူးတွေနဲ့ စစ်တိုင်းမှူးထက် ကြီးတဲ့ စစ်ဆင်ရေး အထူးအဖွဲ့မှူးတွေကြား အကျိုးစီးပွား ပြိုင်ရာကနေ အပေးအယူ မမျှ ဖြစ်ကုန်ပြီး စစ်ဗိုလ်ချုပ် တချို့ တာဝန်ကနေ အနားပေး ခံရတာလို့ တရုတ်-မြန်မာ နယ်စပ် အခြေစိုက် စစ်ရေး အကဲခတ် ဦးအောင်ကျော်ဇောက ဘီဘီစီကို ပြောပါတယ်။
မကြာခင်ရက်ပိုင်းကပဲ ရန်ကုန်စစ်တိုင်းမှူး ဖြစ်တဲ့ ဗိုလ်မှူးချုပ် ထွန်းသန်းနဲ့ စစ်ဆင်ရေး အထူးအဖွဲ့မှူး ဗိုလ်ချုပ်တင်ငွေ အပါအဝင် စစ်ဗိုလ်ချုပ်ကြီး တချို့ ဖြုတ်ထုတ် ခံခဲ့ရတယ်လို့ သတင်းတွေကလည်း ကျယ်ကျယ်ပြန့်ပြန့်ကို အခုရက်ပိုင်းမှာ ထွက်လာခဲ့ပါတယ်။လက်ရှိ အစိုးရ၊ အစိုးရရဲ့ ပါတီ ကြံ့ခိုင်ရေးနဲ့ စစ်တပ်တို့မှာ တာဝန် ထမ်းဆောင်သူတွေဟာ အရင် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေရဲ့ အကွက်ချ တာဝန်ပေးထားသူ တွေဖြစ်ပြီး သူတို့ချင်းကြားမှာလည်း ဆုံးဖြတ်ချက်မတူညီကြဘူးလို့ သူက သုံးသပ်ပါတယ်။
နိုင်ငံရေး ကျားကွက်ရွှေ့သူလို့ သတ်မှတ်ခံရသူ စစ်ခေါင်းဆောင် ဗိုလ်ချုပ်မှူးကြီးသန်းရွှေဟာ ဦးရွှေမန်းကို လွှတ်တော်မှာ တာဝန်ပေးတယ်၊ ဦးတင်အောင်မြင့်ဦးကို အစိုးရအဖွဲ့တွင်း ထည့်တယ်၊ ဗိုလ်ချုပ်ကြီး မင်းအောင်လှိုင်ကို ကာကွယ်ရေး ဦးစီးချုပ် တာဝန် ပေးတယ်၊ ဦးကျော်ဆန်း၊ ဦးအောင်သောင်းနဲ့ ဦးဌေးဦးတို့ကို ကြံ့ခိုင်ရေး ပါတီကို ဦးဆောင် စေတာတွေဟာ ဦးသန်းရွှေရဲ့ ကျားကွက်ရွှေ့ ထားတာတွေ ဖြစ်ပြီး မနိုင်တဲ့ အခါဆိုရင်တော့ ပွဲကြီးပွဲကောင်း ဖြစ်မယ်လို့ ဦးအောင်ကျော်ဇောက ပြောပါတယ်။
KIA ကချင်လွတ်လပ်ရေးတပ်ကို နှိမ်နင်းဖို့နဲ့ ဒီအတိုင်း ထားဖို့ ကိစ္စမှာလည်း အစိုးရနဲ့ တပ်နဲ့ သဘောကွဲနေပြီး၊ အခုစစ်တပ်ဟာ မြန်မာစစ်တပ် သမိုင်းမှာ အစုတ်ချာဆုံး စစ်တပ် ဖြစ်နေတယ်လို့ တရုတ်-မြန်မာ နယ်စပ်က စစ်ရေး ကျွမ်းကျင်သူက သုံးသပ်ပါတယ်။နေပြည်တော်နဲ့ ရန်ကုန်မှာလည်း အရန်တပ်တွေ ထားရတယ်၊ ရှေ့တန်းပို့ဖို့ တပ်က မရှိတော့ဘူး၊ တရုတ်ကြောင့် မတိုက်တာ မဟုတ်ဘူးလို့ သူက ဆိုပါတယ်။
မြန်မာစစ်တပ်ဟာ မဟုတ်တဲ့ ထူးခြားချက်ကလည်း ဗိုလ်ချုပ်ကြီးတွေက အာဏာရှိစဉ်မှာ လူထုနဲ့ ငယ်သားကို အနိုင်ကျင့်သလောက် အငြိမ်းစားပေးလို့ အရေးယူ ခံရတဲ့အခါ ရှိတာလေး ပိုက်လို့ ကြီးပွားရေး ပြန်လုပ်ကြတယ်လို့ ဦးအောင်ကျော်ဇောက ပြောပါတယ်။ဗိုလ်ချုပ်ကြီး နေဝင်း မွေးတဲ့ စစ်တပ်ကို ဗိုလ်ချုပ်မှူးကြီး သန်းရွှေကလည်း အလားတူ ဆက်မွေးထားခဲ့ပြီး မြန်မာ စစ်တပ်ဟာ တကယ်တမ်း ပြောရရင်တော့ မျိုးချစ် စိတ် လုံးဝ မရှိတဲ့ စစ်တပ်လို့ စစ်ရေး အကဲခတ် ဦးအောင်ကျော်ဇောက ဘီဘီစီကို ပြောပါတယ်။
Rest of your post
အစိုးရတပ်များ ရှမ်းဌာနချုပ်က ဆုတ်ခွာ
By နိုင်ကွန်းအိန် စနေ, 30 ဇူလိုင် 2011 (ပေးပို့ သူ ဗမာ့သွေး)
၁၈ ရက်ကြာ မြန်မာစစ်တပ်တွေဟာ တပ်အင်အားအလုံးအရင်းနဲ့ ၀ိုင်းပတ်ပိတ်ဆို့ထားတဲ့ ရှမ်းပြည် တိုးတက်ရေးပါတီ ၀မ်ဟိုင်းဌာနချုပ်စခန်းကနေ တချို့တ၀က် ပြန်လည် ရုတ်သိမ်းသွားတယ်လို့ ရှမ်းပြည်တိုးတက်ရေးပါတီ ခေါင်းဆောင်တွေက ပြောပါတယ်။ မြန်မာစစ်တပ်က အခုလို တပ်တွေ ရုတ်သိမ်းသွားတဲ့အတွက် စစ်ဘေးကနေတိမ်းရှောင်နေတဲ့ ရွာသားတချို့ဟာ ရွာထဲကို ပြန်လည် ၀င်ရောက်နေပြီလို့လည်း ဆိုပါတယ်။ ဒါပေမဲ့ အခြေအနေတွေဟာ စောင့်ကြည့်ရမယ့် အနေအထားမှာပဲ ရှိနေသေးတယ်လို့ ရှမ်းပြည်တိုးတက်ရေးပါတီ ခေါင်းဆောင်တွေက ပြောပါတယ်။ ရှမ်းပြည်နယ်က အခြေအနေအပြည့်အစုံကိုတော့ ထိုင်းအခြေစိုက်သတင်းထောက် နိုင်ကွန်းအိန်က သတင်းပေးပို့ထားပါတယ်။
ရှမ်းပြည်နယ်တောင်ပိုင်း ကျေးသီးမြို့နယ်တွင်းမှာရှိတဲ့ ၀မ်ဟိုင်းဌာနချုပ်ကို ၀ိုင်းပတ်ပိတ်ဆို့ထားတဲ့ မြန်မာစစ်တပ်တော်တော်များများဟာ ဇူလိုင် ၂၉ ရက်နေ့ကနေစပြီးတော့ ပြန်လည်ရုတ်သိမ်းသွားပြီလို့ ရှမ်းပြည်တိုးတက်ရေးပါတီ ဘက်ကနေ အတည်ပြု ပြောဆိုခဲ့ပါတယ်။ အခုလို တပ်ရုတ်သိမ်းသွားတာဟာ ထူးခြားမှုရှိတယ်လို့ ရှမ်းပြည်တိုးတက်ရေးပါတီရဲ့ ပြောရေးဆိုခွင့်ရှိသူ ဗိုလ်မှူးစိုင်းလှက အခုလိုပြောပါတယ်။
“အခုကျနော်တို့ ၀မ်ဟိုင်းဌာနချုပ်ဝန်းကျင်မှာ တပ်ရင်း ၆ ရင်း ၇ ရင်းလောက်ပဲ ကျန်တော့တယ်။ အဲဒီအလုံးအရင်းနဲ့လာတဲ့တပ်တွေ သူတို့ ပြန်ရုတ်သိမ်းသွားတယ်။ ၀မ့်မိန်မှာတော့ ကျန်သေးတယ်။ ဆုတ်တာနည်းနည်း အပြင်ဘက်ကျတဲ့နေရာပေါ့။ အတွင်းပိုင်းတော့ နည်းနည်းရှိသေးတယ်။ တခြားတပ်တွေအစားထိုးတာဆိုရင် အဲဒီတပ်တွေရောက်မှ ရုတ်မယ်လေ။ အခုဟာက အရင်ရုတ်သိမ်းသွားတယ် ဆိုတော့ တမျိုးတော့ ထူးခြားတာပေါ့။”
ဝမ်ဟိုင်းဌာနချုပ်ကို မြန်မာစစ်တပ်က တပ်ရင်း ၂၀ လောက် ၀ိုင်းပတ် ပိတ်ဆို့ထားရာကနေ အခုလို တပ်တွေ ရုတ်သိမ်းသွားခဲ့ပါတယ်။ ရှမ်းပြည်တိုးတက်ရေးပါတီ ခေါင်းဆောင်တွေအနေနဲ့ကတော့ အခုလို တပ်ရုတ်သိမ်းသွားတဲ့အပေါ် ထင်မြင်ချက်သဘောထားကို ဗိုလ်မှူးစိုင်းလှကနေ အခုလို ပြောဆိုပါတယ်။
“သူတို့က အပစ်ရပ်စဲချင်လို့လား။ နည်းဗျူဟာပြောင်းဖို့လား။ တပ်မတွေနဲ့ အစားထိုးဖို့လား။ အဲဒါ ဘယ်လိုဖြစ်လာမလဲဆိုတာ ကျနော်တို့ နည်းနည်းတော့ စောင့်ကြည့်ရဦးမယ်။”
ဆုတ်ခွာသွားတဲ့ မြန်စစ်တပ်နောက်ကို ရှမ်းပြည်တိုးတက်ရေးပါတီတပ်တွေကနေ လိုက်လံတိုက်ခိုက်မှု ပြုလုပ်ခဲ့တယ်လို့ အဖွဲ့ရဲ့ပြောရေးဆိုခွင့်ရှိသူ ဗိုလ်မှူးစိုင်းလှက ပြောပါတယ်။ ဇူလိုင်လ ၁၁ ရက်နေ့က စတင်ခဲ့တဲ့ ၀မ်ဟိုင်းဌာနချုပ်စခန်းသိမ်းတိုက်ပွဲဟာ ရက်သီတင်းပတ် နှစ်ပတ်ကျော် ကြာမြင့်ခဲ့ပြီး ဒီတိုက်ပွဲတွေအတွင်း ထိခိုက်ကျဆုံးမှုကိုတော့ ဗိုလ်မှူးစိုင်းလှက အခုလိုပြောပါတယ်။
“သူတို့ဘက်က ဒဏ်ရာရတာ ၁၅၀ ၀န်းကျင်လောက် ရှိမယ်။ ကျနော်တို့ဘက်က ၁၀ လောက်ပေါ့။”
အခုဖြစ်ပွားနေတဲ့တိုက်ပွဲအတွင်း နှစ်ဖက်ထိခိုက်ကျဆုံးမှုစာရင်းကိုတော့ သီးခြား အတည်မပြုနိုင်သေးပါဘူး။ မြန်မာစစ်တပ်ကနေ တပ်တွေရုတ်သိမ်းသွားတဲ့အတွက် ထွက်ပြေးတိမ်းရှောင်နေတဲ့ ဒေသခံရွာသားတချို့ ဟာလည်း ရွာထဲပြန်ဝင်လာတယ်လို့ ဗိုလ်မှူးစိုင်းလှကပြောပါတယ်။
“ဒေသခံပြည်သူ တချို့တော့ ရွာထဲပြန်ဝင်လာကြပြီခင်ဗျ။ အားလုံးတော့ မလာသေးဘူး။ တချို့လဲ နည်းနည်းဝေးတာကို ထွက်သွားတာ။ အနီးနားပတ်ဝန်းကျင်က တချို့တော့ နည်းနည်း ပြန်ဝင်လာတယ်။”
၁၈ ရက်လောက် ဖြစ်ပွားခဲ့တဲ့ မြန်မာစစ်တပ်နဲ့ ရှမ်းပြည်တိုးတက်ရေးပါတီ တိုက်ပွဲတွေကြောင့် ၀မ်ဟိုင်းဒေသနဲ့ ဆက်စပ်ရာဒေသတွေက ထောင်နဲ့ချီတဲ့ရွာသားတွေဟာ စစ်ဘေးလွတ်ရာကို တိမ်းရှောင်နေကြရသလို ကျောင်းသား ၁ ထောင်ကျော်ဟာလဲ ကျောင်းတွေပိတ်ထားရတဲ့အတွက် စာသင်ကြားခွင့်ကင်းမဲ့ခဲ့ပါတယ်။
မြန်မာနိုင်ငံမှာ အစိုးရသစ်တက်လာပြီးနောက်ပိုင်း တိုင်းရင်းသားလက်နက်ကိုင်အဖွဲ့တွေနဲ့ တိုက်ပွဲ ဖြစ်ပွားနေခဲ့တာ ပိုပြီးများလာပါတယ်။ အခုဆိုရင် အပစ်အခတ်ရပ်စဲထားတဲ့ ကေအိုင်အို ခေါ် ကချင် လွတ်လပ်ရေးအဖွဲ့အပေါ်မှာရော၊ ရှမ်းပြည်တိုးတက်ရေးပါတီအပေါ်မှာပါ ထိုးစစ်ဆင်တိုက်ခိုက်မှုတွေ ပြုလုပ်လာခဲ့ပါတယ်။
အမျိုးသားပြန်လည်သင့်မြတ်ရေး လုပ်ဆောင်ဖို့အတွက် တိုင်းရင်းသားလက်နက်ကိုင် အဖွဲ့အစည်းတွေ အပေါ်မှာ နိုင်ငံရေးနည်းလမ်းအရ တွေ့ဆုံဆွေးနွေးဖို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ကနေ နိုင်ငံတော်သမ္မတ ဦးသိန်းစိန်ကို ဇူလိုင် ၂၈ ရက်နေ့မှာ အိပ်ဖွင့်ပေးစာတစောင် ပေးပို့ခဲ့ပါတယ်။ အခုလို ဒေါ်အောင်းဆန်းစုကြည်ရဲ့ အမျိုးသားပြန်လည်သင့်မြတ်ရေး လုပ်ငန်းစဉ်အပေါ်မှာ တိုင်းရင်းသား လက်နက်ကိုင် အဖွဲ့အစည်းတွေကလဲ ထောက်ခံကြိုဆိုနေတယ်လို့ သတင်းတွေ ပေါ်ထွက်နေပါတယ်။
Rest of your post
နိုင်ငံတကာ ၀င်ဆန့်ဖို့ နိုင်ငံရေး အကျဉ်းသားတွေ လွှတ်ပေးရမည်
By ကိုကျော်ကျော်သိန်း။ ။ သောကြာ, 29 ဇူလိုင် 2011 (ပေးပို့ သူ ဗမာ့သွေး)
မြန်မာနိုင်ငံတ၀န်း အကျဉ်းထောင်တွေမှာ ဖမ်းဆီးထားတဲ့ နိုင်ငံရေး အကျဉ်းသားတွေကို ပြန်လွှတ်ပေးတာမျိုးလို သိသာထင်ရှားတဲ့ အပြောင်းအလဲတွေကို ပြသဖို့ ကုလသမဂ္ဂ အတွင်းရေးမှူးချုပ်က တိုက်တွန်းလိုက်ပါတယ်။ မြန်မာနိုင်ငံခြားရေးဝန်ကြီး ဦးဝဏ္ဍမောင်လွင်နဲ့ သောကြာနေ့က တယ်လီဖုန်းကတဆင့် ဆွေးနွေးရာမှာ အတွင်းရေးမှူးချုပ် ဘန်ကီမွန်းက ပြောဆိုလိုက်တာပါ။
အစိုးရသစ်က ပြုပြင်ပြောင်းလဲရေးတွေ လုပ်ဆောင်ဖို့ ကတိပြုထားတာတွေကို ကြိုဆိုပေမဲ့ ငြိမ်းချမ်းသာယာတဲ့ ဒီမိုကရေစီ တိုင်းပြည်တခု ဖြစ်လာစေဖို့ ခိုင်မာတဲ့ ဆောင်ရွက်ချက်တွေကို လုပ်ဆောင်ဖို့ကိုလည်း မျှော်လင့်ကြောင်း ပြောပါတယ်။
ပြုပြင်ပြောင်းလဲမှုတွေ လုပ်ဆောင်ရာမှာ နိုင်ငံတကာ အသိုင်းအ၀န်းက မျှော်လင့်ထားတဲ့ အရေးကြီးဆုံး လုပ်ငန်းတခုအဖြစ် နိုင်ငံရေး အကျဉ်းသားတွေ လွတ်မြောက်ဖို့ လိုအပ်ကြောင်း အတွင်းရေးမှူးချုပ်က အလေးထားပြောဆိုခဲ့တယ်လို့ ကုလသမဂ္ဂက သတင်းထုတ်ပြန်ပါတယ်။
ကုလသမဂ္ဂနဲ့ လူ့အခွင့်အရေး လှုပ်ရှားသူတွေကတော့ မြန်မာနိုင်ငံမှာ နိုင်ငံရေး အကျဉ်းသား ၂,၀၀၀ လောက် ရှိတယ်လို့ ပြောပေမဲ့ မြန်မာအာဏာပိုင်တွေကတော့ နိုင်ငံရေး အကျဉ်းသားတွေ ရှိတယ်ဆိုတာကို လက်ခံလေ့ မရှိသလို ဖမ်းဆီးထားတဲ့ တက်ကြွလှုပ်ရှားသူတွေဟာ ရာဇ၀တ်မှုတွေနဲ့ အရေးယူထားတာ ဖြစ်တယ်လို့ ပြောဆိုလေ့ရှိတာပါ။
မြန်မာနိုင်ငံခြားရေးဝန်ကြီးနဲ့ တယ်လီဖုန်းက စကားပြောဆိုရာမှာ မြန်မာစစ်တပ်နဲ့ တိုင်းရင်းသား လက်နက်ကိုင်တွေကြား တိုက်ပွဲတွေ ဖြစ်ပွားနေပြီး အရပ်သားတွေ ထိခိုက်နစ်နာမှုတွေ ကြုံနေရတဲ့အပေါ် စိုးရိမ်မကင်း ဖြစ်မှုတွေကိုလည်း ပြောဆိုခဲ့သလို မြန်မာအစိုးရအနေနဲ့ ပြဿနာတွေကို ငြိမ်းငြိမ်းချမ်းချမ်း ဖြေရှင်းဖို့လည်း တိုက်တွန်းခဲ့ပါတယ်။
Rest of your post
တူရကီ ကြည်း၊ ရေ၊ လေ ဦးစီးချုပ်များ နှုတ်ထွက်
သောကြာ, 29 ဇူလိုင် 2011 , BY VOA (ပေးပို့ သူ ဗမာ့သွေး)
အစ္စလာမ်ဘာသာစွဲရှိတဲ့ တူရကီအစိုးရနဲ့ ဘာသာရေးအစွဲကင်းတဲ့ စစ်တပ်တို့ကြား တင်းမာမှုတွေ ကြီးထွား လာချိန်မှာပဲ ထိပ်တန်းစစ်တပ် အကြီးအကဲတွေ တစုတဝေးတည်း နှုတ်ထွက်သွားကြပါတယ်။ လက်နက်ကိုင် တပ်ဖွဲ့တွေရဲ့ အကြီးအကဲ ဗိုလ်ချုပ်ကြီး အိုင်ဆစ်ကိုဆာနာ (Isik Kosaner) အပြင် ကြည်း၊ ရေ၊ လေ စစ်ဦးစီးချုပ်တွေအားလုံး အစိုးရထံမှာ နှုတ်ထွက်စာတွေ တင်ခဲ့ကြတာလို့ တူရကီပြည်တွင်း သတင်းမီဒီယာတွေက သောကြာနေ့မှာ ဖော်ပြလိုက်ကြတာပါ။
Rest of your post
အိတ်ဖွင့်ပေးစာအပေါ် အပြုသဘော ဆောင်ရွက်မှုလို့ သမ္မတအကြံပေးရှုမြင်
2011-07-29 RFA (ပေးပို့ သူ ဗမာ့သွေး)
ဒေါ်အောင်ဆန်းစုကြည်ရဲ့ အမျိုးသား ရင်ကြားစေ့ရေးနဲ့ ငြိမ်းချမ်းရေး အတွက် ထုတ်ပြန်လိုက်တဲ့ အိတ်ဖွင့်ပေးစာ အပေါ် အပြုသဘော ဆောင်တဲ့ ဆောင်ရွက်ချက် ပူးပေါင်း ဆောင်ရွက်မှု တခုအဖြစ် ရှုမြင်တယ်လို့ သမ္မတ ဦးသိန်းစိန်ရဲ့ အကြံပေး အဖွဲ့ဝင် နိုင်ငံရေး အကြံပေး ဒေါက်တာ နေဇင်လတ်က RFA ကို ပြောဆိုပါတယ်။
ဒေါ်အောင်ဆန်းစုကြည်က မနေ့က နေ့စွဲနဲ့ သမ္မတ ဦးသိန်းစိန် အပြင် KIO ကချင်လွတ်မြောက် ရေးအဖွဲ့၊ ကရင်အမျိုးသား အစည်းအရုံး KNU၊ မွန်ပြည်သစ်ပါတီ NMSP နဲ့ ရှမ်းပြည်လွတ် မြောက်ရေးအဖွဲ့ SSA အဖွဲတွေထံကို လိပ်မူပြီး ငြိမ်းချမ်းရေးနဲ့ အမျိုးသား ရင်ကြားစေ့ရေး အတွက် တွေ့ဆုံဆွေးနွေးဖို့ တိုက်တွန်း ရေးသားထားတဲ့ အိတ်ဖွင့်ပေးစာကို ပေးပို့ခဲ့တာပါ။
ဒီစာနဲ့ပတ်သက်ပြီး သမ္မတ ဦးသိန်းစိန်ရဲ့ အကြံပေးအဖွဲ့ဝင် ဒေါက်တာနေဇင်လတ်က သူ့အမြင်ကို ခုလို ပြောပါတယ်။ “အပြုသဘော ဆောင်တယ်လို့လည်း မြင်တယ်။ ပူးပေါင်းဆောင်ရွက်မှု တစ်ရပ်လို့လည်း မြင်ပါတယ်။ နောက်တခါ ကျနော်တို့ ၀န်ကြီး ဦးအောင်ကြည်နဲ့ ဒေါ်အောင်ဆန်းစုကြည် တို့ရဲ့ ပူးတွဲ ကြေညာချက် ပေါ့ဗျာ အဲဒီရဲ့ နောက်ဆက်တွဲ ကိစ္စရပ်လေးတွေ လို့လဲ ယူဆပါတယ်” ဒေါ်အောင်ဆန်းစုကြည်ရဲ့ စာမှာ လတ်တလော ဖြစ်ပျက်နေတဲ့ ပဋိပက္ခ တွေရဲ့ ဆိုးကျိုးတွေကို ပြောဆိုထားသလို အပစ်အခတ် ရပ်စဲရေးနဲ့ ငြိမ်းချမ်းရေး လုပ်ငန်းစဉ်တွေကို ပံ့ပိုး ရန်အတွက် သူ့အနေနဲ့ ကိုယ်စွမ်းရှိသမျှ ပါဝင်ကြိုးပမ်းပေးဖို့ အသင့်ရှိပါတယ်လို့လည်း ရေးသားထားပါတယ်။
SummaryRest of your post
ရခိုင် ရေကြောင်းလိုင်းများ ပုဂ္ဂလိက ရရှိပြီးနောက် သင်္ဘောခ ၆ ဆထိ တိုးမြှင့်ကောက်၍ ခရီးသွား ပြည်သူများ အခက်ကြုံ
သောကြာနေ့၊ ဂျူလိုင်လ 29 ရက် 2011 ခုနှစ် တာကလူး (ပေးပို့ သူ ဗမာ့သွေး)
ရခိုင်ပြည်နယ် အတွင်း အရေးပါသည့် ပြည်သူပိုင် ရေကြောင်းလိုင်းများကို ပုဂ္ဂလိကသို့ ငှါးရမ်းလိုက်ပြီး နောက်ပိုင်း သင်္ဘောခများကို ၆ ဆထိ တိုးမြှင့် ကောက်ခံနေသဖြင့် ခရီးသွားပြည်သူများ အထူး အခက်အခဲ ကြုံတွေ့နေကြရကြောင်း သတင်း ရရှိသည်။
ရခိုင်ပြည်နယ် အတွင်း လူသွား လူလာ အများဆုံး ရေကြောင်းလိုင်း တစ်ခု ဖြစ်သည့် စစ်တွေ- ဘူးသီးတောင် သင်္ဘောလိုင်းကို ကြံ့ခိုင်ရေး ပါတီ အမာခံများ ပိုင်ဆိုင်သော သီဟရာဇာ ကုမ္ပဏီက ရရှိပြီးနောက် သင်္ဘောခကို ထိုသို့ ၆ ဆထိ တိုးမြှင့်ကာ အဆမတန် ကောက်ခံလိုက်သည်။
ခရီးသွားလာနေသူ ပြည်သူတစ်ဦးက ယခုကဲ့သို့ သင်္ဘောခကို အဆမတန် တိုးမြှင့်လိုက်ခြင်းမှာ ပြည်သူများ အပေါ် လုံးဝ သနား ငဲ့ညှာခြင်း မရှိဘဲ ပြုလုပ်လိုက်ခြင်း ဖြစ်ကြောင်း ပြောကြားသည်။
“ အရင်က စစ်တွေ- ဘူးသီးတောင် သင်္ဘောလိုင်းက သင်္ဘောခ ၅၀၀ ကျပ် ဖြစ်ပါတယ်။ ကြံ့ခိုင်ရေးပါတီက ထိပ်ပိုင်း ခေါင်းဆောင်တွေပိုင်တဲ့ သီဟရာဇာ ကုမ္ပဏီကို ဌားရမ်းလိုက်တော့ သင်္ဘောခကို ၆ ဆထိ မြင့်ပြီး ၃၀၀၀ ကျပ်ထိ တိုးမြှင့်လိုက်ပါတယ်။ ခုလို မတန်တဆ တိုးမြှင့်လိုက်တဲ့ အတွက် ခရီးသွားပြည်သူတွေ အထူး ဒုက္ခ ရောက်သွား ကြရပါတယ်။ ပြည်သူတွေရဲ့ အခက်အခဲတွေကို မထည့်တွက်ဘဲ ခုလို ကောက်ခံတာဟာ လူထုကို သနား ငဲ့ညှာတဲ့ သဘော မရှိဆိုတာကို ပြသလိုက်တာဘဲ ဖြစ်ပါတယ်” ဟု ပြောသည်။
၎င်းပြင် အဆိုပါ လူကြီးက သင်္ဘောခကို တိုးမြှင့်လိုပါက နှစ်ဆ သုံးဆထက် ပိုတိုးမြှင့် မကောက်သင့်ကြောင်းနှင့် ယခုကဲ့သို့ ၆ ဆထိ တိုးမြှင့်ကောက်ခံလိုက် သဖြင့် ခရီးသွားပြည်သူများကို များစွာ ထိခိုက်စေခဲ့သည်ဟု ပြောသည်။
အလားတူ စစ်တွေ- မြောက်ဦး ရေကြောင်းလိုင်းနှင့် စစ်တွေ-တောင်ကုတ် သင်္ဘောလိုင်းများတွင်လည်း သင်္ဘောခများကို တိုးမြှင့်လိုက်ကြောင်း သိရသည်။
“ကျွန်တော်တို့ အခုပုဂ္ဂလိက လက်ထက်မှာ ပေးနေရတာက စစ်တွေကနေ မြောက်ဦးကို ၁၅၀၀ ကျပ်၊ ဘူးသီးတောင်ကို ၃၀၀၀ ကျပ် နဲ့ တောင်ဂုတ်ကို ၈၀၀၀ ကျပ် ပေးနေကြရပါတယ်။ ဒါ့အပြင် သင်္ဘောလက်မှတ် ၀ယ်ဖို့ ဖောင်ဖြည့်ခလဲ ၅၀ ကျပ်စီ ပေးနေကြရပါတယ်။ အယင်က အစိုးရလက်ထက်တုန်းကဆို စစ်တွေကနေ မြောက်ဦးကို ၃၀၀ ကျပ်၊ ဘူးသီးတောင်ကို ၅၀၀ ကျပ် နဲ့ တောင်ဂုတ်ကို ၃၀၀၀ ကျပ်ပဲ ပေးခဲ့ကြရပါတယ်” ဟု ၄င်းဒေသခံ လူကြီးက ပြောသည်။
အဆိုပါ သင်္ဘောခမှာ အခင်းမပါသည့် သင်္ဘောကြမ်းပြင်ပေါ်တွင် စီနင်းလိုက်ပါခွင့် သက်သက်ဖြစ်ပြီး၊ ထိုင်ခုံဖြင့် ထိုင်လိုလျှင် ထိုင်ခုံတစ်လုံးကို ခရီးစဉ်အလိုက် ကျပ် ၁၀၀၀ မှ ၃၀၀၀ ထိပေးဆောင်ကြရပြီး၊ သီးသန့် အခန်းဖြင့် သွားလိုလျှင် အခန်းငှါးခ အဖြစ် ကျပ် ၃၀၀၀ မှ ၆၀၀၀ အထိ အသီးသီးပေးဆောင်ကြရကြောင်းလည်း သူက ဆက်ပြောသည်။
