ရွှေဝါရောင် သံဃာ့အရေးခင်းကြီးကို အမှတ်တရ သုံးသပ်ခြင်း။

ပြီးခဲ့တဲ့(၂၀၀၇) ရွှေဝါရောင် သံဃာ့ အရေးခင်းကြီးကို မြန်မာပြည်သူတွေကော ကမ္ဘာ့ ပြည်သူတွေပါ ထာဝရ အမှတ်ရနေကြ ပါလိမ့်မယ်။ အကြောင်းကတော့ ဒီလို ဘာသာရေး ခေါင်းဆောင်တွေ စုပေါင်းလမ်းပေါ်ထွက် တောင်းဆို၊ ဆန္ဒပြ၊ ဆုတောင်းမှုမျိုးကို ပြီးခဲ့တဲ့(၂၀၀၇) ရွှေဝါရောင်တော်လှန်ရေးမှလွဲ၍ ဘယ်တုန်းကမှတွေ့ မြင် ခဲ့ ဖူးခြင်း မရှိခဲ့ပါ။

မြန်မာနိုင်ငံရဲ့ ရဟန်းသံဃာတော်များ လမ်းမပေါ်ထွက်ခဲ့ကြပါတယ်။ ဘာကြောင့် ထွက်လာခဲ့ကြရပါသလဲ။ အ ဖြေ ကတော့ နည်းမျိုးစုံနဲ့ ဖိနှိပ်အနိုင်ကျင့်နေတဲ့ အာဏာရှင်များ လက်အောက်က ရုန်းထွက်ကြဖို့ပါပဲ။ စစ် အာဏာရှင်များ အဓမ္မဝါဒီနဲ့ တိုင်းပြည်အပေါ် ကြီးစိုးနေမှုကို မြတ်စွာဘုရားရှင်ရဲ့ တပည့်သား သံဃာတော်များက ဓမ္မဆိုတဲ့တရားနဲ့ တွန်းလှန်ခဲ့တဲ့ ရွှေဝါရောင် ဒီလှိုင်းများပါပဲ။ ဒီရွှေဝါရောင် တော်လှန် ရေးလို့ခေါ်တဲ့ သံဃာတော်များ ဦးဆောင်တဲ့ လူထုလှုပ်ရှားမှု အပေါ် နည်းနည်းလောက် ပြန်ဆန်းစစ် ကြည့် ချင်ပါ တယ်။

ဆန်းစစ်ကြည့်မှလည်း ဦးဇင်းတို့ ကောက်ချက်တစ်ခုကို ချနိုင်မှာပါ။ ဒီကောက်ချက်ဟာ ဦးဇင်းတို့ ရှေ့ဆက် ချီတက်ရမယ့် တော်လှန်ရေး ခရီးအတွက် အထောက်အကူ ပြုနိုင်ပါလိမ့်မယ်။ အဖြေက တော်တော်လေးပြောမှ ပြည့်စုံမှာပါ။ ဒါကြောင့် လတ်တလော အခြေအနေတွေ ကိုပဲ အဓိကထား သုံးသပ်ကြည့်ပါရစေ။ အရင်ဆုံး စစ်အုပ်ချုပ်ရေးစနစ်ကို သုံးသပ်ကြည့်မယ်ဆိုရင် န-အ-ဖဟာ သပ်လျှိုသွေးခွဲတဲ့ စနစ်ကို တွင်တွင် ကျယ် ကျယ်ကြီး အသုံးပြုနေတာ တွေ့ရပါတယ်။ ကြံ့ဖွံ့၊ စွမ်းအားရှင်တွေကို လုပ်ပိုင်ခွင့် အာဏာတွေ ပေးပြီး ပြည်သူ တွေနဲ့ သွေးခွဲအုပ်ချုပ်ခဲ့သလိုပဲ နိုင်ငံတော် သံဃာ့မဟာ နာယက ဆရာတော်များနဲ့ အောက်ခြေ သံဃာ တော်များကိုလည်း နည်းအမျိုး မျိုးနဲ့ သွေး ခွဲ အုပ်ချုပ်ခဲ့ပါတယ်။ ဘာကြောင့် ဒီလိုလုပ်ရသလဲဆိုရင် ပြည်သူတွေအပေါ်မှာ သံဃာထုရဲ့ သြဇာကြီးမားတာကို သိသလို ဒီသံဃာထု နိုင်ငံရေးလောကထဲမှာ ပါဝင် လာမှာကိုလည်း ကြောက်ပါတယ်။ ဒါကြောင့် ပြည်သူတွေနဲ့အလှမ်းဝေးတဲ့ မ-ဟ-န ဆရာတော် များကို အမျိုးမျိုး ချဉ်းကပ်စည်းရုံးပြီး အောက်ခြေ သံဃာတော်များအပေါ် ဝိနည်းဖြင့်လည်းကောင်း၊ တည်ဆဲဥပဒေများဖြင့် လည်း ကောင်း နည်းမျိုးစုံသုံးပြီး ဖိနှိပ်ခြင်းဖြင့် သံဃာထုကို သွေးခွဲခဲ့ပါတယ်။ ဒါဟာ သံဃာကို သင်းခွဲခြင်းဆိုတဲ့ သံဃာဘေဒကကံကို ကျူးလွန်လိုက်တာပါပဲ။ ဒေဝဒတ်လက်သစ်များလို့ ဆိုရမှာပါ။ ဒီအချက်ဟာ ရွှေဝါရောင် တော်လှန်ရေးကြီးကို သန္ဓေတည်စေခဲ့တဲ့ အချက်ပါ။

၂ဝဝ၇ သြဂုတ် ၁၉ မှာ လောင်စာဆီဈေးနှုန်းတွေ မြင့်ပြီး ကားခတွေ ရုတ်တရက် ဈေးတက်ခဲ့လို့ ၈၈ မျိုးဆက် ကျောင်းသားတွေ ဦးဆောင်ပြီး ပြည်သူတွေနဲ့အတူ လမ်းလျှောက်ဆန္ဒပြခဲ့တာကို မတရား ဖိနှိပ် ဖမ်းဆီး ခဲ့ပါတယ်။ ၂ဝဝ၇ စက်တင်ဘာ ၅ ပခုက္ကူမှာ ဖြစ်ပွား ခဲ့တဲ့ သံဃာ့အရေးကိစ္စမှာ သံဃာတော်တွေကို ကိုယ်ထိ လက်ရောက် စော်ကားခဲ့တဲ့ ကိစ္စပါ။ ရတနာသုံးပါးထဲမှာ တပါးအပါအဝင်ဖြစ်တဲ့ သံဃာတော်တွေကိုတောင် စော်ကား ရဲတယ်ဆိုတော့ ကမ်းကုန်နေပါပြီ။

