“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Friday, November 28, 2008

မဲဆောက်မြို့ရှိ မြန်မာအလုပ်သမား ၃၀၀၀ နီးပါး အလုပ်လက်မဲ့ဖြစ်

Friday, 28 November 2008 19:03 အေးလဲ့
ထိုင်းနိုင်ငံ တာ့ခ် ခရိုင် မဲဆောက်မြို့ရှိ အထည်ချူပ် စက်ရုံ၊ သိုးမွေးစက်ရုံများ ရပ်ဆိုင်းလိုက်သည့်အတွက် ယင်း စက်ရုံ အလုပ်ရုံများတွင် အလုပ်လုပ်နေသော မြန်မာ အလုပ်သမား ၃၀၀၀ နီးပါး အလုပ်လက်မဲ့ ဖြစ်နေ ကြောင်း မြန်မာ အလုပ်သမားရေးရာ အဖွဲ့များက ပြောသည်။

မြန်မာပြည်သူများအရေး ပူးတွဲလှုပ်ရှားမှုကော်မတီ( JACBA) ဥက္ကဌ ဦးမိုးကြိုးက “မဲဆောက် တမြို့လုံးမှာရှိတဲ့ စက်ရုံကြီးတွေ၊ အိမ်စက်ရုံတွေမှာ အလုပ်လုပ်နေတဲ့ မြန်မာ အလုပ်သမား ၃၀၀၀ လောက် အလုပ်မရှိတော့ဘူး” ဟု ပြောသည်။

ယခုလ ၁၉ ရက်မှစပြီး မဲဆောက်မြို့ရှိ အကြီးဆုံး သိုးမွေးစက်ရုံ Lian Tong Knitting co.,ltd (S-C-P) က လည်း အလုပ်အော်ဒါ မရှိတော့သည့် အတွက် အလုပ်သမားများကို အလုပ် ရပ်နားလိုက်ပြီး မြန်မာ အလုပ် သမားပေါင်း ၇၀၀ နီးပါးကို အိမ်ပြန်ခိုင်းကြောင်း အလုပ်သမားအရေး ဆောင်ရွက်နေသည့် မဲဆောက်မြို့ ရောင်ခြည်ဦး အလုပ်သမားအဖွဲ့ ဒါရိုက်တာ ဦးမိုးဆွေက ပြောသည်။

ဦးမိုးဆွေက “ဒီစက်ရုံက သိုးမွေး စက်ရုံကြီး ဖြစ်တယ်၊ အလုပ်သမား တွေကို စက်ရုံမှာ ပေးမနေတော့ဘူး၊ အော်ဒါတွေ မရှိတော့တဲ့အတွက် ယာယီ စက်ရုံပိတ်လိုက်တယ်လို့ ပြောတယ်၊ အလုပ်ရှိမှ ပြန်ခေါ်မယ်လို့ ပြောပါတယ်၊ ဒီစက်ရုံကြီး အောက်က အော်ဒါပေးတဲ့ စက်ရုံ အသေးတွေလည်း ရပ်လိုက်ရတယ်” ဟုပြောသည်။

၎င်း အလုပ်လက်မဲ့ မြန်မာ လုပ်သားများသည် အလုပ်လက်မဲ့ ဖြစ်ပြီး နေထိုင်စရာ မရှိတော့သည့် အတွက် မဲ ဆောက် - မြဝတီ် ကမ်းနားရှိ စက်ရုံဝန်းကျင်တွင်ပင် တဲဆောက်လုပ်ကာ နေထိုင်၍ တချို့လုပ်သားများမှာ မိတ် ဆွေ အပေါင်းအသင်းများ ထံတွင် နေထိုင်ကာ တခြား အလုပ်အကိုင်ရရန် ရှာဖွေနေပြီး တချို့ အလုပ်သမား များက နေအိမ်ပြန်သွားကြသည်ဟု ဆိုသည်။

တချိန်တည်းတွင် အလုပ်ရှင်များသို့ အလုပ်သမား အခွင့်အရေး တောင်းဆို ဆန္ဒပြမှုများလည်း ဖြစ်ပေါ်နေ ကြောင်း သိရသည်။

မဲဆောက်ရှိ Han Thai knitting co.,ltd သိုးမွေး စက်ရုံတွင် အလုပ်သမား၂၉ ဦးက ခေါင်းဆောင်ပြီး အလုပ် သမားရပိုင်ခွင့် အခွင့်အရေး တောင်းဆိုသည့် ဆန္ဒပြမှု ဖြစ်ပွားခဲ့ရာလာမည့် ဒီဇင်ဘာလ ၁ ရက်နေ့တွင် အလုပ် သမား၊ အလုပ်ရှင်နှင့် အလုပ်သမား ကာကွယ်ရေးရုံး စသည့် သုံးဦးဆိုင် ဖြေရှင်းမည် ဟုလည်း ဦးမိုးကြိုးက ပြော သည်။

