ကျောက်ဖြူမှာ လျှပ်စစ်နှင့် ဖုန်းလိုင်းများ ပြတ်တောက်

ခိုင်စု | ဗုဒ္ဓဟူးနေ့၊ အောက်တိုဘာလ ၂၇ ရက် ၂၀၁၀ ခုနှစ် ၂၂ နာရီ ၁၅ မိနစ်
နယူးဒေလီ (မဇ္ဈိမ)။ ။ ဂီရိမုန်တိုင်း တိုက်ခတ်ပြီးနောက် ရခိုင်ပြည်နယ် ကျောက်ဖြူမြို့၌ ယခုထိ လျှပ်စစ်ဓာတ်အားနှင့် ဖုန်းလိုင်းများ ပြတ်တောက်နေဆဲဖြစ်သည်။

ယခုလ ၂၂ ရက်နေ့တွင် တနာရီလျှင် မိုင် ၁ဝဝ ကျော်နှုန်းဖြင့် ဂီရိ ဆိုင်ကလုန်းမုန်တိုင်း တိုက်ခတ်ခဲ့ရာ နေအိမ်များ၊ အဆောက်အဦးများ၊ လျှပ်စစ်မီးတိုင်များနှင့် ဖုန်းလိုင်းကြိုးများ လဲပြိုပျက်စီးခဲ့ရာ ၅ ရက်ကြာသည့်တိုင် လျှပ်စစ်မီးနှင့် ဖုန်းလိုင်းများ ပြတ်တောက်နေဆဲ ဖြစ်သည်။

“အခုထိ လျှပ်စစ်မီး မလာသေးဘူး။ ဘယ်တော့ လာမလဲ မသိသေးဘူး၊ ဒါတွေကို ရှင်းထုတ်ပြီး ပြန်တည်ဖို့တောင် ကြာဦးမယ်။ အခုတော့ ညဘက်မှာ ဖယောင်းတိုင်မီး သုံးတယ်။ ကြိုးဖုန်းလိုင်းရော မကောင်းသေးဘူး။ ကမ်းရိုးတန်း ဖုန်းနဲ့ပဲ သုံးရတယ်။ မီးမလာတော့ ကမ်းရိုးတန်းဖုန်းက ဘက်ထရီ ကုန်သွားရင်လည်း အဆက်အသွယ် ခက်တယ်” ဟု ရခိုင်တိုင်းရင်းသား တိုးတက်ရေးပါတီ RNDP မှ ကျောက်ဖြူမြို့နယ် ပြည်သူ့လွှတ်တော် အမတ်လောင်း ဦးဘရှင်က မဇ္ဈိမကို ပြောသည်။

သဘာဝ ဓာတ်ငွေ့နှင့် ရေနံထွက်ရှိရာ ကျောက်ဖြူတွင် ပုံမှန်အားဖြင့် အစိုးရက တနေ့လျှင် ညနေ ၆ နာရီမှ ည ၁၁ နာရီထိ ပေးလေ့ရှိသည်။

ယမန်နေ့ထုတ် ကြေးမုံသတင်းစာ၌ ကျောက်ဖြူမြို့နယ်တွင် နေအိမ်အလုံး ၁ဝဝဝ ကျော်၊ ဌာနအဆောက်အဦး ၄ဝ၊ စာသင်ကျောင်း ၂ ကျောင်း ပျက်စီးခဲ့သည်ဟု ဖော်ပြထားသည်။

ကျောက်ဖြူရှိ ဒုက္ခသည် ၂ဝဝဝ ခန့်သည် ဘုန်းကြီးကျောင်းများ၊ ဓမ္မာရုံများ၊ စာသင်ကျောင်းများ၌ ခိုလှုံလျက်ရှိရာ၊ စစ်အစိုးရက မုန်တိုင်းထိ ရပ်ကွက်တခုကို ဆန်ထောက်ပံ့ခဲ့သော်လည်း ရေစိုဆန်များ ပါနေသည်ဟု ဒေသခံနှင့် ယင်းဒေသသို့ ရောက်ရှိနေသော မဇ္ဈိမ သတင်းထောက်က ပြောသည်။

မြို့ပေါ်တွင် အစိုးရ အထောက်အပံ့ ရသော်လည်း နယ်ဘက်သို့ မရောက်ရှိကြောင်း ဇင်ချောင်းကျေးရွာမှ ဒေသခံ တဦးက မဇ္ဈိမကို ပြောသည်။

မြေပုံမြို၊ ကျောက်ဖြူ၊ ပေါက်တောမြို့နယ်များတွင် သေဆုံးသူ ၁ဝ၂ ဦး ရှိပြီဟု RNDP က ပြောသည်။