ဒီလို န-အ-ဖ စစ်အာဏာရှင်တွေ တိုင်းပြည်အပေါ် မတရား ဖိနှိပ်ပြီး အဓမ္မတရားတွေနဲ့ ကြီးစိုး နှိပ်စက် နေတာကို သံဃာတော်အရှင်မြတ် များက ဓမ္မနဲ့ရင်ဆိုင်ဖို့ မြတ်စွာဘုရားရှင် ပညတ်တော်မူခဲ့တဲ့ အသမ္မုခတာ ကံရှစ်ပါးတွင် တပါးအပါအဝင်ဖြစ်တဲ့ ပတ္တနိက္ကုဇ္ဇနကံဆိုတဲ့ သပိတ်မှောက်ကံဆောင်ဖို့ ဆုံးဖြတ်ခဲ့ကြပါတယ်။ ဒီလိုနဲ့ ၂ဝဝ၇ စက်တင်ဘာ ၁၈ မှာ န-အ-ဖ စစ်အစိုးရကို သပိတ်မှောက် ကံဆောင်ကြ ရာမှ ရွှေဝါရောင် တော်လှန်ရေးကြီး စတင်ပေါ်ပေါက်ခဲ့ရပါတယ်။

သံဃာတော်အရှင်မြတ်များ စတင်ခဲ့တဲ့ ဒီအရေးတော်ပုံကြီးဟာ သံဃာတော် များအရေးကိစ္စမျှသာ မဟုတ် တော့ဘဲ ပြည်သူအားလုံးရဲ့ အရေးကိစ္စ ဖြစ်လာခဲ့ပါတယ်။ ကျောင်းသား၊ ပြည်သူများပါ ပူးပေါင်းပါဝင်လာခဲ့ပြီး အရှိန်အဟုန် မြင့်သည်ထက် မြင့်လာခဲ့ပါတယ်။ ဒါဟာ ရှစ်လေး လုံးအရေးတော်ပုံကြီး ပေါ်ပေါက်ပြီးနောက်ပိုင်း ၁၉ နှစ်ကျော်အကြာမှာ ပေါ်ပေါက်လာခဲ့တဲ့ အရှိန်အဟုန်အကြီးဆုံး လူထုတိုက်ပွဲ တပွဲပါပဲ။

အရှိန်အဟုန်ပြင်းပြင်းနဲ့ လှုပ်ရှားခဲ့တဲ့ ရွှေဝါရောင်တော်လှန်ရေးကြီးဟာ အကျအဆုံးများစွာနဲ့ အဆုံး သတ်ခဲ့ရတယ်လို့ပဲ ဆိုရမှာပါ။ သံဃာထုနဲ့အတူ နိုင်ငံတော်သံဃာ့မဟာနာယကအဖွဲ့ မပါဝင်ခဲ့တဲ့အပြင် လျစ် လျူရှုခြင်းပါ ခံခဲ့ရပါတယ်။ ဒါဟာ သံဃာထုအတွက် အနစ်နာဆုံးအချက်ပါ။ အကယ်၍ မ-ဟ-န ဆရာတော်များ ပါဝင်ခဲ့ကြမယ်ဆိုရင် န-အ-ဖ အနေနဲ့ ကိုင်တွယ်ရ တော်တော် ခက်သွားပါလိမ့်မယ်။ သို့ဆိုလျှင် ဒီအရေးတော်ပုံကြီးဟာ မအောင်မြင်ခဲ့ရင်တောင် အခုလို ရက်ရက်စက်စက် နှိမ်နင်းခံရလိမ့်မယ် မဟုတ်ဘူးလို့ ထင်မိပါတယ်။

ပြည်သူအများစုဟာ ဘေးကနေ လက်ခုပ်တီးပေးရုံလောက်နဲ့ တာဝန်ကျေပြီလို့ ထင်နေကြတယ်။ ဒါဟာ အမျိုး သားရေး တာဝန်မဲ့မှု တရပ်ပဲ ဆိုတာကို မသိကြလို့လည်း ဖြစ်နိုင်ပါတယ်။သို့ မဟုတ် နိုင်ငံရေးခေါင်းဆောင်အချို့ ကြိုတင်အဖမ်းခံတားရခြင်းနှင့် ကျန်ရှိနေသေးတဲ့ ခေါင်းဆောင်အချို့ ရဲ့  ပြင်ဆင်မှုအားနည်းခြင်း ကြောင့်လဲပဲ ဖြစ်နိုင်ပါတယ်။့ န-အ-ဖ အနေနဲ့လည်း ဘာကြောင့် ဒီလောက် ကြမ်းကြမ်းတမ်းတမ်း ကိုင်တွယ်လိုက်ရသလဲ။ ဒါဟာ အဓိကအချက်ပါ။ လှုပ်ရှားမှုကြီးဟာ တရက်ထက်တရက် အရှိန်အဟုန် ပိုပြင်းထန်လာခဲ့တယ်။ ဒါကို သူ တို့ကြောက်တာပါ၊ ဘာကြောင့်လဲဆိုရင် ၂ဝဝ၈ မေလမှာ ဆန္ဒခံယူပွဲ လုပ်မယ်၊ ဒီဆန္ဒခံယူပွဲဟာ သူတို့ရဲ့ အနာ ဂတ်ပါ။ သူတို့စိတ်ကြိုက် ရေးဆွဲထားတဲ့ ဒီအခြေခံဥပဒေသာ အတည်ဖြစ်သွားပြီဆိုရင် စစ်တပ်က နိုင်ငံ တော်အာဏာရဲ့ လေးပုံတစ်ပုံကို အလိုလို ပိုင်ဆိုင်သွားမှာပါ။ ဒီလိုအခြေအနေမှာ ရွှေဝါ ရောင်တော်လှန်ရေးကြောင့် ဆန္ဒခံယူပွဲကို ထိခိုက်မှာ အကြောက်ကြီးကြောက်ပြီး ရက်ရက်စက်စက် ဖြိုခွဲခဲ့ တာပါပဲ။ ဒီလိုနဲ့ ဦးဇင်းတို့ရဲ့ ရွှေဝါရောင် ဒီလှိုင်းတွေ ရပ်တန့်သွားခဲ့ရတာပါ။

