နိုဝင်ဘာလ၊ ၇ ရက်နေ့တွင်ပြုလုပ်မည့် ၂၀၁၀ ရွေးကောက်ပွဲ အတွက် ဂျပန်နိုင်ငံရှိ မြန်မာသံရုံးသို့ လူဦးရေ ၉၀ ကျော် ဝင်ရောက် ကြိုတင်မဲပေးခဲ့ကြကြောင်း သတင်းရရှိပါသည်။ မဲပေးခွင့် ရသူများမှာ စစ်အုပ်စု၏ ထောက်ပံ့မှုများဖြင့် ဂျပန်နိုင်ငံသို့ ရောက်ရှိလာကြသူများဖြစ်ကြောင်း၊ မဲပေးခဲ့သူများ အနေဖြင့် ကြံ့ခိုင်ဖွံ့ဖြိုးရေးပါတီကို အဓိကထား လာရောက်မဲပေးကြ ခြင်းဖြစ်ကြောင်း စုံစမ်းသိရှိရသည်။ ဂျပန်နိုင်ငံရှိ မြန်မာသံရုံးမှ မကြာသေးမီက အောက်တိုဘာလ၊ ၁၉ ရက်၊ အင်္ဂါနေ့တွင် ကြိုတင်ဆန္ဒမဲ လာရောက်ပေးကြရန် ဖိတ်စာများပို့ပေးခဲ့သည်။ ကြိုတင်မဲပေးခွင့် မရတာနဲ့ ပတ်သတ်ပြီး “ဖိတ်စာတွေသံရုံးက လူတိုင်းကို မပို့ပေးဖူး၊ ဂျပန်နိုင်ငံကို ရောက်ရှိကြောင်း သံရုံးကို လာသတင်းပေးသူတွေပဲ လက်ခံရတယ်။ မြန်မာပြည်သူ အများစုကလည်း အစိုးရနဲ့ ဝေးဝေးနေ ချင်ကြတယ်လေ ဖြစ်နိုင်ရင်မပတ်သတ်ချင်ကြဖူး၊ အဲဒီတော့ သံရုံးကို သတင်းပို့တာတွေ ဘာတွေလုပ်မနေတော့ဖူးပေါ့ဗျာ၊ ဒါကြောင့် မဲပေးခွင့်မရတာ လိုထင်ပါတယ်”ဟု လာရောက်မဲပေးသူ တစ်ဦးက ရှင်းပြသည်။ သံရုံးသို့ ရောက်ရှိ သတင်းပေးခြင်း အခွန်ဆောင်ခြင်းများ မပျက်မကွက် ပြုလုပ်နေသူများထံသို့ပင် ဖိတ်စာများ မရောက်ရှိကြောင်း စစ်အုပ်စု အသိုင်း အဝိုင်း နှင့် နီးစပ်သူများကို သာ ဖိတ်ကြားခြင်း ဖြစ်ကြောင်း သိရသည်။
အဆိုပါ ကြိုတင်မဲဆန္ဒပေးသူများအား ဂျပန်ရောက် ဒီမိုကရေစီလိုလူသူများနှင့် မြန်မာကျောင်းသား/ ကျောင်းသူများ သွာရောက်ဆန္ဒပြကန့်ကွက်ခဲ့ကြပါသည်။ “ပြည်သူလူထုကို ကိုယ်စားမပြုတဲ့၊ ပြည်သူလူထု ဆန္ဒမပါပဲ ပြုလုပ်ထားတဲ့ ၂၀၀၈ ဖွဲ့စည်းပုံပေါ်မူတည်ပြီး ကျင်းပ ပြုလုပ်မယ့် ရွေးကောက်ပွဲ ဖြစ်တာကြောင့် လုံးဝ ဆန့်ကျင်ကန့်ကွက်ကြောင်း ဆန္ဒလာပြတာပါ”ဟု ဒီမိုကရေစီလိုလားသူ ကိုထွန်းဦးမှ ပြောပြသွားပါသည်။ ဆန္ဒပြပွဲကို မနက် ၈း၀၀ နာရီမှ ညနေ ၅း၀၀ နာရီအထိ ပြုလုပ်ခဲ့ကြကြောင်းသိရသည်။
စစ်အုပ်စုအနေဖြင့် မည်သို့ပင်ဖြစ်စေ ရွေးကောက်ပွဲကို ဖြစ်မြောက်အောင် ဆောင်ရွက်သွားမှာ ဖြစ်သလို ရွေးကောက်ပွဲ အား နိုင်ငံတကာမှ စောင့်ကြည့်ပုဂ္ဂိုလ်များ နှင့် လေ့လာသူများ ကို ခွင့်ပြုမည် မဟုတ်ကြောင်း စစ်အုပ်စု၏ သတင်းစာများတွင် ဖော်ပြထားသည်။
0 comments:
Post a Comment