ဦးမိုးကြိုးက “တောင်းဆိုချက် ၇ ချက် တောင်းဆိုထားတယ်၊ အလုပ်သမားတွေက နေ့စားခကို ၁၂၀ ဘတ်၊ အချိန်ပို ကြေးကို ၁၀ ဘတ်မှ ၁၅ ဘတ်အထိ ပေးဖို့၊ အလုပ်သမား လက်မှတ်နဲ့ ပတ်သက်ပြီး ကောက်ခံမှု တွေကို လျှော့ချပေးဖို့၊ ရေခ၊ မီးခ၊ အဆောင်ကြေးများကို ပုံမှန်ထားပေးဖို့၊ အထွေထွေ မန်နေဂျာ ကောက်တဲ့ အခွန်အကောက်တွေကို မူလအတိုင်း ပြန်ထားပေးဖို့တွေ ဖြစ်ပါတယ်”ဟု ဆိုသည်။

တာ့ခ် ခရိုင် အတွင်းရှိ တရားဝင် ဥပဒေ ပြဌာန်းချက်အရ အလုပ်သမားနေ့စဉ် လုပ်အားခ ၁၅၁ ဘတ်၊ အချိန်ပို ကြေး ၁ နာရီလျှင် ၂၈ ဘတ်အထိ သတ်မှတ်ပြဌာန်း ထားသော်လည်း နေ့စဉ် လုပ်အားခ အဖြစ် ၆၀ မှ ၇၀ အထိ သာရရှိပြီး အချိန်ပိုကြေးမှာ မရသလောက် ဖြစ်သည်ဟုလည်း သိရသည်။

သိုးမွေး စက်ရုံတွင် လုပ်သည့် အလုပ်သမား တဦးတွင် နေ့စဉ်အလုပ်ချိန် နံနက် ၈ နာရီမှ ညနေ ၅ နာရီ အထိ ဖြစ်ပြီး အချိန်ပိုချိန် ၆ နာရီမှ ၁၂ နာရီ အချိန်အထိရှိကြောင်း သိရသည်။

ပုံမှန်အားဖြင့် နှစ်စဉ်နှစ်တိုင်းလိုပင် နိုဝင်ဘာလနှင့် ဒီဇင်ဘာလအတွင်း ၎င်း သိုးမွေးစက်ရုံများတွင် အလုပ် လက်မဲ့ ဖြစ်လေ့ ရှိတတ်ကြောင်း ဦးမိုးဆွေက ပြောဆိုသည်။

ဦးမိုးကြိုးကလည်း“အလုပ်ရပ်ဆိုင်းရင်အလုပ်သမားတွေကိုတလကြိုအကြောင်းကြားရမယ်၊ အကယ်၍အ ကြောင်း မကြားခဲ့ရင် အလုပ်သမားကို လစာ ၃ လစာလျော်ကြေးပေးရမယ်လို့ ဥပဒေရှိပါတယ်၊ ဒါပေမယ့် လည်း အလုပ်ရှင်တွေက နင်တို့ အိမ်ပြန်လိုက်ကြဦး၊ အလုပ်ရှိရင် ပြန်ခေါ်မယ်လို့ပဲ ပြောပါတယ်”ဟု ပြောသည်။

မဲဆောက်တွင် တရားဝင် မှတ်ပုံတင်ထားသည့် စက်ရုံပေါင်း ၂၀၀ ကျော်ရှိပြီး မှတ်ပုံမတင်သည့် စက်ရုံပေါင်း ၃၀၀ ကျော်ရှိကြောင်းလည်း ၎င်းက ပြောဆိုသည်။

မဲဆောက်မြို့ရှိ မြန်မာလုပ်သားများ အဓိကအားဖြင့် သိုးမွှေး စက်ရုံ၊ အထည် အချူပ် စက်ရုံ၊ ဆောက်လုပ်ရေး လုပ်ငန်းခွင်များနှင့် ရာသီအလိုက် လုပ်ကိုင်ရသော စိုက်ပျိုးရေး၊ မွေးမြူရေး၊ ကျပန်း စသည့် လုပ်ငန်းများတွင် လုပ်ကိုင်ကြကြောင်း သိရသည်။

လက်ရှိ ထိုင်းနိုင်ငံတွင် နေထိုင်လုပ်ကိုင်နေသည့် မြန်မာ အလုပ်သမားပေါင်း တရားဝင် မှတ်ပုံတင်ထားသူနှင့် တရား မဝင် နေထိုင်သူဦးရေ ခန့်မှန်းခြေ ၂ သန်း နီးပါးရှိသည်ဟု အလုပ်သမားရေးရာ ဆောင်ရွက်သူများက ဆိုသည်။ http://www.irrawaddy.org/bur/index.php?option=com_content&view=article&id=455:2008-11-28-12-04-34&catid=1:news&Itemid=2

0 comments:

 
----------------------------------------- */ /* EOT ----------------------------------------- */