မျိုးသာကီအတွက် ရဲဝံ့ ဒို့ အာဇာနည်: ကင်တားနား တောင် သိသေးတယ်

Friday, October 22, 2010

ကင်တားနား တောင် သိသေးတယ်

အများလက်မခံနိုင်တဲ့ ရွေးကောက်ပွဲဟု ကင်တားနား ပြော

ကိုဝိုင်း | ကြာသပတေးနေ့၊ အောက်တိုဘာလ ၂၁ ရက
သတင်း- ချင်းမိုင် (မဇ္ဈိမ)

        အခြေခံ လူ့အခွင့်အရေးများကို တားမြစ် တင်းကျပ်ထားသဖြင့် မြန်မာရွေးကောက်ပွဲမှ အများလက်ခံ နိုင်မည့် ရလဒ်ထွက်လာမည် မဟုတ်ကြောင်း လူ့အခွင့်အရေးသံတမန် မစ္စတာ သောမတ်စ် ကင်တားနားက ယမန်နေ့ ကုလသမဂ္ဂ အထွေထွေညီလာခံ၌ ထုတ်ဖော်ပြောဆိုခဲ့သည်။

    စစ်အစိုးရ၏ ထောက်ခံမှုမရသော ကိုယ်စားလှယ်လောင်းများအနေဖြင့် “လွတ်လပ်စွာ ထုတ်ဖော် ပြောဆိုခွင့်နှင့် စုဝေးခွင့်” တိုို့ တင်းကျပ်ခံထားရသည်ဟု သူက ဆိုသည်။ ကုလသမဂ္ဂက တောင်းဆိုထား သော ရွေးကောက်ပွဲမတိုင်မီ နိုင်ငံရေးအကျဉ်းသားများကို လွှတ်ပေးရမည်ဆိုသည်ကိုလည်း နအဖက မဖော်ဆောင်သေးကြောင်း ထောက်ပြသည်ဟု ကုလညီလာခံက သတင်းထုတ်ပြန်သည်။

       Tomas-Ojea-Quintanaပြင်သစ်အခြေစိုက် နယ်စည်းမခြား သတင်းထောက်များအဖွဲ့ RSF က မနေ့က ထုတ်ပြန်သည့် ယခုနှစ် သတင်းစာနယ်ဇင်း လွတ်လပ်ခွင့်စံနှုန်း အစီရင်ခံစာတွင် ရဝမ်ဒါ၊ ဆီးရီးယား၊ မြောက်ကိုရီးယားတို့နည်းတူ မြန်မာနိုင်ငံတွင်လည်း သတင်းထောက်များကို ပြင်းထန်စွာ ဆက်လက်ဖိနှိပ်နေသည်ဟု ဖော်ပြထားသည်။

     ရွေးကောက်ပွဲ ကျင်းပတော့မည့် မြန်မာနိုင်ငံ၌ လွတ်လပ်မှုအတွက် “နေရာမရှိ” သလို၊ အကျဉ်းချ အဓမ္မခိုင်းစေမှုများအတွက် ထုတ်ဖော်ရေးသားရန်လည်း မလွယ်ကူဟု RSF အစီရင်ခံစာက ဆိုသည်။ စစ်တမ်းပြုခဲ့သော ၁၇၈ နိုင်ငံ၌ မြန်မာနိုင်ငံသည် အဆင့် ၁၇၄ ဖြစ်သဖြင့် သူ့ထက်ဆိုးသော ၄ နိုင်ငံသာ ကျန်သည်ကို တွေ့ရသည်။

     ရွေးကောက်ပွဲဥပဒေများက မှတ်ပုံတင်ကာလကို ကန့်သတ်ထားပြီး မှတ်ပုံတင်ကြေး မြင့်မားနေမှုနှင့် စည်းရုံးချိန် တိုတောင်းခြင်းတို့ကြောင့် ဝင်ပြိုင်မည့်သူများ အခက်ကြုံနေရမှုကိုမူ မစ္စတာကင်တားနားက ကုလ၌ ထည့်သွင်းပြောဆိုခဲ့သည်။

    ဒီမိုကရေစီနှင့် ငြိမ်းချမ်းရေးပါတီ (ဒီ/ငြိမ်း) ဥက္ကဋ္ဌ ဦးအောင်သန်းကလည်း ယှဉ်ပြိုင်ရာတွင် အခြေခံအခွင့်အရေးများ ချိုးဖောက်ခံနေရသည်ဟု လက်ခံထားသည်။ ရွေးကောက်ပွဲဥပဒေအောက်၌ ပါတီအများစုမှာ အချိန်၊ ငွေနှင့် လူအားတို့ဖြင့် “အဖိခံ” ထားရသည်ဟု ဆိုသည်။

     “ကြံ့ခိုင်ရေးနဲ့ တစညကလွဲပြီး တခြားပါတီတွေကို လာပြီးစည်းရုံးခွင့် မပေးတဲ့ နေရာတွေ ရှိပါတယ်။ လက်ကမ်းစာစောင်တောင်မှ ဝေလို့မရဘူး။ ပဲခူးတိုင်းထဲမှာ ရယကတွေ၊ ရပ်ကွက်ကော်မရှင်တွေက တားတာ။ ကျနော်တို့ကတော့ ဗဟိုကော်မရှင်ကို စာတင်ထားပါတယ်” ဟု သူက မဇ္ဈိမကို ပြောသည်။