အဆိုပါ ပြည်တွင်းရေကြောင်းလိုင်း သင်္ဘောများကို ပုဂ္ဂလိကသို့ လွှဲပြောင်းပေးအပ်လိုက်ခြင်းကိစ္စ နှင့်ပတ်သတ် ၍ နိရဉ္စရာမှ စစ်တွေရှိ ပရသဖ ခေါ် ပြည်တွင်းရေကြောင်းဦးဌာနရုံးကို ဆက်သွယ်ခဲ့သည်။ သို့သော်လည်း တာဝန်ကျ လူကြီးက ထိုအကြောင်းနှင့် ပတ်သတ်၍ တစုံတရာ ထုတ်ဖေါ်ပြောကြားရန် ငြင်းဆိုခဲ့သည်။
ဒေသခံ သတင်းရပ်ကွက်များ၏ အဆိုအရ ရခိုင်ပြည်နယ်အတွင်း အဓိက အရေးပါသည့် ရေကြောင်းလိုင်း ၃ ခုတွင် ခရီးသည်သာမက ကုန်ပါတင်ဆောင် ပြေးဆွဲနေသည့် သင်္ဘော (၉)စီးကို ပြည်တွင်းရေကြောင်းဦးစီး ဌာနမှ ပုဂ္ဂလိက ကုမ္ပဏီများသို့ ယခုလ (၁၂)ရက်နေ့တွင် ခြောက်လစာချုပ်ဖြင့် လွှဲပြောင်း ငှါးရမ်းလိုက်ကြောင်း သိရှိရသည်။
၎င်းရေကြောင်းလိုင်းသုံးခုတွင် (၂၂၄)မိုင် အကွာအဝေးရှိသည့် စစ်တွေ-တောင်ဂုတ် ရေကြောင်းတွင် ဆွဲနေသည့် သင်္ဘော (၃)စီးကို ဦးကျောက်တောင် ကုမ္ပဏီ၊ မိုင် ၈၀ အကွာအဝေးရှိသည့် စစ်တွေ ဘူးသီး တောင် ရေကြောင်းတွင်ဆွဲနေသည့် တခြား သင်္ဘော ၃ စီးကို သီဟရာဇာ ကုမ္ပဏီ နှင့် မိုင် (၄၀) ကွာဝေးသည့် စစ်တွေ-မြောက်ဦး ရေကြောင်းတွင်ဆွဲနေသည့် ကျန် သင်္ဘော (၃)စီးကို ဦးသိန်းစိုး ကုမ္ပဏီသို့ အသီးသီး လွှဲပြောင်း ငှါးရမ်းလုပ်ပိုင်ခွင့် ပေးထားခြင်းဖြစ်ကြောင်း သိရှိရသည်။
ထိုသို့ သင်္ဘောများကို ပုဂ္ဂလိက လက်သို့ လွဲပြောင်း ပေးအပ်လိုက်ပြီးနောက် ၀န်ဆောင်မှုလည်း ပိုမို ဆိုးရွား သွားကြောင်းနှင့် ခရီးသွားပြည်သူများမှာ သင်္ဘောဖြင့် ခရီးသွားလာရာတွင် ထိခိုက်နစ်နာ နေကြရသည်ဟု လည်း သတင်း ရရှိသည်။
ပုဂ္ဂလိက များအနေဖြင့် ၄င်းသင်္ဘောများကို ငှါးရမ်းပြီး ခရီးသွားပြည်သူများကိုထက်သူတို့ပိုင်ဆိုင်သောကုမ္ပဏီ များ၏ ၀န်တင်ဝန်ချ လုပ်ငန်းများကိုသာ အဓိကထား လုပ်ဆောင်နေကြခြင်းကြောင့် ခရီးသည်ဝန်ဆောင်မှုများ မှာ ယခင်ကထက် ပိုမိုဆိုးရွားလာနေကြောင်း စစ်တွေ-ဘူးသီးတောင်လိုင်း ဓည၀တီ (၁) သင်္ဘောမှ သင်္ဘောသား တစ်ဦးက ပြောသည်။
“ကုမ္ပဏီပိုင်ရှင်တွေက ကြံ့ဖွံ့အမာခံတွေဖြစ်ပြီး အစိုးရနဲ့အထူးနီးစပ်သူတွေဆိုတော့ ဘယ်သူ့ကိုမှ အရေး မစိုက်ဘူးဗျာ။ ခရီးသည်တွေကို သွားချင်သွား မသွားချင်နေဆိုတဲ့ သဘောပေါ့။ သင်္ဘောတွေကို သူတို့ရဲ့ အကျိုးအမြတ်အတွက် သူတို့ ကုမ္ပဏီတွေရဲ့ ၀န်တင်ဝန်ချလုပ်ငန်းတွေကိုသာ အဓိကထားလုပ်နေကြတော့ ခရီးသည် ၀န်ဆောင်မှုတွေက အရင်ကထက် ပိုဆိုးသွားတာပေါ့ဗျာ” ဟု ၄င်းသင်္ဘောသားက ပြောသည်။
၎င်းအပြင် အဆိုပါ ပုဂ္ဂလိက ကုမ္ပဏီများမှာ သင်္ဘောများ၏ ခရီးစဉ်များအတွက် လိုအပ်သည့် ဆီများကို အစိုးရမှ ဈေးနှုန်းချိုသာစွာဖြင့် ထုတ်ဝေပေးထားသည့် အတွက်ကြောင့် အမြတ်အစွန်းများ ပိုမိုရရှိနေကြ ကြောင်းလည်း ၄င်း သင်္ဘောသားက ပြောသည်။
စစ်အစိုးရအာဏာသိမ်းပြီးနောက် ၂၀၀၀ ခုနှစ်မှစ၍ ရခိုင်ပြည်နယ်အတွင်း စစ်တွေ-ရန်ကုန် ကားလမ်း အပါအ၀င် မြို့တစ်ခုနှင့် တစ်ခု ဆက်သွယ်နိုင်သည့် လမ်းပိုင်းတချို့ကို ဖွင့်လှစ်ပေးခဲ့ပြီး နောက်ပိုင်း ပြည်တွင်း ရေကြောင်း ဆက်သွယ်ရေး ဦးစီးဌာနမှ ဒေသတွင်း သင်္ဘောလိုင်းများကို တဖြည်းဖြည်းချင်းရပ်တန့်လာ ခဲ့သည်။
ထိုသို့ ရပ်တန့်လာခဲ့ပြီးနောက်ပိုင်း အစိုးရမှ လက်ရှိကျန်ရှိနေဆဲ ဖြစ်သည့် သင်္ဘောလိုင်းများကို ပုဂ္ဂလိကများသို့ များမကြာမီက ငှါးရမ်း လွှဲပြောင်း လုပ်ပိုင်ခွင့် ပြုလိုက်ခြင်းဖြစ်သည်။
သို့သော်လည်း အစိုးရမှ ဖောက်လုပ်ပေးထားသည့် ကားလမ်းများမှာ စနစ်တကျ ခိုင်ခိုင်ခံ့ခံ့ တည်ဆောက် ပေးထားသည့် လမ်းများ မဟုတ်ပဲ လမ်းများကိုဖွင့်လှစ်ပေးခဲ့ပြီး နောက်ပိုင်း လပိုင်း အတွင်းတွင်ပင် ယိုယွင်း ပျက်စီးလာခြင်းကြောင့် ဒေသခံပြည်သူများမှာ ပြည်တွင်း ခရီးသွားလာရေးအတွက်ရေကြောင်း လမ်းများကိုသာ အဓိက အားထား နေကြရဆဲဖြစ်သည်။
လွန်ခဲ့သည့် ရက်သတ္တပတ်အတွင်း ရခိုင်ပြည်နယ်အတွင်း မိုးကြီးရေလွှမ်းမှုများ ဖြစ်ပေါ်ခဲ့ခြင်းကြောင့် စစ်တွေ-ရန်ကုန် အဝေးပြေး ကားလမ်းမ အပါအ၀င် ပြည်တွင်းလမ်းမ အများအပြားမှာ ယခင်ကယိုယွင်းပျက်စီးနေ သည့်အထဲ ပိုမို ပျက်စီးသွားသဖြင့် ယခုအချိန်အထိ လမ်းဆက်သွယ်ရေး ပြတ်တောက်နေဆဲ ဖြစ်ကြောင်း သိရှိရသည်။
ထိုသို့ အစိုးရမှ ကားလမ်းများကို အကြောင်းပြုကာ ရေကြောင်းသင်္ဘောလိုင်းများကို ရပ်တန့်လာခဲ့ခြင်းကြောင့် ပြည်တွင်းခရီးသွားလာရေး လိုအပ်ချက်နှင့်အညီ မော်တော်ဘုတ်ငယ်များဖြင့် ခရီးသည်များကိုသာတင်ဆောင် သည့် ပုဂ္ဂလိက အမြန်ရေယာဉ် ကုမ္ပဏီတစ်ချို့ ပေါ်ပေါက်လာခဲ့သည်။ သို့သော်လည်း အဆိုပါ အမြန်ယာဉ် များမှာ ဈေးနှုန်းကြီးမားလွန်းသည့် အတွက်ကြောင့် ဆင်းရဲမွဲတေမှုနှင့် ရင်ဆိုင်နေကြရသည့် ပြည်သူအများစုမှာ ၄င်းယာဉ်များဖြင့် ခရီးသွားလာနိုင်ခြင်း မရှိကြသေးပေ။
မြစ်ချောင်းများပေါများသည့် ကမ်းရိုးတန်းဒေသ ရခိုင်ပြည်နယ်အတွင်း ရေကြောင်းဖြင့် ခရီးသွားလာရေးမှာ ယခုအချိန်အထိ အဓိကလိုအပ်နေဆဲဖြစ်ပြီး အများပြည်သူများ၏ ခရီးသွားလာရေးကို ပိုမိုခက်ခဲစေသည့် ပုဂ္ဂလိက ကုမ္ပဏီများသို့ လွှဲပြောင်းပေးလိုက်ခြင်းမှာ အစိုးရအနေဖြင့် ပြည်သူများ၏ ဆင်းရဲဒုက္ခ အ၀၀ကို မျက်ကွယ်ပြုလိုက်ခြင်းပင် ဖြစ်သည်ဟု စစ်တွေဒေသခံက ယခုကဲ့သို့ ပြောသည်။
“ကျွန်တော်တို့ ပြည်နယ်ထဲမှာ ကားလမ်းတွေက တော်တော်ဆိုးတာကြောင့် ခရီးသွားပြည်သူအများစုမှာ ရေကြောင်းလမ်းတွေကိုပဲ အဓိက အားထားသွားလာနေကြရဆဲဖြစ်ပါတယ်။ ဒီလို ပြည်တွင်း ခရီးသွားလာရေး အတွက် အလိုအပ်ဆုံးဖြစ်နေတဲ့ ပြည်တွင်း သင်္ဘောလိုင်းတွေကို တဖြည်းဖြည်း ရပ်တံ့ပစ်ပြီးတော့ ကျန်ရှိနေတဲ့ အဓိက အရေးပါနေတဲ့ သင်္ဘောလိုင်းတွေကိုလဲ ပိုမိုခက်ခဲ ဆိုးရွားလာအောင် ပုဂ္ဂလိက ကုမ္ပဏီတွေကိုငှါးရမ်း လုပ်ပိုင်ခွင့် ပြုလိုက်တာဟာ အစိုးရအနေနဲ့ ပြည်သူတွေရဲ့ ဆင်းရဲဒုက္ခ အခက်အခဲတွေကိုလျစ်လျူရှူ ပြီး တော့ ပိုမို ခက်ခဲအောင် ပြုလုပ်လိုက်တာပဲ ဖြစ်ပါတယ်” ဟု ၄င်းဒေသခံက ပြောသည်။
အစိုးရမှ သင်္ဘောလိုင်းများကို ငှါးရမ်းလုပ်ခွင့် ပြုထားသည့် ဦးကျောက်တောင်အပါအ၀င် ကုမ္ပဏီပိုင်ရှင်များမှာ လက်ရှိအစိုးရကို ဦးဆောင်ကြိုးကိုင်ထားသည့် ကြံ့ဖွံ့ပါတီ၏ ဒေသဆိုင်ရာ ထိပ်တန်းအမာခံ အဖွဲ့ဝင်များ ဖြစ်ကြောင်းလည်း သိရှိရသည်။
Rest of your post
တိုင်းရင်းသားပါတီတွေ ငြိမ်းချမ်းရေးအတွက် ဒေါ်စုနဲ့အတူကြိုးပမ်းဖို့ မူအားဖြင့်သဘောတူ
By ကိုမိုးဇော် သောကြာ, 29 ဇူလိုင် 2011
တိုင်းရင်းသားလက်နက်ကိုင်အဖွဲ့တွေကို ထိုးစစ်ဆင်နေတာတွေနဲ့ ပတ်သက်ပြီးတော့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က ပြည်တွင်းငြိမ်းချမ်းရေး လုပ်ငန်းစဉ်တွေကို ကိုယ်စွမ်းရှိသရွေ့ ပါဝင် ကြိုးပမ်းပေးဖို့ အဆင်သင့်ရှိတဲ့အကြောင်း စာထုတ်ပြန်လိုက်ပါတယ်။ ဒီထုတ်ပြန်ချက်ကို မကြာခင်တုန်းက နေပြည်တော်မှာ ပြည်တွင်းငြိမ်းချမ်းရေးကော်မရှင်ဖွဲ့ဖို့ တင်ပြထားတဲ့ ၂၀၁၀ ရွေးကောက်ပွဲ ရွေးချယ်ခံရတဲ့ တိုင်းရင်းသားညီနောင် ၅ ပါတီနဲ့ မြန်မာပြည်က ဒုတိယအကြီးဆုံးပါတီဖြစ်တဲ့ တိုင်းရင်းသား စည်းလုံးညီညွတ်ရေးပါတီတို့က မူအားဖြင့် ပူးပေါင်းဆောင်ရွက်နိုင်တယ်လို့ တုံ့ပြန်လိုက်သလို သက်တမ်းရင့် တော်လှန်ရေးပါတီတခုဖြစ်တဲ့ ဗမာပြည်ကွန်မြူနစ်ပါတီကတော့ ဒေါ်အောင်ဆန်းစုကြည်ရဲ့ ထုတ်ပြန်ချက်ကို ကြိုဆိုပေမဲ့ အစိုးရဘက်က လက်ခံဖို့ ခက်ခဲနိုင်တယ်လို့ သုံးသပ်ပါတယ်။ ဒီသတင်းအပြည့်အစုံကိုတော့ ထိုင်းအခြေစိုက်သတင်းထောက် ကိုမိုးဇော်က တင်ပြထားပါတယ်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က စစ်တပ်နဲ့ တိုင်းရင်းသားလက်နက်ကိုင် အဖွဲ့တွေအကြား အပစ်အခတ်ရပ်စဲဖို့နဲ့ ငြိမ်းချမ်းရေးလုပ်ငန်းစဉ်တွေကို ပံ့ပိုးဖို့အတွက် ကိုယ်စွမ်းရှိသလောက် ပါဝင်ကြိုးပမ်းဖို့ အသင့်ရှိကြောင်း အိတ်ဖွင့်ပေးစာကို နိုင်ငံတော် သမ္မတ ဦးသိန်းစိန်၊ ကချင်လွတ်လပ်ရေးအဖွဲ့ (KIO)၊ ကရင်အမျိုးသားအစည်းအရုံး (KNU)၊ မွန်ပြည်သစ်ပါတီ (NMSP)နဲ့ ရှမ်းပြည်တပ်မတော် (SSA) တို့ကို ရည်ညွှန်းပြီး မနေ့က ထုတ်ပြန်ခဲ့တာပါ။
၂၀၁၀ ရွေးကောက်ပွဲမှာ အနိုင်ရထားတဲ့ တိုင်းရင်းသားညီနောင် ၅ ပါတီကလည်း ဒေါ်အောင်ဆန်းစုကြည်ရဲ့ ထုတ်ပြန်ချက်အပေါ် ကြိုဆိုလိုက်ပြီး မူအားဖြင့် လက်တွဲလုပ်ဆောင်နိုင်ကြောင်း ချင်းအမျိုးသားပါတီ ဥက္ကဋ္ဌ ပူးဇိုဇမ်က ပြောပါတယ်။
“ညီနောင် ၅ ပါတီအနေနဲ့ကတော့ ကျနော်တို့ တော်တော် အံ့သြသွားပါတယ်။ မထင်မှတ်ဘူးဗျာ ဒီကိစ္စနဲ့ပတ်သက်လို့။ ဘာပဲပြောပြော ကျနော်တို့ ကြိုဆိုရမှာပေါ့ဗျာ။ ငြိမ်းချမ်းရေးအတွက် လုပ်ကြတာပဲ။ ကြီးကြီးငယ်ငယ် ကျနော်တို့ အကုန်လုံး ၀ိုင်းဝန်းပြီးတော့မှာလုပ်မယ့်ကိစ္စပါ။ တခုပဲရှိတာပေါ့ဗျာ ဒေါ်စုအနေနဲ့ ကျနော်တို့ နှစ်ပေါင်း ၂၀ လောက် ပြောရမယ့်ကိစ္စကို မနေ့ကမှလုပ်တယ်ဆိုတာကတော့ ကျနော်တို့က တခုတော့ စဉ်းစားစရာ ဖြစ်သွားတာပေါ့။ ဒါပေမဲ့ ကြိုဆိုပါတယ်။ ကျနော်တို့က လုပ်ပါ ဒေါ်စု၊ ဒါဟာ လုပ်သင့်တာ ကြာပါပြီလို့ ကျနော် အဲဒီလိုပဲ မှတ်ချက်ပေးချင်ပါတယ်။”
ဖလုံ-စဝေါ်ဒီမိုကရက်တစ်ပါတီ၊ ချင်းအမျိုးသားပါတီ၊ မွန်ဒေသလုံးဆိ်ုင်ရာဒီမိုကရေစီပါတီ၊ ရခိုင်တိုင်းရင်းသားများ တိုးတက်ရေးပါတီ နဲ့ ရှမ်းတိုင်းရင်းသားများ ဒီမိုကရက်တစ်ပါတီတို့ပါဝင်တဲ့ ညီနောင် ၅ ပါတီဟာ ဒီလ ၂၇ ရက်နေ့ နေပြည်တော်မှာ ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးတင်အေးနဲ့ တွေ့ဆုံစဉ်မှာ ပြည်တွင်းငြိမ်းချမ်းရေးအတွက် ငြိမ်းချမ်းရေးကော်မရှင်တရပ်ဖွဲ့ဖို့ လိုကြောင်း ပြောဆိုထားတာဖြစ်ပါတယ်။
ချင်းအမျိုးသားပါတီဥက္ကဋ္ဌ ပူးဇိုဇမ်က ပြည်တွင်းငြိမ်းချမ်းရေးအတွက်ဆိုရင် နိုင်ငံရေးပါတီတွေ အားလုံးသာမက လူထုတရပ်လုံးပါဝင်ဖို့ လိုအပ်တယ်လို့ ပြောပါတယ်။
မြန်မာနိုင်ငံမှာ ဒုတိယ အင်အားအကောင်းဆုံးဖြစ်တဲ့ တိုင်းရင်းသားစည်းလုံးညီညွတ်ရေးပါတီကလည်း ပြည်တွင်းငြိမ်းချမ်းရေးအတွက်ဆိုရင် ဘယ်အဖွဲ့အစည်း ဘယ်ပုဂ္ဂိုလ်နဲ့မဆို မူရအရ ပူးပေါင်းဆောင်ရွက်မှာ ဖြစ်တယ်လို့ ပါတီရဲ့ ပြောရေးဆိုခွင့်ရှိသူ ဦးဟန်ရွှေက ပြောပါတယ်။
“ကျနော်တို့ရဲ့ အခြေခံရပ်တည်ချက်ပေ့ါနော်။ တည်ငြိမ်ရေး၊ စည်းလုံးညီညွတ်ရေး နောက်တခါ ဖွံ့ဖြိုးတိုးတက်ရေး ဆိုတဲ့ အခြေခံရပ်တည်ချက်အပေါ်မှာ ကျနော်တို့မှာ ဂိုင်းဂဏမရှိပါဘူး။ ဘယ်သူပဲ ဆောင်ရွက်ဆောင်ရွက် ဒီအခြေခံရပ်တည်ချက်အပေါ်မှာ တူရင် ကျနော်တို့ စုပေါင်းဆောင်ရွက်ဖို့ အဆင်သင့်ရှိပါတယ်။ ငြိမ်းချမ်းရေးနဲ့ပတ်သက်လို့ ဒါဟာ တိုင်းရင်းသားတွေ တွေ့ပေးမယ့်ကိစ္စပဲ၊ အဲဒါဆိုရင် ကျနော်တို့ ပုဂ္ဂလိကသတ်မှတ်ချက် ကျနော်တို့မှာ မရှိပါဘူး။ ဒီဟာနဲ့ပတ်သက်လို့ တူတယ်ဆိုရင် ကျနော်တို့က အားလုံး လက်ခံဖို့ရှိပါတယ်ခင်ဗျ။”
မြန်မာပြည်က တော်လှန်ရေး သက်တမ်းအရင့်ဆုံး ပါတီတခုဖြစ်တဲ့ ဗမာပြည် ကွန်မြူနစ်ပါတီရဲ့ သဘောထားကိုတော့ ပါတီရဲ့ ပြောရေးဆိုခွင့်ရှိသူ ရဲဘော်ဖိုးသံချောင်းက အခုလို ပြောပါတယ်။
“ကျနော်တို့အနေနဲ့ကတော့ ဒေါ်အောင်ဆန်းစုကြည် အခုလိုပြောတာဟာ ပြောသင့်ပြောထိုက်တဲ့ကိစ္စတခုပဲလို့ ယူဆပါတယ်။ ပြည်တွင်းစစ်ကိစ္စနဲ့ပတ်သက်လို့ သူကလုပ်တာကို အစိုးရက လုံးဝဂရုစိုက်မှာ မဟုတ်ပါဘူး။ အဲဒါကတော့ သေချာပါတယ်။ အဲဒါက ဒေါ်အောင်ဆန်းစုကြည်ကြောင့် မဟုတ်ပါဘူး။ အစိုးရရဲ့ သန္ဓေကြောင့်ပါ။ မြန်မာပြည်မှာ ပြည်တွင်းစစ်ကို သူတို့ စွန့်လွှတ်လို့မရဘူး။ သူတို့ စစ်အစိုးရတွေက မွေးကိုထားတာ။ အဲဒါတွေကို သူတို့လုပ်ချင်ရာတွေလုပ်၊ ပြီးတော့ ဘယ်သူ့စကားကိုမှ သူတို့က နားထောင်မှာမဟုတ်ဘူး။ ကုလသမဂ္ဂ အတွင်းရေးမှူးချုပ်ပြောလဲ နားထောင်မှာမဟုတ်ဘူး။ ပြည်တွင်းက ပုဂ္ဂိုလ်များကိုလဲ နားထောင်မှာမဟုတ်ဘူး။ နောက်ပြီးတော့ ဒေါ်အောင်ဆန်းစုကြည်ပြောလို့ လိုက်လုပ်တယ်ဆိုတာမျိုး လုံးဝအဖြစ်မခံပါဘူး။ ဒါပေမဲ့ ဒီလိုလုပ်တဲ့အတွက် ကျနော်တို့ဘက်ကတော့ ဒီလို မပြောရမဆိုရဘူးလို့ မဆိုလိုပါဘူး။ ပြည်သူလူထုဆန္ဒကတော့ အဲဒီလိုပဲ ပြောနေရမှာပဲ။”
ကချင်၊ ကရင်၊ မွန်နဲ့ ရှမ်း စတဲ့လက်နက်ကိုင်တပ်ဖွဲ့တွေကတော့ ဒေါ်အောင်ဆန်းစုကြည်ရဲ့ ထုတ်ပြန်ချက်ကို ကြိုဆိုထားပါတယ်။
၁၉၈၈ ခုနှစ် အာဏာသိမ်းခဲ့ပြီးတဲ့နောက်ဖွဲ့စည်းခဲ့တဲ့ စစ်အစိုးရလက်ထက်မှာ တိုင်းရင်းသား လက်နက်ကိုင်အဖွဲ့ ၁၇ ဖွဲ့ကျော်နဲ့ အပစ်အခတ်ရပ်စဲခဲ့ပါတယ်။ ၂၀၁၀ ရွေးကောက်ပွဲအပြီးဖွဲ့စည်းလိုက်တဲ့ အစိုးရသစ်လက်ထက်မှာတော့ တိုင်းရင်းသားဒေသတွေမှာ တိုက်ပွဲတွေ ပြန်လည် စတင်ခဲ့တာလည်း ဖြစ်ပါတယ်။
Rest of your post
ကရင်နီဒေသခံခြံမြေများ သိမ်းဆည်းခြင်းသည် လူ့အခွင့်အရေး ချိုးဖေါက်မှုမြောက်ဟုဆို
ရေးသားသူ - ဆယ်ဖိုးရှေး သောကြာနေ့, 29 ဇူလိုင်လ 2011 14:20 (ပေးပို့ သူ ဗမာ့သွေး)
ကရင်နီပြည် ဖရူဆိုမြို့နယ်တွင် စစ်ရေးလေ့ကျင့်ရေးကွင်းအတွက် သိမ်းဆည်းလိုက်သော ဒေသခံခြံမြေများအတွက် ထိုက်တန်သည့် လျော်ကြေးငွေများ မပေးဆောင်နိုင်ပါက လူ့အခွင့်အရေးချိုးဖောက်မှုမြောက်သည်ဟု လူ့အခွင့်အရေး ပညာပေးဌာနကဆိုသည်။
အစိုးရမှ လျှော်ကြေးငွေအဖြစ် ခြံမြေ တစ်ဧကလျှင် ကျပ်ငွေငါးသောင်း ပြန်လည်ပေးဆောင်သော်လည်း သိမ်းဆည်းခံရသည့် ဒေသခံများ၏ ရပ်တည်ရသည့် ဘ၀နှင့် ထိုက်တန်သည့် လျော်ကြေးငွေများ ပေးဆောင်ရန် လိုအပ်သည်ဟု လူ့အခွင့်အရေး ပညာပေးဌါန (မြန်မာနိုင်ငံ)သင်တန်းမှူး အောင်ဇော်ထွေးက ပြောသည်။
၎င်းက “အခုလိုခြံမြေတွေ သိမ်းပြီးတော့ လူထုအကျိုးအတွက် မလုပ်ဘဲ စစ်ရေးအရ၊ စစ်ဗျူဟာအရ လုပ်တာက မဖြစ်သင့်တဲ့ကိစ္စပါ။ စစ်တပ်စခန်းတွေ ရှိထားတဲ့ နေရာတွေမှာလုပ်လို့ရတယ်။ အခုက ပြည်သူတွေရဲ့ စီပွားရေးကို ထိခိုက်တယ် နောက်တခုက ဒေသခံတွေရဲ့ လယ်ယာမြေပိုင်ဆိုင်မှု တွေကိုထိခိုက်တယ်” ဟုပြောပါသည်။
၂၀၁၁ ခုနှစ် ဇွန်လှိုင်လကစပြီး စစ်ရေးလေ့ကျင့်ရေးကွင်း ဆောက်လုပ်ရန်အတွက် လောဂျာ၊ ဒေါလောခူနှင့် မားပရိုရှေ့ ကျေးရွာအကြားတွင် လူထုများ၏ ခြံမြေ ဧကပေါင်း ၂၇၀၀ ဧကကို ဒေသခံလူထုများ၏ သဘောထားကို မရယူဘဲ သိမ်းဆည်းလိုက်သည်။ သိမ်းဆည်းလိုက်သောမြေ တစ်ဧကကို အစိုးရမှ ကျပ် ၅၀၀၀၀ သောင်းစီ လျှော်ကြေးပေးမည်ဟု သတင်းများထွက်ပေါ်ခဲ့သည်။
“တစ်ဧကကို ဘယ်လောက်တန်တယ် ဆိုတာထက် ကျနော်တို့က ဒီမြေကွက်နဲ့ဘဲ နှစ်တိုင်း လုပ်ကိုင်စားသောက်နေရတာ အခုလို ကျပ်ငွေငါးသောင်းနဲ့ တန်ဖိုးဖြတ်တော့ နောက်နှစ်တွေမှာ မိသားစု အခက်အခဲနဲ့ကြုံတွေ့နိုင်တယ်။ တကယ်ဆို သူတို့က ထိုက်တန်တဲ့ လျော်ကြေးနဲ့တခုခုပြန် လုပ်ပေးဖို့သင့်ပါတယ်။ အခုလိုလုပ်လိုက်တာ သူတို့က လူထုတွေရဲ့အခွင့်အရေးကို အလေးမထားတာဘဲ” ဟု ခြံမြေသိမ်းဆည်းခံရသည့် ဒေသခံတဦးက ပြောသည်။
ယခုနှစ် နှစ်စပိုင်းအတွင်းကစပြီး ခမရ ၅၇၆ မှ ဖရူဆိုမြို့နယ်တွင်းရှိ ဒေါလော်ခူ၊ လောဂျာနှင့် မားပရိုရှေ့ ကျေးရွာအနီးနားတ၀ိုက်မှ လေးမိုင်ပတ်လည်ရှိ ပြည်သူပိုင် ခြံမြေများကို တိုင်းတာသတ်မှတ်မှုများပြုလုပ်ခဲ့ရာမှ ယခုလိုသိမ်းယူလိုက်ခြင်းဖြစ်သည်။
“ကျနော်တို့ နိုင်ငံမှာ လူ့အခွင့်အရေးချိုးဖောက်မှုတွေ၊ ဖိနှိပ်မှုတွေ ဆက်ရှိနေသေးတယ်ဆိုရင် ကျနော်တို့နိုင်ငံဟာ ဘယ်တော့မှ ဖွံ့တိုးတက်မှာမဟုတ်ဘူး။ လူ့အခွင့်အရေးချိုးဖောက်မှု၊ တိုင်းရင်းသားအခွင့်အရေးချိုးဖောက် ဖိနှိပ်မှုတွေ ပပျောက်အောင် ကျနော်တို့အားလုံးပါဝင် ဆောက်ရွက် လုပ်ဆောင်သွားဖို့လိုပါတယ်” ဟု ဦးအောင်ဇော်ထွေးက ပြောသည်။
