“၂၀၁၀ ကမ္ဘာ့ လူအခွင့်အရေး၏ တိုက်ပွဲနှစ်” မြန်မာ့သွေးအနီရောင် မညစ်စေနဲ့ ။ စစ်ကျွန်ဘ၀လွှတ်မြောက်ကြဖို့  တော်လှန်ှရေးသို့့ အသင့်ပြင်

Saturday, April 30, 2011

မြန်မာ ကွန်ရက်အဖွဲ့ ၁၁ ဖွဲ့က ဦးသိန်းစိန်အစိုးရကို ဝေဖန်ထောက်ပြ

2011-04-29(ပေးပို့ သူ-ဗမာသွေး)
ဗိုလ်ချုပ်ကြီးဟောင်း ဦးသိန်းစိန်နဲ့ အစိုးရအပေါ် သုံးသပ်ချက်နဲ့ ပြည်သူလူထုသို့ အသိပေးတင်ပြချက်တစောင်ကို ဒီမိုကရေစီရေး အင်အားစု ကွန်ရက် ၁၁ ဖွဲ့က ဧပြီ ၂၉ ရက် ဒီနေ့ ထုတ်ပြန်လိုက်ပါတယ်။

ဦးသိန်းစိန်အစိုးရအဖွဲ့မှာ ၃၅ နေရာရှိတဲ့အနက် စစ်ဖက်က ၂၆ နေရာယူထားပြီး ကျန်နေရာတွေကို ကြံ့ခိုင်ဖွံ့ဖြိုးရေးပါတီက နေရာယူထားတာကို သုံးသပ် တင်ပြထားတဲ့အကြောင်း ကွန်ရက်တဖွဲ့ဖြစ်တဲ့ ရန်ကုန်တိုင်းအတွင်း ဒီမိုကရေစီရေး တက်ကြွလှုပ်ရှားသူ ကျောင်းသားလူငယ်များ အင်အားစုက ကိုရန်နိုင်က ပြောပါတယ်။

“ဦးသိန်းစိန် သမတလုပ်တဲ့ ဒီ ၂၀၁၀ အလွန် အစိုးရဟာ ဒီ ၂၀၀၈ နာဂစ် ဖွဲ့စည်းပုံနဲ့ ဥပဒေရေး၊ တရားရေးတို့၊ အုပ်ချုပ်ရေးတို့ စတဲ့ ကဏ္ဍတွေမှာ စစ်အုပ်စု ထိပ်သီးခေါင်းဆောင်တွေကပဲ နေရာယူထားတာကို ကျွန်တော်တို့ သုံးသပ် တွေ့ရှိရတယ်။ အရပ်ဝတ် စစ်ဗိုလ်တွေ အနေနဲ့ရော နောက်တခါက စစ်ဖက်ကနေ စည်းရုံးထားတဲ့ ဒီ ကြံ့ဖွတ်ပါတီ ထိပ်သီးတွေကပဲ ဒီ အစိုးရအဖွဲ့မှာ အသီးသီး နေရာယူထားတာကို ကျွန်တော်တို့ သုံးသပ်တွေ့ရှိရတယ်။”

“နောက် တချက်က ဒီ ၂၀၁၀ ရွေးကောက်ပွဲကနေ ပေါ်ပေါက်လာတဲ့ ဒီကြံ့ဖွတ်စစ်အစိုးရဟာ စစ်အာဏာရှင်စနစ်ကို ကိုယ်စားပြုတဲ့ အစိုးရတရပ် အဖြစ်ကနေပြီးတော့ ဒီမိုကရေစီစနစ်ကို လမ်းကြောင်းက အမှန်တကယ် သွားမယ်ဆိုရင် တိုင်းပြည်အတွင်းမှာ ပထမဦးဆုံး အနေနဲ့ ကျွန်တော်တို့ အခု တောင်းဆိုထားတဲ့ အချက်တွေကို ပြုလုပ်ပေးဖို့ လိုအပ်တယ်ဆိုတာကို ထောက်ပြထားတယ်။”

ကြေငြာချက်မှာ နိုင်ငံရေး အကျဉ်းသားတွေအားလုံး ချွင်းချက်မရှိ လွှတ်ပေးဖို့၊ ပြည်တွင်းစစ် ရပ်စဲပြီး ပြည်တွင်း ငြိမ်းချမ်းရေး ချက်ချင်း ဆောင်ရွက်ဖို့၊ စစ်အစိုးရလက်ထက် တလျှောက်လုံးမှာ နိုင်ငံရေး၊ စီးပွားရေး၊ ဘာသာရေး၊ လူမှုရေး၊ ယဉ်ကျေးမှု နယ်ပယ်တွေမှာ ဒီမိုကရေစီ အခွင့်အရေးတွေ တားဆီးပိတ်ပင်တဲ့ အမိန့်ကြေညာချက်တွေကို ဖျက်သိမ်းပေးဖို့၊ နိုင်ငံရေးပါတီတွေ ဖွဲ့စည်းခွင့် အပါအဝင် လူထုလူတန်းစား အလွှာ အသီးသီးရဲ့ အသင်းအပင်း ဖွဲ့စည်းခွင့်နဲ့ စည်းရုံး လှုပ်ရှားခွင့်တွေ ခွင့်ပြုဖို့နဲ့ ၂၀၀၈ ဖွဲ့စည်းပုံ အခြေခံဥပဒေကို ပြန်လည် ပြင်ဆင်ရေးဆွဲရေးအတွက် သက်ဆိုင်တဲ့ အင်အားစုတွေနဲ့ တွေ့ဆုံဆွေးနွေးဖို့ ဆိုတာတွေကို တောင်းဆိုထားပါတယ်။

ဒီအချက်တွေ မဖြည့်ဆည်းဘူးဆိုရင် အစိုးရ နာမည်ကို ဘယ်လို တပ်တပ်၊ လွှတ်တော်ကို ဘယ်လို ပုံစံနဲ့ပဲ ကျင်းပကျင်းပ ဟန်ပြလုပ်ရပ်တွေပဲ ဖြစ်တာမို့ စစ်အာဏာရှင် စနစ်ကို ဆက်ကျင့်သုံးပြီး တိုင်းပြည်ကို လိမ်ညာနေတာပဲ ဖြစ်တယ်လို့ ထောက်ပြထားပါတယ်၊
ဒီ ကြေငြာချက်ကို မြန်မာနိုင်ငံလုံးဆိုင်ရာ သံဃာ့တပ်ပေါင်းစုကြီး၊ ၈၈ မျိုးဆက် ကျောင်းသားများ။ ရက္ခအလင်းတန်း၊ ရွှေဝါရောင်တော်လှန်ရေး၊ ရန်ကုန်တိုင်းအတွင်း ဒီမိုကရေစီရေး တက်ကြွလှုပ်ရှားသူ ကျောင်းသားလူငယ်များ အင်အားစု၊ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်၊ ၂၀၀၇ မျိုးဆက် ကျောင်းသားများ သမဂ္ဂ၊ ရခိုင်ကျောင်းသားများ သမဂ္ဂ၊ ဗမာနိုင်ငံလုံးဆိုင်ရာ ကျောင်းသားများ သမဂ္ဂ၊ အခြေခံပညာ ကျောင်းသားများ သမဂ္ဂနဲ့ မြေလတ် ကျောင်းသားများ အဖွဲ့တို့က ပူးပေါင်း ထုတ်ပြန်လိုက်တာပါ။Rest of your post

အပြည့်အစုံသတင်းဖတ်ရန်....

ကျောက်ဖြူ ပြည့်တန်ဆာခန်းများ အာဏာပိုင်များ ကာကွယ်ပေးနေ

ခင်ဦးသာ Friday, 29 April 2011 16:31(ပေးပို့ သူ-ဗမာသွေး)
ရခိုင်ပြည်နယ် ကျောက်ဖြူမြို့ရှိ ရပ်ကွက်တချို့၌ ကာရာအိုကေဆိုင်များ၊ ပြည့်တန်ဆာ လုပ်ငန်းများ ပေါများလာပြီး ထိုလုပ်ငန်းများ၏ လုံခြုံရေးကို သက်ဆိုင်ရာ အာဏာပိုင်များက အခကြေးငွေယူကာ တာဝန်ယူ ဆောင်ရွက်ပေးနေကြောင်း သတင်းရရှိသည်။



“ည ၉ နာရီ၊ ၁၀ နာရီလောက်ဆိုရင် ရေနက်ဆိပ်ကမ်းအတွက် ရောက်နေတဲ့ တရုတ်နိုင်ငံသားတွေက ပိုက်ဆိပ် ရပ်ကွက်ဘက်ကို အလှူသွားသလိုပဲ အစုလိုက် အပြုံလိုက် သွားနေကြတာ။ သူတို့ရဲ့လုံခြုံရေးကို ရဲတပ်ဖွဲ့နဲ့ ရပ်ကွက်၊ မြို့နယ် အာဏာပိုင်တွေက တာဝန်ယူပေးထားတယ်” ဟု ကျောက်ဖြူမြို့ခံ တဦးက ပြောသည်။

ကျောက်ဖြူမြို့တွင် ၂၀၁၀ ပြည့်နှစ် နှောင်းပိုင်းမှစ၍ ပြည့်တန်ဆာ လုပ်ငန်းများ ပေါများလာကြောင်း၊ ရန်ကုန်မြို့မှ လိင်အလုပ်သမ ရာနှင့်ချီ ခေါ်ဆောင်လာကာ ပိုက်ဆိပ်ရပ်ကွက်၊ ဆားပြင်ကွင်းရပ်ကွက်၊ စေတီတောင် ရပ်ကွက်တို့၌ ဖွင့်လှစ်ထားသော ပြည့်တန်ဆာခန်းများတွင် လုပ်ကိုင်ခိုင်းထားကြောင်း သိရသည်။

ထိုလုပ်ငန်းများကို ပေါ်ပေါ်ထင်ထင် လုပ်ကိုင်နေကြသောကြောင့် ဒေသခံများက ၎င်းတို့၏ သားသမီးများ၊ ပညာသင်အရွယ် လူငယ်များအတွက် စိုးရိမ်မှုများဖြစ်နေကြသည်ဟု မြို့ခံများက ဆိုသည်။

ကျောက်ဖြူမြို့နယ် မဒေးကျွန်းပေါ်၌ တည်ဆောက်နေသော ကျောက်ဖြူရေနက် ဆိပ်ကမ်း စီမံကိန်း၊ သဘာဝဓာတ်ငွေ့ သန့်စင် စက်ရုံစီမံကိန်း လုပ်ငန်းများအတွက် ရောက်ရှိနေသော တရုတ်နိုင်ငံသားများ၏ လိင် ဖြေဖျော်ရေးအတွက် အဆိုပါ ပြည့်တန်ဆာခန်းများကို ဖွင့်လှစ်ထားခြင်းဖြစ်သည်ဟု ဒေသခံများက ရှင်းပြသည်။

စီမံကိန်းလုပ်ငန်းများအတွက် တရုတ်နိုင်ငံသားများ ထောင်နှင့်ချီ၍ ကျောက်ဖြူမြို့သို့ ရောက်ရှိနေပြီး မေလနှင့်ဇွန်လတွင် တရုတ်နိုင်ငံသား ၁၀၀၀ ခန့် ထပ်မံရောက်ရှိဦးမည်ဟု ရခိုင်ပြည်နယ် ၀န်ကြီးချုပ် ဦးလှမောင်တင်က ပြီးခဲ့သည့်ရက်ပိုင်းက ကျောက်ဖြူမြို့သို့ ရောက်လာစဉ် ပြောဆိုသွားကြောင်း မြို့ခံ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ၀င် တဦးက ပြောသည်။

“ဦးလှမောင်တင်က တရုတ်တွေရဲ့လုံခြုံရေး၊ နေထိုင်ရေးတွေကို ဒေသခံတွေ ပါဝင်ကူညီပေးဖို့လည်း ပြောသွားတယ်။ ဒီအပေါ်မှာ မြို့ခံတွေက ၀န်ကြီးချုပ်ကို မကျေမနပ် ဖြစ်နေကြတယ်” ဟု ၎င်းက ဆိုသည်။

ရခိုင်ပြည်နယ်ဝန်ကြီးချုပ် ဦးလှမောင်တင်သည် ကျောက်ဖြူမြို့သို့ ပြည်နယ်အစိုးရအဖွဲ့၏ တာဝန်ရှိသူ တဦးအနေဖြင့် လာ ရောက်ခဲ့သော်လည်း ကြံ့ဖွံ့ပါတီဝင်များနှင့်သာ တွေ့ဆုံခဲ့ပြီး တခြားသော အဖွဲ့အစည်းများ၊ နိုင်ငံရေးပါတီ ကိုယ်စားလှယ် များနှင့် တွေ့ဆုံမှုမရှိခဲ့ဟု သိရသည်။

“သူက ကြံ့ဖွံ့ပါတီဝင်ဆိုပေမယ့် ပြည်သူ့ကိုယ်စားလှယ်ဖြစ်နေပြီလေ။ ဒါပေမယ့် ပါတီစွဲ ပုဂ္ဂိုလ်စွဲ ထားနေတုန်းပဲ။ ဒေသခံ အားလုံးနဲ့ တွေ့ဆုံ ဆွေးနွေးသင့်ပါတယ်” ဟု ကျောက်ဖြူမြို့မှ ရခိုင်တိုင်းရင်းသားများ တိုးတက်ရေး (RNDP) ပါတီဝင် တဦးက ဝေဖန်သည်။

ကျောက်ဖြူမြို့ပေါ်၌ ပြည့်တန်ဆာလုပ်ငန်းများ ပေါ်ပေါ်ထင်ထင် လုပ်ဆောင်နေသည့် ကိစ္စကိုမူ ပြည်နယ်ဝန်ကြီးက တစုံတရာ ပြောဆိုသွားခြင်း မရှိဟု သိရသည်။

ပြည်နယ်ဝန်ကြီးချုပ်အပြင် အဖွဲ့ဝင် ၀န်ကြီးများသည်လည်း ကျောက်ဖြူမြို့သို့ မကြာခဏ ရောက်ရှိနေသည့်တိုင် ထိုဒေသ တ၀ိုက်၌ ဒေသအာဏာပိုင်များ၏ ခြိမ်းခြောက်မှု၊ ဒေသခံ စစ်တပ်၏ ဆက်ကြေး မတရားတောင်းခံနေမှု၊ အခွန်အခ မတရား
ကောက်ခံနေမှု များသည် တစုံတရာ အပြောင်းအလဲမရှိဘဲ ပိုမိုဆိုးလာသည်ဟု ကျောက်ဖြူဒေသခံများ၏ ပြောဆိုချက်အရသိရသည်။

ကျောက်ဖြူရေနက်ဆိပ်ကမ်း စီမံကိန်းပေါ်ပေါက်ပြီးနောက်ပိုင်းတွင် လုံခြုံရေးအတွက်ဟုဆိုကာ စစ်တပ်အင်အားတိုးချဲ့လာပြီး ကျောက်ဖြူ လေတပ်စခန်း ဌာနချုပ် လက်အောက်ခံ စစ်တပ်မှ စက်လှေများသည် ပင်လယ်ပြင်အား ကြီးစိုး၍ ဆက်ကြေး တောင်းခံခြင်းများ ဆက်တိုက် လုပ်နေကြောင်း သိရသည်။

“ကျောက်ဖြူဆိပ်ကမ်းကို ဘယ်လိုလှေမျိုးပဲ လာလာ ပိုက်ဆံတောင်းတယ်၊ ပင်လယ်ထဲမှာ စစ်တပ်စက်လှေတွေ ဟိုနားတစင်း၊ ဒီနားတစင်း ဖြန့်ချထားပြီး မြင်တဲ့ စက်လှေတိုင်းကို ကပ်ခိုင်းတယ်၊ လှေပေါ်တွေ့တာယူတယ်၊ ပိုက်ဆံတောင်းတယ်၊ ကပ်ခိုင်းလို့ မကပ်ပေးရင် သေနတ်နဲ့ ပစ်တယ်” ဟု ကျောက်ဖြူ - တောင်ကုတ် ပြေးဆွဲနေသော စက်လှေပိုင်ရှင် တဦးက ဆိုသည်။

“မြို့ပေါ်သွားရင် ဟိုပစ္စည်းဝယ်လာပေးပါ၊ ဒီပစ္စည်းဝယ်လာပေးပါ ဆိုပြီးမှာတယ်။ ၀ယ်လာပေးပြီးရင် ပိုက်ဆံပြန်မပေးဘူး၊ကျေးဇူးပဲ သွားလို့ရပြီ ဆိုပြီး ပြောတယ်” ဟု စက်လှေပိုင်ရှင်က ၎င်း၏ အတွေ့အကြုံကို ပြောပြသည်။

မောင်းလာသည့် စက်လှေအား ပိုက်ဆံတောင်းရန် ကမ်းကပ်ခိုင်းရာ အနည်းငယ်နောက်ကျသွား၍ ကျောက်ဖြူ မြို့နယ် အခြေစိုက် တပ်ရင်း ၅၄၂ မှ တပ်ကြပ် တဦးက သေနတ်ဖြင့် ပစ်ခတ်သောကြောင့် ကျောက်ဖြူမြို့ ကွင်းချောင်းအုပ်စု မင်းတပ်ချောင် ကျေးရွာမှ အသက် ၂၆ နှစ် အရွယ်ရှိ ကိုမောင်ဝင်း ပြီးခဲ့သည့် ၂၀၁၀ ဒီဇင်ဘာလကသေဆုံးခဲ့ရသည်။

ကျောက်ဖြူ ရေနက်ဆိပ်ကမ်း စီမံကိန်းအပြင် ၎င်းနှင့်ဆက်နွှယ်နေသော စီမံကိန်းများကို ကျောက်ဖြူမြို့နယ် မဒေးကျွန်း မလာကျွန်း၊ ကျောက်ဖြူမြို့ပေါ်တို့၌ အသီးသီး တည်ဆောက်နေကြပြီး သဘာဝဓာတ်ငွေ့ ပိုက်လိုင်းနှင့်အတူ
ကျောက်ဖြူ - လားရှိုး - မူဆယ်မှတဆင့် တရုတ်နိုင်ငံသို့ ဖောက်လုပ်မည့် မီးရထားလမ်း စီမံကိန်းကိုလည်း မကြာမီ တည်ဆောက်မည်ဟု သိရသည်။

မီးရထားလမ်း စီမံကိန်းနှင့်ပတ်သက်၍ တရုတ်နိုင်ငံ China Railway Engineering Corporation ၏ ဥက္ကဋ္ဌ Mr-Li Chang Jin ဦးဆောင်သော တရုတ်အဖွဲ့နှင့် မြန်မာအစိုးရ တို့သည် နားလည်မှု စာချွန်လွှာ လက်မှတ်ရေးထိုးခဲ့ပြီး ထိုစီမံကိန်းသည် ၃ နှစ်ခန့်ကြာမြင့်မည်ဟု ဧပြီလ ၂၈ ရက်နေ့ထုတ် အစိုးရသတင်းစာများ၌ ရေးသားထားသည်။
Rest of your post

အပြည့်အစုံသတင်းဖတ်ရန်....

တိုက်ပွဲတွေဆက်ဖြစ်၊ စစ်သားနဲ့အရပ်သားတွေ သေ

Posted by admin on April 29, 2011 နေ့သစ် (ပေးပို့ သူ-ဗမာသွေး)
ဗုဒ္ဓဟူးနေ့တညလုံးဖြစ်ပွားတဲ့ နယ်စပ်တိုက်ပွဲအတွင်းမှာ ထိုင်းစစ်သား ၁ ဦး၊ အရပ်သား ၁ ဦး သေပြီး၊ စစ်သား ၁၁ ဦး ဒဏ်ရာရခဲ့ပါတယ်။

ဒီအတောအတွင်းမှာ ဆူရင်ပြည်နယ်၊ ဖနွမ်ဒုံရတ်ခရိုင်အတွင်းက ရွာသား ၃ ယောက်ကို ကမ္ဗောဒီးယားစစ်သားတွေ အတွက် စားနပ်ရိက္ခာတွေပေးနေသလို ကမ္ဗောဒီးယား ဒုံးပျံပစ်ခတ်တိုက်ခိုက်မှုအတွက် ပစ်မှတ်တည်နေရာအညွှန်း တွေပေးတယ်လို့စွပ်စွဲပြီး ဖမ်းဆီးလိုက်ပါတယ်။ သက်သေအထောက်အထားမခိုင်လုံလို့ ကျေးရွာသူကြီးဟောင်း ဆ နတ်ဖင်ခေါက် ကို ပြန်လွှတ်ပေးလိုက်ပါတယ်။ ဒါပေမဲ့ ခန်ဖန်ဝေါင်ဆာနဲ့ ဆားမ်ဆုတ်ဖိုချိုင်းကိုတော့ ဆက်မေးစရာရှိ လို့ ထိန်းသိမ်းထားတုန်းပါ။

သူတို့တွေ စားနပ်ရိက္ခာတွေဝယ်ပြီး ကမ္ဗောဒီးယားစစ်သားတွေကို ဝေပေးနေတယ်။ ဆိုတဲ့ သတင်းကို စစ်တပ်က ရပြီး နောက်မှာ ဒီဖမ်းဆီးမှုတွေ ဖြစ်လာတာပါ။ BM 21 ဒုံးတွေ နောင်ခန်နား ရွာထဲကို မကြာခဏ ကျနေလို့ စစ်တပ်ကလည်း သံသယရှိလာတာပါ။ ရဲက သူတို့ဖုန်းထဲမှာ ကမ္ဗောဒီးယားဖက်ကသုံးတဲ့ ဒေသကုဒ်နံပတ်တွေ အများကြီး ရှာဖွေတွေ့ပါတယ်။ မနေ့မနက် ၈ နာရီ ၂၀ မှာ ပြီးသွားတဲ့ နောက်ဆုံးတိုက်ပွဲအပြီးမှာ ထိုင်းစစ်သား ၆ ယောက်နဲ့ အရပ် သား ၂ ယောက် သေပြီး စစ်သား ၅၈ ယောက် ဒဏ်ရာရပါတယ်။ ထိုင်းစစ်သားတွေက လက်နက် ငယ်တွေ စိန်ပြောင်းတွေနဲ့ မပစ်မီ ဆူရင်ဒေသမှာရှိတဲ့ ထာမူအင်နဲ့ထာခွိုင်ဘုရားကျောင်းထဲကို ကမ္ဗောဒီးယားတွေ အများကြီး ၀င်လာတဲ့အချိန် ဗုဒ္ဓဟူးနေ့ည ၈ နာရီဝန်းကျင်လောက်မှာ တိုက်ပွဲ စဖြစ်တာပါလို့ စစ်ဖက်ပြောရေးဆို ခွင့်ရှိသူတဦးက ပြောပါတယ်။ မနက် ၄ နာရီ ၀န်းကျင်လောက်မှာ တိုက်ပွဲအပြင်းအထန် ဖြစ်ပါတယ်။ ထိုင်းစစ်သား တွေရှိတဲ့နေရာကို ဒုံးတွေ အမြောက်ဆံတွေ အကြီးအကျယ် ထိမှန်ပါတယ်။ ဒါပေမဲ့ မနက် ၆ နာရီလောက်မှာ ထိုင်းဖက်က ကမ္ဗောဒီးယားစစ်သားတွေကို အောင်မြင်စွာ မောင်းထုတ်နိုင်ခဲ့ပါတယ်။

ဆူရင်မှာရှိတဲ့ အစိုးရဆေးရုံ ၂ ရုံနဲ့ ဆေးခန်း ၁၅ ခန်း ကို ပိတ်ထားပါတယ်။ ဆေးခန်း ၉ ခန်းကိုတော့ ဖွင့်ထားပါသေး တယ်။ အခြေအနေဆိုးတဲ့ လူနာတွေကိုတော့ နယ်စပ်က ကီလိုမီတာ ၅၀ လောက်ဝေးတဲ့ ဆေးရုံတွေကို ပြောင်းရွှေ့ ထားပါတယ်။Rest of your post

အပြည့်အစုံသတင်းဖတ်ရန်....

ရထားလမ်းအတွက် မြန်မာ-တရုတ် လက်မှတ်ထိုး

ကိုဝိုင်း | ကြာသပတေးနေ့၊ ဧပြီလ ၂၈ ရက် ၂၀၁၁ ခုနှစ် ၂၂ နာရီ ၃၆ မိနစ်(ပေးပို့ သူ-ဗမာသွေး)
ချင်းမိုင် (မဇ္ဈိမ) ။ ။ ရခိုင်ပြည်နယ် ကျောက်ဖြူ ရေနက်ဆိပ်ကမ်း စီမံကိန်းပါ မူဆယ်-လားရှိုး ရထားလမ်းပိုင်းကို ၃ နှစ်အတွင်း အပြီးတည်ဆောက်မည်ဟု မြန်မာ-တရုတ် အစိုးရများအကြား ဗုဒ္ဓဟူးနေ့တွင် သဘောတူညီလိုက်သည်။

ကမ္ဘာ့အရှေ့အလယ်ပိုင်း အာရပ်ဒေသမှ ရေနံနှင့် ရခိုင်ကမ်းလွန် သဘာဝဓာတ်ငွေ့များကို တရုတ်နိုင်ငံသို့ တင်သွင်းရန် ရည်ရွယ်တည်ဆောက်မည့် ကျောက်ဖြူ-မူဆယ် ပိုက်လိုင်းတလျှောက် ရထားလမ်းစီမံကိန်း၏ ပထမအဆင့်ဖြစ်ကြောင်း မြန်မာ့အလင်းသတင်းစာ၌ ကြာသပတေးနေ့တွင် ဖော်ပြပါရှိသည်။

မြန်မာနိုင်ငံ ရထားပို့ဆောင်ရေး ဝန်ကြီးဌာနနှင့်


တရုတ်အစိုးရပိုင် China Railway Engineering Corporation အကြား “မူဆယ်-ကျောက်ဖြူ ရထားလမ်းပို့ဆောင်ရေးစနစ် စီမံကိန်း” ဆိုင်ရာ နားလည်မှု စာချွန်လွှာ လက်မှတ်ထိုးပွဲကို နေပြည်တော်၌ ဗုဒ္ဓဟူးနေ့တွင် ပြုလုပ်ခဲ့ရာ၊ အထူးစီမံကိန်းများ အကောင်အထည်ဖော်ရေးအဖွဲ့ ဒုဥက္ကဋ္ဌဖြစ်သူ ဒုသမ္မတ သီဟသူရ ဦးတင်အောင်မြင့်ဦး တက်ရောက်ခဲ့သည်။

China Railway Engineering Corporation ကုမ္ပဏီ ဥက္ကဋ္ဌ မစ္စတာ Li Chang Jin ဦးဆောင်သည့် အဖွဲ့အပြင် မြန်မာအစိုးရ ပြည်ထောင်စု ဝန်ကြီးများနှင့် ရှေ့နေချုပ်လည်း တက်ရောက်ကြသည်။

လက်ရှိအစိုးရ မြန်မာ့မီးရထား ဦးဆောင်ညွှန်ကြားရေးမှူး ဦးသိန်းဆွေနှင့် တရုတ်ကုမ္ပဏီ ကိုယ်စားလှယ် မစ္စတာ Zhao Deyi တို့က စာချုပ်များကို လက်မှတ်ရေးထိုးကြခြင်း ဖြစ်သည်။

မူဆယ်-လားရှိုး ရထားလမ်းအရှည် မိုင် ၈ဝ ခန့်၊ တံတား ၄၁ စင်း၊ ဥမင်လိုဏ် ၃၆ ခု၊ ဘူတာ ၇ ခု တည်ဆောက်မည်ဖြစ်ပြီး၊ တည်ဆောက်ချိန် ၃ နှစ် ခန့်မှန်းထားကြောင်း သတင်းစာက ဆိုသည်။

စီမံကိန်းကုန်ကျငွေကို ယခင် စစ်အစိုးရက တရားဝင် ကြေညာခဲ့ခြင်း မရှိသော်လည်း တရုတ်အစိုးရပိုင် CNPC ကုမ္ပဏီနှင့် မြန်မာ့ရေနံနှင့် သဘောဝလုပ်ငန်းတို့ အစုပိုင်သည့် ရေနံပိုက်လိုင်း တည်ဆောက်ရေးအတွက်ပင် အမေရိကန်ဒေါ်လာ သန်း ၁၅ဝဝ ခန့်ကျော် ကုန်ကျမည်ဟု ရွှေဂတ်စ် လှုပ်ရှားမှု ရခိုင်အဖွဲ့က ထုတ်ပြန်ထားသည်။

တရုတ် လောင်စာပိုက်လိုင်းကုမ္ပဏီ China Petroleum Pipeline Bureau (CPP) က တာဝန်ယူ တည်ဆောက်မည်ဖြစ်ပြီး မဒေးကျွန်းမှ စတင်မည့် မြန်မာ-တရုတ် ရေနံနှင့် သဘာဝဓာတ်ငွေ့ပိုက်လိုင်းသည် ရခိုင်ပြည်နယ် အမ်းမြို့နယ်၊ မကွေးတိုင်း၊ မန္တလေးတိုင်းနှင့် ရှမ်းပြည်နယ်မြောက်ပိုင်းကို ဖြတ်ကာ တရုတ်နိုင်ငံသို့ မူဆယ်မှ ဝင်ရောက်မည်။

“ပိုက်လိုင်းက ရှမ်းပြည်မြောက်ပိုင်းက လားရှိုး-မူဆယ်ကားလမ်းရဲ့ အရှေ့ဘက်အတိုင်း ဆင်းလာပြီး၊ ၁ဝ၅ မိုင်နားကနေ ဝမ်တိန်မြို့ဘက်၊ ကြူကုတ်-ပန်ဆန်းနဲ့ မူဆယ်မြို့ကြားကနေဝင်မှာ။ ရထားလမ်းက ရွှေလီအထိ ရောက်မယ်” ဟု တရုတ်-မြန်မာနယ်စပ် အခြေစိုက် စစ်ရေးလေ့လာသူ ဦးအောင်ကျော်ဇောက မဇ္ဈိမကို ပြောသည်။

ပိုက်လိုင်းဖြတ်မည့် ရှမ်းပြည်မြောက်ပိုင်း လားရှိုးမှ တရုတ်နယ်စပ်ဆင်းသည့် လမ်းကြောပေါ်တွင် ကိုးကန့် လက်နက်ကိုင်တပ်နှင့် ကချင်လွတ်မြောက်ရေးတပ် KIA တပ်မဟာ ၄ တို့ အခြေစိုက် လှုပ်ရှားနေသော်လည်း တရုတ်အစိုးရနှင့် ဆက်ဆံရေး ပျက်မည်ကို လိုလားကြမည် မဟုတ်ဟု သူက သုံးသပ်သည်။

ရခိုင်ပြည်နယ်ဘက်တွင် ပိုက်လိုင်းဖြတ်မည့်လမ်းနှင့် မလွတ်ကင်းသည့် မြေယာများကို သိမ်းဆည်းရာ၌ နစ်နာသူများ ရှိသော်လည်း ရမ်းဗြဲကျွန်း ဖွံ့ဖြိုးလာမည်ကိုမူ ကြိုဆိုသည်ဟု ရခိုင်တိုင်းရင်းသားများ တိုးတက်ရေးပါတီ RNDP ဥက္ကဋ္ဌ ဒေါက်တာဦးအေးမောင်က ပြောသည်။

“ဒါပေမဲ့ ကျောက်ဖြူမှာ ရခိုင်လူထု ပျောက်ပြီးမှ မန္တလေးလိုဟာမျိုးပေါ့ဗျာ၊ တရုတ်မြို့ကြီး ဖြစ်သွားပြီးရင် ရခိုင်တွေက တောင်ကုတ်လို ဂျိုင့်တွေ၊ တောင်တွေကြားကို ရောက်သွားပြီး လုပ်စားရမဲ့ ကိုင်စားရမဲ့ ဖြစ်သွားမှာကို ကျနော်တို့ ကြောက်ပါတယ်” ဟု သူက မဇ္ဈိမကို ပြောသည်။

ကျောက်ဖြူမြို့နှင့် မဒေးကျွန်းတို့၌ ရေနက်ဆိပ်ကမ်း၊ ရေနံသိုလှောင်ကန်စခန်း၊ သဘာဝဓာတ်ငွေ့ သိုလှောင်ရေးစခန်း၊ ဓာတ်ငွေ့သန့်စင်စက်ရုံ စသည့် တည်ဆောက်ရေး လုပ်ငန်းများ ပါဝင်ပြီး ကိုရီးယားပိုင် ဒေဝူးကုမ္ပဏီနှင့် တရုတ်ကုမ္ပဏီများက စတင်နေပြီဖြစ်သည်။ ၂ဝ၁၃ ခုနှစ်တွင် စီမံကိန်း အပြီးသတ်မည်ဟု တရားဝင် သတင်းများက ဆိုသည်။

အစိုးရအသစ်၏ အထူးစီမံကိန်းများ အကောင်အထည်ဖော်ရေးအဖွဲ့ ဥက္ကဋ္ဌ သမ္မတဦးသိန်းစိန်ကလည်း “တပ်မတော် အစိုးရ” လက်ထက်က မပြီးပြတ်ခဲ့သည့် လုပ်ငန်းများကို ၂ နှစ်၊ ၃ နှစ်အတွင်း ပြီးပြတ်စေရန် ဆောင်ရွက်ရမည်ဟု ပြောဆိုထားသည်။

တရုတ်နယ်စပ် မူဆယ်ဘက်တွင်မူ ရထားလမ်းသစ်နှင့် ပတ်သက်၍ ထူးခြားမှု မရှိသော်လည်း သံမဏိပိုက်လုံးရှည်များ ၁ဝ ဘီးကားများဖြင့် မြန်မာဘက် တင်ဆောင်နေသည်ကို ယခင်လမှစ၍ သတိထားမိသည်ဟု ဦးအောင်ကျော်ဇောက ပြောသည်။


Rest of your post

အပြည့်အစုံသတင်းဖတ်ရန်....