    စည်းရုံးရေးအတွက် ဖြန့်ဝေမည့် လက်ကမ်းစာရွက်များနှင့် ရုပ်သံ/ရေဒီယိုတို့၌ ဟောပြောမည့် အချက်အလက်နှင့် အကြောင်းအရာများကိုလည်း ကော်မရှင်နှင့် စာပေစိစစ်ရေး၏ ခွင့်ပြုချက်ရမှသာ ဖော်ပြ၊ ဟောပြောခွင့် ရကြသည်။ ဒုတိယအကြိမ် ပြန်တင်ပြရသည့်ပါတီများ ရှိသကဲ့သို့ မဟောပြောတော့ရန် ဆုံးဖြတ်ခဲ့သည့် ပါတီများလည်း ရှိသည်။

    ပြည်တွင်းသတင်းထောက်တဦးကမူ ရွေးကောက်ပွဲနှင့်ပတ်သက်၍ တိကျပြီး အသေးစိတ် ဖော်ပြနိုင်ရန် သတင်းရင်းမြစ် အခက်အခဲတချို့ ရှိနေကြောင်းနှင့် အထူးသဖြင့် ကြံ့ဖွံ့ပါတီနှင့် ရွေးကောက်ပွဲကော်မရှင်ထံမှ အများသိလိုသည့် အချက်အလက်နှင့် အကြောင်းအရာများ မသိရကြောင်း ပြောဆိုသည်။

     “ပြည်ခိုင်ဖြိုးပါတီက အချက်အလက် ဘာမှမရဘူးဆိုတာ အဓိကပြဿနာပဲ။ သူတို့ နာမည်ရေးခွင့်မရဘူး။ ပြောခွင့်မရဘူး။ ရုံးဖွင့်တာလောက်ပဲ ရေးခွင့်ရတယ်။ ကိုယ်စားလှယ်လောင်း အတိအကျတို့၊ ပြီးတော့ သူတို့ဆီက ကိုယ်စားလှယ်လောင်းတွေ အလိုလျောက် ရွေးချယ်ခံရတဲ့ မဲဆန္ဒနယ် ၄ဝ နဲ့ ၅ဝ နီးပါးလောက် ပါတယ်။ ဘယ်သူတွေလဲ၊ ဘယ်မဲဆန္ဒနယ်တွေလဲဆိုတာ ဘာမှမရဘူး” ဟု သူက ပြောသည်။

   ကုလအထွေထွေညီလာခံ၌ မစ္စတာကင်တားနားက မြန်မာနိုင်ငံတွင်း လူ့အခွင့်အရေး ချိုးဖောက်မှုများသည် ကုလစံနှုန်းများအရ စစ်ရာဇဝတ်မှုမြောက်သည်ဟု ခိုင်လုံသည့် အထောက်အထားများ ရရှိထားကြောင်း တင်ပြခဲ့သည်။ ယင်းရာဇဝတ်မှုများကို စစ်အစိုးရက တာဝန်ယူမဖော်ထုတ်နိုင်သဖြင့် ကုလမှ စုံစမ်းရေးကော်မရှင်တရပ် ဖွဲ့သင့်ကြောင်းလည်း ထပ်မံအကြံပြုတောင်းဆိုခဲ့သည်။

    စစ်အစိုးရကိုယ်စားလှယ် ဦးသန့်ကျော်နှင့် ဦးဝဏ္ဏမောင်လွင်တို့ကမူ မြန်မာနိုင်ငံတွင် လူ့အခွင့်အရေး အပြည့်အဝရှိသည်ဟု ငြင်းဆိုထားခဲ့ပြီးဖြစ်သည်။ နိုင်ငံရေးအကျဉ်းသားမရှိပဲ “တည်ဆဲ ဥပဒေ” ချိုးဖောက်သဖြင့် အပြစ်ပေးခံနေသူများသာ ရှိသည်ဟု စစ်အစိုးရက တုံ့ပြန်လေ့ရှိသည်။

      ကုလအထွေထွေအတွင်းရေးမှူး မစ္စတာဘန်ကီမွန်း၏ ထိုင်း၊ ကမ္ဘောဒီးယား၊ ဗီယက်နမ်နှင့် တရုတ် အာရှ ၄ နိုင်ငံခရီးစဉ်ကို နောက်တပတ် စတင်မည်ဖြစ်ပြီး ခရီးစဉ်အတွင်း အာဆီယံ-ကုလ အစည်းအဝေး တွင် မြန်မာ့ လူ့အခွင့်အရေးနှင့် ရွေးကောက်ပွဲကိစ္စများ ဆွေးနွေးမည်ဟု အကဲခတ်များက ယူဆနေကြသည်။

     စစ်အစိုးရ ထောက်ခံမှုမရသည့် အမတ်လောင်းများ “တပန်းရှုံး” သည်က မဲထည့်သည်ကို စောင့်ကြည့်မည့် မဲရုံကိုယ်စားလှယ်များ ချမပေးနိုင်ခြင်းဟု ဒီ/ငြိမ်း ဥက္ကဋ္ဌ ဦးအောင်သန်းက ပြောသည်။ ၁၆ ရက်သာ လိုတော့သည့် “လွှတ်တော်ရွေးကောက်ပွဲ”တွင် ရွေးကောက်ပွဲ လေ့လာသည့် ပြင်ပအဖွဲ့အစည်း များကို လက်ခံမည် မဟုတ်သကဲ့သို့ နိုင်ငံခြားသတင်းဌာနများ၏ ဌာနေသတင်းထောက် များ ရှိပြီးဖြစ်သဖြင့် ထပ်မံဝင်ရောက်ခွင့်ပြုမည် မဟုတ်ကြောင်းလည်း အစိုးရ ရွေးကောက်ပွဲကော်မရှင် ဥက္ကဋ္ဌ ဦးသိန်းစိုးက နေပြည်တော်၌ မကြာမီက ပြောဆိုခဲ့ပြီးဖြစ်သည်။