Rest of your post
ကျောက်ဖြူ အများပြည်သူပိုင် မြေကွက်များ ဗိုလ်ချုပ်ကြီးများ နာမည်ခံပြီး ဖေါ်ထုတ်ရောင်းစား
မောင်ရမ္မာ News Date:7/29/2011 (ပေးပို့ သူ ဗမာ့သွေး)
ရခိုင်ပြည်နယ် ကျောက်ဖြူမြို့ရှိ ပြည်သူများ အသုံးပြုသော မြေကွက်များ အပါအ၀င် ပင်လယ် ကမ်းခြေရှိ နေရာကောင်းများကို စစ်ဗိုလ်ချုပ်ကြီးများ အမည်ခံ ဖေါ်ထုတ်ပြီး ရောင်းစားနေသည်ဟု သတင်း ရရှိသည်။ ဒေသခံ လူကြီးတစ်ဦးက ယခုကဲ့သို့ ပြောသည်။
ကျောက်ဖြူ လေယာဉ်ကွင်း ပတ်ပတ်လည်ရှိ မြေနေရာများအားလုံး စစ်ဗိုလ်ချုပ်များ လက်သို့ ရောက်ရှိသွားခဲ့ပြီ ဖြစ်သည်။
" အခု ပင်လယ် ကမ်းခြေ တလျှောက် ယခင်က ဂေါက်ကွင်း၊ ကစားကွင်း၊ ပြည်သူတွေ အပန်းဖြေ အနားယူ နေတဲ့နေရာတွေကို ကာကွယ်ရေးဝန်ကြီးဌာနက ဗိုလ်ချုပ်ကြီး လှမင်းက သူ့နာမည် ခံပြီးတော့ မြန်မာရွှေသရဖူ ကုမ္ပဏီ ( Myanmar Golden Crown ) ကုမ္ပဏီကို စပေါင် ဆာပေးပြီး လုပ်ကိုင်ခွင့် ပေးထားပါတယ်။ ကျောက်ဖြူမြို့နယ်မှာ လပ ၃၉ (လယ်ယာမြေပိုင်ဆိုင်မှု ဥပဒေ ၃၉) မရှိဘဲ ဘိုးစဉ်ဘောင်ဆက် ပြည်သူတွေ လုပ်ကိုင်စားသောက် နေကြတဲ့ မြေကွက်တွေ၊ ပြည်သူတွေ စုပေါင်း ပိုင်ဆိုင်ထားတဲ့ မြေကွက်လပ်တွေကို ဗိုလ်ချုပ်ကြီးတွေက လပ ၃၉ ဖေါက်ပြီးတော့ ပြန်လို့ ရောင်းစားနေပါတယ်။"
ယခုလက်ရှိ ဗိုလ်ချုပ်ကြီး လှမင်း နာမည်ခံထားသော မြေနေရာတွင် ဇူလိုင်လ ၁၅ ရက်နေ့က စပြီး MGC ခေါ် မြန်မာ့ ရွှေသရဖူ ကုမ္ပဏီက ပင်လယ်နှင့်ကားလမ်းကြားမှာ တည်ရှိသော မြေသားများကို တူးဖေါ်ပြီး မြေကွက် ဖေါ်ထုတ်ရေးအတွက် လုပ်ဆောင်နေပြီ ဖြစ်သည်ဟု သိရသည်။
ယခုကဲ့သို့ မြေများကို တူးဖေါ် ယူနေသောကြာင့် ကားလမ်းများ ပြိုကျနိုင်သလို လေယဉ်ကွင်းပါ ပျက်စီးသွားနှိင် ကြောင်း အဆိုပါ ဒေသခံက ယခုကဲ့သို့ပြောသည်။
" ပင်လယ်ရေအောက်က မြေတွေ၊ သဲတွေကို ယူတာကတော့ သိပ်အရေးမကြီးပါဘူး။ အခု ပင်လယ်နားနီးတဲ့ ကုန်းပေါ်က မြေကြီးတွေကို ယူပစ်ရင် ရေအောက်က ဂလိုဏ်ဆွဲပြီးတော့ ကားလမ်းတွေ ပြိုကျသွားနိုင်တယ်။ ကားလမ်း ပြိုရင် လေယဉ်ပျံကွင်းဖက်ကိုပါ ပြိုကျသွားနိုင်တယ်။ ဘာဖြစ်လို့လဲ အခုလုပ်နေတဲ့နေရာက လေယဉ်ကွင်းရဲ့ ထိပ်တည့်တည့်နေရာ ဖြစ်ပါတယ်။"
ယခုအခါ ကျောက်ဖြူမြို့ ပင်လယ်ကမ်းခြေတလျှောက်ရှိ ပြည်သူများ ပိုင်ဆိုင်သော မြေကွက် လပ်များမှာ စစ်တပ် အရာရှိများလက်သို့ ရောက်ရှိသွားပြီဖြစ်ကြောင်း သူက ယခုကဲ့သို့ ဆက် ပြောသည်။
" ကျောက်ဖြူမှာ ပင်လယ်ကမ်းတလျှောက်မှာရှိတဲ့ အများပြည်သူပိုင် မြေကွက် တခုမှ မရှိတော့ဘူး။ အကုန်လုံးကို အာဏာရှိတဲ့သူတွေက သူတို့မိသားစုတွေနဲ့ နာမည် ဖေါက်ပြီး ယူသွားကြတယ်။ ကျွန်တော် ရမ်းဗြဲကျွန်းမှာ ဆိုလို့ရှိရင် ရမ်းဗြဲ၊ ဇင်ချောင်း၊ ကျောက်ဖြူ၊ မင်းပြင် အဲဒါတွေဟာ ပင်လယ် ကမ်းခြေ တွေ ဖြစ်ပါတယ်။ အခု အဲဒီ ကမ်းခြေတွေမှာ နိုင်ငံခြားက ၀ယ်ဖို့ကောင်းတဲ့နေရာတွေ၊ စီးပွားရေး လုပ်ကိုင်လို့ ရမယ့် အချက်အချာနေရာတွေ အကုန်လုံးကို ဗိုလ်ချုပ် တွေက ချက်ချင်း လပ ၃၉ ( လယ်ယာမြေ ပိုင်ဆိုင်မှု ဥပဒေ ၃၉) ဖေါက်ပြီးတော့ ဗိုလ်ချုပ်တွေရဲ့ ဇနီး မိသားစုတွေ နာမည်ခံပြီး သူတို့ပိုင် လုပ်ထားလိုက်ကြပြီ ဖြစ်ပါတယ်။"
ယခုအခါ ကျောက်ဖြူမြို့နယ်တွင် နေရာကောင်းများကို စစ်ဗိုလ်များက နာမည်ခံပြီး ပြန်လည်ရောင်း စားနေကြသဖြင့် မြေကွက်ဈေးမှာလည်း တဖြည်းဖြည်း မြင့်တက်လာရာ ကျောက်ဖြူမြို့ အနီး ပတ်ဝန်းကျင်တွင် ယခုအခါ အတော်အသင့် ကြီးသော မြေကွက် တကွက်ဈေးနုန်းမှာ ကျပ်ငွေ သိန်း ၅၀၀ မှ ၁၀၀၀ ထိ ပေါက်ဈေးရှိနေသည်ဟု သိရသည်။
Rest of your post
ထိုးစစ်ရုပ်ရန်နှင့် တနိုင်ငံလုံး အပစ်ရပ်ရန် KIO ထပ်မံတောင်းဆို
ဖနိဒါ | ကြာသပတေးနေ့၊ ဇူလိုင်လ ၂၈ ရက် ၂၀၁၁ ခုနှစ် ၂၁ နာရီ ၃၃ မိနစ် (ပေးပို့ သူ ဗမာ့သွေး)
ချင်းမိုင်(မဇ္စျိမ) ။ ။ ကချင်ပြည်နယ်နှင့် ရှမ်းပြည်နယ်အတွင်း ထိုးစစ်ဆင်ထားမှုများ ရုပ်သိမ်းရန်နှင့် တနိုင်ငံလုံး အပစ်ခတ် ရပ်ဆိုင်းပေးရေးတို့ ပါဝင်သည့် တောင်းဆိုထားသော အကြောင်းပြန်စာကို ကချင်လွတ်မြောက်ရေး အဖွဲ့က မြန်မာအစိုးရထံ ကြာသပတေးနေ့တွင် ပေးပို့လိုက်သည်။
ဗဟိုအစိုးရက ဇူလိုင်လ ၂၆ ရက်နေ့တွင် ကေအိုင်အိုသို့ ကမ်းလှမ်းခဲ့သော ကချင်ပြည်နယ်တွင်း အပစ်ခတ် ရပ်ရေးအတွက် စာကိုကြားဝင် စေ့စပ်ရေးအဖွဲ့ ငြိမ်းချမ်းတည်ငြိမ်ရေးနှင့် ညှိနှိုင်းရေးအဖွဲ့ဝင် နယ်စပ်လုံခြုံရေး ဝန်ကြီး ဦးသန်းအောင်ထံသို့ အီးမေလ်ဖြင့် ပြန်ကြားလိုက်သည်ဟု ကေအိုင်အို ပြောရေးဆိုခွင့်ရှိသူ ဦးလနန်က ပြောသည်၊
KIO စာထဲတွင် နှစ်ဘက် အပစ်အခတ် ရပ်ဆိုင်းရေး သဘောတူ လက်မှတ်ရေးထိုးပြီးနောက် ၄၈ နာရီအတွင်း ကချင်ပြည်နယ်နှင့် ရှမ်းပြည်နယ်တွင်းသို့ ထိုးစစ်ဆင်ထားသည့် မြန်မာ အစိုးရတပ်များကို ရုပ်သိမ်းပေးရန်
ညွှန်ကြားချက် ထုတ်ပြန်ပေးရန်နှင့် ၁၅ ရက်အတွင်း တနိုင်ငံလုံး အပစ်အခတ် ရပ်ဆိုင်းပေးရေး နိုင်ငံရေး
ဆွေးနွေးရေး ဖော်ဆောင်မည်ဆိုသော အချက်များကို မြန်မာအစိုးက ထုတ်ပြန် ကြေငြာပေးရန်တို့ တောင်းဆို ထားသည်ဟု သိရသည်။
“သူတို့က လက်မှတ်ထိုးတယ်ဆိုတာ ဘယ်လို လက်မှတ်ပဲဖြစ်ဖြစ် ထိုးမယ်ဆိုပြီး ပြောတဲ့ ပုံစံဖြစ်လာတယ်။ ကျနော်တို့က ၉၄ ခုနှစ်ကလို မဖြစ်ချင်ဘူး။ အခုတော့ သေချာတဲ့ နိုင်ငံရေး စေ့စပ်သေချာမှု ဖြစ်ရမှု ဖြစ်ရမယ်။
ခိုင်မာတဲ့ အချက် အလက်မျိုးတွေ ပြည့်စုံမှ လက်မှတ်ထိုးမယ်”ဟု တွဲဘက် အတွင်းရေးမှူး ဦးလနန်က ပြောသည်။
၁၉၉၄ ခုနှစ်က KIO နှင့် ယခင် စစ်အစိုးအရ အကြား အပစ်ခတ် ရပ်ရန်သာ ဦးစားပေးခဲ့ကြပြီး နောင်အရပ်ဘက် အစိုးရတက်လာမှ နိုင်ငံရေး ဆွေးနွေးမှု လုပ်ရန် သဘောတူခဲ့ကြခြင်းကို သူက ရည်ညွှန်းခြင်း ဖြစ်သည်။
တချိန်တည်းမှာပင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က အစိုးရတပ်များနှင့် တိုင်းရင်းသား တပ်များအကြား အပစ်ခတ်ရပ်ရန် ငြိမ်းချမ်းစွာဖြေရှင်းရန် ကြာသပတေးနေ့က ပန်ကြားမှုကို "ကောင်းသော လက္ခဏာ" အဖြစ် ကြိုဆိုလိုက်ပြီး KIO ဗဟို ကော်မတီအနေဖြင့် အသေးစိတ် ဆွေးနွေးမည်ဟု ဦးလနန်က ပြောသည်။
အစိုးရနှင့် KIO သဘောတူညီချက်ရရှိရင် လက်မှတ်ရေးထိုးထားသော စာချုပ်ကို မြန်မာ၊ အင်္ဂလိပ် နှစ်ဘာသာဖြင့်
ရေးသားထားစေလိုပြီး ၁၉၄၇ ခုနှစ် ပင်လုံစာချုပ်အပေါ် သမ္မတ ဦးသိန်းစိန်အစိုးရ၏ သဘောထားကိုလည်း ရှင်းလင်းပါစေလိုကြောင်း KIO ၏ စာတွင် ပါရှိသည်ဟု ဆိုသည်။
KIO ပေးပို့သော စာကို လက်ခံရရှိကြောင်း အစိုးရဘက်က ကိုယ်စားလှယ်ဖြစ်သူ ဦးဆင်ဝါးနော်က ပြောသည်။
“သူတို့ (KIO) တောင်းဆိုတဲ့ စာက ပြန်ပြင်လိုက်တယ်။ ကျနော်တို့ စာချုပ်ကို အင်္ဂလိပ်လို ရေးရအောင် ဆိုတာတွေ၊ ပင်လုံကတိ ကဝတ်တွေကို မေးတာတွေက နောက်မှပြန် ဆွေးနွေးလို့ရတယ်လို့ ပြန်ပြောလိုက်တယ်” ဦးဆင်ဝါးနော်က မဇ္ဈိမသို့ ပြောသည်။
ထို့ပြင် KIO ဘက်မှ ယာယီ အပစ်အခတ် ရပ်ဆိုင်းရေး သဘောတူ လက်မှတ်ထိုးမည် ဆိုပါက အစိုးရ ကိုယ်စားလှယ် များနှင့် အတူ ကချင်ပြည်နယ် ခရစ်ယာန် ဘာသာရေးအသင်း ခေါင်းဆောင်များ၊ ရပ်မိရပ်ဖများ၊ ကချင်ရိုးရာ စာပေယဉ်ကျေးမှု အဖွဲ့များ စုစုပေါင်း လူ ၆ဝ ခန့်မှာ KIO ဘက်မှ ချိန်းဆိုလိုက်သော နေရာသို့ သွား၍ လက်မှတ်ထိုးပွဲ အခမ်းအနား ကျင်းပရန် ပြင်ဆင်ထားသည်ဟု သူက ပြောသည်။
ကချင်ပြည်နယ် ဝန်ကြီးချုပ် ဦးလဂျွန်ငံဆိုင်းက ထိုအခမ်းအနား အစီအစဉ်သို့ သတင်းယူရေးအတွက် ပြည်တွင်း ဂျာနယ်အချို့နှင့် နိုင်ငံပိုင် သတင်းဌာနများကိုလည်း ဖိတ်ကြားသွားရန် စီစဉ်ထားသည်။
ထို့အပြင် အကယ်၍ အပစ်ခတ်ရပ်စဲရေးကို KIO က လက်မှတ်ရေးထိုးမှုမပြုလုပ်လျှင် မြစ်ကြီးနားမြို့တွင် စစ်ဆန့်ကျင်ရေး လူထုဆန္ဒပြမှုတခု လုပ်ရန် စီစဉ်ထားသည်ဟု အာဏာရ ကြံ့ခိုင်ဖွံ့ဖြိုးရေး ပါတီအမတ် ဦးသိန်းဇော်က ပြောကြားသည်ဟု ကချင်နိုင်ငံရေး သတင်းရပ်ကွက်က ပြောသည်။
ဦးသိန်းဇော်၏ အကြံအစည်နှင့် ပတ်သက်၍ သီးခြားအတည်ပြုချက် မရနိုင်သော်လည်း အစိုးရ ကိုယ်စားလှယ် ဦးဆင်ဝါးနော်က KIO အနေဖြင့် လက်မှတ်ထိုးရေး ငြင်းဆန်ပါက လူထုဆူပူမှု ဖြစ်ပေါ်လာနိုင်သည်ဟု သတိပေးလိုက်သည်။
“ကေအိုင်အိုက လက်မှတ်ထိုးရအောင်လို့ ပြောတာ မဖြစ်လာရင်တော့ လုပ်ရမှာပေါ့။ ပြည်သူလူထုက ကေအိုင်အိုကို အပြစ်တင်လာမှာဘဲ။ KIO ဘက်ကနေ လက်မှတ်ထိုးမယ်ဆိုတဲ့ အဖြေပဲ စောင့်နေတာ။ ကေအိုင်အိုဘက်က
လက်မှတ် မထူးဘူးဆိုပြီး ပြောလာတဲ့ အချိန်တော့ ပြည်သူလူထုကလည်း ဆူပူလာမှာပေါ့”ဟု ဦးဆင်ဝါးနော်က
ပြောသည်။
ယခင် စစ်အစိုးရ လက်ထက်တွင် KIO ဆန့်ကျင်ရေး လူထုဆန္ဒပြပွဲများကို အစိုးရ ကျောထောက် နောက်ခံပေး ကြံ့ခိုင်ဖွံ့ဖြိုးရေးတို့က စီစဉ်ခဲ့ဖူးသည်။ ဒေသခံ အများအပြားက မလွန်ဆန်သာ၍ ဆန္ဒပြမှုကို တက်ရောက်ခဲ့ရကြောင်း ထုတ်ဖော် ပြောဆိုခဲ့ကြသည်။
Rest of your post
ကျောက်မဲ ပစ်ခတ်မှု ၃ ဦးသေ
ရန်ပိုင် Friday, 29 July 2011 15:15 (ပေးပို့ သူ ဗမာ့သွေး)
ရှမ်းပြည်မြောက်ပိုင်း ကျောက်မဲမြို့အ၀င် အခွန်ကောက်ခံသည့် ဂိတ်တွင် ယနေ့နံနက် ၅ နာရီခန့်က အမည်မသိ သေနတ်သမားများ ၀င်ရောက် ပစ်ခတ်မူကြောင့် လူ ၃ ဦး သေဆုံးပြီး ၃ ဦး ဒဏ်ရာရသွားသည်။
လက်နက်ကိုင်ဆောင်ထားသည့် လူ ၁၀ ဦးခန့်က ထိုသို့ ဝင်ရောက်ပစ်ခတ်ခဲ့ခြင်းဖြစ်ပြီး ဆိုင်ကယ် ကယ်ရီသမားတဦး၊ ကောက်ညင်းပေါင်းသည် အမျိုးသမီးတဦးနှင့် ကလေးတဦး ပွဲချင်းပြီး သေဆုံးသွားကြောင်း၊ ဆိုင်ကယ်ဖြင့် ဈေးရောင်းသူ အမျိုးသမီးတဦးက ၀မ်းဗိုက်တွင် သေနတ်ထိမှန်သည့် ဒဏ်ရာ၊ ကလေးတဦးက ခြေထောက်တွင် ဒဏ်ရာနှင့် တခြားတဦးလည်း ဒဏ်ရာရသွားကြောင်း ကျောက်မဲမြို့ခံတဦးက ပြောသည်။
“ပစ်တဲ့သူတွေက အရပ်သားမှန်း သိလျက်နဲ့ ပစ်တာ။ ဈေးသည်တွေ၊ အရပ်ဝတ်တွေနဲ့။ အရင်စစ်တပ်ကစောင့်တဲ့ ဘန်ကာမှာ ဆိုင်ကယ် ကယ်ရီသမားက ၀င်အိပ်နေတာကို ပစ်သွားတာ။ တဖောင်းဖောင်းနဲ့ တွေ့တဲ့လူ ပစ်နေတာ” ဟု ဧရာဝတီသို့ ပြောသည်။
ဝမ်းဗိုက်တွင် ဒဏ်ရာရသူ အမျိုးသမီးမှာ ဒဏ်ရာပြင်းထန်ပြီး ကျောက်မဲဆေးရုံရှိ ဆရာဝန်များက ကုသပေးနေကြောင်း၊ အသတ်ခံရသည့် ရုပ်အလောင်းများကို ခွဲစိတ်ခြင်းမပြုရသေး၍ မနက်ဖြန်မှသာ သင်္ဂြိုလ်နိုင်မည်ဖြစ်သည်ဟု အဆိုပါ မြိုခံက ပြောသည်။
တချိန်တည်းမှာပင် ကျောက်မဲမြို့ နောင်အမ်းကျေးရွာတွင် တပ်စွဲထားသည့် တပ်မတော်မှ တပ်စုတစုနှင့် ရှမ်းပြည်မြောက်ပိုင်း တပ်မတော် (SSA-N) တပ်များ တိုက်ပွဲဖြစ်ရာ စစ်သား ၅ ဦး ဒဏ်ရာရသွားသောကြောင့် မေမြို့ စစ်ဆေးရုံသို့ ပို့ဆောင်လိုက်သည်ဟုလည်း အဆိုပါ မြို့ခံက ပြောသည်။
ယခုပစ်ခတ်မှုနှင့် ပတ်သက်၍ ကျောက်မဲရဲစခန်းကို ဆက်သွယ်မေးမြန်းရာ တာဝန်ကျအရာရှိ ဒုရဲအုပ် ကိုကိုလွင်က ဖြေဆိုခြင်း မရှိဘဲ ဖုန်းချသွားသည်။
ယခုပစ်ခတ်မှုနှင့် ပတ်သက်၍ ဧရာဝတီက ဆက်သွယ် မေးမြန်းခဲ့ရာ ရှမ်းပြည်တပ်မတော် တောင်ပိုင်းရော မြောက်ပိုင်းကပါ ယင်းတို့နှင့် သက်ဆိုင်ခြင်း မရှိကြောင်း ငြင်းဆိုထားသည်။
ပြီးခဲ့သည့် ရက်ပိုင်းက SSA- N တပ်ဖွဲများ စိမ့်ဝင်လှုပ်ရှားနေကြောင်း စစ်ဘက်မှ ပြောဆိုမှုများ ရှိနေသည်ဟု မြို့ခံများက ပြောသည်။
ပြီးခဲ့သည့် ဇူလိုင်လ ၁၂ ရက်နေ့ကလည်း ကျောက်မဲမြို့အ၀င် အခွန်ကောက်ခံသည့် ဂိတ်အနီးတွင် ည ၉ နာရီခန့်က ဗုံးတလုံးပေါက်ကွဲပြီး အရပ်သား ၄ ဦး ဒဏ်ရာရရှိသွားသေးသည်။
ကျောက်မဲမြို့သည် စစ်ဆင်ရေးကွပ်ကဲမှု စစ်ဌာနချုပ် (စကခ) ၁ အခြေစိုက်ရာ မြို့ဖြစ်ပြီး ရှမ်းပြည်တပ်မတော် မြောက်ပိုင်း (SSA-N) ဌာနချုပ် အခြေစိုက်ခဲ့ဖူးသည့် စိန်ကျော့ဒေသနှင့် နီးသည်။
Rest of your post
အိန္ဒိယက ချင်းပြည်နယ်ဖွံ့ဖြိုးရေး ဒေါ်လာ ၆ သန်း ကူမည်ဟု ဆို
ဧရာဝတီ Friday, 29 July 2011 12:28 သတင်းတိုများ (ပေးပို့ သူ ဗမာ့သွေး)
အန္ဒိယအစိုးရက ချင်းပြည်နယ် ဖွံ့ဖြိုးရေးအတွက် အမေရိကန်ဒေါ်လာ ၆ သန်း ကူညီမည်ဟု သိရသည်။ မန္တလေးရှိ အိန္ဒိယ ကောင်စစ်ဝန်ရုံးမှ ကောင်စစ်ဝန်က ဇူလိုင်လ ၂၇ ရက်နေ့တွင် ဟားခါးမြို့သို့ သွားရောက်ပြီး ယင်းသို့ကူညီမည်ဟု ပြောဆိုခဲ့ခြင်းဖြစ်ကြောင်း ချင်းပြည်နယ် အစိုးရအဖွဲ့ဝင်တဦးကို ကိုးကား၍ ချင်းသတင်းဌာန ခိုနူမ်းထုန် တွင် ဖော်ပြထားသည်။ ကုလသမဂ္ဂဖွံ့ဖြိုးရေးအစီအစဉ်က ဇွန်လတွင် ထုတ်ပြန်ချက်အရ မြန်မာနိုင်ငံတွင် ချင်းပြည်နယ်သည် အဆင်းရဲဆုံးဖြစ်သည်ဟု သိရသည်။
Rest of your post
မြန်မာစစ်တပ်အချင်းချင်း မော်တာကျည်ဖြင့် အပြန်အလှန်ပစ်ခတ်ကြ
Friday, 29 July 2011 16:51 KNG (ပေးပို့ သူ ဗမာ့သွေး)
ကချင်ပြည်နယ်တောင်ပိုင်း မန်မော် (ဗန်းမော်)ခရိုင်၊ မန်ဂျေ(မံစီ)မြို့နယ် မုံခေါင်(Mung Hkawng)ကျေးရွာ၌ ဇူလိုင် ၂၈ ရက်တွင် မြန်မာစစ်တပ်အချင်ချင်း မော်တာကျည်ဆံဖြင့် အပြန်အလှန်ပစ်ခတ်သည်ဟု သိရသည်။
ဆားမှော်နယ်မြေခံ ခလရ (၁၀၅)၏ မုံခေါင်ရောက် လှုပ်ရှားစစ်ကြောင်းတစ်ခုသည် ဇူလိုင် ၂၇ ရက် နံနက်ပိုင်း မုံခေါင်အနီး ပန်ဆပ်(Pang Sap)ကျေးရွာ အောက်ပိုင်း၊ ကျွန်းသစ်စိုက်ကွင်းတွင် ကချင်လွတ်မြောက်ရေးအဖွဲ့ (KIA)၏ လုံခြုံရေးမိုင်း နင်းမိသည်။
ဇူလိုင် ၂၈ ရက် ဗုံးပေါက်သည့်နေရာတွင် နေရာယူနေဆဲ မြန်မာတပ်များအား KIA တပ်ရင်း ၂၇ က ပစ်ခတ် သွားပြီးနောက် မုံခေါင်ရှိမြန်မာတပ်နှင့် မြန်မာစစ်ကြောင်းတပ်များကြား မော်တာကျည်ဆံဖြင့် အပြန်အလှန် ပစ်ခတ် ကြခြင်းဖြစ်သည်ဟု KIA အရာရှိတစ်ဦးပြောသည်။
“အဲဒီစစ်ကြောင်းက မုံခေါင်ရွာထဲကို လက်နက်ကြီးနဲ့ လေးခါပစ်ထည့်လိုက်ကြတယ်တဲ့ မနေ့က ၂ နာရီခွဲလောက်မှာ မော်တာကျည်က စာသင်ကျောင်းနားမှာ တစ်ခု၊ ရပ်ကွက် ၄ မှာတစ်ခု၊ RCM (Roman Catholic Mission) ဘုရားရှိခိုးကျောင်းနားမှာ တစ်ခု၊ သူတို့(ခလရ၁၀၅)စစ်တပ် နားမှာတစ်ခု၊ ၁၀၅ တွေအချင်းချင်း၊ ဒီလိုနဲ့ မုံခေါင်ဘက်က ပြန်ပစ်လိုက်၊ ၂ ခေါက်တောင်” ကျောင်းစာသင်ချိန်တွင် ကျည်ပေါက်ကွဲသံကြောင့် အလန့်တကြား ၀ပ် ကြရသည်ဟု မုံခေါင်အထက်တန်းကျောင်းဆရာမတစ်ဦးနှင့် နီးစပ်သူများမှ တဆင့်သိရသည်။
မုံခေါင် တပ်စခန်းမှ တပ်ကူရောက် မ လာသည့်အတွက် မြန်မာတပ်အချင်းချင်း ရှေ့တန်းစစ်ကြောင်းက နောက်တန်းကို တမင်တကာ ပစ်လိုက်ပုံရသည်ဟု KIA အရာရှိက ထင်မြင်သည်။
မုံခေါင် ခလရ ၁၀၅ တပ်စခန်းနှင့် ၎င်းတို့ရှေ့တန်းစစ်ကြောင်းမှာ သုံးမိုင်ခန့် ကွာဝေးကြကာ မြေပြန့်တွင် ဖြစ်သည်ဟုလည်း သိရသည်။ သေကြေဒဏ်ရာရမှု ရှိမရှိ မ သိရပါ။
Rest of your post
ဒေါ်အောင်ဆန်းစုကြည် ဂုဏ်ထူးဆောင်ဘွဲ့ လက်ခံယူ
ဧရာဝတီ Friday, 29 July 2011 12:29 သတင်းတိုများ (ပေးပို့ သူ ဗမာ့သွေး)
မြန်မာနိုင်ငံဆိုင်ရာ ကနေဒါ သံအမတ်ကြီး ရွန် ဟော့ဖ်မန်းက ကနေဒါ တက္ကသိုလ် ၂ ခုမှ ပေးအပ်သော ဂုဏ်ထူးဆောင် ဒေါက်တာဘွဲ့ကို ဒေါ်အောင်ဆန်းစုကြည်အား တက္ကသိုလ်များကိုယ်စား သွားရောက်ပေးအပ်ကြောင်း Ccnadian Friends of Burma ၏ ယမန်နေ့က ထုတ်ပြန်ချက်အရ သိရသည်။