ဗိုလ်ချုပ်ကြီးဟောင်း သိန်းစိန် အစိုးရ အပေါ် သုံးသပ်ချက်နဲ့ ပြည်သူသို့ အသိပေး တင်ပြချက်

ဗိုလ်ချုပ်ကြီးဟောင်း သိန်းစိန် အစိုးရ အပေါ်သုံးသပ်ချက်နဲ့ ပြည်သူသို့ အသိပေး တင်ပြချက် (မြန်မာလို)

ဖတ်ရန်

အပြည့်အစုံသတင်းဖတ်ရန်....

ဒုတပ်ရင်းမှုး အပါအဝင် စုစုပေါင်း ၆ ဦး အာဏာရူးတစ်သိုက်အတွက် အသက်ပေးသွားပြန်ပြီ



ဗမာစစ်အစိုးရတပ်နှင့် KNLA တပ်မဟာ ၄ တပ်ရင်း ၁၂ တို့ မြိတ်ထားဝယ်ခရိုင်၊ ကစယ်ဒိုမြို့ ပေါင်းချောင်းဂွင် တွင်ရင်ဆိုင်တိုက်ပွဲဖြစ်ခဲ့ပါသည်။

ဒုစစ်ကြောင်းမှုးကိုကိုလွင် ဦးဆောင်သော ခမရ ၃၈၅ ကို တပ်မဟာ ၄ တပ်ရင်း ၁၂ မှ ဧပြီလ ၂၄ ရက်တွင်စောင့်ပစ်ရာ ဗမာစစ်အစိုးရတပ်ဖက်

၃ဦးသေပြီး ၃ ဦးဒဏ်ရာရခဲ့ပါသည်။ သေဆုံးသူများထဲတွင် ဒုတပ်ရင်းမှုး ၁ ဦးနှင့် ဒုဗိုလ် ၁ ဦးပါဝင်ပါသည်။ ဧပြီလ ၂၃ ရက်တွင်လည်း ခမရ ၄၀၃

နှင့်ရင်ဆိုင်တိုက်ပြွဲဖစ်ရာ ဗမာစစ်အစိုးရတပ်မှ ၃ ဦးသေပြီး ၅ ဦးဒဏ်ရာရခဲ့ပါသည်။ သေဆုံးသူများထဲတွင် တပ်ကြပ်ကြီး ၁ ဦးပါဝင်ကြောင်း

ကွယ်ကလူသတင်းဌာနမှဖေါ်ပြထားပါသည်။ Summary

အပြည့်အစုံသတင်းဖတ်ရန်....

မိုးစရွာသည်နှင့် ဂီရိ ဒုက္ခသည်များ အခက်ကြုံ

4/27/2011 မောင်အေး
ဧပြီလ ၂၆ ရက်နေ့ က မိုးစရွာသည်နှင့် မြေပုံမြို့နယ်မှ ဂီရိ မုန်တိုင်းသင့် ပြည်သူများ အနေဖြင့် စတင် အခက်အခဲ ကြုံတွေခဲ့ကြရသည်ဟု ဒေသခံများက ပြောသည်။
“ မိုးက ညဥ့်လယ်ပိုင်းမှာ ရုတ်တရက် ရွာသွန်းချလိုက်တော့ အိမ်တွေ ပြန်မဆောက်နိုင်သေးတဲ့ လူတွေ အထူး ဒုက္ခရောက်သွားကြရပါတယ်။ နေစရာ မရှိ ထိုင်စရာ မရှိ။ အကုန်လုံး မိုးရေစိုပြီး စုတ်ပြတ်ကုန်ပါတယ်” ဟု အိမ်ပြန်မဆောက်နိုင်သေးသူ ဂီရိမုန်တိုင်းသင့် ပြည်သူ တစ်ဦးက ပြောသည်။

အဆိုပါ သတင်းကြောင့် မုန်တိုင်း မြေပုံမြို့နယ် အခြေအနေကို ကယ်ဆယ်ရေး လုပ်ငန်းများ ဆောင်ရွက် လုပ်ကိုင်နေသူ ရဟန်းတော် တစ်ပါးအား ဆက်သွယ် မေးမြန်းရာ သူက ယခုကဲ့သို့ စတင် ပြောကြားသည်။

“လူတွေ တညလုံး မအိပ်ရဘူး။ ဦးဇင်းတို့ မြေပုံမြို့နယ်မှာ တောင်ဘက်ပိုင်းထက် ဒီဘက် ပိုင်းက ပိုဆိုးတယ်။ ဒီမြို့ထဲမှာ ဦးဇင်းမြင်နေရတာက အိမ်မလုပ်နိုင်တဲ့သူတွေ အများကြီးဘဲ။ လမ်းမကြီးနားက တချို့တော့ လုပ်ထားတာတွေ့ရတယ်။ အများအားဖြင့်တော့ စားစရာမရှိ၊ နေစရာမရှိ ဒုက္ခဖြစ်နေသူ များတယ်။ ဦးဇင်းမှာတော့ ကျောင်းမိုးပြီးသွားလို့ ကံကောင်းတယ်။”

မြေပုံမြို့နယ်မှာ လွန်ခဲ့သောနှစ် အောက်တိုဘာလက တိုက်ခတ်ခဲ့သော မုန်တိုင်းဒဏ်ကို အဆိုးရွားဆုံး ခံခဲ့ရသော မြို့နယ် တစ်ခု ဖြစ်ပြီး အိုးအိမ် အများအပြားလည်း တခြား မြို့နယ်များထက် ပျက်စီးသွားခဲ့သည်။ သို့သော် သစ်ဝါးနှင့် ဓနိများ အလွန်ဈေးကြီးသဖြင့် အများစု လေဘေးသင့် ပြည်သူများမှာ အိမ်များကို ပြန်လည် တည်ဆောက် နိုင်ခြင်း မရှိဘဲ ဖြစ်နေကြရသည်။

“အများစုကတော့ တဲထိုးပြီး တာလပတ်စတွေ၊ မိုးကာတွေကို မိုးပြီး နေကြတယ်။ ဦးဇင်းရောက်ခဲ့တဲ့ ပြင်လှဘက်မှာ ဆိုလည်း ဒီအတိုင်းဘဲ လူတွေ အိမ်မဆောက်နိုင်သေးဘူး။ ဒီမြို့ထဲမှာလည်း ဒီ အတိုင်းပါဘဲ။ ဘယ်လိုလုပ်မှာလဲ။ အသက် ကိုတော့ အသေမခံနိုင်ကြဘူးဆိုတော့ ဖြစ်သလို တဲထိုး ဖျာကာ နေကြရတာပေါ့” ဟု အဆိုပါ ရဟန်းတော်က ပြောသည်။

အိမ်များ ပြန်လည် ဆောက်လုပ်ရန် အတွက် တချို့ကူညီရေး အန်ဂျီအို အဖွဲ့အစည်းများမှ အုန်း(ဓနိ)နှင့် ၀ါးများကို လာရောက် လှူဒါန်းသော်လည်း ပြိုပျက်သွားသော အိမ်များအားလုံးကို အလုံလောက် ကူညီ ထောက်ပံ့နိုင်ခြင်း မရှိကြောင်း သိရသည်။

“ အခု မိုးစရွာပြီးတော့ လူတွေ အတွက် လိုအပ်တာက အမိုးအကာ၊ မျိုးစပါးနဲ့ အစားအစာဘဲ ဖြစ်ပါတယ်။ အခု အန်ဂျီအိုတွေရဲ့ အကူအညီကလည်း ရပ်တန့်သွားပြီဆိုတော့ ဒီလူတွေ မိုးတွင်းမှာ ဘယ်လို စားသောက်နေထိုင်ကြမလဲဆိုတာတော့ စဉ်းစားစရာပါဘဲ” ဟု ရဟန်းတော်က ပြောသည်။

: ----------------------------------- ----------------------------------- ----------------------------------- :

(နိရဉ္စရာ သတင်းများကို မည်သူ မဆို လွတ်လပ်စွာ ကူးယူ အသုံးပြုနိုင်ပါသည်။ သို့သော် သတင်းရင်းမြစ်နေရာတွင် နိရဉ္စရာ နာမည်ကို ဖေါ်ပြပေးစေလိုပါသည်။)yRest of your post

အပြည့်အစုံသတင်းဖတ်ရန်....

အစိုးရပြောင်းသော်လည်း အုပ်ချုပ်ရေး ပုံစံ မပြောင်း၍ ပြည်သူများ မကျေနပ်

ဖတ်ကြည့်ပါဗျာ။ 4/29/2011
အစိုးရ အပြောင်းအလဲ ဖြစ်သွားသော်လည်း အုပ်ချုပ်ရေး စနစ်ကို မပြောင်းသည့် အပြင် ကျေးရွာ ရယက ဥက္ကဌများကို အမည်ပြောင်းပြီး အုပ်ချုပ်ရေးမှူး အဖြစ် ဆက်ခန့်ထားသဖြင့်) ပြည်သူများ အထူး မကျေမနပ် ဖြစ်နေကြကြောင်း သတင်း ရရှိသည်။

ရခိုင်ပြည်နယ်ရှိ ကျေးရွာများတွင် ယခင် ခန့်အပ်ထားခဲ့သော ရယကများမှာ ကြံ့ခိုင်ရေး ပါတီမှ သူတို့ စိတ်ကြိုက် ခန့်အပ်ထားသူများ ဖြစ်ပြီး လူထု သဘောဖြင့် ရွှေးချယ်ထားသော ရယက အဖွဲ့ဝင်များ မဟုတ်ကြောင်း ကျေးရွာသားများက ပြောသည်။

“ အခု ကျွန်တော်တို့ လူထုတွေ လိုလားနေတာက ကျေးရွာ ဥက္ကဌ အသစ်တွေကို လိုလားနေပါတယ်။ အရင်စနစ်နဲ့ အရင်လူတွေကို မလိုတော့ဘူး။ သူတို့က စစ်အုပ်ချုပ်ရေးတုန်းကတည်းက တက်လာတဲ့ သူတွေ ဖြစ်တဲ့ အတွက် အဲသလို စနစ်မျိုးနဲ့ဘဲ ရွာသားတွေကို ဆက် အုပ်ချုပ်နေတဲ့ အတွက် ရွာတွေမှာ ပြဿနာတွေ တက်နေတာတွေ အများကြီးပါဘဲ” ဟု ပေါက်တောမြို့နယ် ဆင်ပိုက်ရွာသား တစ်ဦးက ပြောသည်။

နအဖ စစ်အုပ်စုမှ ရေးဆွဲ အတည်ပြုခဲ့သော ၂၀၀၈ ခုနှစ် ဖွဲ့စည်းပုံ အခြေခံ ဥပဒေတွင် ရပ်ကွက် (သို့မဟုတ်) ကျေးရွာ အုပ်စု၏ အုပ်ချုပ်ရေးကို ရပ်ရွာက ကြည်ညိုလေးစားပြီး သိက္ခာသမာဓိရှိသည့် ပုဂ္ဂိုလ် တစ်ဦးဦးကို ဥပဒေနှင့် အညီ ခန့်အပ် တာဝန်ပေး ဆောင်ရွက်စေရမည်ဟု ပါရှိသည်။

“ အခု သူတို့ ခန့်ထားတဲ့ ကျေးရွာ အုပ်ချုပ်ရေးမှူးတွေက တစ်ဦးမှ အဲသလို ချမှတ်ထားတဲ့ စည်းကမ်းနဲ့ ကိုက်ညီတာ မပါဘူး။ သူတို့ဟာ ရပ်ရွာက ကြည်ညိုလေးစားတဲ့ သူတွေလည်း မဟုတ်ဘူး။ အကုန်လုံးက ကြံ့ခိုင်ရေးပါတီကို ထောက်ခံသူနဲ့ ကြံ့ခိုင်ရေး ပါတီဝင်တွေသာ ဖြစ်ကြပါတယ်” ဟု အဆိုပါ ရွာသားက ဆက်ပြောသည်။

ရခိုင်ပြည်နယ် မင်းပြားမြို့နယ်တွင်မူ ကျေးရွာအုပ်ချုပ်ရေးမှူးများကို လူထုက လေးစားကြည်ညိုပြီး သိက္ခာ သမာဓိရှိသူများကို တာဝန်ပေးအပ်ခြင်း မဟုတ်ဘဲ မြို့နယ် အုပ်ချုပ်ရေးမှူးကို ငွေပေး နိုင်သူများကိုသာ တာဝန်ပေး ခန့်အပ်နေကြောင်း သတင်း ရရှိသည်။

ရတပ ပါတီ အအတွင်းရေးမှူး အဖွဲ့ဝင် ဦးခိုင်ပြည်စိုးက “ အခု မင်းပြားမြို့နယ်မှာ ကျေးရွာ အုပ်ချုပ်ရေးမှူး ဆက်လုပ်ချင်တဲ့ ရယက ဥက္ကဌတွေဆီက မြို့နယ် အုပ်ချုပ်ရေးမှူးက တစ်ဦးကို ကျပ် ၅၀၀၀၀ ကနေ ၃၀၀၀၀၀ ထိ တောင်းခံနေတယ်။ မပေးနိုင်ရင် ဖြုတ်ပစ်မယ်ဆိုတဲ့ အတွက် တောင်းတဲ့ငွေကို ပေးနေရတယ်လို့ ကြားခဲ့ပါတယ်” ဟု ပြောသည်။

အလားတူ မြေပုံမြို့နယ်မှာလည်း ယခင်က ရယက ဥက္ကဌဟောင်းများကို ကျေးရွာ အုပ်ချုပ်ရေးမှူးများ အဖြစ် ခန့်အပ်နေသဖြင် ကျေးရွာ အတော်များများတွင် ပြဿနာများ ပေါ်ပေါက်နေကြောင်း လွှတ်တော် အမတ် ဦးဖေသန်းက အတည်ပြု ပြောကြားသည်။

: ----------------------------------- ----------------------------------- ----------------------------------- :

(နိရဉ္စရာ သတင်းများကို မည်သူ မဆို လွတ်လပ်စွာ ကူးယူ အသုံးပြုနိုင်ပါသည်။ သို့သော် သတင်းရင်းမြစ်နေရာတွင် နိရဉ္စရာ နာမည်ကို ဖေါ်ပြပေးစေလိုပါသည်။Rest of your post

အပြည့်အစုံသတင်းဖတ်ရန်....

အော် ပြည်သူတွေခမျာ ဒုက္ခ

အာဏာပိုင်များ သာသနာ့နုဂ္ဂဟအသင်းဖွဲ့ပြီး ပြည်သူများကို အတင်းအဓမ္မအသင်းဝင်ခိုင်း

ဧရာဝတီတိုင်းအတွင်းရှိ မြို့နယ်အချို့တွင် ဧပြီလ (၉)ရက်နေ့က စတင်ပြီး ထေရဝါရ ဗုဒ္ဓသာသနာနုဂ္ဂဟအသင်းဝင်ဖို့ ကျေးရွာလူထုကို ရပ်ကွက်အုပ်ချုပ်ရေးမှူးအပါအ၀င် ဒေသအာဏာပိုင်များက ဖိအားပေး ခိုင်းစေနေသည်။

အာဏာပိုင်များက သာသနာ့နုဂ္ဂဟအသင်းဝင်ရန် အတင်းအကြပ်ခိုင်းစေသည့် မြို့နယ်များမှာ မြန်အောင်၊ ကြံခင်း၊ အင်္ဂပူနှင့် လေးမျက်နှာမြို့နယ်များဖြစ်ပြီး အဆိုပါ မြို့နယ်များတွင် မြို့ပေါ်ရပ်ကွက်များနှင့် ကျေးရွာအုပ်စုများရှိ ပြည်သူများကို အတင်းအကြပ် အသင်းဝင် ခိုင်းနေခြင်း ဖြစ်သည်။

“ရပ်ကွက်အုပ်ချုပ်ရေးမှူးလည်းပါတယ်။ ကျေးရွာတွေမှာဆိုရင် ကျေးရွာအုပ်စု စားရေးတွေပေါ့ သူတို့က လုပ်နေတာ။ သာသနာ့ နုဂ္ဂဟအသင်းဝင်ရမယ်ပေါ့ဗျာ။ ရပ်ကွက်ဆိုရင် တရပ်ကွက်ကို (၁၅)ယောက် ကျေးရွာကြတော့ တအုပ်စုကို အယောက် (၃၀) အဲလိုမျိုး ဝင်ခိုင်းတာဗျ။ မဖြစ်မနေဝင်ရမယ်ပေါ့ဗျာ ခြိမ်းခြောက်ပြီးတော့ လုပ်နေတာ”ဟု ဒေသခံ ကျေးရွာသားတဦးက ပြောသည်။

အခုလို သာသနာ့ နုဂ္ဂဟအသင်းကိုခုတုန်းလုပ်ပြီး ဒေသအာဏာပိုင်များက အတင်းအကြပ်လူစုဆောင်းခြင်းမှာ နောင်မြို့နယ်အလိုက် အုပ်ချုပ်ရေးမှူးများ ရွေးသည့်အခါ အဆိုပါ သာသနာ့နုဂ္ဂဟအသင်းဝင်ထားသူများအနေဖြင့် အာဏာပိုင်များက အုပ်ချုပ်ရေးမှူး ဖြစ်စေချင်သည့်သူများကို မဲပေးရွေးချယ်နိုင်ဖို့ စီမံလုပ်ဆောင်နေခြင်းဖြစ်သည်ဟု ဒေသခံများက ပြောသည်။

အလားတူ အခုနှစ် ဖေဖေါ်ဝါရီနှင့် မတ်လအတွင်းကလည်း ကြံ့ခိုင်ဖွံ့ဖြိုးရေးပါတီဧ်။ ညွန်ကြားချက်နှင့်ဟုဆိုကာ ရန်ကုန်တိုင်းအတွင်း သက်ဆိုင်ရာမြို့နယ် ရပ်ကွက်များတွင် ရယကအဖွဲ့ဝင်များက မြန်မာနိုင်ငံ ထေရဝါရ ဗုဒ္ဓသာသနာ နုဂ္ဂဟအသင်းကြီး ဖွဲ့စည်းရေးအတွက် ဝန်ထမ်းများကို အတင်းအဓမ္မအသင်းဝင်ခိုင်းခဲ့သည်။

၂၀၁၀ ခုနှစ်၊ နိုဝင်ဘာလ (၇)ရက်နေ့ကျင်းပခဲ့သည့် ရွေးကောက်ပွဲတွင် အမတ်နေရာအများဆုံးဖြင့် ကြံ့ခိုင်ဖွံ့ဖြိုးရေးပါတီက အနိုင်ရခဲ့ပြီး အဆိုပါ ကြံ့ခိုင်ဖွံ့ဖြိုးရေးပါတီ၏ အထက်လွှတ်တော်အမတ်မှာ စီးပွားရေးလုပ်ငန်းရှင် ဇေကမ္ဘာ ဦးခင်ရွှေဖြစ်ပြီး မြန်မာနိုင်ငံထေရဝါရ ဗုဒ္ဓသာသနာ နုဂ္ဂဟအသင်း ဥက္ကဋ္ဌလည်းဖြစ်သည်။

ယခုကြံ့ခိုင်ဖွံ့ဖြိုးရေပါတီသည် စစ်အစိုးရအာဏာပိုင်များ မူလဖွဲ့စည်းစဉ်က လူမှုရေးအသင်းပုံစံဖြစ်ပြီး ထိုစဉ်က ကျောင်းသားကျောင်းသူများနှင့် အရွယ်ရောက်ပြီးသူတိုင်းကို မတ်လုံးပေးပြီး အသင်းဝင်အဖြစ် သွတ်သွင်းခဲ့သည်။ ကြံ့ဖွံ့အသင်းဝင်ကဒ်ရရှိသူများသည် နိုင်ငံသားမှတ်ပုံတင်မပါဘဲ အစစ်အဆေးမရှိ နိုင်ငံတွင်း ခရီးသွားလာနိုင်သည်အထိ အခွင့်ထူးပေခဲ့ပြီး ထိုမှတဆင့် နိုင်ငံရေးပါတီအဖြစ် ပြောင်းလဲခဲ့ခြင်းဖြစ်သည်။Rest of your post

အပြည့်အစုံသတင်းဖတ်ရန်....

အစိုးရသစ်လက်ထက် သတင်းလွတ်လပ်ခွင့် မျှော်လင့်ချက်မရှိ

ဧရာဝတီ Friday, 29 April 2011 11:51
မြန်မာအစိုးရသစ် စတင် အာဏာရယူလာသည်မှာ ၁ လနီးပါး ကြာမြင့်လာပြီ ဖြစ်သော်လည်း သတင်းနှင့် စာနယ်ဇင်း လွတ်လပ်ခွင့်မရရှိသေးဘဲ အစိုးရသစ်ကို တိုက်တွန်းဝေဖန် ထောက်ပြသော သတင်းများ၊ အစိုးရ၀န်ထမ်း လာဘ်ပေးလာဘ်ယူ သတင်းများ အပါအ၀င် သတင်းအများစုကို ဖြုတ်ပယ်မှုများ ရှိနေသေးကြောင်း သတင်းရရှိသည်။

သမ္မတ ဦးသိန်းစိန်၏ မိန့်ခွန်းများတွင် ဒီမိုကရေစီ အစိုးရအတွက် စတုတ္ထမဏ္ဍိုင်ဟုခေါ်သော သတင်း မီဒီယာများ၏ ကဏ္ဍ အရေးကြီးကြောင်း ထည့်သွင်းပြောဆိုခဲ့သော်လည်း ယခုအချိန်အထိ သတင်းလွတ်လပ်ခွင့် မပေးဘဲ ပိတ်ပင်မှုများ ဆက်လက်
ပြုလုပ်နေဆဲဖြစ်ကြောင်း သိရသည်။

“အရင်ထက် စာရင်တော့ စိစစ်ရေးက သတင်းတွေ လွှတ်ပေးတာရှိပါတယ်။ ဒါပေမယ့် သတင်းမီဒီယာတွေ အဓိက လုပ်ရမယ့် အစိုးရ၀န်ထမ်း လာဘ်ပေးလာဘ်ယူ ကိစ္စတွေ၊ နိုင်ငံရေးအရ ပြုပြင်ပြောင်းလဲသင့်တဲ့ အကြောင်းတွေကိုတော့ အခုအချိန်အထိ
ဖော်ပြခွင့်မပေးသေးဘူး” ဟု ရန်ကုန်အခြေစိုက် သတင်းသမားတဦးက ပြောသည်။

နိုင်ငံရေး အကျဉ်းသားများ လွတ်မြောက်ရေးအတွက် လက်မှတ်ထိုး လှုပ်ရှားမှုသတင်း၊ ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ် (NLD) က အမေရိကန် အထူးကိုယ်စားလှယ် ခန့်အပ်မှုအပေါ် အပြုသဘော ကြိုဆိုသည်ဆိုသော သတင်း၊ ဒေါ်အောင်ဆန်း စုကြည်ကို မြန်မာ့နိုင်ငံရေးတွင် ပါဝင်ခွင့်ပေးရန် နိုင်ငံရေးအင်အားစုများက တောင်းဆိုသည့် သတင်း စသည်ဖြင့်ဖော်ပြနိုင်ရန် သတင်းဂျာနယ်တချို့က စာပေစိစစ်ရေးကို တင်ပြကြကြောင်း၊ သို့ရာတွင် စာပေစိစစ်ရေးက ယင်းသတင်းများအား လုံးဝ ဖော်ပြခွင့်မပေးဘဲ ဖြုတ်ပယ်ခဲ့ကြောင်း သိရှိရသည်။

“နိုင်ငံရေးပါတီတွေနဲ့ လွှတ်တော် ကိုယ်စားလှယ်တွေက လွတ်ငြိမ်း ချမ်းသာခွင့်နဲ့ ပတ်သက်လို့ ပြည်တွင်း မီဒီယာတွေကို ကျယ်ကျယ်လောင်လောင် ပြောလာတယ်။ စာပေစိစစ်ရေးက အဲဒီ သတင်းတွေမှန်သမျှကို လုံးဝပယ်ချတယ်။
နိုင်ငံရေး အကျဉ်းသား လွတ်မြောက်ရေး လက်မှတ်ထိုး လှုပ်ရှားမှုသတင်းတွေလည်း ဖော်ပြခွင့်မရဘူး။ ဒါက သတင်း လွတ်လပ်ခွင့် မရသေးဘူးဆိုတာ ထင်ထင်ရှားရှား ပြနေပါတယ်” ဟု သတင်းဂျာနယ် အယ်ဒီတာဦးက ဆိုသည်။

ယခုတပတ်ထုတ် သတင်းဂျာနယ်များတွင် နာရေးကူညီမှုအသင်း ၁၀ နှစ်ပြည့် အခမ်းအနားသို့ ဒေါ်အောင်ဆန်းစုကြည် တက်ရောက်သည့် ဓာတ်ပုံများကို ဂျာနယ် အတွင်းစာမျက်နှာများတွင် ဖော်ပြခွင့် ပြုခဲ့သော်လည်း ဒေါ်အောင်ဆန်းစုကြည်က နာရေးကူညီမှုအသင်းသို့ အမေရိကန်ဒေါ်လာ ၁ သောင်းခွဲ လှူဒါန်းသည့် သတင်းနှင့် NLD မှ ဦးဝင်းတင်က ဒေါ်အောင်ဆန်း စုကြည်နှင့်အတူ နာရေးကူညီမှုအသင်း ၁၀ နှစ်ပြည့် အခမ်းအနား တက်ရောက်သည်ဆိုသော သတင်းများကိုမူ စာပေ စိစစ်ရေးက ဂျာနယ်အများစုတွင် ဖြုတ်ပယ်ခဲ့သည်။

သို့ရာတွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ဝင် ဒေါက်တာတင်ထွန်းဦး အမှုဆောင်ဒါရိုက်တာအဖြစ် တာဝန်ယူသော Myanmar Times ဂျာနယ်တွင်မူ ဒေါ်အောင်ဆန်းစုကြည်၏ ဓာတ်ပုံအောက်၌ ပုံစာအဖြစ် ငွေလှူသည့် အကြောင်းကို ဖော်ပြခွင့် ပြုထားသည်။

အစိုးရ ၀န်ထမ်းများအကြား ကျယ်ကျယ်ပြန့်ပြန့် ဖြစ်ပေါ်နေသော လာဘ်ပေးလာဘ်ယူ သတင်းများလည်း ဖော်ပြခွင့် မရကြောင်း ဂျာနယ်အသိုင်းအဝန်းက ပြောသည်။

“မှတ်ပုံတင်လုပ်ဖို့ လ၀က ကို ပိုက်ဆံပေးရတာ၊ ရန်ကုန်လေဆိပ်မှာ ပြန်လာတဲ့ အလုပ်သမားတွေကို ပိုက်ဆံ တောင်းနေတာ၊ ဆေးရုံတွေမှာ ပိုက်ဆံပေးမှ ခွဲစိတ်ပေးတာ အဲဒီလို သတင်းမျိုးတွေက လူထုကြားထဲက တက်လာတဲ့ သတင်းတွေပါ။ ဒါပေ မယ့် စာပေစိစစ်ရေးက ဒါမျိုးတွေကို ဖော်ပြခွင့်မပေးသေးဘူး။ ဒီသတင်းတွေက တကယ့်ကို လူထုအကျိုးပြု သတင်းတွေ ဖြစ်တဲ့အတွက် ဖော်ပြခွင့်ပေးသင့်ပါတယ်”ဟု သတင်းအယ်ဒီတာ တဦးက ဆိုသည်။

မကြာသေးမီကလည်း သာသနာရေး ဝန်ကြီးဌာနမှ သတင်းများ ပြည်ပမီဒီယာများသို့ ပေါက်ကြားမှုကြောင့် ဝန်ထမ်းများအား ခေါ်ယူစစ်မေးခြင်း၊ နယ်ပြောင်းအရေးယူခြင်းတို့ ပြုခဲ့သည်။

သတင်းဂျာနယ် အများစုက နေ့စဉ်သတင်းစာ ထုတ်ဝေခွင့်ရရှိရန် မျှော်လင့် နေကြသော်လည်း ယခုအချိန်အထိ အစိုးရက တရားဝင် ခွင့်ပြုချက် မပေးသေးဘဲ စစ်တပ် ကျောထောက်နောက်ခံပေးထားသော မြ၀တီသတင်းစာ တစောင်ကိုသာ ထုတ်ဝေခွင့် ပေးခဲ့ခြင်းက မမျှတသော လုပ်ရပ်ဖြစ်ကြောင်း သတင်းဂျာနယ် အသိုင်းအ၀န်းက ပြောဆိုနေကြသည်။

မြန်မာနိုင်ငံ စာပေစိစစ်နှင့် မှတ်ပုံတင်ဌာန ဒုတိယညွှန်ကြားရေးမှူးချုပ် ဗိုလ်မှူးဟောင်း ဦးတင့်ဆွေကမူ သတင်းဂျာနယ်နှင့် ဘာသာရေး စာစောင်များမှအပ အားကစား၊ နည်းပညာ၊ ဖျော်ဖြေရေး၊ သုတ၊ ရသ၊ ကလေးစာပေ အပါအ၀င် စာပေ အမျိုးအစား ၆ မျိုးကို စာပေစိစစ်ရေး တင်ရန် မလိုဘဲ ထုတ်ဝေခွင့်ပေးမည်ဟု ပြောဆိုခဲ့သည်။Rest of your post

အပြည့်အစုံသတင်းဖတ်ရန်....