ဒီတော်လှန်ရေးကြီးကနေ ရွှေဝါရောင်မျိုးဆက်သစ် သံဃာတော်တွေ၊ကျောင်းသား လူငယ်တွေ၊ အမြောက် အများ မွေးထုတ် ပေးခဲ့သလို၊ အနည်ထိုင်လုလုဖြစ်နေတဲ့ လူထုရဲ့နိုင်ငံရေးစိတ်ဓာတ်ကို လှုပ်နှိုး ပေးနိုင်ခဲ့ပါတယ်။ နောက် ၂ဝဝ၄ မှာ ကမ္ဘာ့ဗုဒ္ဓဘာသာ ညီလာခံကြီးကို ကျင်းပရန်ကြိုးစားပြီး ဘာသာရေးကို ခု တုံးလုပ်တတ်တဲ့ န-အ-ဖ စစ်အာဏာရှင်ကြီးများရဲ့ ဟန်ဆောင်မျက်နှာဖုံးကို ခွာချလိုက်နိုင်ခဲ့ပါတယ်။ မြန်မာ နိုင်ငံရဲ့အရေးကိစ္စကိုလည်း ကမ္ဘာက လျစ်လျှူရှုလို့ မရလောက်အောင်လည်း သိစေခဲ့ပါတယ်။

အဓိကကျဆုံးအချက် ကတော့ သံဃာတော် အရှင်သူမြတ်များဟာ ပြည်သူရဲ့ဆွမ်းကိုစားပြီး နေသာသလို မနေ ခဲ့ပါဘူး။ ပြည်သူတွေရဲ့ အခက်အခဲ အကြပ်အတည်းတွေကို ပြည်သူတွေနဲ့အတူ တသားတည်း ရင်ဆိုင် ဖြေရှင်းတတ်တဲ့ ရင်ဆိုင်ဖြေရှင်းရဲတဲ့ ပြည်သူ့ရှေ့ဆောင် တွေ ဖြစ်ကြတယ်ဆိုတာကို ပြသလိုက်တာပါပဲ။

နိုင်ငံရေးရှုထောင့်ကနေ ကြည့်မယ်ဆိုရင် ထိုက်သင့်တဲ့အောင်မြင်မှုတော့ ရခဲ့ပါတယ်။ သာသနာ့အလံတော်ကို အမြင့်မားဆုံး လွှင့်ထူပြီး ဒီမိုကရေစီ တော်လှန်ရေးမှာ ကမ္ဗည်းမော်ကွန်း တင်နိုင်ခဲ့ပါတယ်။ ပြည်သူ၊ ပြည်သား ဒါယကာ ဒါယိကာမတွေအတွက် သံဃာ တော် အရှင်မြတ်တွေဟာ် အားကိုးထိုက်တဲ့ ကိုးကွယ်ရာအစစ်တွေ ဖြစ်ကြတယ် ဆိုတာကို သွေးနဲ့ သက်သေပြခဲ့ပါတယ်။ ကမ္ဘာ့အလယ်မှာလည်း မြန်မာရဟန်းတော်များဟာ သမိုင်းအစဉ်အလာ မညံ့ဘူးဆိုတာသိအောင် ရွှေဝါရောင်သမိုင်းအသစ်ကို ရေးထိုး လိုက်နိုင်ခဲ့ပါပြီ။

ဒါပေမယ့် စစ်ပွဲရှုထောင့်ကကြည့်မယ်ဆိုရင် အထိနာခဲ့တယ်လို့ဆိုရမှာပါ။ ပေးဆပ်မှုတွေ တအားများလွန်း လို့ပါ။ ဒီလှုပ်ရှားမှု အတွင်းမှာ သံဃာတော်နဲ့ ကျောင်းသား ပြည်သူများစွာ အသက်ပေးခဲ့ရသလို၊ ဖမ်းဆီး ထောင်ချခံခဲ့ရပါတယ်။ အချို့မှာ ယခုတိုင် ပုန်းရှောင်နေရပြီး၊ အချို့က တိုင်းတပါးသို့ ထွက်ပြေး ခိုလှုံခဲ့ကြရပါတယ်။ ပြည်တွင်း အတိုက်အခံအင်အားစုများ တော်တော်ကို အင်အား ချည့်နဲ့သွားတယ်လို့ ဆိုနိုင်ပါတယ်။ ဒီအခြေအနေကို ရောက်ခဲ့ရတာဟာ စစ်ချီ၊ စစ်တက်၊ စစ်ထိုး၊ စစ်ခံ၊ စစ်ဖျက်၊ စစ်ပြန် ဆိုတဲ့ စစ်ရဲ့ အစီအရင်တွေနဲ့ မပြည့်စုံလို့ပါ။ အကြမ်းဖက် ကိုင်တွယ်မယ်ဆိုတာ သိပြီးသား ဖြစ်ပါလျက် အဲဒီအခြေအနေကို အဆုတ်အတက် မလုပ်နိုင်ခဲ့တာလည်း ပါပါတယ်။

သံဃာထုရဲ့  နိုင်ငံရေးနည်းပရိယာယ် မကြွယ်ဝမှုကြေင့်လဲပဲ ဖြစ်နိုင်ပါတယ်။ အကြမ်း မဖက်နိုင်အောင် ပြည်ပ အဖွဲ့အစည်းများနဲ့ ကမ္ဘာ့ကုလသမဂ္ဂအပါအဝင် နိုင်ငံခြားတိုင်းပြည်များ ထိရောက်တဲ့ ဖိအား မပေးနိုင်ခဲ့တာ၊ နောက်ဆက်တွဲ အဖမ်းအဆီးကိစ္စကို ရှောင်လွှဲနိုင်ဖို့ လုံခြုံစိတ်ချရတဲ့ ဝပ်ကျင်းကို ကြိုတင် မဖန်တီး နိုင်ခဲ့တာတွေဟာ အားနည်းချက်တွေလို့ ဆိုရမှာပါ။

ဒီကောက်ချက်ကိုချတာဟာ ဘယ်သူကိုမှ ရည်ရွယ်တာမဟုတ်ပါဘူး။ အခြေအနေတခုကို မတူတဲ့ ရှုထောင့်ကရော၊ တူတဲ့ရှုထောင့်ကပါ အမှန်အတိုင်း သုံးသပ်ကြည့်တာပါ။ ဘာလို့လဲဆိုရင် ရှစ်လေး လုံးပြီးကတည်းက အင်အားကောင်းတဲ့ လူထုတိုက်ပွဲဆိုလို့ ဒီရွှေဝါရောင်လှုပ်ရှားမှုဟာ ပထမဆုံးလို့ ဆိုနိုင်ပါတယ်။ ဒီအတိုင်းသာ ဆက်သွားနေရင် ဦးဇင်းတို့ရဲ့ ဒီမိုကရေစီပန်းတိုင်ဟာ ဘယ်မှာလဲလို့ မေးစရာ ဖြစ်လာ ပါလိမ့်မယ်။ ဒါကြောင့် နောက်တကြိမ်မှာ ဦးဇင်းတို့လှုပ်ရှားမှုဟာ အရင်းနည်းနိုင်သမျှနည်းပြီး အမြတ်များများ လိုချင်ပါတယ်။ ဒီအားနည်းချက်တွေကို နိုင်ရာနိုင်ရာ ဝိုင်းဝန်းဖြည့်ဆီး ကြမယ်ဆိုရင် ပန်းတိုင်ဟာ လက်တကမ်းကို ရောက်လာမှာပါ။