ကနေဒါသံအမတ်ကြီးက ပြီးခဲ့သည့် သီတင်းနှစ်ပတ်က နေပြည်တော်တွင် သမ္မတ ဦးသိန်းစိန်နှင့် မတွေ့ဆုံမီ ယင်းသို့ ပေးအပ်ခြင်းဖြစ်ပြီး ဥပဒေဆိုင်ရာ ဂုဏ်ထူးဆောင် ဒေါက်တာဘွဲ့ကို အော့တိုဝါမှ ကာလီတန် တက္ကသိုလ်နှင့် မင်မိုရီယယ် နယူးဖောင်လန် တက္ကသိုလ်တို့မှ ဖေဖော်ဝါရီလအတွင်းက ပေးအပ်ခြင်းဖြစ်သည်။Rest of your post
Saturday, July 30, 2011
ကားရပ်နားရန် နေရာ၏ အခက်အခဲ
လက်ရှိ အနေအထားများအရ ရန်ကုန်မြို့တွင် ကားပါကင် ပြဿနာကို ပိုမိုရင်ဆိုင်လာရပြီ ဖြစ်ကြောင်း ရန်ကုန်မြို့တွင် နေထိုင်သူများ ထံမှ စုံစမ်း သိရှိရသည်။ ရန်ကုန်မြို့တွင် တရားဝင် မှတ်ပုံတင်ထားသော မော်တော်ယာဉ် စီးရေသည် ရန်ကုန်တိုင်းဒေသကြီး တစ်ခုလုံးကို လွှမ်းခြုံပါက နှစ်သိန်းခွဲကျော်သာ ရှိနေသည်။ ထိုအထဲတွင် ကိုယ်ပိုင်ယာဉ်ငယ် စီးရေသည် တစ်သိန်းကျော်သာ ရှိသည်။ ခရီးသည်တင် လိုင်းကားစီးရေသည် ရှစ်ထောင်ခန့်သာ ရှိပြီး စီးတီးတက္ကစီ အစီးရေသည် တစ်သောင်းခွဲ ၀န်းကျင်ခန့် ရှိသည်။ ရန်ကုန်မြို့တော်၏ အကျယ်အ၀န်းသည် ဧရိယာ စတုရန်းမိုင် ၃၀၀ကျော် ရှိသည်။ အဆိုပါ ယာဉ်အစီးရေနှင့် ရန်ကုန်မြို့ပြဧရိယာ အနေအထားတွင် ယာဉ်ရပ်ရန်နေရာ မရှိဟူသော ပြဿနာမှာ မဖြစ်သင့်သော အနေအထားပင် ဖြစ်သည်။ အဘယ်ကြောင့် ယာဉ်ရပ်ရန်နေရာ မရှိရသနည်း။ ပုံစံအမျိုးမျိုးသော၊ အမည်အမျိုးမျိုးသော အဆောက်အအုံ တိုင်းတွင် ယာဉ်ရပ်ရန်နေရာ အလုံအလောက် စီမံထားရှိမှု မရှိခြင်းကြောင့်ပင် ဖြစ်သည်။ ရန်ကုန်မြို့၏ ယာဉ်ကြောပိတ်ဆို့နေမှုများတွင် ကားပါကင် မရှိခြင်းသည် အဓိက ပြဿနာ ဖြစ်သည်။ စည်ပင်သာယာက သတ်မှတ်ထားသည့် အထပ်မြင့် အဆောက်အအုံတိုင်း၌ ပါသင့်ပါထိုက်၊ ရှိသင့်ရှိထိုက်သည့် အင်္ဂါရပ်များတွင် ကားရပ်နားရန် နေရာလည်း တစ်ခုအပါအ၀င် ဖြစ်သည်။ ရေစီးရေလာ၊ ရေဆက်သွယ်မှု၊ မီး၊ အမှိုက်စွန့်ပစ် စနစ်များ အပါအ၀င် ကားပါကင်သည်လည်း တစ်ခုအပါအ၀င် ပါရှိရမည်ဖြစ်ပြီး ထိုအင်္ဂါရပ်များနှင့် ပြည့်စုံမှ လူနေထိုင်ခွင့် ရရှိမည်ဟု သတ်မှတ်ထားသည်။ သို့သော် အထပ်မြင့်အဆောက်အအုံ အများစုတွင် ကားရပ်နားရန် သီးသန့်နေရာ မရှိပေ။ ''လမ်းသွယ်တွေနဲ့ အဓိက လမ်းမကြီးတွေကို ချိတ်ဆက်ထားတဲ့ လမ်းတွေမှာလည်း အထပ်မြင့်နဲ့ ကွန်ဒိုဆိုပြီး အဆင့်မြင့်တိုက်တွေ အမည်ခံပြီး ဆောက်လာကြပါတယ်။ ကွန်ဒိုတွေ၊ တာဝါတွေနဲ့ အဆင့်မြင့် အိမ်ရာတွေမှာ နေထိုင်နိုင်တဲ့ အနေအထားက အနည်းဆုံး ကားတစ်စီး လောက်တော့ ပိုင်ဆိုင်တဲ့ အနေအထားတွေပါ။ တစ်ခန်း တစ်စီးတောင် အနိုင်နိုင် ဖြစ်နေတာ၊ ကုမ္ပဏီတွေ၊ ရုံးခန်းတွေ၊ ဈေးဝယ်စင်တာတွေနဲ့တွဲပြီး ဖွင့်ထားတဲ့ နေရာတွေမှာ ကားပါကင်ပြဿနာ တက်တော့တာပါပဲ။ နောင်ဆောက်မယ့် အဆောက်အအုံတွေမှာ ဒါတွေကို မဖြစ်မနေ ထည့်သွင်း တွက်ချက်ရမှာပါ''ဟု ဒုတိယ ရဲမှူးကြီး မျိုးအောင်(အငြိမ်းစား)က သုံးသပ်သည်။ ဈေးဝယ်စင်တာကြီးများနှင့် ကားပါကင် ပြဿနာကြောင့် နောက်ပိုင်း အချို့သော ဈေးဝယ်စင်တာများတွင် ကားပါကင်နေရာအတွက် ထည့်သွင်း ဆောင်ရွက်လာကြ သော်လည်း ယခင်က အစိုးရရုံး အဆောက်အအုံများကို လေလံယူ ပြန်လည်ပြုပြင်ကာ ဖွင့်လှစ်လာကြသော နေရာများတွင်မူ ကားရပ်နားရန် အခက်အခဲများ ရှိနေကြသည်။ ကားရပ်နားရန် အခက်အခဲများကြောင့် ကားပိုင်ရှင်များ အနေဖြင့် ကားအတွက် အထွေထွေ ကုန်ကျစရိတ်များအပြင် ကားရပ်နားခ ကားပါကင်ကြေးမှာ တစ်လ ကျပ်ငါးသောင်းမှ တစ်သိန်းကြားခန့် ကုန်ကျမှု ရှိနေကြောင်း ၂၀၁၁ ခုနှစ် ဇူလိုင်လ ၂၉ ရက်နေ့ထုတ် Bi Weekly Eleven ဂျာနယ်တွင် ဖော်ပြထားပါသည်။
ဓာတုပစ္စည်းစွန့် ပစ်မှု စနစ်ကျသင့်ပြီ
သူကဆက်ပြီး အသက်ရှူလမ်းကြောင်းဆိုင်ရာရောဂါ၊ အဆုတ်ပွတာတွေ ဖြစ်လာမယ်။ လေပြွန်ချောင်းရောင်ပြီး ချောင်းဆိုတာ၊ မောတာတွေဖြစ်မယ်။ ကြာရင် အဆုတ်ကင်ဆာအထိ ဖြစ်သွားနိုင်တယ်လို့ ပြောပါတယ်။ ဒါကြောင့် ဓာတုပစ္စည်း အသုံးပြုတဲ့ စက်မှုလုပ်ငန်းတွေ အနေနဲ့ လူနေအိမ်ခြေအနီး ဝန်းကျင်နဲ့ မိုင်ချီပြီး ဝေးတဲ့နေရာမှာပဲ လုပ်သင့်တယ်လို့ သိရတယ်။ ဒေါက်တာဦးချစ်စိုးက ‘ပတ်ဝန်းကျင်မှာ နေထိုင်သူတွေကလဲ ဒီလို ဓာတုပစ္စည်း ဒြပ်ပေါင်း စွန့်ပစ်မှုတွေက အန္တရာယ်ရှိတယ်လို့ သိရင် ကန့်ကွက်သင့်တယ်၊ လုပ်ငန်းရှင်တွေ အနေနဲ့လဲ သူများက ဥပဒေနဲ့ ထိန်းပေးမှ တားဆီးမှ မကျေမနပ်နဲ့ လုပ်ငန်းပိတ်လိုက်ရတာမျိုး မဖြစ်သင့်ဘူး၊ ကိုယ်ပိုင် အသိစိတ်ဓာတ်နဲ့ ထိန်းသိမ်းသင့်တယ်’လို့ ပြောကြားခဲ့ကြောင်း ၂၀၁၁ ခုနှစ် ဇူလိုင် ၂၉ ရက်နေ့ထုတ် မော်ဒန် ဂျာနယ်တွင် ဖော်ပြထားပါသည်။
သံဈေးတွင် အသက် ၁၄ နှစ် အရွယ် ကလေးငယ် တစ်ဦး အလုပ်လုပ်ရင်း သေဆုံးမှု ဖြစ်
လသာမြို့နယ် သံဈေးတွင် အသက် ၁၄ နှစ်အရွယ်ရှိ မောင်ကို ကိုလတ် ဆိုသူ လူငယ်တစ်ဦး ဇူလိုင် ၁၈ ရက်က ၀ယ်ယူသူ ၏ပစ္စည်းကို လိုက်ပို့ရင်း နောက်စေ့ပေါက်ပြဲဒဏ် ရာဖြင့် သေဆုံးခဲ့သည်ဟု သိရသည်။
ဖြစ်စဉ်မှာ မောင်ကိုကိုလတ် (၁၄ နှစ်)သည် ၎င်းဆိုင်မှ ၀ယ်ယူသူ ၏မီးဖိုကိုထမ်း၍ ကားပေါ်သို့တင် ရာတွင် လဲကျပြီး နောက်စေ့နှင့်အုတ် ခုံရိုက်မိ၍ အပေါ်မှမီးဖိုထပ်ပိကာ သေဆုံးသွားခြင်းဖြစ်သည်။ အဆိုပါ ဖြစ်ရပ်ကို မြင်တွေ့ခဲ့ရသူတစ်ဦးက “ကျွန်တော်သွားကြည့်တော့ သွေး တွေယိုနေပြီ။ သွေးသုံးခါအန်တယ်။ အနီးအနားက ကားသမားတွေက လည်း ကြောက်လို့လိုက်မပို့ရဲဘူး။ မီးဖိုကြီးက အကြီးကြီးပဲ။ ပြဿနာ ဖြစ်ပြီးတော့ မီးဖိုကြီးကိုသယ်တာ ဈေးစည်ပင်နှစ်ယောက် မသယ်ရ တယ်။ အဲဒါကို ကလေးတစ်ယောက် က သယ်တော့ဖြစ်တော့မှာပေါ့”ဟု ပြောသည်။
မောင်ကိုကိုလတ်မှာ ဒလမြို့ နယ်၊ အမှတ် ၃၂၅၃၊ တကောင်း လမ်း၊ ကျန်စစ်သားရပ်ကွက်တွင်နေ ထိုင်ပြီး ဖခင်မရှိဘဲမိခင်ဖြစ်သူကိုလုပ် ကျွေးနေသူဖြစ်သည်။ အဆိုပါဖြစ် ရပ်ကြောင့် ဆိုင်ခန်းအား ယာယီ ပိတ်ခိုင်း ထားသည်ဟု ဈေးစည်ပင်မှ သိရသည်။
“ဆိုင်ခန်းကို ယာယီပိတ်ခိုင်း ထားပါတယ်။ ဌာနကလူကြီးတွေကို လည်း ဒီကိစ္စဖြစ်ပြီးတာနဲ့ တင်ပြ ထားပါတယ်။ ကျွန်မကတော့ ကိုယ့် ရှေ့မှာတွေ့ရင် ကလေးတွေကို အဲဒီ လို အရမ်းမခိုင်းနဲ့လို့ ပြောရတယ်။ လူငယ်ရင် ပေးရတဲ့ အလုပ်သမားခ ပိုက်ဆံကနည်းတယ်။ လူကြီးရင် ပေး ရတဲ့ အလုပ်သမားခ ပိုက်ဆံကများ တယ်လေ”ဟု ဈေးစည်ပင်သာယာ ရေးမှတာဝန်ရှိသူတစ်ဦးက ပြော သည်။
သက်ဆိုင်ရာ မြို့နယ် အလုပ် သမားဝန်ကြီးဌာနမှ တာဝန်ရှိသူတစ် ဦးကလည်း ၁၆ နှစ်အောက်အလုပ် လုပ်နေသူများကို အလုပ်လုပ်နေ သောကလေးဟုခေါ်ကြောင်း၊ အဆို ပါ အလုပ်လုပ်နေသောကလေးများ အလုပ်လုပ်ရင်း ထိခိုက်ဒဏ်ရာရ သေဆုံးပါက အလုပ်ရှင်ကို အရေးယူ နိုင်ကြောင်း၊ ထိခိုက်သူ၊ သေဆုံးသူ မိသားစုအနေနဲ့ လာရောက်တိုင် ကြားနိုင်ကြောင်း၊ ယခုဖြစ်ရပ်တွင် သေဆုံးသူမိသားစုဘက်မှ လာရောက် တိုင်ကြားမှု မရှိသေးကြောင်း ပြော သည်။ အဆိုပါဖြစ်ရပ်နှင့်ပတ်သက် ၍ လသာမြို့နယ်ရဲစခန်းမှ ဆိုင်ရှင် ဖြစ်သူကို ၁၅၁/၂၀၁၁ ပ ၃၀၄ (က) အရ အရေးယူ ထားကြောင်း သိရ သည်။
ကလေးသူငယ်များမှာ မိသား စုဝင်ငွေ ထောက်ပံ့ရန်အတွက် အလုပ်လုပ်နေကြရခြင်းဖြစ်ကြောင်း၊ မိသားစု ရပ်တည်နိုင်မှုအတွက် တစ် ခုတည်းသောနည်းလမ်းဖြစ်ကြောင်း၊ ၁၉၉၁ ခုနှစ်တွင် မြန်မာနိုင်ငံတွင် ကုလသမဂ္ဂ ကလေးသူငယ်ဆိုင်ရာ အခွင့်အရေးများ သဘောတူညီချက် ကို ၀င်ရောက်ခဲ့ပြီးနောက် သဘော တူညီချက်တွင် ပါဝင်သောအခွင့်အ ရေးများကို အကောင်အထည်ဖော် နိုင်အောင် ကလေးသ ငယ်ဥပဒေကို ၁၉၉၃ ခုနှစ်တွင် ရေးဆွဲပြဋ္ဌာန်းထား ကြောင်း ဇူလိုင် ၁၉ ရက်ထုတ် ကုမု ဒြာ ဂျာနယ်တွင် ယူနီဆက်မှ တာဝန် ရှိသူတစ်ဦး၏ ဖြေကြားချက်တွင် ဖော်ပြထားသည်။
လူမင်းသောင်းထွန်း
http://moviemyanmar.com/archives/17421?utm_source=feedburner&utm_medium=email&utm_campaign=Feed%3A+myanmardaily+%28MyanmarDaily.net%27s+Latest+News%29
ဘောပွဲ သို့ မဟုတ် ဆဲပွဲ
မြန်မာ-အိုမန်ဘောလုံးပွဲ အကြမ်းဖက်ပရိသတ်များကို စတင်အရေးယူတော့မည်။
ပွဲချိန်မိနစ် ၄၀ခန့်သာ ကစားခဲ့ရပြီး ပရိသတ်များကို ထိန်းသိမ်း၍ မရတော့သဖြင့် ပြိုင်ပွဲရပ်ဆိုင်းခဲ့ရသော ကမ္ဘာ့ဖလားခြေစစ်ပွဲ၊ အာရှဇုန် ဒုတိယအဆင့်မြန်မာအသင်းနှင့် အိုမန်အသင်းတို့၏ ပွဲစဉ်တွင် အကြမ်းဖက်ခဲ့သော သူများကို ဓာတ်ပုံအထောက်အထားများဖြင့် အရေး ယူမှုများ စတင်ပြုလုပ်နေကြောင်း မျက်မြင်တွေ့ကြုံနေရသူများက ပြောကြားသည်။ ဘောလုံးပွဲစဉ်တွင် အကြမ်းဖက်မှုပြု လုပ်ခဲ့သော ပရိသတ်များအား အရေးယူမှုနှင့်ပတ်သက်၍ မြန်မာနိုင်ငံ ဘောလုံးအဖွဲ့ချုပ်သို့ ဆက်သွယ်မေးမြန်းခဲ့ရာ ဖြေရှင်ျးေဆာင်ရွက်သွားရန် အစည်းအဝေးပြုလုပ်နေကြောင်းတာဝန်ရှိပုဂ္ဂိုလ်တစ်ဦးက ဇူလိုင်လ ၂၉ ရက်နေ့နေ့လယ် ၁၂နာရီခန့်ကပြောကြားသည်။
“ကျွန်တော်တို့ ဒီလိုကိစ္စနဲ့ပတ်သက်ပြီး FIFAကဘယ်လိုအရေးယူမယ်ဆိုတာမသိသေးဘူး။ အကြမ်းအားဖြင့် FIFA ကကျင်းပတဲ့ ပွဲနဲ့ပတ်သက်ပြီး အဲဒီကွင်းထဲ ပစ္စည်းတစ်ခုကျရင်ဒေါ်လာ ၅၀၀၀လောက်ဒဏ်ငွေပေးရတယ်။ အခုဘယ်လိုလာမလဲမသိဘူး” ဟုမြန်မာနိုင်ငံဘောလုံးအဖွဲ့ချုပ် ပြန်ကြားရေးတာဝန်ခံ ဦးစိုးမိုးက ဇူလိုင်လ မွန်းလဲ ၁နာရီခန့်က ပြောကြားသည်။ ယင်းနေ့ပွဲစဉ်က ပွဲချိန် ၃၈ မိနစ်ခန့်၌ ပရိသတ် ၃၀၀၀၀ကျော်ထဲမှ ၃၀၀၊ ၄၀၀ ခန့်က ခုံများရိုက်ချိုးခြင်း၊ သံတိုင်များချိုးခြင်း၊ ရေသန့်ဘူးများ ဖိနပ် များဖြင့် ကွင်းထဲသို့ ပစ်ပေါက်ခဲ့ကြောင်း၊ နောက်ပိုင်း FIFA ပွဲစဉ်များ၌ ဝင်ကြေးပေးကြည့်ရှုရမည်ဖြစ်ကြောင်း၊ ယင်းကိစ္စကြောင့် လူမျိုးနှင့် နိုင်ငံသိက္ခာကျဆင်းခဲ့ရကြောင်း ၂၀၁၁ ခုနှစ် သြဂုတ် ၁ရက်နေ့ထုတ် The Voice ဂျာနယ်တွင် ဖော်ပြထားပါသည်။
ဘောပွဲ သို့ မဟုတ် ဆဲပွဲ
မြန်မာ-အိုမန်ဘောလုံးပွဲ အကြမ်းဖက်ပရိသတ်များကို စတင်အရေးယူတော့မည်။
ပွဲချိန်မိနစ် ၄၀ခန့်သာ ကစားခဲ့ရပြီး ပရိသတ်များကို ထိန်းသိမ်း၍ မရတော့သဖြင့် ပြိုင်ပွဲရပ်ဆိုင်းခဲ့ရသော ကမ္ဘာ့ဖလားခြေစစ်ပွဲ၊ အာရှဇုန် ဒုတိယအဆင့်မြန်မာအသင်းနှင့် အိုမန်အသင်းတို့၏ ပွဲစဉ်တွင် အကြမ်းဖက်ခဲ့သော သူများကို ဓာတ်ပုံအထောက်အထားများဖြင့် အရေး ယူမှုများ စတင်ပြုလုပ်နေကြောင်း မျက်မြင်တွေ့ကြုံနေရသူများက ပြောကြားသည်။ ဘောလုံးပွဲစဉ်တွင် အကြမ်းဖက်မှုပြု လုပ်ခဲ့သော ပရိသတ်များအား အရေးယူမှုနှင့်ပတ်သက်၍ မြန်မာနိုင်ငံ ဘောလုံးအဖွဲ့ချုပ်သို့ ဆက်သွယ်မေးမြန်းခဲ့ရာ ဖြေရှင်ျးေဆာင်ရွက်သွားရန် အစည်းအဝေးပြုလုပ်နေကြောင်းတာဝန်ရှိပုဂ္ဂိုလ်တစ်ဦးက ဇူလိုင်လ ၂၉ ရက်နေ့နေ့လယ် ၁၂နာရီခန့်ကပြောကြားသည်။
“ကျွန်တော်တို့ ဒီလိုကိစ္စနဲ့ပတ်သက်ပြီး FIFAကဘယ်လိုအရေးယူမယ်ဆိုတာမသိသေးဘူး။ အကြမ်းအားဖြင့် FIFA ကကျင်းပတဲ့ ပွဲနဲ့ပတ်သက်ပြီး အဲဒီကွင်းထဲ ပစ္စည်းတစ်ခုကျရင်ဒေါ်လာ ၅၀၀၀လောက်ဒဏ်ငွေပေးရတယ်။ အခုဘယ်လိုလာမလဲမသိဘူး” ဟုမြန်မာနိုင်ငံဘောလုံးအဖွဲ့ချုပ် ပြန်ကြားရေးတာဝန်ခံ ဦးစိုးမိုးက ဇူလိုင်လ မွန်းလဲ ၁နာရီခန့်က ပြောကြားသည်။ ယင်းနေ့ပွဲစဉ်က ပွဲချိန် ၃၈ မိနစ်ခန့်၌ ပရိသတ် ၃၀၀၀၀ကျော်ထဲမှ ၃၀၀၊ ၄၀၀ ခန့်က ခုံများရိုက်ချိုးခြင်း၊ သံတိုင်များချိုးခြင်း၊ ရေသန့်ဘူးများ ဖိနပ် များဖြင့် ကွင်းထဲသို့ ပစ်ပေါက်ခဲ့ကြောင်း၊ နောက်ပိုင်း FIFA ပွဲစဉ်များ၌ ဝင်ကြေးပေးကြည့်ရှုရမည်ဖြစ်ကြောင်း၊ ယင်းကိစ္စကြောင့် လူမျိုးနှင့် နိုင်ငံသိက္ခာကျဆင်းခဲ့ရကြောင်း ၂၀၁၁ ခုနှစ် သြဂုတ် ၁ရက်နေ့ထုတ် The Voice ဂျာနယ်တွင် ဖော်ပြထားပါသည်။
ကောနေသော အမိ ဧရာဝတီ
ဧရာဝတီမြစ်ရေ လျော့နည်းချိန်တွင် အချို့နေရာများ၌ လမ်းလျှောက်ဖြတ်ကူးနိုင်သည်အထိ ဖြစ်နေသောကြောင့် ၄င်းကိုထိခိုက်စေသော လုပ်ငန်းမှန်သမျှကို တားဆီးပေးရန် လိုအပ်နေပြီဟု သဘာဝပတ်ဝန်းကျင် ထိန်းသိမ်းရေးပညာရှင်တို့က ဆိုသည်။ ဧရာဝတီမြစ်၏ ရေဝေရေလဲ ဒေသများတွင် အဆမတန် သစ်ခုတ်လှဲမှုများ၊ ရွှေအပါအဝင် ဓါတ်သတ္တုများ အလွန်အကျွံ တူးဖော်ခြင်းများကြောင့် အဓိကတိမ်ကောလာခြင်းဖြစ်ပြီး မြစ်ထဲတွင် သောင်များဖြစ်ထွန်းလာမှုနှင့်အတူ ရေကြောင်းများ ပြောင်းလဲလာခြင်း၊ ရေကြောင်း ပြောင်းလဲမှု ပိုမိုခက်ခဲလာခြင်းနှင့် အချိန်အခါမဟုတ် ရေကြီးခြင်းတို့ ဖြစ်ပေါ်လျက်ရှိကြောင်း သိရသည်။ “နွေရာသီဆိုရင် စစ်ကိုင်းရဲ့ တချို့နေရာတွေမှာ ဧရာဝတီမြစ်ရဲ့ ဟိုဘက်ကမ်း သည်ဘက်ကမ်း ခြေလျက်ဖြတ်ကူးလို့ ရနေပြီ။ ရေက ဒူးဆစ်လောက်ပဲ ရှိမယ်။ နောက်ပြီး စစ်ကိုင်းဝန်းကျင်မှာ ဧရာဝတီမြစ်ရေက အရမ်းနည်းနေတဲ့အတွက် စစ်ကိုင်းမြို့အတွက် ရေပေးဝေရေးကိုလည်း ထိခိုက်စေတယ်” ဟု FREDA အသင်း၊ ဒုတိယဥက္ကဋ္ဌ ဦးအုန်းက ပြောသည်။
ယခု ဧရာဝတီသည် ယခင်က ဧရာဝတီနှင့် လုံးဝကွဲပြားခြားနားသွားပြီဖြစ်ကြောင်း ဗေဒသဘော၊ လူမှုစီးပွားရေး၊ ရေအရင်းအမြစ်၊ ပတ်ဝန်းကျင်ထိန်းသိမ်းရေး၊ ကူးသန်းသွားလာရေးတို့အပြင် သမိုင်းယဉ်ကျေးမှုအမြင်တွင်လည်း လှပပျိုမျစ်စွာ စီးဆင်းနိုင်ခြင်း မရှိတော့ကြောင်း သိရသည်။ “ဧရာဝတီမြစ်ကမ်းဘေးမှာရှိတဲ့ စက်ရုံ၊ အလုပ်ရုံတွေကြောင့် ရေထုညစ်ညမ်းမှုကို ဖြစ်ပေါ်စေတယ်။ ဘာပဲလုပ်လုပ်ပေါ့။ ပညာရှင်တွေနဲ့ တိုင်ပင်ပြီး ဧရာဝတီကို အန္တရာယ်ပေးနိုင်တဲ့ဟာမျိုးဆိုရင် မလုပ်ကြပါနဲ့လို့ပဲ ပြောချင်ပါတယ်” ဟု မြန်မာငှက်နှင့် သဘာဝပတ်ဝန်းကျင် ထိန်းသိမ်းရေးအသင်းဥက္ကဋ္ဌ ဦးစိုးညွန့်က ပြောပြခဲ့ကြောင်း ၂၀၁၁ ခုနှစ် ဇူလိုင်လ ၂၈ ရက်နေ့ထုတ် Popular News ဂျာနယ်တွင် ဖော်ပြထားပါသည်။
ရှစ်လေးလုံးအရေးတော်ပုံမှ ပြောနေသည်
ရှစ်လေးလုံးသည် အရေးအခင်းမဟုတ် ၁၃၀၀ ပြည့် ရေနံမြေသပိတ်ကြီးပြီးလျှင် ဒုတိယမြောက် လူထုလှုပ်ရှားမှု အရေးတော်ပုံကြီးဖြစ်သည် (ဆရာကြီး ဒဂုန်တာရာ)
ရှစ်လေးလုံးသည် ဒုတိယမြောက်လွတ်လပ်ရေးတိုက်ပွဲဖြစ်သည် (ဒေါ်အောင်ဆန်းစုကြည်)
ကျုပ်တို့ကျောင်းသားတွေဟာ ကွန်ပါဘူး မရလို့၊ ဘောပင် မရလို့ လမ်းမတွေပေါ်ထွက်ပြီး သောက်ကမြင်းကျောထကြတာ မဟုတ်ဘူး။ မတရားမှုကို တော်လှန်ဖို့အတွက် ကျောင်းခန်းတွေထဲက ထွက်လာတာဖြစ်တယ် (မင်းကိုနိုင် - ၁၉၈၉ ပြည်ထောင်စုနေ့ ဒီ/ငြိမ်း ဌာနချုပ်)
စစ်တပ်ဆိုတာ မိုးပေါ်ကို ထောင်မပစ်ဘူး။ ပစ်ရင် မှန်အောင်ပစ်တယ် (အာဏာရှင်ဟောင်း ဦးနေဝင်း - ရှစ်လေးလုံး အရေးတော်ပုံ မတိုင်ခင်လေးတွင် တိုင်းပြည်ကိုပြောသည့် မိန့်ခွန်း)
စစ်တပ်ကို စိတ်နဲ့တောင် မပစ်မှားပါနဲ့ (စစ်အာဏာသိမ်း ဒုတိယ ခေါင်းဆောင် ဦးအောင်ကြီး)။
အထက်ပါ စကားလုံးများသည် ကျနော်တို့တတွေရဲ့ နုနယ်သည့် ကျောင်းသားဘဝမှာပင် မိမိ တိုင်းပြည်မှာ ဘာတွေဖြစ်နေသည်၊ ဘာတွေလုပ်ရမည်၊ ဘယ်သူတွေသည် အမှန်တရားရဲ့ဘက်တော်သား ဖြစ်သည်၊ မည်သူတွေသည် တိုင်းပြည်ကို ဖျက်စီးနေသူများဖြစ်သည် ဆိုသည်ကို ဆုံးဖြတ်ပေးခဲ့သည့် စကားလုံးများပင် ဖြစ်ပေသည်။ မိမိတိုင်းပြည်ကိုလည်း နောက်ပြန် လှည့်ကြည့်မိလိုက်သည့်အချက်များ ဖြစ်ခဲ့ရပေသည်။
ကျောင်းသားဘဝဆိုသည်မှာ ပျော်ရွှင်မှုများအတည့်ဖြင့် ရှေ့တက်လှမ်းမည်ဟု မျှော်လင့်မိခဲ့သော်လည်း ပြည်သူကို ရန်သူအဖြစ်သတ်မှတ်သည့် လူမဆန်သည့် လုပ်ရပ်ပိုင်ရှင် ဦးနေဝင်း စကားလုံးသည် နုနယ်သည့် ကျနော်တို့ဘဝများစွာကို နာကျည်းစရာစိတ်၊ တော်လှန်ရေးဆိုသည့်ဘဝ၊ တော်လှန်ရမည်ဆိုသည့် အသိစိတ်များကိုစတင် ကိန်အောင်းလိုက်စေခဲ့ပေသည်။
အထက်ပါ အဆိုအမိန့်များတွင် အပေါ်မှ အဆိုအမိန့်ပိုင်ရှင် ၃ ဦးသည် တတိုင်းပြည်လုံး လေးစားရသောသူ ၃ ဦးဖြစ်ပြီး အောက်မှ အဆိုအမိန့်ပိုင်ရှင် ၂ ဦးမှာတော့ တိုင်းပြည်ကို စစ်ကျွန်စနစ်သို့ စနစ်တကျ သွတ်သွင်းခဲ့သူ ၂ ဦးအဖြစ် သမိုင်းတွင် မှတ်တမ်းတင်ခဲ့ပြီး ဖြစ်ပေသည်။