သန်းရွှေ ၏ အထ္တုပတ္တိ စာအုပ်အဖြစ် ထုတ်ဝေမည်

အောက်စီဘောက်ဇ် မှာ ဒီအကြောင်းတင်ပေးပါဆိုလို့  သွားဖတ်ဖြစ်ပါတယ်။ သန်းရွှေအကြောင်းတော့ သိပ်စိတ်ဝင်စားမှုမရှိခဲ့ ဘဲ အောက်မှာရေးထားတဲ့ Comments ထင်မြင်ရာ မှတ်ချက်တွေဖတ်မိတော့ သဘောကျတာနဲ့  Comments တွေ တင်လိုက်ပါတယ်။
ဒီမှာသာ သွားဖတ်ပေကြတော့ဗျို့ 
zawzaw

April 29, 2011 at 10:13 pm | #1
ခွေးကလေးသန်းရွေရေ မင်းအကြောင်းလူတိုင်းသိပါတယ်ကွာ မင်ရေးချင်တာသေက်သလွဲရေးပြီး ပြည်သူတွေဆီကငွေရှာအုံးမလို့လား မင်းကတော့သောက်သလွဲဘဲ မင်းကိုဘယ်သူကအကောင်းပြောမှာလဲ ငါးနှစ်ခလေးမေးကြည့်ရင်တောင်မင်းဘာကောင်လဲဆိုတာသိတယ်ကွာ

phyogyi

April 29, 2011 at 8:50 pm | #2
အင်း ကျွန်တော်ပြောချင်တာကတော့ ကျွန်တော်တို့ နိုင်ငံမုာ ဖြစ်နေတာတွေကို ကျွန်တော်သိတဲ့ ဟာလေးတွေကို ပြောချင်တာပါ အဲဒါတွေကလည်း တော်တော်ကိုထိရောက်ပါတယ် တကယ်လို့ သိချင်တယ်ဆိုရင်တော့ မေးပို့ထားလိုက်ပါ ခင်ဗျာ

amysoe

April 29, 2011 at 7:37 pm | #3
ဟာသ၀တ္ထုလားဟင် ?

U ThiHaTintSwe

April 28, 2011 at 10:15 am | #4
Writer- D.R.Mg Mg of U Ne Win’s bio became latest president of BSPP(MaSaLa) and now,wait & see future of writer and his companions 0f Bo Than Shwe’s bio.

မိုက်ကယ်ဂျော်နီအောင်ပု

April 28, 2011 at 9:38 am | #5
ဖတ်တာကတော့ဖတ်ကြည့်ရဦးမှာဘဲ ဒီခေတ်ကြီးမှာတော့ သူရေးခြင်တာရေးလို့ရပေမယ့်
ဘယ်သူမှအားလုံးကိုယုံမည်မထင် သူ့ကိုလက်မခံတဲ့သူတွေကြားမှာ ဒီလိုသူရေးရဲတယ်ဆိုတော့ ကျုပ်တို့လေ့လာသင့်တယ် ဒါပေမယ့်ခုကတည်းက သူ့အာဘော်တွေကို ပြောင်းပြန်ပြန်တွေးကြည့်ထားပြီးပြီ

Zaw

April 28, 2011 at 8:23 am | #6
စာအုပ်ထွက်လာမှဝယ်ပြီး…ဖတ်မည်…လို.တော့မထင်လိုက်ပါနဲ့
တရွက်ချင်းစီဖြဲပြီး…ပယ်ပယ်နယ်နယ်…---ကုန်းစက္ကူလုပ်ပစ်အုံးမယ်… :)

GSC.KoThiHa8888

April 28, 2011 at 4:05 am | #7
If every winners had the rights to write their history,we had the rights to write our history because we were leaders of General Strikes Committee,Rgn,Burma(8888)on over one million democratic strikers on freedom of Burma for one month and at that moment,we had people’s power to write Burma’s revolutionary history and rights too to move General villages but ununity of 5-biggest leaders had to let to be our historical bad fate and should consider to new generations about it.

GSC.KoThiHa8888

April 28, 2011 at 3:44 am | #8
History existed on three struggles of class,Human & Nature and Human’s production and Winner had no rights to write it and any body has no rights to remove failers and History is history and every body should know all bad & good factors in history.Some talked that If winning,hero but if fallen,traitor and if you would like to be an hero,do to win one hundred victories on one hundred fightings.

yeah right!

April 28, 2011 at 12:11 am | #9
history is written by winners. if Hitler won WWII he will known as hero of the world. IF Burmese military still rule Burma 50 years from now, Than Shwe will probably known as hero in our future generations. my young nieces and nephews do not know who U ba win, U razat, U Ba Cho….and so on are. so have to make sure our children know real history and teach them the truth and try to stop the military from winning so the real history can be written .

david

April 27, 2011 at 11:07 pm | #10
လူတွေပြောနေကြတဲ့ ကိုယ့်သမိုင်းကိုယ်ရေးတယ်ဆိုတဲ့ စကားကိုသူကနားလည်မှုလွဲတာလား၊ တကယ်သဘောမပေါက်တာလားတော့ မသိဘူး၊ သူ့သမိုင်းကိုသူကိုယ်တိုင်တိတိကျကျကောင်းအောင် ရေးတာနေမှာပေါ့။ရေးပါစေလေ။ လူတွေမှာ ဦးနှောက်ရှိပါတယ်။

ကိုတိုး

April 27, 2011 at 10:00 pm | #11
ဝယ်ပြီး ဖတ်ကြည့်လိုက်မယ် ဆိုရင်တော့ အဆိပ်အတောက်တွေကို လက်ခံလိုက်သလို ဖြစ်သွားမှာ….. နောင်လာ နောက်သားတွေကိုပါ အဆိပ်ခပ် မယ်ထင့်တယ်…..။
သူ့ရဲ့ ရှုမငြီးတဲ့ မိန်းမကြီးကိုရော ဘယ်လိုအဖတ်တင် လိုက်တယ်ဆိုတာများ ပါသလားမသိဘူး…..။
သူ့သမီးကို ယူခိုင်းဖို့ ယောင်္ကျား ခက်ခက်ခဲခဲ ရွေးရတာတော့ ထည့်မယ် မထင်…..။

8888

April 27, 2011 at 8:24 pm | #12
Cleaver Idiot,he destroyed everything.Especially our mentality.Rot In Hell..

ni

April 27, 2011 at 6:39 pm | #13
သမိုင်းရာဇ၀င်မှာ စံတင်လောက်အောင် မိုက်ရိုင်းဆိုးသွမ်းခဲ့တယ်ဆိုတာ သူ့ကိုယ်သူလည်း သိတယ်လေ..ဒါကြောင့် သူမသေခင်မှာ သူ့သမိုင်းကိုသူကောင်းအောင် အလိမ်အညာတွေနဲ့ဖုံးဖိရေးဘို့ ကြိူးစားတာပေါ့..နောင်တခတ်မှာ မသိတဲ့သူတွေ အမှန်ထင်နိုင်အောင်လေ..သမိုင်းဆိုတာ ညာလို့မှမရတာ..အထူးသဖြင့် သူ့လိုလူတစ်ယောက်အတွက် ဖုံးကွယ်လိမ်ညာဘို့ဆိုတာ မဖြစ်နိုင်ပါဘူး..ဦးနှောက်ရှိတဲ့သူတိုင်း သန်းရွှေ ဘယ်လိုလူလည်းဆိုတာ သိကြပါတယ်..

Lai

April 27, 2011 at 4:59 pm | #14
ကောင်းတယ်၂ သူ့အကြောင်းအသေးစိတ်ရေးရင် အရောင်းကောင်းအုံးမှာ။ ဓါးပြ တိုက်ခဲ့တာတို့။ ခိုးခဲ့တာ တွေ ၊ စသည်ဖြစ်…. ကိုယ်ငါချဉ်လေ
Rest of your post

အပြည့်အစုံသတင်းဖတ်ရန်....

Friday, April 29, 2011

မြန်မာ့ ဒီမိုကရေစီရေးထောက်ကူမည့် ဆုံးဖြတ်ချက်မျိုး အီးယူ ချမှတ်စေလို

2011-04-28 RFA
စာကြွင်း... မြန်မာပြည်ဒီမိုကရေစီ စနစ်နဲ့ စစ်မှန်သောလမ်းကြောင်းအတိုင်းသွားဖို့ ရန်မှာ အင်မတန်မှ အားနည်းနေပါသေးတယ်။လက်ရှိ ပြရုပ် ဒီမိုကရေစီအစိုးရက ဗမာပြည်အတွက် ဘာမှာထူးခြားပြီးကောင်းမွန်အောင် လုပ်ဆောင်ပေးနိုင်လိမ့်မည်မဟုတ်ကြောင်း ဆင်ခြင်ဖြစ်ပါသည်။

EU ဥရောပ သမဂ္ဂအနေနဲ့ မြန်မာနိုင်ငံနဲ့ ပတ်သက်ပြီး ဆုံးဖြတ်ချက်တခုခု ချမှတ် ဆောင်ရွက်မယ်ဆိုရင် မြန်မာပြည်သူတွေရဲ့ ဒီမိုကရေစီရေးကို အထောက်အကူ ဖြစ်စေမဲ့ကိစ္စမျိုးကို စဉ်းစား ဆုံးဖြတ်စေလိုတယ်လို့ အမျိုးသား ဒီမိုကရေစီအဖွဲ့ချုပ် ဒု ဥက္ကဋ္ဌ ဦးတင်ဦးက EU ဥရောပသမဂ္ဂအဖွဲ့ဝင် ဆွစ်ဇာလန် နိုင်ငံ သံအမတ်ကြီးကို ဧပြီ ၂၈ ရက် ဒီကနေ့ ပြောကြားလိုက်ပါတယ်။

ထိုင်းနိုင်ငံ ဗန်ကောက်မြို့ အခြေစိုက် ဆွစ်ဇာလန် သံအမတ်ကြီး ခရစ္စတိုဖာ ဘာဂျန်နာက အမျိုးသား ဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦးကို ရန်ကုန်မြို့က NLD ရုံးချုပ်မှာ နေ့လည် ၃ နာရီက သွားရောက် တွေ့ဆုံခဲ့ပါတယ်။ အဲဒီ တွေ့ဆုံပွဲမှာ လက်ရှိ အစိုးရသစ်အောက်မှာ NLD ရပ်တည်နေရတဲ့ အခြေအနေနဲ့ ဆောင်ရွက်နေတဲ့ လုပ်ငန်းတွေကို ဆွစ်ဇာလန် သံအမတ်ကြီးက မေးမြန်းခဲ့ပြီး လိုအပ်သလို အကူအညီပေးဖို့လည်း ကမ်းလှမ်းခဲ့တယ်လို့ သိရပါတယ်။

ဒီကိစ္စနဲ့ ပတ်သက်ပြီး အမျိုးသား ဒီမိုကရေစီအဖွဲ့ချုပ် ဒုဥက္ကဋ္ဌ ဦးတင်ဦးက RFA ကို အခုလို ပြောပါတယ်။

“သံအမတ်နဲ့က တော်တော် ၄၅ မိနစ်လောက်တော့ ကြာတယ်ဗျ။ အဲဒါတော့ ကျွန်တော်ရယ်၊ ကိုဝင်းထိန်ရယ်၊ နောက်ပြီးတော့ ကိုဟံသာမြင့်ရယ်၊ သုံးယောက်ပေါ့ဗျာ။ တခုတော့ ပြောတယ်၊ ခင်ဗျားတို့ ဒီ အီးယူတို့ ဘာတို့ လုပ်တဲ့အခါမှာတော့ကာ ကျွန်တော်တို့ ဒီမိုကရေစီ အင်အားစုကို အားပေးမဲ့၊ ထောက်ခံနိုင်မဲ့၊ အကျိုးရှိစေမဲ့ သဘောတွေကိုပဲ ပြောကြပါ၊ လုပ်ကြပါ၊ ဒါပဲ ကျွန်တော် လေးလေးနက်နက် မှာချင်တယ်၊ ဒီလောက်ပါပဲ။”

“ကျန်တာတွေကတော့ ခင်ဗျားတို့ ထုံးစံအတိုင်းပေါ့၊ ကျုပ်တို့နဲ့ ပတ်သက်လို့ စိတ်ဓာတ်ရေးရာအရ ဒါကတော့ ခင်ဗျားတို့ ထောက်ပံ့ ကူညီ၊ ဒီလောက်ပါပဲ။ ကျွန်တော်တို့ ကိစ္စဝိစ္စ အားလုံးက ကျုပ်တို့ အင်အား ကျုပ်တို့ထဲမှာ ရှိတယ်၊ ကျုပ်တို့ဟာ ကျုပ်တို့ လုပ်မယ်၊ ဒါပဲ။”

အစိုးရသစ် တက်လာပြီးတဲ့နောက်ပိုင်း အခြေအနေတွေအကြောင်း ပြောဆိုကြတဲ့အခါမှာတော့ ခုချိန်ထိ ထူးခြားမှု တစုံတရာ မတွေ့ရသေးကြောင်း၊ အထူးသဖြင့် နိုင်ငံရေးအကျဉ်းသားတွေ လွှတ်မပေးသေးတာက အဓိက ဖြစ်ဖြစ်ကြောင်း ထောက်ပြခဲ့တယ်လို့ ဦးတင်ဦးက ပြောပါတယ်။

ဆွစ်ဇာလန်သံအမတ်ကြီး ကမ်းလှမ်းခဲ့တဲ့ လူမှုရေး အကူအညီနဲ့ ပတ်သက်ပြီးတော့လည်း ဒေါ်အောင်ဆန်းစုကြည် စီစဉ်နေတဲ့ မြန်မာ့ လယ်သမားတွေအတွက် လိုအပ်နေတဲ့ မြွေဆိပ်ဖြေဆေး ကူညီရေးကိစ္စ ပြောဆိုလိုက်တယ်လို့ ဦးတင်ဦးက ပြောပါတယ်။
ဒီကနေ့ နေ့ခင်းပိုင်းကလည်း ဒိန်းမတ်နိုင်ငံသံရုံးက နိုင်ငံရေးဆိုင်ရာအတွင်းဝန် Mads Bayer က ဦးတင်ဦး၊ ဦးဝင်းထိန်တို့ကို NLD ရုံးချုပ်ကို သွားရောက် တွေ့ဆုံခဲ့တယ်လို့ သိရပါတယ်။
Rest of your post

အပြည့်အစုံသတင်းဖတ်ရန်....

မြန်မာကို ကုန်သွယ်မှု သက်ညှာခွင့် ပြန်ပေးဖို့ ပါတီတွေ တိုက်တွန်း

By ကျော်ကျော်သိန်း ကြာသပတေး, 28 ဧပြီ 2011(ပေးပို့ သူ-ဗမာသွေး)
မြန်မာနိုင်ငံအပေါ် ဒဏ်ခတ် အရေးယူထားတဲ့ ဥရောပသမဂ္ဂအဖွဲ့ (EU) အနေနဲ့ မြန်မာနိုင်ငံက ထွက်ကုန်တွေကို အခွန်သက်သာ လျှော့ပေါ့ပေးဖို့ ဒီမိုကရေစီ မိတ်ဆွေ ပါတီတွေက တိုက်တွန်းလိုက်ကြပါတယ်။ မြန်မာအစိုးရ အဖွဲ့ထဲက အရပ်သား အစိုးရ အဖွဲ့ဝင်တွေအပေါ် ခရီးသွားလာခွင့် ကန့်သတ်ချက်ကို EU က တနှစ် ရုပ်သိမ်းပေးလိုက်ပြီးတဲ့နောက်မှာ အခုလို ထပ်ပြီး တိုက်တွန်းလိုက်ကြတာ ဖြစ်ပါတယ်။ အပြည့်အစုံကို ဘန်ကောက်ကနေ ကိုကျော်ကျော်သိန်းက သတင်းပေးပို့ထားပါတယ်။

EU က ရုပ်သိမ်းထားတဲ့ GSP ခေါ် ကုန်သွယ်မှုဆိုင်ရာ အထူးအခွင့်အရေး ခံစားခွင့် မြန်မာနိုင်ငံကို ပြန်ပေးပါဆိုပြီး ၂၀၁၀ ပြည့်နှစ် ရွေးကောက်ပွဲ ၀င်ခဲ့ကြတဲ့ ဒီမိုကရေစီ မိတ်ဆွေ ပါတီများ ၁၁ ပါတီက စုပေါင်းပြီးတော့ EU ဆီ အိတ်ဖွင့်ပေးစာနဲ့ တိုက်တွန်းဖို့ ဧပြီလ ၂၈ ရက်နေ့ အစည်းအဝေးမှာ ဆုံးဖြတ်လိုက်ကြတာပါ။

မြန်မာနိုင်ငံအပေါ် ဒဏ်ခတ်ပိတ်ဆို့ အရေးယူထားတာတွေကို ရုပ်သိမ်းပေးဖို့ ဒီမိုကရေစီ မိတ်ဆွေ ပါတီတွေကနေ ပထမ အိတ်ဖွင့်ပေးစာတစောင် ပေးပို့ခဲ့ပြီးတဲ့နောက် အခုတခါ ကုန်သွယ်ရေးနဲ့ ပတ်သက်ပြီး နောက်ထပ် တိုက်တွန်းချက်တခု ထပ်လုပ်လိုက်တာ ဖြစ်ပါတယ်။ ပထမ အိတ်ဖွင့်ပေးစာ ပေးပို့ခဲ့ပြီးတဲ့နောက်မှာ EU ဘက်ကနေ အရေးယူမှု အကုန်လုံး မရုပ်သိမ်းပေမဲ့ မြန်မာအစိုးရ အဖွဲ့ထဲက အရပ်သား အစိုးရ အဖွဲ့ဝင်တွေအပေါ် ခရီးသွားလာခွင့် ကန့်သတ်ချက်ကို တနှစ် ရုပ်သိမ်းပေးခဲ့ပါတယ်။

အခု အိတ်ဖွင့်ပေးစာထဲမှာ အဲဒီလို ရုပ်သိမ်းပေးတာကို ကျေးဇူးတင်တဲ့ အကြောင်းနဲ့ GSP အခွင့်အရေး ပြန်ပေးဖို့အကြောင်း တိုက်တွန်းထားတယ်လို့ အစည်းအဝေး တက်ရောက်ခဲ့တဲ့ ပြည်ထောင်စု ဒီမိုကရေစီပါတီရဲ့ ဥက္ကဋ္ဌ ဦးသိန်းတင်အောင်က ဗွီအိုအေကို ပြောပါတယ်။

“အဓိကတော့ GSP အခွင့်အရေးကို ပြန်လည်ပြီး မြန်မာနိုင်ငံ အနေနဲ့ ခံစားခွင့် ရရှိရေးအတွက် EU အနေနဲ့ ပြန်လည်စဉ်းစား သုံးသပ်ပေးပါ ဆိုပြီးတော့ ကျနော်တို့က မေတ္တာရပ်ခံတာပါ။ GSP ဆိုတာကတော့ မြန်မာပြည်က ထုတ်ကုန်တွေကို ဥရောပသမဂ္ဂ အဖွဲ့ဝင် နိုင်ငံတွေ အနေနဲ့ အခွန်ကင်းလွတ်ခွင့်ပေါ့ဗျာ၊ အထွေထွေ သက်သာ လျှော့ပေါ့ပေးရေးပေါ့ဗျာ။”

GSP အခွင့်အရေးကို ဖွံ့ဖြိုးဆဲနိုင်ငံ ၁၇၆ နိုင်ငံအတွက် EU က ပေးထားတာဖြစ်ပြီး EU ဈေးကွက်ထဲ တင်သွင်းတဲ့ အဲဒီနိုင်ငံတွေက ကုန်ပစ္စည်းတွေကို အခွန်လျှော့ပေါ့ ကောက်ယူတဲ့ အခွင့်အရေး ပေးထားတာပါ။ GSP အခွင့်အရေးပေးတဲ့ အဓိက ရည်ရွယ်ချက်က ဆင်းရဲမွဲတေမှု လျှော့ချဖို့၊ ရေရှည်တည်တံ့ ခိုင်မြဲတဲ့ ဖွံ့ဖြိုးတိုးတက်မှုကို အားပေးဖို့နဲ့ ကောင်းမွန်တဲ့ အုပ်ချုပ်ရေး ဖြစ်ပေါ်စေဖို့တို့ ဖြစ်တယ်လို့ EU ရဲ့ အင်တာနက် စာမျက်နှာမှာ ဖော်ပြထားပါတယ်။

EU က မြန်မာနိုင်ငံကို ဒဏ်ခတ် အရေးယူထားတာတွေ ရှိတယ် ဆိုပေမဲ့ ကုန်ပစ္စည်း တင်ပို့တာကတော့ ရှိနေဆဲပါလို့ ရန်ကုန်မြို့ခံ ကုန်သည်တဦးက ပြောပါတယ်။

“ကျနော်တို့ သိသလောက်တော့ မြန်မာပြည်ကနေ ဥရောပနိုင်ငံ အသီးသီးကို အဓိက ပို့တာတော့ လက်ခစား စနစ်နဲ့ ပို့တဲ့ အထည်ချုပ်တွေကတော့ အဓိက များတာပေါ့။ ဒုတိယပိုင်းလောက်မှာတော့ ရေထွက်ကုန်ပစ္စည်းနဲ့ သစ်တောထွက်ပစ္စည်း အနည်းငယ်လောက် ပို့တာရှိတယ်။ ကောက်ပဲသီးနှံက ပို့တော့ ပို့တယ်၊ ပမာဏတော့ မများဘူး။”

သူတို့က စာပို့လိုက်ရုံနဲ့ EU ဘက်က လိုက်လုပ်ပေးမှာ မဟုတ်ဘဲ အစိုးရအဖွဲ့ရဲ့ လက်တွေ့ အကောင်အထည် ဖော်မှုက အဓိက ကျပါတယ်လို့ ကိုသိန်းတင်အောင်က ပြောပါတယ်။

“အဓိကကတော့ ဒီအစိုးရသစ်ရဲ့ Good Governance နဲ့ Clean Government အကောင်အထည် ဖော်ဖို့က ဘယ်လောက်အထိ ထင်သာမြင်သာ ရှိမလဲ၊ ဘယ်လောက်အထိ ရလဒ်ထွက်မလဲ ဆိုတဲ့အပေါ်မှာတော့ အဓိက အပြောင်းအလဲ ဖြစ်မှာပေါ့လေ။ ဒါပေမဲ့ ကျနော်တို့ကတော့ ဒါ သဘောထား ပေးတာပါ။ ကျနော်တို့ရဲ့ ဒီလို တောင်းဆိုမှုကြောင့် တခုတည်းနဲ့တင်လည်း GSP က ရလာနိုင်မှာ မဟုတ်ဘူးဆိုတာ ကျနော်တို့က သိပါတယ်။

“ဒါပေမဲ့ ကျနော်တို့ သဘောထားက ဒါတွေဟာ လိုအပ်နေတယ်၊ တဘက်ကလည်း ကျနော်တို့က အစိုးရသစ်ကို သူပြောတဲ့အတိုင်း Good Governance တို့ Clean Government တို့ Transparency ရှိအောင်၊ Accountability ရှိအောင် ကျနော်တို့ကလည်း ဖိအားပေးမယ်၊ တွန်းအားပေးမယ်၊ လိုအပ်တဲ့ ကိစ္စတွေမှာလည်း ပူးပေါင်းဆောင်ရွက်မယ် ဆိုတဲ့အကြောင်းလည်း ပြောထားပါတယ်။”

EU က မြန်မာနိုင်ငံအပေါ် ဒဏ်ခတ် အရေးယူထားတာကို မကြာသေးခင်ကပဲ နောက်ထပ်တနှစ် သက်တမ်း ထပ်တိုးထားပါတယ်။ ဒါပေမဲ့လည်း EU နိုင်ငံတွေထဲမှာ မြန်မာအစိုးရနဲ့ ထိတွေ့ ဆက်ဆံချင်တဲ့ နိုင်ငံတွေ အများအပြား ရှိနေပြီး လျှော့ပေါ့ပေးချင်တဲ့ သဘောထား လက္ခဏာတွေကိုလည်း တွေ့နေရပါတယ်။

GSP အခွင့်အလမ်း ပြန်ပေးမယ် ဆိုရင်တော့ မြန်မာနိုင်ငံ ကုန်ပစ္စည်းတွေ ယှဉ်ပြိုင်နိုင်စွမ်းအား ပိုကောင်းပြီး ပြည်တွင်းထုတ်လုပ်မှုပါ တိုးတက်လာမယ်လို့ ရန်ကုန်မြို့ခံ ကုန်သည်က မျှော်လင့်ပါတယ်။

မြန်မာအစိုးရ အနေနဲ့ နိုင်ငံရေး အကျဉ်းသားတွေ လွှတ်ပေးတာ၊ ပြည်တွင်းစစ် ရပ်စဲရေးကို အခိုင်အမာ လုပ်ဆောင်တာလို သိသာ ထင်ရှားတဲ့ တိုးတက်မှုတွေ မရှိဘဲနဲ့တော့ ဒဏ်ခတ် အရေးယူထားတာတွေကို မရုပ်သိမ်းသင့်သေးဘူးလို့ မြန်မာ့ဒီမိုကရေစီနဲ့ လူ့အခွင့်အရေး လှုပ်ရှားသူ အများအပြားက ပြောကြပါတယ်။Rest of your post

အပြည့်အစုံသတင်းဖတ်ရန်....

