ဆေးဝါးပြတ်လပ်လို့ အိပ်ခ်ျအိုင်ဗွီရောဂါသည် သောင်းနဲ့ချီ သေဆုံးနိုင်ဟု MSF မြန်မာ သတိပေး

25 November 2008
PreventableFatereport-MSF

MSF မှထုတ်ပြန်လိုက်သော မြန်မာနိုင်ငံနှင့် ပတ်သက်သည့် အစီရင်ခံစာ။
(ပုံ-MSF အင်တာနက်စာမျက်နှာ)
အာရှတိုက်ထဲက အိပ်ခ်ျအိုင်ဗွီ၊ အေအိုင်ဒီအက်စ် ဖြစ်ပွားမှု အဆိုးဆုံးနိုင်ငံတခုဖြစ်တဲ့ မြန်မာနိုင်ငံမှာ ဝေဒနာရှင် တွေအတွက် နိုင်ငံ တကာရဲ့ အကူအညီတွေ အရေးပေါ်လိုအပ်နေတဲ့အကြောင်းနဲ့ ဒီလိုအကူအညီတွေ အချိန် မီထပ်မရရင် သူတို့ရဲ့အသက်ကို ကယ်တင်နိုင် မယ့်အခြေအနေတွေ မရှိတဲ့အကြောင်း MSF ခေါ် နယ်ခြားမဲ့ ဆရာဝန်များအဖွဲ့က အစီရင်ခံ စာတစောင် ဒီနေ့ပဲ ထုတ်ပြန်ပါတယ်။ ဒီအစီရင်ခံစာနဲ့ ပတ်သက်တဲ့ သတင်းစာရှင်းလင်းပွဲ တခုကို ထိုင်းနိုင်ငံ ဘန်ကောက်မြို့က နိုင်ငံခြားသတင်းထောက်များအသင်းမှာ ကျင်းပ ပါတယ်။
မြန်မာနိုင်ငံမှာ အိပ်ခ်ျအိုင်ဗွီ၊ အေအိုင်ဒီအက်စ် ဝေဒနာရှင် ၂၄၀,၀၀၀ လောက်ရှိနေပြီး အဲဒီထဲက ၇၆,၀၀၀ လောက်ဟာ အေအာတီ (ART) လို့ခေါ်တဲ့ ဝေဒနာရှင်တွေအတွက် အသက်ကယ်ဆေးတွေဟာ အရေး တကြီး ကို လိုအပ်နေတယ်လို့ MSF ခေါ် နယ်ခြားမဲ့ဆရာဝန်များအသင်းက ဒီနေ့ထုတ်ပြန်တဲ့ အစီရင်ခံစာမှာ ဖော်ပြ ထားပါတယ်။

ပြီးခဲ့တဲ့နှစ်တုန်းက လူပေါင်း ၂၅,၀၀၀ လောက်က အိပ်ခ်ျအိုင်ဗွီ၊ အေအိုင်ဒီအက်စ် ရောဂါနဲ့ပဲ မြန်မာပြည်မှာ သေဆုံးသွားခဲ့ရပါတယ်။ ဒီနှစ် ၂၀၀၈ ခုနှစ်မှာလည်း အရေးပေါ်ကုသမှုတွေ မရရင် ဒီလောက်လူအရေအတွက် သေဆုံးရဖွယ်ရှိနေတယ်လို့ ဆိုပါတယ်။

"နောက်နှစ်တွေအတွက်ကတော့ တော်တော့်ကို ကွဲပြားခြားနားပါလိမ့်မယ်။ အခုအရေးတကြီး ကျနော်တို့ လိုနေ တာကတော့ ဒီဝေဒနာ ရှင်တွေအတွက် အေအာတီ အသက်ကယ်ဆေးတွေ များများနဲ့ မြန်မြန်ရဖို့ပါပဲ။ အဲဒီအတွက် မြန်မာစစ်အစိုးရဘက်ကရော နိုင်ငံတကာ ကပါ ၀ိုင်းပြီးတော့ အကူအညီပေးကြဖို့ လိုနေပါတယ်" လို့ မြန်မာပြည်တွင်းမှာ အိပ်ခ်ျအိုင်ဗွီ၊ အေအိုင်ဒီအက်စ် ဝေဒနာရှင်တွေကို ကူညီ ဆောင်ရွက်ပေးနေတဲ့ MSF အဖွဲ့က ခေါင်းဆောင်တဦးဖြစ်သူ မစ္စတာ ဆိုဟေး ရစ်ခ်ျ ပြောသွားတာဖြစ်ပါတယ်။

