မျိုးသာကီအတွက် ရဲဝံ့ ဒို့ အာဇာနည်: 2008 April 10 ရက်နေ့ အထိ ပြည်တွင်းအနေအထား

April 9 ရက်နေ့ မှာအစိမ်းရောင်စာအုပ်ဖုံးနဲ့ အခြေခံဥပဒေမူကြမ်းစာအုပ်ကို အများပြည်သူသို့ ရောင်းပါပြီ။ February လလယ်မှာ ရိုက်နှိပ်ခဲ့ပြီးပေမယ့် အဲဒီတုန်းက Gumbari, NLD, ဌာနဆိုင်ရာ အကြီးအကဲများ လောက်သာ ဝေခဲ့ပါသည်။

အများပြည်သူလူထု စာဖတ်ရလေ အခြေခံဥပဒေရဲ့ အားနည်းချက်တွေ ပိုသိတာများလေ ဖြစ်မှာစိုး လို့ စောစောမရောင်းတာ ဖြစ်နိုင်ပါတယ်။ အခြေခံရမယ့်မူများနဲ့ကွဲလွဲပြီး ပြင်ဆင်ရေးခဲ့တဲ့ အခန်း (၁၂)မှာ အပိုဒ် တပိုဒ် အချက် တချက်ကိုတော့ ပြန်ပြင်ထားပါတယ်။ ပြင်တာကလဲ ပြီးစလွယ် နောက်ဆုံးမှာ စာရွက်ပိုင်းငယ် လေးကပ်ပြီး ဖော်ပြခဲ့ပါတယ်။

ဒါကတော့ ပုဒ်မ ၄၃၆(က)မှာ
``…ဆန္ဒမဲပေးခွင့်ရှိသူ အားလုံး၏ ဆန္ဒမဲဖြင့်သာ ပြင်ဆင်ရမည်´´ဆိုသည့်စာကြောင်းကို ``…ဆန္ဒပေး ပိုင်ခွင့်ရှိသူ အားလုံး၏ ထက်ဝက်ကျော် ဆန္ဒမဲ ဖြင့်သာ ပြင်ဆင်ရမည်´´ ဖြစ်သွားပါသည်။ (ထက်ဝက် ကျော် ထောက်ခံမဲဟု ရေးမထားပါ)
အခန်း (၁၄)က အပိုဒ်တပိုဒ် အချက် (၂)ချက်ကိုတော့ ပြန်မပြင်တော့ပဲ အခြေခံရမယ့် မူများနဲ့ ကွဲလွဲစွာ ဖော်ပြ ထားပါတယ်။ မူလအခြေခံမူဖော်ပြချက်က
``ဤဖွဲ့စည်းပုံအခြေခံဥပဒေသည်ပြည်လုံးကျွတ် ဆန္ဒခံယူပွဲတွင် ဆန္ဒမဲပေးပိုင်ခွင့်ရှိသူအားလုံး၏ ထက်ဝက်ကျော်ထောက်ခံဆန္ဒမဲဖြင့် အတည်ပြုပြဌာန်းသည့် နေ့မှစ၍ နိုင်ငံတော် တစ်ဝှမ်းလုံး၌ အာ ဏာတည်သည်``ဟု ပါရှိပြီး
ပြန်မပြင်တော့သည့် ယခုပုဒ်မ (၄၄၁)မှာ
``ပြည်လုံးကျွတ်ဆန္ဒခံယူပွဲတွင် ဆန္ဒမဲပေးပိုင်ခွင့် ရှိသူအားလုံး၏ ထက်ဝက်ကျော်မဲပေးသည့် ဆန္ဒမဲ ၏ မဲအများဖြင့် အတည်ပြုပြဌာန်းလိုက်သည့် ဤဖွဲ့စည်းပုံအခြေခံဥပဒေသည် ပြည် ထောင်စုလွှတ်တော် ပထမအကြိမ်အစည်းအဝေး စတင်ကျင်းပသည့်နေ့မှစ၍ နိုင်ငံတော်တစ်ဝှမ်းလုံး ၌ အာဏာတည်သည်´´ ဟုဖော်ပြထားပါသည်။
ဒါကြောင့်ဆန္ဒမဲပေးခွင့်ရှိသူအားလုံးရဲ့ ၅၀%ကျော်မဲပေးမှ အထမြောက်မယ်။ မဲလာပေးတဲ့လူ ၅၀%မကျော် ရင်အထမမြောက်ဘူး။လာပေးတဲ့၅၀%ကျော်ထဲကထောက်ခံမဲတစ်ဝက်ကျော်ရမှအတည်ဖြစ်မယ်။ တနည်းအားဖြင့် ဆန္ဒမဲပေးခွင့်ရှိသူအားလုံးရဲ့ ၂၅.၀၂% ခန့် ထောက်ခံမဲရရင် အခြေခံ ဥပဒေအတည် ဖြစ် သွားပါမယ်။