“ကျနော်တို့ ပါတီဝင်တွေကတဆင့် ရထားတဲ့ စာရင်းက ပေါက်တောမှာ ၁၁ ယောက်၊ မြေပုံမှာ ၆၄ ယောက်၊ ကျောက်ဖြူမှာ ၂၅ ယောက် ဖြစ်ပါတယ်။ ကျနော်တို့ဆီက ကယ်ဆယ်ရေးအဖွဲ့လည်း သွားနေကြပါပြီ” ဟု RNDP အတွင်းရေးမှူး ဦးခိုင်ပြည်စိုးက မဇ္ဈိမကို ပြောသည်။

ထိခိုက်မှု အများဆုံးမှာ မြေပုံမြို့နယ်ဖြစ်ပြီး အသက်မွေးဝမ်းကျောင်း လုပ်ငန်းများနှင့် ပိုင်ဆိုင်မှုများမှ ၉ဝ ရာခိုင်နှုန်းခန့် ပျက်စီးခဲ့သည်ဟု ဒေသခံများက ဆိုသည်။ ဒုတိယ အများဆုံးပျက်စီးသည့် ကျောက်ဖြူရှိ ငါးပုစွန်ဒိုင်နှင့် စက်လှေများမှာ ဆိုးရွားစွာ ပျက်စီးသွားကြောင်း သိရသည်။

ဂီရိသင့် ဒေသများရှိ ရွာ ၇၁ ရွာမှ လူပေါင်း ၁ သိန်း ၇ သောင်း ၇ ထောင်ခန့် မုန်တိုင်း ဒဏ်ခံခဲ့ရသည့်အနက် ၁ သောင်းခန့်မှာ မုန်တိုင်းဒဏ် ပြင်းထန်စွာ ခံစားခဲ့ရသည်ဟု ယနေ့ထုတ် ရန်ကုန် ကုလရုံး၏ သတင်းထုတ်ပြန်ချက်တွင် ပါရှိသည်။ မုန်တိုင်းသင့် ဦးရေမှာလည်း မျှော်လင့်ထားသည်ထက် များလာနိုင်ကြောင်းလည်း ဖော်ပြထားသည်။

ဂိရိသင့်ဒေသမှ သတင်းအချက်အလက်များ ပြည်စုံစွာ မရရှိခြင်းမှာ ဆက်သွယ်ရေး ချို့တဲ့မှုကြောင့်ဟု ရန်ကုန်ရှိ ကုလရုံးမှ ပြောခွင့်ရပုဂ္ဂိုလ် ဦးအေးဝင်းက မဇ္ဈိမကို ပြောသည်။

“အဲဒီဒေသမှာ နံပါတ်တစ် အဆင်မပြေတာက ဆက်သွယ်ရေး၊ တယ်လီဖုန်းလိုင်းတွေလည်း တော်ရုံ အဆင်မပြေဘူး။ နေရာတွေကို ရောက်အောင် သွားဖို့ဆိုတာကလည်း ရေလမ်းကပဲ သွားရတယ်။ ဒီအပေါ်မှာ မူတည်ပြီး ဒေတာတွေက တတ်နိုင်သမျှ စုဆောင်းထားရတာပေါ့လေ” ဟု သူက ဆိုသည်။

သူက ဆက်ပြီး “အချိန်အတော်ယူရမယ်။ သူတို့ရဲ့ စပါးစိုက်ခင်းတွေ၊ အသက်မွေးဝမ်းကျောင်း အလုပ်တွေလည်း တော်တော်ပျက်စီးသွားတယ်။ ဒါတွေကို နေ့ချင်းညချင်း ပြန်တည်ဆောက်နိုင်မှာ မဟုတ်ဘူး” ဟု ပြောသည်။

ယခုချိန်တွင် မုန်တိုင်းသင့် ဒေသများရှိ ပြည်သူများမှာ လာမည့် ရွေးကောက်ပွဲကို စိတ်ဝင်စားမှု မရှိကြောင်း ဒေသခံများ အဆိုအရ သိရသည်။

“ရွေးကောက်ပွဲကို ခေါင်းထဲ မထည့်နိုင်ပါဘူး၊ ကိုယ့်အလုပ်နဲ့ကိုယ် ရှုပ်နေတယ်။ သူများတွေ မပြောဘူး။ ကိုယ့်အိမ်ရာ မြေကွက်တောင် အမှိုက်ပုံနေလို့ ရှာမရဘူး။ လမ်းတွေမှာလည်း အမှိုက်ပုံဖြစ်နေတယ်။ ရှင်းလင်းဖို့တောင် ကြာဦးမှာ” ဟု မြေပုံမြို့နယ် ငါးပသုံရွာမှ ဒေသခံ တဦးက မဇ္ဈိမကို ပြောသည်။

ဂီရိသင်ဒေသများဖြစ်သော ကျောက်ဖြူနှင့် မြေပုံမြို့နယ်တွင် ရွေးကောက်ပွဲကို တလခန့် ရွှေ့ဆိုင်းပေးရန် RNDP က ပြည်ထောင်စု ရွေးကောက်ပွဲ ကော်မရှင်ထံ ယနေ့တွင် စာရေးသား တောင်းဆိုခဲ့သည်။Rest of your post