စစ်ကူလာရင် ရုပ်ရှင်ထဲမှာလက်ခုတ်တီးဖူးတယ် မှိုင်းမိခဲ့ တဲ့ အချိန်တုန်းက။ ခုတော့ စစ်ကူလာရင်ပြေးပေတော့

ဘုရားသုံးဆူဒေသနအဖစစ်ကူတပ်ဖွဲ့ အပြစ်မဲ့ဒေသခံများအားသတ်ဖြတ်မှုများပြုလုပ်ခဲ့
မင်းချမ်း၊ ကောင်းဝါ တန်ဆောင်မုန်းလဆုတ် ၁၂ရက်။ဒီဇင်ဘာ ၃၊၂၀၁၀။
မင်းချမ်း(ဒီဇင်ဘာ-၃)။ ။ ဘုရားသုံးဆူဒေသသို့ စစ်ကူအဖြစ်လာရောက်သော နအဖစစ်ကြောင်းမှ အပြစ်မဲ့ဒေသခံများအား သတ်ဖြတ်မှုများပြုလုပ်ခဲ့သည်ကို သိရှိရသည်။

ဘုရားသုံးဆူမြို့နယ်၊ မယ့်သဗွီးရွာသား စောဒါးပလဲ့ အသက်(၂၅)နှစ်အား ခမရ ၄၀၆ စစ်ကြောင်း ၂ မှ ပစ်သတ်လိုက်ကြောင်း နီးစပ်သူများပြောကြားချက်အရ သိရသည်။

ပြီးခဲ့သည့် နိုဝင်ဘာလ ၂၉ ရက်၊ ညနေ ၃ နာရီကျော်ခန့်၌ မယ့်သဗွီးနှင့် ကြိမ်ချောင်းလမ်းဝတွင် အဆိုပါနအဖစစ်ကြောင်း ပစ်သတ်ခဲ့ကြောင်း ကေအဲန်ယူတပ်မဟာ ၆ ပြောခွင့်ရ ဗဒိုထဲနေကအတည်ပြုပြောပါသည်။

ထို့နောက် အဆိုပါနအဖစစ်ကြောင်းသည် ထိုနေ့မွန်းလွဲပိုင်း ၃ နာရီမှ ညနေမိုးချုပ်သည်အထိ မယ့်သဗွီးရွာပြင်ရှိ တောင်ယာတဲများသို့ လက်နက်ကြီးများဖြင့် လှမ်းပစ်ခဲ့သည်ဟုလည်း ဒေသခံများထံမှ သိရသည်။

အဆိုပါလက်နက်ကြီး ပစ်ခတ်သံများကို မွန်ပြည်သစ်ပါတီ တားဒိန်ဂိတ်စခန်းမှလည်း ကြားသိရကြောင်း မွန်ပြည်သစ်ပါတီ အရာရှိတစ်ဦးက ပြောသည်။

ဒေသခံကေအဲန်ယူနှင့် ဒီကေဘီအေတပ်ဖွဲ့များအား ဆက်သွယ်မေးမြန်းခဲ့ရာ၌ ထိုနေ့ရက်အတောအတွင်း နအဖစစ်ကြောင်းများနှင့် မိမိတို့တပ်ဖွဲ့များတိုက်ပွဲဖြစ်ပေါ်မှုမရှိဟု ပြောကြားခဲ့သည်။

“၂၈ ရက်နေ့ကဗိုလ်မှူးအေဝမ်းတို့ ဒီကေဘီအေနဲ့ တိုက်ပွဲဖြစ်ခဲ့တဲ့နေ့မှာ အခုနအဖစစ်ကြောင်း အတော်လေးအထိနာသွားတယ်လို့ ယူဆရတယ်၊ အဲဒါကြောင့် တော်လှန်ရေးတပ်ဖွဲ့တွေ ခိုအောင်းနိုင်တဲ့နေရာကိုမှန်းပြီး လက်နက်ကြီးတွေနဲ့အဝေးကနေ လှမ်းထုတယ်၊ ရွာသားတွေကြောက်ရွံ့သွားအောင် အခုလိုသတ်ဖြတ်တာတို့လုပ်ပြရတာဟာ နအဖတပ်ဖွဲ့တွေရဲ့ လုပ်ရိုးလုပ်စဉ်နည်းဟောင်းအတိုင်းပါပဲ” ဟု နယ်စပ်စစ်ရေးစောင့်ကြည့်လေ့လာသူတစ်ဦး ယူဆပြောဆိုသည်။

ထို့အတူ လွန်ခဲ့သည့် နိုဝင်ဘာလ ၁၁ ရက်နေ့ ညနေပိုင်းတွင်လည်း နအဖစစ်ကြောင်းအတွက် လမ်းပြလုပ်ပေးခဲ့သော မယ်ဇလီရွာဥက္ကဌအား အဆိုပါနအဖတပ်ဖွဲ့မှပစ်သတ်ခဲ့ကြောင်း မျက်မြင်တွေ့ရှိခဲ့သူမယ်ဇလီရွာသား ကျော်မာသဲက ပြောသည်။