မြန်မာနိုင်ငံမှာ ဘာသာရေး လွတ်လပ်ခွင့် ကင်းမဲ့

By ဗွီအိုအေ (မြန်မာဌာန) ကြာသပတေး, 28 ဧပြီ 2011(ပေးပို့ သူ-ဗမာသွေး)
အမေရိကန်က ထုတ်ပြန်တဲ့ ဘာသာရေး လွတ်လပ်ခွင့် အပိတ်ပင်ဆုံး နိုင်ငံများ စာရင်းမှာ မြန်မာနိုင်ငံ အပါအဝင် နိုင်ငံပေါင်း ၁၄ နိုင်ငံဟာ ဘာသာရေး လွတ်လပ်ခွင့် အဆိုးဆုံး ပိတ်ပင်ထားတဲ့ နိုင်ငံတွေ ဖြစ်တယ်လို့ ပြောထားပါတယ်။

အမေရိကန်ပြည်ထောင်စု နိုင်ငံတကာ ဘာသာရေး လွတ်လပ်ခွင့်ဆိုင်ရာ ကော်မရှင်ရဲ့ ၂၀၁၁ ခုနှစ် အစီရင်ခံစာမှာ မြန်မာ၊ တရုတ်၊ မြောက်ကိုရီးယား၊ ဗီယက်နမ်၊ ပါကစ္စတန် စတဲ့ နိုင်ငံတွေဟာ အာရှမှာ ဘာသာရေးအတွက် လွတ်လပ်ခွင့် အပိတ်ပင်ဆုံး၊ အစိုးရိမ်ရဆုံး နိုင်ငံတွေ ဖြစ်တယ်လို့ ဖော်ပြပါတယ်။

အရှေ့အလယ်ပိုင်းမှာတော့ အီဂျစ်၊ အီရန်၊ အီရတ်၊ ဆော်ဒီအာရေးဗီးယား စတဲ့ နိုင်ငံတွေဟာ ဘာသာရေး လွတ်လပ်ခွင့် ချိုးဖောက်မှုတွေအတွက် အထူးစိုးရိမ်ရတဲ့ နိုင်ငံတွေ စာရင်းမှာ ထည့်သွင်းထားပါတယ်။

၁၉၉၉ ခုနှစ်ကတည်းက ဘာသာရေး ချိုးဖောက်မှုတွေအတွက် စိုးရိမ်ရတဲ့ နိုင်ငံစာရင်းမှာ ထည့်သွင်းခံရတဲ့ မြန်မာနိုင်ငံမှာ တိုင်းရင်းသား လူမျိုးစုတွေ နေထိုင်တဲ့ ဒေသတွေမှာ ဘာသာရေးအရ ခွဲခြားမှုနဲ့ ချိုးဖောက်မှုတွေ ရှိနေတယ်လို့ အစီရင်ခံစာက ရေးပါတယ်။

ဒီကနေ့ ကြာသပတေးနေ့ ထုတ်ပြန်လိုက်တဲ့ အစီရင်ခံစာမှာ အီဂျစ်နိုင်ငံကို ဘာသာရေး လွတ်လပ်ခွင့် ချိုးဖောက်မှုတွေအတွက် အထူးစိုးရိမ်ရတဲ့ နိုင်ငံစာရင်းမှာ ပထမဆုံးအကြိမ် ထည့်သွင်းထားပါတယ်။

အီဂျစ်သမ္မတဟောင်း ဟို့စ်နီ မူဘာရက်ခ် (Hosni Mubarak) ရာထူးက နှုတ်ထွက်ခဲ့တဲ့ ဖေဖော်ဝါရီလ နောက်ပိုင်း ပေါ်ပေါက်ခဲ့တဲ့ ဘာသာရေး အကြမ်းဖက်မှုနဲ့ သတ်ဖြတ် တိုက်ခိုက်မှုတွေကို အီဂျစ်အစိုးရက အရေးယူ ဖြေရှင်းပေးတာမျိုးတွေ မရှိခဲ့ဘူးလို့ ဖော်ပြပါတယ်။

အစီရင်ခံစာမှာ အာဖဂန်နစ္စတန်၊ ဗင်နီဇွဲလား၊ အိန္ဒိယ၊ အင်ဒိုနီးရှားနဲ့ လာအိုနိုင်ငံတွေကိုလည်း ဘာသာရေး လွတ်လပ်ခွင့် ပိတ်ပင်မှုအတွက် စောင့်ကြည့်ရမယ့် နိုင်ငံတွေ စာရင်းမှာ ထည့်သွင်းထားပါတယ်။

အမေရိကန်ပြည်ထောင်စု နိုင်ငံတကာ ဘာသာရေး လွတ်လပ်ခွင့်ဆိုင်ရာ ကော်မရှင်ဟာ အဓိက ပါတီကြီး ၂ ရပ်က အဖွဲ့ဝင်တွေ ပါဝင်တဲ့ သီးခြားလွတ်လပ်တဲ့ အစိုးရ အဖွဲ့အစည်း ဖြစ်ပါတယ်။Rest of your post

အပြည့်အစုံသတင်းဖတ်ရန်....

ကမ္ဘောဒီးယားနဲ့ အပစ်ရပ် ဆွေးနွေးပွဲ ထိုင်း ဖျက်သိမ်း

by Daniel Schearf's Report in Burmese ဗုဒ္ဓဟူး, 27 ဧပြီ 2011(ပေးပို့ သူ-ဗမာသွေး)
ထိုင်းနိုင်ငံက ကမ္ဘောဒီးယားနဲ့ အပစ်အခတ်ရပ်စဲရေး ဆွေးနွေးမယ့် အစီအစဉ်ကို ဖျက်သိမ်းလိုက်ပါတယ်။ ဒါဟာ ဆယ်စုနှစ်နဲ့ချီပြီး အငြင်းပွားနေခဲ့ကြတဲ့ နယ်စပ်အရေးအခင်းမှာ တိုက်ခိုက်မှုတွေ အဆိုးဆုံးထိ ရောက်မလာခင် တိုက်ပွဲတွေ စောစောစီးစီး အဆုံးသတ်စေမယ့် မျှော်လင့်ချက်ကို ပျက်ပြယ်သွားစေခဲ့တာ ဖြစ်ပါတယ်။ ဒီအကြောင်းနဲ့ ပတ်သက်လို့ ဗွီအိုအေ သတင်းထောက် ဒန်နီယယ် ရှာ့ဖ် (Daniel Schearf) ဘန်ကောက်ကနေ သတင်းပေးပို့ထားတာကို မခွာညိုက တင်ပြပေးထားပါတယ်။

သောကြာနေ့ကတည်းက စဖြစ်လာခဲ့တဲ့ တိုက်ပွဲတွေမှာ အရပ်သား တယောက်နဲ့ စစ်သား ၁၃ ယောက် သေဆုံးခဲ့ရပါတယ်။ အခုလို ဆွေးနွေးပွဲ အထမမြောက်တာနဲ့ ရင်ဆိုင်တိုက်ပွဲတွေ ဖြစ်နေတာနဲ့ ပတ်သက်လို့ နှစ်နိုင်ငံလုံးက တဘက်ကို တဘက် အပြစ်ပုံချနေကြပါတယ်။

ထိုင်း ကာကွယ်ရေးဝန်ကြီး ပရာဝစ် ဝေါင်ဆူဝန် (Prawit Wongsuwan) က ကမ္ဘောဒီးယား ကာကွယ်ရေးဝန်ကြီး တီဘန်း (Tea Banh) နဲ့ မြို့တော် ဖနွမ်းပင်မှာ တွေ့ဆုံပြီး နှစ်ဘက်စစ်တပ်ကြားမှာ တပတ်ကြာ ဖြစ်ပွားနေတဲ့ တိုက်ပွဲတွေ အဆုံးသတ်ရေး မနေ့ ဗုဒ္ဓဟူးနေ့မှာ ဆွေးနွေးကြဖို့ စီစဉ်ထားခဲ့တာပါ။

ဒါပေမဲ့ မနက်အစောပိုင်းမှာ နှစ်ဘက်စလုံးက လက်နက်ကြီးတွေနဲ့ ပစ်ခတ် တိုက်ခိုက်နေခဲ့ကြပြီး ထိုင်းအာဏာပိုင်တွေဘက်က တွေ့ဆုံဆွေးနွေးရေးကို ဖျက်သိမ်းခဲ့တာပါ။ ထိုင်းနိုင်ငံကို အနိုင်တိုက်လိုက်နိုင်ပြီလို့ ကမ္ဘောဒီးယားသတင်းမှာ ဖော်ပြလိုက်ပြီးတဲ့နောက် တွေ့ဆုံဆွေးနွေးဖို့ ဖျက်သိမ်းလိုက်တာဖြစ်ကြောင်း ထိုင်း စစ်ဘက်ဆိုင်ရာ ပြောခွင့်ရသူ တဦးကို ကိုးကားပြီး ထိုင်းသတင်းတွေမှာ ရေးသား ဖော်ပြခဲ့ကြပါတယ်။

တရုတ်နိုင်ငံမှာ ကာကွယ်ရေးဝန်ကြီး ပရာဝစ်က အချေအတင် အစည်းအဝေးတွေ ရှိခဲ့ကြောင်းနဲ့ ဆွေးနွေးပွဲ ကျင်းပနိုင်မယ့် အခြေအနေကောင်းတွေ ဖြစ်မလာတဲ့အပေါ် ထိုင်းဝန်ကြီးချုပ် အဘီဆစ် ၀ိတ်ချာချီဝ (Abhisit Vejjajiva) က ကမ္ဘောဒီးယားကို အပြစ်တင်ပါတယ်။

“ကမ္ဘောဒီးယားက ဆွေးနွေးချင်တယ်လို့ ပြောတယ်။ ဒါပေမဲ့ တိုက်ခိုက်နေတာတွေကိုတော့ မရပ်ဘူး။ ဒီတော့ တွေ့ဆုံ ဆွေးနွေးဖို့ အခက်အခဲ ရှိပါတယ်။” လို့ သူက ပြောသွားပါတယ်။

ဆက်ပြီး ထိုင်း ကာကွယ်ရေးဝန်ကြီးဟာ တွေ့ဆုံဆွေးနွေးဖို့အတွက် တရုတ်ပြည်ကို သွားခဲ့ပြီး အခု အဲဒီကို ရောက်နေပါပြီ။ ထိုင်းနိုင်ငံဘက်ကလည်း တွေ့ဆုံဆွေးနွေးရေး ဖြစ်မြောက်စေချင်ပါတယ်။ ဒါပေမဲ့ ကမ္ဘောဒီးယား နိုင်ငံဘက်က စပြီး တိုက်ခိုက်မှုတွေ ရပ်ရပါမယ်လို့ သူက ပြောသွားခဲ့ပါတယ်။

ဗုဒ္ဓဟူးနေ့က မစ္စတာ အဘီဆစ်ဟာ နယ်စပ်ဒေသ၊ ဆူရင်ပြည်နယ်က ဒဏ်ရာရသူတွေကို ကြည့်ရှုဖို့ သွားရောက်ခဲ့စဉ် သတင်းထောက်တွေကို အခုလို မှတ်ချက်ပေး ပြောကြားခဲ့တာပါ။ နောက်ဆုံးတိုက်ပွဲအတွင်းမှာ ထိုင်းဘက်က အရပ်သားတယောက် ပထမဆုံး သေဆုံးခဲ့ရကြောင်း ထိုင်းအာဏာပိုင်တွေက ပြောပါတယ်။

ဗုဒ္ဓဟူးနေ့က ကမ္ဘောဒီးယား ၀န်ကြီးချုပ် ဟွန်ဆဲန် (Hun Sen) က ငြိမ်းချမ်းရေး ဆွေးနွေးပွဲတွေ ပြန်စဖို့ တိုက်တွန်းခဲ့ပါတယ်။ နှစ်ဘက်လုံးက ရာထောင်ချီတဲ့ အရပ်သားတွေ အိုးပစ်အိမ်ပစ် ထွက်ပြေးနေကြရတဲ့ စစ်ပွဲတွေ ဆက်ဖြစ်မယ်ဆိုရင် အဲဒီ စစ်ပွဲတွေအတွက် ထိုင်းတပ်ဖွဲ့တွေမှာ တာဝန်ရှိတယ်လို့ ကမ္ဘောဒီးယားဘက်က ပြောပါတယ်။

ထိုင်းစစ်သားတွေက ကမ္ဘောဒီးယားဘက်ကို ဆက်ပြီး တိုက်နေတဲ့အတွက် နယ်စပ်ဒေသ အခြေအနေက တင်းမာနေဆဲ ဖြစ်တယ်လို့ ကမ္ဘောဒီးယား နိုင်ငံခြားရေးဝန်ကြီး ကွိုင် ကောင် (Koy Kuong) က ပြောပါတယ်။ အင်ဒိုနီးရှား လေ့လာ စောင့်ကြည့်ရေးအဖွဲ့ နယ်စပ်ဒေသကို ၀င်ရောက်လာဖို့ သဘောတူညီချက်အပေါ် ထိုင်းနိုင်ငံ အနေနဲ့ အလေးထားသင့်ကြောင်းကိုလည်း နိုင်ငံခြားရေးဝန်ကြီးက ပြောပါတယ်။

“နယ်စပ်ဒေသတလျှောက် အင်ဒိုနီးရှားဘက်က စောင့်ကြည့်ရေး အဖွဲ့ကို ခွင့်ပြုဖို့ ငြင်းပယ်ခဲ့တာက ထိုင်းနိုင်ငံပါ။ သူတို့က အမြဲတမ်း ပယ်ချနေခဲ့တာပါပဲ။ နောက်ပြီး သူတို့က စတိုက်တယ်။ ပြီးရင် ကျနော်တို့ဘက်က စတိုက်တယ်လို့ ပြန်ပြီး စွပ်စွဲတယ်။”

နယ်စပ်ဒေသမှာ အခြေအနေ ပြန်ပြီး အေးဆေး တည်ငြိမ်သွားအောင် ကူညီဖို့ စောင့်ကြည့် လေ့လာသူတွေ စေလွှတ်ရေး သဘောတူညီချက်ကို အင်ဒိုနီးရှားနိုင်ငံက ဆောင်ရွက်ခဲ့တာပါ။ ဒါပေမဲ့ ထိုင်းစစ်တပ်က ငြင်းပယ်လိုက်တဲ့အတွက် စေ့စပ်ညှိနှိုင်းရေး ရပ်တန့်သွားခဲ့ရပါတယ်။

ပဋိပက္ခတွေ အဆုံးသတ်ရေး ထိုင်းနိုင်ငံဘက်က နှစ်ဘက်ဆိုင်ပြီး ဖြေရှင်းမှ ရမယ်လို့ ပြောနေချိန်မှာပဲ ကမ္ဘောဒီးယား နိုင်ငံဘက်ကတော့ နိုင်ငံတကာရဲ့ ကြားဝင် ညှိနှိုင်းပေးမှုကို လိုလားနေတာပါ။ သူပိုင်၊ ငါပိုင် အငြင်းပွားနေတဲ့ ဘုရားကျောင်းနားက နယ်စပ်တလျှောက်မှာ နှစ်နိုင်ငံ တပ်ဖွဲ့တွေဟာ ပြီးခဲ့တဲ့ သောကြာနေ့က စပြီး အပြန်အလှန် ပစ်ခတ်နေခဲ့ကြတာပါ။

ပြီးခဲ့တဲ့ ဖေဖော်ဝါရီလထဲကလည်း သုံးလေးရက်ကြာအောင် နှစ်ဘက် စစ်တပ်တွေ အပြန်အလှန် ပစ်ခတ်ခဲ့ကြလို့ နှစ်ဘက်လုံးမှာ လူပေါင်းများစွာ သေခဲ့ကြရပြီးပါပြီ။ ဘယ်ဘက်က စပစ်သလဲဆိုတာ ရှင်းရှင်းလင်းလင်း မသိရပေမဲ့ နှစ်ဘက်လုံးကတော့ တဘက်ကိုတဘက် အပြစ်ပုံချနေကြပါတယ်။

ထိုင်းနဲ့ ကမ္ဘောဒီးယား နှစ်နိုင်ငံကြား နယ်စပ်ဒေသရဲ့ နယ်နိမိတ်ကို အတိအကျ သတ်မှတ်ပြဋ္ဌာန်း ထားနိုင်တာမျိုး မရှိသေးပါဘူး။ နှစ်ဘက်လုံးက ဘုရားကျောင်းတ၀ိုက် နယ်မြေကို တရားဝင် ပိုင်ဆိုင်တာ သူတို့ဖြစ်တယ်လို့ အခိုင်အမာ ပြောဆိုနေကြပါတယ်။

ပြည်သူတွေကို အမျိုးသားရေးစိတ်ဓာတ် မြှင့်တင်ရေးမှာ နှစ်နိုင်ငံလုံးက နိုင်ငံရေးသမားတွေဟာ ဒီနယ်စပ်ဒေသ အငြင်းပွားမှုကို အသုံးချနေကြတာဖြစ်တယ် ဆိုတဲ့ စွပ်စွဲချက်တွေလည်း ရှိနေပါတယ်။Rest of your post

အပြည့်အစုံသတင်းဖတ်ရန်....

တရားမ၀င် တပတ်ရစ်ကား တင်သွင်းမှု များပြားလာ

ဧရာဝတီ Thursday, 28 April 2011 12:05(ပေးပို့ သူ-ဗမာသွေး)
ထိုင်းနယ်စပ်မှတဆင့် မြန်မာနိုင်ငံသို့ တရားမ၀င် သွင်းသည့် ဂျပန် တပတ်ရစ်ကား အရေအတွက်မှာ လတ်တလော၌ တညလျှင် အစီးရေ ၁၀၀ နှင့် အထက်တွင် ရှိနေသည် ဟု ကားကုန်သည်များက ပြောသည်။


ယင်း ဂျပန်တပတ်ရစ်ကားများကို အိန္ဒိယ၊ ဘင်္ဂလားဒေ့ရှ်၊ နီပေါ နှင့် သီရီလင်္ကာ စသည့် အိမ်နီးချင်း နိုင်ငံများသို့ တဆင့် ပြန်လည် ရောင်းချသည့်ဈေးကွက် မြင့်မားလာသောကြောင့် မြန်မာသို့ တင်သွင်းမှု များပြားလာခြင်း ဖြစ်ကြောင်း သိရ သည်။

မြန်မာ ကားကုန်သည် တဦးက“ထိုင်းဘက်က၀င်တဲ့ ဂျပန်တပတ်ရစ်ကားတွေကို အရင်က မြန်မာတွေ အစီးများပေမယ့် အခုနောက်ပိုင်း ဒီကားတွေကို တဆင့် ပြန်ရောင်းတဲ့ဈေးကွက်က ကြီးလာတော့ မြန်မာဘက်ကိုဝင်တဲ့ ကားတွေ လာ သလောက် ကုန်တဲ့အထိဖြစ်နေလို့ ကားကုန်သည်တွေ အရင်ကထက် ပိုပြီး အပြိုင်သွင်းနေကြတယ်”ဟု ပြောသည်။

ထိုင်းနယ်စပ် မဲဆောက်မြို့မှ မြန်မာနိုင်ငံ မြ၀တီမြို့ဘက်သို့ တင်သွင်းနေသော အဆိုပါကားများမှာ ယခုလဆန်းမှစတင် ၍ ပုံမှန် ထက် ၃ ဆခန့် ရှိလာပြီး ရောင်းအား တက်လာသော်လည်း ဈေးနှုန်းမှာ ယခင်ကအတိုင်းဖြစ်ကြောင်း၊ ယခင်က တညလျှင် ကားအစီး ၄၀ ခန့်သာ တင်သွင်းနေရာမှ လက်ရှိတွင် အမျိုးအစားစုံ ကားအစီးရေ ၁၀၀ ကျော်သည်ဟု တပတ်ရစ် ကား တင်ပို့သည့် ထိုင်းကုမ္ပဏီ တခု၏ မြန်မာ အရောင်းစာရေး တဦးက ပြောပြသည်။

တပတ်ရစ်ကား တစီး၏ မြန်မာဘက်သို့ ရောင်းချသည့် တန်ဖိုးမှာ ဘတ် ၂ သိန်း နှင့် ၃ သိန်း ၀န်းကျင်ရှိကြောင်း ကားပွဲစား တဦး၏ ပြောဆိုချက်အရ သိရသည်။

မြန်မာဘက်မှ အ၀ယ်များသောကြောင့် လက်ရှိ မဲဆောက်မြို့ဘက် ထိုင်း-မြန်မာ ချစ်ကြည်ရေးတံတားဘေးရှိ အမှတ် ၁၀၊ ၁၂၊ ၁၇၊ လှေဂိတ်များတွင် မြန်မာဘက်ရောင်းချမည့် ဂျပန် တပတ်ရစ်ကား အစီးရေ ၄၀၀၀ ခန့်ရှိနေသည်။

ဂျပန်နိုင်ငံမှတဆင့် ထိုင်းနိုင်ငံ ဘန်ကောက်ဆိပ်ကမ်းသို့ရောက်ရှိလာသည့် ကားများကို ထိုင်းတပတ်ရစ်ကားကုမ္ပဏီများက ၁၂ ဘီးတပ် ကားသယ်ယာဉ်များဖြင့် တင်ဆောင်ကာ တရက်လျှင်အစီးရေ ၁၀၀ ကျော်ကို မဲဆောက်ကမ်းနားရှိ လှေဆိပ်များသို့ နေ့စဉ်လာရောက်ပို့ဆောင်လျက် ရှိသည်။

၎င်းကားများကို မြ၀တီဘက်သို့ တရားဝင်တင်သွင်းခွင့်မရှိသည့်အတွက် မြ၀တီခရိုင် အာဏာပိုင်အဖွဲ့ပေါင်းစုံနှင့်ညှိနှိုင်းပြီး ကားတစီးလျှင် ဘတ်ငွေ ၁၀၀၀၀ အထက် ပေး၍သွင်းရသည်ဟု ကားကုန်သည်များက ပြောသည်။

ယမန်နှစ်ဇူလိုင်လမှစ၍ မြန်မာအာဏာပိုင်များက လုံခြုံရေးအကြောင်းပြချက်ဖြင့် မဲဆောက်-မြ၀တီ ချစ်ကြည်ရေးတံတား အပါအ၀င်၊ တံတားဘေး ၀ဲယာရှိ တရားမ၀င် လှေဂိတ် ၃၀ ခန့်ကို ပိတ်လိုက်ပြီးနောက် တရားဝင် နယ်စပ် ကုန်သွယ်ရေး ရပ်တံ့ခဲ့သည်။

နယ်စပ်ဂိတ်များပိတ်လိုက်သောကြောင့် မြန်မာကုန်သည်များက ထိုင်းကုန်ပစ္စည်းများကို မြန်မာဘက်ခိုးသွင်းရသော် လည်း၊ ဂျပန် တပတ်ရစ် ကား တင်ပို့မှုများမှာ လုံးဝရပ်တံ့ခြင်းမရှိဟု မြန်မာ ကားကုန်သည်က ပြောသည်။

၎င်းက“မြန်မာဘက်က ထိုင်းကုန်ပစ္စည်းတွေကို ပိတ်လို့ရချင်ရလိမ့်မယ်၊ ဒီကားသွင်းတာကိုတော့၊ ဘယ်လိုမှပိတ်လို့မရဘူး၊ ဘာဖြစ်လို့လည်းဆိုတော့ ဒီကားလုပ်ငန်းကိုလုပ်နေတာ စစ်တပ်ကြီးကြီးပိုင်းက လူတွေ လုပ်နေတာဖြစ်တယ်၊ သူတို့သား သမီးတွေနဲ့ သူတို့လူတွေပဲ ဒီနယ်စပ်အထိ၊ စီမံခန့်ခွဲနေတာဖြစ်တယ်၊ ဒီအလုပ်ကို သာမန်လူတွေလုပ်လို့မရဘူး”ဟု ဆက်ပြောသည်။

မဲဆောက်မှ မြ၀တီဘက်သို့ တရားမ၀င် ကားတင်သွင်းမှုများကို ပြည်ပ သတင်းဌာနများတွင် ဓာတ်ပုံမှတ်တမ်းများနှင့် အတူ သတင်းထုတ်လွှင့်မှုများရှိသောကြောင့် ကားများထားရှိသည့် ထိုင်းဘက်ခြမ်း လှေဆိပ်များတွင် ဓာတ်ပုံရိုက်ခွင့် မပြုကြောင်း တွေ့ရှိပါက ဒဏ်ငွေ ဘတ် ၅၀၀၀၀ ပေးဆောင်ရမည် ဖြစ်ကြောင်း ဆိုင်းဘုတ်ကြီးများ ရေးသားထားသည်။

Rest of your post

အပြည့်အစုံသတင်းဖတ်ရန်....

သတင်းသမားများ နိုင်ငံရေးအကျဉ်းသားများ အတွက် ငွေလှူ

ရန်ပိုင် Thursday, 28 April 2011 18:03
ပြည်တွင်းစာနယ်ဇင်း သတင်းသမား ၂၀ခန့် စုပေါင်းပြီး ယုံကြည်ချက်ကြောင့် အကျဉ်းကျခံနေရသည့် နိုင်ငံရေး အကျဉ်းသားများ အတွက် အမျိုးသား ဒီမိုကရေစီ အဖွဲ့ချုပ် (NLD) သို့ ယနေ့ သွားရောက်၍ ကျပ်၂ သိန်း လှူဒါန်းကြောင်း သိရသည်။

နိုင်ငံရေး အကျဉ်းသားများ အနေဖြင့် ထောင်တွင်းစားဝတ်နေရေး အခက်အခဲများရှိသည့်အပြင် မိသားစုများအနေဖြင့်လည်း ပြင်ပ ၌ စီးပွားရေး လူမှုရေး ဒုက္ခများကို ရင်ဆိုင်နေရသည့် အတွက် စာနယ်ဇင်းသတင်းထောက်များ စုပေါင်းပြီး လှူဒါန်းခြင်း ဖြစ်သည်ဟု အလွတ်သတင်းထောက် တဦးဖြစ်သူ ကိုမြင့်ကျော် က ဧရာဝတီသို့ ပြောသည်။

“ငွေကတော့ အားလုံးအတွက် လုံလောက်ချင်မှ လုံလောက်မယ်၊ ဒါပေမယ့် ထောင်ဝင်စာတွေ့ဖို့ အခက်အခဲရှိနေတဲ့ မိသားစုတွေ အတွက် ကျနော်တို့လုပ်အားနဲ့ တတ်နိုင်သမျှ ကူညီတာပါ”ဟု ၎င်းကဆိုသည်။

စာနယ်ဇင်းသမားများ အနေဖြင့် နိုင်ငံရေး အကျဉ်းသားများအား ယခုကဲ့သို့ ကူညီခြင်းမှာ လူသားချင်းစာနာသည့် အနေဖြင့် ကူညီ ခြင်းဖြစ်ကြောင်း၊ နိုင်ငံရေး လှုပ်ရှားမှု တခုမဟုတ်ကြောင်း၊ လူမှု အဖွဲ့အစည်းအတွင်း နိုင်ငံရေး အကျဉ်းသားများကို မကူညီရဲသည့် စိတ်ဓာတ်များ ပပျောက်စေရန် ရည်ရွယ်၍ ဆောင်ရွက်ခြင်းဖြစ်ကြောင်း ကိုမြင့်ကျော်က ဆက်လက်ရှင်းပြသည်။

ယခုလှူဒါန်းခြင်းကို ကိုမြင့်ကျော်၊ သာလွန်ဇောင်းထက် စသည့် စာနယ်ဇင်းသမားများက ကမကထပြုဆောင်ရွက်ခဲ့ခြင်းဖြစ်သည်။

စာနယ်ဇင်းသမားများ အနေဖြင့် ယခုအချိန်တွင် နိုင်ငံရေး အကျဉ်းသားများ လွတ်မြောက်ရေး၊ နိုင်ငံရေး အကျဉ်းသားများ ကူညီရေး အတွက် အားလုံးနှင့် ပူးပေါင်းဆောင်ရွက်သွားမည်ဖြစ်ပြီး ဆက်လက်လှူဒါန်းသွားမည်ဖြစ်သည်ဟုလည်း ကိုမြင့်ကျော်က ပြောသည်။

ပြီးခဲ့သည့် ရက်ပိုင်းက စာပေနှင့် စာနယ်ဇင်းလောကတွင် ထင်ရှားသည် စာရေးဆရာကြီးများ ဖြစ်သော ဆရာကြီး ဒဂုန်တာရာ၊ သတင်းစာဆရာကြီး ဦးဝင်းတင်၊ ဆရာလူထု စိန်ဝင်း၊ ဦးသာဘန်း၊ ဆရာဇော်ဇော်အောင်၊ မောင်မိုးသူ၊ ထက်မြက်၊ ပြည်သွေးနိုင်၊ ကဗျာဆရာ အောင်ဘညို၊ ငြိမ်းသစ်၊ ယမုံ၊ ညွန့်သစ်၊ မောင်ဒေါင်း၊ ဂီတပညာရှင် မဇ္ဈိမလှိုင်း ကိုရဲလွင်စသည့် နိုင်ငံရေးနှင့် စာပေ
အနုပညာ နယ်ပယ်မှ လူပေါင်း ၃၂၄ ဦး စုပေါင်းလက်မှတ်ထိုးပြီး သမ္မတ ဦးသိန်းစိန်ထံသို့ နိုင်ငံရေးအကျဉ်းသားများ လွတ်မြောက်ရေး အတွက် စာရေးတောင်းဆိုခဲ့သည်။

နိုင်ငံရေး အကျဉ်းသားများတွင် နှစ်ရှည်ထောင်ဒဏ်ကျခံနေရသူ များပြားသည့်အတွက် မိသားစုများ ခံစားနေရသည့် ဒုက္ခကြီးမား သည့်အပြင် ၎င်းတို့၏ လုပ်ကိုင်နိုင်သည့် စွမ်းရည်များအားလုံး ဆုံးရှုံးနေရသည့်အတွက် တိုင်းပြည်အတွက် နစ်နာကြောင်း၊ ထို့ကြောင့် အမြန်ဆုံး လွတ်မြောက်သင့်သည်ဟု ယုံကြည်ကြောင်း သတင်းထောက် ကိုမြင့်ကျော်က ဆိုသည်။

နိုင်ငံရေး အကျဉ်းသားများ အကူအညီပေးရေး နှင့် ပတ်သက်၍ NLDသည် ပြည်နယ်နှင့်တိုင်းအလိုက် လည်းကောင်း၊ မြို့နယ်များအလိုက် လည်းကောင်း တာဝန်ယူ ဆောင်ရွက်နေသည်။
Rest of your post

အပြည့်အစုံသတင်းဖတ်ရန်....