အခုဆိုရင် သံဃာတော်တွေကို ဖမ်းဆီးထောင်ချထားတယ်။ သီလရှင် ဆရာကြီး ဆရာလေးတွေကိုလည်း ဒီလိုပဲ မတရားသဖြင့် ဖမ်းဆီးထောင်ချထားတယ်။ မဂ္ဂင်ကျောင်းတိုက်နှင့် သာသနသိပ္ပံကျောင်းတို့ကို ချိတ်ပိတ်ပစ်လိုက်သလိုမျိုး ကျောင်းတိုက် တော်တော်များများကို စာဝါတက်သံ တိတ်ဆိတ်သွားအောင် ပိတ်ဆို့ထားတယ်။ ဘာသာသာသနာကို ထွန်းကားပျံ့နှံ့အောင် စည်ပင်ဖွံ့ဖြိုးအောင် သာသနာပြုနေကြတဲ့၊ မြန်မာနိုင်ငံကို သာသနာပြုနိုင်လောက်တဲ့ အရပ်ဒေသဖြစ်သွားအောင် မေတ္တာပို့ပြီး ဆန္ဒထုတ်ဖော်ခဲ့ကြတဲ့ သံဃာတော်များကို ရဟန်းအတုအယောင်များအဖြစ် ပုတ်ခတ် စော်ကားခဲ့တယ်။

သာသနာဆိုတာ မြတ်စွာဘုရား ဟောကြားတော်မူခဲ့တဲ့ အဆုံးအမ သြ၀ါဒများပဲ ဖြစ်ပါတယ်။ တနည်း အားဖြင့်ဆိုရရင် သစ္စာတရား သဘာဝအမှန်တရားဖြစ်ပါတယ်။ သတ္တ၀ါအများကို လမ်းကြောင်းမှန်အပေါ် တင်ပေးပြီး ဘ၀ရဲ့ပြဿနာ အခက်အခဲ အကြပ်အတည်းနှင့် ကိုယ်စိတ်ပင်ပန်းမှုမျိုးစုံတို့က လွတ် မြောက်စေတတ်၊ သက်သာရာ ကိုပေးတတ်တဲ့ မီးရှုးတဆောင်လည်းဖြစ်ပါတယ်။ ၄င်းမီးရူးတဆောင်ကြီးကို တွေ့ရှိသူဟာ ဗုဒ္ဓပင်ဖြစ်ပါတယ်။ အဲဒီ သစ္စဓမ္မတွေကို တွေ့ရှိ သိရှိပြီးဖြစ်လို့လည်း ဗုဒ္ဓ အမည်ရရှိတာ ဖြစ်ပါတယ်။ သစ္စဓမ္မကိုရှာဖွေတွေ့ရှိသူ မြတ်ဗုဒ္ဓရဲ့ ပြောဆို ဆုံးမ ချက်တွေ အယူအဆတွေ ၀ါဒတွေကို ဘာ သာရယ်လို့ နာမည်ပေးပြီး ဗုဒ္ဓဘာသာလို့ ခေါ်ဆိုကြတာဖြစ်ပါတယ်။ ဒါကြောင့် ဒီသစ္စဓမ္မတွေကို နားလည် သ ဘောပေါက်ပြီး ရတနာသုံးပါးကို အားထားကိုးကွယ်ရာအဖြစ် လက်ခံကျင့်သုံးနေကြသူတွေဟာ ဗုဒ္ဓဘာသာဝင် တွေဖြစ်ပါတယ်။

ဗုဒ္ဓဘာသာရယ်လို့ နာမည်တခုနဲ့ ရပ်တည်ပြီးနေလာခဲ့တာဟာ နှစ်ပေါင်း နှစ်ထောင်ငါးရာပင် ကျော်လွန်လို့ လာခဲ့ပါပြီ။ မြတ်ဗုဒ္ဓ မရှိတော့တဲ့နောက်ပိုင်း ရဟန်သံဃာ အစဉ်အဆက်က ကိုယ်တိုင်လည်း လေ့လာသင်ယူ ကျင့်သုံး ၊ တပည့်ဒကာ ဒကာမတွေကိုလည်း လမ်းညွှန်ချက်တွေပေးပြီး လေ့လာကျင့်သုံးစေ ၊ အတုံ့ အပြန်အားဖြင့် ဒကာ ဒကာမတွေက ရဟန်သံဃာတွေကို ပစ္စည်းလေးပါးဖြင့် ထောက်ပံ့ စသည်ဖြင့် ကျွန်း ကိုင်းမှီ ကိုင်းကျွန်းမှီ အနေနဲ့ သာသနာတော်ကြီးကို ထိန်းသိမ်းခဲ့ကြလို့ ယနေ့ထိ သာသနာတော်ကြီးဟာ တည် တန့်နေနိုင်တာလည်းဖြစ်ပါတယ်။ ဆရာ ဒကာဆက်ဆံရေးမှာ တဖက်ဖက်က အားနည်းချက်တွေ ချွတ် ယွင်းချက်တွေနဲ့ရင်ဆိုင်နေရပါက ဗုဒ္ဓသာသနာဟာ ရေရှည်တည်တံ့နိုင်မည်မဟုတ်ပါ။ ဒါကြောင့် နှစ်ဘက် လုံးမှာ ရှိသင့်တဲ့စွမ်းအင် အရည်အသွေးတွေ ပြည့်ဝဖို့လိုအပ်ပါတယ်။

နှစ်ပေါင်း နှစ်ထောင့်ငါးရာကျော်အထိ ဗုဒ္ဓသာသနာတော်ကြီးဟာ ရပ်တည်နိုင်ခဲ့တယ် ဆိုရပေမဲ့ ချီတက်ခဲ့ရတဲ့ လမ်းကြောင်းဟာ အခါခပ်သိမ်း သာယာ ဖြောင့်ဖြူးခဲ့တာတော့ မဟုတ်ပါဘူး။ အကြပ်အတည်း အခက် အခဲမျိုးစုံတွေနဲ့ ရင်ဆိုင် ကြုံတွေ့ခံစားခဲ့ ရတာမျိုးတွေလည်းရှိခဲ့ပါတယ်။ တကယ်တော့ ဗုဒ္ဓ၀ါဒဟာ အိန္ဒိယ မြေပေါ်မှာ ပေါ်ထွန်းခဲ့တာဖြစ်ပါတယ်။ ယနေ့တော့ သာသနာ့အလင်းရောင်ဟာ အဲဒီမြေပေါ်မှာ မှေးမှိန် သွားခဲ့ရပါပြီ။ အသောကမင်းကြီးနှင့် သူရဲ့မြေးတော်တွေ အစဉ်အဆက်ထိ အိန္ဒိယမြေပေါ်မှာ သင်္ကန်း အရောင်တွေ တောက်ပနိုင်ခဲ့ပေမဲ့ ဗြဟ္မဏနွယ်ဝင် သုင်္ဂမင်းများလက်ထက်မှာတော့ ဗုဒ္ဓသာသနာ့ အရာင် အလင်းတွေဟာ ၄င်းမြေပေါ်က ပြောက်ကွယ်စပြုလာပါတော့တယ်။ သုင်္ဂခေတ် ဗြဟ္မဏပုဏ္ဏားတို့ရဲ့ လက် ထက်မှာ ဘုန်းကြီးခေါင်းတစ်လုံး ဖြတ်ယူဆက်သနိုင်ပါက ဆုတော်ငွေ-၁၀၀၀ ပေးမည်ဟု ကြေငြာလေရာ ဗုဒ္ဓ ဘာသာ ရဟန်းမှန်သမျှ တိုင်းပြည်ရဲ့အစွန်အဖျားတွေကို ထွက်ပြေး တိမ်းရှောင်ကြရပါတော့တယ်။