၁၉၆၂ မှသည် ၁၉၈၈ အထိ တိုင်းပြည်တွင် စစ်အာဏာရှင်စနစ်ကို တရားဝင်ဖြစ်စေရန် အရောင်အမျိုးမျိုးပြောင်းလဲပြီး အုပ်ချုပ်ခဲ့သူများလည်း ဖြစ်ပေသည်။ ထို ခေတ်ဆိုး စနစ်ဆိုးကာလများကို အပြီးတိုင် ခြေမှုန်းသုတ်သင်လိုက်သည့် ရှစ်လေးလုံးအရေးတော်ပုံကြီးကို စတင်မွေးဖွာပေးလိုက်ရာ ရန်ကုန်စက်မှု တက္ကသိုလ်မှ လွင့်ထွက်လာသည့် မီးပွားသည် နှစ်ပေါင်း ၂၆ နှစ်တိုင်တိုင် ခိုအောင်းနေခဲ့သည့် ယမ်းအိုးပေါ်သို့ ကျရောက်ခဲ့ပေသည်။
ကျောင်းသားများ ဦးဆောင်မှုဖြင့် တတိုင်းပြည်လုံး ထကြွတော်လှန်ခဲ့သည့် ၈. ၈. ၈၈ ရှစ်လေးလုံး အရေးတော်ပုံနေ့ကြီးသည် မြန်မာတွင်မက ကမ္ဘာသို့ပင် ကျော်ကြားခဲ့ရပေသည်။ အာဇာနည် ထောင်ပေါင်း များစွာတို့မှာ အသက်ပေါင်းများစွာ ဘဝပေါင်းများစွာကို ပေးဆပ်ခဲ့ရပေသည်။ ပေးဆပ်နေရတုန်းပင် ဖြစ်ပေသည်။
ကျနော်တို့ကိုယ်တိုင်ဆင်နွှဲခဲ့သည့် ရှစ်လေးလုံးတိုက်ပွဲသည် မဆလ တပါတီစနစ်ဆိုးကို အပြီးတိုင်ချေမှုန်းခဲ့ပြီးလည်း ဖြစ်ပေသည်။ ထိုသည်ကိုပင် ဦးအောင်ကြီးမှ ဦးနေဝင်း ကိုယ်တိုင်ကပင် ရိုက်ခွဲဖျက်စီးလိုက်သည်ဟုပင် ပြောခဲ့သေးသည်။ (သူ့အဆိုအရ မဆလ အိုးချမ်းပဲ့ပါတီ) အမှန်မှာ လူထုတော်လှန်ရေးကို သေးသိမ်အောင်ပြောချင်းပင် ဖြစ်ပါသည်။ မဆလ လက်ဝေခံ စစ်ခေါင်းဆောင် အဆက်ဆက်မှ ရှစ်လေးလုံးနေ့ကို သေးသိမ်ပပျောက်အောင် နည်းမျိုးစုံဖြင့် ဖျောက်ဖျက်နေသော်လည်း ကျနော်တို့မျိုးဆက်များမှ ထိုနေ့ရောက် တိုင်းပြည်တွင်း၊ ပြည်ပတွင် နှစ်စဉ်ကျင်းပလာခဲ့သည်မှာ ၂၃ နှစ်ကာလသို့ပင် ရောက်ရှိခဲ့ပေသည်။
သမိုင်းဆိုသည်မှာ မည်သို့မှ ဖျောက်ဖျက်၍ မရသလို၊ သမိုင်းကို ဖျောက်ဖျက်ဖို့ ကြိုးစားသူများသည် သမိုင်း၏တရားခံများပင် ဖြစ်ပေသည်။ သမိုင်းဆိုသည်မှာ မှန်သည် မှားသည်မရှိ၊ တကယ်ဖြစ်ခဲ့သည်ကို သမိုင်းဟု ခေါ်ပါသည်။ ထို့ကြောင့် ထိုနေ့ ထိုရက်ကိုရောက်တိုင်း ကျနော်တို့ ရင်ထဲမှာ လက်ဆုပ်လက်ကိုင်မပြနိုင်သည့် ခံစားချက်တွေကို ကိုယ်စီကိုယ်စီ ခံစားနေကြမည်။ ကိုယ်တိုင် ပါဝင်ခဲ့တဲ့ တော်လှန်ဖက် သူငယ်ချင်းများ ရင်ထဲတွင်လည်း ထိုခံစားချက်မျိုး ရှိနေမည်ဆိုသည်ကို ကျနော် ယုံကြည်မိနေပါသည်။ ထိုနည်းအတူ သားပျောက် မိခင်များ၊ သားသမီးကို ရှင်ကွဲခွဲနေရသည့် မိခင် ဖခင်များလည်း ထိုနည်းတူစွာ အောက့်မေ တသသ ဖြစ်နေကြပေမည်။
ကျနော်တို့ မှီတင်းနေထိုင်ရာ အမိနိုင်ငံတော်ကြီးသည်ကား ရှေးပဒေသရာဇ်တွေလက်ထက် မှသည် ယနေ့အထိ ဒဏ်ရာဒဏ်ချက်ပေါင်းများစွာဖြင့် ရှင်သန်နေရသည်မှာ အင်မတန်မှ နည်ကျည်းဖွယ်ရာအတိပင် ဖြစ်ပေသည်။
ထိုအရေးတော်ပုံကြီးမှ ကျနော်တို့အား များစွာသော သင်္ခန်းစာတွေကို ပေးခဲ့ပေသည်။ ကျနော်တို့လုပ်နိုင်ခဲ့သည်မှာ ပြည်သူလူထုကို တော်လှန်ရေးထဲသို့ ပါဝင်လာအောင် လှုံ့ဆော်နိုင်ခဲ့ပြီး မတရားသည့် တပါတီစနစ်အား မြေလှန်ခဲ့သော်လည်း ကျနော်တို့တွင် တိကျသည့် ဦးဆောင်မှုစနစ် မရှိခြင်း၊ တိကျသေချာသည့် ညီညွတ်ရေးလမ်းစဉ်များ မရှိခြင်း၊ အပြန်အလှန် လေးစားသည့်စနစ်ကို မတည်ဆောင်နိုင်ခြင်း၊ စစ်အာဏာရှင်တို့၏ ပရိယာယ်ကို ကြိုတင် မဆန်းစစ်နိုင်ခြင်း၊ မိမိ လုပ်သင့်လုပ်ထိုက်သည့်အခြေအနေတွင် တွေဝေနေခဲ့ခြင်း၊ မာန်မာန တရားတွေအား ပြိုင်နေခြင်းများဖြင့် အချိန်များကုန်ခဲ့ရပေသည်။
ရှစ်လေးလုံးအရေးတော်ပုံကြီးမှလည်း မင်းတို့ကောင်တွေ ဒါတွေဖြစ်နေပြီဆိုတာကို မီးမောင်းထိုးပြခဲ့ပေသည်။ ထို့ကြောင့် အင်အားကြီးမားသည့် ကျနော်တို့ မြန်မာ့တော်လှန်ရေးလှိုင်းကြီးသည်လည်း တဖြည်းဖြည်း အင်အားချိနဲ့ခဲ့ပြီး အောင်မြင်မှုနဲ့ ဝေးခဲ့ရပေသည်။ အထူးသဖြင့် ခေါင်းဆောင်ဆိုသူများ ညီညွတ်ရေးတရားဟောနေသူများ ကိုယ်တိုင်ပင် ညီညွတ်ရေးများ ပျက်စီးနေသည်ကို တွေ့ရပေသည်။
ယနေ့အချိန်အခါတွင် တော်လှန်ရေးသမားများ၊ ဒီမိုကရက်တစ်ဆိုသူများကိုယ်တိုင် ပြန်ဆန်းစစ်သင့်သည်မှာ မိမိအနေဖြင့်ရော ဒီမိုကရေစီကျင့်စဉ်ကို တကယ်တမ်း ယုံကြည်နေပါသလား၊ တကယ်ရော ကျင့်သုံးနေပါသလား ဆိုသည်ပင်ဖြစ်သည်။
အများအားဖြင့် တွေ့ရသည်မှာ အများစုသဘောထားကို လက်ခံသည်၊ အနည်းစုသဘောထားကို လေးစားသည်ဟု ယျေဘူယ ပြောနေသော်ငြားလည်း၊ တကယ်တမ်း တွေ့နေရသည်မှာ မိမိနှင့် သဘောထား မတိုက်ဆိုင်လျှင် လုံးဝ ပူးပေါင်းဆောင်ရွက်ခြင်းမရှိသလို လိုအပ်ရင် နောက်ထပ် တဖွဲ့ထောင်ရန် ဝန်မလေးတော့ပါ။
အများဘက်မှ ရပ်တည်သူများကလည်း အနည်းစုကို ရန်သူလို သဘောထားပြီး အဖွဲ့အတွင်းမှဖယ်ထုတ်ရန် ကြိုးစားကြပေသည်။ အုပ်စုဖွဲ့ခြင်း တဦးဦးနှင့်အားပြိုင်ခြင်း၊ မင်း ဘာကောင် ငါ ဘာကောင် ဆိုသည့် အစွယ်များကို ရသည့်နေရာကနေ ထုတ်ပြတတ်ကြပေသည်။ ထိုကဲ့သို့ အတွေးအခေါ်များကြောင့် မိမိအဖွဲ့အစည်းတွင် အင်အားများ ချို့တဲ့ပြီး သူ့အလိုလို ပြိုကွဲ ပျက်စီးခဲ့သည့် သာဓက များစွာရှိခဲ့ပေသည်။
ဒါကြောင့်လည်း စစ်အာဏာရှင်စနစ်မှာ တကျော့ပြန် ခေါင်းထောင်နေခြင်းဖြင့် ကြုံတွေ့ခဲ့ရပေသည်။ ရှစ်လေးလုံး အရေးတော်ပုံကြီး ထိုသို့သော ဖြစ်ရပ်များကို မျက်ရည်စက်လက်ဖြင့် ယူကြုံးမရဖြစ်နေမည်မှာ သေချာပါသည်။ ကျဆုံးသွားခဲ့သော အာဇာနည် အထောင်သောင်းတို့ကလည်း ကျနော်တို့အား သေချာပေါက် အသုံးမကျတဲ့ကောင်တွေအဖြစ် သတ်မှတ်နေမည်မှာ မလွဲပါ။
ထို့ကြောင့် နောင်လာမည့်ကာလများတွင် ရှစ်လေးလုံးအရေးတော်ပုံကြီးမှ ပေးနေသည့် သင်္ခန်းစာများကို သေချာစွာယူကြရင်း အနာဂတ်တိုင်းပြည်အတွက်၊ ဒီမိုကရေစီရေးနှင့် လူ့အခွင့်အရေး၊ ဖယ်ဒရယ်ပြည်ထောင်စုအရေးအတွက် ညီညွတ်သော၊ လေးစားမှု အပြည့်ရှိသော၊ အချောင်သမား စိတ်ကင်းစင်သော၊ စိတ်ကောင်း စေတနာကောင်းများကို မွေးမြူနိုင်မှသာ မြန်မာပြည်ကြီး တိုးတက်အောင်မြင်မည် ဖြစ်ပေသည်။
ယနေ့အချိန်အခါတွင် ကျနော်တို့တွင် မှန်ကန်တိကျသည့်၊ ပြည်သူ့မျက်နှာကိုသာကြည့်သည့် ခေါင်းဆောင်ကောင်းတွေ ရှိနေပါသည်၊ ထိုခေါင်းဆောင်များကို ရှစ်လေးလုံးအရေးတော်ပုံကြီးမှ မွေးထုတ်ပေးခဲ့ပြီး ဖြစ်ပါသည်။ သူတို့တတွေသည် ပြည်သူပြည်သားများ ကိုယ်စိတ်နှစ်ပါး ကျန်းမာချမ်းသာဖို့အတွက် ပြည်သူ့မျက်ရည်များ ထာဝရတိတ်သွားစေရန်အတွက် မီးပုံထဲတွင်ကနေသည့် သူရဲကောင်းငှက်များပင် ဖြစ်ပါသည်။ ထိုသူများမှာ ဒေါ်အောင်ဆန်းစုကြည်နှင့် ရှစ်ဆယ့်ရှစ်မျိုးဆက် ကျောင်းသားခေါင်းဆောင်များ၊ ယုံကြည်ချက်ကြောင့် အကျဉ်းကျနေသူများပင် ဖြစ်ပါသည်။
ကျနော်တို့အားလုံး ထိုခေါင်းဆောင်များနောက်သို့ နောက်လိုက်ကောင်းများ ပီသစွာဖြင့် အတူလက်တွဲပြီး ချီတက်ရန်သာ ဖြစ်ပါသည်။ ဖြစ်ပြီးခဲ့သည်များကို ပြန်လည်သုံးသပ်ပြီး မိမိတို့ ဘယ်လမ်းကိုလိုက်မလဲဆိုသည်ကို တိကျစွာဆုံးဖြတ်ဖို့ အချိန်ရောက်နေပေပြီ။
ယနေ့ အာရပ်ကမ္ဘာတွင် ဖြစ်ပွားနေသည့် လှိုင်းဆိုသည်မျိုးကို ကျနော်တို့ မြန်မာနိုင်ငံက လွန်ခဲ့သည့် ၂၃ နှစ်မှာကတည်းက စတင်ပြီးခဲ့ပြီဖြစ်သည်။ ကျနော်တို့လူမျိုးတွေ မညံ့ပါ။ သို့သော် တူနီးရှားလို၊ အီဂျစ်လိုနိုင်ငံများတွင် အောင်မြင်မှု ရနေပေသည်။ ကျနော်တို့ မအောင်မြင်သေးပါ။ အင်မတန်မှ ဝမ်းနည်းစရာကောင်းလှပါသည်။ သို့သော် ကျနော်တို့ ဇွဲလျှော့စရာ မလိုပါ၊ ယုံကြည်ချက်ပြည့်ဝစွာဖြင့် ရှစ်လေးလုံးအချိန်က စိတ်ဓာတ်ကို မွေးမြူရင်း မပြီးဆုံးသေးသည့်တိုက်ပွဲအား ဆက်လက်တိုက်ပွဲ ဝင်နေရဦးမည်ဖြစ်ပါသည်။
ရှစ်လေးလုံးအရေးတော်ပုံနေ့ ကမ္ဘာတည်သရွေ့ တည်ရှိရမည်။
ပြည်သူကို မတရားအနိုင်ကျင့် စော်ကားသူများ ကျဆုံးရမည်။
ဒီမိုကရေစီရေးတိုက်ပွဲ ချွင်းချက်မရှိ အောင်မြင်ရမည်။
ကျဆုံးသွားသော အာဇာနည် သူရဲကောင်းအပေါင်းအား အစဉ်လေးစား ဂုဏ်ပြုလျှက်။
-အာကာထက်
{ မိုးမခ }
ဇူလိုင် ၂၉၊ ၂၀၁၁
၂၀၀၇ သံဃာ့လှုပ်ရှားမှု အကြောင်း သတင်းပို့သူ ရွှေသံစဉ် ကိုဝင်းမော်- *
"---ရသမျှ သစ်တို သစ်စလေးတွေနဲ့ ဂစ်တာတလက် ဖြစ်အောင် ဖန်တီးပြီး ဘ၀တူ နိုင်ငံရေး အကျဉ်းသား ညီငယ်တွေကို ဂစ်တာတီး သင်ပေးရင်း ကိုယ်ပိုင် သီချင်းလေးတွေကို ရေးဖွဲ့ခဲ့ပါသေးတယ်။ ထောင်တွင်း ရှာဖွေရေး လာချိန်မှာတော့ ဂစ်တာလေးကို တစစီ ဖြုတ်ရ၊ ဖွက်ရ၊ ပြီးမှ ပြန်ဆင်ရတာပေါ့လေ---"
နူးညံ့တဲ့ နှလုံးသားနဲ့ဂီတသမားတယောက်ဘ၀ကနေ စစ်အာဏာရှင်ကို ဆန့်ကျင်တဲ့ တော်လှန်ရေး သမားတယောက်အဖြစ် ဘ၀ တဆစ်ချိုး ပြောင်းခဲ့ရသူတယောက် ဖြစ်ပါတယ်။ ၁၉၈၈ မတိုင်ခင်က “Computer Control” အမည်ရှိ တီးဝိုင်းမှာ လိဒ် ဂီတာသမား တစ်ယောက် အဖြစ် ရှိနေခဲ့တဲ့သူ။ “ရွှေသံစဉ်” ဂစ်တာဝိုင်းကို ဦးဆောင်ခဲ့သူ။ ၈၈ အရေးတော်ပုံကြီးထဲမှာ အနုပညာသည်အုပ်စုတွေနဲ့ ပါဝင်ခဲ့သူပါ။
၁၉၉၆ ခုနှစ် နိုဝင်ဘာလ မှာတော့ ‘၈၈ တော်လှန်ရေးနှင့် စွန့်လွှတ်ခြင်း’ ‘ခွပ်ဒေါင်းဝိဥာဉ်’ အမည်ရှိ တေးသီချင်းများနဲ့ ဒေါ်အောင်ဆန်းစုကြည် ကို အားပေး ထောက်ခံ သီဆိုခဲ့တဲ့အတွက် အစိုးရကို ဆန့်ကျင်တယ်လို့ စွပ်စွဲခံရပြီး ပုဒ်မ ၅(ည) နဲ့ ထောင်၇ နှစ် ချခံရပါတယ်။
အဲဒီအချိန် အပြင်မှာတော့ ဖခင်ကြီး။ ဇနီး မသဇင်။ သားသမီး ၄ ယောက် ကျန်ခဲ့ပါတယ်။ ၁၉၉၇ နိုဝင်ဘာမှာတော့ မိသားစုနဲ့ဝေးရာ တောင်ငူထောင်ကို ပြောင်းရွှေ့ခံခဲ့ရပါတယ်။
တောင်ငူထောင်ထဲမှာ နေထိုင်ရစဉ် ကာလမှာ ဘ၀တူ နိုင်ငံရေး အကျဉ်းသား ရဲဘော်များရဲ့ အချစ်ခင်ရဆုံး ပုဂ္ဂိုလ်တယောက်လည်း ဖြစ်ခဲ့ပါတယ်။ စိတ်ရှည်တယ်၊ သီးခံတတ်တယ်၊ ညှာတာမှုရှိတယ်၊ ရပ်တည်ချက်ရှိတယ် ဆိုတာ ကိုဝင်းမော်ရဲ့ အရည်အချင်းတွေပါပဲ။
အကျဉ်းထောင်ထဲ၊ တိုက်ခန်းလေးထဲမှာ နေနေရစဉ် ရသမျှ သစ်တို သစ်စလေးတွေနဲ့ ဂစ်တာတလက် ဖြစ်အောင် ဖန်တီးပြီး ဘ၀တူ နိုင်ငံရေး အကျဉ်းသား ညီငယ်တွေကို ဂစ်တာတီး သင်ပေးရင်း ကိုယ်ပိုင် သီချင်းလေးတွေကို ရေးဖွဲ့ခဲ့ပါသေးတယ်။ ထောင်တွင်း ရှာဖွေရေး လာချိန်မှာတော့ ဂစ်တာလေးကို တစစီ ဖြုတ်ရ၊ ဖွက်ရ၊ ပြီးမှ ပြန်ဆင်ရတာပေါ့လေ။
၁၉၉၉ ဇန်န၀ါရီ ၃၁ (နှစ် ၅၀ ပြည့် ကရင်တော်လှန်ရေးနေ့) အထိမ်းအမှတ်ပွဲလေး တောင်ငူထောင်ထဲမှာ ထောင်ကျ KNU ရဲဘော်တွေက စီစဉ်ကြတယ်။ အဲဒီပွဲလေးအတွက် KNU ရဲဘော်တွေနဲ့ ကိုဝင်းမော်က ပူးပေါင်းလို့ သီချင်းတပုဒ် ရေးခဲ့ပါတယ်။ အဲဒီသီချင်းက “ထော်ကော်သူးလေ ထော်” တကယ့်ကို အမှတ်တယ ဖြစ်စေခဲ့တဲ့ သီချင်းပါ။ “နီထောသော ရာသီဦးမှာ လွမ်းစရာ့မြေ၊ တို့ရိုးရာဓလေ့ရဲ့ အသံ ‘ဘိပန်’ နားမှာ စွဲလို့လေ၊ တို့မျှော်လင့်ခြင်းတွေ” ရင်ထဲမှာ အမြဲ သတိရစေတဲ့ သီချင်းလေးပါ။
အကျဉ်းထောင်ထဲမှာ နေနေရစဉ် “ချယ်ရီ” “ဧည့်ဆိုး” “freedon from fear” အစရှိတဲ့ သူဖန်တီးခဲ့တဲ့ သီချင်းတွေ အများကြီးပါ။
ကိုဝင်းမော်က ၂၀၀၂ နိုဝင်ဘာ ၂၁ ရက်မှာ ထောင်က လွတ်ပါတယ်။ အဲဒီနောက် ထောင်ကျနေစဉ်ကာလ ယိမ်းယိုင်ခဲ့ရတဲ့ မိသားစုဘ၀ ကို ကြိုးစား တည်ဆောက်ရင်း “အလင်္ကာ” ဆိုတဲ့ ဂစ်တာဝိုင်းတခု ပြန်ပြီး ထူထောင်နိုင်ခဲ့ပါတယ်။
မိသားစုဘ၀မှာ အိမ်ထောင်ဦးစီး တယောက် အနေနဲ့ ဖခင်ကြီး၊ ဇနီး၊ သားသမီး ၄ ယောက်ကို တာဝန်ယူ ဦးဆောင်နေသူ ဖြစ်ပေမယ့်လည်း ထောင်တွင်း အတူနေခဲ့သူတွေ၊ နိုင်ငံရေးအကျဉ်းသားဟောင်းတွေနဲ့ တွေ့ဆုံလို့ မြန်မာပြည်ရဲ့ လူ့အခွင့်အရေး၊ ဒီမိုကရေစီအရေး၊ အမျိုးသား ပြန်လည် သင့်မြတ်ရေးတို့အတွက် အမြဲ ဆွေးနွေး၊ တိုင်ပင်၊ အကြံပေးနေသူပါ။ လွတ်လပ် ပွင့်လင်းတဲ့ အနုပညာသမားတယောက် အနေနဲ့ မြန်မာပြည်ရဲ့ စစ်အာဏာရှင်စနစ် ချုပ်ငြိမ်းရေးကို အမြဲ လိုလားနေသူပါ။
ဒီလိုနဲ့ ကိုဝင်းမော်ဟာ ဂစ်တာသမားတယောက် အဖြစ် ရပ်တည်နေပေမယ့်လည်း ပတ်ဝန်းကျင်မှာ မြင်နေရတဲ့ မတရားမှုတွေ၊ ဖိနှိပ်မှုတွေ၊ ကြေကွဲစရာတွေကို မှတ်တမ်းတင်တဲ့သူ၊ ထုတ်ဖော်သူ ဖြစ်လာပါတယ်။ ၂၀၀၇ စက်တင်ဘာ သံဃာ့လှုပ်ရှားမှု ဖြစ်လာချိန်မှာတော့ ကိုဝင်းမော်ဟာ စစ်အာဏာရှင်တွေရဲ့ ရက်စက် ကြမ်းကြုတ်မှု၊ ဘာသာတရားအပေါ် စော်ကားမှု၊ လူမဆံမှုတွေကို ဒီမိုကရက်တစ် မြန်မာ့အသံကနေ ကမ္ဘာသိအောင် တင်ပြနိုင်ခဲ့သူ တဦး ဖြစ်လာပါတယ်။
၂၀၀၇ နိုဝင်ဘာ ၂၇ ရက်နေ့မှာ ကိုဝင်းမော် ဖမ်းဆီးခံရတယ်။ စစ်ကြောရေးကာလတွင်း ပြင်းပြင်းထန်ထန် နှိပ်စက်ခံရကာ ထောင်ဒဏ် ၁၄ နှစ် ချမှတ်ခံလိုက်ရပါတယ်။ အဲဒီနောက်မှာတော့ ရခိုင်ပြည်နယ်၊ သံတွဲထောင်ကို ပြောင်းရွှေ့ခံခဲ့ရပါတယ်။ တဖန် ၂၀၁၁ အတွင်းမှာ ကျောက်ဖြူထောင်ကို ထပ်မံ ပြောင်းရွှေ့ခံရပါတယ်
ဂစ်တာသမား၊ အနုပညာသမားတယောက်ရဲ့ စိတ်ဓာတ်ကတော့ ဖိနှိုပ်မှုကို ဆန့်ကျင်လို့ လွတ်လပ်မှုကို အမြဲ လိုလားနေဆဲပါ။
“ကိုဝင်းမော် တယောက် ဖခင်ကြီး၊ ချစ်တဲ့ဇနီး၊ သားသမီးများနဲ့ အမြန်ဆုံး ပြန်လည်ဆုံတွေ့နိုင်ပါစေ။”
-သားကြီး(AAPP)
ဇူလိုင် ၃၀၊ ၂၀၁၁
Friday, July 29, 2011
၁၉၇၅ ၇၆ ၇၇ ဘော့လုံး အသင်း တွေရဲ့ ခြေမမှီသေးတဲ့  မြန်မာ့ အသင်း
မြန်မာပရိသတ်ကြောင့် ကမ္ဘာ့ဖလားခြေစစ်ပွဲပျက် ရန်ပိုင် Thursday, 28 July 2011 19:32 (ပေးပို့ သူ ဗမာ့သွေး)
ကမ္ဘာဖလားခြေစစ်ပွဲ အတွက် မြန်မာနှင့် အိုမန်အသင်းတို့ ယနေ့ညနေက ရန်ကုန်မြို့ သုဝဏ္ဏကွင်းတွင် ယှဉ်ပြိုင်ရာ မြန်မာအသင်း ၂ ဂိုးရှုံးပြီးချိန်တွင် ပရိသတ်က ကွင်းအတွင်းသို့ ရေသန့်ဗူး၊ ပုလင်း၊ ခဲ၊ ချွန်ထက်သော အရာများနှင့် ပစ်ပေါက်သည့် အတွက် ပွဲပျက်သွားသည်။
ပွဲစပြီး ၂၁ မိနစ်တွင် အိုမန်အသင်းမှ ကျောနံပါတ် ၂၀ က အဖွင့်ဂိုးကို သွင်းယူလိုက်သည့် အတွက် အိုမန်က တဂိုးအသာဖြင့် ဦးဆောင်နေပြီး ၃၇ မိနစ်တွင် မြန်မာအသင်း ပင်နယ်တီ ပေးခံရသည်။
ပရိသတ် အားပေးသံများ ပိုမို ဆူညံလာပြီး မကြာမီ ကွင်းအတွင်းသို့ ပစ်ပေါက် တိုက်ခိုက်မှုများ ဖြစ်ပေါ်လာရာ လုံခြုံရေးတပ်ဖွဲ့ဝင်များက ထိန်းသိမ်းရန် ကြိုးစားခဲ့သော်လည်း မအောင်မြင်ခဲ့ပေ။
ကွင်း လေးဘက်လေးတန်ရှိ လုံခြုံရေး ရဲများကိုပါ ရေသန့်ဗူးများ၊ ထီးများ၊ ချွန်ထက်သော၊ မာကျော အရာများဖြင့် တိုက်ခိုက်ခဲ့ကြကြောင်း သိရသည်။
ထိုပစ်ပေါက်မှုကြောင့် အရန်ခုံတန်းတွင် ထိုင်နေသည် အိုမန်ဘောလုံးသမားတဦး၏ ဦးခေါင်းကို ထိခိုက်မိသွားသည်။ ဒိုင်လူကြီး၊ နှစ်ဘက် နည်းပြ တချို့ နှင့် လူ ၂၀ ခန့် ဒဏ်ရာ ရသွားကြောင်း The Voice ဂျာနယ် အင်တာနက်စာမျက်နှာရှိ သတင်းတပုဒ်တွင် ဖော်ပြထားသည်။ ဘောလုံးအဖွဲ့ချုပ် ဥက္ကဋ္ဌ ဦးဇော်ဇော်နှင့် တာဝန်ရှိသူများက တားမြစ်သော်လည်း ထိုပရိသတ်တို့က ဆက်လက် ပစ်ပေါက်တိုက်ခိုက်ခဲ့သည်ဟု သိရသည်။
ထိုသို့သော ဆူပူမှုများကြောင့် ကမ္ဘာဘောလုံးအဖွဲ့ချုပ်နှင့် အာရှဘောလုံးအဖွဲ့ချုပ်၏ အရေးယူခြင်းကို မြန်မာဘောလုံး အသင်းခံရဖွယ်ရှိသည်၊ မြန်မာဘောလုံးအသင်း အိမ်ကွင်း ကစားခွင့် ပိတ်ပင်ခံရဖွယ် ရှိသည့် အပြင် ဒဏ်ငွေပါ ပေးဆောင်ရနိုင်သည်ဟု ဦးဇော်ဇော်က The Voice ဂျာနယ်ကို ပြောသည်။
အိုမန်မြေပေါ်တွင် ပထမအကျော့ ကစားစဉ်က မြန်မာအသင်း၂ ဂိုး ဂိုးမရှိဖြင့် ရှုံးနိမ်ခဲ့ရသည့်အတွက် ယခု အိမ်ကွင်းတွင် ပရိသတ်၏ အားဖြင့် အနိုင်ကစားရန် မျှော်လင့်ထားပြီး ပရိသတ်များလည်း တခဲနက် အားပေးရန် နေ့လယ် ၁၂နာရီ ၀န်းကျင်ကပင် ကွင်းအတွင်း ၀င်ရောက် နေယူထားခဲ့ကြသည်။