၂၀၀၈ ဧပြီလ ၉ရက်နေ့ က ဒုတိယဗိုလ်ချုပ်ကြီးမြင့်ဆွေနဲ့ တာဝန်ရှိသူများက ရန်ကုန်တိုင်းက လူအများ အပြားကိုဖိတ်ပြီးထောက်ခံမဲများများရဖို့ခေါ်ပြောတယ်လို့သိရပါတယ်။ အဲဒီပွဲမှာ တာဝန်ရှိသူတစ်ဦးက အထက်ဖော်ပြခဲ့တဲ့ မဲလာပေးသူ ၅၀%ကျော်ဖို့ နဲ့ အတည်ပြုဖို့ ၂၅%ကျော် လိုကြောင်းရှင်းပြတယ်လို့ ဆိုပါတယ်။

ထပ်သိရတဲ့ထဲမှာ အရေးကြီးတဲ့ အချက် (၂)ချက်ပါတယ်။

(၁) မဲရေတွက်မှု့ ကိုနောက်ဆုံးမဲလာပေးသူ ၁၀ဦးရှေ့ မှာ ရေတွက်မယ်လို့ ပြောပါတယ်။ ဆန္ဒခံယူပွဲ ဥပဒေမှာ ဖော်ပြတာက ဆန္ဒမဲပေးခွင့်ရှိသူ အနည်းဆုံး (၁၀) ဦးရှေ့ တွင် ရေတွက်ရမယ်လို့ သိရပါတယ်။ ရန် ကုန်တိုင်းမှာ ရှင်းတာက နောက်ဆုံး (၁၀)ဦးကလွဲရင် မဲရေတွက်တာ မကြည့်ရဘူးလို့ ဆိုလိုပြီး ဥပဒေမှာက (၁၀)ဦးကျော်ကိုကျော်ရမယ်။ (၅၀)လည်းရတဲ့သဘောလို့ နားလည်ရပါတယ်။ မဲပေးခွင့်ရှိသူ ၄သန်းကျော်ရှိတဲ့ ရန်ကုန်တိုင်းမှာ ဒီလိုကျင့်သုံးမယ်လို့ ကြေညာရင် ကျန်ပြည်နယ်တိုင်းများလည်း ဒီလိုဖြစ်သွားနိုင်ပါတယ်။ ဒါကို ပြည်သူလူထုက ဥပဒေအတိုင်း မဲရေတာကိုဝင်ပြီး ကြည့်ကြဖို့လိုပါတယ်။

(၂) မဲရေတွက်ပြီးရင် ရတဲ့ Result ကိုအဲဒီ မဲရုံမှာ မကြေညာဘူးလို့ ရှင်းပြကြောင်း ပြန်လည်သိရှိရတယ်။ ထောက်ခံမဲဘယ်လောက်၊ ကန့်ကွက်မဲဘယ်လောက်၊ ပယ်မဲဘယ်လောက် ဆိုတာမကြေညာဘူးဆိုရင် ပိုပြီး မရိုးသားတဲ့ သဘောဆောင်သွားပါမယ်။ ဒီလိုပဲ ရပ်/ကျေး၊ မြို့ နယ်၊ ခရိုင်၊ တိုင်း အဆင့်များမှာလည်း မကြေညာပဲ အားလုံးပေါင်းပြီးမှ ဗဟိုတစ်ခုထဲကပဲ ကြေညာမယ်လို့ သိရှိရပါတယ်။
မဲထည့်ပြည်သူလူထုက ကိုယ့်မဲရုံအခြေအနေကို လူတိုင်းသိချင်ကြမှာပါပဲ။ တစ်ကမ္ဘာလုံးမှာ အခြေခံ လုပ်ထုံးလုပ်နည်းကို မြန်မာပြည်မှာ မလုပ်တဲ့သဘောပါပဲ။ မြန်မာ့တပ်မတော်ရဲ့ SPDC က free and fair လို့ ကြေညာပြီး တကယ်လုပ်နေတာ တလွဲပါပဲ။