နောက်ပိုင်းတက်လာတဲ့ မင်းအစဉ်အဆက်ဟာ သာသနာ့ အဆောက်အဦးတွေ ကျောင်းကန်ဘုရားတွေကို လုယက်ဖျက်ဆီး ရဟန်းသံဃာတော်တွေကို သတ်ဖြတ်စသည်ဖြင့် နှိမ်နင်းရာက သာသနာအလင်းရောင်ဟာ အိန္ဒိယမြေပေါ်ကနေ ပြောက်ကွယ်သွားသည်အထိ ဖြစ်ခဲ့ရပါတော့တယ်။ အဲဒီလိုဆိုရင် သာသနာတခု အရှည်တည်တန့်ရေးအတွက် အုပ်ချုပ်သူများရဲ့ အခန်းကဏ္ဍဟာလည်း အလွန်အရေးပါတယ်ဆိုတာကို သိသာနိုင်ပါတယ်။

တိုင်းပြည်တပြည်မှာ အုပ်ချုပ်သူတွေဟာ လူအခွင့်အရေး ဘာသာရေးအခွင့်ရေးနှင့် လူဂုဏ် သိက္ခာ ကိုလေးစားတဲ့ အုပ်ချုပ်သူ အဖွဲ့အစည်းမျိုးဖြစ်ဖို့ လိုအပ်ပါတယ်။ ရုပ်ပိုင်းဆိုင်ရာ အဆောင် အယောင်လေးတွေကို လုပ်ပြနေရုံ ရုပ်ပိုင်းဆိုင်ရာအဆောက်အဦးတွေကို မိုးထိအောင်တည်ဆောက်ပြနေရုံမျှနဲ့ သာသနာပြုမင်းပါလို့ ကြွေးကြော်နေလို့မဖြစ်ပါဘူး။ ရုပ်ပိုင်းဆိုင်ရာ တိုးတက်မှုတခုတည်းက ဘာသာ သာသနာတခုကို ရေရှည်တည်တန့်အောင် မထ်ိန်းသိမ်း မစောင့်ရှောက်နိုင်ပါဘူး။ သာသနာကို ထိန်သိမ်း စောင့်ရှောက်သူ ပုဂ္ဂိုလ်တွေ အပေါ်မှာဘဲ အခြေခံတာာဖြစ်ပါတယ်။ ရုပ်ပိုင်းဆိုင်ရာ အဆောက်အဦးတွေဟာ အခြံ အရံအကြောင်းတရား တခုမျှသာဖြစ်ပါတယ်။

အိန္ဒိယမြေပေါ်က သာသနာ ဘာကြောင့် ပြောက်ကွယ်သွားရသလဲ ဆိုတာတွေကို သိရှိပြီးရင် ယနေ့မြန် မာနိုင်ငံက ဗုဒ္ဓသာသနာနှင့် ရဟန်းသံဃာတော်တွေရဲ့ ဘ၀အခြေအနေတွေကို လေလာသုံးသပ် ကြည့်နိုင်ပါတယ်။ အိန္ဒိယမြေပေါ်က အဖြစ်အပျက်နဲ့ ထပ်တူကြနေပါတယ်လို့ မဆိုလိုပေမဲ့ ဗုဒ္ဓသာသနာအ တွက် အန္တရာယ်ရှိတဲ့ ပဏာမခြေလှမ်း ဖြစ်နေတယ် ဆိုတာကတော့ထင်ရှား နေပါတယ်။

ဘုရားဟော ပိဋကတ်တော်တွေထဲမှာပါတဲ့ သာသနာ ကွယ်ကြောင်းတရားတွေကို လေ့လာကြည့်ကြမယ်ဆိုရင် ----------
(၁) မြတ်စွာဘုရားရှင်ရဲ့ တရားတော်တွေကို ရိုသေစွာ နာကြားမှုမရှိခြင်း၊
(၂) စာပေသင်ကြားမှုတွေ ရပ်ဆိုင်းသွားခြင်း၊
(၃) ဘုရားဟော တရားတော်တွေကို အာဂုံဆောင်ထားမှုတွေ ကွယ်ပြောက်သွားခြင်း၊
(၄) တရားတော်တွေရဲ့ ဆိုလိုရင်းအဓိပ္ပါယ်တွေကို နားလည်အောင်မလုပ်ခြင်း၊
(၅) တရားဓမ္မ ကျင့်ကြံအားထုတ်မှုတွေ မရှိတော့ခြင်း တွေဟာ သာသနာ ပျောက်ကွယ်ခြင်းရဲ့ အကြောင်းတွေ ဖြစ် တယ်လို့ ဟောတော်မူခဲ့ပါတယ်။
သာသနာတခု အရှည်တည်တန့်ရေးအတွက် ရဟန်းသံဃာတော်များ နှင့် ဒကာ ဒကာမများရဲ့ ကျွန်းကိုင်းမှီ ကိုင်းကျွန်မှီ သဘောကို အထက်မှာ တင်ပြခဲ့ပြီးဖြစ်ပါတယ်။ ရဟန်းသံဃာများဟာ ဘုရားဟော တရားတော်တွေကို လေ့လာသင်ယူခြင်း (ပရိယတ္တိ)နှင့် သိရှိထားသည့်အတိုင်း လက်တွေ့ အကောင်ထည် ဖေါ်ဆောင်ခြင်း (ပဋိပတ္တိ) တို့ဖြင့် သာသနာပြုနိုင်ရေးအတွက် ဒကာ ဒကာမတွေရဲ့ အထောက်အပံ့ကို မှီနေရ သူများဖြစ်ပါတယ်။ လူဒကာ ဒကာမတွေ အခက်ခဲ မျိုးစုံကြောင့် ရဟန်းသံဃာတွေကို မထောက်ပံ့နိုင်ခဲ့ပါရင် ရဟန်းသံဃာတော်တွေ ဘယ်လိုလုပ်ပြီး ဆက်လက်ရပ်တည် ရှင်သန်နိုင်ပါမလဲ။ ရဟန်းသံဃာတော်တွေမှ မရှိခဲ့တော့ပါလျှင် ဘုရားရဲ့တရားတော်တွေကို ထိန်းသိမ်းစောင့်ရှောက်သူတွေ မရှိတော့တဲ့အတွက် ဓမ္မဆိုတဲ့ သာသနာလည်း ဆက်လက်ရှင်သန်နိုင်တော့မည်မဟုတ်ပါ။