မြန်မာပြည်တွင်းမှာ အစိုးရမဟုတ်တဲ့ အန်ဂျီအို အဖွဲ့အစည်းတွေကနေ အိပ်ခ်ျအိုင်ဗွီ၊ အေအိုင်ဒီအက်စ် ဝေဒနာ ရှင် တွေကို အကူအ ညီပေးနေတာတွေလည်း ရှိနေပါတယ်။ သူတို့နဲ့ စစ်အစိုးရကြားမှာဘယ် လိုပြဿနာ တွေ၊ ဘယ်လိုအခက်အခဲတွေ ရှိနေပါသလဲလို့ မေးကြည့်တော့ …

"သူတို့တွေရဲ့ကြားမှာ ပြဿနာတွေတော့ မရှိပါဘူး။ ပြဿနာကတော့ အစိုးရဆီမှာရော၊ အစိုးရမဟုတ်တဲ့ အန်န်ဂျီအိုအဖွဲ့အစည်းတွေက ဆရာဝန်တွေဆီမှာပါ အေအာတီ အသက်ကယ်ဆေးတွေ မရှိတာပါပဲ။ သူတို့ဆီမှာ အဲဒီဆေးတွေ ၀ယ်ယူဖို့လည်းငွေကြေးမရှိကြပါဘူး။ မြန်မာပြည်တွင်းက အိပ်ခ်ျအိုင်ဗွီ၊ အေအိုင် ဒီ အက်စ် လုပ်ငန်းမှာအဓိကဆောင်ရွက်ပေးနေကြတဲ့ သူတွေဆီမှာ အဲဒီဆေးတွေ ပြတ်နေ တာဟာ တကယ့် ပြဿနာပါပဲ" လို့ MSF အဖွဲ့ရဲ့ ခေါင်းဆောင်တဦးဖြစ်တဲ့ မစ္စတာ ဆိုဟေး ရစ်ခ်ျက ပြောသွားပါတယ်။

MSF အဖွဲ့က လူပေါင်း ၁၁,၀၀၀ ကျော်ကို မြန်မာပြည်မှာ အေအာတီဆေးတွေကို ဝေငှခဲ့တာရှိတယ်၊ အစိုးရနဲ့ အစိုးရမဟုတ်တဲ့ အန်န်ဂျီအို အဖွဲ့အစည်းတွေကတော့ အနည်း အကျဉ်းလောက်ပဲ ပေးနိုင်ကြတယ်လို့ ဆိုပါ တယ်။

မြန်မာစစ်အစိုးရကလည်း ပြည်သူတွေအတွက် ကျန်းမာရေးအသုံးစရိတ်က သိပ်ပြီးနည်းနေတယ်၊ နိုင်ငံတကာ လူသားချင်း စာနာမှု ဆိုင်ရာ အကူအညီပေးမှုတွေကလည်း သိပ်ပြီးတော့နည်းနေတယ်၊ အဲဒါကြောင့် မြန်မာ ပြည်တွင်းက အိပ်ခ်ျအိုင်ဗွီ၊ အေအိုင်ဒီအက်စ် လူမမာတွေအတွက် အရေးပေါ်အကူအညီတွေ အမြန်ဆုံး ၀ိုင်းပြီး မပေးနိုင်ကြဘူးဆိုရင် ဝေဒနာရှင်တွေအတွက် မတွေးဝံ့စရာပါပဲလို့ ဒီနေ့ ဘန်ကောက်မြို့မှာကျင်းပတဲ့သ တင်း စာရှင်းလင်းပွဲမှာ မြန်မာပြည်အတွင်း ဆောင်ရွက်ပေးနေတဲ့ MSF အဖွဲ့က ခေါင်းဆောင်တွေက ပြောကြ ပါ တယ်။
MSF အဖွဲ့ဟာ မြန်မာပြည်မှာ ၁၉၉၃ ခုနှစ်ကစပြီး ကျန်းမာရေး ကူညီဆောင်ရွက်မှုတွေ ပြုလုပ်ခဲ့တာပါ။ အခု ဆိုရင် သူတို့ရဲ့ MSF ဆေးခန်းပေါင်း မြန်မာပြည်မှာ ၂၃ ခု ဖွင့်လှစ်ပြီး ကုသဆောင်ရွက်နေပါတယ်။ http://www.voanews.com/burmese/2008-11-25-voa9.cfm