အိပ်ပေါက်နဲ့ ဖားကောက်နေတဲ့ နအဖ

ကိုယ်ပြည်သူတွေ မစားရမသောက်ရ..မမြင်ရတဲ့ Gas တွေ အဲလို အကွဲအအက်တွေ ကြားက ဘယ်လောက် အလဟဿ ပျောက်ဆုံးပြီးပြီလည်း။ ဒေသခံတွေ ဘယ်လောက် ဒီလို ပေါက်ကွဲမှု တွေကြောင့် ဒုက္ခ ရောက် ပြီးကြပြီလည်း။ ဒါပြည်သူပိုင်ပစ္စည်းပါဗျာ။ အားလုံးနဲ့ ဆိုင်တယ်။

လမိုင်းမြို့နယ်ခွဲတွင် ဂက်(စ်)ပိုက်လိုင်းပေါက်ကွဲ
Wed 26 Nov 2008, မိရိုင်မရော့
မွန်ပြည်နယ်အတွင်း သွယ်တန်းထားသော ဂက်(စ်)ပိုက်လိုင်းသည် နိုဝင်ဘာလ ၂၅ ရက်နေ့ မနက် ၅ နာရီ အချိန်တွင် လမိုင်းမြို့ဘူတာမှ ရေးမြို့သို့သွားသောလမ်း ၄ ဖာလုံလောက်အကွာတွင် ပေါက်ကွဲမှုတစ်ခုဖြစ်ပြီး ၄င်းဖြစ်ရပ်သည် ပိုက်လိုင်းသွယ်ထားသည့်နေရာတွင် ကွဲအက်မှုကြောင့် ဖြစ်သည်ဟု လမိုင်းမြို့ခံက ပြောသည်။

''ပေါက်ကွဲမှုဖြစ်တာကတော့ မနက် ၅ နာရီအစောကြီးမှာ ဖြစ်တာပါ၊ ကျမတို့အိမ်က အဲဒီဂက်စ် ပေါက်တဲ့ နေရာနဲ့နီးတယ်၊ ပေါက်ကွဲတဲ့အသံကတော့ ကျယ်တယ်၊ ဒါပေမယ့် မီးတော့မလောင်ဘူး၊ မီးသာ လောင် မယ်ဆိုရင် ကျမတို့တော့ ဒုက္ခရောက်မှာဘဲ၊ ပေါက်ကွဲမှုဖြစ်တာနဲ့ ထွက်ကြည့်တဲ့လူပြည့်နေတာဘဲ" ဟု ပေါက်ကွဲမှု နှင့် နီးစပ်သူ တစ်ဦးက ပြောသည်။

၎င်းပေါက်ကွဲမှုသည် မီးရထားလမ်းဘေးတွင် ဖြစ်ပွားနေသောကြောင့် နိုဝင်ဘာလ ၂၅ ရက်နေ့တွင် သွားလာ နေသော မီးရထားများ ဖြတ်သန်းသွားလာခွင့်ကို ယာယီပိတ်ပင်ထားပြီး၊ စစ်သားများဖြင့် အစောင့် များချထားကာ မီးရထားများသွားလာနိုင်အောင် ပြုပြင်လုပ်ဆောင်နေသည်။ ယနေ့တွင်ပင် မီးရထားများကို ဖြတ်သန်း သွားလာခြင်းကို ပြုလိုက်သည်။

၎င်းပေါက်ကွဲမှုနှင့် နီးစပ်သူ၏ ပြောပြချက်အရ ''ဒီပေါက်ကွဲမှုက သူ့ဟာသူ အလိုလိုပေါက်တာဘဲ၊ လမိုင်းမှာ အဲဒီပိုက်လိုင်း ကိုစောင့်နေတဲ့ စစ်သားတွေပြောတာက အဲဒီဆက်ထားတဲ့နေရာမှာ အက်နေတယ်တဲ့ တချိန်ချိန် မှာ ပေါက်မှာဘဲလို့၊ အခုပေါက်ကွဲမှုက အဲဒီနေရာဘဲဖြစ်နေတယ်ဆိုတော့ သူ့ဟာသူပေါက်တာဘဲလို့ ပြောနေ ကြတာပေါ့"ဟု သူက ပြောသည်။

ပေါက်ကွဲမှုအသံကြီးကြောင့် ထိုဒေသတဝိုက်ရှိ ရွာသူ၊ ရွာသားများအပါဝင် လမိုင်းမြို့တစ်မြို့လုံး ထိတ် လန့်ကြောက်ရွံ့ နေကြသည်။ ပေါက်ကွဲမှုကြောင့် တစ်စုံတစ်ရာမှ ထိခိုက်ဒဏ်ရာရရှိမှုမရှိဘဲ ပေါက်ကွဲမှု ဖြစ်ပွားသည့်နေရာတွင်သာ စစ်သားများသာ ပြည့်နှက်နေသည်။

ပေါက်ကွဲမှုကြောင့် ရွာသူ၊ ရွာသားများကို တစ်စုံတစ်ရာအဓမ္မစေခိုင်းမှုများမရှိဟု ၄င်းလမိုင်းမြို့ခံက ပြောသည်။

ယခုကဲ့သို့သော ပိုက်လိုင်းပေါက်ကွဲမှုသည် လမိုင်းမြို့တွင် နှစ်ကြိမ်မြောက် ဖြစ်ပွားသော ပိုက်လိုင်း ပေါက်ကွဲမှုဖြစ်သည်။ ပိုက်လိုင်းပေါက်ကွဲမှုကြောင့် မုဒုံမြို့နယ်အတွင်း၌ ရွာသူ ရွာသားများက ပိုက်လိုင်းများကို ကင်းစောင့် နေရသည်မှာ ယခုချိန်ထိပင်ဖြစ်သည်။

၂၀၀၀ ခုနှစ်တွင် သွယ်တန်းထားသော ကန်ပေါက်-မြိုင်ကလေး ဂက်စ်ပိုက်လိုင်းသည် အရှည် ၂၀၀ ကီလို မီတာရှိပြီး လွန်ခဲ့သည့် ဇွန်လအတွင်းတွင် မော်လမြိုင်တက္ကသိုလ်ကျောင်းအနား တောင်ဝိုင်း ဘုရားအနီး တွင်လည်း ပေါက်ကွဲမှုဖြစ်ပွားခဲ့သည်။ http://www.monnews-imna.com/burmese/newsupdate.php?ID=137