အဆိုပါအကြောင်း အချက်အလက်မျိုးစုံတွေကို သိရှိထားကြတဲ့ ရဟန်း သံဃာတော်တွေဟာ ပြီးခဲ့သည့်နှစ် စစ်တင်ဘာလက ငြိမ်းချမ်းစွာ လမ်းပေါ်တက်ပြီး ပြည်သူတွေရဲ့အခက်ခဲတွေကို ပြည်သူတွေရဲ့ကိုယ်စား ပြသခဲ့ကြတာဖြစ်ပါတယ်။ ပြဿနာရဲ့အခြေခံ အကြောင်းတရားတွေကို လေ့လာပြီး ငြိမ်းငြိမ်းချမ်းချမ်းနဲ့ ဖြေရှင်းရမဲ့အစား ကြီးလေးတဲ့အပြစ်သဖွယ် သတ်မှတ်ပြီး ရဟန်းသံဃာတော်တွေကို ဖမ်းဆီး ရိုက်နှက် နေထိုင်ရာကျောင်းတွေကိုပိတ် နေထိုင်ရာကျောင်းတွေမှာ မနေနိုင်အောင် အာဏာပိုင် ဆိုသူတွေက ရက် စက်အတင့်ရဲ့စွာနဲ့ ကျူးလွန်လာခဲ့ကြပါတော့တယ်။မြန်မာနိုင်ငံက ဖြစ်ခဲ့ပြီးနှင့် ဖြစ်နေဆဲ ဖြစ်စဉ်တွေကို လေ့လာကြည့်မယ်ဆိုရင် ပြဿနာတစ်ခုရဲ့ဖြစ်စဉ် အကြောင်းစုံလင်တွေကို ရှာပြီးဖြေရှင်းဖို့မကြိုးစားဘဲ ပြဿနာရဲ့ အ၀န်းဝိုင်း တခုလေးကိုသာကြည့်ပြီး တစ်ယောက်နဲ့တယောက် အပြစ်ဖို့တာတွေ အင် အားကြီးသူတွေက အင်အားနည်းသူတွေကို အနိုင်ယူနေတာတွေကို တွေ့မြင်နေကြရမှာ ဖြစ်ပါတယ်။ ပြဿနာပြေပြောက်ရေးကို အမှန်တကယ် လိုလားပါတယ် ဆိုရင် ဘာဖြစ် နေတယ် ဆိုတာလောက်မှာသာ ရပ်တန့်နေလို့မဖြစ်ပါဘူး ။ ဘာကြောင့်ဖြစ်လဲဆိုတာကို သုံးသပ်ပြီး ဖြေရှင်းပါမှ အမှန်တကယ် ပြဿနာ ရဲ့ပြေလည်မှုကိုရရှိမှာဖြစ်ပါတယ်။

ယခုလက်ရှိ အခြေနေထိကတော့ မြန်မာပြည်က အာဏာပိုင်တွေဟာ ရဟန်းသံဃာတွေအပေါ်မှာ အငြိုးကြီးစွာနဲ့ဘဲ ကန့်သတ်မှုတွေ မတရားချုပ်ချယ်မှုတွေ ဖိနှိပ်မှုမျိုးစုံတွေကို လွန်ကြူးနေကြဆဲပါဘဲ။အရင်က မြန်မာပြည်မှာ သံဃာတော်တွေ ရရှိတဲ့ အခွင့်အရေးတွေဟာ န.အ.ဖ စစ်အုပ်စုမပြုတ်သ၍ ပြန်လည်ရရှိတော့မည် မဟုတ်ပါ။ အကျိုးဆက်အဖြစ် စာပေသင်ကြားမှုတွေ တရားဟောကြားမှုတွေ တရားအားထုတ်မှု စတဲ့ ဘာသာရေး လုတ်ငန်းစဉ်တွေကိုပါ ထိခိုက်လာနေတဲ့အတွက် အိန္ဒိယနိုင်ငံမှာ သာသနာပြောက်ကွယ်သွားသလို ယနေ့မြန်မာနိုင်ငံမှာလည်း ဗုဒ္ဓသာသနာကွယ်ပြောက်ဖို့ လမ်းကြောင်းပေါ်ကို ဦးတည်နေတယ်လို့ဆိုရင် လွန်မယ်မထင်ပါ။ ဒါကြောင့် မြန်မာနိုင်ငံက အနာဂါတ် ဗုဒ္ဓသာသနာအရေးဟာ ယခုအတိုင်းသာ ဆက်သွားခဲ့ပါရင် အလွန်တရာမှ ရင်လေးစရာ ကောင်းလှပါတော့ တယ်။ ရွှေဝါရောင်တော်လှန်ရေးရဲ့  အကျိုးဆက်ဟာ သံဃာအားလုံး ခံစားရတာဖြစ်ပါတယ်။