ဒေါ်အောင်ဆန်းစုကြည်ကို အမေရိကန် အမျိုးသမီးအဖွဲ့ ဂုဏ်ပြု

2011-04-28 RFA(ပေးပို့ သူ-ဗမာသွေး)
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့တကွ ကမ္ဘာတဝှမ်းက ထူးချွန်ပြောင်မြောက်တဲ့ အမျိုးသမီးအခွင့်အရေး လှုပ်ရှားသူ အမျိုးသမီး ၄ ဦးအတွက် အယ်လီနာ ရုစဗဲ့ဆု ချီးမြှင့်ပွဲ အခမ်းအနားကို အမေရိကန် ပြည်ထောင်စု ဟောလီးဝုဒ်က Beverly Hills ဟိုတယ်မှာ ဧပြီ ၂၆ ရက် အင်္ဂါနေ့ညက ကျင်းပခဲ့ပါတယ်။

နေအိမ်အကျယ်ချုပ်မှ လွတ်လာပြီးနောက် ပါတီ တာဝန်များကို ပြန်လည် ထမ်းဆောင်ရန် ပထမဆုံးနေ့အဖြစ် နိုဝင်ဘာ ၁၅ ရက်က ဒေါ်အောင်ဆန်းစုကြည် အမျိုးသား ဒီမိုကရေစီ အဖွဲ့ချုပ် ဌာနချုပ်ရုံးသို့ ရောက်ရှိလာစဉ် လူထု ပရိသတ်က ဝိုင်းဝန်း ဆီးကြို နှုတ်ဆက်နေပုံ ဖြစ်ပါသည်။ (Photo: AFP)

ဒီအခမ်းအနားကို ဒေါ်အောင်ဆန်းစုကြည်က ဗီဒီယိုကတဆင့် မိတ်ဆက်စကား ပေးပို့ခဲ့တယ်လို့ ဆုချီးမြှင့်တဲ့ အမျိုးသမီး အခွင့်အရေးဆိုင်ရာ အဖွဲ့အစည်းတခုဖြစ်တဲ့ Feminist Majority Foundation က Miss Susie Gilligan က ပြောပါတယ်။

ဒေါ်အောင်ဆန်းစုကြည်ရဲ့ ဗီဒီယို မိတ်ဆက်စကားကြောင့် ဆုပေးပွဲအခန်းထဲမှာ ရှိနေသူအားလုံးဟာ အထူးပဲ စိတ်အား တက်ကြွခဲ့ကြရပါတယ်၊ ဒေါ်အောင်ဆန်းစုကြည်က အယ်လီနာ ရုစဗဲ့ရဲ့ ဆောင်ရွက်ချက်တွေ အကြောင်း၊ ကျမတို့အားလုံးဆောင်ရွက်နေကြတဲ့ အမျိုးသမီးအခွင့်အရေးအတွက် ဆောင်ရွက်ချက်တွေဟာ အင်မတန် အရေးကြီးကြောင်း၊ တကမ္ဘာလုံး လိုက်ပါဆောင်ရွက်လာတဲ့အထိ ကြိုးပမ်းသွားဖို့ လိုအပ်ကြောင်း တိုက်တွန်းအားပေး ပြောဆိုခဲ့တယ်လို့ Miss Galligan ပြောသွားတာပါ။

အမျိုးသမီးတွေရဲ့ တန်းတူညီမျှရေးအတွက် ကြိုးပမ်းဆောင်ရွက်ရာမှာ ထင်ရှားတဲ့ ၃၂ ယောက်မြောက် အမေရိကန်သမတ ဖရန်ကလင် ဒီ ရုစဗဲ့ကတော် အယ်လီနာ ရုစဗဲ့ကို ဂုဏ်ပြုတဲ့အနေနဲ့ ကမ္ဘာ့အမျိုးသမီး အခွင့်အရေးဆိုင်ရာ အယ်လီနာရုစဗဲ့ဆုကို နှစ်စဉ်ချီးမြှင့်လာခဲ့တာ အခု ၇ ကြိမ်မြောက် ပေးအပ်တာ ဖြစ်ပါတယ်။

ဒီနှစ်အတွက် ဆုရှင်တွေအဖြစ် ဒေါ်အောင်ဆန်းစုကြည်နဲ့အတူ အယ်လီနာ ရုစဗဲ့ဆု ချီးမြှင့်ခံခဲ့ရသူတွေကတော့ ဟေတီနိုင်ငံက အမျိုးသမီးအခွင့်အရေး လှုပ်ရှားမှုခေါင်းဆောင် ယော်လတ်ယန်တီ (Yolette Jeanty) ၊ အာဖဂန်နစ္စတန်နိုင်ငံက အမျိုးသမီးတွေ အကြောင်း ပြောင်မြောက်စွာ ဖော်ထုတ်ရေးသားတင်ပြခဲ့သူ NPR သတင်းထောက် ရာနီးမွန်တိန်း (Ranee Montagne) နဲ့ အာဖဂန်အမျိုးသမီးများအတွက် အမျိုးသမီးများ အဖွဲ့တည်ထောင်သူ စူနီတာ ဗစ်စ်ဝါနက် (Sunita Viswanath) တို့ ဖြစ်ပါတယ်။Rest of your post

အပြည့်အစုံသတင်းဖတ်ရန်....

ငြိမ်းချမ်းရေး၊ ပဋိပက္ခနှင့် အကြမ်းဖက်မှု

နိဒါန်း 29/04/2011
စစ်ပွဲတွေ၊ ပဋိပက္ခတွေနဲ့ အကြမ်းဖက်မှုတွေဟာ ကမ္ဘာ့လူ့အဖွဲ့အစည်းရဲ့ ငြိမ်းချမ်းရေးနဲ့ လူအများရဲ့ လုံခြုံရေးကို ထိခိုက်နေခဲ့တာ နှစ်ပေါင်းများစွာ ရှိနေခဲ့ပါပြီ။ ကမ္ဘာ့လူ့အဖွဲ့အစည်းမှာ ပါဝင်တဲ့ နိုင်ငံတွေနဲ့ လူပုဂ္ဂိုလ်တွေဟာ အကြမ်းဖက်မှု (violence) အသွင်သဏ္ဍာန်မျိုးစုံကို ပဋိပက္ခ (conflicts) တွေကို ဖြေရှင်းဖို့အတွက် အသုံးပြုကြပါတယ်။ လူမျိုးစုကွဲပြားမှု၊ ဘာသာရေးအယူအဆကွဲပြားမှု၊ နိုင်ငံရေးအမြင်ကွဲပြားမှုစတဲ့ ကွဲပြားခြားနားမှုတွေ အကြားမှာ အတူတကွ ယှဉ်တွဲ နေထိုင်မှုကို ဦးစားပေးခြင်းမရှိပဲ၊ ပဋိပက္ခတွေ ဖြစ်လာအောင် အကြမ်းဖက်မှု နည်းမျိုးစုံနဲ့ ရင်ဆိုင်ဖြေရှင်းမှုတွေ ပြုလုပ်ကြပါတယ်။ ကမ္ဘာ့ငြိမ်းချမ်းရေးကို တောင်းဆိုမှုတွေ ပေါ်ထွက်နေချိန်မှာပဲ ဆင်းရဲနွမ်းပါးမှု၊ တန်းတူညီမျှခြင်း မရှိမှု၊ ဗိုလ်ကျစိုးမိုးမှု၊ လူ့အခွင့်အရေးချိုးဖောက်မှု၊ နိုင်ငံတော်အကြမ်းဖက်မှု (state terrorism) စတာတွေကြောင့် ပေါ်ထွက်လာတဲ့ ပဋိပက္ခတွေကလဲ အများအပြား ရှိနေဆဲပါပဲ။


ငြိမ်းချမ်းရေးဆိုရာဝယ်


ငြိမ်းချမ်းရေးဆိုတာကို စစ်ပွဲတွေမရှိတာ၊ စစ်ပွဲတွေအဆုံးသတ်တာလို့ လူအများက သတ်မှတ်ထားကြပါတယ်။ ဒါပေမယ့် ငြိမ်းချမ်းရေးဆိုတဲ့ စကားလုံးမှာ သမိုင်းကြောင်းနဲ့ ယဉ်ကျေးမှု ဓလေ့ထုံးစံပေါ် မူတည်ပြီး အဓိပ္ပာယ်ဖွင့်ဆိုချက် များစွာရှိပါတယ်။ အတူတကွယှဉ်တွဲနေထိုင်မှု၊ အတွင်းစိတ်သဘော တည်ငြိမ်အေးချမ်းမှု၊ ထိပ်တိုက်ရင်ဆိုင် အင်အားသုံးမှုများ ကင်းဝေးမှု စတာတွေဟာ ငြိမ်းချမ်းရေးရဲ့ အနှစ်သာရတွေပဲ ဖြစ်ပါတယ်။ အနောက်တိုင်း အတွေးအခေါ်တွေကနေ မြစ်ဖျားခံလာတဲ့ ငြိမ်းချမ်းရေးသိပ္ပံကတော့ စစ်ပွဲတွေမဖြစ်လာအောင် ကာကွယ်ရေးနဲ့ စစ်ပွဲတွေ အဆုံးသတ်ရေးကို အာရုံစိုက်ခဲ့ပါတယ်။ ဒါပေမယ့် ငြိမ်းချမ်းရေးနဲ့ ပတ်သက်တဲ့ လေ့လာသုတေသနပြုမှုတွေဟာ တစတစနဲ့ စစ်ပွဲတွေသာမကတော့ပဲ၊ ငြိမ်းချမ်းစွာ တည်ရှိသော အနေအထား (state of peace) ကို ထိခိုက်စေတဲ့ အကြောင်းအရာတွေ ကိုပါ ချဲ့ထွင်လာခဲ့ပါတယ်။


၂၀ ရာစု ကာလ ကမ္ဘာတ၀ှမ်းမှာ ပေါ်ပေါက်လာတဲ့ အမျိုးသမီးလှုပ်ရှားမှုတွေကြောင့် လူတဦးချင်းစီပေါ်မှာ သက်ရောက်နေတဲ့ အကြမ်းဖက်မှု (violence) ကိုလဲ ငြိမ်းချမ်းရေး လေ့လာသူများက ထည့်သွင်းလေ့လာမှုတွေ ပြုလုပ်လာကြပါတယ်။ အမျိုးသမီးအခွင့်အရေး လှုပ်ရှားသူများက အမျိုးသမီးများကို တိုက်ခိုက်နေသော စစ်ပွဲတွေလို့ သတ်မှတ်ယူဆရတဲ့ အိမ်တွင်းအကြမ်းဖက်မှုနဲ့ လိင်ပိုင်းဆိုင်ရာ စော်ကားမှုတွေကို မရပ်စဲနိုင်ရင် ငြိမ်းချမ်းရေးရှိမှာ မဟုတ်ဘူးလို့ ပြောဆိုခဲ့ကြပါတယ်။ လူတဦးနဲ့တဦးအကြားမှာ ဖြစ်ပွားတဲ့ အကြမ်းဖက်မှုတွေအပြင် မိမိကိုယ်ကို ထိခိုက်စေခြင်းနဲ့ သေကြောင်းကြံမှု ပြုလုပ်ခြင်းတွေဟာလဲ အတွင်းစိတ်ငြိမ်းချမ်းမှု (‘inner peace’) မရှိခြင်းကြောင့်လို့ ယူဆပြီး၊ လေ့လာဆန်းစစ်မှုတွေ ပြုလုပ်လာကြပါတယ်။ ငြိမ်းချမ်းရေးသုတေသီတဦးဖြစ်တဲ့ Johan Galtung က ဆေးပညာ နယ်ပယ်မှာ ရောဂါဘယဆိုတာကို ကျန်းမာရေးရဲ့ ဆန်းကျင်ဘက်အနေနဲ့ သတ်မှတ်ချက်ကို နမူနာ ယူပြီး၊ ငြိမ်းချမ်းရေး သုတေသန နယ်ပယ်မှာ အကြမ်းဖက်မှု ဆိုတာ ငြိမ်းချမ်းရေးရဲ့ ဆန့်ကျင်ဘက်အနေနဲ့ သတ်မှတ်ခဲ့ပါတယ်။




ငြိမ်းချမ်းရေးဆိုတာ အကြမ်းဖက်မှုရဲ့ ဆန့်ကျင်ဘက်ဖြစ်တဲ့အတွက် လူ့အဖွဲ့အစည်းအတွင်းမှာ အသွင်သဏ္ဍာန်အမျိုးမျိုးနဲ့ တည်ရှိနေတဲ့ အကြမ်းဖက်မှုတွေကို လျှော့ချနိုင်မှသာ ငြိမ်းချမ်းရေးကို တည်ဆောက်နိုင်မယ်လို့ ထင်မြင်ယူဆမှုတွေ ရှိပါတယ်။ အကြမ်းဖက်မှုတွေ လျှော့ချမှု ဆိုတာမှာ စစ်ပွဲတွေမှာ အပစ်အခတ်ရပ်စဲရေး သဘောတူညီမှုကနေ စပြီး၊ လူနှစ်ဦးအကြားမှာ ရှိနေတဲ့ အမုန်းတရားတွေ၊ ဒေါသတွေ၊ အာဃာတ တွေကို လျှော့ချမှုအထိ အကျုံးဝင်ပါတယ်။ ဒီလို လူ့အဖွဲ့အစည်းရဲ့ အလွှာအသီးသီးမှာ အသွင်သဏ္ဍာန်အမျိုးမျိုးနဲ့ ဖြစ်ပေါ်နေတဲ့ အကြမ်းဖက်မှုတွေကို လျှော့ချတာကို ‘negative peace‘ လို့ ခေါ်ဆိုသတ်မှတ်ကြပါတယ်။ ဥပမာ- အိမ်တွင်းအကြမ်းဖက်မှုပြုလုပ်တဲ့ အိမ်ထောင်ဘက်ကို ကွာရှင်းတာ၊ လူအများသေစေတတ်တဲ့ နယူးကလီးယား လက်နက်တွေကို လျှော့ချထိန်းချုပ်တာနဲ့ လူအချင်းချင်း ကျေးကျွန်အဖြစ် အနိုင်ကျင့်စေခိုင်းမှုတွေကို ပယ်ဖျက်ခြင်း စတာတွေ ဖြစ်ပါတယ်။


ငြိမ်းချမ်းရေးဆိုတာကို ဒီလို လျှော့ချခြင်းအသွင်နဲ့ negative peace အဖြစ် သတ်မှတ်မှုတွေ ရှိသလို၊ positive peace အနေနဲ့ ငြိမ်းချမ်းရေးဆိုတာ state of harmony ပေါ်ထွက်လာခြင်းလို့ သတ်မှတ်မှုတွေလဲ ရှိပါတယ်။ State of harmony ဆိုတာမှာ လွတ်လပ်မှု၊ တရားမျှတမှု၊ တန်းတူညီမျှမှု၊ သွေးစည်းမှု၊ ရေရှည်ဖွံ့ဖြိုးတိုးတက်မှု၊ တွေ့ဆုံဆွေးနွေးမှုနဲ့ အခြေခံ လူသားလိုအပ်ချက်များကို ဖြည့်ဆည်းနိုင်မှု စတာတွေ ပါဝင်ပါတယ်။ ဒီလို state of harmony ပေါ်ထွက်လာဖို့အတွက် ငြိမ်းချမ်းရေးယဉ်ကျေးမှု (Culture of Peace) ရှိဖို့ လိုအပ်ပါတယ်။ 1999 UN Declaration on a Culture of Peace မှာ ငြိမ်းချမ်းရေးယဉ်ကျေးမှုဆိုတာ လူ့ဘ၀ကိုလေးစားတန်ဖိုးထားခြင်း၊ အကြမ်းဖက်မှုများအားရပ်စဲခြင်း၊ အကြမ်းမဖက်ရေး သဘောတရားများကို ပညာပေးစည်းရုံးမှု၊ ဆွေးနွေးအဖြေရှာမှုနဲ့ ပူးပေါင်းဆောင်ရွက်မှုတို့ဖြင့် ကျင့်သုံးခြင်း၊ အခြားနိုင်ငံများ၏ နိုင်ငံတော်အချုပ်အခြာအာဏာ၊ နယ်မြေပိုင်နက်ကို လေးစားတန်ဖိုးထားခြင်း၊ ဖွံ့ဖြိုးတိုးတက်ရေး အခွင့်အလမ်းများအား လေးစားတန်ဖိုးထား၍ မြှင့်တင်ခြင်း၊ ကျားမတန်းတူညီမျှအခွင့်အရေးများအား လေးစားတန်ဖိုးထား၍ မြှုင့်တင်ခြင်း၊ ပဋိပက္ခပြဿနာများအား ငြိမ်းချမ်းစွာ ဖြေရှင်းခြင်း၊ လွတ်လပ်စွာတွေးခေါ်ခွင့်၊ ဆန္ဒဖော်ထုတ်ခွင့် စသော အခွင့်အရေးများအား လေးစားတန်ဖိုးထား၍ မြှင့်တင်ခြင်း၊ လွတ်လပ်မှု၊ တရားမျှတမှု၊ သည်းခံခွင့်လွှတ်မှု၊ သွေးစည်းညီညွတ်မှု၊ ပူးပေါင်းဆောင်ရွက်မှု၊ အများသဘောဆန္ဒအား လေးစားမှု၊ ဆွေးနွေးအဖြေရှာမှု၊ အပြန်အလှန် နားလည်မှုစသည့် သဘောတရားများ လူ့အဖွဲ့အစည်းနှင့် နိုင်ငံများအကြားတွင် ပျံ့နှံ့လာခြင်း စတဲ့ သဘောတရားတွေ အပေါ်မှာ အခြေခံတဲ့ စံနမူနာတန်ဖိုး သတ်မှတ်ချက်တွေ၊ ပြုမူဆောင်ရွက်မှုတွေ၊ ဘ၀နေထိုင်မှုတွေ ဖြစ်ကြောင်း အဓိပ္ပာယ် ဖွင့်ဆိုထားခဲ့ပါတယ်။

ငြိမ်းချမ်းရေးဆိုတာကို ဒီလို negative peace, positive peace တွေအနေနဲ့ သတ်မှတ်မှုတွေ ရှိပေမယ့်၊ ဒီလို သတ်မှတ်မှုတွေဟာ အဓိပ္ပာယ်ဖွင့်ဆိုချက်တွေနဲ့သာ ဆိုင်ပြီး၊ ပဋိပက္ခတွေ ပေါ်ထွက်လာတာနဲ့ state of peace ကွယ်ပျောက်သွားနိုင်ကြောင်း Galtung က ဆိုထားခဲ့ပြီး၊ ငြိမ်းချမ်းရေးဆိုတာ ပဋိပက္ခတွေကို အကြမ်းမဖက်သော အပြုအမူနဲ့ ကိုင်တွယ်ဖြေရှင်းနိုင်သော စွမ်းရည်ရှိခြင်းလို့ အဓိပ္ပာယ်ဖွင့်ဆိုခဲ့ပါတယ်။ ပဋိပက္ခတွေကို ကိုင်တွယ်ဖြေရှင်းနိုင်တဲ့ နည်းများစွာ ရှိပါတယ်။ ဒီအထဲမှာ အကြမ်းဖက်မှုနဲ့ စစ်ပွဲတွေကတော့ ပြဿနာတွေ ဖြေရှင်းဖို့အတွက် ပေးဆပ်ရမှုများတဲ့ ဖြေရှင်းနည်းတွေပါပဲ။ အကြမ်းဖက်မှုနဲ့ စစ်ပွဲတွေကြောင့် လူပေါင်းများစွာရဲ့ အသက်တွေ၊ ဘ၀တွေ ပျက်စီးရုံမကပဲ၊ နောက်ဆက်တွဲအနေနဲ့ စိတ်ဒဏ်ရာတွေပါ လူ့အဖွဲ့အစည်းအတွင်းမှာ ကျန်ခဲ့စေပါတယ်။ ဒါကြောင့် ပဋိပက္ခတွေကို ကိုယ်ချင်းစာနာမှု၊ တီထွင်ဆန်းသစ်မှု၊ အကြမ်းမဖက်မှု စတာတွေအပေါ်မှာ အခြေခံပြီး ကိုင်တွယ်ဖြေရှင်းနိုင်မှသာ ငြိမ်းချမ်းရေးရနိုင်မှာ ဖြစ်တယ်လို့ ပညာရှင်တွေက ရေးသားတင်ပြခဲ့ကြပါတယ်။


ပဋိပက္ခဆိုရာဝယ်


ငြိမ်းချမ်းရေးသိပ္ပံပညာရပ်က ပဋိပက္ခဆိုတာ ဆိုးဝါးမှု၊ အကြမ်းဖက်မှု မဟုတ်ပဲ လူတွေရဲ့ဘ၀၊ လူမှုဆက်ဆံရေးနဲ့ လူသားဖွံ့ဖြိုး တိုးတက်မှုမှာ ပုံမှန်ဖြစ်ပွားနေတဲ့ အရာဖြစ်တယ်လို့ ရှုမြင်သုံးသပ်ပါတယ်။ လူတိုင်း၊ အဖွဲ့အစည်းတိုင်း၊ နိုင်ငံတိုင်းမှာ ရည်မှန်းချက်ပန်းတိုင်တွေ ရှိပြီး၊ ဒီရည်မှန်းချက်ပန်းတိုင်တွေ အကြားမှာ မတူညီကွဲပြားမှုတွေ၊ သဟဇာတမရှိမှုတွေ ဖြစ်လာတဲ့အခါ ပဋိပက္ခတွေ ဖြစ်လာနိုင်ပါတယ်။ ဒီလို ပဋိပက္ခတွေဟာ အသွင်သဏ္ဍာန်အမျိုးမျိုးနဲ့ ဖြစ်တည်နေတတ်ပြီး လူတယောက်ရဲ့ စိတ်ထဲမှာ ဒွိဟဖြစ်နေခြင်း (intra-personal conflict)၊ လူနှစ်ဦးအကြား ပဋိပက္ခ (interpersonal conflict) ၊ အုပ်စုတွင်း ပဋိပက္ခ (intra-group conflict)၊ အုပ်စုများအကြားမှ ပဋိပက္ခ (intergroup conflict), နိုင်ငံတွင်းပဋိပက္ခ (national (intra-state) conflicts) နဲ့ နိုင်ငံများအကြားမှ ပဋိပက္ခ ( international (inter-state) conflicts) ဆိုပြီး၊ အမျိုးမျိုးကွဲပြားပါတယ်။


ပဋိပက္ခတွေ ဖြစ်လာရတဲ့ အကြောင်းရင်းတွေမှာ ဒီလို ကွဲပြားခြားနားပြီး၊ သဟဇာတမဖြစ်တဲ့ ရည်မှန်းချက်ပန်းတိုင်တွေ (Content or contradiction) အပြင်၊ သက်ဆိုင်သူတွေရဲ့ အမြင်သဘောထား (Attitude) နဲ့ ပြုမူဆောင်ရွက်ပုံ (Behaviour) တွေလဲ ပါဝင်တယ်လို့ သတ်မှတ်ကြပါတယ်။ ဒါနဲ့ပတ်သက်ပြီး၊ ပဋိပက္ခအေဘီစီ သုံးနာညီတြိဂံ ပေါ်ထွက်လာပါတယ်။ ပဋိပက္ခတွေတိုင်းမှာ အေဘီစီ အချက်တွေဖြစ်တဲ့ Attitude, Behaviour and Content ဆိုတာတွေရှိနေပြီး၊ ဒီသုံးမျိုးက ဆက်စပ်နေပါတယ်။ ဒီအချက်သုံးခုကို လေ့လာခြင်းအားဖြင့် ပဋိပက္ခတွေအပေါ်မှာ နားလည်မှု ပိုရှိပြီး၊ ဒီလိုပဋိပက္ခတွေကို ဖြေရှင်းနိုင်မယ့် နည်းလမ်းတွေကိုလဲ ရှာဖွေလာနိုင်မှာ ဖြစ်ပါတယ်။ ဥပမာ- အားလပ်ရက်တရက်မှာ ယောက်ျားဖြစ်သူက အိမ်မှာ စာဖတ်ချင်ပြီး၊ မိန်းမဖြစ်သူက ဈေးဝယ်ထွက်လိုတဲ့အခါ သူတို့ဆီမှာ မတူညီကွဲပြားတဲ့ content or contradiction တွေ ရှိနေပါပြီ။ ဒီအခါမှာ တဦးတဘက်ကဖြစ်စေ၊ နှစ်ဦးစလုံးကဖြစ်စေ သူတို့ရဲ့ မိသားစုဆက်ဆံရေးကို အားလပ်ရက် အသုံးချမှု အမြင်သဘောထား (attitude) တွေထက် ပိုပြီး တန်ဖိုးထားရင် (သို့မဟုတ်) တဘက်နဲ့တဘက် လိုအပ်ချက်တွေနဲ့ ပြုမူဆောင်ရွက်ပုံ (behaviour) တွေကို နားလည်မှုပေးနိုင်ရင်၊ ဒီမိသားစုမှာ ကွဲပြားမှုတွေကို ဖြေရှင်းနိုင်မယ့် shared strategy ပေါ်ထွက်လာမှာ ဖြစ်ပါတယ်။


ဒါကြောင့် ပဋိပက္ခဆိုတာ ပြဿနာမဟုတ်ပဲ ဒါကိုရှုမြင်သုံးသပ်ပုံနဲံ ကိုင်တွယ်ဖြေရှင်းပုံကသာ ပြဿနာဖြစ်ကြောင်း ပညာရှင်တွေက မီးမောင်းထိုး ဖော်ပြခဲ့ကြပါတယ်။ အထက်က ဖော်ပြထားတဲ့ ဥပမာမှာ ယောက်ျားဖြစ်သူက 'မင်းသွားချင်တိုင်း အမြဲလိုက်မပို့ပေးနိုင်ဘူး၊ မင်းဘာသာသွား၊ ငါစာဖတ်စရာရှိတယ်'လို့ ပြောပြီး၊ မိန်းမဖြစ်သူကလဲ 'ရှင်ဟာ မိန်းမတွေရဲ့ လိုအပ်ချက်ကို မလိုက်လျောပေးနိုင်တဲ့ ယောက်ျားပဲ။ ရှင်ပို့ပေးမှ သွားရမှာ မဟုတ်ဘူး။ ကျွန်မဘာသာ တက္ကဆီနဲ့ သွားမယ်' ဆိုပြီး၊ အပြန်အလှန်အော်ဟစ်မှုတွေ ဖြစ်ပွားလာခဲ့ပြီ ဆိုပါစို့။ ဒီလို conflict escalation ဖြစ်ပွားလာမှုဟာ 'ငါမှန်တယ်၊ သူမှားတယ်'ဆိုတဲ့ အမြင်သဘောထား (attitudes) နဲ့ တဘက်နဲ့တဘက် အော်ဟစ်မှု၊ စွပ်စွဲပြောဆိုမှုတွေ ပြုလုပ်တဲ့ အပြုအမူ (behaviour) တွေကြောင့် ပဲ ဖြစ်ပါတယ်။ ဒီလို အမြင်သဘောထားနဲ့ အပြုအမူတွေအပေါ်မှာ အခြေတည်ပြီး၊ ပဋိပက္ခတွေ ကြီးထွားလာချိန်မှာ မိန်းမဖြစ်သူက တက္ကဆီနဲ့ အပြင်ထွက်သွားခဲ့လို့ တဘက်နဲ့ တဘက်စွပ်စွဲမှုတွေ၊ ရန်ပွဲတွေ မဖြစ်လာရင်တောင် ဒါဟာ ပြီးဆုံးသွားတဲ့ ပဋိပက္ခလို့ မဆိုနိုင်ပါဘူး။ တိုက်ဆိုင်ချိန်မှာ အချိန်မရွေး ပြန်လည်ပေါ်ထွက်လာနိုင်ပါတယ်။


ပဋိပက္ခအရေးလေ့လာသူ Keltner ရဲ့ ‘struggle spectrum’ အရ ပဋိပက္ခတွေ ဆင့်ကဲဖြစ်ပေါ်မှုတွေမှာ အဆင့်ခြောက်ဆင့်ရှိပါတယ်။ ပထမအဆင့်ကတော့ ကွဲပြားမှုဖြစ်ပြီး၊ ဒုတိယအဆင့်ကတော့ သဘောတူညီချက် မရမှုပါ။ အဲဒီအခါမှာ အငြင်းပွားမှု အဆင့်ကို တက်သွားပြီး၊ သူမှန်တယ်-ငါမှန်တယ်နဲ့ ပြောဆိုမှုတွေ ဖြစ်လာပါတယ်။ နောက်ဆုံးမှာ စွပ်စွဲပြောဆိုမှုတွေ ရှိလာပြီး၊ ရန်ပွဲအသွင် ရောက်သွားတတ်ပါတယ်။ ဒီလို ပဋိပက္ခအဆင့်တွေတိုင်းမှာ ဦးတည်ရာ နှစ်ခုရှိပါတယ်။ တခုကတော့ ပဋိပက္ခတွေ ပိုမိုကြီးထွားလာခြင်း (conflict escalation) ဖြစ်ပြီး၊ ဒုတိယဦးတည်ရာကတော့ ပဋိပက္ခရေချိန် လျော့ကျလာခြင်း (conflict de-escalation) ဖြစ်ပါတယ်။ ပဋိပက္ခဖြစ်ပေါ်မှု အဆင့်တွေမှာ ပိုမိုကြီးထွားလာခြင်း၊ လျော့ကျလာခြင်းက လူတွေရဲ့ အမြင်သဘောထားတွေနဲ့ ကိုင်တွယ်ဖြေရှင်းမှုပေါ်မှာ မူတည်ပါတယ်။


လူမှုစိတ်ပညာနဲ့ လူမှုမနုဿဗေဒပညာရပ်တွေမှာ ပဋိပက္ခတွေနဲ့ ပတ်သက်တဲ့ အမြင်သဘောထားနဲ့ ပြုမူ ဆောင်ရွက်ပုံတွေကို လေ့လာဖော်ထုတ် ထားပါတယ်။ အမြင်ကျဉ်းမြောင်းခြင်း၊ ခြိမ်းချောက်ခြင်း၊ အင်အားသုံးဖြေရှင်းခြင်း၊ အနိုင်ကျင့်ဗိုလ်ကျခြင်း၊ ခွဲခြားဆက်ဆံခြင်း၊ တယူသန်ခြင်း၊ လူမျိုးကြီးဝါဒ ကျင့်သုံးခြင်း၊ ဘာသာရေး၊ လူမျိုးရေးအယူအဆ အစွန်းရောက်ခြင်း စတာတွေဟာ ပဋိပက္ခတွေကို ကြီးထွားစေနိုင်ပြီး၊ လူသားဆန်မှု၊ သည်းခံခွင့်လွှတ်မှု၊ လူ့သိက္ခာကို တန်ဖိုးထားမှု၊ ရိုးသားမှု၊ အပြန်အလှန်လေးစားမှု၊ တွေ့ဆုံဆွေးနွေးမှု စတာတွေကတော့ ပဋိပက္ခတွေကို လျော့ကျစေ နိုင်ပါတယ်။ ဒါကြောင့် ပဋိပက္ခတွေဟာ စစ်ပွဲတွေ၊ အကြမ်းဖက်မှုတွေနဲ့ မတူညီပါဘူး။ ပဋိပက္ခတွေက ပုံမှန်ဖြစ်ပွားနေတဲ့ အရာတွေဖြစ်ပြီး၊ အေဘီစီ အချက်တွေဖြစ်တဲ့ Attitude, Behaviour and Content သုံးခုပေါင်းစပ်ပါဝင်ပြီး၊ စစ်ပွဲတွေကတော့ ပြုမူဆောင်ရွက်ပုံ (Behaviour) နဲ့ သက်ဆိုင်ပါတယ်။ ဒါကြောင့် စစ်ပွဲတွေကို ပြုမူဆောင်ရွက်ပုံအား ပြောင်းလဲခြင်း (behaviour change) နဲ့ အဆုံးသတ်လို့ရပါတယ်။ ပဋိပက္ခတွေကိုတော့ ပြုမူဆောင်ရွက်ပုံ ပြောင်းလဲရုံနဲ့ ဖြေရှင်းလို့ မရနိုင်ပါဘူး။ ပဋိပက္ခကို ဖြစ်ပွားစေတဲ့ အကြောင်းတရားတွေ၊ မတူညီတဲ့ ရည်မှန်းချက်ပန်းတိုင်တွေကို ပဋိပက္ခဖြစ်ပွားမှုအဆင့် လျော့ကျစေနိုင်တဲ့ အမြင်သဘောထားတွေကိုင်စွဲပြီး၊ ခြိမ်းချောက်အင်အားသုံး အနိုင်ကျင့်ဗိုလ်ကျခြင်း မပါသော ပြုမူဆောင်ရွက်ပုံတွေနဲ့ ဖြေရှင်းနိုင်ဖို့ ပဋိပက္ခမှာ ပါဝင်ပတ်သက်နေသူတွေအားလုံးက ကြိုးပမ်းကြရမှာ ဖြစ်ပါတယ်။


