သတ်မတော် လိမ်ညာ MRTV ကလွဲ၍ ဘာမှမကြည့် ရ

နအဖ အာဏာပိုင်များက နာဂစ် မုန်တိုင်း စီဒီခွေများ ကြည့်ရှု့ခွင့်ကို ပိတ်ပင်

6/23/2008

မောင်သစ်အောင်(နိရဉ္စရာ) နအဖ စစ်အာဏာပိုင် များက ပုဂ္ဂလိက အဖွဲ့အစည်း များမှ ရိုက်ကူးပြီး ဖြန့်ဝေ နေသော နာဂစ် မုန်တိုင်း ဗွီစီဒီနှင့် ဒီဗွီဒီ အခွေ များအား ရခိုင်ပြည်နယ် အတွင်း မဖြန့်ဖြူးရ၊ မကြည့်ရ ဟုဆိုကာ လိုက်လံ ပိတ်ပင် တားမြစ် နေကြောင်း အမည် မဖေါ်လိုသူ မောင်တောမြို့က အခွေ ဆိုင်ပိုင်ရှင် တဦးမှ ပြောသည်။

သူက “စရဖတာဝန်ရှိသူတွေနဲ့ ရဲအရာရှိတွေက အခုလူတွေ ကြည့်ရှု့နေကြတဲ့ နာဂစ် မုန်တိုင်း စီဒီအခွေတွေဟာ အစိုးရက တရားဝင် ခွင့်ပြုထားတဲ့ အခွေတွေမဟုတ်သလို ဆင်ဆာ အဖွဲ့က ဆင်ဆာဖြတ်ထားတဲ့ အခွေတွေလည်း မဟုတ်တဲ့အတွက် ရောင်းဝယ်ဖြန့်ဖြူးခြင်းနဲ့ ငှားရမ်းခြင်းတွေ မလုပ်ရဘူးဆိုပီး တားမြစ်ပါတယ်။ တွေ့ရှိက အရေးယူမယ် လို့လည်း ပြောကြားပါတယ်။” ဟု ပြောသည်။

၎င်းအပြင် တရားဝင် ခွင့်ပြုထားသော အခွေများမဟုတ်သဖြင့် ဆိုင်တင်ရောင်းချနေသူများကို သာမက ကြည့်ရှုသူများအားလည်း ဖမ်းဆီး အရေးယူမည်ဖြစ်ကြောင်း သက်ဆိုင်ရာ ရဲအဖွဲ့က မြို့နယ်တိုင်းတွင် သတင်းထုတ်ပြန်ထားကြောင်း သိရှိရသည်။

“အစိုးရ တီဗွီလိုင်းတွေက ပြသတဲ့ နာဂစ်မုန်တိုင်း သတင်းတွေမှာ အစိုးရကဆန်တွေ ငွေတွေကို လိုက်လံလှူဒါန်းနေတာတွေကိုချည်း ပြသနေတဲ့အတွက် ပြည်သူတွေက စိတ်မ၀င်စားဘဲ ပုဂ္ဂလိကအဖွဲ့တွေက ရိုက်ကူးထားတဲ့ တကယ်ဖြစ်ရပ်မှန် စီဒီခွေတွေကိုဘဲ စိတ်ဝင်တစားနဲ့ ကြည့်နေကြတော့ အာဏာပိုင်တွေက နာဂစ်မုန်တိုင်းခွေတွေကို ကြည့်တဲ့ သူတွေကို ဖမ်းဆီးအရေးယူမယ်ဆိုပီး ဖြစ်လာတယ်လို့ ယူဆရပါတယ်။” ဟု စစ်တွေမြို့က အမည်မဖေါ် လိုသူတဦးက ပြောသည်။

ယခုကဲ့သို့ စီဒီခွေများ ကြည့်ရ့ခွင့်အား ပိတ်ပင်တားမြစ်သော်လည်း ရခိုင်ပြည် အနှံ့အပြား တွင် အဆိုပါ နာဂစ်အခွေများအား ကြည့်ရှု့နေကြပြီး နာဂစ်မုန်တိုင်း စီဒီတဆပ်သုံးခွေကို ကျပ်ငွေ ၇၀၀ နှင့် ရောင်းချနေကြပြီး ဒီဗွီဒီတခွေကို ၁၀၀၀-ကျပ် ဈေးနှုန်းဖြင့် ရောင်းချနေကြ ကြောင်း သတင်းရရှိသည်။

ထို့ပြင် နအဖ စစ်အာဏာပိုင်များက နာဂစ် လေဘေးဒုက္ခသည်များအား ကူညီသလိုလိုဖြင့် တချို့ ပြည်တွင်းရှိ တသီးပုဂ္ဂလ အဖွဲ့များသည် လေဘေးဒဏ် ခံခဲ့ရသော ဒေသများကို စီဒီခွေများရိုက်ကူးကာ ပြည်သူများ အကြား ယုံထင်ကြောင်ထင် ဖြစ်လာအောင် အဆိုပါ အခွေများအား ဖြန့်ဖြူးရောင်းချနေကြောင်း စွပ်စွဲပြီး အရေးယူသွားမည်ဖြစ်ကြောင်း ပြောကြားသည်ဟု သိရှိရသည်။

ပုဂ္ဂလိကအဖွဲ့များက ရိုက်ကူးပြီး ဖြန့်ဝေနေသော စီဒီများမှာ လေမုန်တိုင်း တိုက်ခတ်ချိန်မှ စပြီး ယခုအချိန်ထိ လေဘေးဒဏ်ခံခဲ့ရသော ဒေသများ၏ ပကတိ လက်တွေ့အခြေအနေ ဖြစ်ရပ်မှန်များကို ရိုက်ကူးထားပြီး သေဆုံးသူများ၏ ရုပ်အလောင်းများ၊ ပျက်စီးသွားသော အိမ်ယာများနှင့် လေဘေးအကူအညီကို မျှော်လင့်နေကြသော ပြည်သူများ၏ ရုပ်ပုံများအား တချက်ချင်း ထိထိမိမိ ရိုက်ကူး တင်ဆက်ထားကြောင်း သိရှိရသည်။