ပရိသတ် ကွင်းလုံးပြည့်သွားသည်အပြင် ပွဲမစခင်ကတည်းကပင် လက်မှတ်အတုများ ပျံ့နေသည်အတွက် ကွင်းလျှံထွက်သွားသည်။ မီးရှုးစင်ပေါ်အထိ တက်ရောက်ကြည့်ရှု ပေးရသူများပင် ရှိခဲ့သည်။
မြန်မာအသင်း ကွင်းထဲသို့ ၀င်လာစဉ် ပရိသတ်က "မြန်မာ၊ မြန်မာ" ဟူသော ကြွေးကြော်သံများကို ကွင်းလုံးညံအောင် ဟစ်အော်ကာ နိုင်ငံတော်သီချင်းကို သီဆို အားပေးသံများဖြင့် ဆူညံနေသည်ကို မြန်မာ့ရုပ်မြင်သံကြား၏ တိုက်ရိုက်ထုတ်လွှင့်မှုတွင် တွေ့ရသည်။ ရုတ်ရုတ်သဲသဲဖြစ်ချိန်တွင် ရုပ်သံမှ တိုက်ရိုက်ထုတ်လွှင့်မှုများကို ရပ်လိုက်သည်။
ယခုအခါ အာရှဘောလုံးအဖွဲ့ချုပ် တာဝန်ရှိသူများက အိုမန်အသင်း အား အနိုင်ပေးလိုက်သဖြင့် အိုမန် အသင်းသည် နှစ်ပွဲပေါင်း ၄ဂိုးပြတ်ဖြင့် အနိုင်ရသွားပြီ ဖြစ်သည်။
Rest of your post
ထားဝယ်ရေနက်ဆိပ်ကမ်းစီမံကိန်း ဆက်မလုပ်ရန် KNU တားမြစ်
ကြာသပတေးနေ့၊ ဂျူလိုင်လ 28 ရက် 2011 ခုနှစ် ကေအိုင်စီ (ပေးပို့ သူ ဗမာ့သွေး)
ထားဝယ်ရေနက်ဆိပ်ကမ်းစီမံကိန်းနှင့် ဆက်သွယ် မည့် ထားဝယ်-ကန်ချနပူရီ အဝေးပြေးလမ်းဖောက် လုပ်နေ သည့် ဆောက်လုပ် ရေးလုပ်ငန်းကို ထို ဒေသတွင် လှုပ်ရှားနေသည့်ကရင်အမျိုးသားအစည်း အရုံး KNU မှ တားမြစ်ထားသည်ဟုသိရသည်။
၎င်းစီမံကိန်း၏ ဆောက်လုပ်ရေး အလုပ်သမားများကို KNU မှ ဇူလိုင်လ အစောပိုင်းက တားဆီး ထားခြင်းဖြစ်ပြီး Italian-Thai Development Company မှ ၎င်းတို့၏ လုပ်ငန်း ပြန်လည် စတင်ရန်အတွက် ဇူလိုင်လ ၁၆ရက်နေ့ တွင် KNU နှင့် တွေ့ဆုံဆွေးနွေး ခဲ့သည်။
ကရင်အမျိုးသား အစည်းအရုံး (KNU) အထွေထွေအတွင်းရေးမှူး နော်စီဖိုးရာစိန်က “ဒီစီမံကိန်းလုပ်ငန်း စလုပ်လာပြီးတော့လေ ကျမတို့အနေနဲ့ အဲဒီဒေသမှာရှိတဲ့ ဒေသခံတွေရဲ့ အိုးအိမ်ပြောင်းရွှေ့မှု၊ ပြီးတော့ သဘာဝပတ်ဝန်းကျင် ပျက်စီးမှု၊ နောက်တခုက လုံခြုံရေးအတွက် အဲဒီအချက် ၃ချက် မဖြစ်ပေါ်လာဖို့ တားဆီးသွားရမယ်။”ဟု ပြောသည်။
သို့သော် ထိုင်းဆောက်လုပ်ရေးတာဝန်ခံနှင့် တွေ့ဆုံဆွေးနွေးခဲ့သည့်အကြောင်း အသေးစိတ်ကို KNU အနေနှင့် ရှင်းပြခဲ့ခြင်း မရှိ ပေ။
အဆိုပါကားလမ်းတလျှောက်တွင် ကရင်ကျေးရွာ စုစုပေါင်း ၂၁ရွာရှိသည့်အနက် ၈ရွာမှာ ကေအဲန်ယူနှင့် အစိုးရတပ်တို့ တိုက်ခိုက် ကြသည့် ၁၉၉၇နောက်ပိုင်း ဒုက္ခသည်များအဖြစ် ထိုင်းနိုင်ငံသို့ပြောင်းရွှေ့နေထိုင်ကြရ ကြောင်း ထားဝယ်ရေနက်ဆိပ်ကမ်းနှင့် ပတ် သက်ပြီး အချက်အလက်စုဆောင်းနေသည့် Burma Issue (BI) အဖွဲ့က ပြောသည်။
ကျန်ရှိနေသည့် ကရင်ကျေးရွာ ၁၃ရွာမှ ကရင်ဒေသခံလူထုမှာ ခြံစိုက်ပျိုးခြင်း၊ တောင်ယာစိုက်ပျိုးခြင်းဖြင့် အဓိက အသက်မွေးဝမ်း ကြောင်းပြုလျှက်ရှိပြီး လက်ရှိအချိန်တွင် ပြောင်းရွှေ့နေထိုင်မှုများမရှိသေးကြောင်း လည်း BI က ပြောဆိုသည်။
ထားဝယ်-ကန်ချနပူရီသို့ ဆက်သွယ်သည့် ၆လမ်းသွားအဝေးပြေးလမ်းမကြီးတစ်လျှောက်သည်ကရင်အမျိုးသား အစည်းအရုံး (KNU) လှုပ်ရှားနေသည့်နယ်မြေ ဖြစ်သည်။
ထားဝယ်ရေနက်ဆိပ်ကမ်း စီမံကိန်းဧရိယာရှိ နဘုလဲကျေးရွာ အပါအဝင် ရွာပေါင်း ၇ရွာ ပြောင်းရွှေ့ရမည်ဖြစ်ပြီး သို့သော် လက်ရှိ မှာ ကုမ္ပဏီမှ စာရင်းကောက်ယူထားပြီးဖြစ်ကြောင်း တစုံတရာ လုပ်ဆောင်ခြင်းမျိုးမရှိသေး ကြောင်း ပြောသည်။
ထားဝယ်ရေနက်ဆိပ်ကမ်းစီမံကိန်းကို ထိုင်းနိုင်ငံ၊ ဘန်ကောက်အခြေစိုက် Italian-Thai Development က ထိုင်းဘတ်ငွေသန်း (ဘီလီယံ) ၄၀၀ကျော် ရင်းနှီးမြုပ်နှံမည်ဖြစ်သည်။
အဆိုပါစီမံကိန်းတွင် ထားဝယ်ရေနက်ဆိပ်ကမ်း တည်ဆောက်ရေး၊ သင်္ဘောတည်ဆောက်ရေးနှင့် ပြုပြင် ထိန်းသိမ်းရေးလုပ်ငန်းများ အတွက် အဆောက်အအုံများနှင့် စက်မှုဇုံနယ်မြေများ တည်ဆောက်ခြင်း၊ရေနံ ဓာတုဆိုင်ရာ စက်မှုလုပ်ငန်းများ ထူထောင်ခြင်း၊ ရေနံချက်စက်ရုံ တည်ဆောက်ခြင်း၊ သံမဏိစက်ရုံ၊လျှပ်စစ် စက်ရုံများ တည်ဆောက်ခြင်း၊ ထားဝယ်-ဘန်ကောက်ကားလမ်းနှင့် ရထားလမ်းဖောက်လုပ်ခြင်း၊ ကားလမ်းနှင့် ရထားလမ်းတစ်လျှောက် ရေနံပိုက်လိုင်းသွယ်တန်းခြင်းလုပ်ငန်းများ ပါဝင်သည်။
ထားဝယ်ရေနက်ဆိပ်ကမ်း စီမံကိန်းမှာ တနင်္သာရီတိုင်းဒေသကြီး၊ ထားဝယ်မြို့နယ်အတွင်း၌ တည်ရှိပြီးချဉ်းကပ် ရေကြောင်းလမ်း၏ အနိမ့်ဆုံးရေအနက် (LAD)-၁၅မီတာရှိ ဒီရေအမြင့် ကွာခြားချက် ၅မီတာရှိ GMSနှင့် BIMSTIC နိုင်ငံများ၏ ပင်လယ်ရေကြောင်း ကုန်သွယ်မှုတွင် အချိန်နှင့်ကုန်ကျစရိတ် လျော့ချနိုင်မည်ဆိပ်ကမ်း တွင် DWT ၅၀၀၀၀ရှိ ရေယာဉ်များ ဆိုက်ကပ်နိုင်မည့် ရေနက် ဆိပ်ကမ်းဝန်ဆောင်မှုအပြင် နယ်စပ်ဖြတ်ကျော် အဝေးပြေးလမ်းမများနှင့် စက်မှုကုန်ထုတ်နယ်မြေများ ပါဝင်သည်။
Rest of your post
ရှမ်းပြည်တောင်ပိုင်း တပ်များက အစိုးရ စစ်ယာဉ်တန်းကို ခြုံခိုတိုက်
ကြာသပတေးနေ့၊ ဂျူလိုင်လ 28 ရက် 2011 ခုနှစ် ကွန်းချမ်း (ပေးပို့ သူ ဗမာ့သွေး)
ချင်းမိုင် (မဇ္ဈိမ) ။ ။ ရှမ်းပြည်တိုးတက်ရေးပါတီ SSPP ဌာနချုပ်ကို ပိတ်ဆို့ဝန်းရံထားသည့် အစိုးရ တပ်ကို စစ်ကူပေးရန်လာသော စစ်ယာဉ်တန်း တခုကို ရှမ်းပြည်တပ်မတော် တောင်ပိုင်း SSA-Sက ဗုဒ္ဓဟူးနေ့တွင် ခြုံခို တိုက်ခိုက်ခဲ့ကြောင်း SSA-S ပြောခွင့်ရ ဗိုလ်မှူးစိုင်းလောင်ဆိုင်က ပြောသည်။
“ စစ်ရေးအရ တဖက်နဲ့ တဘက် ကူညီတဲ့ သဘောမျိုး သက်ရောက်ပါတယ်။ ရှေ့တန်းတိုက်ပွဲမှာ တိုက်ရိုက်အကူအညီ မပေးနိုင်တာတောင်မှ ကျနော်တို့ ရှိနေတဲ့ ဒေသတဝိုက်မှာ ကျနော်တို့ ရန်သူတွေကို တိုက်ခိုက်ခြင်း အားဖြင့် လက်ရှိ ဖြစ်နေတဲ့ စစ်မျက်နှာပြင်တွေကို ကျနော်တို့ အကူအညီပေးခြင်း ဖြစ်ပါတယ်” ဟုဗိုလ်မှူး စိုင်းလောင် ဆိုင်က မဇ္ဈိမကို ပြောသည်။
ရှမ်းပြည်တပ်မတော်-တောင်ပိုင်းက မဟာမိတ်အဖွဲ့ဖြစ်သော ရှမ်းပြည်တပ်မတော်-မြောက်ပိုင်းဟုလည်း ခေါ်တွင်သည့် ဗဟိုအစိုးရ၏ ပစ်မှတ်ထား တိုက်ခိုက်ခံနေရသော အဖွဲ့ကို ကူညီမှုဟုရည်ညွှန်း ပြောဆိုလိုက်ခြင်း ဖြစ်သည်။
SSPP ပြောရေးဆိုခွင့် ရှိသူ ဗိုလ်မှူးစိုင်းလှကလည်း SSA-S ၏ ခြုံခို တိုက်ခိုက်မှုသည် SSPP ကို စစ်ရေးအရ တနည်းတလမ်းဖြင့် အကူအညီပေးခြင်း ဖြစ်ကြောင်း သဘောတူညီသည်။
SSPP ဝမ်ဟိုင်းဌာနချူပ် တောင်ဘက် ၁ဝ မိုင်အကွာရှိ ဝမ်ကျိန်းကျေးရွာအုပ်စုအတွင်း ၁ဝ မိနစ်ကြာ ဖြစ်ပွားသည့် ခြုံခို တိုက်ခိုက်မှုကြောင့် မိုင်းနောင်မြို့ အခြေစိုက် စကခ ၂ လက်အောက်ခံ ခမရ ၅၇၇ မှ ဗိုလ်မှူးကြီး ဝင်းညွန့်နှင့် တပ်ကြပ်တဦး၊ တပ်သားတဦး ဒဏ်ရာ ရရှိခဲ့ကြောင်း ဗိုလ်မှူးစိုင်းလောင်ဆိုင်က ပြောသည်။
သို့သော်လည်း မဇ္ဇျိမအနေနှင့် သီးခြားအတည်ပြုချက် မရရှိနိုင်ပါ။
ထိုနေ့တွင်ပင် ထော်လာဂျီကား ၅ စီးကို ချောဆွဲပြီး မိုင်းတုံတပ်စခန်းသို့ ရိက္ခာပို့သည့် ခမရ ၃၂၅ တပ်ကို SSPP ၏ စစ်တပ် ရှမ်းပြည်တပ်မတော် (မြောက်ပိုင်း) တပ်က ၂ ကြိမ် ခြုံခို တိုက်ခိုက်ခဲ့သည်ဟု ဗိုလ်မှူးစိုင်းလှက ပြောသည်။
ပထမအကြိမ် တိုက်ခိုက်မှုတွင် တပ်သား တဦး ကျဆုံးပြီး၊ တပ်ကြပ်တဦး၊ ဒု တပ်ကြပ်တဦး အပါအဝင် ၅ ဦး ဒဏ်ရာ ရရှိကာ ဒုတိယအကြိမ် တိုက်ခိုက်မှုတွင် ဒဏ်ရာရသူ အများအပြား ရှိသော်လည်း စာရင်းအတိအကျ မသိရသေးကြောင်း သူက ပြောသည်။
ဇူလိုင်လ ၁၁ ရက်မှစ၍ အစိုးရတပ်က SSPP ၏ စစ်တပ် ရှမ်းပြည်တပ်မတော် (မြောက်ပိုင်း) တပ်များကို ထိုးစစ်ဆင် တိုက်ခိုက်ခဲ့ရာမှ ၁၈ ရက်ထိ တိုက်ပွဲများ ဖြစ်ပွားခဲ့ပြီး ဒေသအတွင်းရှိ ရွာပေါင်း ၂ဝ ကျော်မှ အထက်တန်းကျောင်းခွဲ တကျောင်း၊ ပရဟိတတကျောင်းနှင့် မူလတန်း ၁၃ ကျောင်းမှ ကျောင်းသူ ကျောင်းသား တထောင်ကျော် ယနေ့တိုင်
ကျောင်း မတက်နိုင်ဘဲ လုံခြုံရာသို့ တိမ်းရှောင်နေရပြီး စာသင်ကျောင်းများကို ပိတ်ထားခဲ့ရသည်။
လက်ရှိတွင် ဝမ်ဟိုင်းဌာနချုပ် အရှေ့တောင်ပိုင်း ၃ မိုင်အကွာ၊ အနောက်ဘက် ၅ မိုင်အကွာတွင် အစိုးရတပ်များ ရောက်ရှိနေပြီး SSPP ဒေသဝန်းကျင်တွင် တပ်ရင်း ၂ဝ ခန့် တပ်စွဲထားသော်လည်း စခန်းသိမ်း ထိုးစစ်ဆင်မှု မဖြစ်ပွားသေးကြောင်း SSPP က ပြောသည်။
တနင်္လာနေ့က အစိုးရတပ်က ဒေသခံ သံဃာတော် ၂ ပါးကို ဝမ်ဟိုင်းဌာနချုပ်သို့ စေလွှတ်ပြီး ငြိမ်းချမ်းရေး ဆွေးနွေးရန် ကမ်းလှမ်းလာသော်လည်း ပြည့်စုံ လုံလောက်သည့် ကမ်းလှမ်းခြင်း မဟုတ်ဟုဆိုကာ SSPP က လက်မခံခဲ့ပေ။
Rest of your post
မြန်မာစစ်တပ်အား စုပေါင်းတိုက်ခိုက်ရန် UNFC တိုက်တွန်း
ကြာသပတေးနေ့၊ ဂျူလိုင်လ 28 ရက် 2011 ခုနှစ် သျှမ်းသံတော်ဆင့် (ပေးပို့ သူ ဗမာ့သွေး)
ညီညွတ်သောတိုင်းရင်းသားလူမျိုးများဖက်ဒရယ် ကောင်စီ UNFC သည် အဖွဲ့ဝင် တိုင်းရင်းသား လက်နက်ကိုင်တပ်ဖွဲ့ နယ်မြေ အတွင်းဝင်ရောက် တပ်စွဲစခန်းချထားသည့် မြန်မာစစ်တပ်အားတစည်း တလုံးတည်း ဝိုင်းဝန်းတိုက်ခိုက်ကြရန် ယမန်နေ့က တိုက် တွန်းလိုက်ပါသည်။
“စစ်အုပ်စုကို ကျနော်တို့ တဖွဲ့ချင်း တိုက်နေလို့ အရာထင်မှာမဟုတ်ဘူး။ အချို့လဲ အရှိန်မြင့် တိုက်နေတယ်။ တချို့လဲ အရှိန်မြင့် တိုက်လို့မရတဲ့အခြေအနေမှာရှိတယ်။ ဒီတော့ နိုင်ငံရေးနဲ့ဘဲတိုက်တိုက်၊ စစ်ရေးနဲ့ဘဲ တိုက်တိုက် UNFC တဖွဲ့လုံး စည်းစည်းလုံး လုံးနဲ့ တချိန်ထဲ ထတိုက်မှဘဲ ရတော့မယ်။ ဒီအတွက် ကျနော်တို့ UNFC အနေနဲ့ ဆုံးဖြတ်ချက် တခု တော့ အမြန်ဆုံးရှိမှ ရတော့ မယ်” ဟု သျှမ်းပြည်တပ်မတော် SSPP/SSA ဒုတိယအတွင်းရေးမှူး ဗိုလ်မှူးကြီးစိုင်းထူးက သျှမ်းသံတော်ဆင့်သို့ပြောသည်။
ဂျူလိုင်လ ၂၇ ရက်ထုတ် အဆိုပါ နိုးဆော်စာ၌ UNFC ဒုတိယဥက္ကဌ အေဘယ်လ်တွိဒ် လက်မှတ်ရေးထိုး ထားပြီး ဦးသိန်းစိန်အစိုးရ ၏ ထိုးစစ် စစ်ဆင်တိုက်ခိုက်မှု ဦးတည်စီမံချက်မှာ စတုတ္ထဗမာ အင်ပါယာတည် ဆောက်ကာ တိုင်းရင်းသားများအား ဆက်လက် ကျွန်ပြုဖိနှိပ်သတ်ဖြတ်သွားမည်ဖြစ်ကြောင်း ပါရှိ၏။ ထို့အတွက် UNFC ၏ နိုင်ငံရေးဦးတည်ချက် မှာ ဖက်ဒရယ်ပြည်ထောင်စု တည်ဆောက်ရေးနှင့်တိုင်းရင်းသား လူမျိုးတိုင်းတန်းတူရေး၊ ကိုယ်ပိုင်ပြဌာန်းခွင့်အပြည့် အဝရရှိရေးတို့ပင်ဖြစ်သည် - ဟု ဆိုသည်။
“ဗမာအစိုးရ အဆက်ဆက်က တိုင်းရင်းသားအရေးတွေကို နိုင်ငံရေးနည်းနဲ့ ဖြေရှင်းဖို့ လက်ခံချင်းမရှိ၊ အမြဲ ပယ်ချ ခံရ တယ်။ အခု သမ္မတ ဦးသိန်းစိန်ခေတ်မှာလဲ နိုင်ငံရေးနည်းနဲ့တိုင်းရင်းသားပြဿနာတွေကိုဖြေရှင်း မဲ့အစား စစ်ရေးနည်း နဲ့သာ ဖြေရှင်းလိုတဲ့ သဘောထားတွေ ရှိနေတယ်၊တိုင်းရင်းသားလက်နက် ကိုင်တပ်ဖွဲ့ နယ်မြေတွေမှာ တပ်တွေတိုးချဲ့ တည်ဆောက်၊ ထိုးစစ်တွေတိုးပွား လုပ်ဆောင်လာနေတယ်” - ဟု ပါရှိပါသည်။
ထို့အပြင် နိုးဆော်စာ၌ UNFC ၏ နိုင်ငံရေးဦးတည်ချက်ပန်းတိုင်သို့ မရောက် ရောက်အောင် မိမိနယ်မြေ ပေါ်တွင် စခန်းချ နေ ထိုင်ခြင်းနှင့် ထိုးစစ်၊ စစ်ဆင်နေသော ဦးသိန်းစိန်အစိုးရ၏ စစ်တပ်များကိုတညီတညွတ် တည်း ဝိုင်းဝန်းတိုက်ခိုက်သွားရန် - လည်း ဖေါ်ပြထားပါသည်။
ထိုင်းနယ်စပ်နေ သျှမ်းခေါင်းဆောင် တဦးက - UNFC အနေဖြင့်မည်မျှတိုက်တွန်းနေပါစေ၊ ပြည်ထောင်စု တပ်မတော် မပေါ်ထွန်း လာသ၍၊ စစ်မိန့်ပေးမယ့် ဗဟိုစစ်ဦးစီးချုပ်တခုတည်းမရှိသေးသ၍ထိရောက်မည်ဟုတ် ကြောင်း သုံးသပ်ပါသည်။
ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ UNFC သည် လက်နက်ကိုင်တိုင်းရင်းသားတပ်ဖွဲ့ များစုပေါင်း ဖွဲ့စည်းထားပြီး ပြည်ထောင်စုတပ်မတော် ပေါ်ထွန်းလာဖို့ရန်လည်း စိုင်းပြင်းနေသည်။
UNFC တွင်ပါဝင်သော တိုင်းရင်းသားလက်နက်ကိုင်တပ်ဖွဲ့ ၆ ဖွဲ့မှာ ချင်းအမျိုးသားတပ်ဦးCNF ၊ ကချင် လွတ်လပ်ရေးအဖွဲ့ချုပ် KIO ၊ ကရင်နီ အမျိုး သား တိုးတက်ရေးပါတီ KNPP ၊ကရင်အမျိုးသား အစည်းအရုံး KNU ၊ မွန်ပြည်သစ်ပါတီNMSP၊ သျှမ်းပြည်တိုးတက် ရေးပါတီ- သျှမ်းပြည်တပ်မတော် SSPP/SSA တို့ဖြစ် ကြသည်။
Rest of your post
ကလေးများ စစ်တပ်ထဲရောင်းစားသူ တရားစွဲခံရ
ရန်ပိုင် Thursday, 28 July 2011 18:42 (ပေးပို့ သူ ဗမာ့သွေး)
အသက် မပြည့်သေးသည့် ကလေး ၂ ယောက်ကို လိမ်လည် ခေါ်ဆောင်ပြီး စစ်တပ်သို့ ရောင်းစားသည့် အမျိုးသမီးတဦးကို ကလေးမိဘများက ပြည်မြို့နယ် တရားရုံးတွင် လူကုန်ကူးမှုဖြင့် အမှုဖွင့် တရားစွဲဆိုထားသည်။
ပြီးခဲ့သည့် ဇူလိုင်လ ၁၀ နေ့က ခေတ္တရာမြို့သစ် ရွှေတံခါးရပ်ကွက်ရှိ ကုလသမဂ္ဂ ကလေးသူငယ်ဖွံဖြိုးရေး အစီအစဉ် (Unicef) မှ ဖွင့်လှစ်သည့် ကျောင်းရှိ မောင်ချစ်သဲကို (အသက် ၁၅နှစ်) နှင့် သူငယ်ချင်းဖြစ်သူ မမိုးမိုးခိုင် (အသက် ၁၄ နှစ်) တို့အား အိမ်နီးချင်းဖြစ်သည့် ဒေါ်မြင့်မြင်ချိုက နေပြည်တော်၌ အလုပ်ရမည်ဆိုကာ ခေါ်ဆောင်၍ ရန်ကုန်တိုင်း လှည်းကူးမြို့နယ်ရှိ အမှတ် (၆၀၅) အမြောက်တပ်ရင်းသို့ ပို့ဆောင် ရောင်းစားခဲ့ကြောင်း မိခင်ဖြစ်သူ ဒေါ်သန်းသန်းချိုက ပြောသည်။
“သားက အလုပ်ရမယ်ဆိုလို လိုက်သွားတာ။ စစ်တပ်ထဲဆိုတော့ မနေနိုင်ဘူးဆိုပြီး မိဘကို အတင်းပြန်ခေါ်ခိုင်းလို့ သွားခေါ်တော့မှ ဒီအမျိုးသမီးက လိမ်ခေါ်ပြီး ရောင်းစားတာကို သိရတာ” ဟု ၎င်းက ပြောသည်။
အမှတ် (၆၀၅) တပ်ရင်းက ဒေါ်မြင့်မြင်ချိုအား တပ်သားသစ် ပို့ဆောင်သည့်အတွက် ငွေကျပ် ၁ သိန်း ပေးသည်ဟု သိရကြောင်း၊ သို့သော် တပ်ရင်း တာဝန်ရှိသူများက ကလေးကို မိဘများလက်သို့ ပြန်လည်လွှဲပြောင်းပေးခဲ့ကြောင်း မိခင်ဖြစ်သူ ဒေါ်သန်းသန်းချိုက ပြောသည်။
အလားတူ ပြည်မြို့ ရွာဘဲနယ်မြေ မင်္ဂလာဦး ရပ်ကွက်အတွင်း နေထိုင်သည့် မောင်ကောင်းထက်မောင်ကိုလည်း အဆိုပါတပ်သို့ပင် ဒေါ်မြင့်မြင့်ချိုက သွားရောက် ပို့ဆောင်ခဲ့သေးကြောင်း သိရသည်။
အဆိုပါ အဖြစ်အပျက်နှင့် ပတ်သက်၍ လှည်းကူးမြို့နယ်ရှိ အမြောက်တပ်ရင်း (၆၀၅) သို့ ဧရာဝတီက ဆက်သွယ်သော်လည်း ဆက်သွယ်၍ မရပေ။
အသက် ၁၄ နှစ် အရွယ်ရှိ မမိုးမိုးခိုင်ကိုမူ ဒေါ်မြင့်မြင့်ချိုက တပ်ကြပ်ကြီးတဦး၏ ဇနီးဖြစ်သူ မစိုးစိုးဦး မှတဆင့် ရန်ကုန်မြို့ မြောက်ဥက္ကလာပရှိ ၀ါဝါ၀င်းစားသောက်ဆိုင်သို့ ပို့ဆောင်ခဲ့ကြောင်း သိရသည်။
အဆိုပါ ကလေးနှစ်ဦးမှာ Unicef နှင့် မြန်မာနိုင်ငံ ခရစ်ယာန်များကောင်စီတို့ ပူးပေါင်းကာ ကျောင်းမနေနိုင်သည့် ကလေးသူငယ်များအား အသက်မွေးဝမ်းကျောင်းပညာကိုပါ တွဲဖက်သင်ကြားပေးနေသည့် ကျောင်းဖြစ်သည်။
အဆိုပါ အမှုကို Unicef ၏ အကူအညီဖြင့်ပင် ပြည်မြို့တွင် ဖွင့်လှစ်ထားသည့် ပြစ်မှုကျူးလွန် အစော်ကားခံရသည့် ကလေးသူငယ်များအား တရားဥပဒေအရ ကာကွယ်စောင့်ရှောက်ရေး အဖွဲ့ဖြစ်သည့် Legal Aid ဆိုသည့်အဖွဲ့က လိုက်ပါ ဆောင်ရွက်ပေးနေသည်ဟု သိရသည်။
စစ်သားအဖြစ် ရောင်းစားခံရသည့် မောင်ချစ်သဲကို၏ မိခင် ဒေါ်သန်းသန်းချိုက နောင်တွင် ကလေးများ လူကုန်ကူးခြင်း မခံရစေရန် တရားဥပဒေအရ အရေးယူပေးစေရေး ယခုကဲ့သို့ အမှုဖွင့်ရခြင်းဖြစ်သည်ဟု ဆိုသည်။
အဆိုပါ အမှုတွင် လိုက်ပါဆောင်ရွက်ပေးနေသည့် လူအခွင့်အရေးလှုပ်ရှားသူ တဦးကလည်း ယခုအခါ ပြည်မြို့တွင် စီးပွားရေး အခြေအနေအရ ကျောင်းမနေနိုင်သည့် လက်လုပ်လက်စား ကလေးသူငယ်များကို စစ်တပ်အတွင်းသို့ ရောင်းစားမှုများ ပိုမို များပြားလာကြောင်း၊ ယခုအမှုများနှင့် ပတ်သက်၍ နေပြည်တော်ရှိ လူကုန်ကူးမှု တိုက်ဖျက်ရေး အဖွဲ့သို့လည်း တိုင်ကြားထားကြောင်း သိရသည်။
Rest of your post
မြန်မာကလေးငယ် ၈ ဦးကို လူကုန်ကူးဂိုဏ်းမှ ထိုင်းရဲ ကယ်ဆယ်
Wednesday, 27 July 2011 10:22 The Nation မောက္ခသတင်း (ပေးပို့ သူ ဗမာ့သွေး)