“အပလုံရွာရောက်ခါနီးမှာ ကျနော်တို့ရွာဥက္ကဌကိုအနောက်ဖက်ကနေပြီး ဇက်ကျောကို အနီးကပ်သေနတ်နဲ့တစ်ချက်ပစ်လိုက်တာ ပွဲချင်းပြီးသေတာပဲ၊ ပြီးတော့ နအဖတပ်တွေက လက်နက်ငယ်တွေနဲ့ တိုက်ပွဲဖြစ်သလို တောထဲကိုပစ်ပြန်တယ်” ဟု ပေါ်တာမှပြန်လွတ်လာသူ ကျော်မာသဲက ဆက်ပြောသည်။

ထိုကဲ့သို့အသတ်ခံလိုက်ရသည့် မယ်ဇလီရွာဥက္ကဌမှာ စောဖိုးသိ အသက်(၄၂) နှစ်ဖြစ်ကြောင်း ကာယကံရှင်နှင့်ပတ်သက်သူများက အတည်ပြုပြောပါသည်။

အဆိုပါဖြစ်ရပ်ကို ဒုရင်းမှူးဗိုလ်မှူးအောင်ဆန်းလင်း ဦးစီးသော ခမရ ၄၀၅ စစ်ကြောင်း ၂ မှပြုလုပ်ခဲ့ကြောင်း ကေအဲန်ယူတပ်မဟာ ၆ ပြောခွင့်ရပုဂ္ဂိုလ်က ရှင်းပြခဲ့သည်။

“အဲဒီမယ်ဇလီရွာဥက္ကဌအသတ်မခံရခင်နံနက်စောစောမှာ မယ့်ဇလီနဲ့ အပလုံရွာကြားမှာ ကျနော်တို့တပ်ဖွဲ့က ရှေ့ထွက်မိုင်းနဲ့ဖြိုခွဲလိုက်တာ ရန်သူအတော်အထိနာသွားတယ်၊ အဲဒါကိုမကြေနပ်လို့ ရွာဥက္ကဌကိုသတ်ပစ်တဲ့အထိ ဖြစ်သွားတယ်လို့ ကျနော်ယူဆတယ်” ဟု ကေအဲန်ယူပြောခွင့်ရပုဂ္ဂိုလ်က ဆက်ပြောသည်။

၎င်းပုဂ္ဂိုလ်အပြောအရ နိုဝင်ဘာ ၁၁ ရက်နေ့ နံနက်စောစော၌ မယ်ဇလီမှ အပလုံရွာသို့ထွက်ခွာလာသော နအဖတပ်ဖွဲ့အား ရှေ့ထွက်မိုင်းဖြင့်ဖြိုခွင်းရာတွင် အဆိုပါနအဖစစ်ကြောင်းမှ၂ ယောက်သေ၊ ၇ ယောက်ဒဏ်ရာရရှိခဲ့သည်ဟု သိရသည်။

အဆိုပါစစ်ကြောင်းများသည် ရွေးကောက်ပွဲအပြီး နောက်တစ်နေ့တွင် ဒီကေဘီအေတပ်ဖွဲ့များ သိမ်းပိုက်လိုက်သော ဘုရားသုံးဆူမြို့ကို စစ်ကူချီတက်လာသော စစ်ကြောင်းများ ဖြစ်ကြသည်။

ဘုရားသုံးဆူမြို့ကို သိမ်းပိုက်ခဲ့သော ဒီကေဘီအေတပ်ဖွဲ့သည် အစိုးရရုံးအဆောက်အအုံ ၆ ခုထက်မနည်း မီးရှို့ဖျက်ဆီးခဲ့ပြီး စာရွက်စာတမ်းများကိုလည်း ယူဆောင်သွားပြီးနောက် မြို့ထဲမှ ပြန်လည်ဆုတ်ခွာ လိုက်သည်ဟု ဒေသခံများထံမှသိရသည်။

စစ်ကူအဖြစ်ထပ်မံရောက်ရှိလာသော ခမရ-၄၀၂၊ ၄၀၅၊ ၄၀၆၊ ၄၁၀ တပ်ရင်းများမှာ တပ်ရင်းအလိုက်တပ်ရင်းတစ်ရင်း၌ အင်အားတစ်ရာကျော်ခန့်သာရှိသော တနင်္သာရီတိုင်းရှိ ကမ်းရိုးတမ်းတိုင်းစစ်ဌာနချုပ် စကခ ၈ လက်အောက်ခံတပ်ရင်းများဖြစ်ကြောင်း စစ်ရေးစောင့်ကြည့်လေ့လာသူများထံမှ သိရသည်။
Rest of your post