ဘိလပ်မြေစက်ရုံအတွက် ဖွတ် ပါတီပိုင် ကုမ္ပဏီက လယ်မြေသိမ်းမည်

ဝီရ / ၂၉ အောက်တိုဘာ ၂၀၁၀
ဘိလပ်မြေစက်ရုံ တည်ဆောက်ရန်အတွက် မွန်ပြည်နယ်၊ ကျိုက်မရောမြို့နယ်ရှိ နှီးဒုံးရွာသားတို့၏ လယ်ယာမြေ ဧကပေါင်း (၄၀၀) ကျော်ကို ကြံ့ဖွံ့ပါတီပိုင် ကုမ္ပဏီက သိမ်းယူမည် ဖြစ်ကြောင်း မွန်လူ့အခွင့်အရေးမြှင့်တင်ရေးအဖွဲ့ (HURFOM) က ပြောသည်။

HURFOM မှ အချက်အလက်စုဆောင်းရေး တာဝန်ခံ နိုင်အဲမွန်က “နှီးဒုံးရွာက လယ်မြေ (၄၂၅) ဧကကို သိမ်းဖို့ မြေတိုင်းစာရင်းဦးစီးဌာနနဲ့ ကုမ္ပဏီတာဝန်ရှိသူတွေက ရွာသားတွေကို ခေါ်ပြီး အစည်းအဝေးလုပ်တယ်။ မြေပုံတွေနဲ့ ပြပြီး စပါးရိတ်သိမ်းချိန် နောက် (၂) လလောက်ဆို ဘိလပ်မြေစက်ရုံဆောက်ဖို့ သိမ်းမယ်တဲ့။ လျော်ကြေးကိစ္စလည်း မပြောဘူး။ အဲဒီစီမံကိန်းမှာ လုပ်တဲ့ကုမ္ပဏီက တာဝန်ရှိသူတွေဆိုတာ ကြံ့ဖွံ့ပါတီက လူကြီးတွေချည်း ဖြစ်နေတော့ ဒီကိစ္စအတွက် ရွာသားတွေက ဘယ်ကို တိုင်ကြားရမလဲ မသိဘူး” ဟု ခေတ်ပြိုင်သို့ ပြောသည်။

နှီးဒုံးတောင် ဘိလပ်မြေစက်ရုံစီမံကိန်းကို Hexa International ကုမ္ပဏီက တည်ဆောက်ပေးမည် ဖြစ်ပြီး အဆိုပါ စီမံကိန်းကို ကြံ့ဖွံ့ပါတီ၏ ရန်ပုံငွေအတွက် အကောင်အထည်ဖော်ခဲ့ခြင်း ဖြစ်ကြောင်း သိရသည်။

နိုင်အဲမွန်က “အရင် ကြံ့ဖွံ့အသင်းကတည်းက ဒီစီမံကိန်းကို စလုပ်ဖို့ ရည်ရွယ်ခဲ့တယ်။ အခု ကြံ့ဖွံ့ပါတီ ဖြစ်တော့မှ အကောင်အထည်ဖော်ဖြစ်တာ။ ကျနော်တို့လေ့လာတွေ့ရှိချက်အရ ဒီစီမံကိန်းဟာ ကြံ့ဖွံ့ပါတီက တာဝန်ရှိသူတွေ ရှယ်ယာဝင်တွေ အားလုံး ဖြစ်နေတယ်။ နာမည်ခံတာက Hexa ကုမ္ပဏီပေါ့”ဟု ပြောသည်။

အမြင့်ပေ (၂၀၀) ရှိသော နှီးဒုံးတောင်သည် ထုံးကျောက်ပမာဏ တန်ချိန် (၁၅) သန်းကျော် ထုတ်လုပ်နိုင်သော ဒေသတွင်း ဒုတိယအကြီးဆုံး ဘိလပ်မြေစက်ရုံ ဖြစ်လာမည် ဖြစ်ကြောင်း သိရသည်။