ချင်းမိုင်မြို့ မူအန်နယ်မြေရှိ ငှါးရမ်းထားသော အခန်းတစ်ခန်းကို ထိုင်းရဲမှ ၀င်ရောက်စစ်ဆေးပြီး အသက် ၃ နှစ်မှ ၁၄ နှစ် အရွယ် ကလေးငယ်များကို မြန်မာ လူကုန်ကူးသူ ၃ ဦး လက်မှ ကယ်တင်နိုင်ခဲ့သည်။
ကလေးငယ်များကို လမ်းမကြီးများပေါ်တွင် တောင်းရမ်းခိုင်းပြီး နေ့စဉ် ဘတ်ငွေ ၅၀၀ မရှာပေးနိုင်ပါက နှိပ်စက် ခံကြရသည်ဟုလည်း သတင်းရရှိသည်။
ပြည်နယ်ရဲချုပ် ဒုဗိုလ်ချုပ် ချိုင်ယသီရိအမ်ပမ်ကာက ဖမ်းဆီး ထားမိသူတို့မှာ မြန်မာ အမျိုးသား တင်ဝင်း (အသက် ၅၇ နှစ်) နှင့် မြန်မာ အမျိုးသမီး ၂ ဦး၊ ချွေကြီး (၅၄ နှစ်) နှင့် မချို (၄၇ နှစ်) တို့ဖြစ်ကြောင့် ပြောပြခဲ့သည်။
ယခင်က အသက် ၁၄ နှစ်နှင့် အသက် ၁၆ နှစ် အရွယ် မိန်းကလေးငယ် ၂ ဦးတို့မှာ နှိပ်စက်ခံခဲ့ရပြီး ထွက်ပြေး လွတ်မြောက် ခဲ့ကြသည်။ သူတို့က ရဲဖက်သို့ ပြောပြခဲ့ရာတွင် သူတို့နှင့် အခြားသော ကလေးငယ်များကို အတင်းအဓမ္မ တောင်းရမ်း ခိုင်းစေခဲ့ကြပြီး မိန်းကလေးငယ် ၂ ဦးမှာ ဂိုဏ်းခေါင်းဆောင်၏ လိင်ပိုင်းဆိုင်ရာ စော်ကားမှုကို ခံခဲ့ကြရသည်။
ရဲချုပ်က ပြောကြားရာတွင် ဤလူကုန်ကူးဂိုဏ်းမှာ မယ်ဆိုင်မြို့၊ ချင်းရိုင်ခရိုင် တဖက်ခြမ်းတွင် နေထိုင်ကြသည့် ကရင်နှင့် မြန်မာ မိသားစုများမှ ကလေးငယ်များကို ခိုးယူခြင်း၊ ဖြားယောင်းသွေးဆောင်ခြင်းတို့ကို ပြုလုပ်ခဲ့သည်ဟု ဆိုသည်။
ကလေးငယ်များကို ချင်းမိုင်မြို့တွင် နေထိုင်စေပြီး ထိုင်းစကား ပြောသင်ပေးပြီး အ၀တ်နွမ်းများ ၀တ်ဆင်ပေးကာ လမ်းမပေါ်တွင် ငွေတောင်းရမ်းရန် စေခိုင်းခဲ့ကြသည်။ ကလေးတစ်ဦးချင်းမှ နေ့စဉ် ဘတ်ငွေ ၅၀၀ မတောင်းရမ်းနိုင်ပါက ရိုက်နှက်ခံကြရသည်။ တင်ဝင်းဆိုသူက မိန်းကလေးငယ်များကို လိင်ပိုင်းဆိုင်ရာ စော်ကားကြောင်း ရဲချုပ်က ရှင်းပြခဲ့သည်။
ရဲဖက်က ဆက်လက် စစ်ဆေးနေပြီး အခန်းသို့ မရောက်မီ အပြင်ထွက်သွားကြသော အခြားကလေးငယ် ၁၀ ဦးကိုလည်း ကယ်တင်ရဦးမည်ဖြစ်သည်။ အဖမ်းခံထားရသည့် ၃ ဦးမှာ လူကုန်ကူးမှု၊ တရားမ၀င် ၀င်ရောက်မှုတို့ အပြင် တင်ဝင်းမှာ အသက် ၁၅ နှစ်အောက် ကလေးများကို လိင်ပိုင်းဆိုင်ရာ စော်ကားမှုတို့ဖြင့်လည်း ရုံးတင်ခံရမည်ဖြစ်သည်။
Rest of your post
ဒေါ်စု တရားစခန်း ဝင်မည်
မျိုးသန့် | ကြာသပတေးနေ့၊ ဇူလိုင်လ ၂၈ ရက် ၂၀၁၁ ခုနှစ် ၁၅ နာရီ ၂၆ မိနစ်
ချင်းမိုင်(မဇ္ဈိမ) ။ ။ အမျိုးသား ဒီမိုကရေစီ အဖွဲ့ချုပ် NLD ၏ အထွေထွေ အတွင်းရေးမှူး ဒေါ်အောင်ဆန်းစုကြည် သည် သောကြာနေ့မှစ၍ တရားစခန်း ၃ ရက်ဝင်မည် ဖြစ်ကြောင်း NLD ရုံးအဖွဲ့မှူး ဦးဝင်းထိန်က ပြောသည်။
“ မနက်ဖြန်ကစပြီး တရားစခန်း ၃ ရက်ဝင်မယ်
ရွှေတောင်ကုန်း ပဏ္ဍိတရာမ ကျောင်းမှာ ” ဟု မဇ္ဈိမကို ပြောသည်။
ဦးဝင်းထိန်က ဒေါ်အောင်ဆန်းစုကြည် တရားအားထုတ်မည့် တရားစခန်းကို ပြောရန် ငြင်းဆိုသော်လည်း ရန်ကုန် ၁၀ မိုင်ကုန်းရှိ ကျောင်းတိုက်တွင် စခန်းဝင်မည်ဟု ယုံကြည်ရသည်။
ပဲခူးမြို့တွင်လည်း ရွှေတောင်ကုန်း ပဏ္ဍိတရာမ ကျောင်းတိုက် ရှိသည်။
ဒေါ်အောင်ဆန်းစုကြည် ၂ဝ၁ဝ နိုဝင်ဘာ ၁၃ ရက်နေ့ နေအိမ်အကျယ်ချုပ်မှ ပြန်လွတ်လာပြီးနောက် တလပြည့် အထိမ်းအမှတ်အဖြစ် ရန်ကုန် ၁၀ မိုင်ကုန်းရှိ
ရွှေတောင်ကုန်း ပဏ္ဍိတရာမ သံဃာတော်များကို ဆွမ်းကပ်လှူခဲ့ဖူးသည်။
Rest of your post
မြေသိမ်းမှုကြောင့် ရှမ်းတိုက်ပွဲများဖြစ်ရ
ကိုပေါက် | ကြာသပတေးနေ့၊ ဇူလိုင်လ ၂၈ ရက် ၂၀၁၁ ခုနှစ် ၁၆ နာရီ ၅၂ မိနစ် (ပေးပို့ သူ ဗမာ့သွေး)
နယူးဒေလီ (မဇ္ဈိမ) ။ ။ ရှမ်းပြည်နယ်အတွင်း အစိုးရနှင့် ရှမ်းလက်နက်ကိုင် တပ်များ အကြား တိုက်ပွဲများ
ဖြစ်ပွားနေရခြင်းမှာ အာဏာပိုင်များက ဒေသခံများ၏ လယ်မြေ မတရား သိမ်းပိုက်မှုများကြောင့်သာ ဖြစ်နိုင်ကြောင်း ရှမ်းတိုင်းရင်းသားသား ဒီမိုကရက်တစ်ပါတီ SNDP မှ ဦးစောယွန်းပိုင်က ပြောသည်။
“မကျေနပ်မှုတွေကတော့ ရှိနေကြမှာပဲလေ။ အဲဒီကနေ ပေါက်ကွဲတာပေါ့။ နယ်မြေ အသိမ်းခံရတယ်ဆိုတော့လည်း ဘယ်သူ ကျေနပ်မလဲဗျာ။ ပိုင်ရှင်က တောဘက်က အဖွဲ့အစည်းတွေကို သွားတိုင်မှာပေါ့ဗျာ။ ရန်ငြိုးရန်စကတော့ အဲဒီက စတာ ဖြစ်မှာပါ။ အလကားနေရင်းသက်သက်တော့ ဒီကိစ္စ မဖြစ်ပါဘူးဗျ။ အဲတော့ ကြုံရင်ကြုံသလို ချကြတာပေါ့” SNDP တောင်ပိုင်း ဥက္ကဋ္ဌ ဦးစောယွန်းပိုင်က ပြောသည်။
၂ဝ၁ဝ ရွေးကောက်ပွဲပြီး နောက်ပိုင်းတွင် ရှမ်းပြည်နယ်အတွင်း မတရားမှုများ ဖြစ်ပေါ်ပါက SNDP ပါတီအား တိုင်ကြားနိုင်ကြောင်း မြို့နယ်လွှတ်တော်ကိုယ်စားလှယ်များမှတဆင့် ဆောင်ရွက်လာခဲ့ရာ မိုင်းကိုင်၊ ကျေးသီး၊ နမ့်ဆန်နှင့် ခိုလမ်မြို့နယ်များမှ တိုင်ကြားစာများအား စီစစ်လက်ခံရရှိထားသည်။
တိုင်ကြားစာအများစုမှာ အစိုးရတပ်မှ လယ်မြေများ မတရား သိမ်းပိုက်ထားမှုများ ဖြစ်ကြောင်း ဦးစောယွန်းပိုင်က “ခိုလမ်ဘက်မှာ မီးရထားလမ်းဖြတ်မှာ မလွတ်လို့ဆိုပြီး လိုတာက နည်းနည်း သိမ်းလိုက်တာက အများကြီးပေါ့။ ပေ ၁ဝဝ လောက် လိုတာကို ပေ ၅ဝဝ လောက် အလွန်အကျွံ သိမ်းပစ်တာပေါ့။ လယ်စိုက်တဲ့နေရာတွေကို လိုက်သိမ်းတာမျိုး ရှိတယ်” ဟု ဥပမာတခု ထုတ်ပြ ပြောဆိုသည်။
ကျေးသီးမြို့နယ်တွင် ကျောက်မီးသွေးတွင်း အတွက် လယ်တဧကလျှင် လျော်ကြေး ၂၄ဝ၁၈ ကျပ်ဖြင့် လယ်မြေများ သိမ်းယူမှုနှင့် နမ်ဆန်မြို့နယ်တွင်လည်း အလားတူ မြေသိမ်းမှုများ ဖြစ်ခဲ့ပြီး မိုင်းကိုင်မြို့နယ်မှ ထော်လာဂျီတစီးအား တပ်မှ ချောစွဲထားစဉ် တောထဲ၌ မီးလောင်ကျွမ်းပြီး ယာဉ်မောင်း သေဆုံးခဲ့ရမှု စသည့် မတရားမှုများအား စီစစ် လက်ခံ ရရှိထားကြောင်း သိရသည်။
အဆိုပါ တိုင်ကြားစာများနှင့် ပတ်သက်၍ “တချို့ကိစ္စကို ပြည်နယ်လွှတ်တော်မှာ တယ်ပြမယ်၊ တချို့ကိစ္စကျ
ပြည်ထောင်စု လွှတ်တော်မှာ တင်ပြမယ်၊ တချို့ကို ILO နဲ့ ညှိနှိုင်းမယ်။ တချို့ကိစ္စလေးတွေ NGO နဲ့ ညှိနှိုင်းမယ်” ဟု SNDP ဘဏ္ဍာရေးမှူး ဦးစောသန်းမြင့်က မဇ္ဈိမကို ပြောသည်။
ပြည်နယ် ဝန်ကြီးချုပ်အားလည်း တပါတည်း တိုင်ကြားခြင်း ဖြစ်သည်။ အနယ်နယ်မှ တိုင်ကြားမှုများ များပြားသော်
လည်း ခိုင်လုံသည့် သက်သေ အထောက်အထား ရှိသည့် တိုင်ကြားစာများကိုသာ တောင်ကြီး SNDP ရုံးက လက်ခံထားကြောင်း သိရသည်။
၂ဝ၁ဝ ရွေးကောက်ပွဲတွင် မဲဆန္ဒနယ် ၅၇ နေရာ အနိုင်ရရှိထားသော SNDP ပါတီသည် ရှမ်းပြည်နယ် အစိုးရ
တွင်လည်း ဝန်ကြီး ၂ နေရာ ရရှိထားသည်။
ရှမ်းပြည်နယ်အတွင်း ဇူလိုင်လ ဒုတိယအပတ် အတွင်းမှ ပြန်လည် ဖြစ်ပွားနေသော တိုက်ပွဲများမှာ မြေယာများ အဓမ္မသိမ်းယူရာမှ ဖြစ်ပွားရသည့် အလျောက် နှစ်ရှည် အထိန်းသိမ်းခံနေရသော ဦးခွန်ထွန်းဦး၊ စဝ်ဆေထင်တို့ အပါအဝင် ရှမ်းခေါင်းဆောင်များ လွတ်မြောက်ရေးနှင့် မဆိုင်ကြောင်း ဦးစောယွန်းပိုင်က ပြောသည်။
“ရှမ်းခေါင်းဆောင်တွေ လွှတ်ပေးလိုက်လို့ အပစ်အခတ်တွေ ရပ်သွားမယ်ဆိုတာ သိပ်မဖြစ်နိုင်ဘူးဗျ။ ခုတိုက်နေတာ
တွေက ခွန်ထွန်းဦးတို့၊ စဝ်ဆေထင်နဲ့ သိပ်မဆိုင်ဘူးဗျ။ သူတို့ကို လွှတ်လိုက်လို့ အပစ်အခတ်တွေ ရပ်သွားမယ်လို့ သိပ်မထင်ဘူးဗျ” ဟု သူက ပြောသည်။
ပြည်ထောင်စုလွှတ်တော် ပထမအကြိမ် အစည်းအဝေး၌ နိုင်ငံရေး အကျဉ်းသားများ လွှတ်ပေးရေးအတွက် SNDP မှ တင်ပြခဲ့ပြီး မကြာမီ ‘လွတ်ငြိမ်းချမ်းသာခွင့်’ ဖြင့် တနှစ် လျှော့ချလာသော်လည်း နောက်ထပ် ထူးခြားမှု မရှိခဲ့ကြောင်း ဦးစောယွန်းပိုင်က ပြောသည်။
ဒုတိယအကြိမ် ပြည်ထောင်စု လွှတ်တော် အစည်းအဝေးများကို စက်တင်္ဘာလတွင် ပြန်လည် ကျင်းပနိုင်ဖွယ်
ရှိသည်ဟု ယူဆရကြောင်း ဦးစောသန်းမြင့်က ပြောသည်။
SNLD ပါတီအာဘော် အပတ်စဉ် ဂျာနယ်ကို မြန်မာ-ရှမ်း နှစ်ဘာသာဖြင့် ဇူလိုင်လတွင် စတင်ထုတ်ဝေရန် စီစဉ်ထားသော်လည်း ပါတီအကြောင်းမှ လွဲ၍ အခြားအကြောင်းအရာများ မဖော်ပြရဟု စာပေစီစစ်ရေးမှ ဆိုသဖြင့် မထုတ်ဝေနိုင်သေးကြောင်းလည်း ကြားသိရသည်။
Rest of your post
မြန်မာစစ်တပ်အား သျှမ်းပြည်တပ်မတော် SSA နှစ်ဖွဲ့ ဟန်ချက်ညီညီတိုက်ခိုက်
ကြာသပတေးနေ့၊ ဂျူလိုင်လ 28 ရက် 2011 ခုနှစ် BNI (ပေးပို့ သူ ဗမာ့သွေး)
သျှမ်းပြည်တပ်မတော် ဝမ့်ဟိုင်းဌာနချုပ်အားမြန်မာ စစ်တပ် တပတ်ကျော်ကြာ ဝိုင်းရံနေချိန် သျှမ်းပြည် တပ်မတော် SSA နှစ်ဖွဲ့ ဟန်ချက်ညီညီတိုက်ခိုက်နေ ကြောင်း စုံစမ်းသိရှိရပါသည်။
“ကျနော်တို့ ဌာနချုပ်ဘက်ကို အင်အားထပ်ဖြည့်မယ့် ဗမာတပ်တွေကို စဝ်ယွက်စစ်ခေါင်းဆောင်တဲ့လက် အောက်ခံတပ်တွေက လမ်းမှာဖြတ်တိုက်တယ်။ မနေ့က မိုင်းနောင်ဘက်မှာတိုက်ပွဲအကြီး
အကျယ်ဖြစ်တယ်။ ကျေးသီး မိုင်းနောင်လမ်းဘက်လဲ အဲလိုဘဲ”- ဟု သျှမ်းပြည်တပ်မတော် SSPP/SSA ပြောခွင့်ရ ဗိုလ်မှူးစိုင်းလ ကပြောပါသည်။
ဂျူလိုင် ၂၇ ရက် သျှမ်းပြည်တပ်မတော် SSPP/SSA မှ သီပေါမြို့နယ် မိုင်းတုံ - မိုင်းလာ ကျေးရွာအုပ်စု၌ တိုက်ပွဲ နှစ်ကြိမ်၊ မိုင်းရှူး မြို့နယ်၌ တကြိမ် ဖြစ်ပွားခဲ့ကြောင်း၊ ထို့အတူ သျှမ်းပြည်တပ်မတော် RCSS/SSA အနေဖြင့် လည်း SSPP/SSA ဌာနချုပ် ဝမ့်ဟိုင်း ဘက်အင်းအားဖြည့်သည့်မြန်မာစစ်တပ်အား မိုင်းနောင်မြို့ နယ်ခွဲ အတွင်း ခြုံတိုက်ခိုက်သောကြောင့် မြန်မာဘက်က ဗျူဟာမှူး အဆင့်အပါအဝင် တပ်ကြပ်တယောက်၊ စစ်သည် တယောက် ဒဏ်ရာရသွားကြောင်း - ပြောပါသည်။
“ကျနော်တို့လှုပ်ရှားနေတဲ့ နယ်မြေအတွင်းမှာဘဲ တိုက်ခိုက်တာပါ။ မြောက်ပိုင်းနယ်မြေကို မြန်မာတပ်တွေ အင်အားသွားဖြည့်မယ့် သတင်းရထားလို့ ခြုံခိုတိုက်ခိုက်တာဘဲဖြစ်ပါတယ်။ ဘယ်နေရာဘဲတိုက်တိုက် ဘုံရန် သူတယောက်ထဲကိုဘဲ တိုက်တယ်ဆိုတော့ သဘောတူညီချက်အရ ကူညီတိုက်ခိုက်တာပါဘဲ” - ဟု RCSS ပြောရဲဆိုခွင့် ဗိုလ်မှူးလောဝ်ဆိုင် ကပြောပါသည်။
ဂျူလိုင် ၂၅ ရက်က မြန်မာစစ်တပ် စကခ ၁၇ လက်အောက်ခံ မိုင်းပန်အခြေစိုက် ခမယ ၅၇၇ တပ်ရင်းအား RCSS/SSA လက် အောက်ခံတပ်ဖွဲ့တဖွဲ့က မိုင်းနောင်မြို့နယ်ခွဲ ဝမ့်စင်းတိုက်နယ် နမ့်မောင်တံတား နှင့် လုံယန်းကွင်းပြင် အကြား ခြုံခိုတိုက်ခိုက် ခဲ့ကြောင်း၊ မြန်မာဘက်မှာ ဗျူဟာမှူး ဗိုလ်မှူး ဝင်းညွှန့် အပါအဝင် တပ်ကြပ်ကြီးတယောက်၊ ရဲဘော်တယောက် ဒဏ်ရာအပြင်း အထန် ရရှိပြီး ရှေ့မတက်ရဲဘဲ နောက်ပြန်လှည့် သွား ကြောင်း ဆိုသည်။
သီပေါမြို့နယ်အတွင်းတိုက်ပွဲတွင် SSPP/SSA သျှမ်းပြည်တပ်မတော် တပ်မဟာ ၃၆ လက်လောက်ခံ ဗိုလ် စိုင်းယွေး ဦးဆောင် သည့် စစ်ကြောင်းတကြောင်း မြန်မာတပ် ခမယ ၃၂၅ အား မိုင်းတုံတိုက်နယ်၊ မိုင်းလာ ကျေးရွာအုပ်စု၊ ပုံလျဲန်းရွာအနီး၌ ယမန့် နေ့က နှစ်ကြိမ်ခြုံခိုတိုက်ခိုက်ခဲ့ကြောင်း၊ မွန်းတည့်ချိန်တိုက်ပွဲတွင် မြန်မာဘက်မှ ရဲဘော်တယောက်သေဆုံးပြီး ၅ ယောက် ဒဏ် ရာရရှိကြောင်း၊ ညနေပိုင်းတိုက်ပွဲ အပြင်းအထန် တိုက်ခိုက်မှုဖြစ်ပွားခဲ့သော်လည်း အသေအပျောာက်စာရင်းမရရှိသေးကြောင်း ဗိုလ်မှူးစိုင်လ ကပြောပါသည်။
မြန်မာအစိုးရတပ်နှင့် သျှမ်းပြည်တပ်မတော်အကြား ရှေ့တန်းစစ်မျက်နှာတွင် တိုက်ပွဲငယ်များ ဆက်တိုက် ဖြစ်ပွား၏။ ဌာနချုပ် ဝမ့်ဟိုင်းအားလည်း မြန်မာတပ် ၁၀ ရင်းကျော်က ဝိုင်းရံထားဆဲဖြစ်၏။ ထိုအခြေအနေ အတွင်း အပစ်ရပ်ပြီး ငြိမ်းချမ်းရေး တည် ဆောက်ရန် မြန်မာဘက်မှ သံဃာတော်နှစ်ပါးစေလွှတ်ပြီး ဆွေးနွေးခဲ့ သေး၏။ သျှမ်းပြည်တပ်မတော်ဘက်တွင်မူ ရှေ့တန်းတက် မြန်မာ တပ်များရုပ်သိမ်းပေးခြင်းမရှိဘဲ ငြိမ်းချမ်းရေး အတွက်ကမ်းလှမ်းလာသည်မှာ အပြောနှင့် လက်တွေ့အလုပ်မညီဟု ဝေဖန်သုံးသပ်ပါသည်။
Rest of your post
တိုင်းရင်းသားဒေသ စစ်ပွဲများ အမြန်ဆုံးရပ်ရန် ဒေါ်အောင်ဆန်းစုကြည် ပန်ကြား
ထွန်းထွန်း | ကြာသပတေးနေ့၊ ဇူလိုင်လ ၂၈ ရက် ၂၀၁၁ ခုနှစ် ၁၆ နာရီ ၅၇ မိနစ် (ပေးပို့ သူ ဗမာ့သွေး)
နယူးဒေလီ (မဇ္ဈိမ) ။ ။ မြန်မာ့ဒီမိုကရေစီခေါင်းဆောင်၏ ပထမဆုံး လူသိရှင်ကြား ပန်ကြားမှု ဖြစ်သော အစိုးရ တပ်နှင့် တိုင်းရင်းသား လက်နက်ကိုင် တပ်ဖွဲ့များ၏ တိုက်ပွဲများကို အမြန်ဆုံးရပ်ဆိုင်းရန်နှင့် ငြိမ်းချမ်းစွာဖြေရှင်းရန် ကြာသပတေးနေ့က ထုတ်ပြန်လိုက်သည်။
ဒေါ်အောင်ဆန်းစုကြည် လက်မှတ်ရေးထိုးထားပြီး နိုင်ငံတော် သမ္မတ ဦးသိန်းစိန်နှင့် တကွ ကချင်လွတ်မြောက်ရေး အဖွဲ့၊ ကရင်အမျိုးသား အစည်းအရုံး၊ မွန်ပြည်သစ်ပါတီနှင့် ရှမ်းပြည်တပ်မတော်တို့သို့ လိပ်မူထားသော အိတ်ဖွင့်
ပေးစာတွင် “တိုင်းရင်းသား လူမျိုးများ အားလုံး၏ အကျိုးစီးပွားများကို ရှေးရှု၍ ယခုဖြစ်ပွားနေသော ပဋိပက္ခများကို ငြိမ်းချမ်းစွာ ဖြေရှင်းကြပါရန်နှင့် အမြန်ဆုံး အပစ်ခတ်ရပ်ဆဲကြပါရန် လေးနက်စွာ ပန်ကြားအပ်ပါသည်” ဟု ပါရှိသည်။
“ ယင်းပဋိပက္ခများကြောင့် သေကြေပျက်စီးမှုများ ဝမ်းနည်းဖွယ်ရာ ဖြစ်ပွားလျက် ရှိသည့်အပြင် တန်ဖိုးကြီးသည့်
နိုင်ငံပိုင် အဆောက်အဦးများ၊ စီမံကိန်း လုပ်ငန်းများ၊ ယိုယွင်းပျက်စီးမှုများ ကြုံတွေ့နေရပါသည်။ ဒေသခံ တိုင်းရင်းသား ပြည်သူများလည်း အတိဒုက္ခများစွာ ရောက်နေ ကြသည့်အပြင် အိမ်နီးချင်းနိုင်ငံများကိုပါ ကူးစက် ပျံ့နှံ့မည့် အန္တရာယ်ရှိနေပါသည်” ဟုလည်း ပါရှိသည်။
“ပြည်ထောင်စု သမ္မတ မြန်မာနိုင်ငံတော်သည် တိုင်းရင်းသား လူမျိုးစုများနှင့် ပေါင်းစပ် ဖွဲ့စည်းထားသော နိုင်ငံ ဖြစ်ပါသည်။ ယင်းတိုင်းရင်းသား အားလုံးသည် နှစ်ပရိစ္ဆေဒများစွာကပင် တမြေတည်းနေ တရေတည်းသောက် အတူနေထိုင်ခဲ့ကြသော ညီအကိုမောင်နှမများ ဖြစ်ကြပါသည်။ ထို့ကြောင့် တိုင်းရင်းသားလူမျိုးစုများအားလုံး ချစ်ကြည်ရင်းနှီး သွေးစည်းညီညွတ်ရေးသည် အလွန်အရေးကြီးပါသည်” လည်း ပါရှိသည်။
နိုဝင်ဘာ ၂ဝ၁ဝ ခုနှစ် ရွေးကောက်ပွဲပြီး နောက်တရက်ကပင် ကရင်ပြည်နယ်တွင်း တကျော့ပြန် စတင်ခဲ့သော စစ်ပွဲများသည် ကချင်ပြည်နယ်၊ ရှမ်းပြည်နယ်နှင့် မွန်ပြည်နယ်များတွင်ပါ ဆက်တိုက် ဖြစ်ပေါ်နေခဲ့သည်။
ကိုယ်ပိုင်ပြဋ္ဌာန်းခွင့်အတွက် တိုက်ပွဲဝင်ခဲ့ကြသော တိုင်းရင်းသား လက်နက်ကိုင် အဖွဲ့များကို ဗဟိုအစိုးရ တပ်အောက်သို့ ဖိအားပေး သွတ်သွင်းရန် ကြိုးစားလာခဲ့ခြင်းက ယခင် အပစ်ခတ်ရပ် အဖွဲ့များကိုပါ စစ်ပွဲတွင်းသို့ ဆွဲခေါ်လာတော့သည်။
တိုင်းပြည်တခုတွင် စစ်တပ်တခုတည်း ရှိရေးမူကို နေပြည်တော်က တဖတ်သတ် ကြိုးစားနေချိန်တွင် ဖြစ်ပွားနေသော စစ်ပွဲများအကြောင်းကိုလည်း နေပြည်တော် ထိပ်တန်းအရာရှိများအကြား ထုတ်ဖော်ပြောဆိုမှု မပြုလုပ်ကြသလို အကဲဆတ်ထိ မခံသော အကြောင်းအရာ တခုဖြစ် နိုင်ငံရေးပါတီများကလည်း သတ်မှတ် ထားကြသည်။
“အခြေအနေအရ ဒီကိစ္စတွေ ငြိမ်းချမ်းဖို့အတွက် ဆောင်ရွက်ပေးချင်တယ်လို့ ထုတ်ကြေညာလိုက်တာပဲ” ဟု အမျိုးသား ဒီမိုကရေစီ အဖွဲ့ချုပ် NLD ပါတီပြန်ကြားရေး တာဝန်ခံ ဦးအုန်းကြိုင်က မဇ္ဈိမကို ပြောသည်။
ဒေါ်အောင်ဆန်းစုကြည်က “အပစ်အခတ် ရပ်စဲရေးနှင့် ငြိမ်းချမ်းရေး လုပ်ငန်းစဉ်များကို ပံ့ပိုးရန်အတွက် ကျွန်မအနေဖြင့် ကိုယ်စွမ်းရှိသမျှ ပါဝင်ကြိုးပမ်းရန် အသင့်ရှိနေပါသည်” ဟုလည်း ထုတ်ပြန်ချက်တွင် ပါရှိသည်။
“အခု ပြည်တွင်းစစ်မီး တောင်လောက်နေတဲ့ အနေအထားကို ရောက်နေတယ်။ ဒီတော့ ဒီကိစ္စတွေနဲ့ ပတ်သက်ပြီး စုံစမ်းအရေးယူဖို့ဆိုတာ ဘယ်အဖွဲ့အစည်းကဖြစ်ဖြစ် လုပ်ဖို့ကောင်းတယ်။ အဖွဲ့အစည်း ရွေးနေစရာ မလိုပါဘူး။ ဒီကိစ္စနဲ့ပတ်သက်လို့ တင်ပြကြဖို့၊ ဆွေးနွေးကြဖို့၊ ညှိနှိုင်းကြဖို့ဆိုတာ အမြဲတမ်း လိုနေတာပဲ” ဟု NLD က ဗဟိုကော်မတီဝင် ဦးဝင်းတင်က ဆိုသည်။