တပ်မတော်အတွက်တော့ မကောင်းပါဘူး။ အာဖရိကတိုက်က ဇင်ဘာဆွေမှာတောင် ဒီထက်ပိုကောင်းတဲ့ အ ခြေအနေရှိတယ် ဆိုတာကို ပြည်သူလူထုနဲ့တပ်မတော်သားများသိရှိအောင် ၀ိုင်းဝန်းရှင်းပြစေလိုပါတယ်။

ဒီမိုကရေစီလိုလားသူများကဖြစ်နိုင်သမျှ နောက်ဆုံး(၁၀)ဦးထဲမှာ ပါအောင်ဆောင်ရွက်ကြဘို့၊ သိရတဲ့ မိမိရဲ့ ရပ်/ကျေးမဲစာရင်းများကို တဆင့်စကားတစ်ဆင့်နား ဖြန့် ချိဘို့ ၊ သိရှိရတဲ့ မဲစာရင်းများကို website များ blogger များထံပေးပို့ ဘို့ ကြိုတင်ပြင်ဆင်သင့်ပါပြီ။ website များ၊ blogger များနဲ့ အသံလွှင့် ဌာနများကလည်း အချင်းချင်း အပြန်အလှန်လဲလှယ် စုဆောင်းပြီး အနီးစပ်ဆုံးဖော်ပြကြဖို့ လိုပါတယ်။

ရပ်ကွက်မဲစာရင်းတွေ သင့်သလောက်ရရင်၊ အဲဒီမြို့ နယ်ရဲ့ မဲစာရင်းအသင့်အတင့်ရပါမယ်။ ဒီထက် ပိုကောင်း တဲ့နည်းတွေလည်း ရှိနိုင်ပါတယ်။ ၀ိုင်းစဉ်းစားစေချင်ပါတယ်။
ကျွန်တော်တို့ အားလုံး ကြိုက်သည်ဖြစ်စေ၊ မကြိုက်သည်ဖြစ်စေ၊ ယခုအခြေခံ ဥပဒေကတော့ မြန်မာများနှင့် ပတ်သက်ရမှာ ဖြစ်ကြောင်း၊ ဒါကြောင့်သေသေချာချာ စဉ်းစားပြီး မိမိဆန္ဒကို ဖော်ပြဘို့ သိပ်ကို အရေးကြီးကြောင်း ဆိုတဲ့ ချဉ်းကပ်မှုနဲ့ အသံလွှင့်ဌာနများ၊ website များ၊ blogger များက ယခုဆောင်ရွက်နေ တာထက် ပိုပြီး ကျိုးစားဆောင်ရွက်ပေးဖို့ မေတ္တာရပ်ခံလိုပါတယ်။

Singapore, Thai, Malaysia, Korea, US, UK, India အစရှိတဲ့ မြန်မာအများစုရောက်နေတဲ့ နိုင်ငံများမှ ဒီမိုကရေစီရေး လိုလားသူအားလုံး မြန်မာပြည်ထဲက မိမိတို့ ရဲ့ မိတ်ဆွေ၊ ဆွေမျိုးသားချင်း၊ သူငယ်ချင်းများကို email, fax, phone, စာတိုက်ကစာထည့် (သို့မဟုတ်) အခြားသင့်တော်တဲ့ နည်းများနဲ့ ပြန်ရှင်း ပြစေလိုပါတယ်။ ထပ်ဆင့်ထပ်ဆင့် လုပ်နိုင်ရင်ပိုကောင်းပါမယ်။ ပိုမိုဆောင်ရွက်နိုင်တဲ့ အုပ်စုများက May watch အုပ်စု အသွင်များနဲ့ ဆောင်ရွက်လို့ လဲရနိုင်ပါတယ်။

အချိန်အများကြီး မရှိတော့တာရယ် ၁၉၉၀နောက်ပိုင်း မြန်မာပြည်သူလူထုဆန္ဒကို ငြိမ်းချမ်းတဲ့ နည်းနဲ့ ဖော်ထုတ် နိုင်တဲ့တခုတည်းသော အခွင့်အရေးဖြစ်လို့ ၀ိုင်းပြီးကြိုးစားပေးစေလိုပါတယ်။ ပြည်တွင်းကလူများလဲ သူတို့လုပ်နိုင်သလောက်လုပ်နေပါပြီ။အားလုံး``ပြိုင်တူတွန်းလျှင်ရွေ့ နိုင်ပါသည်´´ လို့ မီးမောင်း ထိုးပြပါရ စေ။