အာဏာရှင် စစ်ဝါဒီတို့သည် "ရဟန်းစစ် ရဟန်းမှန်၊ သံဃာစစ် သံဃာမှန်" တို့ အား "ရဟန်းတု ရဟန်း ယောင် သံဃာတု သံဃာယောင်"ဟုစွပ်စွဲကာ ဖမ်းဆီးရိုက်နှက်သတ်ဖြတ်ခဲ့ကြသည်။ ပတ္တ နိက္ကုဇ္ဇကံ ဆောင် ကြသော သံဃာတော်များသည် အစစ်အမှန် ဟုတ်မဟုတ် ကို မြန်မာကသာမက ကမ္ဘာကပါ ယခုအခါသိရှိပြီး ဖြစ်သည်။ ကံဆောင်သံဃာတော်များ၏ လုပ်ရပ်သည် ၀ိနည်းသိက္ခာပုဒ်တော်များနှင့် ကိုက်ညီ သော ကြောင့်သာ တစ်ကမ္ဘာလုံးရှိရဟန်းရှင်လူအပေါင်းတို့က အသိအမှတ်ပြု လက်ခံခဲ့ကြခြင်းဖြစ်သည်။ အာ ဏာရှင် စစ်ဝါဒီတို့မှာကား "အမှားကို အမှန်၊ အမှန်ကို အမှား" ထင်မှတ်ယူမှား၍ ထင်တိုင်းကြဲ နေကြ သဖြင့် ဘာမှ မပြောလိုပါ။ သို့သော် တိုင်းချစ် ပြည်ချစ် မျိုးချစ်ပုဂ္ဂိုလ်များ ဖြစ်ကြသော ပြည်ထောင်စုဖွား တိုင်းရင်းသား များအနေဖြင့် တပ်မတော်ကို ခုတုံးလုပ်၍ ကိုယ်ကျိုးရှာနေကြသော အာဏာရှင် လူတစ်စုတို့အား စုပေါင်း ညီညာစွာဖြင့် တွန်းလှန်ကာကွယ်ကြပါ။ အမျိူးဘာသာ သာသနာတော်ကို ကိုယ်ပိုင်အသိ ကိုယ်ပိုင် စိတ်ဓါတ် တို့ဖြင့် ၀ိုင်းဝန်းကာကွယ် ထိမ်းသိန်းစောင့်ရှောင့်ကြပါဟု တိုက်တွန်းလိုပါသည်။

ထို့အပြင် လူသတ်ဝါဒကို အားပေးသော ပုဂ္ဂိုလ်၊ လူသတ် ၀ါဒီတို့နှင့် စီးပွါးရေး လူမှုရေး သာရေးနာရေးစသော အဆက်အသွယ်များကို လည်း လုံးဝမလုပ်ကြဘဲ ရှောင်ကြဉ်ကြပါဟု ပြောလိုပါသည်။ လူသတ် ၀ါဒီတို့မှာ ကံကြီးထိုက်ပြီးသူများဖြစ်သဖြင့် ခုရော နောင်ပါ အကျိုးယုတ်ဖို့ ရုံသာရှိတော့ သည်။ ထိုပုဂ္ဂိုလ်တို့နှင့် ပေါင်း ဖော်မိပါက အကုသိုလ်ကံတို့သည် မိမိတို့ထံသို့ ပူးဝင်ကပ်ရောက်လာနိုင်သဖြင့် ဝေးစွာရှောင်ကြဉ်ကြရန် တိုက်တွန်းရခြင်းပင်ဖြစ် ပါသည်။ အာဏာရှင်တို့သည် မိမိတို့၏ ဒုစ္စရိုက်မှုများကို ဖုံးကွယ်ရန်ကြိုးစားနေကြသော် လဲ မအောင်မြင်တော့ပေ။ အာဏာရှင်တို့က သူတို့ပိုင် မီဒီယာများမှ တစ်ဆယ့် နှစ်လတာ ကာလပတ်လုံး လိမ် ညာလှည့်စား၍ ၀ါဒဖြန့်နေကြသော်လည်း ပြည်သူတို့က မယုံတော့ပေ။ "ချောက်ထဲကို ကျလုလုဖြစ်နေသော နိုင်ငံတော် ကြီးကို စစ်တပ်က အချိန်မနှောင်းမီ ကာကွယ်လိုက်ရတာပါ" ဟု အသံကောင်း ဟစ်နေကြသော အာဏာရှင်တို့သည် သူ့တို့စကားကို သူတို့ကိုယ်တိုင် ချေဖျက်ခဲ့ကြပြီးဖြစ်သည်။ စက်တင်ဘာ အရေးတော် ပုံတွင် ထိုဖြစ်ရပ်မှန်များကို ကမ္ဘာကပါ သိရှိခဲ့ကြပြီးဖြစ်သည်။ မိမိတို့၏ မတရားမှုများကို ကမ္ဘာသိအောင် ကြေငြာသူမှာ အခြားသူများမဟုတ်ဘဲ မိမိတိုိ့ကိုယ်တိုင်သာဖြစ်သည်ကို သသောပေါက်ကြသင့် ပါသည်။

အကြွင်းအကျန်မထားဟုဆိုကာ ရဟန်းရှင်လူပြည်သူများကို ဖမ်းဆီး နှိပ်စက် သတ်ဖြတ်နေရုံမျှဖြင့် ပြဿနာ များ ပြေငြိမ်းပြီးပြတ်သွားမည် မဟုတ်ပါချေ။ ရန်ကိုရန်ချင်းမတုဘဲ မေတ္တာစစ် မေတ္တာမှန်ဖြင့် အဖြေရှာမှသာ အ ဖြေမှန်ကို ရပေမည်။ ဓမ္မကို မျက်ကွယ်ပြု၍ အဓမ္မ၀ါဒကို လက်ကိုင်ကျင့်သုံးနေပါက ကိုယ့်သေတွင်း ကိုယ် တူးသလို ဖြစ်တက်သည်ကို သဘောပေါက်သင့်ကြပေ သည်။ သို့ဖြစ်ရာ ကမ္ဘာအရပ်ရပ်တွင် စက္ကန့်မလပ် နာရီ မလပ် ဖြစ်ပျက်ပြောင်းလဲ နေကြသော ဖြစ်ရပ်မှန်များကို သင်ခန်းစာအဖြစ် မှတ်ယူပြီး အချိန်မနှောင်းမီ ပြည်သူ့ ဆန္ဒနှင့်အညီ ပြုပြင်ပြောင်းလဲသင့်ပြီးဖြစ်ပါကြောင်း တိုက်တွန်းလိုက်ရပါ သည်။

နအဖစစ်ခွေးများ ၀င်ရောက်ဖျက်ဆီးခဲ့သော
၁။ တောင်ဥက္ကလာပမြို့နယ်၊ ငွေကြာယံကျောင်းတိုက်၊
၂။ ဓမ္မဇေယျကျောင်းတိုက်၊
၃။ ရွှေတောင်မော်ကျောင်းတိုက်၊
၎။ ဇဋိလာရာမကောင်းတိုက်၊
၅။ တာမွေမြို့နယ်၊ နတ်ချောင်းရပ်ကွက်၊ ဓမ္မသုခစာသင်တိုက်၊
၆။ ဗိုလ်တစ်ထောင်မြို့နယ်၊ မင်္ဂလာရာမစာသင်တိုက်၊
၇။ ပညာရာမိကကျောင်းတိုက်၊
၈။ ရန်ကင်းမြို့နယ်၊ မိုးကောင်းကျောင်းတိုင်၊
၉။ သင်္ကန်းကျွန်းမြို့နယ်၊ မဂ္ဂင်ကျောင်းတိုက်၊
၁၀။ ကျောက်စာတော်အရှေ့ကျောင်းတိုက်၊
၁၁။ ပညာတံခွန်ကျောင်းတိုက်၊
၁၂။ ဓမ္မဝေပုလ္လကျောင်းတိုက်၊
၁၃။ ရွှေကျင်တိုက်သစ်ကျောင်းတိုက်၊
၁၄။ ဗဟန်းမြို့နယ်၊ သာသနာ့သိပ္ပံကျောင်းတိုက်၊
၁၅။ သာသနာ့ဂုဏ်ရည်ကျောင်းတိုက်၊
၁၆။ ဒဂုံမြို့သစ်၊ တက္ကသီလာဇေယျသိဒ္ဓိပဋ္ဌာန်ကျောင်းတိုက်၊
၁၇။ မြောက်ဥက္ကလာပမြို့နယ်၊ သီရိဇေယျကျောင်းတိုက်၊
၁၈။ ပဏ္ဍိတာရာမကျောင်းတိုက်