အကြမ်းဖက်မှု (violence) ဆိုရာဝယ်


အကြမ်းဖက်မှုဆိုတာ ထိခိုက်မှုတစုံတရာကို ဖြစ်ပွားစေတဲ့ အင်အားအသုံးပြုမှု ဖြစ်ပါတယ်။ ကမ္ဘာ့ကျန်းမာရေး အဖွဲ့ကြီးကတော့ အကြမ်းဖက်မှုဆိုတာ မိမိကိုယ်တိုင်ဖြစ်စေ၊ အခြားသူတယောက်ကိုဖြစ်စေ၊ အခြားလူအုပ်စု (သို့မဟုတ်) လူ့အဖွဲ့အစည်းကို ဖြစ်စေ ထိခိုက်ဒဏ်ရာရစေမှု၊ သေဆုံးစေမှု၊ စိတ်ဒဏ်ရာရစေမှု၊ ဖွံ့ဖြိုးတိုးတက်ရေး နှောင့်နှေးစေမှုတို့ကို ဖြစ်ပွားစေသည့် အင်အားအသုံးပြုမှုလို့ အဓိပ္ပာယ်ဖွင့်ဆိုခဲ့ပါတယ်။ အကြမ်းဖက်မှုသဏ္ဍာန်တွေမှာ လူတဦးနဲ့တဦး လက်သီးနဲ့ထိုးကြိတ်တာ၊ တုတ်နဲ့ ရိုက်နှက်တာတွေကနေ သေစေနိုင်တဲ့ လက်နက်ခဲယမ်းတွေကို အသုံးပြုပြီး တိုက်ခိုက်တာတွေအထိ ပါဝင်ပါတယ်။ လူအများက အကြမ်းဖက်မှုလို့ ဆိုလိုက်ရင် ဗုံးခွဲတာတွေ၊ လေယာဉ်ပြန်ပေးဆွဲတာတွေကိုပဲ ဆက်စပ်တွေးမိသွားတတ်ကြပါတယ်။ ဒါတွေက အကြမ်းဖက်မှု အမျိုးအစားတမျိုးဖြစ်တဲ့ terrorism နဲ့ ပတ်သက်တာတွေ ဖြစ်ပါတယ်။ (ဒီနေရာမှာ violence နဲ့ terrorism နှစ်မျိုးစလုံးကို အကြမ်းဖက်မှု၊ အကြမ်းဖက်တိုက်ခိုက်မှုတွေနဲ့ ဘာသာပြန်ကြတာကြောင့်လဲ သဘောတရားတွေ ရောထွေးနေတာ ဖြစ်ပါတယ်။ terrorism က အကြမ်းဖက်မှုရဲ့ အမျိုးအစား တမျိုးသာ ဖြစ်ပါတယ်။ အကြမ်းဖက်မှုမှာ မတရားဖိနှိပ်ခံရမှုကို လက်နက်ကိုင်ပြီး ခုခံတော်လှန်ရတဲ့ တော်လှန်စစ်လို လိုအပ်ချက်အရ ပေါ်ထွက်လာတဲ့ necessary forms of violence ဆိုတာမျိုးတွေ ရှိသလို၊ အပြစ်မဲ့ ပြည်သူတွေကို စာနာထောက်ထားခြင်းကင်းစွာနဲ့ မလိုအပ်ပဲ တိုက်ခိုက်မှုတွေဖြစ်တဲ့ terrorism လို unnecessary forms of violence တွေလဲ ရှိပါတယ်)


ငြိမ်းချမ်းရေးသိပ္ပံပညာရပ်မှာ အကြမ်းဖက်မှု (violence) ဆိုတာကို တိုက်ရိုက်အကြမ်းဖက်မှု (Direct Violence)၊ (Structural Violence) နဲ့ ယဉ်ကျေးမှုဆိုင်ရာ အကြမ်းဖက်မှု (Cultural Violence) ဆိုပြီး သုံးမျိုးခွဲခြားထားပါတယ်။ တိုက်ရိုက်အကြမ်းဖက်မှုက ထိုးကြိတ်ရိုက်နှက်မှုတွေ၊ လူသတ်မှုတွေ၊ မုဒိန်းကျင့်မှုတွေ၊ သေနတ်တွေ၊ ဗုံးတွေ၊ စစ်ပွဲတွေနဲ့ သက်ဆိုင်ပါတယ်။ တိုက်ရိုက်အကြမ်းဖက်မှုမှာ လူသားတွေရဲ့ အခြေခံလိုအပ်ချက်တွေဖြစ်တဲ့ ရပ်တည်မှု၊ ကိုယ်စိတ်နှစ်ပါး ကျန်းမာမှု၊ လွတ်လပ်မှု စတာတွေကို ထိခိုက်စေနိုင်တဲ့ ကြိုတင်ရည်ရွယ်ထားသော အင်အားအသုံးပြုမှု ပါဝင်ပါတယ်။ တိုက်ရိုက်အကြမ်းဖက်မှုကြောင့် နှစ်စဉ်လူသား (၁.၆) သန်းခန့် သေဆုံးတယ်လို့ သုတေသနပညာရှင်တွေက စစ်တမ်း ကောက်ယူဖော်ပြထားခဲ့ကြပါတယ်။ တိုက်ရိုက်အကြမ်းဖက်မှုဟာ ကျူးလွန်သူတွေ၊ သားကောင်တွေ၊ မိသားစုဝင်ကိုသာမက လူ့အဖွဲ့အစည်း၊ စီးပွားရေးအခြေအနေနဲ့ သဘာဝပတ်ဝန်းကျင်ကိုပါ ထိခိုက်စေပါတယ်။


ထိုးကြိတ်ရိုက်နှက်မှုတွေ၊ လက်နက်ပစ္စည်းတွေ အသုံးပြုတဲ့ တိုက်ရိုက်အကြမ်းဖက်မှုတွေကသာ လူသားတွေရဲ့ အခြေခံ လိုအပ်ချက်တွေကို ထိခိုက်စေနိုင်တာ မဟုတ်ပါဘူး။ နိုင်ငံတနိုင်ငံမှာ ရှိနေတဲ့ လူမှုစီးပွား နဲ့ နိုင်ငံရေး သဏ္ဍာန် (socio-economic and political structures) တွေကလဲ လူသားတွေရဲ့ ရှင်သန်ရပ်တည်မှုကို ထိခိုက်စေနိုင်ပါတယ်။ Structural violence တွေဟာ လူ့အဖွဲ့အစည်းရဲ့ အဆင့်တိုင်းမှာ ရှိပြီး၊ လူမှုစီးပွား အခွင့်အရေးတွေ ချိုးဖောက်ခံရခြင်းနဲ့ သက်ဆိုင်ပါတယ်။ လုံခြုံစိတ်ချရမှုကင်းမဲ့ပြီး ကျန်းမာရေးကို ထိခိုက်စေနိုင်တဲ့ လုပ်ငန်းခွင်တွေမှာ အလုပ်လုပ်ရခြင်းဟာလဲ အကြမ်းဖက်ခံရခြင်းပဲ ဖြစ်ပါတယ်။ လူမှုစီးပွားနဲ့ နိုင်ငံရေးသဏ္ဍာန်တွေမှာ မြှုပ်နှံထားတဲ့ structural violence တွေကို hidden repression အနေနဲ့ သတ်မှတ်ခေါ်ဝေါ်ကြပါတယ်။ လူမှုရေး တန်းတူညီမျှခြင်း မရှိမှု၊ လူတန်းစားအလွှာ ကွာဟချက်ကြီးမှု၊ ကျားမခွဲခြားသတ်မှတ်မှု၊ အတင်းအကြပ်စစ်မှုထမ်းဥပဒေများ ပြဌာန်းမှု၊ ပညာရေး-ကျန်းမာရေး ၀န်ဆောင်မှုအားနည်းမှု၊ အလုပ်အကိုင်ရရှိရေး၊ ရာထူးတိုးမြှင့်ရေးစတာတွေမှာ တူညီသောအခွင့်အလမ်း မရှိမှု စတာတွေဟာ သက်ဆိုင်ရာ တိုင်းပြည်မှာ structural violence ရှိနေတဲ့ သွင်ပြင်လက္ခဏာတွေပဲ ဖြစ်ပါတယ်။ Structural violence ရှိနေတဲ့ တိုင်းပြည်မှာ ဆင်းရဲနွမ်းပါးမှုနဲ့ လူအများဘ၀အနာဂတ် ပျောက်ဆုံးမှုတွေ ကြုံတွေ့လာရတတ်ပါတယ်။ အသက်ရှင်ရပ်တည်နေရပေမယ့် ကိုယ်စိတ်နှစ်ပါး ကျန်းမာမှု မရှိပဲ၊ လွတ်လပ်မှုတွေ ပျောက်ဆုံးနေတာဟာ exploitative or repressive structures တွေရဲ့ အကြမ်းဖက်မှုကို ခံစားရလို့ဖြစ်ပါတယ်။


နောက်ထပ် အကြမ်းဖက်မှုတခုကတော့ ယဉ်ကျေးမှုဆိုင်ရာ အကြမ်းဖက်မှု (cultural violence) ဖြစ်ပါတယ်။ ယဉ်ကျေးမှုဆိုင်ရာ အကြမ်းဖက်မှု ရှိခြင်းဆိုတာ ယဉ်ကျေးမှု မတူညီသော အုပ်စုတွေ အချင်းချင်း တိုက်ခိုက်နေတာကို ဆိုလိုတာ မဟုတ်ပါဘူး။ ဒီလိုတိုက်ခိုက်နေရင်တော့ ဒါက တိုက်ရိုက်အကြမ်းဖက်မှု ခေါင်းစီးအောက် ရောက်သွားမှာပါ။ ယဉ်ကျေးမှုဆိုင်ရာ အကြမ်းဖက်မှုဆိုတာက တိုက်ရိုက်အကြမ်းဖက်မှုနဲ့ structural violence နှစ်မျိုးကို အားပေးထောက်ခံခြင်း (သို့မဟုတ်) လက်ခံစေခြင်းရှိတဲ့ ဘာသာရေးယုံကြည်ချက်၊ နိုင်ငံရေးအတွေးအခေါ်၊ အနုပညာ၊ သိပ္ပံပညာနဲ့ ဘာသာစကားတွေ ရှိနေခြင်းကို ဆိုလိုတာ ဖြစ်ပါတယ်။ ဥပမာ- ရန်သူကို တိရစ္ဆာန်တွေ၊ ရောဂါဘယဆိုးတွေနဲ့ နှိုင်းယှဉ်တတ်မှု၊ ပဋိပက္ခတွေ ဖြစ်ပွားချိန်မှာ ငါနဲ့မတူ ငါ့ရန်သူလို သဘောထားတတ်မှု၊ သူတပါးကို ခွဲခြားဆက်ဆံတတ်မှု၊ အာဏာအလွဲ သုံးစားပြုတတ်မှု၊ မတရားဖိနှိပ်ခံရခြင်းကို မိမိတို့ အားနည်းချက်ဟု ယူဆပြီး လက်ခံမှု စတာတွေ ဖြစ်ပါတယ်။


အကြမ်းဖက်မှု အမျိုးအစားသုံးမျိုးဟာ ပဋိပက္ခ အေဘီစီသုံးနာညီ တြိဂံပါ အချက်တွေနဲ့ ဆက်နွယ်မှုရှိပါတယ်။ structural violence ကြောင့် ဖြစ်ပေါ်လာတဲ့ အကျိုးဆက်တွေဟာ လက်နက်ကိုင်တော်လှန်ရေးကို ဦးတည်သွားစေတဲ့ အခြေခံအကြောင်းတရားတွေ ဖြစ်လာတတ်ပါတယ်။ တိုက်ရိုက်အကြမ်းဖက်မှုဟာ ပြုမူဆောင်ရွက်မှုတွေကို သက်ရောက်စေနိုင်ပြီး၊ ယဉ်ကျေးမှုဆိုင်ရာ အကြမ်းဖက်မှုက အမြင်သဘောထားတွေကို သက်ရောက်စေတတ်ပါတယ်။ ဒါကြောင့် ပဋိပက္ခတွေကို ဖြေရှင်းတဲ့အခါ၊ ပြုမူဆောင်ရွက်မှုတွေကို ပြောင်းလဲပြီး တိုက်ရိုက်အကြမ်းဖက်မှုကို အဆုံးသတ်ခြင်း၊ structure ဆိုင်ရာ ဖိနှိပ်ချုပ်ခြယ်မှု၊ မတရားမှုတွေကို ဖယ်ရှားပြီး structural violence ကို အဆုံးသတ်ခြင်းနဲ့ အမြင်သဘောထားတွေကို ပြောင်းလဲပြီး ယဉ်ကျေးမှုဆိုင်ရာ အကြမ်းဖက်မှုကို အဆုံးသတ်ခြင်းတွေကို ဘက်စုံထောင့်စုံ ပြုလုပ်ဖို့ လိုပါတယ်။


ငြိမ်းချမ်းရေးဆိုတာ အကြမ်းဖက်မှုရဲ့ ဆန့်ကျင်ဘက်ဖြစ်ပါတယ်။ ဒီသဘောတရားကို လက်ခံပြီး၊ ငြိမ်းချမ်းရေး ဆောင်ကျဉ်းဖို့ ကြိုးပမ်းသူတွေက အကြမ်းမဖက်သော အတွေးအခေါ်၊ အမြင်သဘောထားတွေ ပျံ့နှံ့လာဖို့ ကြိုးပမ်းလုပ်ဆောင်လေ့ရှိကြပါတယ်။ သို့ပေမယ့် ပြုမူဆောင်ရွက်ပုံ (behaviour) တွေကို ပြောင်းလဲဖို့ ကြိုးပမ်းမှုမရှိပဲ၊ အမြင်သဘောထား (attitudes) တွေ ပြောင်းလဲရုံနဲ့ မဖြစ်နိုင်ပါဘူး။ Behaviour change ကို အကြမ်းမဖက်သော အပြုအမူ ဖြစ်လာစေဖို့ ဆိုတာမှာကလဲ လုံခြုံရေးရှိတယ်လို့ ခံစားရမှု (sense of security) ရှိမှ ဖြစ်ပါတယ်။ ညဘက်အပြင်ထွက်ရင် မလုံခြုံနိုင်ဘူးလို့ ခံစားရလို့ လက်နက်ဆောင်သွားတတ်သူများရဲ့ behaviour ကို အကြမ်းမဖက်သော အမြင် သဘောထားတွေ ဖြန့်ဖြူးပေးရုံနဲ့ ပြောင်းလဲလို့ မရနိုင်ပါဘူး။ လက်နက်ဆောင်သွားဖို့ မလိုအပ်တော့တဲ့ sense of security ရှိလာမှသာ လက်နက်နဲ့ အကြမ်းဖက်မှု မလုပ်ဘူးဆိုတဲ့ ပြုမူဆောင်ရွက်ပုံ ပြောင်းလဲခြင်း ရှိလာမှာပါ။


ဒီလိုပါပဲ။ ကျားဆိုးတကောင်ရဲ့ ခြိမ်းချောက်မှုရှိနေတဲ့ ရွာတရွာမှာ တုတ်၊ ဓား လက်နက် ကိုင်ဆောင်ထားခြင်းကိုလဲ အကြမ်းမဖက် အတွေးအခေါ်၊ အမြင်သဘောထားတွေ ဖြန့်ဖြူးပေးပြီး၊ လက်နက်ကိုင်စွဲခြင်း ရပ်တန့်ဖို့ လုပ်လို့မရပါ။ အမြင် သဘောထားနဲ့ ပြုမူဆောင်ရွက်မှုက အကြမ်းမဖက်ခြင်း အသွင်ဆောင် လာသည်ပဲထား၊ ကျားဆိုးအန္တရာယ်ကတော့ ကင်းဝေးမှာ မဟုတ်ပါ။ ကျားသနားမှ နွားချမ်းသာမယ့် ဘ၀ ရောက်သွားကြရုံပဲ ရှိမှာပါ။ အဲဒီအခါမှာ လူတွေကလဲ နွားတွေ မဟုတ်တဲ့အတွက် ကျားဆိုးအန္တရာယ်ကို ခုခံကာကွယ်ဖို့ တုတ်၊ ဓား လက်နက်တွေ ပြန်လည်ကိုင်ဆောင်လာဦးမှာပဲ ဖြစ်ပါတယ်။ ဒါကို ပညာရှင်တွေက အကြမ်းဖက်မှုသံသရာစက်ဝန်း (cycle of violence) လို့ သတ်မှတ်ခေါ်ဆိုကြပါတယ်။ ဒါကြောင့် ကျားဆိုးနဲ့တူတဲ့ အန္တရာယ်ကို ဖယ်ရှားပြီး၊ sense of security ရှိလာချိန်ကျမှသာ အကြမ်းမဖက်သော အမြင်သဘောထားများ ဖြန့်ဖြူးမှု၊ အကြမ်းဖက်သဏ္ဍာန် ပြုမူဆောင်ရွက်တတ်မှုနဲ့ ပဋိပက္ခပြဿနာများကို အကြမ်းမဖက်သော နည်းလမ်းများဖြင့် ဖြေရှင်းနိုင်သော စွမ်းရည်ရှိလာမှုတို့နဲ့ ရေရှည်ခံငြိမ်းချမ်းရေးကို တည်ဆောက်နိုင်မှာ ဖြစ်ပါတယ်။


နိဂုံး


နိဂုံးချုပ်ဆိုရရင် ငြိမ်းချမ်းရေးဆိုတာ အကြမ်းဖက်မှုတွေ လျော့နည်းပြီး၊ လွတ်လပ်မှု၊ တရားမျှတမှု၊ တန်းတူညီမျှမှု၊ သွေးစည်းမှု၊ ရေရှည်ဖွံ့ဖြိုးတိုးတက်မှု၊ တွေ့ဆုံဆွေးနွေးမှုနဲ့ အခြေခံ လူသားလိုအပ်ချက်များကို ဖြည့်ဆည်းနိုင်မှု စတာတွေအပေါ်မှာ အခြေတည်တဲ့ state of harmony ပေါ်ထွက်လာခြင်းပဲ ဖြစ်ပါတယ်။ ဒီအတွက် ပြုမူဆောင်ရွက်မှုတွေကို ပြောင်းလဲပြီး တိုက်ရိုက်အကြမ်းဖက်မှုကို အဆုံးသတ်ခြင်း၊ structure ဆိုင်ရာ ဖိနှိပ်ချုပ်ခြယ်မှု၊ မတရားမှုတွေကို ဖယ်ရှားပြီး structural violence ကို အဆုံးသတ်ခြင်းနဲ့ အမြင်သဘောထားတွေကို ပြောင်းလဲပြီး ယဉ်ကျေးမှုဆိုင်ရာ အကြမ်းဖက်မှုကို အဆုံးသတ်ခြင်းတွေကို ဘက်စုံထောင့်စုံ ပြုလုပ်ဖို့ လိုပါတယ်။ အကြမ်းဖက်မှုတွေ လျော့နည်းဖို့ ဆိုတာ အကြမ်းမဖက်မှု အမြင်သဘောထားတွေ၊ ပြုမူဆောင်ရွက်မှုတွေ ရှိလာရုံနဲ့ မလုံလောက်ပါဘူး။ sense of security ရှိစေမယ့် political and socio-economic structures တွေ ရှိဖို့လိုအပ်ပါတယ်။ structural violence ရှိနေရင် လူသားလုံခြုံရေး (Human Security) ကို ထိခိုက်စေတဲ့အတွက် ရေရှည်ခံ ငြိမ်းချမ်းရေးကို တည်ဆောက်ဖို့ မဖြစ်နိုင်ပါဘူး။ ဒါကြောင့် structural violence ဖြစ်ထွန်းစေတဲ့ နိုင်ငံရေး-လူမှုစီးပွားရေး စနစ်တွေကို ဖယ်ရှားပြီးမှသာ ရေရှည်ခံ ငြိမ်းချမ်းရေးကို တည်ဆောက်နိုင်မှာ ဖြစ်ပါကြောင်း ရေးသားတင်ပြအပ်ပါတယ်။


ခင်မမမျိုး (၂၈၊ ၄၊ ၂၀၁၁)





ရည်ညွန်းကိုးကား။


Brock-Utne B (1997). Linking the micro and macro in peace and development studies. In Turpin J and Kurtz L (eds). The web of violence: from interpersonal to global. Chicago, University of Illinois Press.


Farmer P (2005). Pathologies of power: health, human rights, and the new war on the poor. Berkeley CA, University of California Press.


Galtung J (1996). Peace by peaceful means: peace and conflict, development and civilisation. London, Prio/Sage.


Galtung J (2002). What is peace studies? In Johansen J, Vambheim V (eds). Three papers by Johan Galtung. Tromsø, Centre for Peace Studies, University of Tromsø.


Galtung J (2004). Transcend and transform: an introduction to conflict work. London, Pluto Press.


Keltner J (1997). The management of struggle: elements of dispute resolution through negotiation, mediation and arbitration. Cresskill, NJ, Hampton Press.

WHO (2002). World report on violence and health. Geneva, WHO.Rest of your post

အပြည့်အစုံသတင်းဖတ်ရန်....

အချိန်မကြဘဲ ကြေမွသွားတဲ့ ပန်းတပွင့်

ညဏ်လင်းထက်.......”(ပေးပို့ သူ-ဗမာသွေး)
ရှေ့ကို ထွက်ခဲ့စမ်း ဆိုတဲ့ ဆရာမ စကားသံ အဆုံးမှာ ကျနော်ဟာ မ၀ံ့မရဲ တုန်ရီစွာနဲ့ အတန်းရှေ့ကို ထွက်သွားလိုက်ပါတယ် ။

ပုံနှိပ်စာအုပ်ဖိုး နဲ့ ကျောင်းက အလှူအတွက် နင့်ဆီက ငွေမရလို့ တောင်းတာ ဘယ်နှခါ ရှိပြီးလည်း ။ လူလေး ကြည့်တော့ ငါးတန်းဘဲ ရှိသေးတယ်....

ငါ့ကိုတောင် အာခံချင်တာလား ။



" ကျနော့်တို့အိမ်က အဆင်မပြေသေးလို့ မပေးနိူင်သေးတာပါ ဆရာမ... " ဆိုတဲ့ ဖြေရှင်းချက်ကို သိပ်ကြိုက်ပုံမရတဲ့ ဆရာမက



ဘာပြောတယ် .....ကျောင်းတော့ ထားပြီး စာအုပ်ဖိုးမှ မတတ်နိူင်ရင်လည်း ကျောင်းမထားချင်နဲ့လို့ နင့်မိဘတွေကို ပြောလိုက် ။

ဘယ်လို မိဘတွေလည်း မသိပါဘူး..........ကျောင်းထားပြီး ကျောင်းက တောင်းတဲ့ငွေတော့ မပေးနိူင်ဘူး........ စိတ်ပျက်ဖို့ တကယ်ကောင်းတယ် ။

နင် ဒီနေ့ တနေကုန် မတ်တတ်ရပ်နေရမယ်....ငါက ထိုင်ဆိုမှ ထိုင်..............။ ကဲ .......အားလုံး စာအုပ်ထုတ်.....



ဆရာမရဲ့ စကားသံ အဆုံးမှာ ကျနော့် အတန်းဖော် သူငယ်ချင်းများရဲ့ စူးစိုက်ပြီး ကြည့်နေတဲ့အကြည့်များကို ရင်မဆိုင်ရဲလို့ မျက်နှာကို ခေါင်းငုံ့ထားရင်းက ကျလာတဲ့ မျက်ရည်များကို သုတ်ပစ်ဖို့တောင် အားမရှိတော့ပါဘူး ။ ဖြစ်နိူင်ရင် ကျနော် ဒီနေရာက ဝေးရာကို ထွက်သွားချင်ပါတယ်..........။ ဒီနေ့ ကျောင်းဆင်းချိန်ကလည်း ကြာလိုက်တာနော် တွေးမိရင်းက ဒုက္ခိတ အဖေနဲ့ ဈေးသည်အမေ ရဲ့ မျက်နှာကို ပြန်မြင်ယောင်ကာ ၀မ်းနည်းစွာ သက်ပြင်း ချကာ ကျောင်းဆင်းချိန်ကိုဘဲ စောင့်စားနေလိုက်ပါတော့တယ်...။





ဒီတခါတော့ အမေ့ဆီ က ပိုက်ဆံရအောင် တောင်းမယ်လို့ စိတ်ကူးနဲ့ ပြန်လာရင်း အိမ်အရောက်မှာ အဖေနဲ့ အမေရဲ့ အသံတိုးတိုးနဲ့ တိုင်ပင်သံကို ကြားမိပါတယ် ။



ရှင် ဒီအတိုင်းဆက်သွားရင်တော့ သိပ်မခံလောက်တော့ဘူး ထင်တယ်နော်......... ဆေးခန်းကို သွားပြပါလား ကိုမြင့်ရယ်.။

မင်းလည်း ငွေရှိတာမှ မဟုတ်ဘဲ မပြချင်ပါဘူး မိန်းမရယ်..........ငွေမပါတဲ့ လူနာကို ဒေါသထွက်နေတဲ့ ကြည့်နေတဲ့ ဆရာဝန်ကို ရင်ဆိုင်ရတာထက် ငါ့ဟာငါဘဲ အသေခံလိုက်ပါတော့မယ်. ကွာ... ဆိုတဲ့ အဖေ့ပြောစကားအဆုံးမှာ အမေဟာ ကျနော်တို့ အိမ်ရဲ့ တခုတည်းသော ပစ္စည်းထိန်းသိမ်းရာ နေရာ သေတ္တာစုတ်လေးကို ဆွဲဖွင့်ကာ သူမတန် မြတ်နိူးတဲ့ ဆွဲကြိုးလေးကို အဖေ့အတွက် အသက်ဆက်နိူင်အောင် ဆေးကုပါရစေလို့ ကြိမ်ကြိမ်တောင်းပန်နေပါတယ် ။



သားသမီးတွေ ပညာရေး အတွက် သိမ်းထားလိုက်ပါ မိန်းမရယ်..........ငါသားလေးလည်း အရွယ်ရောက်နေပြီ ။ သမီးလေးက လည်း ကျောင်းစနေပြီ ဆိုတော့ သူတို့အတွက် အရေးပေါ်ရင် သုံးဖို့ သိမ်းထားလိုက်ပါနော် ။



မိဘ နှစ်ပါးရဲ့ အပြန်အလှန် ပြောဆိုမှုတွေကြောင့် ကျနော့်စိတ်ထဲမှာ ၀မ်းနည်းလွန်းလို့ ငိုချင်ပေမယ့် ကျစရာ မျက်ရည်ခမ်းခြောက်ခဲ့ရပါပြီ ။



ငွေမပါရင် ကျောင်းမလာနဲ့ ဆိုတဲ့ ဆရာမရဲ့ စကားသံကို ပြန်ကြားမိတိုင်း သောကပွားနေရတဲ့ ကျနော့်ရဲ့ ခံစားချက်ကို မိဘနှစ်ပါးကို ဘယ်လိုနည်းနဲ့မျှ ရင်မဖွင့်ပြလိုတော့ပါဘူး ။



ခြေဦးတည့်ရာ လျှောက်သွားနေရင်း ကျနာ့်အရွယ်ကလေးငယ်တွေ တုတ်လေးတွေ ကိုယ်စီနဲ့ အိတ်တလုံးကို ကိုယ်စီထမ်းကာ အမှိုက်ပုံမှာ ထိုးဆွနေတဲ့ မြင်ကွင်းလေးက တွေ့မြင်နေကြဖြစ်ပေမယ့် တခါမှ မစူးစမ်းမိခဲ့ပါဘူး ။ သိလိုဇောနဲ့ သူတို့ အနား အသာချည်းကပ်ကာ .. မင်းတို့ ဘာလုပ်နေကြတာလည်းကွ.. ဆိုတော့ ကျနော့်ထက် ငယ်ပေမယ့် သွက်လက် ချက်ချာတဲ့ ကောင်လေးက



“ အမှိုက်ကောက်နေတာလေ “ ကွာ မင်းကလည်း ဒါများ အထူးအဆန်းမှတ်လို့ ။ ဒီက အမှိုက်ရောက် ရလာတဲ့ စက္ကူ ၊ ပလတ်စတစ် ၊ ဒန်အိုး ၊ ဒန်ခွက်တွေကို ဆိုင်မှာ သွားရောင်းရင် ပိုက်ဆံရတာပေါ့ …။



ပိုက်ဆံ ဆိုတဲ့ စကားလုံးက ကျနော့်ကို များစွာ ဆွဲဆောင်ထားလိုက် သလို ခံစားရလို့.



“ ငါလည်း အဲဒီလို လုပ်လို့ ရလားကွ. “



ရတာပေါ့ကွ ဟု ပြောလျှက် သူကိုင်ထားတဲ့ ဒုတ်လေးနဲ့ လွယ်ထားတဲ့ ပလတ်စတစ်လေးကို ညွှန်ပြကာ ဒီနှစ်ခု ရှိရင် မင်း အလုပ်လုပ်လို့ရပြီတဲ့ ..။



ဒါဆို ငါ မနက်ဖြန် မင်းတို့ဆီ လာခဲ့မယ်ကွာ..