အရင်ကတော့ No Vote, Vote No ငြင်းနေတာ ကိစ္စမရှိပါဘူး။ အခု NLD ပြောသလိုပဲ မဲရုံကို သွားပြီး အခြေခံ ဥပဒေကို မကြိုက်သူများက (X) ကန့်ကွက်မဲပေးဖို့ကိုပဲ ရှေ့ရှုစေလိုပါတယ်။ ဒီမိုကရေစီစနစ်မှာ သဘောထား ကွဲလွဲတာ လက်ခံပေမယ့် ဒီအချိန်မှာ တွေဝေကုန်ရင် ပြည်သူလူထုအတွက် အကျိုးမရှိပါ။ USDA, စစ်တပ်၊ တစညနဲ့ကိုအေးလွင်တို့လိုအုပ်စုများကတော့ မဲရုံကို အသေအချာသွားပြီး၊(ì) ထောက်ခံမဲပေးကျမှာ ဖြစ်လို့ မပေါ့ဆကျစေလိုပါ။

သံဃာတော်များကလည်း တပည့်ဒါယကာ၊ ဒါယကာများကို အတတ်နိုင်ဆုံး ရှင်းပြစေလိုပါတယ်။ ရဟန်း၊ သံဃာ ၄သိန်းခန့် ဆိုတဲ့ အင်အားက အတော့်ကိုကြီးမားပါတယ်။ ဂုဏ်သိက္ခာရှိပြီး၊ ပြည်သူလူထု လက်ခံနိုင်သူ များရဲ့ ``ပြည်သူလူထုသို့……´´ ``တပ်မတော်သားများသို့…´´ ``ကော်မရှင်အဖွဲ့ ၀င်များသို့ ……´´``သံဃာတော်သို့များသို့…..´´စတဲ့ ပန်ကြားချက် များလဲ များများရရှိအောင်ကြိုးစားပေးပါ။ ကျွန်တော်အနေနဲ့သေချာပေါက် အကျိုးရှိမယ်လို့ ယုံကြည်ပါတယ်။ (ဆရာ လူထုဦးစိန်ဝင်း၊ ရှမ်းခေါင်းဆောင် ဦးရွှေအုံးတို့ ရဲ့ အသံဟာ သင့်သလောက် အကျိုးရှိပါတယ်။)

နယ်တစ်ချို့မှာတော့ သက်ဆိုင်ရာ ရရကများ၊ USDA များ၊ တချို့နေရာမှာ တပ်မတော်သား တချို့က မဲပေး ကိုပေးရမယ်၊မဲမပေးရင်(ထောက်ခံမဲမပေးရင်)ထောင်ချမယ်ဆိုတဲ့ခပ်တည်တည်ဟောက်စားတချို့ လဲစနေ ပါပြီ။ NLD လဲလှုပ်ရှားဘို့ မလှယ်လို့ ကိုယ့်အားကိုယ်ကိုးရပါလိမ့်မယ်။ ကိုယ်အားဆိုတာ ပြည်တွင်းမှ မြန်မာ များ ပြည်ပမှ မြန်မာများနှင့် မြန်မာအသံလွှင့်ဌာနများ နှင့် media များကို ဆိုလိုကြောင်းပါခင်ဗျာ။

(ပြင်ပမှ ယခုဆောင်ရွက်ပေးနေတာကို ကျေးဇူးတင်ပါတယ်။ ဒီထက်ပိုပြီး အားထည့်ပေး စေလိုတဲ့အတွက် အား ကိုး ရေးသားရခြင်းဖြစ်ပါတယ်။)

မှတ်ချက်။ ။
ရန်ကုန် မှပေးပို့ လာသော စာဖြစ်ပါတယ်။ ပြည်တွင်း ပြည်သူများ အနေနဲ့ စိတ်ပူကြသကဲ့ သို့ ပြည်ပ ပြည်သူ များအနေနဲ့လည်း ထပ်တူထပ်မျှ စိုးရ်ိမ် မကင်းမှုဖြစ်ရပါတယ်။ ကျွန်တော်တို့ အနေဖြင့်လည်း ပြည်တွင်းမှ ညီအကို နှမ အမ၊ အဖေ အမေများ နဲ့ ထပ်တူ စွမ်းစွမ်းတမံ အချိန်နှင့် တပြေးညီ အကောင်းဆုံး ကြိုးစား ဆောင်ရွက် သွားမည်ဖြစ်ကြောင်း အသိပေးအပ်ပါသည် ရန်ကုန်သားများ ခင်ဗျား။