ယနေ့ မြန်မာနိုင်ငံတော် အတွင်း ဖြစ်ပျက်နေသော အခြေအနေသည် မြန်မာနိုင်ငံတော် အတွင်း မှီတင်းနေထိုင်ကြကုန်သော ဒကာ/ဒကာမ(သို့)လူထု တရပ်လုံးအတွက် များစွာ အန္တာရယ် ရှိနေကြောင်း ထင်ရှားစွာ တွေ့ရှိရပါသည်။ ယခု အုပ်ချုပ်မင်းလုပ်နေသော အစိုးရသည် နှစ်ပေါင်း မည်မျှ ကြာအောင် တိုင်းပြည်အား ပြာ ဘဝအတိ ဖြစ်အောင် လုပ်ချင်တာလဲဆိုတာ မသိသလို ၊ လူထုကို ဖိနှိပ်ညှင်းပန်း နှိပ်စက်ခြင်းများ ပြုလုပ်နေခြင်းကိုလည်း အရှိန်မြှင့်ချင်သည့် သဘောကို ဆောင်နေပါတယ်။ ထို့ အတူပဲ သံဃာတော် များကို မရိုသေ၊ မြတ်စွာဘုရားကိုမလေးစား သကဲ့သို့ သာသနာကို အာဏာအောက်တွင် ထားရှိစေချင်လွန်းသည့် စိတ်ဓါတ်ရေးရာများ မှာလည်း အရမ်းကို ညံ့ဖျင်းသည့် စိတ်နေစိတ်ထား ယုတ်မာသည့် စိတ်သဘောထားများ ဖြစ်သည်ကို အားလုံး အသိပင်ဖြစ်ပါသည်။
မည်သို့ဆိုစေကာမူ ယနေ့ မှ စတင်ပြီး ၂၀၁၀ တိုက်ဖျက်ရေး သံဃာ့ အင်အားစု အနေဖြင့် အထက်ပါ အတိုင်း ရေရှည် သားစဉ် မြေးဆက် အုပ်ချုပ် အနိုင်ကျင့်သွားမည့် အစိုးရအား အလိုမရှိပါ။ အခြေခံဥပဒေ၊ရွေးကောက်ပွဲ ဆိုသည်များမှာလည်း သားစဉ် မြေးဆက်၏ အကျိုးကိုသာ ရှေ့ရှု့ဆောင်ရွက်နေခြင်းသာ ဖြစ်ပါသည်။ ထို့ကြောင့် ကျွန်ုပ်တို့ ၂၀၁၀ တိုက်ဖျက်ရေး သံဃာ့အင်အားစု အနေဖြင့် ကျရာနေရာ ၊ ကျရာ ဒေသ မှ သံဃာ့လှုပ်ရှားမှုများ၊လူထုလှုပ်ရှားမှုများဖြင့် ပြင်းပြင်းထန်ထန် ဝေဖန်ကန့်ကွက် ထုတ်ဖေါ် ဆန္ဒပြသွားမည်သာ ဖြစ်သည်။
အားလုံးသော အဖွဲ့အစည်းများ၊ဒကာ / ဒကာမများအနေဖြင့်လည်း ကျွန်ုပ်တို့နည်းတူ အတူတကွ ပူးပေါင်းဆောင်ရွက် ပေးကြပါရန် တိုက်တွန်းနိုးဆော်လိုက်ပါတယ် ။
ဦးသုတကာရ
၂၀၁၀ တိုက်ဖျက်ရေး သံဃာ့အင်အားစု
ဆက်သွယ်ရန် - thutakarya@gmail.com
Wednesday, March 31, 2010
(သာသနာတော်ကို စစ်ကျွန်အဖြစ်နွံ့ နစ်မခံကြပါနဲ့  )အထူး ထုတ်ပြန်ကြေငြာချက်
Subscribe to:
Post Comments (Atom)
0 comments:
Post a Comment