မြစ်ကြီးနား အာဇာနည်နေ့ အခမ်းအနား

(ပေးပို့ သူ ဗမာ့သွေး)
ကချင်ပြည်နယ် အုပ်ချုပ်ရေးမှူးက အာဇာနည်နေ့ အခမ်းအနား မလုပ်ရန် တားမြစ်ခဲ့သော်လည်း အမျိုးသား ဒီမိုကရေစီ အဖွဲ့ချုပ် NLD က မြစ်ကြီးနားရှိ ပြည်နယ်ပါတီရုံး၌ အင်္ဂါနေ့တွင် ကျင်းပခဲ့ကြောင်း မြို့နယ်စည်းရုံးရေးမှူး ဦးဝင်းဗိုလ်က ပြောသည်။

ပြည်နယ်အုပ်ချုပ်ရေးမှူး ဦးလဂျွန်ငန်ဆိုင်းက NLD ကချင်ပြည်နယ် ဥက္ကဋ္ဌ ဦးလှဆိုင်းနှင့် ပါတီခေါင်းဆောင် တဦးဖြစ်သူ ဦးတင်ဝေတို့ကို အင်္ဂါမနက်ပိုင်းတွင် ခေါ်ယူ တားမြစ်ခဲ့သော်လည်း နေ့လည်ပိုင်းတွင် ၆၄ နှစ်မြောက် အာဇာနည်နေ့ အခမ်းအနားကို မြို့တော်မြစ်ကြီးနား အေးစေတီကုန်းအဆင်းရှိ ပါတီရုံး၌ ကျင်းပခဲ့ခြင်း ဖြစ်သည်။

“ဒီနေ့မနက်ကတော့ ပြည်နယ် အုပ်ချုပ်ရေးမှူး ဦးလဂျွန်ငန်ဆိုင်းက ခေါ်ပြီးတော့ ပြောတယ်။ ကျနော်တို့ဆီမှာ
အားလုံး စီစဉ်ထားပြီးဖြစ်လို့ မလုပ်ရင် မရဘူးဆိုပြီး လုပ်တာပဲလေ” ဟု ဦးဝင်းဗိုလ်က မဇ္ဈိမကို ပြောသည်။ အခမ်းအနား ကျင်းပနေစဉ် အနှောင့်အယှက် တစုံတရာ မရှိဟု ဆိုသည်။

အခမ်းအနားသို့ ကချင်ပြည်နယ် မိုးညှင်း၊ မိုးကောင်း၊ တနိုင်း၊ ဝိုင်းမော်၊ ဖားကန့်နှင့် မြစ်ကြီးနားမြို့မှ ပါတီဝင် ၈၄ ဦး တက်ရောက်ခဲ့သည်။ ၎င်းတို့က နိုင်ငံရေး အကျဉ်းသားများ ပြန်လွှတ်ရန်၊ တိုင်းရင်းသားများနှင့် အပစ်အခတ် ရပ်စဲရန် အစိုးရသစ်ကို တောင်းဆိုကာ၊ မြစ်ဆုံရေကာတာ စီမံကိန်းကို ကန့်ကွက်ခဲ့သည်။

အဆိုပါ တောင်းဆိုချက်ပါ ကြေညာချက်ကို သမ္မတ ဦးသိန်းစိန်ထံ ပေးပို့သွားမည်ဟု ဆိုသည်။

Rest of your post