နောက်တနေ့ မနက် အိမ်ကနေ ပုံမှန် အတိုင်း လွယ်အိတ်လွယ်ပြီး ကျောင်းသွားသလို ပုံစံမျိုးနဲ့ ထွက်လာခဲ့ပြီး လွယ်အိတ်ကို စိတ်ချရတဲ့ နေရာမှ ထားခဲ့ပြီး ကျနော့် သူငယ်ချင်းတွေ နဲ့ချိန်းထားရာ နေရာကို သွားခဲ့ပါတယ် ။ သူတို့ အသင့်ပြင်ပေးထားတဲ့ သံချွန်တပ် ဒုတ်လေး တချောင်းနဲ့ မြွေရေခွံအိတ်ကို လွယ်ကာ အမှိုက်ပုံများ ရှိရာနေရာ ၊ လမ်းကြိုလမ်းကြားမှန်သမျှ

လှည့်လည်သွားပြီး ငွေရဖို့ ကြိုးစားခဲ့ပါတယ် ။



အစပထမကတော့ အထာသိပ်မနပ်တော့ ဘယ်လို လုပ်ရမယ် ဆိုတာ မသိပေမယ့်

ရက် အနည်းငယ် ကြာလာတော့ သဘောပေါက်လာတယ် ။ ဘယ်နေရာ အမှိုက်ပုံက

ပစ္စည်းရဖို့ လွယ် ၊ ဘယ်အချိန်ဆို ဘယ်အိမ်က အမှိုက် လွှင့်ပစ်တယ် ဆိုတာ သဘောပေါက်လာတယ်။ ဒီလိုနဲ့ တစ်လလောက် လုပ်လိုက်တော့ ဆရာမကို ပေးဖို့

ငွေလေး စုဆောင်းမိလာတဲ့ အပြင် အဖေ့ အတွက် လိုအပ်တဲ့ ဆေးလေးတွေ ၀ယ်ပေးနိူင်ခဲ့ယုံသာ မကဘူး ညီမလေး သိပ်ကြိုက် တဲ့ ရေခဲမုန့်လေးကို နေ့စဉ် ၀ယ်ကျွေးနိူင်ပါတယ် လို့ ကျောင်းဘက်ကို ခြေဦး ပြန်လှည့်ခဲ့ပါတယ် ။



ငွေကြေးချမ်းသာတဲ့ မိသားစုက ပေါက်ဖွားလာတဲ့ အတန်းဖော် သူငယ်ချင်းများကို သား ၊ သမီး ဆိုပြီး ခေါ်ဆိုတတ်တဲ့ ဆရာမဟာ ကျနော့်ကိုတော့ နင်ဆိုတဲ့ အသုံးအနှုန်းက လွဲပြီး ပြောင်းလဲသုံးဖို့ စိတ်ကူး မရှိဘူးလား မသိပါဘူး ။ သူသင်တဲ့ ကျူရှင် မတတ်နိူင်တဲ့ ကျောင်းသားတွေ ဆို အမြဲလိုလို ဒေါသထွက်နေတတ်တဲ့ ဆရာမကို ရင်ဆိုင်နေရတာ

သိပ်ကို ၀မ်းနည်းစရာ ကောင်းလွန်းလှပါတယ် ။



ကျောင်းက ပြန်လာတာနဲ့ လွယ်အိတ်ကို အသာချပြီး အမှိုက်ပုံကို ပြေးသွားရတဲ့ ဘ၀တွေက

လွတ်မြောက်ချင်လှပြီ ။ ကျောင်းက အပြန်ဆော့ကစားနေတဲ့ သူငယ်ချင်းတွေကို မြင်တိုင်း

သူတို့လို ကစားချင်ပေမယ့် အိမ်က ဆန်အိတ်ထဲမှာ မနက်စာဘဲ ကျန်တော့တာကို သိထားတဲ့

ကျနော် အတွက် ကစားမက်လို့ မဖြစ်ပါဘူး ဆိုပြီး ဆုံးဖြတ်ချက်ချကာ အရပ်တကာလည်ပြီး

အမှိုက်ကောက်ခဲ့ရတဲ့ ရက်တွေ တဖြည်းဖြည်း ပိုမို များပြားလာပါတယ် ။



တနေ့တနေ့ လမ်းကြိုလမ်းကြားထဲ ၀င်ပြီး အမှိုက်ကောက်နေတဲ့ ကျနော့်ကို သနားစရာ အကြည့်နဲ့ ကြည့်သူတွေထက် မယုံသကာင်္စိတ်နဲ့ ကြည့်ကြတဲ့ လူတွေရဲ့ မျက်ဝန်းမှာ မနှစ်မြို့ခြင်းတွေ ပါနေတတ်တယ် ။ အထူးသဖြင့် တိုက်ကြို တိုက်ကြား ၀င်ကောက်တဲ့အချိန်တွေဆို အော်ဟစ်မောင်းထုတ်တာကို ခံရပါများလာတော့ ဒီဘ၀ကို တကယ် စိတ်နာလာပါပေမယ့်

ကျနော့် ငွေရမှ အဖေ့အတွက်ဆေးဖိုး ၊ ညီမလေး သိပ်ကြိုက်တတ်တဲ့ မုန့်လေးတွေ ၀ယ်ပေးနိူင်မှာ ဆိုတော့မလုပ်ချင်လည်း လုပ်နေရအုံးမှာပါဘဲ ။



ညနေဘက် ကျနော် ပြန်လာရင် ထွက်ကြိုတဲ့ ညီမလေးကို မုန့်လေးပေး ၊ အဖေ့အတွက် အာဟာရပြည့်စေမယ့် အစားအစာ တခုခုပေးရတဲ့ အချိန်ဟာ ကျနော့်ဘ၀ အတွက် အပျော်မြူးရဆုံးအချိန်ပါဘဲ ။ ကိုယ်တိုင်က ငွေမရှာနိူင်လို့ သားဝယ်လာတာလေးကို

စားနေရတဲ့ ကျနော့်အဖေ့မျက်လုံးမှာ အမြဲလိုလို မျက်ရည်တွေစို့နေတာကို သတိထားမိတယ် ။



အဖေ့အတွက် ဆေးကုပေးဖို့ အမေ ကိုပြောတော့



“ ငါ့သားရယ် ….ဆေးကုဖို့က ငွေမနည်းဘူး ကုန်မှာ .. အမေ့မှာလည်း စားဖို့တောင် အနိူင်နိူင်ဆိုတာ သားလည်း သိသားဘဲ “

ဆိုပြီး ၀မ်းနည်းနေတဲ့ အမေ ၊ ဝေဒနာကို ကြိတ်မှိတ်ခံစားနေရတဲ့ အဖေ ၊ မိဘနှစ်ပါးကို ကြည့်ကာ မျက်ရည်ကျနေတဲ့ ကျနော်တို့ ညီမလေး အတွက် ကျနော် ကျောင်းထွက်လိုက်တော့မယ်လို့ ဆုံးဖြတ်လိုက်ခဲ့တယ် ။



ရက်ကွက်ထဲက သူငယ်ချင်း တချို့ ညဘက် ပန်းကောက်ပြီး မနက်အစောကြီး ဈေးမှာသွားသွင်း ၊ တခါတလေ ကားဂိတ်တွေမှာ ရောင်းတာ အဆင်ပြေတယ်ဆိုလို့ ကျနော် သူတို့ နဲ့ အတူလိုက်ပြီး ၀မ်းရေး အတွက် ဖြေရှင်းခဲ့ရတယ် ။ နေ့လည် အချိန်အားရင် အမှိုက်ပုံဘက် ပြေးသွားပြီး ငွေရှာပါမှ ထမင်း နပ်မှန်ဖို့ သာ မကဘူး အဖေနဲ့ ညီမလေး အတွက် လိုအပ်တာလေးတွေ ဖြည့်စည်းပေးနိူင်မှာ ။



အလုပ်နှစ်ခုလုပ်တော့ ငွေပိုလေး နည်းနည်းရလာလို့ ရပ်ကွက်ထဲက ဆရာဝန်နဲ့ အဖေ့ကို ပြနိူင်ခဲ့တယ် ။ သူညွှန်ပြတဲ့ ဆေးကို အဖေ ပုံမှန်စားနိူင်အောင်ကျနော် ပိုပြီး ကြိုးစားရအုံးမယ်..။



ဘာလိုလိုနဲ့ သင်္ကြန်နားတောင် နီးလာပြီ ဘဲ.



လူတော်တော်များများ ပျော်ရွှင်ကြတဲ့ သင်္ကြန်ပွဲ ကျနော်လည်း ပျော်ချင်တာပေါ့ဗျာ..။

သင်္ကြန်အတွက် ဘာအစီအစဉ်ရှိလည်း သူငယ်ချင်းတွေနဲ့တိုင်ပင်တော့



သူငယ်ချင်း တစ်ယောက်က



“ သင်္ကြန်ဆိုတာ ငါတို့အတွက် ဂွင်ဘဲကွ…။ အဲဒီနေ့မှာ ငါတို့ ကြိုးစားလိုက်ရင် မြိုးမြိုးမျက်မျက်လေး

ရနိူင်တယ်တဲ့ ။ ဘာလုပ်ရမှာလည်း ဆိုတော့ အရက်လည်း ရောင်းမယ် ရေသန့်ဘူးတွေ ၊ အချိုရည်ဘူးတွေလည်း ကောက်လို့ ရတယ်”



ဆိုလို့ ကျနော် အရမ်း စိတ်ဝင်စားသွားတယ် ။



မြန်မာရိုးရာ အတာသင်္ကြန်ပွဲကြီး စတင်ကျင်းပတဲ့ နေ့က စပြီး ကားဂိတ်လေးမှာ ရေပုံးလေးတွေ ကိုယ်စီကိုင်ပြီး အရက်ဆိုင်လေးတွေ ကိုယ်ပိုင်ဖွင့်ခဲ့ကြတယ် ။ ဆိုင်လို့သာ ပြောတာပါဗျာ. ထိုင်ခုံတလုံးပေါ်မှာ ရေပုံးတလုံး ၊ အရက်တပုံးနဲ့ ရေသန့်ဘူး အဟောင်းလေးတွေ ဘဲ ရှိတာပါ ။ အရက် တဗူးကို တစ်ထောင်နဲ့ အော်ဟစ်လို့ ရောင်းခဲ့ရတာ ပျော်စရာ မကောင်းပေမယ့်

ဝင်ငွေ ကောင်းကောင်းရလို့ အဖေ့အတွက် ဆေးကုပေးနိူင်မယ် ဆိုပြီး စိတ်ကူးနဲ့ ကြည်နူးခဲ့ရပါတယ် ။ သူငယ်ချင်း တစ်ယောက်က ဆိုင်ထိုင်ရင် နောက်တစ်ယောက်က ကားပေါ်က ပစ်ချလိုက်တဲ့ ရေသန့်ဗူးနဲ့ အချိုရည်ဗူးလေးကို လိုက်စုရတယ် ။

ကောက်တဲ့ လူကများတော့ နည်းနည်းတော့ စွန့်စားရတယ်ဗျာ…။



သင်္ကြန်အတက်နေ့ ဆိုတော့ လူတွေကို ပိုပျော်နေကြလို့လား မသိဘူး ရောင်းလို့ကလည်း ကောင်းပဗျာ..။ နောက်ဆုံးနေ့ ဆိုတော့ သူတို့ အားခဲပြီး ဖြုန်းပြနေလို့ သူတို့ ပစ်ချသမျှ လိုက်ကောက်ရတာတောင် နည်းနည်းမောလာသလိုပါဘဲ ။ ဒီနေ့တော့ နေ့တွက် တော်တော်ကိုက်နေပြီ ဆိုတာသိပေမယ့် ဆက်စောင့်ပြီး ကောက်လို့ များများရရင် မနက်ဖြန် မနက် အမေ ဘုန်းကြီးကျောင်းသွား ရင် မောင်နှမ နှစ်ယောက်လုံးလိုက်မယ်လို့ စဉ်းစားထားတယ် ။



ကားတစီးပေါ်က ပစ်ချလိုက်တာ အချိုရည်ဗူးခွံတွေဗျာ.. အများကြီးဘဲ ကားလမ်းလယ်မှာ သွားကောက်ရင် အန္တာရယ်များမှန်း သိပေမယ့် သူတပါး မဦးခင် အမြန်ဦးအောင် ကားလယ် အလယ်ကို ပြေးအသွားမှာ အရှိန်ပြင်းစွာ မောင်နှင်းလာတဲ့ ကား တစီးကြောင့်……. လေထဲကို မြောက်သွားပြီး ပြန်အကျမှာ သူ့ခန္ဓာက ဖြာဆင်းလာတဲ့ သွေးစက်တွေက မြင်ရက် စရာ အောင် ကျဆင်းပေမယ် ကျနော် အိမ်ပြန်ဖို့ အားခဲထားဆဲပါဘဲ ။



သူ့ကိုယ့်သူ မသယ်နိူင်တဲ့ ခန္ဓာကိုယ်ကို အတင်းကြိုးစားပြီး ရုန်းထနေပုံလေးက မြင်ရသူ အပေါင်း ရဲ နှလုံးသားကို ကွဲကြေပျက်သလို ခံစားလိုက်ရလို့ လူအများက ဆေးရုံပို့ဖို့ ကြိုးစားပေမယ့် “ အဖေနဲ့ ညီမလေး စောင့်နေလို့ အိမ်ကိုသာ ပြန်ပို့ပေးကြပါ “ ဆိုတဲ့ စကားကို သနားစဖွယ် အမူအရာနဲ့ နောက် ဆုံး စကား အဖြစ် ကြိုးစားပြောပြီး အချိန်မကြသေးဘဲ ဘ၀တပါးကို သနားဖွယ်ရာ ကူးပြောင်းသွားရှာပါပြီ.။



မိဘက ဆင်းရဲ နွမ်းပါးလို့ ကျောင်းနေချိန်မှာ ပညာမသင်ရဘဲ အနာဂတ်တွေ ပျောက်ဆုံးကာ စာသင်ခန်းကို ကျောခိုင်းပြီး ၀မ်းရေး အတွက် အခုလို ကြိုးစားရှာဖွေနေတဲ့ ကလေးငယ်တွေ သိပ်ကို များလာတာကို ၀မ်းနည်းဖွယ်ရာ တွေ့ရှိရလို့

မိတ်ဆွေများကို သတိပေးတဲ့ အနေနဲ့ လေးစားစွာ တင်ပြပေးလိုက်ပါတယ် ။



အကယ်၍များ မိတ်ဆွေတို့မှာ ကိုယ်ချင်းစာတရားနဲ့ မျှဝေခံစားလိုကြကာ မိမိတို့ တတ်နိူင်သလောက်လေး ပါဝင်ကူညီဆောင်ရွက်ပေးကြရင် အနာဂတ် မြန်မာနိူင်ငံမှာ အခုလို ကလေးငယ်တွေ တဖြည်းဖြည်း နည်းပါးသွားနိူင်တယ် ဆိုတဲ့ ခံယူချက်လေးထားပြီး သူတို့ဘ၀ အတွက် တစ်ချက်လောက် စဉ်းစားပေးကြပါလားလို့ သူတို့ကိုယ်စား ကျနော်ကဘဲ တောင်းပန်စကား အရင်ပြောကြားချင်ပါတယ် ။



အုပ်ချုပ်သူ နေရာကို ယူထားပြီး တိုင်းပြည်ဘဏ္ဍာကို စီမံခန့်ခွဲနေကြသူများက လှစ်လှူရှုထားလို့ ဒုက္ခမျိုးစုံ ခံစားနေရတဲ့ လူအများကို ပြည်သူလူထုကဘဲ ကိုယ်ထူကိုယ်ထ စနစ်ကို ကျင့်သုံးပြီး နိူင်ငံရာ တာဝန် ထမ်းကြကာ ၀ိုင်းဝန်းကူညီဆောင်ရွက်ပေးမှာ သာ အနာဂတ်ကမ္ဘာမှာ လူငယ်မျိုးဆက်သစ်တွေ အခုလို ဒုက္ခတွေ ကြုံတွေ့ရတဲ့ ဘ၀က လွတ်မြောက်လာမှာ အမှန် ပါဘဲ ဆိုတာကို ယုံကြည်စွာနဲ့ လက်ခံထားပြီး တတ်နိူင်သလောက်လေး ကြိုးစားဆောင်ရွက်ပေးကြပါလို့ လေးစားစွာ မေတ္တာရပ်ခံ တင်ပြလိုက်ရပါတယ်ခင်ဗျာ ။



ကိုယ်ပိုင် အိမ်မှာ နေခွင့်မရလို့ သူတပါး အိမ်မှာ ခတ္တ ဧည့်သည် အဖြစ်နေကြရကာ စီးပွားရှာနေရတဲက ပြည်ပရောက် ညီအစ်ကို မောင်နှမများ အနေဖြင့်လည်း အချိန်တန်လို့ အိမ်ပြန်ရရင် သာယာလှပတဲ့ ကိုယ်ပိုင်အိမ်လေးမှာ ပြန်နေနိူင်အောင် ၀ိုင်းဝန်း ကြိုးစားပေးစေလိုပါတယ် ။ သူတပါးအိမ်မှာ ဧည့်သည် ဘ၀နဲ့ ထာဝရနေထိုင်သွားမယ့် အစား ပျက်စီးနေတဲ့ ကျနော်တို့ ကိုယ်ပိုင်အိမ်လေးကို နေထိုင်ချင်စဖွယ် ဖြစ်အောင် တည်ဆောက်သွားဖို့ အတွက် ၀ိုင်းဝန်းကြိုးစားပေးကြပါလို့ အနူးအညွတ်မေတ္တာရပ်ခံလိုပါတယ်ခင်ဗျာ။


http://www.facebook.com/note.php?note_id=212221528795502



ခင်မင်လေးစားလျှက်



ဗမာ့သွေး





ဒီစာစု လေးကို ဖတ်ပြီးသွားရင် မိတ်ဆွေတို့ ခံစားရသမျှကို ပြောပြချင်တယ် ဆိုရင် ဒီလင့်လေးကို နှိပ်ပြီး ပြောကြားနိူင်ပါတယ် ။


Rest of your post

အပြည့်အစုံသတင်းဖတ်ရန်....

Blinker Hacker Group မှ နအဖ အား DDos ဖြင့် တိုက်ခိုက် နေမှုများ ခေတ္တ ရပ်တန့်ထား

Blinker Hacker Group မှ နအဖ အား DDos ဖြင့် တိုက်ခိုက် နေမှုများကို ယနေ့ နံနက်ပိုင်းမှ စတင်ပြီး ရပ်တန့် ထားလိုက်ကြောင်း သတင်း ရရှိပါသည်။ Blinker Hacker အဖွဲ့မှ ထိုသို့ ရပ်တန့် လိုက်ခြင်းမှာ အများ ပြည်သူ သုံးစွဲနေသော ကွန်ရက်ကို ထိခိုက် နေပါသည်ဟု နအဖမှ ပြောကြားချက်နှင့် ပက်သက်ပြီး အမှန် တကယ် ထိခိုက်မှု ရှိ မရှိကို အများ ပြည်သူများ သိရှိ စေရန် ဖြစ်ပြီး ၊ ထိုသို့ ရပ်တန့် ထားချိန်တွင် အများ ပြည်သူ သုံးစွဲနေသော အင်တာနက် လိုင်းများ ပြန်လည် ကောင်းမွန် လာခြင်း ရှိမရှိကို စောင့်ကြည့် နေမည် ဖြစ်ပါသည်။

အများ ပြည်သူများ အနေဖြင့် အင်တာနက်လိုင်းများ ကောင်းမွန် တိုးတက် လာခြင်း ရှိမရှိကို သုံးသပ် ပြီး blinkhackergroup@gmail.com သို့ တိုက်ရိုက် သတင်း ပေးပို့ ဆက်သွယ် နိုင်ကြောင်း blinker hacker group မှ ယနေ့မှ စတင်ပြီး တစ်လခန့် စောင့်ကြည့် နေမည် ဖြစ်ပြီး တိုးတက် ကောင်းမွန် လာခြင်း မရှိပါက နအဖ ၀န်ကြီး ဌာနလိုင်းများ စစ်တပ် အသုံးပြု နေသော ကွန်ရက်များကို ယခုထက် ပိုမို မြှင့်တင်ပြီး တိုက်ခိုက် သွားမည်ဟု ပြောကြား ပါသည်။ မြန်မာ ပြည်တွင်း အင်တာနက် လိုင်းများ အသုံးပြုနေပုံမှာ China, Thai , India တို့အား border gateway ဖြင့် ချိတ်ဆက် ထားရှိပြီး se me we 3 ရေအောက် ဆက်ကြောင်း ဖြင့်လဲ ဆက်သွယ် ထားရှိပါသည်။ အများ ပြည်သူတို့ သုံးစွဲနေသော လိုင်းများကို se me we 3 ဖြင့်သာ ချိတ်ဆက် ထားရှိပေးပြီး Inland gateway များကို စစ်တပ်နှင့် ၀န်ကြီး ဌာန များမှသာ ရယူ သုံးစွဲနေခြင်း ဖြစ်သဖြင့် အဖွဲ့ အနေဖြင့် အများ ပြည်သူ သုံးစွဲနေသော လိုင်းများအား မထိခိုက်စေပဲ တိုက်ခိုက် နေခဲ့ကြောင်း ထိုသို့ တိုက်ခိုက် နေခြင်းကြောင့် အများ ပြည်သူ သုံးစွဲမှု ထိခိုက်ခြင်း မရှိပဲ နအဖ အင်တာနက် စာမျက်နှာများ ၀န်ကြီး ဌာနများ စစ်တပ် ကွန်ရက်များ ကို ထိရောက်စွာ တိုက်ခိုက် နိုင်ခဲ့ကြောင်း ပြောဆိုသွားပါသည်။

အများ ပြည်သူများ အနေဖြင့် နအဖ မှ ပြည်ပ တိုက်ခိုက်မှုကြောင့် အင်တာနက် လိုင်းများ နှေးကွေး နေသည် ဆိုသည့် သတင်း ဖြန့်ချီချက်အား နားမယောင်ကြပါရန်နှင့် ယခု တိုက်ခိုက်မှု တစ်လခန့် ရပ်နား လိုက်ချိန်တွင် အမှန်တကယ် တိုက်ခိုက်မှုကြောင့် နှေးကွေးခြင်း သို့မဟုတ် နအဖ မှ အများပြည်သူများ အား အင်တာနက် အသုံးပြုမှု သတင်းအချက်အလက် စီးဆင်းမှု အဝေးရောက် မိသားစုများ online တွေ့ဆုံမှု စသည့် လူမှု အခွင့်အရေး များကို ပိတ်ပင် တားဆီး ချင်သော စေတနာဆိုး လား ဆိုသည်မှာ အများ ပြည်သူများ လက်တွေ့ သိရှိ လာမည် ဖြစ်ကြောင်း ပြောကြား ပါသည်။

မြန်မာ နိုင်ငံသည် ကမ္ဘာတွင် ဒုတိယ အဆိုးဝါးဆုံး အင်တာနက် ပိတ်ပင်မှု နိုင်ငံ အဆင့်သို့ ရောက်ရှိ နေပြီ ဖြစ်ပြီး အများ ပြည်သူ သုံးစွဲနေသော အီးမေးလ် နှင့် ကိုယ်ရေး ကိုယ်တာ အချက်အလက် များကို ကြားဖြတ် စောင့်ကြည့် ရယူနေမှုများလဲ ပြုလုပ်လျက် ရှိပါသည်။ အများ ပြည်သူများ ယခု သတင်းကို ဆက်လက် ဖြန့်ဝေ ပေးပါရန်နှင့် မိမိတို့ ဒေသတွင်း အင်တာနက်လိုင်းများ ကျဆင်းမှု များကို အီးမေးလ်ပေးပို့ ရန် မေတ္တာ ရပ်ခံပါသည်။

ဆက်သွယ်ရန် blinkhackergroup@gmail.com (not for chatting)
http://www.blinkhackergroup.net သို့ ၀င်ရောက် ကြည့်ရှု နိုင်ပါသည်။

အပြည့်အစုံသတင်းဖတ်ရန်....

Thursday, April 28, 2011

တွေးချင်သလိုသာတွေး လိုက်ပေတော့

အပြည့်အစုံသတင်းဖတ်ရန်....

ခွဲတမ်း စနစ်ကြောင့် စက်သုံးဆီ ဈေးမြင့် တက်ရာ တစ်ဂါလံ တစ်သောင်း အထိ ဖြစ်နိုင်

April 27, 2011, FNG(ပေးပို့ သူ -ဗမာသွေး)
ပုဂ္ဂလိက ဓာတ်ဆီဆိုင်များ တွင် ခွဲတမ်း စနစ်ဖြင့် ရောင်းချပေး သည့် စနစ် ကြောင့် ဒီဇယ်၊ဓာတ်ဆီ စသည့် စက်သုံးဆီ ဈေး များ ပြန်လည် မြင့် တက် သွား ပြီး ဒီဇယ်ဆီ တစ်ဂါလံ လျှင် ကျပ်
၇၀၀၀ ခန့် ထိ ပေါက်ဈေး ရှိ ပြီး နယ်မြို့ အချို့ တွင် ဓာတ်ဆီ တစ်ဂါလံ မှာ ကျပ် ၆၀၀၀ ခန့်  ဈေး ပေါက်သည်။

ဓာတ်ဆီဆိုင်များ တွင် မော်တော် ကား တစ်စီး အတွက် ၂ ဂါလံသာ ရောင်းချပေးမှု ကြောင့် ဓာတ်ဆီ မှောင်ခိုရောင်း သည့် ဈေးကွက် တွင် ဈေးပြန်လည် တက်ခဲ့ခြင်း ဖြစ်ပြီး သင်္ကြန်
ကာလ အတွင်း က ရောင်း ချသည့် ဈေးနှုန်းထက် ကျပ် ၅၀၀ ခန့် ပိုမို မြင့်မား သည်။

နွေရာသီဉ် ရာသီဥတု ပူပြင်းသောကြောင့် လေအေးပေးစက်များ ဖွင့် ရန် အတွက် လိုအပ်သည့် လျှပ်စစ်မီး ပုံမှန် မလာ သောကြောင့် မီးစက် ဖြင့် လျှပ် စစ်ဓာတ်အား ရယူရသများ မှာ ဒီဇယ်ဆီ ကို အဓိက ထား သုံး ရသဖြင့် ဒီဇယ်ဆီ ဈေးမှာ အမြင့် ဆုံး သို့ ရောက် ရှိနေခြင်းဖြစ်သည်။

ဓာတ်ဆီဈေး မြင့်တက် မှု ကြောင့် အငှားယာဉ် နှင့် ခရီးသည် ကား ပြေးဆွဲ သူများ မှာ လည်းတွက်ခြေမကိုက် ဖြစ်နေ ပြီး CNG ဓာတ်ငွေ့ ထည့်သွင်း ပြေးဆွဲရသည့် မော်တော်ကား များ မှာ လည် CNG ဆိုင်များ တွင် နေ့ တစ်ဝက် နီးပါး တန်းစီ ရသည် ဟု သိရသည်။

ဂါလံ ငါးဆယ် ၀င် ဒီဇယ် တစ်ပေပါလျှင် ကျပ် နှစ် သိန်း ကျော် ဈေး ပေါက်သည်။ ယခုနှစ် ဆန်းပိုင်းက တစ်ပီပါ လျှင် ကျပ် တစ်သိန်း ခြောက် သောင်း ကျော်သာ ပေါက် ဈေး ရှိပြီး နိုင်ငံ တကာရေနံစိမ်း ဈေးနှုန်း မြင့် တက်မှု နှင့် အတူ ပြန်လည် မြင့်တက်ခဲ့သည်။

ပုဂ္ဂလိက ဓာတ်ဆီ ဆိုင်များဖွင့်လှစ် ပြီး ပါက မှောင်ခို ဓာတ်ဆီ ဈေးကွက် ပျောက် ကွယ် သွား မည် ဟု အာဏာပိုင်များ က သုံးသပ် ခဲ့သော် လည်း ခွဲတမ်း စနစ် ကို အတည်ပြုပြီး နောက် ပြန်လည် ကျယ်ပြန် လာခဲ့သည်။

ရန်ကုန် မြို့ မှ ပုဂ္ဂလိက ဓာတ်ဆီ ဆိုင် မန် နေဂျာ တစ်ဦးက စက်သုံး ဆီ များ ပြန်လည် မြင့် တက် နိုင်ပြီး နိုင်ငံ တကာ ပေါက်ဈေး ကျဆင်း မှု မရှိ လျှင် တစ်ဂါလံ တစ်သောင်း အထိ ဖြစ် နိုင် ဟု ပြောသည်။


Rest of your post

အပြည့်အစုံသတင်းဖတ်ရန်....