----အစရှိသော စာသင်တိုက် ကြီးများနှင့်ကျောင်းတိုက်များမှ သံဃာတော်များသည် ရဟန်းတုများဖြစ် ပါသလော၊ လောင်းကစား၊ မူးယစ်ဆေးဝါးစသည် ပြုသော ရဟန်း သံဃာတော် များပေလော စသည်ဖြင့် စဉ်း စားဖွယ်ရာဖြစ်၏။ ဖော်ပြပါကျောင်းတိုက်များ မှာ အစိုးရပိုင်မီဒီယာမှ ဖော်ပြထားခြင်းဖြစ်သည်။ ထိုရေး သားချက်နှင့်ပတ်သက်ပြီး အထက်ပါကျောင်းတိုက်များမှ သံဃာတော်များ အဘယ်သို့ရောက်ကုန်ကြပြီလဲ၊ ငွေကြာယံဆရာတော် ဘယ်နေရာသို့ ရောက်နေသလဲ၊ မဂ္ဂင်ကျောင်းဆရာတော် ဘယ်နေရာသို့ ရောက် နေသလဲ၊ တက္ကသီလာဇေယျသိဒ္ဓိပဋ္ဌာန်ကျောင်း ဆရာတော် ဘယ်နေရာသို့ ရောက်နေသလဲ၊ သူတို့ သတ်ဖြတ်ပြီး မြစ်ထဲသို့ ပစ်ချထားသော ရဟန်းအလောင်းများက ဘယ်သူတွေလဲ၊ နအဖစစ်ခွေးများ ပစ် ခတ်မှုကြောင့် ဒဏ်ရာရဆေးရုံသို့ ရောက်နေသော သံဃာတော်များက ဘယ်အရာတွေလဲစသည် စသည်ဖြင့် စဉ်းစားဖွယ်ရာ ဖြစ်မိ၏။

မြန်မာနိုင်ငံမှ လက်ရှိ မ.ဟ.န ဘုန်းတော်ကြီးများသည် နိုင်ငံတကာ ထုတ်လွင့်ခဲ့သော သတင်းများ၊ ဓာတ် ပုံများကို ကြည့်ရှုမိပါ၏လော၊ အင်တာနက်၊ အီးမေလ်ဆိုသည်ကို သိပါ၏လော၊ ဤကဲ့သို့ ရက် စက်ကြမ်းကြုတ်သော နအဖ၏ လုပ်ရပ်ကို ကိုယ်တိုင်းတွေ့မြင်ကြားသိပါလော၊ မျက်စိမှိတ်၊ နားပိတ်ပြီးတော့ နအဖစစ်ခွေးများ၏ အလိမ်အညာ ပြည်တွင်းဖြစ် မီဒီယာများ ကိုသာမှီငြမ်းကိုးကား၍ ထိုသို့ဖြစ်ရပ်မှန်ဟု စာရေး သားပေးပို့ခြင်းသည် ဗုဒ္ဓဘုရားရှင်ဆိုသော စကားနှင့် ညီညွတ်ပါလော၊ မိမိ၏ညဏ်ဖြင့်စဉ်းစားပြီး (ကေသမုတ္တိသုတ်တော်)လာ ဘုရားရှင်၏စကားကို ကိုးကား၍ ပြောဆိုသော စကားဟုတ်ပါ၏လော၊ စသည် စ သည်ဖြင့် အလွန်ပင်တွေးကြည့်စရာ ကောင်းပါ၏။

နိဂုံးချုပ်ဆိုရသော် ရန်ကုန်မြို့နှင့် အခြားမြို့နယ်အသီးသီးမှ ပျောက်ဆုံးနေကြကုန်သော သံဃာတော်များ အ ဘယ်သို့ရောက်နေပါသနည်း၊ ဂျီတီအိုင်ကျောင်းဟောင်းအတွင်း ဖမ်းဆီးချုပ်နှောင်ခြင်းခံထားရသော သံဃာ များသည် အဘယ်တိုင်းပြည်က သံဃာတော်များပါနည်း၊ ကဘော်ချိုင့်ဝှမ်းသို့ အပို့ခံရသော သံဃာ တော်များသည်လည်း မည်သည့်နေရာက သံဃာတော်များပါနည်း၊ ကချင်ပြည်နယ်၊ မြစ်ကြီးနားမြို့၊ ကျောင်းထိုင်ဘုန်းကြီးသင်တန်းတွင် ဒေသခံကလေးသူငယ်များအား ပညာဒါနဝေငှ ပေးနေသော သိရီ လင်္ကာပြန် ဆရာတော်ဦးသီလာဝံသ(M.A.Sri Lanka) ပျံလွန်တော်မူခြင်းသည် မည်သူ၏သတ်ဖြတ်မှုကြောင့် ဖြစ်ပါသနည်း။စဉ်းစား သုံးသပ်စေလို ပါသည်။

သာသနာ့တက္ကသိုလ်၊စာသင်တိုက်များမှ သာသနာ့ မှတ်ပုံတင်များဖြင့် နယ်စပ်ဒေသ၊ တတိယနိုင်ငံများသို့  တိမ်းရှောင်ခဲ့ရသော ရဟန်းတော်များက မြန်မာပြည်မှ သံဃာအစစ် အမှန်များ ဖြစ်ကြောင်း ယခုအခါ အခက် အခဲ အားလုံးကျော်ဖြတ်ကာ သက်သေပြနိုင်ခဲ့ပြီ ဖြစ်သည်။
ဘယ်သူတွေ ဘယ်လိုစွပ်စွဲပြောဆိုကြပါစေ ပတ္တမြားမှန်လျှင်နွံမနစ်ကြောင်း ကမ္ဘာကို သက်သေပြနိုင်ခဲ့ပြီဖြစ် ကြောင်း တင်ပြလိုက်ရပါသည်။
ရွှေဝါရောင် သောတုဇန ဘိက္ခူ သံဃာ့အဖွှဲ.ကြီး (SYMO) ( www.symo.isgreat.org )