ကြံ့ဖွံ့ပါတီသည် အဓိကအားဖြင့် စိုက်ပျိုးရေး၊ မွေးမြူရေး၊ စက်ရုံတည်ထောင်ခြင်း သာမက ဘဏ်လုပ်ငန်းများတွင် ရှယ်ယာဝင်ထားကြောင်း အောက်တိုဘာ (၂၇) ရက်နေ့က ကြံ့ဖွံ့ပါတီဌာနချုပ် သတင်းစာရှင်းလင်းပွဲတွင် ပါတီ အထွေထွေအတွင်းရေးမှူး ဦးဌေးဦးက ဖြေကြားခဲ့သည်။ သို့သော် မည်သည့်ကုမ္ပဏီ၊ လုပ်ငန်းများတွင် ရင်းနှီးထားကြောင်း ဖြေကြားခြင်း မရှိပေ။

ဘိလပ်မြေ ထုတ်လုပ်မည့် နှီးဒုံးတောင် အောက်ခြေရှိ လှိုဏ်ဂူတွင် လွန်ခဲ့သည့် နှစ်ပေါင်း (၄၀၀) ကျော်က ဗုဒ္ဓဆင်းတုတော် အပါအဝင် ကျောင်းဆောင်၊ ဂူဘုရားများ၊ ကျောက်စာတိုင်များ၊ ရှေးဟောင်းပန်းချီကားချပ်များ၊ မှင်စာများ စသည့် ရှေးဟောင်းအမွေအနှစ်များလည်း တည်ရှိနေကြောင်း နိုင်အဲမွန်က ပြောသည်။

အဆိုပါ မြေယာများသည် နိုင်ငံတော်အစိုးရ၌ တရားဝင် မှတ်ပုံတင်ပြီး မြေယာအခွန်ဆောင်ထားခြင်း မရှိသေး၍ ပိုင်ရှင်မရှိကြောင်း ထောက်ခံပေးရန် မြို့နယ်မြေတိုင်းဦးစီးဌာနက ကျေးရွာဥက္ကဋ္ဌအား ဖိအားပေးမှု ရှိခဲ့ကြောင်း ဒေသခံတို့ကပြောသည်။

မြန်မာနိုင်ငံသည် တနှစ်လျှင် ဘိလပ်မြေ လိုအပ်မှု ပမာဏ တန်ချိန် (၃) သန်းအနက် တန်ချိန် (၁) သန်း ဝန်းကျင်သာ ထုတ်လုပ်နိုင်သေး၍ လိုအပ်မှု လျော့ချရန် မွန်ပြည်နယ် ကျိုက်မရောမြို့နယ်အတွင်းရှိ ပျားတောင်၊ ကော့ကလွတ်တောင်နှင့် နှီးဒုံးတောင်တို့မှ ထုတ်လုပ်ရန် ရည်ရွယ်ထားကြောင်း မွန်လူ့အခွင့်အရေး မြှင့်တင်ရေးအဖွဲ့၏ အစီရင်ခံစာတွင် ဖော်ပြထားသည်။

တနှစ် ဘိလပ်မြေ တန်ချိန် (၁) သိန်း ထုတ်လုပ်နိုင်သော အဆိုပါဒေသ ကော့ပနော့ရွာအနီးရှိ ပျားတောင် ဘိလပ်မြေစက်ရုံ တည်ဆောက်ရန် ဒေသခံတို့၏ ခြံမြေဧကပေါင်း (၁၀၀၀) ကျော်ကိုလည်း ယခုလဆန်းပိုင်းက စတင်သိမ်းယူခဲ့သည်။

“ဘိလပ်မြေစက်ရုံက ထွက်တဲ့ အနံ့ဆိုးတွေ၊ လေထုညစ်ညမ်းတာတွေနဲ့ ဒိုင်းနမိုက် ဖောက်သံတွေကြောင့် အဲဒီတဝိုက်က ရွာသားတွေ ကျန်းမာရေးအန္တရာယ် ဖြစ်နိုင်ပါတယ်။ သောက်ရေ ရှားပါးတာ၊ စက်ရုံထုတ် ဓါတုပစ္စည်းတွေကြောင့် ရေထုညစ်ညမ်းပြီး ရေလမ်းကြောင်း ပြောင်းလာနိုင်တာ၊ ရာသီဥတု မမျှတတာတွေ ဖြစ်လာနိုင်တယ်”ဟု နိုင်အဲမွန်က ပြောသည်။ Rest of your post