အာဖဂန်ပိုင်းလော့ လက်ချက် NATO တပ်ဖွဲ့ဝင် ၈ ဦးသေ

By ဗွီအိုအေ (မြန်မာဌာန) ဗုဒ္ဓဟူး, 27 ဧပြီ 2011(ပေးပို့ သူ -ဗမာသွေး)
အာဖဂန်နစ္စတန်နိုင်ငံမှာ အာဖဂန် စစ်လေယာဉ်မှူးတဦးက ကဘူးလ် (Kabul) မြို့တော်မှာ နိုင်ငံခြား တပ်ဖွဲ့တွေကို ပစ်ခတ်လို့ ညွန့်ပေါင်းတပ်ဖွဲ့ဝင် ၈ ဦးနဲ့ အငှားတပ်ဖွဲ့ဝင် ၁ ဦး သေဆုံးသွားတယ်လို့ အရာရှိတွေက ပြောပါတယ်။ ဒါဟာ အာဖဂန်စစ်ပွဲ စတင်တဲ့ ၂၀၀၁ ခုနှစ်နောက်ပိုင်း ကြုံရတဲ့ ဒီလို တိုက်ခိုက်မှုတွေထဲမှာ အပြင်းထန်ဆုံး ဖြစ်ပါတယ်။

ကဘူးလ်မြို့တော်မှာရှိတဲ့ အာဖဂန် လေတပ်စခန်းမှာ ဗုဒ္ဓဟူးနေ့က စကားအချေအတင် ဖြစ်ကြပြီး ဝါရင့် လေယာဉ်မှူးတဦးက ပစ်ခတ်ပြီး ညွန့်ပေါင်းတပ်ဖွဲ့ဝင်တွေ သေဆုံးသွားရတာ ဖြစ်ပါတယ်။ အဲဒီလေယာဉ်မှူးလည်း ပစ်ခတ်မှုအတွင်း သေဆုံးသွားပါတယ်။ သူဟာ စစ်ဝတ်စုံ ဝတ်ထားတဲ့ စစ်သွေးကြွဖြစ်တယ် ဆိုတဲ့ တာလီဘန်တို့ရဲ့ အပြောကို ကာကွယ်ရေး ဝန်ကြီးဌာန အရာရှိတွေက လက်မခံပါဘူး။

သေဆုံးသွားတဲ့ တပ်ဖွဲ့ဝင်တွေ ဘယ်နိုင်ငံကဖြစ်တယ် ဆိုတာကို နေတိုး (NATO) က ထုတ်မပြာသေးပါဘူး။

ညွန့်ပေါင်းတပ်ဖွဲ့တွေကို တိုက်ခိုက်မှုတွေ အတော်များများ ရှိခဲ့ပြီး အာဖဂန်စစ်တပ် ဒါမှမဟုတ် အာဖဂန် စစ်ဝတ်စုံ ဝတ်ဆင်သူ တယောက်ယောက်က တိုက်ခိုက်တာတွေ ဖြစ်ပါတယ်။

ဒီလ အစောပိုင်းတုန်းကပဲ ဖာယပ်ဘ် (Faryab) ပြည်နယ်မှာ အာဖဂန် နယ်ခြားစောင့် တပ်ဖွဲ့ဝင် တဦးက အမေရိကန်စစ်သား ၂ ဦးကို ပစ်ခတ်ခဲ့ပါတယ်။

ဖေဖော်ဝါရီလတုန်းကတော့ ဘာ့(ဂ်)လန် (Baghlan) ပြည်နယ်မှာ အာဖဂန် စစ်ယူနီဖောင်း ဝတ်ဆင်ထားသူ တဦးက ဂျာမန်စစ်သား ၃ ဦးကို ပစ်ခတ်ခဲ့ပြီး တခြား ၆ ဦးလည်း သူ့ကြောင့် ဒဏ်ရာရသွားရပါတယ်။

မနှစ် နိုဝင်ဘာကလည်း အာဖဂန် နယ်ခြားစောင့် ရဲတဦးက နိုင်ငံအရှေ့ပိုင်းက လေ့ကျင့် သင်ကြားပေးမှုအတွင်း အမေရိကန် တပ်သား ၆ ဦးကို ပစ်သတ်ခဲ့ပါတယ်။
ပါကစ္စတန်နိုင်ငံ အနောက်မြောက်ပိုင်း နယ်စစ်မှာတော့ အာဖဂန်နဲ့ ပါကစ္စတန် လုံခြုံရေးတပ်တွေ ဟိုဘက်ဒီဘက် အပြန်အလှန် ပစ်ခတ်ကြတယ်လို့ ပါကစ္စတန် အရာရှိတွေက ပြောပါတယ်။ တောင် ဝါဇီရစ္စတန် ပြည်နယ်မှာ ဗုဒ္ဓဟူးနေ့က ဖြစ်ပွားတဲ့ ဒီတိုက်ပွဲငယ်တွေအတွင်း ပါကစ္စတန်ဘက်က တဦး သေဆုံးသွားပါတယ်။ အာဖဂန် တပ်ဖွဲ့တွေဘက်က စတင်ပစ်ခတ်တာ ဖြစ်တယ်လို့လည်း ဆိုပါတယ်Rest of your post

အပြည့်အစုံသတင်းဖတ်ရန်....

အမေရိကန်၏ မြန်မာအစိုးရနှင့် ဆက်ဆံရေးမူ မအောင်မြင်သေး

2011-04-27 RFA(ပေးပို့ သူ -ဗမာသွေး)
၂၀၀၈ခုနှစ်မှာ တက်လာတဲ့ အမေရိကန်သမတ အိုဘားမားအစိုးရက မြန်မာပြည်ဆိုင်ရာ အမေရိကန်ရဲ့မူဝါဒ အချို့ကို ပြောင်းလဲပြီး ထိတွေ့ဆက်ဆံရေးမူရော ပြစ်ဒဏ်ခတ် ပိတ်ဆို့ရေးမူကိုပါ တပြိုင်နက်တည်း သုံးခဲ့ရာမှာ အခုချိန်ထိတော့ ထိတွေ့ဆက်ဆံရေး မူဝါဒ အောင်မြင်မှု မရသေးဘူးလို့ ဧပြီ ၂၅ ရက်နေ့မှာ အမေရိကန် လက်ထောက် နိုင်ငံခြားရေး ဝန်ကြီး မစ္စတာ ကတ် ကင်းမ်ဘဲလ် ကိုယ်တိုင် ဝန်ခံပြောဆိုသွားပါတယ်။

ဒါပေမဲ့ အခုတက်လာတဲ့ မြန်မာအစိုးရသစ်ကို သူတို့အနေနဲ့ ကြိုက်သည်ဖြစ်စေ မကြိုက်သည်ဖြစ်စေ မြန်မာ့အရေးကို အောင်မြင်အောင် ဆက်လက် ဆောင်ရွက်သွားဖို့ ရှိတယ်လို့ အမေရိကန် ဒုလက်ထောက် နိုင်ငံခြားရေး ဝန်ကြီး မစ္စတာ ဂျိုးဆက်ဖ် ယွန် က အမေရိကန်နိုင်ငံခြားရေးဝန်ကြီးဌာနမှာ ပြသသွားတဲ့ Burma Soldier မှတ်တမ်းရုပ်ရှင်ပြပွဲ အပြီးမှာ ပြောကြားသွားပါတယ်။Rest of your post

အပြည့်အစုံသတင်းဖတ်ရန်....

သမ္မတမိန့်ခွန်း အကောင်အထည်ဖော်ဖို့ တိုင်းရင်းသား ၅ ပါတီ တောင်းဆို

By ဦးမိုးဇော် ဗုဒ္ဓဟူး, 27 ဧပြီ 2011(ပေးပို့ သူ -ဗမာသွေး)
၂၀၁၀ ရွေးကောက်ပွဲမှာ အနိုင်ရခဲ့တဲ့ တိုင်းရင်းသားပါတီ ၅ ပါတီရဲ့ ၂ ရက်ကြာ အစည်းအဝေးဟာ ဒီကနေ့ ပြီးဆုံးသွားခဲ့ပြီး နိုင်ငံရေး အပြောင်းအလဲတွေ ဖော်ဆောင်နိုင်ဖို့နဲ့ ဒေသတွင်း ဖွံ့ဖြိုးရေး လုပ်ငန်းတွေ ဆောင်ရွက်ဖို့အတွက် အချက် ၅ ချက် တင်ပြ တောင်းဆိုကြောင်း ဆုံးဖြတ်ခဲ့ကြပါတယ်။ ဒီအကြံပြု တောင်းဆိုချက်တွေဟာ မြန်မာပြည်ရဲ့ ပကတိ လိုအပ်ချက်တွေနဲ့လည်း ကိုက်ညီနေတာကြောင့် အစိုးရဘက်က အကောင်အထည် ဖော်မယ်လို့လည်း မျှော်လင့်ထားပါတယ်။ ဒီအကြောင်း အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

၂၀၁၀ ခုနှစ် ရွေးကောက်ပွဲမှာ အနိုင်ရခဲ့တဲ့ ဖလုံ-စဝေါ် ဒီမိုကရက်တစ်ပါတီ၊ ချင်းအမျိုးသားပါတီ၊ မွန် ဒေသလုံးဆိုင်ရာ ဒီမိုကရေစီ ပါတီ၊ ရခိုင်တိုင်းရင်းသားများ တိုးတက်ရေး ပါတီနဲ့ ရှမ်းတိုင်းရင်းသားများ ဒီမိုကရက်တစ် ပါတီတို့ ပါဝင်တဲ့ ၅ ပါတီ အစည်းအဝေးဟာ ဒီလ ၂၆ ရက်နေ့က စတင်ခဲ့ပြီး ဒီကနေ့ ၂၇ ရက်နေ့ ညနေပိုင်းမှာ ပြီးဆုံးသွားတာ ဖြစ်ပါတယ်။

ဒီအစည်းအဝေးအတွင်းမှာ လွှတ်တော်ကျင်းပစဉ်က ဆွေးနွေး တင်ပြခဲ့ကြတဲ့ အချက်တွေကို ပြန်လှန် သုံးသပ်ခဲ့ကြပြီး ၂၇ ရက်နေ့ ညနေပိုင်းမှာတော့ အစိုးရသစ်နဲ့ နိုင်ငံတကာ အသိုင်းအ၀ိုင်းကို အချက် ၅ ချက် တင်ပြ တောင်းဆိုခဲ့တယ်လို့ မွန်ဒေသလုံးဆိုင်ရာ ဒီမိုကရေစီ ပါတီရဲ့ ဥက္ကဋ္ဌ ဦးနိုင်ငွေသိမ်းက အခုလို ပြောပါတယ်။

“အဲဒီ ၅ ချက်က သမ္မတရဲ့ မိန့်ခွန်းကို ကြိုဆိုတယ်။ ဒါနဲ့ပတ်သက်ပြီးတော့ ဖြစ်အောင်လို့ လုပ်ပေးပါ ဆိုပြီးတော့ တောင်းဆိုထားတဲ့ သဘောရှိတယ်။ နံပါတ် ၂ က တိုင်းရင်းသားတွေ နေထိုင်တဲ့ နေရာမှာ ဖွံ့ဖြိုးမှုကတော့ တိုင်းဒေသကြီးမှာ နေတဲ့သူထက်ကို ခြားနားတာပေါ့။ အဲဒါကြောင့် တည်ငြိမ်အေးချမ်းမှု ရမယ်ဆိုရင်တော့ တိုးတက်လာမယ်ပေါ့။ ဒါကြောင့် တည်ငြိမ်အေးချမ်းမှုရအောင် တက်လာတဲ့ အစိုးရသစ်က ဖန်တီးပေးပါဆိုတဲ့ တချက်။

“နောက်တချက်က အမျိုးသား စည်းလုံးညီညွတ်ရေးနဲ့ ပတ်သက်ပြီး အထွေထွေ လွတ်ငြိမ်းချမ်းသာခွင့်ပေ့ါဗျာ။ ဒီအမိန့်ကို ထုတ်ပြန်ပေးပါ ဆိုပြီးတော့ ဒီလိုမျိုး တောင်းဆိုထားတဲ့ သဘောပါ။ နောက်တခါ နယ်စပ်ဒေသမှာ ဖွံ့ဖြိုးတိုးတက်ဖို့က နယ်စပ်ဒေသမှာရှိတဲ့ ပုဂ္ဂိုလ်ကို တာဝန်ပေးမယ်ဆို ဆောင်ရွက်ရတာ ပိုပြီးတော့ လွယ်ကူမယ်ဆိုတဲ့ အနေအထား။ နောက် တိုင်းရင်းသား ဒေသတွေမှာ နိမ့်ကျနေတဲ့ ပညာရေး၊ ကျန်းမာရေး၊ အခြားကဏ္ဍတွေ အတွက်ကတော့ လူသားချင်း စာနာတဲ့ အကူအညီကို ပိုမိုပေးဖို့ ဆိုပြီးတော့ နိုင်ငံတကာ မိသားစုကို မေတ္တာရပ်ခံပြီး တောင်းဆိုထားတယ်ပေါ့ဗျာ။”

ရခိုင်တိုင်းရင်းသားများ တိုးတက်ရေး ပါတီက အထွေထွေ အတွင်းရေးမှူး ဦးလှစောကတော့ မြန်မာနိုင်ငံမှာ တကယ်လိုအပ်နေတဲ့ အရာတွေကို အကျေအလည် ညှိနှိုင်းတိုင်ပင်ပြီး တောင်းဆိုထားတာ ဖြစ်တယ်လို့ ပြောပါတယ်။

“ကျနော်တို့ တောင်းဆိုတာတွေက ဗမာပြည်မှာ တကယ်ဖြစ်သင့်တဲ့ ဟာတွေပဲဗျ။ ဥပမာ General Amnesty ကို ကျနော်တို့ တောင်းဆိုတယ်။ ဒါကလည်း ဗမာပြည်မှာ တကယ် အမျိုးသား ချစ်ကြည်ရေးကို ရှေ့ရှုပြီးတော့ General Amnesty ကို အမြန်ဆုံး ဖော်ထုတ်ပေးဖို့ပဲ။ ထုတ်လည်း ထုတ်ပေးမယ်လို့ ကျနော်တို့ မျှော်လင့်ပါတယ်။

“နောက်တခုကလည်း ပြည်တွင်း ငြိမ်းချမ်းရေးကို မတည်ဆောက်နိုင်ဘဲနဲ့ ကျနော်တို့ တိုင်းရင်းသားတွေရဲ့ ဖွံ့ဖြိုးတိုးတက်မှုဆိုတာ ဘယ်လိုမှ မဖြစ်နိုင်ပါဘူး။ အဲတော့ ပြည်တွင်းငြိမ်းချမ်းရေး တည်ဆောက်ဖို့အတွက် တပ်မတော်ဘက်ကရော၊ တိုင်းရင်းသား အင်အားစုတွေ ဘက်ကရော လောလောဆယ်မှာ အပစ်အခတ် ရပ်စဲမယ် ဆိုရင်တော့ ပြည်သူတရပ်လုံးကတော့ တော်တော် ၀မ်းမြောက်ဝမ်းသာ ဖြစ်ကြမှာပဲ။ အဲဒါလည်း ဘာမှ မလိုက်လျောနိုင်စရာ မရှိပါဘူး။ ပြည်သူတရပ်လုံးကလည်း မျှော်လင့်တဲ့ကိစ္စ၊ တကယ့်ကို ဖြစ်နိုင်တဲ့၊ လက်တွေ့ကျတဲ့၊ ပြည်သူတရပ်လုံးလည်း မျှော်လင့်တဲ့၊ နိုင်ငံတကာမှာလည်း အင်မတန် မင်္ဂလာရမယ့် ကိစ္စပေါ့ဗျာ၊ ကျနော်တို့က တင်ပြတာပဲ ဖြစ်ပါတယ်ဗျာ။”

ဒီတောင်းဆိုချက်တွေ အပေါ်မှာတော့ အစိုးရက အကောင်အထည် ဖော်ပေးလိမ့်မယ်လို့ မျှော်လင့်ထားတယ်လို့ ဆိုပါတယ်။

တိုင်းရင်းသား မဟာမိတ် ၅ ပါတီဟာ လက်ရှိဖြစ်ပေါ်နေတဲ့ နိုင်ငံရေး အခြေအနေတွေကို လေ့လာဆန်းစစ်ပြီး အလားတူ အကြံပြုတာနဲ့ ဝေဖန်တာတွေကို ဆက်လက် ဆောင်ရွက်သွားမှာ ဖြစ်တယ်လို့ ဦးလှစောက ဆက်ပြောပါတယ်။

ကရင်၊ ချင်း၊ မွန်၊ ရခိုင်နဲ့ ရှမ်း စတဲ့ တိုင်းရင်းသားပါတီ ၅ ပါတီဟာ အရင်ကလည်း ဒု-သမ္မတ တနေရာကို တိုင်းရင်းသားခေါင်းဆောင် တဦးဦးကို ခန့်ထားဖို့ တောင်းဆိုခဲ့ရာမှာ သူတို့ တောင်းဆိုတဲ့အတိုင်း အောင်မြင်မှု ရခဲ့ဖူးပါတယ်။Rest of your post

အပြည့်အစုံသတင်းဖတ်ရန်....

ရက္ခအလင်းတန်း လျှို့ဝှက်စာစောင် ရခိုင်လူငယ်များဖြန့်ဝေ

2011-04-27 RFA(ပေးပို့ သူ -ဗမာသွေး)
ရခိုင်လူမျိုးတို့ရဲ့ အမျိုးဘာသာ သာသနာနဲ့ ယဉ်ကျေးမူ့ ဖော်ထုတ်ရေးနဲ့ တိုင်းရင်းသား လူထုတရပ်လုံး တန်းတူ အခွင့်အရေး ရရှိရေးတို့ အပါအဝင် အချက် ၇ ချက်ကို ရည်ရွယ်ပြီး ပထမဦးဆုံးအနေနဲ့ ရခိုင်ပြည်တွင်းမှာ လျှို့ဝှက်ထုတ်ဝေတဲ့ ရက္ခအလင်းတန်း စာစောင်ကို အခုအခါ ပြည်နယ် အတွင်းမှာ ဖြန့်ဝေနေတယ်လို့ သိရပါတယ်။

ရခိုင်စာပေနဲ့ ရေးသားထားတဲ့ အဲဒီစာစောင်မှာ ရခိုင်သမိုင်းနဲ့ ယဉ်ကျေးမှုရေးရာတွေ အပြင် ဒီမိုကရေစီအရေး၊ တိုင်းရင်းသားအရေးတွေကို ကဗျာတွေ၊ ဆောင်းပါးတွေနဲ့ ဖော်ပြထားပါတယ်။

အဲဒီစာစောင်ကို ဒီလကနေစပြီး လျှို့ဝှက်ပြီး လစဉ် ထုတ်ဝေ ဖြန့်ချိသွားမယ်လို့ ရက္ခိတ လူငယ်အဖွဲ့ဝင် အမျိုးသမီးတဦးက ပြောပါတယ်။

“တနင်္ဂနွေနေ့က စပြီးတော့ ကျွန်မတို့ ရခိုင်ပြည်ရဲ့ နယ်စပ် တောဖက်တွေပေါ့ ဖြန့်တယ်။ ကျွန်မတို့ ဒီ ရခိုင်ပြည်အတွင်းမှာ ရှိတဲ့ နယ်တွေပေါ့။ ဒီနှစ်ကျတော့ အီးမေးလ်ကနေပြီးတော့ ပြည်ပတွေကို ဖြန့်တယ်။ ပြည်ပရယ်၊ ပြီးတော့ mail account ပေးထားတဲ့ လူတွေကိုပေါ့။ အားလုံး လူတိုင်းလိုလိုက လက်ခံပါတယ်။ နောက်ထပ် စာစောင် ဘယ်တော့ ထွက်မလဲပဲ မေးကြပါတယ်။”

“အနှောင့်အယှက်ကတော့ မတွေ့ရသေးပါဘူး အခုလောလောဆယ်။ ဟုတ်ကဲ့ အန္တရာယ် ရှိနိုင်တဲ့ ကြားထဲကနေ ကြိုးပမ်းပြီးတော့ ဖြန့်နေတာပါ။ ကျွန်မတို့ ဘယ်လို ကြုံတွေ့ရမလဲ ဆိုတာတော့ မသိသေးဘူးပေါ့။”

အခုအထိ အဲဒီ စာစောင် ဖြန့်ဝေရာမှာ အနှောင့်အယှက် မတွေ့ရသေးကြောင်းနဲ့ ဘယ်လို အခက်အခဲရှိရှိ လစဉ်ထုတ်ဝေသွားဖို့ အတွက် ပြင်ဆင်ထားတဲ့အကြောင်း လူငယ် အမျိုးသမီးကပဲ ပြောပါတယ်။Rest of your post

အပြည့်အစုံသတင်းဖတ်ရန်....

သမ္မတ အကြံပေးအဖွဲ့ အသုံးချခံရဖွယ်ရှိ

By ဦးသားညွန့်ဦး အင်္ဂါ, 26 ဧပြီ 2011(ပေးပို့ သူ -ဗမာသွေး)
ပြည်ထောင်စု အစိုးရအဖွဲ့ ဥပဒေမှာ ပြဋ္ဌာန်းချက်နဲ့အညီ နိုင်ငံတော် သမ္မတက နိုင်ငံရေး၊ စီးပွားရေးနဲ့ ဥပဒေရေးရာ ကဏ္ဍ ၃ ခုအတွက် အဖွဲ့ဝင် ၉ ဦးပါ အကြံပေးအဖွဲ့ကို ဖွဲ့စည်းလိုက်တယ်လို့ တရားဝင် ထုတ်ပြန်ခဲ့ပါတယ်။ အခုလို အကြံပေးအဖွဲ့ ဖွဲ့လိုက်တယ် ဆိုတဲ့ ကိစ္စဟာ တကယ်တမ်း သူတို့ရဲ့ အကြံဉာဏ်တွေကို လိုချင်တာထက် လက်ရှိအစိုးရရဲ့ လိုအပ်ချက်တွေကို တာဝန်ပေး ခိုင်းစေလိုတဲ့ သဘောသာ ဖြစ်တယ်လို့ တပ်မတော် ထောက်လှမ်းရေးမှာ တာဝန်ယူခဲ့ဖူးတဲ့ ဗိုလ်မှူးဟောင်း ဦးအောင်လင်းထွဋ်က သုံးသပ်ပါတယ်။ သမ္မတရဲ့ အကြံပေးအဖွဲ့ ဖွဲ့စည်းတာနဲ့ ပတ်သက်လို့ရော ဒီအဖွဲ့မှာ ဦးဆောင် ပါဝင်သူတွေနဲ့ ပတ်သက်လို့ပါ ဦးအောင်လင်းထွဋ်ကို ကိုသားညွန့်ဦးက ဆက်သွယ်မေးမြန်းပြီး တင်ပြပေးထားပါတယ်။

သမ္မတ အကြံပေးအဖွဲ့ ဆိုပြီးတော့ အဓိက စီးပွားရေး၊ နိုင်ငံရေးနဲ့ ဥပဒေရေးရာဆိုပြီး အဖွဲ့ ၃ ဖွဲ့ ဖွဲ့ပါတယ်။ စုစုပေါင်း လူ ၉ ယောက် ပါပါတယ်။ အဲဒီတော့ ဒီအဖွဲ့ အခုလို ဖွဲ့စည်းလိုက်တာနဲ့ ပတ်သက်လို့ သူတို့ ဘယ်လိုစဉ်းစားချက်နဲ့ ဖွဲ့တယ်လို့ ထင်ပါသလဲ။ တချို့ အရပ်သားတွေလည်း ပါပါတယ်။

“ပါမောက္ခ ဦးမြင့်နဲ့ ပတ်သက်ပြီးတော့ သူက နိုင်ငံခြားမှာလည်း တော်တော်ကြာကြာ နေခဲ့တယ်၊ စီးပွားရေးကိစ္စ၊ နိုင်ငံရေး ကိစ္စတွေမှာလည်း သိတယ်၊ နောက် ကျနော်တို့ ပိုပြီးတော့ သိတာက ဒေါ်အောင်ဆန်းစုကြည်နဲ့ ရင်းနှီးကျွမ်းဝင်တဲ့ ပုဂ္ဂိုလ်လို့ သိပါတယ်။ ဒီအတွက်ကြောင့်လည်း ကျနော်တို့ မြန်မာပြည်မှာ ရှိစဉ်တုန်းကတော့ ပါမောက္ခ ဦးမြင့်က အစိုးရနဲ့ ဒေါ်အောင်ဆန်းစုကြည်ကြားမှာ ဆက်ဆံရေး အရာရှိ မဟုတ်ပေမဲ့ တဘက်စကား တဘက် အပြန်အလှန် ပြောခဲ့တာလေးတွေ၊ ပေးပို့ခဲ့တာလေးတွေတော့ ရှိခဲ့ဖူးပါတယ်။”

အခုလို ဒေါ်အောင်ဆန်းစုကြည်နဲ့လည်း ပုဂ္ဂိုလ်ရေးအရ ရင်းနှီးတယ်၊ အတိုက်အခံ အင်အားစုတွေ၊ နိုင်ငံခြား ပညာရှင်တွေနဲ့လည်း ရင်းနှီးတဲ့ ဒေါက်တာ ဦးမြင့်ကို စီးပွားရေး အကြံပေး ခေါင်းဆောင်အနေနဲ့ ထားတာ ဘယ်လိုထူးခြားချက်လို့ မြင်ပါလဲခင်ဗျ။

“အဓိကကတော့ အမေရိကားရယ်၊ ဥရောပနိုင်ငံတွေရယ် စီးပွားရေး Sanction ကို ကင်းလွတ်ခွင့် ပြုအောင်အတွက် ဦးမြင့်ကို တာဝန်ပေးတယ်လို့ ကျနော် မြင်ပါတယ်ခင်ဗျ။ ဘာဖြစ်လို့လဲဆိုတော့ ဦးမြင့်က အနောက်နိုင်ငံတွေနဲ့ ပတ်သက်ပြီးတော့ သူလည်း ကျွမ်းကျွမ်းဝင်ဝင် သိတဲ့သူ တယောက်ပါ။ ကြားထဲမှာလည်း ဆက်စပ်မှုတွေ ရှိကောင်း ရှိနိုင်ပါတယ်။ ဒီ့အတွက်ကြောင့်လည်း သူ့ကို ကြားခံပေါ့ Mediator သဘောမျိုး သုံးကောင်းလည်း သုံးနိုင်ပါတယ်။”

နိုင်ငံရေး အကြံပေးအဖွဲ့ ခေါင်းဆောင် ဦးကိုကိုလှိုင် အကြောင်းလည်း မေးချင်ပါတယ်။ ဦးကိုကိုလှိုင်ကို ဒီလိုနေရာမျိုး ထားရအောင် သူ့မှာ ဘယ်လောက်အထိ နိုင်ငံရေးနဲ့ ပတ်သက်လို့ အခြေခံ ဘယ်လောက်ရှိပါသလဲခင်ဗျ။

“ကိုကိုလှိုင်နဲ့ ပတ်သက်ပြီးတော့ ကျနော်တို့ ကျောင်းကတည်းက တွေ့ခဲ့ဖူးပါတယ်။ ကျနော့်အမြင် အတွေ့အကြုံနဲ့ ဗဟုသုတ အပိုင်းမှာတော့ ကျန်တဲ့ သဘာရင့်တဲ့ နိုင်ငံရေးသမားကြီး တယောက်တော့ မဟုတ်ဘူးခင်ဗျ။ သူ့မှာ တခုတော့ ရှိပါတယ်၊ စာဖတ်အားနဲ့ လေ့လာအားတော့ ရှိပါတယ်။ တချိန်က ကက(ကြည်း) သုတေသန ဆိုတာက နိုင်ငံတကာရဲ့ နိုင်ငံရေးကိစ္စတွေ၊ စစ်ရေးကိစ္စတွေကို စုံစမ်းလေ့လာ ပြုစုပြီးတော့မှ ကက(ကြည်း) ဗိုလ်ချုပ်ကြီးတွေကို တင်ပြရတဲ့ဌာန ဖြစ်ပါတယ်။

“အခုလည်း သူကိုယ်တိုင် ပြန်ကြားရေးဌာနမှာ တာဝန်ယူနေတာကို ကျနော်သိတယ်။ ဒီ့အပြင် ဘလော့ဂ်ဂါတွေပေါ့၊ ပိတောက်မြေတို့ ဘာတို့က ကိုကိုလှိုင်တို့ရဲ့ ပါဝင်ပတ်သက်မှုတွေ ရှိပါတယ်။ အဓိကအားဖြင့်တော့ တန်ပြန် နိုင်ငံရေးအန်တုမှု လုပ်ငန်းကို ဦးဆောင်ဦးရွက် လုပ်နေတဲ့ လူတယောက်တော့ ဖြစ်ပါတယ်။”

ရဲမှူးကြီး စစ်အေးနဲ့ ပတ်သက်လို့ရော၊ သူ့ကိုတော့ ဥပဒေအကြံပေးအဖွဲ့လို့ ပြောထားတော့ သူ့မှာ ဥပဒေနဲ့ ပတ်သက်လို့ရော ဘယ်လောက်အထိ Background ရှိပါသလဲ။

“ရဲမှူးကြီး စစ်အေးကတော့ ကျနော်သိသလောက် ဥပဒေနဲ့ ပတ်သက်ပြီးတော့ ဘွဲ့ရခဲ့ပါတယ်။ ရဲအရာရှိသင်တန်း အပတ်စဉ် ၁ က ဆင်းတဲ့ ပုဂ္ဂိုလ်ပါ။ ကျနော်တို့နဲ့ မူးယစ်ဆေးဝါးဆိုင်ရာ ကိစ္စတွေ လုပ်တဲ့အခါမှာ၊ ကျနော်တို့ ဖမ်းတဲ့ဆီးတဲ့အခါမှာ ရဲမှူးကြီး စစ်အေးတို့ အနေနဲ့ ဥပဒေအကြံပေး အနေနဲ့ လုပ်ခဲ့ ကိုင်ခဲ့တာ ရှိပါတယ်။”

ခုန ဦးအောင်လင်းထွဋ် ပြောပုံအရဆိုရင် ဒီအကြံပေးအဖွဲ့က ဦးဆောင်ပိုင်းတွေကို ကြည့်လိုက်တော့ သူတို့ရဲ့ လိုအပ်ချက်အရ ခေါ်ယူခန့်ထားတဲ့ သဘောမျိုး ဖြစ်နေတော့ တကယ်တမ်း သူတို့ကိုယ်ပိုင် သူတို့မှာ ရှိနေတဲ့ အကြံဉာဏ်တွေ ပေးရင်ရော နိုင်ငံတော် အစိုးရဘက်က လက်ခံမယ့် အနေအထားရော ရှိရဲ့လားခင်ဗျ။

“ကျနော့်အမြင် ပြောရရင် အကြံပေးလို့ သူတို့ သုံးဖို့ထက်စာရင် သူတို့ခိုင်းဖို့အတွက် ဒီအဖွဲ့ကို ဖွဲ့စည်းတယ်လို့ ကျနော် ထင်ပါတယ်။ သဘောက နိုင်ငံရေးအရဆိုရင် ကိုကိုလှိုင် မင်းလုပ်၊ စီးပွားရေးအရ ဆိုရင် ပါမောက္ခ ဦးမြင့်ကို တာဝန်ပေး၊ ဥပဒေရေးအရ ဆိုရင် ရဲမှူးကြီး စစ်အေးကို တာဝန်ပေး ဆိုပြီးတော့မှ ဒီအတွက်ကို သူတို့ ရည်ရွယ်ပြီး ဖွဲ့ပါလိမ့်မယ်။ ဒီလူ၊ ဒီပုဂ္ဂိုလ်တွေ ကိုကိုလှိုင်တို့၊ ဦးစစ်အေးတို့ အနေနဲ့ကတော့ သမ္မတကြီး ဦးသိန်းစိန်ကို အကြံပေးလောက်အောင်၊ အကြံပြုလောက်အောင် ရှိတဲ့ အရည်အချင်းတော့ သူတို့မှာ မရှိပါဘူးခင်ဗျ။”

ဗိုလ်မှူးဟောင်း ဦးအောင်လင်းထွဋ် သုံးသပ် ပြောဆိုသွားတာ ဖြစ်ပါတယ်။Rest of your post

အပြည့်အစုံသတင်းဖတ်ရန်....

 
----------------------------------------- */ /* EOT ----------------------------------------- */