ယခုထုတ်ပြန်ချက်ကို မိမိတို့အနေဖြင့် ကြိုဆိုကြောင်း၊ ဒေါ်အောင်ဆန်းစုကြည် အပါအဝင် သုံးပွင့်ဆိုင် ဆွေးနွေး သွားမှာကိုလည်း လိုလားကြောင်း ပြန်လည် ပူးပေါင်းထားသည့် ရှမ်းပြည်တပ်မတော် SSA တောင်ပိုင်းမှ ပြောခွင့်ရ ဗိုလ်မှူးစိုင်းလောင်ဆိုင်းက ပြောသည်။
“ဒေါ်အောင်ဆန်းစုကြည်က ကျနော်တို့ တိုင်းရင်းသားများကို ကိုယ်စားပြုပြီးတော့ လက်ရှိ အစိုးရနဲ့ တပြည်လုံး အတိုင်းအတာနဲ့ အပစ်အခတ် ရပ်စဲရေးကို ဆွေးနွေးပေးနိုင်မယ် ဆိုရင်တော့၊ တောင်းဆိုပေးမယ် ဆိုရင်တော့ ကျနော်တို့က လိုလားပါတယ်။ မျှော်လည်း မျှော်လင့်ပါတယ်” ဟု ဗိုလ်မှူး စိုင်းလောင်ဆိုင်းက ဆိုသည်။
ဇူလိုင်လ ၂၆ ရက်နေ့အထိ ရှမ်းနှင့် ကချင်ပြည်နယ်တွင် တိုက်ပွဲများ ဆက်လက်ရှိနေသည်။ တိုက်ပွဲများကြောင့် ကျောင်းများပင် ပိတ်ထားရကာ အစိုးရဘက်မှ လေယာဉ်ဖြင့်ပင် တိုက်ခိုက်မှုများ ရှိခဲ့သည်ဟု ရှမ်းပြည်တပ်မတော် SSA အရာရှိများထံမှ သိရသည်။
ကချင်ပြည်နယ်တွင်လည်း KIO နှင့် ငြိမ်းချမ်းရေးစာချုပ် ချုပ်ဆိုရန်အတွက် စာဖြင့် အပြန်အလှန် ညှိနှိုင်းနေ သော်လည်း ယခုအချိန်အထိ မစေ့စပ်နိုင်သေးဘဲ တိုက်ပွဲများ ဆက်လက်ဖြစ်ပွားဆဲ ဖြစ်သည်။ စစ်ဘေးကြောင့် ဒုက္ခသည် ၁၆ဝဝဝ ကျော် ရှိနေကာ အကူအညီများ လိုအပ်နေကြောင်းလည်း KIO ကျန်းမာရေးဌာန အရာရှိတဦး
ပြောဆိုချက်အရ သိရသည်။
ကရင်ပြည်နယ်တွင်လည်း ဒေသခံတပ်များနှင့် အစိုးရတပ်များအကြား တိုက်ပွဲများ ဇူလိုင်လ ၂၁ ရက်နေ့ထိ တဖက်နှင့် တဖက် လက်နက်ကြီးများဖြင့် ပစ်ခတ်မှုရှိခဲ့ပြီး ဘက်ပြောင်းသွားသည့် ဗိုလ်ချုပ်နှုတ်ခမ်းမွှေး တပ်များ မြဝတီမြို့အနီး လှုပ်ရှားမှုရှိသဖြင့် ရွာသားများအား ရွာပြင်မထွက်ရန် DKBA တပ်များက တပ်လှန့်ထားခဲ့သည်။
“ငြိမ်းချမ်းရေးအတွက် အတတ်နိုင်ဆုံး ဘယ်နည်းနဲ့ဖြစ်ဖြစ်ပေါ့ဗျာ။ ငြိမ်းချမ်းရေး ရချင်တယ်။ ဘယ်လိုနည်းနဲ့ ရနိုင်မလဲ ဆိုတာ။ တယောက်နဲ့ တယောက် တိုက်ပြီး ချေမှုန်းနေတာတော့ မလိုချင်ဘူးဗျ အမှန်အတိုင်း ပြောရင်၊ ပြည်တွင်း ငြိမ်းချမ်းဖို့ ဆိုရင်” ဟု ၂ဝ၁ဝ ရွေးကောက်ပွဲဝင် မွန်ဒေသလုံးဆိုင်ရာ ဒီမိုကရက်တစ်ပါတီ ဥက္ကဋ္ဌ ဦးနိုင်ငွေသိန်းက ဆိုသည်။
ပြည်တွင်းငြိမ်းချမ်းရေးအတွက် ငြိမ်းချမ်းရေးကော်မရှင် တရပ်ဖွဲ့စည်းရန်ကိုလည်း ဇူလိုင်လ ၂၇ ရက်နေ့က ၃၇ ပါတီနှင့် ပြည်ထောင်စုကော်မရှင် တွေ့ဆုံပွဲတွင် တိုင်းရင်းသား ၅ ပါတီက တောင်းဆိုခဲ့ကာ လွှတ်တော်၌ တင်ပြသွားမည်ဟု ကော်မရှင်ဥက္ကဋ္ဌ ဦးတင်အေးက ပြောဆိုခဲ့သည်။
တောင်းဆိုခဲ့သည့် ၅ ပါတီမှာ မွန်၊ ရခိုင်၊ ဖလုံစဝေါ်၊ ရှမ်းနှင့် ချင်းအမျိုးသားပါတီတို့ ဖြစ်သည်။
“ကရင်ပြည်နယ်ရဲ့ ငြိမ်းချမ်းရေးအခြေအနေက လိုအပ်နေတယ်လေ။ ခဏခဏ ပစ်နေတာတွေ၊ ခတ်နေတာတွေ ရှိတယ်လေ။ ပြည်သူတွေကလည်း သိပ်ပြီး အေးအေးဆေးဆေး မနေရဘူးပေါ့။ ရွာတွေဘက်က တိုက်ပွဲဖြစ်တဲ့ အခြေအနေတွေမှာ ဒါက ပထမ အရေးကြီးတဲ့ အရာလို ဖြစ်နေတာ ငြိမ်းချမ်းရေးကလေ” ဟု ဖလုံစဝေါ်ပါတီ အတွင်းရေးမှူး ဦးစောဘီကျင်ဦးက ပြောသည်။
Rest of your post
ကျောက်စိမ်း သိန်းတထောင်ဖိုး ရှမ်းပြည်တွင် ဖမ်းဆီး
သန်းထိုက်ဦး Thursday, 28 July 2011 18:09 (ပေးပို့ သူ ဗမာ့သွေး)
သိန်းတထောင်ဝန်းကျင် တန်ဖိုးရှိသည့် ကျောက်စိမ်းများကို ရှမ်းပြည်နယ် လားရှိုး - သိန္နီ ကားလမ်း၊ ရေပူ စစ်ဆေးရေးဂိတ်က ယခုလ ၁၆ ရက်နေ့တွင် သိမ်းဆည်းလိုက်ကြောင်း သိရသည်။
သယ်ဆောင်ခွင့် လက်မှတ် မရှိသဖြင့် ကျောက်ကုန်သည် ၁၂ ဦးခန့် ပိုင်ဆိုင်သည့် ထိုကျောက်စိမ်းများ အသိမ်းခံရခြင်း ဖြစ်သည်ဟု ပိုင်ရှင်တဦးဖြစ်သူ ဒေါ်စိုးစိုးက ဧရာဝတီကို ပြောသည်။
“တခါမှ အဖမ်းခံရတာ မကြုံဘူး၊ ဒီတခါ ကြုံဖူးတော့ အရင်းကို ပြုတ်သလောက် ဖြစ်သွားတာပါပဲ” ဟု သူက ရှင်းပြသည်။
ထိုကျောက်စိမ်းတုံးများကို ယခုလဆန်းပိုင်း နေပြည်တော် ကျောက်မျက် ရောင်းချပွဲသို့ သွားရောက်ခဲ့သည့် တရုတ်နိုင်ငံသားများထံမှ ၀ယ်ယူထားကြခြင်း ဖြစ်ကြောင်း ဒေါ်စိုးစိုးက ပြောသည်။
“တရုတ်နိုင်ငံသားတွေက ကုန်သည်ကြီးတွေ။ ကိုယ်က သူတို့ဆီက လက်လီကလေး ၀ယ်ရတယ်။ သယ်ဆောင်ခွင့် လက်မှတ်တွေ ဘယ်လိုလုပ် ငှားမှာလဲ” ဟု ဒေါ်စိုးစိုးက ရှင်းပြသည်။
တရုတ်နိုင်ငံသို့ သွားမည့် ထိုကျောက်စိမ်းတုံးများကို လူဝင်မှု ကြီးကြပ်ရေးဌာန၊ ရဲ၊ စစ်တပ်တို့ ပါဝင်သည့် ပူးပေါင်းအဖွဲ့က ဖမ်းဆီးခဲ့ခြင်းဖြစ်ကြောင်း၊ နောက်တနေ့တွင် ကျောက်များ ပြန်လည် ရရှိရန် သွားရောက် တောင်းဆိုခဲ့သော်လည်း မအောင်မြင်ခဲ့ကြောင်း သိရသည်။
လဆန်းပိုင်းက ပြုလုပ်သည့် ကျောက်မျက်ပွဲတွင် တရုတ်ကုန်သည်ထက် ပြည်တွင်း ကုန်သည်တို့၏ ၀ယ်ယူမှုက ပိုမို များပြားကြောင်း သိရသည်။
ထိုသို့ ဖြစ်ရခြင်းမှာ တရုတ်အစိုးရက ၎င်းတို့နိုင်ငံသား ကုန်သည်များ ၀ယ်ယူလာသည့် ကျောက်၏ တန်ဖိုး အပေါ် ၃၀ ရာခိုင်နှုန်း အခွန် ကောက်ခံမည်ဟု ပြဋ္ဌာန်းလိုက်သောကြောင့် ဖြစ်ဖွယ်ရှိကြောင်း ကျောက်ကုန်သည်များက သုံးသပ်ကြသည်။
ကျောက်စိမ်းကို တရုတ်လူမျိုးများ အလွန် နှစ်သက်ပြီး အမြတ်တနိုး ၀တ်ဆင်ကြသည်။ မြန်မာနိုင်ငံမှ ကျောက်စိမ်း အရိုင်းတုံးများကို လက်ကောက်၊ လည်ဆွဲ စသည့် အချောထည်ပုံ အမျိုးမျိုး ထုဆစ်ကာ အရောင်းအ၀ယ် လုပ်ကြသည်။
ရှမ်းပြည်နယ် မူဆယ်မြို့ တဖက်ကမ်းရှိ တရုတ်နိုင်ငံ ရွှေလီမြို့သည် တရားဝင်နည်း၊ တရားမ၀င်နည်းများဖြင့် ရောက်ရှိသွားသော မြန်မာ့ကျောက်စိမ်းများကို အကြီးအကျယ် ရောင်းဝယ်သည့် ဒေသတခု ဖြစ်သည်။
Rest of your post
လာဘ်စားမှုဖြင့် သင်္ကာမကင်းခံရသူ ထိပ်တန်းစစ်ဗိုလ်ချုပ် ၅ ဦးကို စစ်ဆေး
ဧရာဝတီ Thursday, 28 July 2011 12:00 (ပေးပို့ သူ ဗမာ့သွေး)
လာဘ်ပေးလာဘ်ယူနှင့် အာဏာအလွဲသုံးစားမှုများ ပြုလုပ်ခဲ့သည် ဆိုသော ထိပ်တန်းစစ်ဗိုလ်ချုပ် ၅ ဦးကို ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က စုံစမ်းခေါ်ယူ စစ်ဆေးမှုများ ပြုလုပ်လျက်ရှိကြောင်း သတင်းရရှိသည်။
အဆိုပါ ၅ ဦးမှာ လက်ရှိ စစ်တပ်တွင် တပ်မတော်စစ်ရေး အရာရှိချုပ်အဖြစ် တာဝန်ထမ်းဆောင်နေသော ဗိုလ်ချုပ်ကျော်ဖြိုး (DSA – ၂၂)၊ မြန်မာ့ စီးပွားရေးဦးပိုင် လီမိတက် ဥက္ကဋ္ဌနှင့် စစ်ရေးချုပ် ဗိုလ်ချုပ်ခင်ဇော်ဦး (OTS-၅၆)၊ ကစထမှူး ဗိုလ်ချုပ်မြင့်စိုး (OTS-၆၀)၊ တြိဂံဒေသ တိုင်းမှူး ဗိုလ်မှူးချုပ် သန်းထွန်းဦး (DSA-၂၄)၊ ကမ်းရိုးတန်း တိုင်းမှူး ဗိုလ်မှူးချုပ် ခင်မောင်ဌေး (OTS-၆၃) တို့ ပါဝင်ကြောင်း စစ်ဘက်အသိုင်းအ၀န်းမှ သတင်းရရှိသည်။
“ဗိုလ်ချုပ်ကျော်ဖြိုးဆိုရင် အရင်တြိဂံဒေသ တိုင်းမှူးလုပ်ခဲ့တယ်။ လက်ရှိတိုင်းမှူးရော၊ အရင်တိုင်းမှူးရော ခေါ်အစစ်ခံရတာ။ ဗိုလ်ချုပ်မြင့်စိုး ဆိုရင်လည်း အရင်တုန်းက စစ်ကိုင်းတိုင်း တိုင်းမှူးလုပ်တုန်းက မုံရွာဘက်က မြေကွက်တွေ ရောင်းစားခဲ့ တာတွေ ရှိတယ်။ အဲဒါတွေ အခု စစ်ကိုင်းတိုင်းဝန်ကြီးချုပ် ဦးသာအေး (ဒုတိယဗိုလ်ချုပ်ကြီးဟောင်း) က သမ္မတ ဦးသိန်းစိန်ဆီ တိုင်တယ်။ ကမ်းရိုးတန်းတိုင်းမှူး လုပ်ခဲ့တဲ့ ဗိုလ်ချုပ်ခင်ဇော်ဦးနဲ့ လက်ရှိတိုင်းမှူးရော အဲဒီလို အတိုင်ခံရတာလို့ ကြားတယ်” ဟု နေပြည်တော် စစ်ဘက်အသိုင်းအ၀န်းနှင့် နီးစပ်သူတဦးက ပြောသည်။
လက်ရှိခေါ်ယူ စစ်ဆေးခံနေရသူများအား ပြစ်မှုကျူးလွန်မှု ရှိ၊ မရှိစစ်ဆေးခြင်းသာဖြစ်ပြီး လက်ရှိရာထူး တာဝန်များကို ဆက်လက် ထမ်းဆောင်နေရဆဲ ဖြစ်ကြောင်း သိရသည်။
“အတိုင်ခံရတာဆိုပေမယ့် လက်ဆုပ်လက်ကိုင် သက်သေနဲ့တကွ အပြစ်ကျူးလွန်ခဲ့တာ မပြနိုင်ရင်တော့ ရာထူးက အနားပေး ခံရတာတို့၊ နုတ်ထွက်ခိုင်းတာတို့ ဖြစ်မှာမဟုတ်ဘူး။ သက်သေမပြနိုင်ရင်တော့ သတိပေးတဲ့အဆင့်နဲ့ပဲ ပြီးသွားမယ်” ဟု အဆိုပါနီးစပ်သူက ဆိုသည်။
ယခုလအတွင်း ရာထူးမှ အနားပေးခြင်း ခံလိုက်ရသော ဗိုလ်ချုပ်တင်ငွေသည် မန္တလေးမြို့ရှိ သိန်းထောင်သောင်းချီ တန်သော မြေကွက် အရောင်းအ၀ယ်များ ပြုလုပ်ခဲ့ပြီး လက်ရှိမန္တလေးတိုင်း ၀န်ကြီးချုပ် ဦးရဲမြင့် (ဒုတိယဗိုလ်ချုပ်ကြီးဟောင်း) က သမ္မတနှင့် ကာကွယ်ရေးဦးစီးချုပ်ထံ တိုက်ရိုက်တိုင်ကြားခဲ့ကြောင်း၊ ယင်းနောက် သက်သေ သာဓကနှင့်တကွ အာဏာ အလွဲသုံးစားပြု မြေကွက်ရောင်းစားခဲ့သည်ကို စစ်ဆေးတွေ့ရှိရသည့်အတွက် ရာထူးမှ အနားပေးခံလိုက်ရခြင်းဖြစ်ကြောင်း သိရသည်။
ရန်ကုန်တိုင်း တိုင်းမှူးဗိုလ်မှူးချုပ် ထွန်းသန်းသည်လည်း ဇွန်လတွင် ရာထူးမှ အနားပေးခံလိုက်ရပြီး အစိုးရသစ်တက်ပြီး ပထမဦးဆုံး ရာထူးမှ အနားပေးခြင်းခံလိုက်ရသော ထိပ်တန်း စစ်တပ် အဆင့်မြင့်အရာရှိ တဦးဖြစ်ခဲ့သည်။
နေပြည်တော် စစ်ဘက်အသိုင်းအ၀န်းနှင့် နီးစပ်သူတချို့က ကာကွယ်ရေး ဦးစီးချုပ်ဗိုလ်ချုပ်ကြီး မင်းအောင်လှိုင်သည် လက်ရှိ တပ်မတော်တွင် အရေးကြီးသော ထိပ်တန်းတာဝန်များ ထမ်းဆောင်နေသည့် စစ်အရာရှိများကို ဖြုတ်ပယ်ပြီးနောက် သူနှင့်နီးစပ်သူ စစ်အရာရှိများကို အရေးကြီးသော ရာထူးတာဝန်များ ခန့်အပ် အစားထိုးမှု ပြုလုပ်လာနိုင်သည်ဟု သုံးသပ်ကြ သည်။
“ကာကွယ်ရေး ဦးစီးချုပ်ဖြစ်လာပြီ ဆိုတာနဲ့ ဦးစီးချုပ်က သူယုံကြည်တဲ့၊ စိတ်ချရတဲ့ သူတွေကို ဆွဲတင်ချင်တော့ ရှေ့မှာ ရှိနေတဲ့သူတွေကို လာဘ်ပေးလာဘ်ယူ အကြောင်းပြပြီး ဖြုတ်ထုတ်တာတွေ လုပ်တယ်။ သူ့အာဏာ တည်ဆောက်တာပေါ့။ ဒါက တပ်မတော်မှာ အစဉ်အလာလို ဖြစ်နေပြီ”ဟု နေပြည်တော် စစ်တပ်အသိုင်းအဝန်းနှင့် နီးစပ်သူတဦးက ဆိုသည်။
ဗိုလ်ချုပ်ကြီး မင်းအောင်လှိုင်သည် တပ်တွင်း အခြေအနေများ၊ ရာထူးအပြောင်းအလဲ လုပ်မှုများနှင့် ပတ်သက်ပြီး ဗိုလ်ချုပ်မှူးကြီးသန်းရွှေထံ တိုက်ရိုက်တင်ပြ၍ ညွှန်ကြားမှုခံယူသည်ဟု စစ်ဘက်သတင်းရပ်ကွက်များ၏ အဆိုအရ သိရသည်။
Rest of your post
Thursday, July 28, 2011
စစ်ရဲ့သားကောင်မှာ လူတွေချည်းမဟုတ်၊ တိရစ္ဆာန်တွေလည်းပါ
ဂျင်အင်ဒရူး | ဗုဒ္ဓဟူးနေ့၊ ဇူလိုင်လ ၂၇ ရက် ၂၀၁၁ ခုနှစ် ၁၃ နာရီ ၃၇ မိနစ် (ပေးပို့ သူ ဗမာ့သွေး)
ချင်းမိုင် (မဇ္ဈိမ) ။ ။ ကရင်ပြည်နယ် နယ်စပ်ဒေသများတွင်ဖြစ်ပွားနေသည့် စစ်ပွဲများသည် ကရင်ပြည်သူများကိုဘေးဒုက္ခအန္တရာယ် ကျရောက်စေသည်သာမက ဒေသတွင်းရှိ တောရိုင်း တိရစ္ဆာန်များကိုလည်း တိုးမြှင့်ခြိမ်းခြောက် လာနေကြောင်း ပတ်ဝန်းကျင် ထိန်းသိမ်းရေး အစီရင်ခံစာအသစ် တစောင်ကဆိုသည်။
ကရင်အမျိုးသားအစည်းအရုံး (ကေအန်ယူ)က သဘာဝ ဘေးမဲ့တောအဖြစ် ၁၉၈၉ ခုနှစ်က သတ်မှတ်ခဲ့သော မဲကသာ တောကြီးအတွင်း ဆင်ရိုင်းကောင်ရေသည် ခန့်မှန်းခြေ ၁၅ ကောင်အထိ ကျဆင်းသွားခဲ့သည်ဟု ကရင်ပတ်ဝန်းကျင် ထိန်းသိမ်းရေးနှင့် လူမှုလှုပ်ရှားမှုကွန်ရက် Karen Environmental and Social Action Network (KESAN) က ဂျူလိုင်လ ၂၅ ရက်နေ့က ထုတ်ပြန်ခဲ့သော အစီရင်ခံစာတွင် ဖော်ပြထားသည်။
အဆိုပါဘေးမဲ့တောအတွင်း နေထိုင်ကြသည့် နောက်ထပ် တိရစ္ဆာန်မျိုးစိတ်ပေါင်း ၆ဝ ခန့်အနက် သုံးပုံတပုံ ခန့်မှာ မျိုးတုံးပျောက်ကွယ်တော့မည့် အန္တရာယ်နှင့် ရင်ဆိုင်နေရပြီဟုလည်း အဆိုပါ အစီရင်ခံစာတွင် ရေးသားထားသည်။
မဲကသာ ဘေးမဲ့တောသည် ထိုင်းနိုင်ငံသဘာဝ တောရိုင်း တိရစ္ဆာန် ဥယျာဉ်နှင့် ထိစပ်တည်ရှိပြီး အကျယ်အဝန်း အားဖြင့် ၁၅၆ စတုရန်း ကီလိုမီတာ ရှိသည်။ ကရင်နှင့် မြန်မာ စစ်တပ်များ တိုက်ပွဲဖြစ်လျှင် ထွက်ပြေးနိုင်ရန် အတွက် မြန်မာဘက်ခြမ်းမှ ရွာသားများသည် အမြဲအသင့်ပြင်ထားကြရပြီး သူတို့သည် မကြာခဏပင် ပြည်တွင်း ရွှေ့ပြောင်း နေထိုင်သူ ရွာပုန်းရွာရှောင် ဒုက္ခသည်များ အဖြစ် ကျရောက်ကြရသည်ဟုလည်း အဆိုပါ အစီရင်ခံစာတွင် ရေးသားထားသည်။
အတောမသတ် ဖြစ်ပွားနေသော တိုက်ပွဲများသည် ဆင်ရိုင်းကောင်ရေနှင့် အခြား တိရစ္ဆာန်မျိုးစိတ်များ လျော့နည်း ကျဆင်းနေရခြင်း၏ တခုတည်းသော အကြောင်း မဟုတ်ပါဟုလည်း ကီဆန် အစီရင်ခံစာကဆိုသည်။ အမဲလိုက်ခြင်း၊ သတ္တုတူးဖော်ခြင်း၊ တရားမဝင် သစ်ခုတ်လှဲခြင်း၊ တောပြုန်းစေခြင်းတို့သည်လည်း အဓိကခြိမ်းခြောက်နေသည့် အချက်များဖြစ်သည်ဟု ဆိုသည်။
ရှားပါး တိရစ္ဆာတမျိုးဖြစ်သည့် ဆူမားထရားကြံ့ ဆိုလျှင် ယခုအခါ လုံးဝပျောက်ကွယ် သွားခဲ့ပြီဖြစ်သည် ဟုလည်း ဆိုသည်။ အခြား မျိုးတုံးပျောက်ကွယ်မည့် အန္တရာယ်ရှိသည့် မျိုးစိတ်များမှာ နို့တိုက်သတ္တဝါ ၂၂ မျိုး၊ ငှက်မျိုးစိတ် ၂၃ ခု၊ တွားသွားသတ္တဝါ ၈ မျိုးနှင့် ကုန်းနေ၊ရေနေ သတ္တဝါ ၅ မျိုးတို့ ဖြစ်ကြသည်။
အန္တရာယ် အရှိဆုံး အခြားမျိုးစိတ်များမှာ ကျား၊ အစက်အပြောက်များပါ ကျားသစ်တို့ ဖြစ်ကြသည်ဟု ကီဆန် အစီရင်ခံစာက မြေမြှုပ်မိုင်းကြောင့် သေဆုံးနေသော အရွယ်ရောက်ပြီး ကျားသစ်တကောင်၏ ဓါတ်ပုံနှင့် အတူ ဖော်ပြရေးသားထားသည်။
ကီဆန် အစီရင်ခံစာကို ပတ်ဝန်းကျင် ထိန်းသိမ်းရေး ပညာရှင်များ၊ ကရင်ရွာသားများ ၂ဝဝ၈ ခုနှစ်မေလမှ ၂ဝ၁ဝ ခုနှစ် နိုဝင်ဘာလအထိ ကွင်းဆင်းလေ့လာ ပြုစုခဲ့ကြခြင်း ဖြစ်သည်။
ဒေသတွင်း တိုက်ပွဲများဖြစ်ပွားနေခြင်းကြောင့် သူတို့၏ လေ့လာသုတေသနလုပ်ငန်းများ အနှောင့်အယှက် အဟန့် အတား ဖြစ်ခဲ့ရသည်။ “ ဒေသတွင်းလုံခြုံမှု မရှိခြင်းကြောင့် ပညာရပ်ဆိုင်ရာ လေ့လာခြင်း လုပ်ငန်းများနှင့် ပတ်ဝန်းကျင် ထိန်းသိမ်းရေး အန်ဂျီအိုများ၏ ဆန်းစစ် လေ့လာခြင်း လုပ်ငန်းများ ကဲ့သို့သော ပြင်ပမှ ဝင်ရောက် စူးစမ်းလေ့လာခြင်း လုပ်ငန်းများကို အထူးတလည် အဟန့်အတား ဖြစ်စေခဲ့သည်" ဟု အစီရင်ခံစာတွင်
ရေးသားထားသည်။
သစ်တောနှင့် သဘာဝသယံဇာတ ထိန်းသိမ်းရေး လုပ်ငန်းများအတွက် တတ်စွမ်းသမျှ ဆောင်ရွက်ကြပါရန်လည်း ကီဆန် အစီရင်ခံစာက ဒေသခံကရင်ပြည်သူများကို တိုက်တွန်း နှိုးဆော်ထားသည်။
“ (ကရင်ယဉ်ကျေးမှုကဲ့သို့သော) ဇီဝမျိုးစုံလင်မှုသည် အပြောင်းအလဲများ ဖြစ်ပေါ်ရေးအတွက် ပြင်ပနိုင်ငံတကာမှဆောင်ရွက်ပေးမည့်သူများ ရောက်ရှိလာသည်အထိ စောင့်ဆိုင်း မနေနိုင်ပါ ” ဟု အစီရင်ခံစာက ဆိုသည်။
“ သစ်တောများ ထိန်းသိမ်းရန်နှင့် ဇီဝမျိုးစုံလင်မှုကို ထိန်းသိမ်းရန်အတွက် ဒေသခံ ပြည်သူများ အနေနှင့် သူတို့ တတ်စွမ်းသမျှ ပါဝင် လုပ်ကိုင်ကြရမည် ဖြစ်သည်။ ထိုသို့ လုပ်ကိုင်ခြင်း မရှိပါက သစ်ထုတ်ခြင်း၊ ဆည်များ တည်ဆောက်ခြင်းနှင့် အခြား စက်မှုလုပ်ငန်းများက သယံဇာတ ထုတ်ယူမှုများကြောင့် ပျက်စီးဆုံးရှုံးရတော့မည် ” ဟု အစီရင်ခံစာတွင် ရေးသားထားသည်။
အစီရင်ခံစာ ပြုစုရခြင်း၏ ရည်ရွယ်ချက်မှာ "ဒေသခံ တိုင်းရင်းသား ပြည်သူများအနေဖြင့် မိမိတို့ မိရိုးဖလာ သိရှိထားသော အသိပညာများဖြင့် သစ်တောများကို ကယ်တင်ရန် ကြိုးပမ်းခြင်းသည် မိမိတို့နိစ္စဓူဝ လုပ်ဆောင်နေရသော ရှင်သန်ရေးအတွက် အားထုတ်ကြိုးပမ်းမှုများနှင့် အတူတူပဲဆိုသည်ကို သူတို့အား ပြသရန်ပင်ဖြစ်သည် ” ဟု အစီရင်ခံစာတွင် ဆိုထားသည်။
အစီရင်ခံစာကို သုတေသန ရလဒ်များဖြင့် ကျောထောက် နောက်ခံပြု ရေးသားထားခြင်း ဖြစ်ပြီး စစ်ပွဲကို အဆုံးသတ် ကြရန်လည်း အကြံပြုချက်အဖြစ် ရေးသားထားသည်။ သစ်တောများကို ပျက်စီးဆုံးရှုံးစေသည့် သစ်ထုတ်ခြင်း၊ သတ္တုတူးဖော်ခြင်း၊ ရာဘာပင် စိုက်ပျိုးခြင်းများကို မပြုလုပ်ကြရန်နှင့် အမဲလိုက်ခြင်းကို တင်းတင်းကျပ်ကျပ် တားမြစ်သည့် ဥပဒေများ ပြဋ္ဌာန်း ကာကွယ်ကြပါရန်လည်း အဆိုပါအစီရင်ခံစာက တိုက်တွန်း အကြံပြုထားသည်။
yRest of your post
