“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Tuesday, May 06, 2008

မုန်တိုင်းသတင်း


၁။ မြန်မာ အစိုးရ အာဏာပိုင်များက မေ၅ ရက်နေ့က ရန်ကုန်မြို့တွင် နိုင်ငံခြား သံတမန်များ၊ ကုလသမဂ္ဂအဖွဲ့
အစည်းများမှ ပုဂ္ဂိုလ်များကို မုန်တိုင်းဒဏ်ခံရမှု အခြေအနေနှင့် အကူအညီပေးရေး အခြေအနေများကို ရှင်းလင်း ပြော ကြားသည်။
၂။ အစိုးရက ပြည်တွင်း၊ ပြည်ပမှ အကူအညီများကို လက်ခံလျှက်ရှိကြောင်းနှင့် ဆေးဝါး၊ အ၀တ်အထည်၊ မိုးကာ တဲ၊ အသင့် စားသောက်နိုင်သော အစားအစာများ၊ ဆောက်လုပ်ရေးပစ္စည်များ လက်ခံရရှိနေကြောင်း မေ၅ ရက်နေ့ ညသတင်းတွင် ကြေညာသွားခဲ့သည်။
၃။ အစိုးရမီဒီယာများက သတင်းစာ၊ ရုပ်မြင်သံကြားနှင့် ရေဒီယို မှ တရားဝင် ထုတ်ပြန်ချက်များကိုသာ ယုံကြည်ကြရန် နှင့် ကောလာဟလ သတင်းများကို ယုံကြည်ခြင်း မပြုရန် ကြေညာလျှက်ရှိသည်။ ရန်ကုန်တွင် နောက်ထပ်မုန်တိုင်း တိုက်ဦးမည်။ ငလျင်လှုပ်မည် ဆိုသည့် သတင်းများ ပြန့်နှံ့ နေသောကြောင့် ထိုကဲ့သို့ သတိ ပေးခြင်းဖြစ်သည်။
၎။ ရွှေတိဂုံဘုရားသို့ ရောက်ရှိခဲ့သူများက ရွှေတိဂုံ ထီးတော်ပျက်စီးမှုမရှိကြောင်း၊ ဆည်းလည်းများ ပြုတ်ကျမှု ရှိကြောင်းနှင့် ဇရပ်အချို့ အမိုးများ ပျက်စီးသွားကြောင်း ပြောပြကြသည်။
၅။ မေ ၅ ရက်နေ့တွင် ထိုင်း၊ စင်္ကာပူနိုင်ငံများမှ လေကြောင်းလိုင်းများ ရန်ကုန်နိုင်ငံတကာ လေဆိပ်တွင် ပြန်လည်ဆင်းသက်ခဲ့သည်။
၆။ ရန်ကုန်မြို့တွင်းလမ်းများ ပြန်ပွင့်သွားပြီး ဘတ်စ်ကားလိုင်းအချို့ ပြေးဆွဲနေပြီဖြစ်သော်လည်း ဓာတ်ဆီ၊ ဒီဇယ်ဈေးများတစ်ဂါလံ တစ်သောင်းကျော်ဖြစ်နေသဖြင့် ကားခများ ဈေးကြီးနေသည်။
၇။ ရန်ကုန်သို့ ကြက်၊ ဘဲ၊ ကြက်ဥ၊ ဘဲဥများ အဓိကပေးပို့သည့် ရန်ကုန်တိုင်း တောင်ပိုင်း၊ ဧရာဝတီတိုင်းတို့တွင်
ကြက်ခြံ၊ ဘဲခြံများပျက်စီးကုန်သဖြင့် ဘဲဥတစ်လုံး ၃၀၀ ကျပ်အထိ ဈေးတက် သွားသည်။
၈။ ရန်ကုန်မြို့တွင် လေဘေး ကယ်ဆယ်ရေး ဆောင်ရွက်နေသည့် စစ်တပ်များမှာ တပ်မ ၁၁ ၊ တပ်မ ၇၇ တို့ ဖြစ်ပြီး ရဲတပ်ရင်းများလည်း ပါဝင်ဆောင်ရွက်နေသည်။
၉။ မြို့နယ်အချို့တွင် ရေများ စတင်ပေးနေပြီ ဖြစ်သော်လည်း လျှပ်စစ်ဓာတ်အား မရသေးသဖြင့် မီးစက်များဖြင့်
ရေတင်နေရသည်။
၁၀။ စည်ပင်သာယာနှင့် လူမှုရေး အသင်းအဖွဲ့များ၊ ပုဂ္ဂလိက အလှုရှင်များက ရေကားများဖြင့်လည်းကောင်း၊ အ၀ီစိတွင်းများမှ လည်းကောင်း ရေများဖြန့်ဖြူးပေးနေသည်။
၁၁။ ရန်ကုန်မြို့တွင်းသို့ ၀င်ရောက်သည့် လမ်းများပွင့်သွားပြီဖြစ်သောကြောင့် ဘုရင့်နောင်နှင့် သီရိမင်္ဂလာဈေး တို့သို့ ကုန်များ စတင် ဝင်ရောက်နေပြီဖြစ်ကြောင်း ကုန်သည်များမှ ပြောကြားခဲသည်။
၁၂။ မြန်မာ့ရုပ်မြင်သံကြားမှ ဟိုင်းကြီးကျွန်း၊ ဘိုကလေးမြို့တွင် ရဟတ်ယာဉ်များဖြင့် ကယ်ဆယ်ရေး ပစ္စည်းများ
ပို့ဆောင်မှုများကို ပြသသွားသည်။ ရုပ်သံပြကွက်များအရ ဟိုင်းကြီးကျွန်းနှင့် ဘိုကလေးမြို့များ ပျက်စီးမှုပမာဏ
အလွန်များပြားသည်ကို တွေ့ရသည်။
Posted by ပိတောက်မြေ

0 comments:

 
----------------------------------------- */ /* EOT ----------------------------------------- */